تحميل رواية عشق في مهمه رسميه بقلم جيجي pdf

الاول....ايه انت عايز ابو جلابيه ده يروح المهمه معايا لا ويعمل جوزى كمان اكيد هنتقفش حضرتك كان واقف شاب قصاده بدله ضابط رسميه

وقال... وانتى خليتى فيها حضرتك مالو ابو جلابيه ده ده راجل لو كان عندكم منه كان زمانك واقفه تنشري الغسيل فى بلكونة بيتكم وبعدين انا فى شغلى بالبس الرسمى

وقفت بغضب وقالت... انت قليل الادب انت سامعه يا اونكل نشأت

الشاب قال... وانتى حرمه متربتيش ولسانك طويل وعايز حشه

كان واقف معاهم راجل فى الخمسين قال... باسس يا علي بس يا احلام اقعدوا وركزو معايا شويه دى مهمه مهمه جدا وانتو اكفا اتنين عندى ولازم تتعاونو سوا عشان ننجح فيها ونقدر نهرب الاطفال اللى هناك

على قال... وانا ايه اللى مصبرنى على الحرمه دى غير العيال

احلام قالت... حرمه بيقول عليا انا حرمه

نشأت قال.... معلش يا احلام يا بنتى اتحمليه انتى كمان عشان الاطفال يلا احنا جهزنالكم البطايق على انكم متجوزين

على قال... ماشى بس تسمع كلامى

احلام قالت... امم ليه بقى انت صدقت انك جوزى ولا ايه

على قال... هاها هاء انا لو مت متجوزكش يا بايره

احلام قالت... ايه انا بايره انا الحق بيقول عليا انا بايره

على قال... ايوه مش عندك ٢٨سنه تبقى بايره ندداتك حدانا وياهم ٤ او ٥ عيال اختى ٢٥ سنه وياها ٦ ولاد مشاء الله وانتى حتى مقروش فاتحتك

احلام قالت.... فاتحه اما يبقو يقروها عليك يا بعيد بس نشأت وقف فى النص وقال... خلاص ولا ايه

قالو... ماشى وطلعو من عندو

واحد من الضباط قال.... انت متأكد ان دول هينجحو دول نار وبنزين توم وجرى يعنى مستحيل يتفقو

نشأت قال ... عارف بس مع الأسف دول اللى هيقدرو يحلو الموضوع ويطلعو الاولاد

وحيد قال... يارب عند علي واحلام كانو وصلو وجهتهم وقال... ده المكان انزلى

احلام قالت... مش مستنياك تقولى شوفته على بصلها ومردش عليها ودخلو

واحلام قالت.. عايزين اوضه تكون فوق بعيده شويه

على قال بهمس ... اش انتى ازاى تتكلمي وانا واقف هبله انتى

احلام قالت بهمس .. ايه

على قال بهمس... عيب احنا معنديناش حريم يطلع صوتهم وسط الرجاله

احلام قالت .... رجاله ايه يا ابو رجاله انت صدقت نفسك

على قال... ايه صدقت نفسي دي كمان انا راجل وارجل من اللي خلفوكى

احلام قالت... بقولك ايه انا مش عايزه اتخانق معاك دلوقتي قدام الناس تمام فلم نفسك وخليك في حالك وخلينا نخلص في اليوم ده

على قال... يا رب يكون يوم انا هقعد قصادك في وشك لحد ما نخلص كيف هقعد معاكي انا مخابرش بس اهه هنجرب

احلام قالت... طب يا اخويا خليك في نفسك وخليني في نفسي

الشاب بتاع الاستقبال قال.... انتو بتتخانقو مع بعض ليه هو انتو مش عرسان جداد

على قال... اه احنا عرسان جداد بس في خلاف كده ما بينا اصل هي كانت عايزه تقضي شهر العسل في حته تانيه وانا اخترت المكان ده

قال... وايه هي العروسه ما عجبهاش المكان ولا ايه

على قال... لا لا عاجبها

احلام قالت.... عاجبني فين الاوضه اللي هننزل فيها

قال... اتفضلو المفتاح بس في واحد اسمه محمود الونش فى الاوضه اللى جمبكم بس لو حضرتك عايز حته تانيه

