رواية عشق بعد دمار الفصل الثالث والعشرون 23 - بقلم @Aya Asman219

جلست مرام علي الأرض وهي تبكي بشدة ويقف الجميع يتابع الموقف بزهول خرجت سمية بسرعة وراء لينا وجدتها تركب سيارتها وتستعد للذها فذهبت لها بسرعة وركبت بجوارها فتحركت لينا بصمت
في الفيلا
ذهب أكرم لمرام وأمسكها من كتفها ولكنها دفعت يده عنها ووقفت وجففت دموعها بقوة وقالت بغضب
مرام بغضب:اياك ثم اياك تقرب مني ولا تلمسني تاني فاهم
وتركته وصعدت لغرفته
كان أكرم يقف مصدوم من ما قالته ماذا فعل لتقول هذا ذهب له أكرم ووضع يده علي كتفه
أكرم بصدمة:هو في ايه هي ليه كلمتني كده
آدم:أكيد في حاجة خلتها تقول كده
أكرم:بس هي بتحبني وقالتها بنفسها
آدم:هي دلوقتي زعلانة لما لينا ضربتها شوية وتهدي وروح افهم منها في ايه
أمأ له أكرم بالموافقة وتركهم وذهب
٪٪٪٪٪٪٪٪٪٪٪٪٪٪٪٪٪٪٪٪٪٪٪
في سيارة لينا
كانت لينا تقود بسرعة البرق بسبب غضبها وسمية تجلس بجوارها وهي تمسك بالكرسي بقوة وهي مرعوبة وتضع يدها الأخري علي بطنها المنتفخ صارت لينا تقود بسرعة لمدة ساعة حتي وصلت لأحد المنازل ونزلت من سيارتها وخلفها سمية ودخلوا للمنزل قامت لينا بالضغط علي جرس الباب ففتحت لها الخادمة
الخادمة:نعم مين حضرتك
قامت لينا بإزاحته ودخلت وورائها سمية وجدت تامر ووالده ووالدته يجلسوا علي طاولة الإفطار ذهبت له وقامت بإمساكه من ياقة قميصه وصارت تلكمه بقوة ووالدته تنظر لهم بصدمة وتصرخ ذهب للينا وأمسكتها من يدها
والدته:انتي مين وبتضربيه ليه حرام عليكي هيموت في إيديكي
لينا بغضب:سمية إبعديها عني
أبعدتها سمية عنها وصارت لينا تلكم بتامر بقوة
والدة تامر ببكاء:قوم ياحسن ساعد إبنك هتموته في إيديها
حسن بلا مبالاة:خليها تربيه
والدة تامر بصراخ:الله يخليكي إبعدي عنه هيموت في إيدك ثم وجهة كلامها لسمية الله يخليكي خليها تبعد عنه
سمية:لينا إبعدي عنه ثم بصراخ لينااااا
توقفت لينا عن لكمه وأمسكته من ياقة قميصه
لينا بهدوء مرعب:قسما بربي لو قربت من مرام تاني مش هيكفيني موتك
ثم ألقته أرضا وذهبت ولكن قبل أن تخرج
لينا:ياريت تربوه كويس وتعلموه يبعد عن بنات الناس لإني وربنا ساعتها هوريه وش الوحش بذات نفسه
خرجت لينا وسمية وركبوا السيارة وتحركت لينا
سمية:في ايه يالينا ليه ضربتي مرام وضربتي الولد ده في ايه
وقفت لينا بالسيارة وتنهدت تنهيدة قوية وارجعت رأسها للخلف وأغمضت عينيها
سمية:انتي كويسة
لينا:شيلي جزء من الحمل من علي كتافي ياسمية
سمية:ماشي ياحبيبتي بس في ايه
لينا:عايزاكي تهتمي بمرام ومريم ماتسيبهومش يخرجوا لوحدهم اول ما تلاقيهم هيخرجوا لوحدهم ابعتي وراهم الحرس
سمية:حاضر بس ليه ضربتي مرام والولد
قصت لها لينا ماحدث
سمية:طيب ضربتي الولد ليه
لينا:لإنه عايز يقرب من مرام بأي طريقة انا مستحيل أخليها تحس بنص اللي انا حسيته مع كمال تامر زي كمال وانا عايزة ابعدها عنه بس مرام غبية ومابتفهمش مرام بعنادها ده هتخلي التاريخ يعيد نفسه مرام مش هتستحمل نص اللي انا استحملته مرام ممكن تموت فيها
سمية:ماشي هحاول اخليني معاها دايما وماخليش حد يقرب منها
