صكر: كلت لاهلي وجبنة السيد ورحنة لبيتهم حتى الذهب اشتريتة بس جنت خايف تعاند ومتوافق وساعتة اذا صدوك عاندت حلفت والله اذيهة اسوي كولشي حتى اتصير الي من اجتني امي وكالت وافقت كوولش فرحت مدري شصاري ردت اركص من الفرحة ( جديات والله تخبلت الحمدلله والشكر وافقت)
الشيخة: يمة اشوية ونعقدلكم حتى بعدين تلبس الذهب لمريتك
صكر: يمة هو احنة جاهزين بس كولي
الشيخة: شجاك يمة عود اكول عليك الثكيل اثكل اثكل انت الشيخ ممصدك حتزوج والله ياللة
صكر: خرب حضي اخخخ منج نور تستاهلين بلة امي تكلي اثكل انييي الثكيل امي تكلي هيج خرب بحضي حاضر حاضر يمة تدللين
الشيخة: اي اروح انطي خبر لبنية تجهز نفسهة حتى يدخل الشيخ يشوفهة
صكر: تمام يمة يلة رايح اترخص
الشيخة: غالي وليدي
ام احمد: هلاشيخة
الشيخة: هلابيج حبيبة يلة جهزية خلي تلبس شي حيدخل السيد يعقدلهم
ام احمد: اي انشاءلله ادللي شيخة ثواني وتجهز بس تحط شال
نور: زمرد خايفة والله اشلون حعيش وياة هل حية لكبالي مها واشلون حعيش وياة وحش
زمرد: ولج والله صكر وردة مال اللة بس لتعاندينة وتعصبي ولج كلبة فد طيب وردة والله العظيم اما على مها اني يمج لتخافين والله اذا سوتلج شي بيهة ادفنهة لتخافين منهة هل بوخة بس تهدد
نور: يروحي فديتج متقصرين
زمرد: يمة كليبي انتي
نور: زمرد ماعدهة خوات ولااخوان كضت طفولتهة وياية وبيتنة هم كولش احبببهة روحيي هي والله العظيم جديات اكلج زمرد شتكولين هم حيتغير صكر بعد الزواج لو يضل يكرهني اوف اذا يكرهني ليش ازوجني.شتكولين معقولة دينتقم مني
زمرد: ههه لايروحي اكيد مدينتقم منج ولج اشك صكر يحبج وهسة تشوفين.لااكيد يتغير بس انتي بطلي عناد ولسااانج.قصري ولطولي واللهيصير محبس بيديج
نور: درد على زمرد اجتي امي
ام احمد: يمة حطي شال على جسمج وعلى راسج حيدخل الشيخ يعقدلكم
نور: مدري شجاني اذكرت مقتدى اتمنيت مقتدى بدل صكر كمت ابجي. مدري شجاني
زمرد: يااا شبيج كلبي شكو هل بجي كرصتهة من ايدهة نورة كلبي اسكتي هسة يشكون انتي مجبورة بس اسكتي
ام احمد : هايمة اشبيج شنو شكو تبجين والله احنة منجبرج اذا متريدين تزوجين كولي
الشيخة: ها حبيبة شكو اذا متريدين كولي يمة
نور: لا موهيج بس دبجي لان حعوف اهلي
ام احمد: اهنا كمت ابجي. اني جنت كاتمة دمعتي حتى متشوفني هي بس متحملت هم بجيت وحضنتهة لايمة احنا حنظل نزورج والله واني كل اسبوع اجي يمج وعد مني والله بس كافي
زمرد اباوع عليهم واذكر اني وامي من ازوجنة كمت ابجي وياهن
الشيخة : يا شجاجن حبيباات المكياج راح صدوك جذب على كيفجن كافي وخرن وخرن
نور: هديت اشوية بس ظل وجهي احمر وعيوني حمر زمرد جابت الحمرة وترست حلكي ترس 😂 مثل الخبلة كافي ولج وخري
زمرد: هي اشوية بنت الحلو ههه
نور: عابت زوزو عرفتة اجة لان الشيخة كامت تهلهل لزمت ايد زمرد
زمرد: شبييج كلبي هدي ترة دتحسسيني صكر وحش والله ترة مياكل بشر
نور: حقج متعرفي
زمرد: خطية يوم واحد مدري يومين شفتي وحجيت وياة عرفتي اكثر مني دسكتي بلة اني عايشة وياة واعرف اكثر منج
ام احمد: ولجن يمة كافي سوالف امشي نور تعالي السيد يريدج
نور: زمرد
زمرد: ولج روحيي لتخافين
نور: تعالي وياية فدوة
ام احمد: يمة شبيج احسج مجبورة صدوك جذب
زمرد: لا يمة مجبورة شنو بس هيج تخاف اني من ازوجة هم خفت هيج امشي حجي وياج اني
نور: هزيت براسي بمعنى.اي لامي.رحت وياة زمرد عقدنة وكملنة راح السيد كالو الشيخ حيدخل يلبسهة الذهب يممة كمت ارجف هم حشوفة اووف ماريد اشوفة ماريد
صكر: دخلت وياااريت مدخلت مو بنية كمرر
نور: دخل صكر مرفعت راسي ظليت مدنجة اخاف منة واخجل كولش بهل لبس شدعييلج زمرد
زمرد: شفت الشيخ صكر دخل وهي خجولة جريت الشال من جسمهة وشالهة
نور: لالا زمرد رجعييي
صكر: اوووووف مو جسم كمير والله العظيم ظليت صافن على هل جمال بس حسيت على النسوان يباوعن علية خجلت اخخخ اشوكت تصيرين الي اووف رحت وكفت يمهة شفتهة خجلانة كولش اتقربت عليهة بحجة دلبسهة الذهب همست بذانهة طالعة كمر خجلت بالزايد وجهة صار احمررر
نور: من همس بذاني والله خجلت كوولش رسن دنجت راسي كملنة تلبيس الذهب اشوية وكالو الوحش يريدج اقصد صكر يريدج ديشوفج بالغرفة
عزاا لعزاني وحدنة كلت بكلبي يمة فلا اروح غلست وكلساع جايتني وحدة وزمرد خوب كلساع جاية باالاخير اجيت الشيخة
الشيخة : ها يمة ولج رجلج الة ساعة ينتظرج كومي شوفي لتخجلين منةة صار رجلج صرتي هسة انتي وياة واحد
نور: يا اني وياة واحد اووف خرب بساعة السودة لي شفتهة بيك ياصكر
الشيخة: يمة لتصفنين امشي كدامي مياكلج ترة والله ههه شدعوة هل خجل كلة
نور: دخلت لغرفة رسن هاي الشيخة ممصدكة سدت الباب.ظلينة بس اني وياة هو جان كاعد ومدنج راسة اني دخلت هو رفعة اوف كولش خفتت متحملت ركضت على باب دطلع لكيتة قافلي انداريت علية لكيتة يباوع بنضرة مخيفة خرب بيج زمرد على هل لبس اووف شجاني ولبستةة احجي بكلبي وكف صكر كبالي ولزم ايدي كال
صكر: يتببببببببع
يتبع.........التصوويت لتنسو فدوة حتى يصيرلي واهس انزللكم بعد
بقلم الكاتبه اية عبد الرحمن
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!