على قال.... لا حته تانيه ايه هو ده بالظبط اللي احنا عايزينه

قال... ماشي اتفضل اتفضلي يا مدام

على مسك ايد احلام وقال..... لا انت سيبها المدام انا هفضلها وقال بهمس... بيقول الراجل اللي اسمه محمود الونش ده قاعد في الاوضه اللي جارنا

احلام قالت... ما انا عارفه سمعته هو انا طرشه وطلعو فوق

وعلى قال... فين اوضه محمود الونش ده اللي انت قولت عليها يعني عشان نبقى عاملين حسابنا

قال... اللي هناك دي علي وعلي بص على الاوضه وكانت جنبهم بص لاحلام وقال.... ايه عجباكى الاوضه يا حبيبتي

احلام قال.... اه عجباني يا قلبي

قال... طيب مدام حبيبي وقلبي استاذن انا

على ادالو فلوس وقال.... الف سلامه يا غالى ودخلو اوضتهم وقال... الاوضه جنبينا بالظبط احنا دلوقتي نحط حاجتنا بعد كده هنخليه ينزل وهنروح الاوضه نقلبها راس على عقب ونشوفه ايه بالظبط اللي ممكن يساعدنا

احلام قالت.... تصدق كنت هروح اتعرف عليه عارفه ان ده اللي هيحصل ده اللى قاله اونكل نشات لما كنا هناك

على قال.... لا بقولك ايه احنا هنبقى فريق يعني المفروض اقولك حاجه تقوليلي حاجه

احلام قالت..... انا مش هتكلم معاك غير فى حدود الشغل

على قال.... وانا قلتلك تعالي نطلع نتعشى ما ده فى الشغل

وبعدين ايه يبقالك اونكل نشات انا من اول ما شفتك قولت انتى ليكى واسطه كبيره عشان توصلى للحته اللي انتى فيها دي اخوكى ولا ابوكي

احلام قالت... اولا انت اللى معاك واسطه علشان تبقى واصل لمركزك ده لان لو مش معاك واسطه وانت دارس فعلا وفاهم كنت عرفت ان اونكل دى لا بتتقال للاخ ولا للاب ثانيا انت مال امك

على قال... انتى هتجيبى سيره الحجه ولا ايه هي جات جنبك

احلام قالت.... خلاص يا حبيبي مدام مش عايزني اذكر الست الوالده يبقى ما تتكلمش معايا وما تفورش دمى

على قال.... هو انتى عندك دم عشان يفور اصلا بس قطعوا كلامهم صوت خبط على الباب على قال... مين اللي بيخبط ده

احلام قالت... انت مش شايفني واقفه جمبك يبقى عرفت ازاي روح شوف مين وانت تعرف

على قال... عارف يعني هي الكلمه جات كده ردت فعل وفتح الباب وكان راجل في الاربعين وقال... مساء الخير

على قال.... مساء النور يا فندم اتفضل

قال... لا شكرا انتم العرسان الجداد اللي هتقعدوا في الاوضه دي

على قال.... انت شايف ايه احلام جت من وراه وبصتله بصدمه لما لقيته محمود الونش

وصلو لهدفهم..

الفصل الثاني من هنا

التانى... انتم العرسان الجداد اللي هتقعدوا في الاوضه دي

على قال.... انت شايف ايه احلام جت من وراه وبصتله بصدمه لما لقيته محمود الونش

قالت... خير حضرتك في حاجه محمود بص لاحلام بوقاحه

وقال.... لا هو كان فيه بس ما فيش دلوقتي

على قال بضيق.... مش فاهم يعني حضرتك قاصد ايه بالظبط

محمود قال.... ما فيش مشكله ممكن نتعشى سوا بكره اهو نتعرف على بعض ولا نضايقكم

احلام قالت.... لا اكيد طبعا تضايقنا ايه اكيد هنيجى

على قال بهمس... مين يتعشى سوا

احلام قالت.... احنا اقعد ساكت هفهمك بعدين استاذ محمود هنتعشى سوا اكيد وسلمت عليه

محمود قال... بالاذن ومشي على قفل الباب بغضب

وقال.... تتعشى معاه بتاع ايه وبتسلمى عليه ليه

احلام قالت... انت مالك انت صدقت ان انت جوزي بجد ولا ايه

على قال... لا ما صدقتش اني جوزك بس بردك كيف يعني كده قدامي كيف كده هو فاكر ان انا جوزك يفكر فيا كيف دلوكتي

