رواية عشق الشيخ صخر الفصل الثاني عشر 12 - بقلم زَيۧنۨب🐼

كتلة هنيال التاخذك باوع ♥️
عليه و كال لا چا صدك هنيالچ.!
،
شمس-ههه حضنتة حيل اممم
ازل-ولج شمس وي… احم احم
شمس-بسرعة وخرت من عندة وكمت اعدل بشالي
ضاري-هاا شكو قاطعتينا
ازل-اووف نعتذر عيني  😑
شمس-هههه يلا امشو دخلنا لكيت رشا حاطة رجل ع رجل ودكلب بتلفون  عابت من سمعت صوت ضاري رفعت راسها وسلمت بمياعة
رشا-هلاو ضاري اشلونك عاش من شافك
ضاري-هلا بت العم بخير وانتي
رشا-دومك اني  الحمدالله 
شمس-راد يحجي بس لزمت ايدة وعصرتها بوعت عليها وحجيت حبيبي ضاري متغدي لو اسويلك غدة بدلع حسيتا اتفاجئ بس عرف ضحك
ضاري-لا حبيبتي متغدي
شمس-حسيت بيها ضاجت وراح تنفجر من الغيرة هههه خل تحترك مليقة اباوع ع ازل خربانة ضحك خزرتها وسكتت
………………………………………………
ترتيل-رتبت البيت وضليت كاعدة اكلب بتلفون سمعت صوت سيارة اجة شاهين
شاهين. ترتيل
ترتيل-هااا
شاهين-حضريلي ملابسي اريد اسبح
ترتيل-اي صعدت حضرتلة ملابسة هو دخل يسبح واني نزلت احضرة الغدة سبح ونزل جان لابس اتراك زيتوني ومزين شعرة وحاط العطر الحبة طالع يخبل اووف
شاهين-ترتيل حضريلي جنطتي العسكرية اليوم وحطيلي بيها اربعة بدلات عسكرية وملابسي البقية
ترتيل-هااه كلبي نقبض ليش وين اتروح
شاهين-ههه اشبيج اصفريتي طلعت نقلتي بلموصل
ترتيل-شنوو وليش??
شاهين-شنو ليش طلع اسمي ورايح اقاتل يعني موجديد الشيء
ترتيل-لا عفية شاهين لاتروح والله خطر عليك مااشفت الاخبار انت
شاهين-اشبيج ترتيل لاتخافين ارجع قطعة وحدة
ترتيل-نزلت ادموعي ليش اتروح
شاهين-ولج اشبيج غير ه̷̷َـَْـُذآ واجبي خوما ابطل مااروح واشرد من الجيش تقدم عليها وحضنها اششش لا تبجين. راح تموتيني هسة وانتي ليش تبجين ماتردين تخلصين مِڼـّي مشبعج كفخات
ترتيل-هزيت راسي لا ودموعي عشرة عشرة
شاهين -يلا كافي تعاي ناكل بحتساب اخير يوم ناكل سوية اني وياج.
ترتيل-عفية شاهين لا تحجي هيج والله اخاف
شاهين-لا ماكو شيء صبيلنا خل ناكل
ترتيل-اي صبيتلة غدة ضل ياكل واني ابوع علية والله مابية افراكة شكد احبة رغم اسلوبة هذا بس ايضل حبيبي وزوجي ضليت اتامل شكلة اريد اشبع منة قبل لا يروح لان ادري بي راح يطول يلا يجي اووف 
………………………………………………………………
دخلت للغرفة غيرت ملابسي ونشفت شعري طلعت تلكاني هو نازل
صخر_هااا وين نازلة باردة ردي نامي
عشق_بس خاف خالتي تحتاج شي
صخر_لا ردي باردة تروحين تتمرضين
عشق_ابتسمت ع خوفة وحرصة علية ماشي راح ارد انام  اتقرب علية وفرك ع راسي
