رواية عشق بعد دمار الفصل الخامس والعشرون 25 - بقلم @Aya Asman219

في صباح يوم جديد
بحديقة المنزل
كانت تجلس مرام وبجوارها أكرم وهم يتحدثوا
أكرم:انتي عملتي كده ليه وليه لما قربت منك اتعصبتي عليا
مرام:بسبب اللي انت عملته
أكرم بإستغراب:اللي هو ايه
مرام:يعني ماتعرفش انت عملت ايه انت بقالك فترة بعيد عني ولا بتسأل عليا ومقضيها مع إلهام بتاعتك دي قولي انا ناقصني ايه هاا ناقصني إيد ولا رجل ولا ناقصني قلوس لا الحمد لله انا معايا فلوس وزيادة ومعايا أهل بيحبوني وبيخافوا عليا أمال روحت ليها ليه هاا لتكون بتحبك أكتر مني
أكرم بضحك:إهدي إهدي ياهبلة انا بحبك إنتي والله
مرام:أومال ليه بعدت عني الفترة اللي فاتت ليه ماكنتش بتكلمني وبتروح تقابلها
أكرم:موضوع ملكيش دعوة بيه
مرام:مش انت بتحبني وانا بحبك وانا بقولك كل حاجة عني ليه مش عايز تق لي شاركني همومك وإن شاء الله ممكن تلاقي الحل عند العبد لله
أكرم:الموضوع مش حكاية إنه عايز حل
مرام:اومال
أكرم:انا عايز أحكيلك موضوع مفيش حد غير عيلتي ولينا بس هما اللي يعرفوه بس المهم انك تصدقيني ومتبعديش عني
مرام:أوعدك
تنهد أكرم ونظر لأمامه وهو يسترجع أحداث الماضي
أكرم:من خمس سنين انا كانت كل حياتي هزار وضحك وكنت بحب الحياة  ومايهمنيش أي حاجة غير عيلتي وشغلي بس في يوم قبلت كريمان حبيتها من كل قلبي وعشقتها دايما كنت بنفذلها أي حاجة تطلبها وهي كانت بتحبني ثم ضحك بسخرية وقال قصدي بتمثل الحب عليا كانت بتستغل إني بحبها وبتحاول تقرب مني علشان الفلوس في يوم في حد إتصل بيا وقالي إن حبيبة القلب نايمة في حضن غيري وإداني العنوان أنا مصدقتش بس مقدرتش أمنع نفسي وأروح وأكد إنها عمرها ماتعمل فيا كده روحت العنوان ونزلت من العربية وطلعت الشقة لقيت باب الشقة موارب فجيت أفتح الباب لقيت أختك خرجت جري من الشقة وهي بتعيط ومشيت إستغربت بس دخلت الشقة ودخلت الأوضة لقيتها نايمة في حضن كمال اتصدمت وسيبت الشقة بسرعة ومشيت لمكان بعيد قعدت سنين مكتئب ومليش دعوة بحد وكنت بفكر في موضوع أختك ليه خرجت من الشقة وهي بتعيط بس عرفت دلوقتي إنها إتخانت من جوزها وانا إتخانت من حبيبتي وإلهام كنت واخدها وسيلة علشان أعرف كل حاجة عن كريمان وعن الشحنات والرئيس اللي بره إنما عمري ماخنتك ولا بعدت عنك
صمت أكرم منتظر منها أي رد وعندما لم يسمع منها أي رد التفت لها وجدتها تضع يدها علي فمها وتبكي إقترب منها وإحتضنها بقوة فتشبثت به أكثر وحاول تهدأتها حتي هدأت وأبعدها عنه وجفف لها دموعها
أكرم:انا عارف ان اللي قولته جرحك بس كان لازم تعرفي مني بدل ماتعرفي من غيري ثم صمت قليلا وقال هتسيبيني يامرام
رفعت له مرام نظرها وقالت بغضب وهي تبكي
مرام بغضب وبكاء:ازاي اتخلي عنك ها ازاي اتخلي عن حبي علشان ماضي تافه وراح لحال سبيله ازاي هبغد عن روحي لو بعدت عنك هبقي جسد من غير روح انا وعدتك إني مش هبعد عنك ازاي تتخيل إني هسيبك
احتضنته مرام بقوة وهي تقول
مرام:انا بعشقك إفهم بقي أنا بموت فيك وبعشق التراب اللي بتمشي عليه عمري ما اتخيل نفسي إني هعرف أعيش من غيرك أنا من غيرك أموت
إحتضنها أكرم بحب وفرحة وسعادة بأنها لن تتخلي عنه إبتعدت مرام عنه فأمسك أكرم بوجهها وقال
أكرم بحب:أنا أسعد مخلوق علي وجه الأرض إنك بتحبيني أنا عمري ما أفرت فيكي بموت فيكي يامرام قلبي
قبل أكرم جبينها ثم دخلوا للمنزل
بالمنزل
