رواية عشق بعد دمار الفصل السابع عشر 17 - بقلم @Aya Asman219

بالمستشفي
بعد ان ذهبت لينا جلست مرام علي احد الكراسي وهي تسعل فأحضرت لها مريم كوب من الماء ارتشفت منه القليل حتي هدأت كان الجميع في حالة صدمة من ماحدث لقد تحقق مايخشونه
داليا:ايه اللي حصل يا أكرم لينا مالها
تنهد.أكرم وبدأ يسرد لهم ما حدث
Flash Back
بعد ذهاب آدم
جلس أكرم مع لينا وهو ينتظر ايفاقتها بفارغ الصبر يريدها ان تفيق حتي تمنعه من الزواج من هذه الحرباية ولكن مرت ساعة ولم تفق ولكن صدم أكرم عندما سمع صوت صفير جهاز القلب يعلن عن توقفه عن العمل خرج بسرعة واحضر الطاقم الطبي والممرضين ودخلوا لغرفة لينا وقاموا بعمل الصدمات الكهربائيه عدة مرات ولم يستجب قلبها
الدكتور١ بأسف:آسفين يا دكتور أكرم بس القلب وقف عن النبض ولازم نشيل الأجهزة
أكرم:لا لا طبعا ده مش هيحصل هاتي الجهاز
أخذ أكرم جهاز الصدمات من الممرضة وقام بعمل الصدمات الكهربية للينا صار يزيد من صدمات الجهاز حتي استجاب القلب وعاد ليعمل مرة أخري وبدأت لينا بفتح عيونها ولكن اغلقتها بسرعة بسبب شدة الإضائة صارت تغلق وتفتح عيونها حتي تعودت علي الضوء ففتحت عينيها بقوة وبدأ إحمرار عينيها وقامت بإزالة جهاز التنفس وإعتدلت بجلستها
أكرم بسعادة:حمد الله علي سلامتك يالينا
لم ترد لينا بل وجهت نظرها للغرفة وصارت تتأملها كأنها تبحث عن شئ وفعلا هي كانت تبحث عن سارق قلبها
علم أكرم انها تبحث عن آدم فأخرج الأطباء والممرضين وذهب جلس بجوارها
أكرم بتنهيدة:عارف انك بتدوري عليه
نظرت له لينا بصمت فقال
أكرم بحزن:آسف بس آدم اتجوز سوزان
نظرت له لينا بصدمة ثم ابعدت نظرها عنه وارجعت رأسها للخلف تسندها علي الوسادة وأغمضت عينيها بألم
لينا:بره
أكرم:اسمعيني الأول يالينا آدم والله مغصوب علي الجوازة صدقيني هو بيعمل كل ده بسبب سوزان هي اللي السبب بجوازهم
لينا بغضب وصوت عالي:قولت بررررره
خرج أكرم واتصل بآدم يخبره بإيفاقتها
End Flash Back
مالك وهو يمسك آدم من تلابيب قميصه
مالك بغضب:انت السبب انت السبب في حالتها دي
أكرم وهو يحاول ابعاده عن آدم:مالك اهدي آدم مش السبب لينا من ساعة مافاقت وهي متعصبة وعيونها حمرا من الغضب ده من قبل حتي ماأقولها موضوع آدم
جلست داليا وروز وإسراء يبكوا علي حال صغيرتهم وما حدث معها
سليمان:احنا دلوقتي لازم نوصلها لتعمل حاجة
روز ببكاء:لينا مش هتسامحنا لينا خلاص راحت وحصل اللي احنا كنا خايفين منه
داليا ببكاء:خلاص قلبها اتحول لحجر كامل عمرها ماهترحمنا لينا اتحولت لكتلة نار بتحرق اي حاجة تقابلها
سمية ببكاء:طيب اهدوا خلينا نرجع البيت ممكن تكون في البيت
وافقها الجميع وخرجوا من المستشفي وركبوا السيارات وذهبوا للتجمع وبحثوا عن لينا ولم يجدوها فذهبوا وجلسوا بالمنزل الكبير ينتظروها ان تأتي
