رواية عشك الشيخ جاسر الفصل السادس عشر 16 - بقلم هجير الشتاء

شذر.المهم البنات يكشرن بصل وبتيته ل1 خلصن تكشير اجوا الولد واخذوا البصل والبتيته راحن سبحن لين صارت بيهن ريحه بصل المهم طبينه لديوان النساء اكو ملا تقرا ويلطمن النسوان والبنات فاتن يلطمن بالنص حالات شعرهن ويلطمن جان تجي علا وجرني كالت تعاي ويانه حلت شعري واخذتني الطم وياهن جانن يطفرن ومن سألت علا ليش يطفرن كالت هاي نسميهه دبجه يعني يدبجن المهم
كنت لابسه بنطال جينز ممزق اسود وتي شرت اسود بي رسمه كيتار شعري كان جديله (كصيبه) فمن فلته علا صار كيرلي المهم دخلت وياهم بالوسطه الطم كان من يطفرن وحده داست عرجلي قوي وجعتني انسحبت من يمهن رحت للصاله الخارجيه شفت رجلي مجروحه وديطلع منهه دم خفت منه لين عندي فوبيا من الدم واصلا قبل لا اساوي اي عمليه اشرب دوا هاص بهاي الحاله لهذه اكدر اساوي العمليه طبعا ماما وليث رفضوا انوا اصير دكتوره من وره الفوبيا الخاصه بالدم بس بابا رفض ومن اخذني للطبيب انطاني علاج وكال بابا
عمر .شذر حلمهه من صغرهه تصير دكتوره ومحأمنعهه من حلمهه ع مود شي بسيط
ناي.اي صير طبيبه اطفال او طبيبه كسور مو اله طبيبه جراحه
عمر.لا حلمهه وحاتحققه مثل ماتريد
عارضوا هواي بس نهايتهه داومت طبيبه جراحه بس كنت دائما اشرب دوا وين مروح وياي خاف اشوف دم المهم جنت ابجي وارجف من الدم وخايفه فجأه سمعت صوت جاسر يصيح عملك يريد دشداشه نضيفه صحت بصوت مسموع
جاسر فدوه تعال الحكلي

جاسر.اليوم العشره مال محرم الاولى جتي نطبخ قيمه ومن جنت اخوط القيمه طفر عله دشداشتي رحت للبيت حته ابدلهه صحت عملك حته تجي جيبلي وحده نضيفه ما تسمعني سمعت صوت شذرتي تبجي وترجف طبيت للصاله الخارجيه شفت اتباوع عرجلهه وترجف لكيتهه مجروحه رحت عليهه وكتلهه شبيج شذري حاجيني ما ترد بس ترجف رأستن اتصلت بليث وكتله يجيني للصاله عشر دقايق واجه من شاف شذر تخبل كال
ليث.شبيهه شصايرلهه شون نجرحت خرب احجي شبيك
جاسر.ما اعرف طبيت لكيتهه مجروحه وجاي ترجف
ليث.اوكف هسه اجي اجه وجان بيده كلاص مي طلع من جيبه شريط حب طلع وحده انطاهه لشذر وشريهه مي ما عرفت شنو هالحبايه كلت بعدين اسئله المهم شوي هدئت بس بعدهه تبجي بصمت راح جاب علبه الاسعافات الاوليه وبده يعقم بجرحهه لفا بشاش وراد يشيلهه كتله
جاسر.لتشيلهه اني اشيلهه
ليث.هههه مو وكت غيرتك تره
جاسر.معليك محد غيري يشيلهه
ليث.تفضل يابه معلينه شيل السونيورتا شذر
جاسر.هههه شلت شذر وديتهه لجناحي طفيت الضوه وغطيتهه وبدلت دشداشتي هم لين سالفه ملك خربانه المهم نزلت لليث وكتله احجيلي شبيهه حجالي عحالتهه شكد قويه رغم خوفهه من الدم بس تحملت عله مود حلمهه المهم طلعنه يم الولد ل3.46 دقيقه كمنه نوزع اكل كلت لملك تكعد شذر حته تاكل ربع ساعه ونزلن عمي عمر من شاف عيونهه وخشمهه حمر من البجي كال
عمر.شنو هاي باباتي شبيج ليش صايره حمره
شذر.هيي هييي هيي بابا رجلي نجرحت وطلع دم 😭😭جانت تبجي
عمر.يابعد روحي وهسه شونج خوما خفتي
شذر.اي خفت وهوايه هماتين
عمر.حبيبتي شربتي دوا
شذر.اي نطاني ليث دوا
عمر.ليث ليش ماكتلي ها جاوب
ليث.اسف بس ماردت تقلق لين اعرف حتضوج ع شذر او دريت
عمر.اخر مره تضم شي عني يخص شذر
ليث .حاضر
شذر.باباتي حبيبي لتضوج من ليث هوه عمود متضوج مكال حباب لتزعل
الجد وهو يدخل عله شنو يزعل
عمر.ولا شي بويه هيج
الجد.احجي عمر
عمر .مو شذر ......... وحجه كل سالفه
الجد وهو يبوس شذر.يابعد جدج شونج
شذر.هههه بخير جدو لتهتمون