كان يجلس الجميع بالصالون عدا لينا كانت تجلس بغرفتها بالأسفل كان الجميع يتحدث بعدة الأمور ويجلس معهم آدم وهو شارد الزهن دخل أكرم ومرام فذهبت مرام وجلست بين مريم وسمية فهمسوا بأذنها
مريم:والله والغزال بقي يغزل أهو يعني داخلة مبسوطة يابت
مرام وهي تجز علي أسنانها وتبتسم:وانتي مالك ياباردة
سمية:ماهي معاها حق ها أكرم قالك ايه هاا إتكلمي يابت
مرام:مش قايلة حاجة أسكتي
داليا:بتتكلموا في إيه يابنات
مريم:بنتكلم عن أك
قاطعتها مرام وهي تضع يدها علي فم ممريم
مرام:مافيش ياماما كما بنقول إننا زهقانين وعايزين نخرج نروح المول
داليا:طيب إبقوا شوفوا لينا
مريم:يعني إنتي موافقة ياماما
داليا:طبعا
مريم:بحببك ياحبيبتي
آدم:اطلعوا البسوا وأنا هوديكم
سمية:طيب نقول للينا الأول
آدم:أنا هحميكم وهيبقي معانا الحرس يلا وبلاش تزعجوها
صعدت الفتيات للأعلي وبدلوا ملابسهم ونزلوا خرجوا من المنزل ركبوا السيارة وقاد بهم آدم للمول وخلفهم سيارة الحراسة كانت لينا تنظر لهم من فوق حتي ذهبوا شعرت بألم بقلبها فضغطت عليه بقوة وأغمضت عينيها لمدة دقائق ثم فتحتهم ودخلت للغرفة وتذكرت يوم خيانة كمال لها
Flash Back
في غرفة لينا
كانت تجلس علي الأرض وهي تبكي من ألم جسدها ومن إهانة حبيبها لها ظلت تبكي حتي سمعت صوت الهاتف فوقفت من مكانها ببطئ وتعب وذهبت أخذته وجدته رقم غريب فجففت دموعها وردت
لينا:الو مين
المجهول:لينا المهدي مرات كمال الألفي
لينا:أيوة مين حضرتك
المجهول:انا فاعل خير وبتصل بيكي علشان أقولك إن جوزك بيخونك
لينا بغضب:انت حيوان إزاي بتتكلم عن جوزي بالطريقة دي
المجهول:انا قولت أعرفك والعنوان(.....)
سلام
أغلق الهاتف فنظرت لينا للهاتف بصدمة ونزلت دموعها فألقت بالهاتف ووضعت أناملها بخصلات شعرها
لينا ببكاء:لا لا ده بيكدب كمال عمره مايخوني مهما يحصل هو يبقي جوزي وبيحبني عمره مايخوني
جلست لينا علي السرير وهي تنفي ماسمعته ولكن لتقنع نفسها بأنه يكذب ذهبت وإرتدت ملابسها وخرجت من المنزل ولكن أوقفها الحارس
الحارس:أسف يامدام لينا بس كمال بيه قال إنك ممنوع عليكي الخروج
لينا بغضب:ملكش دعوة سيبني خليني أمشي
الحارس:أسف بس دي تع...
قاطعته لينا بلكمن قوية علي وجهه وتركته وذهبت ركبت السيارة وقادتها بسرعة للعنوان وعندما وصلت نزلت من السبارة وصعدت للشقة وجدت الباب مفتوح فدخلت وذهبت لباب الغرفة وفتحتها وصدمت عندما وجدت كمال ينام وبأحضانه فتاة فصرخت بصوت عالي وهي تبكي فإستيقظ كمال بسرعة هو وكريمان وذهب وقف أمام لينا
كمال بغضب:إنتي إزاي تخرجي من البيت من غير إذني
لينا ببكاء وصراخ:هو ده اللي همك مش همك إنك كنت بتخوني مش همك إنك كسرت قلبي بالعملة دي
كمال بغضب:وإنتي مالك بالحوار ده انا عمري مااعتبرتك مراتي إنتي حيوانة عرفتها ومثلت عليها الحب إنما عمري ماحبيتك خدت عندي البيت بس علشان الشركة وأخدتها وعلشان أعذبك وأدمرك وأكسرلك مناخيرك اللي رفعاها في السما
لينا ببكاء:بس انا حبيتك حبيتك من كل قلبي وعشقتك كنت بنفذلك أي حاجة إنت عايزها استقبلت إهانة وذل وإغتصاب علشان بس بحبك خد كل شريكاتي وكل فلوسي بس ماتسيبنيش انا من غيرك أموت خد كل حاجة بس ماتخونيش لإني ساعتها هموت تاني بس المرادي للأبد
كمال:لا يالينا انتي كارت محروق وعملت كل اللي انا عايزه ومش مستفيد منك بأي حاجة وااه دي تبقي مراتي كريمان الألفي فاهمة
لينا بصراخ:طيب وانا ذنبي إيه في ده كله ذنبي ايع
كمال بهدوء مرعب:ذنبك إنك حبتيني بس انا بكرهك يالينا إنتي طالق