كانت سوزان تشعر بالخوف من هذه الفتاة فكيف تكون بهذه القوة هي ارتعبت فقط من نبرة صوتها ماذا سيحدث ان حاولت التعدي علي بالضرب فبالمأكد أنها ستموت فجلست صامته علي غير عادتها
إسراء:هنعرف مكانها فين دلوقتي ولا معاها تليفون ولا أي حاجة تعرفنا مكانها
داليا:لينا هتيجي دلوقتي ماتقليقيش
جلس الجميع وهو منتظر قدومها بفارغ الصبر ظلوا ينتظروا قدومها لفترة طويلة مرة ساعتين وثلاث وأربع ساعات وأصبحت الساعة الثالثة فجرا ولم تعد فتنهد الجميع بيأس فبعد كل ماحدث كيف ستأتي لهذا المنزل مرة أخري
مالك:انا هتصل بميار ممكن تكون في الشركة
أخرج مالك هاتفه وقام بالإتصال بميار حتي ردت
ميار بنعاس:نعم يافندم
مالك:آسف ياميار لو صحيتك من النوم
ميار:لا عادي اتفضل في حاجة
مالك:لينا مارحتش الشركة او اي مكان وقالتلك مكانها
ميار بإستغراب:ازاي الشركة بتبقي مقفولة من١١ ودلوقتي ٣الفجر ازاي هتبقي موجودة وكمان ازاي مش لينا في غيبوبة
مالك:لينا فاقت ياميار ثم تنهد وقال طيب حاولي تعرفي مكانها واه هي مش معاها التليفون
ميار:حاضر يافندم هتصل بالمكتب باي
مالك:باي
اغلق مالك الخط ونظر للجميع بحزن فعلموا انها ليست بالشركة
داليا بتنهيدة:لينا مش هتيجي خلينا كل واحد يروح لبيته وآدم ياخد مراته ويروح بيته
وقف آدم وقال
آدم:خليها تروح اي مكان تاني انما ماتقربش مني ولا من بيتي
توفيق:آدم خد مراتك وبلاش كلام كتير
آدم:الكل عارف انا متجوزها ليه وازاي فبلاش نعيش في الدور
روز:ايوة احنا عارفين كل حاجة بس هي دلوقتي مراتك علي سنة الله ورسوله ولازم تعاملها معاملة كويسة وتهتم بيها
تنهد آدم وتركهم وغادر المنزل وذهب لمنزله وصعد لغرفته وأغلق الباب بالمفتاح وجلس علي السرير يبكي وهو يمسك صورة لينا ويشعر بالذنب والندم من ماحدث
اما بالمنزل الكبير
توفيق:روحي ياسوزان لبيت جوزك
سوزان:وانا هعرفه منين
داليا:مرام
قاطعتها مرام وهي تمثل انها تتألم من معدتها
مرام:اااه بطني وجعاني ياماما
داليا:وجعاكي ازاي انتي كلتي ايه
مرام:مكلتش حاجة بس ريحة الفسيخايه وهي تشير لسوزان اللي هناك قالبه معدتي ااه تعالي يامريم ساعديني يا اختي
قامت مريم.وهي تكتم ضحكتها وذهبت لمرام وساندتها وقبل ان يخرجوا من الغرفة
مرام:ابقوا رشوا كولونية علشان ريحة الفسيخ وحشة
وغادرت هي ومريم الي منزلهم
ودخلوا للمنزل وهم يضحكوا
مريم:بس انتي عملتي كده ليه يامرام
مرام:انتي كنتي عايزاني اودي الفسيخايه دي لبيت آدم ده انا لو مشيت معاها خطوة أدي دقني ان ماكنت جبتها من شعرها كنت همرمطها لإنها السبب في اللي لينا فيه
مريم:معاكي حق هي تستاهل الحرق خلينا نطلع ننام لإني تعبانة والصبح نبقي ندور علي لينا
