نور: نام صكر نزلت جوة يم زمرد شيماء جانت دتشتغل زمرد
زمرد: عيونهة
نور: تسلم عيونهة الحولة هههه
زمرد: هو موصوجج صوجي شتريدين يلة متجين الا بالعين الحمرة
نور: مشتهية كيك بالقران حموت واني زعلانة وياة صكر ماكدر اكلة فدوة جيبيلي
زمرد: مو تدللين واخير كمت تتشهين ههه ولج
نور: عااابت لتخليني اتندم لان اجيت كتلج
زمرد: اعصابح عيني. هسة اخابر فهد يجيبلي ويجيبلج
نور: تمام كلبي حروح بالاستقبال اكعد
شيماء : دزيت واحد من الحراس مالتهم يجبلي كيك جابلي كيك وحطيت بي سم خلي انشوف يانور اشلون حتظلين عايشة اخذت لكيك لنور
نور..
نور: اتفضللي
شيماء : سمعت بيج مشتهية كيك لذالك جبتلج كيك اني لتخافين مابي شي انطيتهيا بالعاافية كلبي رحت بغرفتي انتظر صياح نور بعد ماتبلع هل اول لكمة من الكيك
نور: دااكلة صاحني صكر زمرد هاج هاذا حطي يمج اذا تريدين اكلي منة هسة اجي اشوف صكر واجي
زمرد: تمام حبي شكل الكيك يخببل كصيت قطعة كولش اصغير دجرب طعمة جان طعم يجننن. ردت اكص الكيكة واكل بس كلت اني ونور ناكل سوة رحت اكمل شغلي بالمطبخ اجة فهد ضلينة نسولف اشو بدت احس بالم موووطبيعي فهد الحكلي حمووت ابجي واصيح حجيب حجيب
فهد: ولج بعدج بشهر 7 شجيبين
زمرد: مداتحمل اخذني لمستشفى
فهد: من شفت بهل حالة خفت عليهة كوولش كمت اصيح يمةةة يمةةة وينج
الشيخة : اجيت هايمة شكو شفت زمرد واكعة بالكاع وبس تبجي وتصيح حموت كمت اصيح على نور فجاة زمرد فقدت وعيهة خفت عليهة لايصير بيهة شي رسن اسعفناهة لمستشفى
نور: جنت دنسوي حل لمشاكلنة اني وصكر عمتي صاحتني بصوت يخوف عبالك احد ماتت نزلت اركض واجة وراية صكر لكيت زمرد بالكاع وفاقدة وعيهة كمت ابجي واعيط اخذهة فهد والشيخة لمستشفى كمت ابجي واتوسل بصكر ياخذني وراهم
صكر فدووة اخذني اخذني وراهة حموت والله حموت
صكر: اسم الله عليج شهل كلام مابيهة شي انشاء آلَلَهّ بساع لبسي على سريع وتعالي طلعت حركت السيارة اشوية واجتي نور صعدت ورسن لحكانهم لمستشفى لكيت فهد كاعد برة ويبجي
فهد شكو شبيييك زمرد وين شكالولك
فهد: ولك مسممين مرتي صكر خسرت ابني صكر خسرتة بعدة مجاي لدنيا وراح من ايدنة
صكر: شدتحجيي شلون مسمميهة وهسة زمرد وين
فهد: زمرد دخلت بغيبوبة ماعرف ماعرف سممومهة مدري شماكلة ومسممة الدكتور يكول لو ضالة اشوية جان حتى الام خسرناهة وياة الطفل
صكر: طول بالك اللة يعوض المهم زمرد تكوم بسلامة الحمدلله على كل حال اللة يحبك مخذ زمرد هم
فهد : الحمدلله على كل حال شنكول قابل كولش انقهرت او مرة انقهر هيح
نور: بعد معرفت انو مسممة خطر على بالي الكيك معقولة اكلت من الكيك اووف اشلون عفتة يمهة اباوع عليهة بلون اليمونة والوجه اصفر اااخخ يازمرد ياريت اني بدالج هيج يصير بيج اووف سودة علية ظليت يمهة اجة صكر وفهد رحت على صكر
صكر تعال اشوية دحجي وياك
صكر: موهسة نور بعدين
نور: الموضووع ضروري صكر
صكر: امشي كدامي نزلنة بالحديقة مال المستشفى كولي شكو
نور: حجتلة على شيماء وعلى كيك هم
معقولة يكون الكيك مسمم
صكر: شهل كلام نور البنية مسوي هيج متاكد اني
نور: اخذ الكيك لتحقيق خلي يفحصو
صكر: نووور اشبيج شهل تفكيرر
نور: صكرركتلك اخذة متخسر شي
صكر : تمام تمام امشي كدامي دوصلج وبعدين ارجع لبيت واشوف سالفة الكيك
نور: وصلني يم غرفة زمرد يم الشيخة وفهد خطية فهد حالتة حالة اشكد فرح من طلع بزمرد ولد
صكر: صعدتهة فوك يمهم ورحت لبيت دورت بالمطبخ ملكيت كيك كلبتة كلب ماكو طلعت برة شفت باكيت مشمور بنهاية الحديقة رحت شلتة شفتة كيك هاذا شجابة اهنا اخذتة ورحت كبل لتحقيق فحصو الكيك كالو روح واحنة اندزلك النتيجة بليل كتلهم ماشي
شيماء : بعد ماشفت شصار خفت انكشف شلت الكيك وشمرتة برة بالحديقة لان الحديقه محد يدخلهة قليل ودخلت ظليت اكل بنفسيي اخخخ يانور هل مرةة خلصتي منيي صكرر الي ومو الج يجي يوم واخذة منج
نور: يتببببببببببببببع
التصويت 🥱🥱🥱🥱🥱🥱
تدللون عيني بعد شتريدون اليوم اكثر من بارت نزلت الباقي على باجر بس انتوو اتفاعلو مو تغلسون
بقلم الكاتبه اية عبد الرحمن.
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!