احلام قالت..... هقولك انا هنزل اتعشى معاه على اساس ان انت نمت وانت تروح تدور تقلب الاوضه على اى حاجه وتشوف بالظبط ايه اللي ممكن يساعدنا

على قال... يا سلام والراجل مش هيشك في حاجه واصل

احلام قالت.... انا هقنعه كويس انا استاذه في الاقناع

على قال.... لا لا انا ما حبيتش الموضوع ده انا هنزل اتعشى وانتى دورى

احلام قالت.... بقولك الراجل عايز يتعشى مع واحده ست ولا انت ليك فى العك ده

على قال..... استغفر الله العظيم انتى عايزه تقولي ايه يا مره انتى

احلام قالت.... انا قلت مش عايزه اقول يبقى اتاخد على جنب وتدور وبلاش الحركات دى عشان انت مش جوزي تمام دي بطاقه مضروبه ما تخلينيش افكرك كل شويه لحد يسمعنا وسابته ودخلت الحمام

على قعد على السرير وقال بهمس .... كيف يعني كده طب انا المع قروني يعنى يا ربى والناس فاكرينها مرتي ومنظري قدام الاوتيل كله ايه العمايل دي يا رب دولا عن الضابطات اللي هناك الحلوين اللي كيف المرمر موقعش غير فى دى قليل للبخت يعضه الكلب في المولد بقولك ايه فى سرير واحد هنا انا مش هنام على الارض انا بقولك اهو انتى ما بترديش عليا ليه احلام طلعت من الحمام

وقالت... عشان كنت في الحمام اكيد مش هرد عليك في الحمام ومين قالك نام على الارض انت اتخمد على السرير ولا على الكنبه ولا حتى على الدولاب

على قال.... كيف يعني اتخمد على السرير انتى مش هتقوليلي نام على الارض وانا انام على السرير وبتاع

احلام قالت.... البنات اللي بيقولوا الكلام ده بيبقى في ست وراجل ولا انت شايفني ست ولا انا شايفاك راجل انت شايفني عز وانا شايفاك عزه

على قال بغضب... ده انتى حرمه لسانك الطويل وما شوفتيش بشلن ربايه

احلام قالت... انا بقى مش هتكلم عن تربيتك لانها مش موجوده اصلا

على قال... بس يا حرمه انتى اقطمى واخد هدوم ودخل الحمام

احلام قالت... يا استاذ يا ريت ما تطلعش بالكلسون عشان المنظر بيبقى فاهمني طبعا

على قال..... ليه بقى ان شاء الله

احلام قالت... بيبقى مقرف

على قال... اللى احنا بنلبسو تحت الهدوم انتو بتمشي بيه وبتتباهوا بيه

احلام قالت... لا لا اللى انتو سيينه اكيد مش زي اللي احنا بنلبسه

على طلع وقال.... ليه عشان الكلسون بيبقى ضيق شويه ما انتو بتقطعو البنطلونات وبتطلعو بيها وانا مش هطلع بالكلسون قدامك انتى مش مرتى انا لابس قفطان ابيض اهه ما شايفهوش

احلام قالت.... ايه قفطان ده دي جلابيه

على قال... فى فرق ما بين القفطان والجلابيه

احلام قالت... ما علينا انا هكلم اونكل نشات اقوله ايه اللي حصل واقوله ان انا هنزل اتعشى مع محمود ده بكره بالليل

على قال..... براحتك احلام اخدت الفون وفضلت تكلم نشأت وجات لقت علي قاعد على السرير وبيتكلم في الفون بتاعه وضحك وقال... والله العظيم لو في العمر بقيه هاجيلك اول ما انزل اجازه لا لا انا ما اقدرش ازعلك انتى ست الكل ماشي سلميلي على امي يلا في رعايه الله

