رواية عشك الشيخ جاسر الفصل التاسع 9 - بقلم هجير الشتاء

شذر.مرت الايام واحنه ببيت جدو صار لنا شهرين هنا ارتاحينه هواي وتعلقنه بيهم بشكل
اليوم كعدت ب9 راح نروح للصالون اني ونور وام نور وملك وملاك
لبست هذه

ورحت للصالون وي نور بدت تمكيج ام الصالون بنور 3 ساعات خلصت المكياج والتسريحه لبست هذه البدله

هاي هديه من ليث وداهه توصيل من امريكا طلعت كلش حلوه مكياجهه هذه

تسريحه شعرهه

طلعت حلوه لكل ما للكلمه معنا
اجت الزفه واخذوا العروس رحت بسيارتي جنت لابسه هالفستان

مكياجي

طلع حلو ولايكلي هواي
رحنه زفيناهم وركص واغاني وصلنه للقصر وكعدنا نور بالكوشه مال عرسان وكام يركصن كبار واطفال اجت ملك جرتني اركص ما اعرف نفس ركصهم فلهذه ركصت عالركص اللي متعلمته ضلينه نغني ونركص نوب كام يصبون عشه كام ينطون للنسوان وياكلن حطن كدامي ماعون كبير وفوكاه رغيفين خبز رفعت الخبز انصدمت😱 موجود لحم احمر وتمن وروبه ولبن وببسي  كان دسم فمكدرت اكل يعني اكل كامل شفت مريه يمي ما جايبيلهه بعدهي يوزعون اخذت ماعوني نطيته الهه رحت للمطبخ اشوف شي اكله بس لكيته متروس نسوان ضجت اجتني علا كالت
علا.ها شذوره محتاجه شي
شذر.اممممم اﻷكل دسم ما اكدر اكله اولا ثانيا جوعانه وشوفي المطبخ اريد مكان هادئ اوك
علا .اها ماكو مكان اهدء من جناح جاسر وجناحج جناحج مابي مطبخ بس جناح جاسر بي وميقبل نروح جناحه
شذر.لعد شلون
علا.حاجي جاسر
شذر.اي بس ما عدي رقم مبايله
علا.هاج مبايلي
شذر.اي اخذت مبايل علا وتصلت مرتين يرفض وادك لحد مارد عليه عاط بيه
جاسر.ومرض مرضج علا ما تعرفين مشغول
شذر.اني شذر
جاسر.شذر شرايده بويه
شذر.جاسر جوعانه واريد اكل
جاسر.خرب غيرتهم ما نطوج هسه اجيبلج
شذر.لا لا اسمع........ وسولفتله كلشي
جاسر.ههههههه ليش تسئليني مسموحلج دخلين يمته ما تردين
شذر.شكرا باي احبك انت احسن ابن عم

جاسر .بتلكأ حاول يخفيه وكدر ها مشكوره بنت العم واني هم احبج
شذر.ههههه يله باي
شذر.اخذت علا ورحنه لجناح جاسر دورنه بثلاجه لكينه اكلات خفيفه مثل كبه برغل تكلاه وبورك وصاج وبينزا ولبن ببسي بركر بطاطا
علا.ممم شختاريتي ست شذر من اكل
شذر.والله اريد بركر واصابع بطاطا وهذي اشرتلهه ع اكله
علا .ها كبه برغل قصدج
شذر.مممممم
علا .ماشي تعاي ساعديني
شذر.ممم ها مو ماعرف اي شي
علا.هههه عادي بس حضري طاوله
شذر.اوك👍
شذر.حضرت طاوله موجوده بالمطبخ حطيت كلاصات للببسي واللبن ومواعين وخبز تلث ارباع ساعه خلصت علا طبخ الاكل كعدنه ناكل ساعه هيج وخلصنه اكل كتلهه
شذر.يله ننزل شبعت
علا.اوك 👍 يله ننزل
شذر.نزلنه ورحت بدلت ملابسي لين ضايقت بالفستان لبست

جبته من حضرنه نيشان نور اصرت اله اجيبه وشتريته كان مريح باللبس وغيرت مكياج وتسريحه شعري الى

