رواية عشق الطفولة الفصل العاشر 10 - بقلم نوࢪ العبيدي

عندما كانَ الجميع يتحدثُ عن وطنهِ
.
، كُنتَ انت حديثي..!

-رنيم:سمعنا صوت عبير ونزلنا
-ماكو غيرج باك الذهب
ضليت صافنه شنو بكت ويا ذهب حجه هيثم
-شبيج يا ذهب
-ذهبي ادري هيه باكته
-والله ما بكت شي شبيج
-شالج الله نشالله
-عبيررر
-هيثم اكيد هيه روح فتش هسه تلكاه بين هدومها يلا روح هيثم شوف اكيد عدها
هيثم راح للغرفه واني لحكته فتش بالكنتور وطلع الذهب شلون وصل عندي معقوله
-شفتت كلتلك عدها
-رنيم شجاب الذهب يمج
ضليت ساكته شنو اكول وهوه طلعه من بين ملابسي
-طلعو وعوفونا وهاج الذهب
طلعو وهيثم تقدم عليه
-رنيم شجاب الذهب يمج
-والله ما ادري اصلا اني اغلب وقتي بالغرفه وتدري بيه
-تمام
شنو تمام شقصده
-هيثم صدكني ما سويت هيج مصدكني موو
تقرب ولزم وجهي
-ولج اني اني من سابع المستحيلات اشك بيج بس ردت تنطقين كدامهم وتكولين مو اني بكتهم يلا نامي
رحت للجربايه ونمت وكعدت ب 8 هيثم ماكو نزلت شفتهم يتريكون
-كعدت الخاتون
-صباح الخير
-صباح النور تعاي تريكي
-لا عمو شكرا مو جوعانه
كعدت يم علا كاعده ترسم صار الضهر اجه هيثم وصبينا غده وهيثم طول الغده نضراته عليه حتى ما اكل كملنا وغسلت الماعين وصعدت للغرفه ردت اسأل هيثم شبي بس تراجعت تمددت يمه ع الجربايه
-رنيم
-ها
-زهراء سقطت ليوم
-شنوو
-جانت حامل وسقطت
طبعا اني مرت الايام واهلي ما سألو عليه بس شكد نقهرت على زهراء بجيت وهيثم حضني ضليتت ابجي لحد ما غفيت وكعدت نص اليل واني بحضنه فزيت كبل حتى هوه كعد
-ها ها بيج شي
-لا اسفه ارجع نام
رحت للحمام سبحت وثاني يوم جنت جنت ارتب بالغرفه وهوه بالحمام وجان اسمع مبايله يدك تقدمت شفت الاسم سجى منو هاي جان يجي يشوف الاسم ويكلي
-طلعي رنيم
-ها
-طلعيي
نصدمت بي ليش هيج يحجي دائما تجي مكالمات بخصوص شغله وما يكلي هيج طلعت مسحت دموعي ليش ابجي ليش رحت للصاله فتحت التلفزيون وجان مسلسل حب للايجار ضليت صافنه عليهم وماحسيت على نفسي ونمت فتحت الصبح وشفت نفسي بالغرفه اكيد هوه جابني نزلت وسويت ريوك جان محد كاعد
-سلام:صباح الخير
-صباح النور
-اويلي ما تصدكين شكد جوعان عاشت ايدج
-وايدك اكعد خل اصبلك جاي
-اي والله وين هيثم مثل العاده طالع مو
-اي
-محمد:صباااح الخيرر يااا قوومم
-سلام:وجعع انشاالله ولك ناس تكول صباح الخير بهدوء انت مثل واحد مخبل هاجم علينا هيج
-اوي عيني هدوء خلينا الهدوء الك
رنيم:يلا كعدو تريكو
-محمد:امي وخواتي وين
-رنيم:طلعو من لصبح لبيت ابو جاسم
-محمد:هسه يطلع خالي عازمهم وما ندري
-سلام:همك بس الاكل
-محمد:ليش اكو اطيب من الاكل
تريكو وكملو
-محمد: خل اغنيلكم
-سلام:اذا غنين يجيك 100 نعال تمام تلوك لهل الوجه
-محمد:حبيبي والله اشكرك على الدعم