جاسر مر الوكت ول6 وناس طشت لبيوتهه طبيت للبيت واسمع ساره تكل لشذري
ساره .هيو انتي يخدامه تعاي شيلي لكلاص من الكاع
شذر.احترمي نفسج ولتشبهيني بيج ماشي
ساره.لا والله انتي حقيره واهلج كلهم حقراء مثلج لين قبلوا تنخطبين لجاسر ياحقيره.
جاسر.اسمع واحس دم صعد راسي بس ماحبيت اتسرع سجلت صوت ساره من تحجي
شذر.احترمي نفسج حقيره ولتتكلمين بالسوء عن اهلي يسووج ويسوون راسج يا كلبه
ساره.اه ياحقيره انتي جلبه بت جلب ها وليش ما تغلطين علي مثل ما اغلط عليج
شذر.لين عيب اغلط ع اهلج واللي هم عمي وزوجته حرام علي اغلط عليهم وهم ممأذيني بكلمه اذا انتي ممحترمه اني محترمه ياخبيثه اما بالنسبه ليش والدي قبل انخطب لجاسر لين هو خوش رجال ومحترم وطيب والاهم انوا هو يحبني لا وكمان هو يعشقني وانتي محتكدرين تفرقين بيناتنا واني احبه لجاسر وهم حيكون زواجنه بعد ميخلص محرم لين حرام هسه ماشي يله جاو
جاسر.اسمعهه واني طاير من الفرح يعني هيه تحبني مثل ما احبهه ومن رادت تروح دخلت وكلت
جاسر.ساره شنو هالكلام
ساره بدموع تماسيح .هي هي هي معليه تكلي راح اصير شيخه واطردكم كلكم من القصر ومحد يضل هنا وادمر عيشتكم تصيرولي خدم
جاسر .راستن ضربتهه راشدي لأن تجذب عله شذري
شذر.يا جاسر شنو هاي شسويت تعال تعال اخذتني ورحنه لجناحي كبينه وسديت الباب
شذر.جاسر شون تساوي هيج ميصير
جاسر.تستاهل العار اول مره امد ايدي عله حرمه من وراهه تجذب عليج هالعايقه يله حبي نامي عله نا ابدل
شذر.اي بدل وتعال
جاسر .سبحت ولبست ملا بس نوم وطلعت لكيتهه كاعده وتفكر
جاسر.بشنو صافن الحلو
شذر.اريد حاجيك بموضوع مهم كلش كلش كلللش
جاسر.شنو الموضوع المهم لهألدرجه
شذر.اني موافقه نتزوج اني وانت لين مشاعرنا متبادله
حجيت بدون ما اخذ نفس بسرعه بسرعه وغطيت راسي ونمت
جاسر بفرح .اي يروحي صدك اني هم موافق بعد محرم بأسبوع خطبه وره شهر زواج
شذر.موافقه حبيبي
جاسر.شكلتي
شذر.موافقه
جاسر.الوراهه شنو
شذر.بخجل حبيبي
جاسر.افيش بويه سمعتهه كبل لا موت
شذر.شنو هالحجي جاسر ليش تزعلني اسم الله عليك
جاسر.هههه اموت بيح💏
شذر.بخجل باي انام تصبح عخير
جاسر.وانتي بالف خير شبكتهه ونمت ماكعدت اله ساعه 6 المغرب مالكيت شذري بدلت ونزلت جوه سلمت عليهم وكلت
جاسر.انتبهولي اريد اكول شي مهم
الكل.شنو هوه
جاسر.اني وشذر قررنه انسوي خطوبه وعقد سيد وره محرم بأسبوع وره شهر نزوج
الكل.الف مبروك منك مال ومنهه عيال ومن هالامور