احلام قالت..... ايه بتكلم مين

على قال... دى مرتى

احلام قالت... ايه انت متجوز

على قال... ومالك اتخضيتى كده ليه مش راجل يعني ما اتجوزش ليه

احلام قالت.... لا ما اقصدش اقصد يعني ان مراتك سايباك عادى تقعد مع واحده وكده

على قال بخبث.... اه ما هى شافتك

احلام قالت... شافتنى فين وبعدين حتى لو شافتني يعني ما فهمتش

على قال.... مستحيل اسيبها هي وابصلك انتى يعني

احلام قالت... نام بدال ما انيمك على طول

على قال.... ماشي ونام واحلام نامت هى كمان في يوم جديد كانت احلام بتلبس

على قال بضيق.... ايه اللي انتى حاطاه ده وايه اللي انتى لابساه ده كانت لابسه فستان قصير وعامله شعرها

احلام قالت... ايه

على قال... ايه انتى ايه كل ده هو انتى عاجبك الموضوع

احلام قالت... لو لقيت حاجه هيعجبنى عشان وصلنا للهدف اللي احنا جايينلو لو ما وصلتش لحاجه لا وبطل تلف

على قال بضيق... بلاش تروحي والنبى

احلام قالت.... يا ابني انت ايه حكايتك اللي يشوفك يقول انك مش عايزني اروح او غيران عليا

على قال بخوف.... يا احلام انتى مش عارفه بتلعبي مع مين انا خايف ياذيكى

احلام قالت.. يا سلام ومن امتى ده ما انا شغاله في البوليس

على قال... يعني ده اخر كلام

احلام قالت.... ايوه

على قال.... طب انتى ليه لابسه كده

احلام قالت... تاني

على قال.. طب هو انتى يعني هتعملي اللي هيقول عليه الراجل ده

احلام قالت.... يا ابني احنا نازلين نتعشى مش رايحين اوضته علشان تعمل العمايل دي وحتى لو رايحين اوضته انت ما لكش دعوه يلا ابعد بقى ونزلت وعلى نفخ بغيظ منها وراح بسرعه على الاوضه بتاعه محمود وبقى يدور على اي حاجه تساعد فى المهمه بس ما كانش بيلاقي حاجه بس لقى ورق كتير طلع فونه وبقى يصور الورق وبعدين رجع على اوضته وبعتلها رساله عند احلام كانت قاعده مع محمود

وقال... هو جوزك ما نزلش معاكي ليه

احلام قالت.... نام امبارح كنا سهرانين وانا صحيت وكنا قلنالك آتنا هنيجى فقولت لازم انزل وجيت وما رضيتش اصحيه يعني قلت خليه كان ضروري يجي

محمود قال.... لا بالعكس انا كنت هقولك تعالي لوحدك بس خوفت تفهمينى غلط

احلام قالت.... لا طبعا بس انا مضطره اطلع دلوقتي علشان جوزي صحي هو بعتلي رساله وبالليل لو لحقت هجيلك باي

محمود قال..... هكون مستنيكى في اي وقت مغفل حد يكون معاه القمر ده وينام يلا هستناكى

احلام قالت.... ميرسي وطلعت على فوق

على راح عندها بلهفه وقال.... ها عملتى ايه

احلام قالت... انت عملت ايه

على قال..... عملك حاجه قليلى

احلام قالت... على عملت ايه

على قال... لقيت صور كتير لبنات واولاد صورتهم

احلام قالت... صغيرين يعني نفس الأعمار اللى فى البلاغات

على قال... اه يعني بصي عندك من خمس سنين وانتى طالعه لحد 15 16 ما فيش ازيد من كده وفيه ورق كتير لقيت في ارقام واسامي غريبه

احلام قالت.... اسامي ناس يعني

على قال.... لا زى اسامي المستشفيات كده

احلام قالت.... طب والتواريخ

على قال.... اه في تواريخ انا صورته كله شوفي كده احلام قربت منه ومسكت التليفون وبقت تدور فيه وعلي كان قاعد جمبها وبيشاورلها على الصور بس بصلها وشرد فيها شويه

احلام قالت.... تقريبا كده فهمت دول الاولاد اللي هم بيخطفوهم والاسامي دي اكيد اماكن اللي بيحطوا فيها الاولاد تقريبا كده بس ليه الاولاد اللي بيتخطفوا ما بيرجعوش معقول بيقتلوهم هناك وهزت كتفه

