رواية عشق بعد دمار الفصل الرابع 4 - بقلم @Aya Asman219

داليا:مات ازاي
لينا وهي تنظر للأرض:علي ايدي
داليا بصراخ وهي تضربها:لييييه ليييه تقتليه قولتلك اقولك الحقيقة وابعد عنك فكرة الإنتقام بس ماهتمتيش وروحتي قتلتيه
ابعدت لينا داليا عنها وذهبت اخذت المسدس ووضعته بيد والدتها ووجهته علي قلبها
لينا ببكاء:انا فعلا قتلته قتلته بعد ما عرفت الحقيقة كنت مصدومة جدا من كلامه ماحستش بنفسي الاوانا بقتله خدي حق جوزك واضغطي علي الزناد
نظر لها الجميع بصدمة وبكت داليا بقوة
لينا بصراخ:اضغطي علي الزناد اقتليني وارحميني من العذاب من اول ما اتولدت وانا في عذاب وناس كتيرة اذيتني ارحميني وخدي حق جوزك
القت داليا بالمسدس علي الارض وجلست علي ركبتيها ذهبت مرام الي لينا وظلت تنظر لها بكره ثم رفعت يدها وصفعتها بقوة نظر الجميع لها بصدمة وشفقة علي لينا
مرام بغضب:حرمتيني من ابويا وانا صغيرة وقولتيلي انه مات حرمتيني من ابويا ماتعرفيش كنت زعلانة ازاي بس صدقتك ووقفت جنبك ولما عرفت انه عايش قولتيلي ابعدي عنه وماتجبيش سيرته في البيت ده سكت وسمعت كلامك لما جه البيت وضربك هو وحراسه كنت عايزة اقتله علشان اذي سندي وضهري في الدنيا وبصراخ انما تيجي وتقتليه وهو مكانش ليه ذنب يبقي انا مش هسكت امسكتها من ياقة قميصها قتلتيه ليه ليه ماخليتناش نقولك الحقيقة حرمتيني من ابويا ليه هااا
لينا ببكاء وصراخ:ما انا كمان اتحرمت منه مش انتي لوحدك اللي اتحرمتي منه بس هو عمل عمله عمري ما انساها في حياتي
صمتت لينا وهي تتذكر ما حدث من15سنة وهي تتنفس بسرعة وصدرها يعلوا ويهبط
لينا:اذي اذي طفولتي واذاني شخصيا اذاني واذي والدتك انتي مكنتيش موجودة علشان كده عمرك ما كنتي هتحسي باللي انا حسيته اذاني جدا اذي تفكيري وخلي فكرة الإنتقام تجري بدمي وعروقي خلاني عايشة علي سبب الإنتقام ومش هو لوحده اللي اذاني اذوني ناس كتير ومن ضمنهم ك...
صمتت لينا بسرعة قبل ان تكشف عن سرها المدفون بقلبها
مرام بإستغراب:من ضمنهم مين
لم ترد عليها لينا انما ذهبت الي الدولاب واخذت حقيبتها ووضعت ملابسها بها وأغلقتها وأخذت سلاحها وخرجت خارج الغرفة وورائها الجميع نزلت لينا من علي السلم والكل يحاول ايقافها ولكنها لا تستمع لأحد
داليا:لو مشيتي من الفيلا يبقي لا انتي بنتي ولا اعرفك
وقفت لينا في مكانها بدون حركة ودموعها تتسابق بالنزول علي وجنتيها
ثم التفتت لها وظلت تنظر لها نظرات طويلة
لينا:ما انتي معاكي حق انتي مش والدتي ولا عمرك هتكوني والدتي لو فعلا لإني بقولك يا امي بس عايزاكي تعرفي اني فعلا اعتبرتك امي بكل معني الكلمة انا لينا المهدي بقول ان حياة لينا ادمرت علي الأخير بشكرك يامدام داليا عزيز علي اهتمامك بيا وتربيتك ليا وبشكر مرام لإنها كانت في اوقات بتقف في ضهري وبتساندني كنت بحس ان ليا ضهر وسند لما بلاقيكم فرحانين انما دلوقتي معندش سند يلا سلام
جففت لينا دموعها وأمسكت حقيبتها وخرجت خارج الفيلا وذهب الجميع وجلسوا بالصالون
جني:حرام عليكي ياداليا انتي ومرام اللي عملتوه في لينا لينا زعلانة وتعبانة وانتوا زودتوها عليها
داليا:ما انا بقالي15سنة بحاول اقولها الحقيقة وهي مش عايزة تسمعها