مرام:يلا يا اختي
صعدت مرام ومريم كل وحدة بغرفتها وهم حزينين علي لينا
اما بالمنظل الكبير
كتم الجميع ضحكته علي مرام فهم يعلموا لما هي فعلت ذلك وكانت سوزان تأكل نفسها من الغيظ
مالك:تعالي ياأنسة سوزان ولا أقول مدام
سوزان بتكبر:طبعا مدام ومدام آدم الحناوي
مالك:يلا هوديكي بيتك
تحركت يوزان بالأمام وخلفها مالك وهو يغض بصره منها حتي خرجوا من المنزل ووجه مالك كلامه لسوزان
مالك:تعرفي انك بعملتك دي كسرتي قلبين القلب اللي كسرتيه يبقي قلب آدم من زعله وجوازه منك لإنك.خليتيه يتجوزك وهو بيحب غيرك والقلب التاني قلب لينا اللي هو اتحول لجمرة من نار بتحرق اي حد قدامها وحوليته لحجر مابيرحمش وفي يوم هتلاقي النار دي بتحرقك انتي بدأتي حرب من غير ماتحسي
ثم صمت وقال
مالك:اهو وصلنا اتفضلي
تركها مازن وذهب لمنزل مرام ومريم وصعد لغرفته ونام
اما سوزان فإقشعر بدنها من الخوف من كليمات مالك كليماته فقط ارعبتها ماذا سيحدث ان حدث هذا حقيقا فسوف تموت حتما
دخلت سوزان للمنزل وانبهرت من روعة تصميمه صعدت علي السلم وذهبت للغرفة الرئيسية وجدت الباب مغلق فطرقت علي الباب بصوت عالي
سوزان:آدم افتح الباب
آدم بصوت عالي من الداخل:مش عايز اشوف وشك ياسوزان روحي اي اوضة تانية والا هتندمي
سوزان:اروح اوضة تانية ايه انت جوزي وانهاردة ليلة فرحنا كفايه انك ضيعت نص اليوم وانت بتستني ست لينا اللي كلكم مرعوبين منها مش عارفة علي ايه
في هذا الوقت فتح آدم الباب وأمسك سوزان من شعرها بقوة وغضب فتألمت هي بقوة
آدم بغضب:لو جيبتي سيرتها تاني علي لسانك هقطعهولك فاهمة
لم ترد بل حاولت ان تزيل يده عنها
آدم بصراخ وهو يشد من قبضته:فهمتي
سوزان بألم:ح.حاضر حاضر
آدم:تروحي زي الشاطرة كده أي أوضة مش عايز ألمحك قدام الأوضة دي تاني
ألقاها آدم علي الأرض ودخل غرفتها وأغلقها بالمفتاح وقامت سوزان وذهبت لغرفة أخري دخلت وجلست علي السرير وهي تتوعد لآدم ولينا حتي غلبها النوم
ذهب الجميع لمنزله ونام ناموا منهم من هو حزين ومنهم من هو نادم ومن من يتوعد بالشر وأكثرهم من يدعو بأن تأتي لينا للمنزل وتكون بأفضل حالة ولايحدث اي شئ أخر
٪٪٪٪٪٪٪٪٪٪٪٪٪٪٪٪٪٪٪٪
مر أسبوع كامل
والجميع يبحث عن لينا ولم يجدوها لم تذهب لأي مكان لا للشركة ولا للجهاز ولا حتي لأصدقائها لم يجدوها أبدا
وفي يوم
في صباح هذا اليوم
ذهب الجميع للمنزل الكبير وجدوا الأنوار مغلقة فقامت مريم بإضائتها وشهق الجميع عندما وجدوا لينا تجلس علي الكرسي وهي تضع يدها علي جبينها وعينيها مغمضة العينين
ظل الجميع ينظر لها بصدمة وإشتياق ولم يتحرك اي أحد وظلت هي ساكنة بالكرسي لبعض الوقت ثم أبعدت يدها عن جبينها وفتحت عيونها ونظرت لهم