وقالت... على انت سامعني علي فاق من شروده

وقال... لا كنتى بتقولي ايه

احلام قالت.... انت كنت شارد في ايه

على قال.... في الورق في الورق انا كنت سرحان في الورق

احلام بصتله بشك وقالت.... تمام دي الاماكن اللي بياخدوا الاولاد فيها بس ليه الاولاد اللي بتروح ما بترجعش معقول بيقتلوهم

على قال... طب هما لو هيكتلوهم كانوا خاطفينهم من الاساس ليه في ناس كتيره ما عندهاش اعداء يعني عشان يحرقو قلبهم

احلام قالت.... احنا المفروض نروح في الاماكن دي ونشوف بقى ايه اللي بيحصل هناك

على قال.... لا انا بقول ان احنا نبعت الورق للريس نشأت وهو بقى يبعت حد يروح هناك يشوف ايه الاحوال واحنا نفضل حاطين عينينا على محمود ده لا يروح كده ولا كده

احلام قالت... عندك حق يا علي انا هبعتهمله اهوه

على مسك ايدها وقال.... مش هتقوليلي بقى ايه اللي حصل معاكي تحت

احلام قالت... مش هتقولي انت شاغل نفسك ليه باللي حصل معايا تحت

انا شاكه انه بيحبها 🤭

الفصل الثالث من هنا

٣....على مسك ايدها وقال.... مش هتقوليلي بقى ايه اللي حصل معاكي تحت

احلام قالت... مش هتقولي انت شاغل نفسك ليه باللي حصل معايا تحت

على قال... لا عادي فضول

احلام قالت... اوكى هو لما سأل عليك قلتله انك نمت لان احنا كنا سهرانين امبارح واه قال عليك مغفل حد ينام وانا معاه

على قال بغيظ... والله

احلام قالت بضحك... والله

على قال... طب يا اختي يلا ابعتيهم للريس يشوفهم ويرد علينا يا رب يكون فاضي

احلام قالت... بعتهم بقولك ايه مش هتقولي بقى انت مهتم بالموضوع ليه كل شويه تسال عملتى ايه عملتى ايه وسيبك من الفضول

على قال... عادي يعني مش احنا سوا

احلام قالت.... سيبك من موضوع سوا ده وقولي

على قال... لا عادي

احلام قالت... ماشي هعتبر انه عادي ليه ما كلمتش مراتك

على قال... مرتي مين

احلام قالت... مراتك الى كنت بتكلمها امبارح ولا هما اكتر من واحده

على قال... مرتى اه مرتي انتى بتسالي ليه

احلام قالت... عادي يعني

على قال.. على فكره انا كدبت عليكى يعني عشان كنت متضايق منك دى مش مرتى دى اختى

احلام قالت... اختك

على قال.... ايوه اختي وقاعده مع امي

احلام قالت... وليه لما تضايق منى تقولي انها اختك انا مالي

على قال... لا عادي يعني

احلام قالت... طب بتقولي دلوقتي ليه

على قال.... عادي برده انا بعوز اتكلم معاكي كده بس بلاقيكي دايما حاره سد كل ما اجيكي من حته تقفليها يوم القسم قولتى ابو جلابيه وما اعرفش ايه مالها الجلابيه دا سلو بلدنا

احلام قالت... ايه سلو بلدنا دي

على قال.... يعني عادات بلدنا

احلام قالت... اه الزي الرسمي بتاع بلدكم

على قال... اه زي بدله الشرطه حداكم وبصلها شويه وقال.... شكلك حلو قوي بالفستان ده مش زي لبس البوليس

احلام قالت.... اه ده لبس الشغل بس بقعد بره الشغل بلبس كده عادي يعني زي اي بنت

على قال.... اه بس انتى حلوه قوي في اللبس ده مش زي اي بنت انا عايز اخدك اعرفك على امي واخواتي واريكي بلدنا

احلام قالت.... لا بقولك ايه انت ارجع اتخانق معايا زي الاول احسن مش لايقلك خالص الكلام ده