صخر_عفية بطفلتي
عشق^_^
.......................................................
شاهين_ترتيل حضري عشاء اليوم يجي ذياب يمنة حتى يوصلني للفوج باليل اطلع واجيب لو امي لو ازل يمج
ترتيل_ نعصر كلبي من روحة هزيت راسي
شاهين_ يلا اني اروح البيتنا
ترتيل_اي راح شاهين ضليت وحدي للبيت  كمت  رتبت البيت وسويت  العشة وأنتي الغصة بكلبي هل مرة مامرتاحة الروحتا ابد خاصة بهاي الأوضاع الأمنية خطرة
...................
شاهين_رحت البيت اهلي لكيت  كلهم موجودين 
شاهين_مسأكم الله بالخير
الله بالخير
شاهين_اشلونج شمس
شمس%الحمدالله انت اشلونك ترتيل اشلونها ليش ماجبتها وياك
شاهين_ بخير الحمدالله لا راح يجينا خطار اليوم واجيت اخذ امي لو ازل يمها
شمس_ليش انت وين اتروح
شاهين_راح التحق الموصل اليوم بليل
__شهكت ازل يمة وليش اتروح وابوية يدري
شاهين_اي اجيت اكلة هو وين
ازل _بالستقبال هو وضاري
شاهين_دخلت سلمت ع ضاري وابوية و بين انو ضاري حاجي الأبوية
ابوشاهين_صحيح السمعتا طالعة نقلتك للموصل
شاهين_اي صح
كام ابو شاهين حضن ابنة الله وياك ارجعلنا سالم
شاهين_ان شاء الله
سلمت ع امي
شاهين-ازل حضري نفسج اتروحين وياي للبيت
ازل-بس شاهين يمنة خطار مااكدر اخذ امي وياك
شاهين -ماشي امي وين يلا يمة نمشي
ام شاهين -اي
………………………………………………………………
عشق-كعدت البليل ع صوت خالتي ام صخر وهي تصيحني
عشق-يي خالة اﭑجـٰ̲ـٰيـ̷ۛۛــت
ام صخر-يلا بنتي صبيت عشة
عشق-نزلت جو لكيت الكل كاعد ع سفرة سلمت وكعدت طبعا اكبال صخر المكاني الدائم صرت شكد احب اهتمامة بية وخوفة علية وبطل خوفي شوية منة مقل قبل بس من يـٓﺻير عصبي كلها تخاف منة مو بس اني
فهد-عشق كومي جيبلي شوية ملح
عشق-اي كمت جبت للفهد ملح وشفت الجو نفسيتة بس صار هواة كلش عالي والجو اظلم فرد نوب وبرق صار يمة شكد اخاف ‏​‏​منـِْه اطيت الفهد الملح شلتة ردت احطلة فوك ماعونة جان توكع صركاعة قوية عاااا عطت وكعت مملحة من ايدي بس كلها كامت تضحك علية وهنا صرت بهدومي مْْـٍن الفشلة
فهد-بووم ههههه خوافة امداج عمرج18 سنة وتخافين من الصركاعة
عشق-شبيك رحت كعدت بمكاني دنكت ع الاكل رفعت راسي لكيت صخر يباوع علية ضحك ودنك اووف ضحكتة شكد حلو من ايكون هادئ بس زعلت ليش معتبريني صغيرة بطلت اكل كمت
عيدان -هاا عشق يبعد جدج ليش كمتي خاف زعلتي من حجي فهد
عشق-لا جدي بس ماجوعانة ضليت ڪاعدة خلصوو اكل شلت ماعين غسلتهن وكعدت ضليت كاعدة يم خالتي ام صخر نسولف اني وياهة الان هما راحو للديوان صارت الساع انام