لينا:ماشي نرجع البيت
سمية:لا انا عايزة مانجة الأول
لينا:ايه بتتوحمي
سمية:طبعا بس ظروف محمد مكانتش كويسة
لينا:انا هوديكي مزرعة عيلة المهدي هتاكل مانجة لحد ماتشبعي
سمية:بجد انتي أحسن أخت في الدنيا
إبتسمت لها لينا وتحركت بالسيارة
لينا:انتي حامل في بنت ولا ولد
سمية:بنت
لينا:طيب متابعة مع دكتورة
سمية:أيوة ومحمد دايما بيجي معايا
لينا:جوازك من محمد كان جواز صالونات ولا عن حب
سمية:عمن حب طبعا أنا ومحمد بنعشق بعض
لينا:اتعرفتوا علي بعض فين
سمية:قصدك هو اتعرف عليا ازاي
لينا:انا ليه حاسه انك عملتي مصيبة
سمية:فعلا اسمعي ياستي
Flash Back
خرجت سمية من جامعتها مع أصدقائها وهي تمزح معهم وتضحك بصوت عالي حتي جائت سيارة تسير بسرعة كادت تصطدم بها ولكنها توقفت بسرعة وقفت سمية بسرعة ونظرت للسيارة وجدت رجل ينزل منها ذهب لها وتحدث بغضب
محمد بغضب:انتي غبية عمالة تضحكي وماشية زي السلحفة وده الطريق السريع يعني كان زماني طيرتك من مكانك
سمية:ماتهدي علي نفسك يابابا واحترم نفسك واعرف انت بتكلم مين
محمد:بكلم مين هكون بكلم أنجلينا جولي ولا شاكيرا
سمية:لا سمية المنشاوي
محمد:استني انا سمعت الإسم ده فين
سمية:طبعا لازم تعرفه ده انا حفيدة المنشاوي أشهر من النار علي العلم
محمد:بت انتي ماتستفزنيش
سمية:بس يابابا لقلب وشك شوارع
محمد:ماتحترمي نفسك يابت في بنت تقول الكلام ده
سمية:مش انا قولت يبقي فيه ووسع عن طريقي علشان مش فاضية
محمد:ليه يعني هتروحي الكوافير وتعملي بادكير ومانكير
سمية:طبعا ده الجمال سر الأنوثة ابعد بقي
سارت سمية ومعها أصدقائها وهم يضحكوا علي طريقة سمية بالرد
ولاء صديقتها بضحك:ايه يابت ياسمية اللي عملتيه ده ده انتي معروف عنك الأدب والخجل والهدوء
سمية:والله ما اعرف ياختي شكل موضوع العريس بتاع باليل ده هو اللي قالب دماغي
ساندي:ايوة صح هتعملي ايه في موضوع العريس
سمية:هطيره زي غيره
ياسمين:يابنتي حرام عليكي ده انتي موديه نص شباب مصر المستشفي المصيبة بقي انهم مزز وانا كل اللي يجيلي يبيبقوا بيشتغلوا مكانيكين وبتوع شوارع وحارات
سمية:بس بس ياماما منك ليها انا هروح علشان سوسو وحشتني ومتنسوش تيجوا باليل علشان تساعدوني في تطفيش العريس
أصدقائها:ماشي
ذهبت سمية لمنزلها ودخلت وجدت والدتها بالمطبخ ذهبت لها وقبلتها من وجنتها
سمية:ازيك ياسوسو وحشتيني
إسراء:انتي أكتر ياحبيبتي عملتي ايه في إمتحانك
سمية:جري ايه ياسوسو انتي بتشككي في قدراتي ان شاء الله زي كل سنة إمتياز وهكون الأول علي الدفعة
إسراء:إن شاء الله ياحبيبتي ها فكرتي في موضوع العريس
سمية:ايوة هقابله
إسراء:لو مش موافقة بلاش يجي وتعملي في حاجة
سمية:ما انتي عارفة ياماما اني مش عايزة اتجوز
إسراء:كل بنت أخرها الجواز وتعيش في بيت جوزها قابلي عريسك وشوفيه اذا كان كويس اتجوزيه ولو مش كويس خلاص ارفضي انتي صاحبة الشأن في الأخر
سمية:حاضر ياحبيبتي هطلع أرتاح شوية
صعدت سمية لغرفتها ونامت من كثرة التعب
في المساء
جاء العريس وأهله وتجهزت سمية لتقابل العريس