نظرت له لينا بصدمة ودموعها كالشلالات تركت الغرفة وخرجت من الشقة بسرعة وركبت سيارتها وقادتها لمكان معزول ونزلت من السيارة وصرخت بكل أوجاعها
End Flash Back
أغمضت لينا عيونها بقوة وألم ودموعها تنزل بغزاره فتحت عيونها بسرعة وجففت دموعها عندما سمعت صراخ أحد بإسماها نزلت من علي السرير وخرجت من الغرفة ونزلت للأسفل بسرعة وصدمت من وجود كريمان وفتحي فذهبت لهم وتغاضت عن صدمتها ووقفت أمامهم بكبرياء
لينا ببرود:أفندم انتوا جايين ليه
اندفعت كريمان لها بسرعة وقامت بخنقها ولينا لم يرمش لها جفن وكان سيأتي زياد وأكرم لينقذوها ولكنها أوقفتهم
كريمان بغضب وبكاء:هشرب من دمك يالينا هشرب من دمك قتلتي جوزي ليه هاا علشان سابك وجالي وبقي جوزي ليه تقتليه قلبك ماحنش عليه من كلامك زمان كنت بتقولي انك بتحبيه ليه قتلتيه
أبعدت لينا يد كريمان عنها وقالت
لينا ببرود وجمود:انا كنت مراته الأولي ياكريمان يعني انتي في نظر الناس وفي نظره كنتي الزوجة التانية يعني مركونة علي الرف وانا قتلت كمال بسبب عذابه ليا بسبب كل ضرب ضربهولي بسبب كل إهانة هنهالي وكل ذل ذلهولي علي كل دمعة نزلت مني علي كل وجع قلب وجعهولي وكل كسرة كسرهالي علي كل السنين اللي عشتها معاه واللي عشتها بعده علي كل حزن حزنته لما خطف ابني بس في الأخر انا عملت ايه عملت فيه خير ودفنته في قبره بدال مايرموه في الزبالة
فتحي:وتحرمينا ليه منه هاا حرمتيني من ابني وخليتي مراته أرملة ويتمتي إبني
لينا:آسر عمره ماكان إبن كمال هو إبني بس
فتحي:انا مش علي إبنك انا علي إبن كريمان وكمال
نظرت لهم لينا بصدمة
كريمان:ايوة حامل بالينا وحامل بإبن كمال هوريكي يالينا النجوم في عز الضهر وهأذيكي هتشوفي يالينا هعمل فيكي إيه
في هذا الوقت خرج آسر من غرفته ونزل للأسفل ولكن وقف مكانه بصدمة وخوف ثم بدأ بالصراخ فإلتفتت له لينا وذهبت له بخوف
لينا:مالك ياآسر في ايه
لم يرد عليها بل يصرخ حاولت لينا تهدأته ولكن لم يهدأ
فتحي:خديه لدكتور نفسي أصله عاش أيام مايعلم بيها الا ربنا
التفتت له لينا وقالت
لينا:يعني ايه
كريمان:إبنك جاتله حالة صرع لما شافنا أصلنا كنا بنعذبه بطرق جميلة جدا عمره ماهينساها
ذهبت لينا اليهم بغضب وبدأت بلكم فتحي حتي وقع أرضا ثم ذهبت الي كريمان وأمسكتها من شعرها بقوة وصارت بلكمها بوجهها بعيدا عن بطنها  أبعدها زياد عنها وأمسكها
كريمان:مش هرحمك يالينا مش هرحمك
خرجت كريمان وفتحي من المنزل وذهبت لينا لآسر وإحتضنته وهدأته حتي هدأ ثم ابتعدت عنه
لينا:حبيبي اطلع أوضتك وماتنزلش ماشي
أمأ لها آسر بالموافقة وصعد لغرفته
وقفت لينا ولم تجد آدم ومرام ومريم وسمية
لينا:أومال فين البنات وآدم
روز:راحوا المول
لينا:معاهم حراسة
إسراء:أيوة
لينا:أكرم اتصل بيهم خليهم يجوا
أكرم:ماشي
أمسك أكرم هاتفه واتصل بآدم عدة مرات ولم يجب ثم اتصل بمرام ولم ترد حاول الإتصال بمريم وسمية ولم يردوا ملئ القلق قلبه وحاول الإتصال مرة أخري وأيضا لافائدة
لينا:في ايه
أكرم:ماحدش بيرد
لينا:نعم
في هذا الوقت رن هاتف لينا فأمسكته بسرعة وجدته مرام فردت
لينا:ان...
قطعت لينا كلامها عندما سمعت صوت صراخ وبعدها لم تسمع أي صوت فتحت عيونها علي وسعهما ووقع قلبها من الخوف كادت تسقط ولكن أمسكت بالكرسي وأنزلت الهاتف من علي أذنها
داليا:في ايه يالينا
لم ترد عليهم
روز:البنات فين هاا ردي
لينا بتنهيدة:اتخطفوا
صرخت داليا وروز وإسراء وجني بصدمة
٪''٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
يتبع
بقلمي آية عثمان