-سلام:عفوا
-رنيم:شكد تضحك سوالفهم رجعو عمتي ولبنات وحجت ويا سلام
-سحر:يا سلام ما تكلي شبيها بنت خالك دخذها
-سلام:يمه مو كل ما تروحين لبيت خالي ترجعيلي بهل المقوله ماريدها شلون يعني
-سحر:يايمه دخذها شنو شايف منها غير الستر ولجمال والأدب لا تصير مثل غيرك وتاخذلي وحده مانعرف شمسويه وشمعزيه
-سلام:ييمهه
-رنيم:عرفتها تقصدني صعدت للغرفه وتمددت وراسي احسه حينفجر فات هيثم سبح وتمدد يمي
-زعلانه
مارديت لانو صدك زعلانه
-زين كومي صبيلي غده
فوكها استاذ ماشي ماشيي نزلت وصبيت غده اله وصعدته
-اويليي شلون دجاج عاشت ايد امي
- اني سويته
-اهاا دا اشوف اكو شي مو طيب وغريب
هذا صددك يحجي قبل شويه يمدح بالاكل هسه صار مو طيب كمل شلت الصينيه وغسلت الماعين وصعدت شفته لازم تلفونه ومدري شنو يسوي بي يراسل ويضحك اوف رنيم وانتي شكو هيج مراقبته متحملت وجع راسي رحت اخذت مسكن الالم
-شبيج
-مابيه شي
-من اسأل تجاوبين
-جاوبت وكلت مابيه شي
-ليش اخذتي دوى
-راسي يوجعني
-وتكولين مابيه شي
-عادي هيثم واذا ترا مابيه شي
-زين نامي شويه
-لا ماريد انام ضوجه
-من اخذتج لليوم ما مطلعج
-اي توك دريت لو شنو
-رنيممم
-ها ها
-نطلع ليوم
-اي لمدينه العاب
-هذا الياخذ زعطوطه هيج يصير بي ولج ضمي شي من خبالج لجهالنا
-صفنت بوجهه من كال جهالنا
-نطلع بليل ب 8
-ماشي
تمددت يمه شعوري من اكون يمه بأمان من تزوجنه الى حد الان ما زعلني بكلمه دائما من اكعد اشوف نفسي بحضنه ما ادري شلون اصير بحضنه يمكن اني اتقرب لو هوه عدهم همه الضهر يصير هدوء وينامون باوعت عليه شفته عبالك نام اني درت ضهري ونمت وحسيت ايده تلتف على خصري ما ادري شيصير بيه من يتقرب عليه هيج متحملت التفتت عليه عيونه صارت بعيني
-ليش متقرب هيج
-ترا انتي مرتي
-اي
- ومن حقي اتقرب مو حرام
-اي ادري
-يلا نامي
تقرب اكثر عليه وضعت بحضنه ريحته تجنن نمت بحضنه وما حسيت على شي
.
.
-هيثم:مشت ايامنه حلوه وجانت نايمه بحضني مثل الملاك
-رنيم رنيم
بسابع نومه ضليت العب بشعرها
-رنيم يلا ساعه ب 7
-شنوو
شو هاي كمزت كبل
-ها ها يمعوده على كيفج يلا صحصحي وكومي رتبي نفسج علمود نطلع
-ماشي
-كامت وتمشي شويه شويه من تكعدت من النوم هيج كلشي تسوي شويه شويه لحد ما تصحصح كملت وشفتها لابسه بدي للركبه واصل وبنطرون وشال صح كلشي ما مبين منها بس شلون اطلعها هيج وتصير الانضار عليها
-رنيم تكدرين تلبسين عبايه
-هاا
-عبايه
-ليش والله لبسي مستور والله عفيه حباب
-بس
-عفيهه خل نطلعع يلا
-امشي امشي
طلعنا وصعدنا بالسياره وشغلت اغنيه
| يـلوموني|

يلوموني واحسك تكبر بروحي ويلوموني
وانا بلا شوفتك شينفعن عيوني
ياشوقي وفرحتي ودنياتي ولوني
وعذابي ولوعتي وشكواتي وظنوني
ياخيعونك علي وبيك خيعوني
توصيني!؟
.