في الأسفل
والدة العريس:إنتي عارفة احنا جاين ليه يا إسراء عايزين نطلب ايد سمية لإبني وانتي عارفة صفاته وانه كويس وملهوش في الشمال
إسراء:طبعا ياحبيبتي هو في في أخلاق محمد وأدبه
محمد:ميرسي ياطنط ده من ذوقك
والد محمد:بس احنا هنكتب الكتاب ازاي وملهاش وكيل
صمتت إسراء قليلا وتذكرت خالد
إسراء:لا في وإن شاء الله هيبقي موجود
والدة محمد:مين
إسراء:جوزي هو اللي هيكتب كتابها علي محمد
والد:محمد:يبقي علي بركت الله ممكن نشوف العروسة
إسراء:ثواني هروح أجيبها
تركتهم إسراء وصعدت لسمية وجدتها تجلس علي السرير وهي شاردة ذهبت لها وقبلت جبينها
إسراء:قمر ياحبيبتي
سمية:انتي اللي قمر ياروحي ها العريس حلو ولا لا
إسراء:هو أخلاق وأدب وطيبة وكويس وإن شاء الله هتحبيه أول ماتشوفيه
سمية:طيب يلا ننزل
نزلت سمية وإسراء الي الأسفل وسمية تنظر للأرض وضربات قلبها تزداد كل ما تقترب من الصالون عندما وصلت أغمضت عينيها بقوة
محمد بصدمة:انتي
سمية:في نفسها هو ولا لا ماهو صوته ربنا يستر
فتحت سمية إحدي عينيها وعندما وجدت محمد فتحت عينيها الأخري وشهقت بصدمة ظلوا ينظروا لبعضهم بصدمة وأهلهم ينظروا لهم بإستغراب
سمية:انت ازاي تيجي هنا هتنتقم مني صح علشان اللي عملته الصبح صح اعتبرني زي أختك ولا أقولك انت ممكن تضرب أختك اعتبرني أمك بس ماتضربنيش بالله عليك
فاق محمد من صدمته من كلامها وصار يضحك بقوة وسرحت هي بضحكته كم هي جميلة توقف محمد عن الضحك ونظر لها
إسراء:انتوا تعرفوا بعض
سمية:أصلي دبشت في الكلام الصبح معاه
والدة محمد:إزاي
سمية وهي تضع يدها علي رقبتها:هزقته لما كان عايز يخبطني هو انا ابقي كده غلط عشان يجي ينتقم مني والنبي ياطنط انا واحدة ينتقم منها ده أنا كويتة وعسل صح مش أنا كيوته
والدة محمد بضحك:كيوتة طبعا بس محمد مش كده ياحبيبتي هو مش هينتقم هو حاي علشان يتجوز بصي اتخطبوا واتعرفوا علي بعض ولو نفع تبقوا لبعض ماشي لو لا يبقي خلاص
سمية:أمري لله بس إياك ترميني في أوضة الفران
محمد:ليه بتخافي
سمية:بخاف ايه لا علشان مش بعرف أنام من صوتهم
ضحك الجميع وقرأوا الفاتحة واليوم الثاني ذهبوا وأحضروا الشبكة والخواتم ومر شهر وازدادت مقابلات محمد وسمية وأحبوا بعضهم كثيرا
End Flash Back
سمية:وبس ياستي ده اللي حصل
لينا:المهم تحافظي علي جوزك لإن نوعه ده انتهي من زمان
سمية:ونوع آدم برده انتهي من زمان
لينا:تقصدي ايه
سمية:انتي فاهماني يالينا كويس ليه مش قادرة تسامحي آدم وتكلميه ادي لنفسك وليه فرصة اتعرفوا علي بعض أكتر
صمتت لينا ولم تتحدث حتي وصلوا للمزرعة
لينا:وصلنا يلا انزلي
نزلت سمية ودخلوا للمزرعة
سمية:واااااو يالينا المزرعة تحفة والفاكهة طازة
لينا:خدي اللي انتي عايزاه وعندك مانجة كتير اهو
جلست سمية ولينا اليوم بأكمله بالمزرعة وهم يأكلوا الفواكه وفي المساء ركبوا السيارة وذهبوا للمنزل وعندما وصلوا نزلوا من السيارة ودخلوا
لينا:مرام فين
داليا:فوق
صعدت لينا لغرفة مرام وطرقت باب الغرفة ولكن لم يرد أحد صارت تطرق ولم ترد فتحت باب الغرفة ولم تجدها بحثت بالغرفة كلها ولم تجدها واتصلت بها وجدت الهاتف مغلق