صعدت انام دخلت للغرفة ذبيت نفسي ع الجرباية وضليت • افـﹷٰﹻڪـٰر بحياتي ومستقبلي ردت اغفة ﻋﹻٰ۫ـﯿﹻۧني  ماخذت نوم ضليت كاعدة وابوع ع الشباك الي بس برق وصوت الرعد صرت مثل الطفلة ءَان̲ا اشوف الضوء اني اغطي نفسي واسد اذاني لان مامتعودة هيج جنت من تمطر او ايصير رعيد قوي انضل اني وشمس نايمين سوية وحدة تواسي الاخ بس هسة وحدي يااا وينج شمس اهى،اني كلش اخاف من هيج يصير الجو اي ايكلولي عمرج 18 مو لآزٍمٍ تخافين وانتي مو زعطوط بس الخوف بكل العمر ايصير واني كلش جبانة وخوافة اهواي
………………………………………………………………
ترتيل-سويت عشة وحضرتة وكعدت انتضرهم اجة شاهين هو وعمتي
ام شاهين-اشلونج ترتيل بنتي
ترتيل-هلاو عمة الحمدالله انتي اشلونج
ام شاهين-بخير الحمدالله
ترتيل-عمة  كولي الشاهين لايروح شو اني مامطمنة الروحتا ابد
ام شاهين -لاتحجين هيج ادعي يرجع بسلامة الله كريم
ترتيل-الله كريم
اجة ذياب سلم علينة اني وعمتي صبيت العشة وتعشو واني طول هاي الفترة مامرتاحة ابد
شاهين-ترتيل كومي وياي حضريلي ملابسي حتى اروح
ترتيل-هزيت راسي وصعدت وراة
شاهين-حطيلي بدلتي العسكرية الزيتونية خل الابسها وبيرتي وغراضي حطيتيهن بالجنطة
ترتيل-اي طلعتة البدلة عسكرية صل يلبس بيها طلعت غراضة وحطيتهن ببلجنطة وابوع علية ياربي شكد حلوو بالبدلة العسكرية صرت غصة بكلبي واني راح افاركة كل هاي الايام والله صعبة اشوفين حبيبج او زوجج ايروح المكان خطر وانتي اضلين وتفاركينة اووف ياربي لاتحرمني منة امين ياربي
شاهين-ترتيل وين صافنة
ترتيل-لا ماصافنة وياك كول محتاج شي هاي الغراض ورتبتهن بالجنطة وطلعتلك افلوس
شاهين-اي يلا اني نازل
ترتيل-شاهين التفت علية هاا ايصير احضنك قبل لاتروح شفتة بتسم فتحلي ادية رحت حضنتة قوي مااريد اتيهة بادلني الحضن دقايق وخر كالي راح اتاخر هزيت راسي نزلنا اني وياة لكيت ذياب ينتضرة سلم ع امة وباس راسها اجة علية
شاهين-ترتيل مااوصيج طلعة مطلعين الا تخابريني واذا طلعين روحي بس البيت اهلي مكياج ماكو لبس كصيف ماكو ايهم ممنوع تلتقين بي ابد خااف ااغيب اهواي يمـ̷ٰۛــڪـن اكثر من 10ايام   او ماارجع كلشي ايصير التزمي بيهن ختم كلامة باسني من راسة راح اشتاقلج عافني وصعد بسيارة ضلت ادموعي تنزل بحرارة ع خدي جبت عمتي مااي وراهم دخلنا للبيت بسرعة رحت الغرفتي ابجي مامتعودة ايروح صح هو مامتواجد اهواي بلبيت بس ابد ميغيب ماتحمل ايغيب10 واني اعرف الوضاع موزينة وكلش خطرة وخاصة من كلامة احسة بعد مايرجع ياربي ياربي رجعلية سالم
شاهين-طلعت من البيت اني وذياب وصلني للحدود يم الموصل
ذياب-حضنتة قوي رجعلنة سالم ابو الاسد لاتتاخر بنتظارك دير بالك ع نفسك،
شاهين!-حصنتة ان شاء الله يـًٍلا ارجع راح تتاخر وانت هم دير بالك ع نفسك وع اهلي هم
ذياب-لا تحسيني بكلامك انك ماترجع بعد ان شاء الله ترجع سالم الاهلك
شاهين-ان شاء الله يلا مودع بالله ركب سيارتة ومشة رحت شلت غراضي وصلت للفوج لكيت النقيب سلمت علية ودلاني ع مكان التواجد بي وع الجنود البقيادتي،
………………………………………………………………
صخر-فضت الطلابة بين العشرتين كوة يلا حليناها والجو منا فردنوب صار هواء عالي ومطر غزير وصركاعة اوكعت بستانة خفت ع طفلتي اهواي  دخلت للبيت تُعباُنٌ وراسي مسطور  صعدت سمعت صوت بجي من الغرفة فتحتها صحت عشق عشق فتحت الضواء اتقربت عليها شفتها صايرة حمرة من البجي وصوتها مبوح من البجي شبيج عشق حضنتني وحجت بصوتها مبوح من البجي صخر
عشق- اخافف اهئ
صخر-ضحكت ع طفلتي التخاف من صركاعة وابرق حجت اشبيج تخافين من صركاعة وكعت بعيد منا صار ضوء ع شباك وصار وراة صوت قوي هي فزت وحضنتني قوي صخر اخااف
ههههه اشبيج ماكو شي
عشق-اهئ اهئ اريد امي وين ذياب شو مااجة عفية راح اموت من الخوف
صخر-حضنتها حيل مااخليها تـٰﺣـٰتـٰاج ٰالاحد واني موجود اريد اصير كلشي بنسبة الها ابو ومها واخوها مااريد احد يحضنها ويوسد ع راسها غيري انا هي طفلتي ومحبوبتي وعشكي هي عشق الشيخ صخر اسمت باسمي تمدت بصفها وجريتها علية وحضنتها قوي جلبت بية وخلت راسها يم ركبتي وصار نفسها يضرب بوجهي حركتها ماخلت عقل براسي غطيتها واني اوسد ع راسها والعب بخصلات شعرها الحرير افيش يريحتج اترد الروح،
………………………………………………

شمس-تعشينا وخلصنا وضلينا اني وازل  انسولف ونضحك ع رشا البس تنبص براسي اكلت راسي بحجيها صارت الساعة 11 كمنا انام فرشنا بغرفة ازل اني جوة بلكاع ورشا وازل ع سرير لان ماقبلت ست رشا تنام وحدها عاد اني نمت
ازل-رشا عليج الماي اجيبي من المطبخ يلا اني وشمس فرشنا
رشا-اووي ازل مابية انز اني مو خطار اشلون ادكليلي كومي هاا
شمس-اووف لاتبجين ٲٍنٍـي راح »انزل اجيب امري للالله نزلت للمطبخ واني رجلية وحدة اطخ بلوحدة من الخوف يمة البيت محد بي بس احنا البنات و عمو قاسم رحت للمطبخ فتحت الثلاجة اخذت ماي جااي امشي جان عثرت وكعت مااحس غير احد لزمني التفت جان اشوف…
…………………………………………
صباح الحب والفل والياسمين
بارت لعيونكم

لاتنسون متابعة حسابي

ذياب