شذر
مر شهرمحرم وخلص وكعدت من الصبح السوم العقد مالي اني وجاسر رحنه للصالون اني وملاك وملك وعلا ونيران وماما وساره لزكت روحهه ويانه شكد امقتهه (اكرهه)هالبنت
لبست

مكياجي

شعري

نيران

ملك

ملاك

ساره

وحطت مكياج هيه طلبته الضلال اصفر وبرتقالي واحمره برتقالي طلعت مخيفه وهيه سمره الوحيده محلوه ببيت جدو
المهم رجعنه للبيت اول مطبيت تلكونه بالهلاهل والجكليت
ام جاسر.كلللللللوووووششششش يوم الهنا نشاءالله طول التمر سوه
شذر.تسلميلي خاله
ام جاسر.كولي بعد يمه عوفي خاله
شذر.باوعت لماما خاف تضوج لين ابد مكايله الحد ماما غيرهه ابتسمت بوجهي وهزت راسهه كلت لخاله ام جاسر حاضر يمه
نص ساعه وكالوا الجه السيد خلي يعقدلهم كعدوني وره الباب حطوا 7 هيلات بأيدي وحطول شال ابيض مطرز بذهبي ع راسي وبي كتبات وحطوا رجليه بمي وبي ورد جوري احمر بده السيد يعقدلنه
السيد.شذر عمر حاتم هل تقبلين بالزواج من جاسر عباس حاتم
شذر.ردت اجاوب دنكت علا وكالت يكول 3 مرات يله توافقين هزيت راسي تادهه السيد 3 مرات بالثالثه جاوبت وكلت
شذر.نعم اقبل
ونوب سئل جاسر وهم وافق رجعت كعدت بمكاني وكالوا حيدخل العريس دخل جان لابس دشداشه بيضه وعبايه جوزي مخططه بذهبي وتكال وجماغ وتطره تارس الدنيا اباوع البنات اكلنه اكل ضجت بس بعدين كلت هيه بس هالمره حنعقد ليش اضوج نفسي اجه باس راسي وكعد يمي وكال
جاسر.اخخ بويه تدرين جنت اتمنه هاليوم من شهور واخيرا صرتي ملكي
شذر.ههه مبروك
جاسر.يبارك بيج
انطوا الذهب لجاسر وبده يلبسني وكل مالبسني قطعه باسني بركبتي وهنه يمولن بوسهه ولك بوسهه ولتخاف من امهه كلللووووششش
هههه لبسني جاسر ذهب ولنص ساعه طلع جاسر كومني اركص ركصت وياهن ول5 راحوا الناس لبيوتهم بدلت ولبست تراك سود ابيض مخطط بأحمر وشهري ساويته كبايه نزلت واجوا كلهم يباركولنه تعشيت وصعدت لجناح جاسر ب12 لين ميقبل انام اله يمه المهم مر الشهر واحنه نجهز بجهاز عرسي جبت دشاديش قطار تحت الكبه وفوك الركبه ملابس نوم سيتات نوم وتانك وشورت وبجامه حرير 5 واشتريت عطور ومكياج صارب440 لين احب مكياج وجبت صبغ اضافر وجنط احذيه ملابس طلعه فساتين بيت وفساتين طلعه وحفلات بناطير وتي شيرتات وقمصان وبوتات رياضيه بالوان مختلفه
حطيناهن بجنط لون وردي وبي شريط ابيض اجه يوم الحنه ولبست