على قال... ليه كده طب بقولك ايه تيجي ننزل نتعشى سوا انا وانتى ولا انتى اكلتي مع محمود الزفت ده

احلام قالت..... لا ما اكلتش معاه انا قعدت كده بس على بال ما انت تدور هنا

على قال... خلاص انا اطلب اكل يعني ولا ننزل ناكل سوا تحت

احلام قالت... لا ناكل تحت الهوا على البحر تحفه يلا

على قال.... بقولك ايه تعالي ناخد البطايق اللي ممكن تدل على اننا ظباط ولا حاجه عشان لو دخل هو كمان يدور

احلام قالت.... بس احنا معانا مفتاح بيفتح على كل البيبان

على قال... لو عند البوليس المفتاح ده يبقى عند الحراميه اللي العن منه تعالي يلا ونزلوا تحت وكانوا قاعدين قصاد بعض وبقو ياكله

احلام قالت.... انت عايش انت ومين بقى

على قال.... انا وامي واختي

احلام قالت..... ازاي كنت بتقول لما تنزل اجازه هتروح عندها

على قال.... لا اختي دي متجوزه متجوزه ولد خالي وانا لما جيت هنا جات تشوف امى واختى

احلام قالت.... اه انت وحيد امك

على قال.... لا مش وحيدها معاها ولدين بس اخويا الكبير اخد بيت واخد مرته فيه انا عشان لسه ما اتجوزتش قاعد في بيت ابويا بس انا مش ناوي اسيب امى لحالها هسكن معاها

احلام قالت... ربنا يخليك ليها

على قال... يا رب انتى بقى عايشه مع مين

احلام قالت... انا ساكنه لوحدى كنت عايشه مع ماما وبابا واختي ماما وبابا توفى من فتره واختي متجوزه قالتلي بصراحه كتير تعالي اقعدي معانا بس يعني هي وجوزها في البيت مش حاسها هتبقى حاجه كويسه لو رحت قعدت معاها فقلتلها لا

على قال.... وانتى ما اتجوزتيش ليه

احلام قالت.... هتقول بايره تاني

على قال.... لا لا جد بسال

احلام قالت.... شوف انا مش حاسه ان انا لقيت يعني الراجل اللي انا بتمناه وانا مش ناقصه يعني حاجه او محتاجه حاجه عشان اتجوز اي واحد وخلاص يعني انا بصرف على نفسي وعايشه حياتي يعني ايه اللي يخليني اتجوز اي واحد كده وخلاص

على قال... هو الراجل بس بتتجوزوه عشان يصرف عليكم

احلام قالت.... امال عشان ايه تاني

على قال.... حاجات تانيه طبعا

احلام قالت... بطل قله ادب وكل

على قال... ماشي انا باكل اصلا عارفه انا حاسس بيكي انا كمان امي قاعده تذن عليا كتير بصراحه عشان اتجوز والشباب اللي كدى في البلد اتجوزو بس انا

مش عايز اي واحده كده وخلاص لما قلت لامي ضحكت عليا قالتلي انت عايز تعشق وتتمعشق زي ناس البندر بس انا يعني حاسس ان انا نفسي يعني اعيش الحب اللى بيتعاش ده

احلام قالت.... طب انت جوزت اختك كده ولا اهالى

على قال... لا لا اختي دي كان ليها قصه حب ملهلبه مع ود خالي

احلام قالت... بجد ده ازاي بقى

على قال... هو ولد خالي ساكن قصادنا طبعا بيجي عندنا واحنا بنروح عندهم هو لما بياجى عندينا يعني احنا عندينا البنت ما تقعدش مع الراجل حتى لو كان ولد خالتها اول ما يجي كانت تروح المطبخ هو كان عارف انه بيحبها قال انا هتجوزها امى ما بتحبش امها كمانها اخت جوزها هناك فى اشاعه يعني ان اخت الجوز مش قد كده بس هي امى مع امه كده لكن مع اختها يعني عمتي التانيه سمن على عسل امي بقى كانت عايزاها تتجوز ولد عمتي دى بس هى كانت رايده امي قعدت تزعق معاها وقلتلها ما تتجوزيش ولد سعديه هتقعدي في بيت واحد معاها بس انا لما لقيتها ريداه بصراحه قلتلها خلاص ياما جوزيهالو