رنيم:شغل هل الاغنيه وكلماتها ضليت منزله راسي
-وصلنا
-ها
-وصلنا يلا خل ننزل
-اي
مدينه العاب تجنن حسيت اريد العب بكل الالعاب
-يلا رنيم تعاي شنو تردين تلعبين
-ها
هيثم:صفنت بيها ادري خجلانه
-رنيم يلا تعاي ياهيه
شفت لعبه تخوفف
-هذيي
-رنيم
-عليك الله حباب
- يلا تعاي تعاي
اول ما صعدت كعدت يم هيثم ولزكت بي
-ها ها
-شنوو
-تخافين
-لا
-نشوف
هيثم:اشتغلت اللعبه ورنيم صرخت صراخ واني ضليت حاضنها ولبجي حضنتني هيه هم
رنيم:متت موت بالعبه همزين هيثم يمي خلصت وكوه نزلت دايخه
-تعاي كعدي شربي مي
شربت ودايخه
-رنيم لخاطر الله هذا عنادج
-جوعانه
-هههههه تعاي يابه ناكل شنو تردين
-جبس
-واني عبالي اكل
-جبس ونستله
-يلا حروح اجيب من هذاك أوكي
راح قريب المحل جابلي ورجع بس عصبي شبي هذا توه جان كلشي مابي
هيثم:شفت ثنين ولد يباعون على رنيم رحت كبل يمها
-يلا كومي
-ها ليش
-رنيمم كوميي
كامت ولزمت ايدها
رنيم:لزم ايدي قوي وكام يمشي وصلنا للسياره واني ما فتحت حلكي
-كلتلجج لبسيي عبايييههه
-مابي شي لبسي
-سكتييي رنيمم سكتيي
سكتت دمارات بينن وعيونه صارت حمره صدك خفت منه وصلنا للبيت ونزلت رحت للغرفه بدلت ملابسي وفات هوه للغرفه راح سبح وطلع ردت احجي ويا خاف يرزلني
-هيثم
-هاا
-اء لا تعصب عليك الله مره ثانيه البس والله
-اي
-شنو اي
-تعاي يمي
جان هوه مدد ع الجربايه تقدمت يمه من جهته وجنت واكفه جان يجرني عليه وكعت بحضنه لزم ايدي خلاها تلتف على خصره وحضني حسيت عليه نام واني اكيد مراح اكدر اطلع من حضنه نمت وما حسيت على شي كعدت لصبح ونزلت
-عبير:اي ست الحسن نايمه للضهاري
-سلام:صباح لخير رنوم
-صباح النور
-تريكت وغسلت لماعين دا انضف بلبيت وسمعت صوت عبير تحجي بلمبايل
-ايي ولج والله افرقهم اني لا تخافين اي اي اصلا هوه شنو شايف بيها
-سمعتها هيج تحجي ما هتميت هيه دائما تحجي هيج هيه وصديقتها كلمت تنضيف رحت لغرفه علا
-شدسوي حبيبه كلبي
شفتها لافه شال على خصرها وتهز
-دا اركص تعاي وياي
-لا لا ماريد
جتي سحبتني
-علا لا
جابت شال
-يلا يلا لفى هنانه
-وين
-هناا مثلي
-ماشي وبعد شسوي
شغلت اغنيه كامت تركص
-تعلمي مني يلا
ضحكت عليها وكمت اركص
-عزه رنيم تركصين احسن مني
-لعد شعبالج
كمنا نركص وما نحس الا نفتحت الباب عبالي عبير مادرت بال الا وكت جتي علا ختلت ورى ضهري نداريت جان اشوف هيثم يبوو
-رنيم تعاي ورايه
-اي اي شفتي ولج
-هسه يكتلج
-لا يمعوده
رحت للغرفه جان اشوفه
-ما كلتي يمكنن احدد يجي غيري ويفوتت للغرفه
-منو يجي ماكو احد بلبيت