لينا بصراخ:مرااااااااام
نزلت لينا بسرعة وقلق
لينا:مرام فين
روز:في أوضتها يالينا
لينا:مش في أوضتها
أكرم:يعني ايه مش في أوضتها اتصلتي بيها
لينا:تليفونها مقفول ماخرجتش من الفيلا اول ما انا مشيت
إسراء:ماخرجتش طلعت علي أوضتها بس
لينا بصراخ:نياان
أسرعت لها الخادمة بسرعة
نيان:نعم سيدتي
لينا:أرسلي رئيس الحرس سريعا هياا
خرجت الخادمة وذهبت لرئيس الحرس وأحضرته وقف رئيس الحرس أمامها بخوف
لينا:مرام خرجت من الفيلا
رئيس الحرس:لا محدش خرج من الفيلا
لينا:تروح تجبلي تسجيل كاميرات انهاردة
أمأ لها رئيس الحرس بالموافقة وذهب أحضر لها التسجيلات أخذتها منه وصعدت لغرفة المكتب وورائها آدم وقامت بتشغيل التسجيلات وصارت تنظر لها حتي وجدت شخص ملثم يدخل لغرفة مرام ويقوم بتخديرها ويقفز من النافذة ويذهب أغمضت لينا عينيها بغضب وأغلقت التسجيلات ونزلت للأسفل وجلست بالصالون وهي تضع يدها علي رأسها وتدفن أناملها بخصلات شعرها وتضغط عليه بغضب
أكرم:في ايه يالينا لقيتوا حاجة
لينا:مرام اتخطفت
صدم الجميع من كلامها وسقطوا مكانهم بصدمة في هذا الوقت رن هاتف لينا أخرجت وجدته رقم غير ممعروف قامت بتشغيل التسجيل وردت عليه
لينا:الو
:حبيبتي وحشتيني كده تاخدي إبني وتمشي من غير ماتسلمي عليا تصدقي زعلت
لينا بهدوء وهي تجز علي أسنانها:عايز إيه ياكمال
كمال:إنتي اللي عايزه مش أنا
لينا:قصدك إيه
كمال:أختك المصونة عندي وقدامي كمان عايزة تسمعي صوتها
أمر كمال الحارس بإلقاي المياه علي مرام فإستيقظت بفزع ونظرت لكمال بخوف فصرخت بخوف
مرام بصراخ:ليناااااااا الحقيني
هنا وقع قلب لينا وقفت من مكانها بفزع وقلق عليها وقام كمال بوضع الهاتف علي أذن مرام وأخبرها بأنها لينا
مرام ببكاء:لينا الحقيني يالينا أنا خايفة تعالي ساعديني ياحبيبتي بسرعة
أغمضت لينا عيونها بألم وقالت
لينا بغضب:مرام إجمدي شوية مش شوية أغبية هيتمردوا علي مرام المهدي فين قوتك وعنادك وريهم مرام العنادية إستخدمي قوتك
خرجت لينا من الصالون ووقفت بمكان بعيد
لينا:كمال مجروح بكتفه اضربيه مكان الجرح هتلاقي في حقنة مخدرة في شنطتك طلعيها استخدمي عقلك
مرام:بس مش هقدر استحمل لحد ماتيجي يالينا ده شكله خطف آسر كمان انا كل شوية أسمع صوته وهو بيصرخ وبيعيط ومش عارفة أعمل ايه
لينا بحزن أخفته:انا معاكي يامرام ماتخفيش هعرف أجيبك افتكري الأوقات اللي كمال عذبني فيها إفتكري عياط وألم آسر افتكري صراخ آسر بسببه هتعرفي تإذيه ماشي ياحبيبتي  باي
مرام:باي
أغلقت لينا الهاتف وذهبت جلست معهم
لينا:زياد خد الرقم ده واعرف مكانه فين
زياد:مش ممكن يرمي الخط
لينا:كمال مش بالذكاء ده تعرف علي  قد انه تاجر سلاح وخدرات علي قد ماهو بيبقي غبي في بعض الأوقات يلا اتبعلي الرقم ده بسرعة
أخذ زياد منها الرقم وذهب يتتبع مكانه
جلست لينا مكانها وألم قلبها يزداد تتمني ان لا يصيب ابنها وأختها اي مكروه أغمضت عينيها بقوة حتي سمعت رنين هاتفه وجدته زياد فردت
لينا:فين
زياد:في(.......)
