رواية عشق الشيخ الفصل الرابع عشر 14 - بقلم الكاتبة اية عبد الرحمن

نور: رجعت لبيت بعد ماهو وصلني دخلت لكيت الاضوية مفتوحة اكيد كاعدين اهلي مسحت دموعي وعدلت شالي وملابسي ودخلت الكل وكف استلموني بالعياط

احمد: هلااا والله واخييير. اجيييت ولللج وين جنتي من تلاثة الظهرر وياة مقتدى كوووليي احجيي

نور: ماتحمل اهلي يرزلوني ماكدر اباوع بعيونهة احس نفسي مذنبة منزلة راسي وابجي من كال جنتي وياة مقتدى انصدمت اذكرت كلام صكر ..... لالا مو وياة مقتدى اني بس تيهت بالبستان لان جبيرى

صلاح: وانتيي اول مرة تروحيين حتى تيهين هااا

احمد: ويننن جنتتي احجيي احد لمسج احد سوالج شي كوووليي

ابو احمد: احمدددد مدتشوف حالة اختك اشبيييك تصيح

احمد: اصيح. متسئلهة تكللهة بيااا........(كلمة محلوة اهنا كالهة ماكدر اكتبهة افهموهة انتو تبدي بالكاف) جااانت

ابو احمد: احمددددددد سد حلكك ولتخليني امد ايدي عللليك

نور: شفت ابوية اشر لامي

ابو احمد : عيني ام احمد اخذيهة شوفيهة فحصيهة

نور: شنو شنوو تفحصني ليش ماعندكم ثقة بيةة اشبيكم

احمد: صوووتج لاااخلص عليج يمة اخذيهة

نور : مقبلت اروح وياة امي

ام احمد: امشي يمة لتخافين ماسويلج شي بس امشي

نور: مااااورح هلى جثتي

احمد: لازم مسويتهة وتخافين

ابو احمد: احمدددد لتحجي هيج وياة اختك

احمد: اخاااف علليهة من الهوااء هاي مو بنتك الك هاي بنتي اني همم وامن حقي هم اخااف عليهة

ابو احمد: احمدددددد احتراممم ولترفع صوتتك علية اني ابوووك لتنسى

احمد: اسف اسف حطيت ايدي على راسي. تروحين لووو لااا

نور: هزيت براسي بمعنى لا

احمد: اوك متجين الا بالعين الحمرة شلتهة وديتهة لغرفة امي تركض وراية وابوية وصلاح يكلولي انزلهة واعوفهة شمرتهة على جرباية وقفلت الباب طلعت حبال وربطتهة فتح الباب يممة دخلي كشفي عنهة

ام احمد: ولك هاي سواية سويهة

نوور: بس ابجي لااكدر احجي لا شي بس ابجي

ام احمد: دخلت على نور وشفتهة الحمدلله حمدت اللة وشكرتة محد لامسهة كومي يمة كومي لبسي ملابسج وروحي سبحي بين ماسويلج لكمة تاكليهة

نور: ظليت ابجي اوف ليش هيج ميثقون بيةةة ليش. طبعا امي دكتورة ابوية ازوجهة وهي مخلصة كليتهة بس متعينت لان ظروف متسمح تتوظف لبست ملابس وامسح بدموعي دفتح الباب سمعت احمد يكول

احمد: الحمدلله والشكر والله لو احد لامسهة والله لموتهة واخلص من عارهة

نور: من سمعت هييج حسيت كلبي اشتعل ناار كمت ابجي اكثر انقهرت كولش عود هاذا اخووية ابجي واحجي وياة نفسيي كلللة بسبببة الللة ينتقم منك يااصكر لو عايفني امووت ولا ماخذني لكوخ زين احمد يكول لو احد لامسهة اموتة لو يدري صكر باسني واتقرب مني اكثر من مرةة اووووف الللة ياخذك اشكددد اكرررهك من دخلت لحياة لهسةة واني مشفت خيير من وراك