نظر لها الجميع بحزن لما وصلت له حالتها فقد نحفت كثيرا من قلة الطعام وأصبحت عيونها كجمر من النار لونها أحمر ويخيم علي وجهها الحزن والأسي وخيبة الأمل بسبب خيانة أقرب الناس لقلبها  وقفت لينا علي قدميها وتقدمت منهم حتي وقفت علي مقربة منهم وهي تضع يديها بجيب بنطالها ارتدت خطوة للخلف عندما ركضت لها داليا واحتضنتها بقوة وهي تبكي فأغمضت لينا عيونها بألم وقربت رأسها من أذن داليا وقالت بهمس
لينا:مبقاش من حقك
ارتخت داليا بين أحضان لينا وبدأت بالإبتعاد عنها وهي تنظر لوجهها بصدمة فأبعدتها لينا عنها ووجهت نظرها لجميع
لينا بجمود:النظام ده انتهي ان اي حد يحضني مفهوم حضني مبقاش ملك لحد دي أول حاجة نظام اللي هينزل بدل الدموع دم وهو بيترجاني ده ممنوع ثالثا مالك وآدم وزياد وأكرم تعالوا ورايا علي المكتب ثم نظرت لشخص نظرة فهمها وقالت يلا ورايا
صعدت لينا للمكتب وترأسته وارجعت رأسها للخلف تنظر للسقف وبعد دقيقتين صعد مالك وآدم وزياد وأكرم ودخلوا للمكتب وجلس كل مالك وزياد امامها وأكرم وآدم علي الأريكة مرت ثواني ولم تزح لينا نظرها من علي السقف
مالك:لينا انتي كويسة
اعتدلت لينا بجلستها وقالت
لينا:في مهمة عايزاكم انتوا الأربعة فيها
زياد:مهمة ايه
لينا:لازم نقضي علي كمال
أكرم:طيب هنقضي عليه ازاي وانتي حاولتي كذا مرة ومانجحتيش
لينا بتوعد:المرادي هوديه وراه الشمس وهعرفه مين لينا المهدي
آدم:عندك خطة
نظرت له لينا وتجاهلت سؤاله ثم وجهت نظرها لزياد
لينا:قولتلها علي الموضوع
زياد:ايوة وهي بتراقبه بكل دقة وأي معلومة بتوصلني
لينا:وصيها ان أي صغيرة وكبيرة توصلني ماشي
زياد:أوكي
مالك:مين هي البنت اللي بتتكلموا عنها
لينا:لم نروح شقتي هتشوفوها وهتعرفوها
وجهت لينا نظرها لآدم وقالت
لينا:انا عندي خطة فعلا ومجهزاها  ودي الوحيدة اللي هتوقع كمال في شر أعماله
صمتت لينا وأخرجت هاتف من درج المكتب ووضعته أمامها وقامت بإعطائهم الرقم الجديد
لينا:الرقم ده مش هيبقي غير معاكم انتوا الأربعة والبنت ماشي
أكرم:مش هتديه لعيلتك ليه
لينا:ماتثقش الا في نفسك يا أكرم تعرف اني لحد دلوقتي مابثقش في اي حد فيكم
ونظرت لآدم وهي تقول
لينا:أصلي بتخان من أقرب الناس ليا
نظر لها آدم بحزن وندم وأخفض رأسه للأسفل
لينا:بتعرفوا تمسكوا أسلحة وتضربوا نار
مالك وآدم وأكرم:ايوة
لينا:طيب كويس زياد هيعلمكم شوية حجات في السلاح مايعرفهاش النمل الأبيض وعايزاكم تضربوا كتير لإن اللي جاي أصعب لإن اللي بيعمله كمال كبير كمال مش تاجر مخدرات وبس ده تاجر أعضاء وبيبيع البنات للرأيس اللي بره جاتلي كذا رسالة عن الخطف وقتل البنات لازم نوصلهم هنتجمع في شقة الدفع الخماسي أوكي وهناك هوريكم كل ركن من أركان بيت كمال هوريكم مداخله ومخارجه وهوريكم الأماكن السرية بس الموضوع ده مايتقلش لحد