مكياجي

طلعت حلوه هواي بدينه بالحفله لشويه وكالوا حيطب الهريس يحني عروسته طب جاسر لابس دشداشه نيلي ورافع شعره ليفوك طب باسني بخدي وحناني وحط فوك الحنه ليره ذهب ولبسني كف مال حنه شفاف احمر مطرز بذهبي هاي العادات هنا واني حنيت اصبع جاسر الصغير لشويه طلع جاسر ركصنه وتونسنه ل9 ورحت سبحت طبن نور وعلا وملك وملاك وايات بنت عمه امينه وجمانه بنت عمه امنيه كلت
شذر.خير شكو
علا .نرسملج حنه
شذر.ها اي يله بدن جمانه وعلا يرسمن بأيدي حنه وملك ونور اخذن رجليه يرسمن اما ملاك طلتت خطري ومعرف شرسمت بس دغدغ وبارده وهنه بس يضحكن علي هههه
ل1 غسلتهه جان لونهه صاير طوخ وقوي طلعت شوفتهن الحنه
شذر.ملاك شرسمتي ع خصري
ملاك .ههه رسمت رسمه وكتبت اسم جاسر حته يدوره بليلتكم الحمره
شذر.امداج قابل حنشعل ضو احمر شنو
البنات .ههههه
علا .شتعرفين عن الزواج
شذر.شوفي احنه مو زوجنه ويزفونه للغرفه ابدل ملابسي يجي جاسر يبدل ونصلي وندعي يصير عدنه طفل وراهه يبوسني من شفايفي ونضل ندعي الى ان يصير عندي حمل
البنات.😲😲😲
ملك .هههههههههههه اخ بطني شنو هاي يمه الحكيلي
هههههه
شذر.شبيج وسم
علا.اطلعن ملك وملاك وايات
البنات.نعرف احنه انتي علميهه هيه
علا.شنو منين تعرفن
ملك.صديقه النه باامدرسه زوجت وكالتلنه
علا.فلك صابجن انتن مدرسه وعرفتن وشذر طبيبه وماتعرف شوفي شذوره حبيبتي العلاقه الزوجيه مو مثل مفاهمه
شذر.لعد شون
علا.اسمعي^^^^^^^^^^هاي كلشي
شذر.😲😲يصيرما ازوج
علا.هههه لتخافين انتي بس اهدئي ومن يتقربلج جاسر رخي نفسج لتشنجين ﻻن هيجي حتتعورين اوكي
شذر.اوكي
شذر.نمت واني افكر بكلام علا السالفه تخوف كعدت ثاني يوم رحت للصالون لبست

مكياجي

تسريحه

لنص ساعه واجه جاسر ووراه كومه سيارات يطلعن ب56 سياره ويرمون طلق واكو مصور يصور كل شي و لشويه زفوني ليفوك كعني ع السرير وهم علمني اشياء جان تكول خاله ام جاسر
يمه حبيبتي شوفي اكو بالمجر وصله بيضه حطي بيهه النيشان خوش يمه
شذر.تمام يمه
شويه وطلعوا طب جاسر باسني براسي وكال
جاسر.يروحي كومي سبحي وبدلي ملابسج وتعاي
شذر.اوك كمت ذبيت بدله وسبحت لبست سيت نوم ابيض وفوكاه روب قصير للفخذ توضيت وطلعت
لبست احرام الصلاه صلينه اني وجاسر اجه جاسر اخذني عالجربايه راد يتقربلي وكتله طفي الضو
جاسر.ماشي حبيبتي
احه باسني بشفتي💏وووووو صرت مرتوا لجاسر قلبا وقالبا صرنه روحين بجسد واحد
جاسر.مبروك رويحتي
شذر.الله يبارك بيك سحب الوصله من المجر و اخذ الوصله اخذ دم شويه وسمعت صوت الطلق طبن ماما وام جاسر وجدتي وام ساره وعماتي3 باركولي لشويه اجه جاسر ترخصن وطلعن طب للخمام شويه واجه اخذني فتح مي بالبانيو كان دافي سبحني وسبح وطلعنه نمت بحضنه وهو يهمس بأذني بكلمات غزل وحب نمت واني فرحانه وما كنت متخيله انو فرحتي مدوم اكثر من اشهر

1658 كلمه دوسوا نجمه