-حضريلي ملابس بسرعه
-وين رايح
-رنيمم
-اي اي
حضرت اله ملابس وطلعت صبين غده
-محمد:عاشت ايدج يا هيج ال مرت اخ يا ماتنراد
-عبير:ديلا عيني احنا هنا
-تغارينن منها موو
-عشتوو اني أغار من هاي
-هيثم:اسمها رنيمممم مووو هايي
رنيم:انطرشت من صوت هيثم
-يلا كولو بسم الله
كملو غده وصبيت جاي الهم جانو كاعدين وزعته عليهم وكعدت بصف هيثم
-ضمي شعرج
ضميته جان طالع شويه دا اشرب بالجاي
-تعرفين تهزين مو هينه
جان اختنك بالجاي وكمت اكح
-شربي مي هاج هاج
شربت وعينه عليه هذا شايف كل ركصي صار اليل وراى ما خلصنا اكل صعد للغرفه وحركه عيونه يعني لحكيني صعدت ورى
-هيثم
-ها
-نشوف فلم
-اي نشوف ليش لا
-والله يايي
حنزل اجيب جبس وحبشكلات واجيك بين ما تختار فلم حلو ماشي
-ماشي
نزلت حضرت ل جبس وكلشي وصعدت لكيته مختار فلم حلو كعدت بصفه ع الجربايه نص الفلم وجان لبطل يبوس لبطله اشو هيثم كبل قدمه
-ليشش
-رنيممم
سكتت ونهايه حزينه متت بجي عليهم
-والله..هوه ح حقير..عافها
-ولج كافي بجي يروحي
-هيثم شوفها خطيه
-اشش
ضليتت حاضنته وابجي لحد ما نمت كعدت لصبح لكيته شايل الجبس ومرتب كلشي ونايم يمي رجعت نمت وحسيت على شي ينغز بوجهي فتحت جان اشوف يبوس بكصتي
-صباح الخير
-صباح النور
-يلا حبيبي اني كومي وحضريلي ملابس خل اطلع
عفت كلشي ركزت على .حبيبي. حضرتله ملابس ولبس وطلع اني نزلت جوه
سحر:يلا رنيم نضفي البيت حيجون بيت أبو حسن
بيت أبو حسن عم هيثم رتبت البيت وساعدت عبير بالطبخ
-يلا هاج ركبي باميه ولتمن
-ماشي
عافتني اطبخ وحدي وكملت كلشي ضهري انكسر وعبير كاعده حتى علا حست وجتي يمي تكلي اساعدج عاد صعدت فوك سبحت وبدلت ونزلت لكيتهم جايين وهيثم هم
-سلام عليكم
-هلا بنيتي شلونج
-الحمد الله
سلمت عليهم عدهم ثنين بنات اكبر مني وولد واحد لبنات يباعلولي وكأنو مايردون حتى يشوفوني وخزاتهم ولبسهم رحت صبيت غده وجتي عبير صبت ويايه كعدت بصف هيثم وهوه يقدم الاكل عليه وهذني حياكلونه بعيونهم اكلت شويه
-اكلي بعد شكلتي
-والله شبعت
-صبيت جاي وجتي وحده من لبنات اخذته مني اسمها ندى وقدمته الهم وكعدت يم هيثم ضليت صافنه عليهم شلون هيه تباوع عليه اني كعدت يم علا و راحو وكل واحد راح لغرفته اني وهيثم هم صعدنا ومرت كم يوم وجان هيثم توه راجع بليل تعشه بس مو كلش حسيت بي شي جنا بالغرفه اني ويا
-رنيم
-ها
-تعاي يمي
رحت كعدت يمه واشوف ملامح خوف على وجه
-هيثم صاير شي
-شوفي اريدج ما تنفعلين ماشي كله بيد رب العالمين...
.
.
هذا بارت حبايبي 🤍