ام احمد: ها يمة بدلتي اطلعي اتعشي وبعدين سبحي. محجيت شي رحت سبحت ونمت بدون عشة لان راسي حينفجر عيوني ورمن بشكل كعدت على ايد تمسح على راسي لزمت هل ايد عرفتة احمد وخرتهة دكوم لزمني

احمد: اسف نور والله اسف بس اني اخوج وابوج وكوولش اخااف عليج والله اخااف

نور: عوفني احمد

احمد: نوور والله اخاف عليج لو انتي بمكان جان شسويتي متاكد تسوين واكثر مني هم ولج انتيي بنيتيي اني ربيتج موو ابوج خلليهة ببالج واخاف عليج اكثر من ما اخاف على نفسي والله

نور: فرضا لو احد اغتصبني وخسرت اغلى شي انت حتكوول انتي السبب وحتكتلللنيي ساعتهةة حتى تتخلص من عاااري موووو

احمد: نور اسم الله عليج شحدة لي يسوي هيج وبعدين منو كلج اكتللج اني ماكدر بدونج وانتي تكليلي تكتللني

نور: لتكذبب البارحة سمعتك بذنييي تكللهم لو صدوك تحد لامسهة اكتلهة انتتت كلتت تموتني موو

احمد: اي صح كلت كلللت بس جنت عصبييي ومن الشخص يعصبب ويفقد اعصابة ميدري شكول نور اسف والله اسف شسويلج حتى تررضين جبتلج شي يجوز يعجبج ويجوز لاا

نور: وشنوو هل شي

احمد: الكلام لي حجيتة كلة مهتميتي الة اهتميتي لشي

نور: هسة تكلي لو لا

احمد: اي اي. جبتلهة بزونة وحلوياات لي تحبهن البزونة دوم تكلي جيبلي بزونة واني انسى

نور: من جابلي البزونة والحلويات فرررحت كوولش نسيت ابو الزعل 😂 بسرعة طلعتهة من القفص وظليت العب وياهة

احمد: مالي شي قبل ماروح

نور: ترةةة مرضيت

احمد: لعد جيبيهن من ترضين اخذيهن

نور: لالا جذب اشاقة وياك بستة من خدة

احمد: هسة تمااام محتاجة شي قبل لااروح

نور: سلامتك طلع ورد رجع احمد

احمد: صدوك نور حيجون بيت الشيخ اليوم جهزي نفسج

نور : اووف يعني صدوووك سويت نفسي مادري شنوو ليش يجون شيسون

احمد: الشيخة رايدتج لشيخ صكر

نور:....... محجيت شي

احمد: نور خيتي حبيبتي اخاف ماكدر احجي وياج كدامهم من هسة.اذا متريدين هل زواج كوليي تمااام انتي ممجبورة عللية ولي يجبرج حسابة وياية

نور: اووف ياخوية اشلون اكلك اني كلة مجبورة عليةة ااخخخ اشكد اكرهك ياصكرر اللة ميقرضك وارتااح منك

اكلك صدوك احمد

احمد: ها بنيتي كولي

نور: شنو كتلي البارحه جنتي وياة مقتدى ليش مقتدى وين

احمد : مقتدى من البارحة ب3 الظهر هو مختفي لاحس ولاخبر اهلة كلبو المنطقةكلهة ملكوو يلة انتي كملي اكل وعوفي البزونة وجهزي نفسج اليوم تمام

نور: اووف حبيبي وينك اشتاقيتلك والله احبة احببة شسويي

تمام تمام خوية طلع وعافني ظليت ابجي على مقتدى احببة صح هو اذاني هواي واعرف هو ميحبني بس شسوووي احببة.اووف ياللة اليوم هو اليوم لي حصير زوجة لظااالم والحيوان اخخخ ياصكر لو القتل حلال جانت كتلك وخلصت منننك.ربي فدووة خلصني منةة ماااريدة ماريدة اكرررهة ظليت احجي وياة نفسي دكوم اجهز نفسي لدمااري ولمووتي همم اجتي زمرد

زمرد: ......... يتبع

التصويت لتنسوو عيوني..

بقلم الكاتبه
اية عبدالرحمن.