احلام قالت.... انت عادي عندك يعني

على قال.... ايوه ده حب شريف طاهر بيشوفها قدامنا مش زى عندكم يقابلها في السر ياخدها في مطعم كده تحت الترابيزه يوصلها بالليل ويزنقها فى الشجره

احلام قالت.... انت بتقول ايه اسكت

على قال.... ايه بشرحلك اللي احنا فاكرينه

احلام قالت بسرعه.... لا ما فيش الكلام ده على فكره بس كمل حكايه اختك الاول

على قال... بس قالى يا علي انا بحب واحده قلتله تمام قالي بس هي اخت صاحبى قلتله رن عليه وقوله لو عرف لوحده هيزعل منك جامد قال بس انا ما بكلمهاش عشان يزعل مني جامد قولتلو حتى لو دى اخته يبقى ترن عليه هوي لقيته بيرن عليا قولتلو رن عليه هو يا حمار مش عليا انا

احلام ضحكه وقالت.... انت قاعد تشتم فيه على اساس ان هو اللي مش بيفهم تعرف مره قريت شات شبهه

على ضحك وقال.... اه والله وانا شوفته وقاعد اقوله من فين الادب ده النهارده وقاعد يقولي اصل هي ما بتكلمنيش اصل هي بتمشي على طول ما بتشوفنيش من اين الاحترام ده كله يقولي لا اصل دي محترمه وانا قاعد كيف الحمار

احلام قالت.... طب خلاص ايا كان احنا بقى ما عندناش كده احنا هنا بتشوف الواحد مثلا جارها او قريبها او ما تعرفوش او صدفه يتعرفوا يحبوا بعض

على قال... كده بس يعني انتى دلوقت عمره ما حد باسك

احلام قالت.... ايه اللي انت بتقوله ده بس بالزمه ده سؤال

على قال... ايوه والله سؤال

احلام قالت.... طب اتلم

على قال... احنا حددنا فرح اختي الصغيره بعد شهر لو خلصنا المهمه باذن الله تاجى معايا افرجك على البلد وعلى الناس

احلام قالت... هتعزمني

على قال... ايوه هعزم زمايلي كلهم بس انتى هاخدك قبلهم عشان افرجك على البلد كلها مش بس على الفرح

احلام قالت... اشمعنا انا يعني

اخليه يخبطها بيها ولا اسيبها هبله... 😂

الفصل الرابع من هنا

٤...على قال... ايوه هعزم زمايلي كلهم بس انتى هاخدك قبلهم عشان افرجك على البلد كلها مش بس على الفرح

احلام قالت... اشمعنا انا يعني

على قال... عادي ولا حاجه

احلام قالت... لا مش هتعدي عادى ولا حاجه زى كل مره بس قاطع كلامهم صوت مسجات من نشأت قالت... ده اونكل نشأت باعت حجات

على قال.... طب تعالي نطلع نشوفهم فى اوضتنا وطلعو بسرعه على فوق وقعدوا على السرير وفتحو الفون وبصوا لبعض بصدمه

وعلى قال.... ايه العنصريه دي ليه الاولاد يقتلوهم والبنات يبيعوهم يعني

احلام قالت... يقتلوهم مقالش يقتلوهم

على قال... مش تجارت الاعضاء يعني هيموتوهم يعني هياخدوا اعضائهم وهم عايشين البنات اللى هيعيشو

احلام قالت... انت احول يا ابني مش هيسيبوهم عايشين هيوديهم دعاره الناس اللي عاوزينهم عايشين عشان يناموا معاهم ولا يقعدو معاهم وهما ميتين

على قال... برضه فيه عنصريه

احلام قالت... انت عايز ايه بالظبط ما انا مش فاهمه الاول تقولي انا انزل اتغدى معاه وانتى تطلعى تدورى ودلوقتي ليه يقتلو الاولاد ايه الحوار

على قال... استغفر الله العظيم بس العيال ناعمين يعني

احلام قالت.... على فكره البيع للدعاره انيل من القتل لو قتلوهم وخدو اعضائهم كان اريح بقولك ايه حاول تلاقي التاريخ اللي هيسلمه فيه الاولاد ده امتى