أغلقت لينا بسرعة وركضت وورائها أكرم وآدم وخرجوا ركبوا السيارة وقادتها لينا بسرعة وهم خلفها وصلوا للعنوان نزلت لينا من السيارة ونظرت للمنزل بألم وحزن هو اول مكان يقوم كمال بتعذيبها لقد أغتصبها ودمر روحها بها
آدم:يلا يالينا
تنهدت لينا تنهيدة طويلة ودخلت المنزل وهي تمسك بسلاحها ودخلت للمنزل وهي تنظر لكل ركن به وتتذكر عذابها فيزداد إحمرار عينيها وغضبها سمعت صوت صراخ من إحدي الغرف
لينا:أكرم آدم ساعدوا آسر وانا هروح أساعد مرام
ذهبت لينا لإحدي الغرف وجدت مرام تتقاتل مع أحد الحرس ولكن لاتستطيع لضعف قوتها قامت لينا بإطلاق النيران عليه وذهبت لمرام وإحتضنتها
مرام ببكاء:بحبك يالينا ومش هعمل أي حاجة تخليكي تزعلي مني تاني
لينا:روحي الأوضة التانية هتلاقي آدم وأكرم يلا
خرجت مرام بسرعة وقابلت أكرم وآدم وهم يخرجوا من الغرفة ومعهم آسر فركضت بسرعة وقامت بإحتضان أكرم بقوة إحتضنها هو بقوة وهو يدفن رأسه بعنقها إبتعد عنها وأمسك وجهها بيديه
أكرم:انتي كويسة صح محدش عملك حاجة
أمائت له بلا وإحتضنته مرة أخري خرجت لينا من الغرفة وذهبت لهم وجدت آدم يحمل آسر وهو مغمي عليه
سارت لينا وهم خلفها حتي توقفت عندما سمعت صوته
كمال:هتمشي قبل ماتسلمي علي ياحبيبتي
لينا:كمال ابعد عن طريقي وسيبني وإلا هتشوف هعمل فيك ايه
كمال:ولا تقدري لإني عارف إنك لدلوقتي لسه بتحبيني وبتخافي عليا
لينا:انا هوريك بحبك قد ايه
ذهبت له لينا وقامت بلكمه بقوة صارت تلكمه كثير وهي تتذكر عذابه لها وجروح آسر ثم إبتعدت عنه
كمال بضحك:كنت عارف إنك هتبعدي لإنك خايفة عليا
لينا:لا انا بعدت علشان أقتلك
رجعت لينا خطوتين للخلف وأمسكت بسلاحها وقامت بالضغط علي الزناد فأطلقت الرصاص علي فجائت بقلبه صارت تطلق العديد من الرصاصات عليه حتي جاء لها آدم وأوقفها وأخذ منها السلاح وإحتضنها
آدم بهمس:إهدي ياحبيبتي
لينا:عايزة أمشي من هنا
خرج أكرم ومرام ولينا وآدم وهو يحمل آسر ركبوا السيارة وقادها آدم للمنزل وعندما وصلوا نزلوا من السيارة ودخلوا للمنزل  وجلسوا بالصالون
داليا:انتي كويسة يامرام
مرام:ايوة كويسة الحمد لله ان لينا جات بسرعة
خالد:مين اللي خطفهم
مرام:كمال ولينا ضربته
خالد:حصله حاجة
لينا:مات
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
يتبع
بقلمي آية عثمان