تسريحه شعري

مكياج هادئ

طلع حلو عليه نزلت ليجوه اول ما شافني هلهلن
شذر.ههههشبيجن تهلهلن طبعا عرفت معنى هلهوله من علا
ام جاسر.اللهم صل على محمد وال محمد ولج طالعه كمر
شذر.تسلمين خاله عيونج الحلوه
ام جاسر فدوه الج بنيتي
شذر.مرت ساعتين ل9.34 وكالوا راح يزفون العريس
الجده .اي خيطب استرن روحجن كلهن لبسن عبايه وحجاب اله اني متعوده علبسي مهتميت كنت اصور بالكاميرا الخاصه مالتي اجوا عمامي وجدي اولاد عمي هماتين اجوا صعدوا علي ويزفونه لغرفته قبلهه جانن مصعدات نور فوك ما اعرف شيحاجنهه المهم زفوا علي ورحت نمت ل12 واسمع صوت طلق جنت لابسه شورت وكيمونه طلعت ركض اريد انزل شفت جاسر كدامي
شذر.جاسر شكو شصار شهالصوت
جاسر.هه شبيج بويه بس علي اخذ مرته
شذر.يا وين ماخذهه
جاسر.شنو يعني
شذر.غير انت كلت اخذهه اني جاي اسئلك وين
جاسر.هههههههههاي اخ يابه بطني متعرفين يعني
شذر.بغباء اي ما اعرف
جاسر.اخخخ بطني اعوفج واروح احسن لي وروحي نامي علي اخذ نور للحديقه
شذر.كول من البدايه يله باي
جاسر.باي
شذر.رحت لغرفتي جنت احس راسي حينفجر من صوت الاغاني ارد انام ماكو شربت منوم ونمت

😍😍😍😍😍😍😍😍😍😍😍😍😍
جاسر.كاعد من الفجر صليت ونزلت ليجوه احضر وي الولد للعرس ل1 رحنه اخذنه علي للحديقه زينله هاي عاداتنه اخوان العريس وولد عمه يزينونه ويحضروه لعرسه المهم زيناه واخذناه لغرفته طب سبح وطلع لبسناه دشداشه بيضه وعكال وعبايه شيوخ ورشيناله عطر ولبسنله ساعه اطيناه سبحه مالته ورحنه نزلناه للديوان كعدناه يم جدي ورحت سبحت ولبست دشداشه نيلي جماغ وعكال وعبايه وسلاحي يعني روتيني لعادي نزلت جوه ونستقبل بالضيوف كعدوا بالديوان رحنه نجيب العروس زفتهه صارت من الصالون اخذناهن واني شوف شذرتي شطالعه جنهه ملاك بالأحمر اخذناهن للبيت وزفيناهم نوب صار وكت العشه صبينه العشه الهم وللنسوان وشويه حاجتني شذري تريد اكل تخبلت عليهه ليش ما مطينهه اكل نوب حجتلي ليش مماكله خليتهه تروح بجناحي تاكل طبعا اكو كامرات مخفيه بجناحي ابليس ما يلكاهن فتحت مبايلي لين رابطهن عالمبايل واشوفهه شسوي اكلت وشويه نزلن ليجوه ردنه نزف علي طيناهن خبر طبست وشفت كتكوتي شلابسه طالعه حلوه بنيتي ههه لو تشوف الألقاب المطلعهن الهه تكتلني تكره احد يكلهه غير بأسمهه
المهم زفيناهم وره شويه طانه علي نيشان مرته اخذهه وصارت مرته رمينه بالجو صعدت لجناحي لاكيت شذر كبالي ورثت من الغضب من وره لبسهه بس مابينت لين اريد اعلقه بيه وتحبني سألتني عالرمي ومتت ضحك عليهه رغم دكتوره بس ما مطرقه لهالموضوع ضحكتني رحت نمت
وكعدت ثاني يوم روتين عادي سوو حفله سبعه لنور وركص اباوع لبنيتي طالعه حلوه سمعت مريه تحجي وي جديتي تخطبهه لبنهه ورثت نار طلعت وكلت خلص اليوم اكلهه على حبي ولازم انهي هالموضوع ان قبلت خير عله خير واذا ما قبلت انهي عليهه واصيرالي مصيرهه بغرفتي وحضني وجيبلي ابني شيخ المستقبل صكر