ونظرت لينا لآدم وقال
لينا:بالذات مراتك لإن الشك كبير أوي عليها يلا دلوقتي كله بره
خرج الجميع من المكتب وجلست لينا بالمكتب وأمسكت بهاتفها واتصلت بالفتاة
لينا:كله تمام
الفتاة:ايوة
لينا:اي صغيرة وكبيرة توصلي ماشي
الفتاة:ماشي ممكن أقوة كلمتين
لينا:اتفضلي
الفتاة:الله يخربيتك سيبتيني اسيب التخصص بتاعي علشان أراقب سي كمال ربنا يخدك ياكمال ياابن أم كمال يارب ياقادر ياكريم
لينا:بلاش كلام كتير وركزي في شغلك
الفتاة:منك لله ربنا علي الظالم والمفتري
أغلقت لينا بوجهها الهاتف ووضعتها بجيب بنطالها ووقفت من علي الكرسي وخرجت من المكتب ونزلت للأسفل جائت لتذهب ولكن توقفت علي كلام هذه المعتوهه
سوزان بعصبية:ايه الرعب اللي عملاه في البيت ده مش ملاحظة انك مكبراها
مخليا الكل مرعوب منك عاملة نفسك بنت بشوات بصحيح ده انتي شكلك واحدة جايبينك من الشارع وعاملة كل ده علشان يهتموا بيكي
التفتت لها لينا ونظرت لها من أعلاها لأسفلها وظلت تقترب منها ببطئ وسوزان تحاول ان تقف بثبات امام هذا الوحش الكاسر نظر الجميع لسوزان بخوف لايريدوا ان تفعل لينا بها شئ
اقتربت لينا من سوزان وقالت
لينا بهدوء ما قبل العاصفة:عايزة تعرفي انا مين
سوزان:يعني هتكوني مين أكيد واحدة سوابق
لينا:انا هعرفك أنا مين
قبضت لينا علي قبضت يدها بقوة حتي ابيضت وقامت بلكم سوزان بقوة شهق الجميع بفزع وكانت ستهوي سوزان علي الأرض ولكن أمسكتها لينا من زراعها بقوة وقالت
لينا بهمس كفحيح الأفاعي:عايزاكي تفتكريني بالإصابة دي
قامت لينا بلوي زراع سوزان للخلف وقامت بالضغط عليه بقوة أدت الي احتكاك عظامها ببعضها وانكسرت نظر لها الجميع بصدمة وهم يستمعون لصوت تكسير عظامها كانت سوزان تفتح عيونها علي وسعهما ثم صرخت بصوت عالي من الألم وقامت لينا بإلقائها علي الأرض وهي تصرخ وتبكي جثت لينا علي أطراف أصابع قدمها أمامها واقتربت منها وقامت بإمساك فكها بقوة
لينا:عرفتي انا مين دلوقتي ياحلوة
لم ترد عليها سوزان فإقتربت منها لينا وهمست لها بهدوء مخيف
لينا:حسابك معايا تقل بس انا مش هعاقبك دلوقتي استني بس وانا هوريكي مين هي لينا علي حق
تركتها لينا ووقفت ووجهت نظرها لآدم
لينا بسخرية:ابقوا لموا زبالتكم لوسمحت
تركتهم لينا وخرجت من الفيلا وذخبت ركبت السيارة ووجدت البنت تتصل بها فردت عليها
لينا:نعم
البنت:في طفل ربطينه وحاطين عليه حراسه كتيرة وموجهين السلاح عليه تعالي انقذيه
لينا:مش هيعملوله حاجة ماتقلقيش
البنت:بقولك موجهن السلاح عليه
لينا:من سنين وهما مقعدينه نفس القعدة وموجهين السلاح عليه ماتخفيش سلام
اغلقت لينا الهاتف وتحركت بسيارتها لشركة والدها خالد المهدي
٪٪٪٪٪٪٪٪٪٪٪٪٪٪٪٪٪٪٪٪٪
يتبع
بقلمي آية عثمان