جني:هو ايه اللي حصل
داليا:هقولك
Flash Back
من15سنة
كانت داليا ولينا ومرام خارج المنزل عند صديقتها مكثوا اليوم كله في ضحك وهزار وضحكات لينا ومرام وابن رفيقة والدتهم تملأ المنزل ظلوا يلعبوا
داليا:طيب استأذن منك يا ساندي هاخد البنات ونرجع البيت علشان لو خالد جه
ساندي:لا لا ماينفعش انا بشوفك فين وفين
داليا:ياحبيبتي هبقي ازورك تاني بس لازم ارجع البيت دلوقتي
ساندي:ماشي سماح المرادي
داليا:لينا مرام يلا ياحبايبي علشان نرجع البيت
لينا:ماشي
مرام:لا ياماما انا عايزة اقعد مع حبيبة
داليا:يلا يامرام علشان بابا
ساندي:خلاص ياداليا خليها معايا وابقي تعالي خديها بعدين
داليا:ماشي يلا يالينا
امسكت داليا بلينا وذهبوا من المنزل وذهبوا الي السيارة قادت داليا السيارة وذهبت للمنزل وعندما وصلوا للمنزل صعدوا الي غرفة داليا فتحت داليا باب الغرفة ووجدت خالد ينام علي السرير وبأحضانه احدي عاهراته نظرت له داليا بحزن ثم نظرت الي لينا التي تنظر الي والدها ومصدومة اخذتها داليا الي غرفتها واغلقت عليها الباب ثم ذهبت الي غرفتها مرة آخري وكان خالد استيقظ
داليا:حرام عليك ياخالد اللي بتعمله ده
خالد:وايه الجديد ما انتي عارفة اني راجل خاين ونسوانجي
داليا:انا عارفة ده كله وساكتة مع اني بتعذب باللي انت بتعمله بس مش في الفيلا مش قدام البنات
خالد:بقولك ايه انا اعمل اللي انا عايزه في اي مكان انا مصدع وابعدي عن نفوخي
داليا:انت مشوفتش لينا كانت بصالك ازاي كانت بصالك بصدمة باباها قدوتها وسندها بيخون والدتها
خالد:نعععم وانتي خلتيها تيجي علي الاوضة ليه
ركض خالد وذهب الي غرفة لينا وورائه داليا فتح باب الغرفة ودخل وجد لينا تجلس بركن في الغرفة وهي تبكي ذهب لها خالد واحتضنها  ولكنها ابعدته عنها
خالد:مالك ياحبيبت بابي في حاجة
تركته لينا وذهبت الي داليا واحتضنتها
لينا:ابعديه عني ده راجل وحش يامامي ابعديه
داليا:خلاص ياحبيبتي ماتخافيش
خالد:مالك يالينا في ايه
لينا ببكاء:ابعد عني ماما ابعديني عنه
قامت داليا بجمع اغراضها هي ولينا ومرام ووضعتهم بالحقيبة وامسكت بيد لينا وخرجت من الغرفة ونزلت للأسفل ولكن ركض اليهم خالد وامسكها من يدها
خالد:انتي رايحة فين ياداليا وواخدة هدومك انتي والبنات ورايحة فين
داليا:انا همشي وهبعد عنك وهبعد البنات عن واحد قذر ذيك
خالد:ياداليا انا بحبك هتسيبيني وهتمشي ليه
داليا:لو كنت فعلا بتحبني كنت عمرك ما هتخوني
خالد:ياداليا اسمعيني
داليا:لا مش هسمعك يلا يالينا
امسكت داليا بيد لينا وخرجت من المنزل وذهبت الي شقة والدها القديمة
اخذت لينا الي غرفتها وذهبت داليا لغرفتها وبدأت بالبكاء بسبب خيانة زوجها وحبيبها لها ظلت تبكي حتي وجدت يد توضع علي كتفها فإلتفتت للخلف وجدتها لينا فجففت دموعها واعتدلت لها
داليا:في حاجة يالينا
لينا:اللي انا شوفته في اوضة الراجل ده صح
داليا:عيب كده يا لينا ده بابا
لينا بغضب:ماتقوليش بابا فاهمة انا عندي دلوقتي10 سنين وعارفة انه بيخونك وانتي بتستحملي بس عايزاكي تعرفي اني هنتقم من الراجل ده علي كل دمعة نزلت من عيونك
٪٪٪٪٪٪٪٪٪٪٪٪٪٪
باقي الفلاش باك هيكون في البارت الجاي
يلا باي
يتبع
بقلمي آية عثمان