رواية عشق الشيخ الفصل السابع 7 - بقلم الكاتبة اية عبد الرحمن

صكر: نزلت من السيارة وخلتني مفور اشكد اكرهة من تكول نسونجي اووف اموت منهة ظليت اباوع عليهة من هي تمشي بتجاه بيتهم وكفت تباوع على شاب واكف هم بالباب ويباوع عليهم صار عندي فضوول اعرف شنو بيناتهم لان نظرتهة لي يشوفهة حيكول اكيد تحب هل شاب رجعت لبيت لكيت احمد

احمد: ياهلابالشيخ

صكر : هلا بيك شوف احمد اني وصلت اختك هي مقبلت خطية بس اني اصريت عليهة لان خطية كتلي راسهة وهي مبينة مريضة لذالك اني وصلتهة

احمد: ليش يشيخ لو عايفني اني اوصلهة دحجي هو حجة

صكر : لا مو انت مشغول مصار شي يلة عادي

احمد: والله ماعرف اشلون اشكرك يشيخ

صكر: ماكو داعي تشكر مني يخوي يلة اخذ راحتك عفتة ودخلت جوة لكيت ام احمد

ام احمد: هلا هلا بالشيخ كول شيخ اتفضل محتاج شي يشيخ

صكر: شوفي يمة لتكوليلي شيخ تكدرين تعتبريني ابنج وسلامتج يمة ممحتاج شي ارتاحي يلة يمة اخذي راحتج صعدت لغرفتي مكسرر من السفر انجطلت على جرباية اجتي بالي..

ام احمد : فدوة اشلون اوليد ربيي يخلي صعد لغرفتة واني رحت اكمل شغل اساعد البنات اشوية

نور: ظليت صافنة وابجي شختار عقلي حينفجر من التفكير فكرت انطي الاوراق رحت لغرفت اهلي اول مرة اخذ شي بدون علمهم والله ابجي وادور على اوراق لكيتهن رحت غسلت وجهي وصعدت لسطح صحت علية هو اجة رسن كلي

مقتدى : ها يحلوة شختاريتي

نور: شمرت علية الاوراق كتلة اشوكت حتتقدملي

مقتدى : اللة كريم يجوز الاسبوع الجاي احجي وياة اهلي واشوف يلة ولي نزلي ولتجين كلساع تزعجيني افتهمتيي

نور: اشبييك مقتدى ليش هيج تعاملني وتحجي وياية مو جبتلك الاوراق كافي عاد ارحمنيي ترة دتعذبني وتحرحني من تحجي هيج وياية

مقتدى : اي انشاء آلَلَهّ عود اغير اسلوبي بس روحي هسة

نور: عفتة ونزلت جوة اجوي اهلي امي رزلتني واحمد هم

احمد : ولج اشلون تقبلين ترجعين وياة الشيخ. حتى لو شيخج بس يضل غريبب اشلون رحتتي اشلون

ام احمد: يمة ميصير هيج ترحين وياة الغربة والله احنة علمودج الدنيامو امان هل ايام لو ضاحك عليج شنكول للعالم

نور: فعلا اني غلطت بس هو كلي اخوج كال اوصلج محجيت ظليت بس ابجي

احمد: والله العظيم يانور والله والله اذا بعد اسمع رايحة وياااة ايي شخص رجليج اكسرهن فهمتتتتي اختي ومن حقي اخاف عليهة هي هل وحيدة اموت اذا صار عليهة شي عفتهة وطلعت

ام احمد: يايمة كافي تبجين اخوج غير يخاف عليج والله هو علمودج كومي كومي غسلي وجهج

نور: رحت غسلت وجهي واجيت خطية اهلي تعبو لكيتهم كل واحد بغرفتة نايم اووف ماعرف احس احساس محلو ياريتني منطيت الاوراق لمقتدى مرة يومين واني محاجية وياة مقتدى ابدد

صكر: اجتي بالي ماعرف لحد الان صورتهة بالي شسوت بية هل ابنية اووف اوف كمت احجي بيني وبين نفسي معقولة حبيتهة لالا ياحب اصلا اكرهة اوف اذا اكرهة ليش دفكر بيهة اصلا وخرت الافكار ونمت كعدت سبحتت وقررت احجي وياة امي حتى تخطبلياهة اني اكره النسوان واتخبل منهة ورافض فكرت الزواج وامي من جنت بااردن تلح علية كلت خلي ازوجهة واكر خشمهة اخليهة خدامة الي واتلاث تشهر وارجعهة لاهلهة وارجع حر نزلت جوة مصارت فرصة احجي وياة امي التهيت وياة الزلم بالمضيف مر يومين جنت كاعد الظهر وحدي بالمضيف دخل حارث حارث صديق قديم الي واعرفة كولش زين

مقتدى : اخذت الاوراق وكلت ابيع املاك عمي واخذ فلوسهن واسافر. اصلا نور ماطيقهة اكرهة حيل عندي صديق اسمة حارث كولشي احجيلة حجتلة على نور وشنو حسوي بيهة بس مجرد اخذت لي اريدة وخلاص بعد لو تموت ماحجي وياهة

حارث: والله ولك خطية وحرام عليك ليش هيج تسوي ترة هي بنت عمك يخوي لتنسى. وحرام عليك تضحك عليهة هي تحبك لو ماتحبك مجابتلك الاوراق مقتدى رجع الاوراق وعوفهة اذا متحبهة

مقتدى : اي هو عفتهة بس مارجع الاوراق لو تموت هي واهلهة عندي حبيبة من كندا واريد اسافر اروح يمهة ونزوج واجيبهة لعراق

حارث : مقتدى ونور شنو مو تحبهة

مقتدى : لك بابا جذب لاحبهة ولاشي طبهة مرض شيصير بيهة خلي يصير اصلا جنت اضيع وقت وياهة

حارث : مقتدى حرام وعمك شنو ذنبة تاخذ كولشي منة

مقتدى : شوف اكلك حارث تريد نسافر سوة واهناك بنات حلوات هم اتسلة بيهن متريد ونسة وهل سوالف اسكتتت معليك انت لتدخل بيني وبينهة

حارث : هاذا حيدمر البنية واهلهة خطية متحملت كلامة كلت. قبل ميبيع الاملاك اكول لشيخ صكر وهو يحلهة احنة شيصير عدنة بامنطقة نروح لشيخ وهو يحلهة وهو اكيد حيساعد هل بنية لان هو صديقي واعرفة كولش زين كتلة لا ماريد ونسة عندي حبيبة واريدهة روح انت اللة وياك

مقتدى : حرامات اجنبيات تفوتهن عليك

حارث : روح مقتدى اللة وياك

مقتدى: دوللي هو موصوجك صوج لي يفكر بيك عفتة ورحت لبيتنة

حارث: رحت لشيخ صكر دخلت لمضيف السلام عليكم شيخ

صكر: ياهلا والله نورت المضيف يخوي اتفضل استريح شخبارك الاهل اشلونهم

حارث: والله الحمدلله الكل بخير شوف يشيخ جايك بموضوع اني واريدك تحل هل موضوع

صكر: يتببببع

التصوويت مو تنسوو.....
بقلم الكاتبه آية عبدالرحمن 🌺