على قال.... خلاص حاضر هدور اهه وانتى كمان دورى زين وانا ادينى قاعد اقلب في الورق اللى متصور عندي اه في تاريخ ده اللي هو بعد يومين والمكان مكتوب والوقت ده بكره بالليل تسليم البنات

احلام قالت... ايه خلاص تعال نشوف هنعمل ايه يلا

على قال... هو انتى مهتمه بالبنات ومش مهتمه بالولاد البنات ممكن نلحقوهم عايشين لكن الولاد هيكونوا ماتوا

احلام قالت بغضب... انا مش عايزه حد يقرب من البنات هنستفاد ايه لما نجيبهم عايشين بعد ما يكونوا دمروهم

على قال... واه وانتى بتزعقيلى انا ليه هو انا اللى روحت اوديهم

احلام قالت.... مش قصدي يا علي بس انت قاعد تقول البنات مش هيموتوا الاولاد هيموتوا الاول الولاد هيتقتلوهم مش هنلحقهم لكن البنات هنلحقهم هنستفاد ايه لما نلحقهم بعد ما يكونوا دمروهم

على قال... هنلحق الاتنين انشاء الله انا هشوف التاريخ بتاع تسليم الولاد ميته

على قال.... احيه

احلام قالت.... ايه

على قال.... لا بجد احيه ده النهارده بالليل يعني فاضل حسبت ٣ ساعات ويكونو هناك يلا اتصلي بنشات بسرعه هيروحو في داهيه يا عيني عليهم هيقتلوهم

احلام قالت.... بس هو احنا لو بوظنا عمليه الولاد وحبسناهم ما هو احنا مش هنعرف نوصل للبنات يعني

على قال... ايه انت عوزانا نسيبهم يسلمو ورديه الولاد ويموتوهم عشان البنات

احلام قالت... لا مش عايزه كده بس احنا لو عملنا كده مش هنوصل للبنات احنا لما نمسكه وهو بيسلم الولاد هنعرف ازاى مكان البنات

على قال.. نضربه لحد ما يقر ويعترف

احلام قالت بنفس طريقت كلامه.... واذا ما قرش واعترف يروحو في داهيه

على قال.... انتى بتتريقي عليا ده وقته

احلام قالت.... ايوه يعني لو ما اعترفش

على قال... ما اعرفش

احلام قالت بضيق... يا ربي

على قال.. قولى لنشات على التاريخ يمكن يحلنا بعتتله واول ما جات المسج

على قال... شفتي عنده حق قال كلامي انا اللي صح

احلام قالت.... ماشي يا علي بس انت لازم تخليه يعترف على مكان البنات وتطلعهم

على قال.... ان شاء الله ربنا هيسهلها وبالليل كانوا لابسين لبس الشغل وبيستعدوا للمهمه وكان معاهم دوريات كتيره

وعلى واقف مقابيلهم وقال... يلا يا شباب قولو اشهد ان لا اله الا الله واشهد ان محمد رسول الله ولسه هيدخلوا بس احلام سمعت علي بيقول اللهم اكتب لنا الشهاده يا رب

قالت.... علي انت عايز تموت جوه الناس بتقول يا رب نطلع سالمين

على قال... يا ستى ما انا كده كده هموت لما اموت وانا بعمل شغلى وبطلع ناس من جوه احسن ما اموت وانا متلقح على فرشتي

احلام قالت.... انت متدين كمان

على قال... ايوه امال ايه انا بصلي وبصوم على فكره

احلام قالت... ماشي يلا يا جماعه هندخل ولا هنقعد نتكلم

على قال... لا هندخل يلا

كلو يدعى للشباب يعكشو العصابه.. احسن يتبهدلو وتخبطهم دبابه 😂

الفصل الخامس من هنا

الاخير.... على قال... ايوه امال ايه انا بصلي وبصوم على فكره

احلام قالت... ماشي يلا يا جماعه هندخل ولا هنقعد نتكلم

على قال... لا هندخل يلا ووقفو من بعيد يراقبه ونزل محمود من عربيته وكان معاه رجاله كتير وكان في اولاد كتيره في العربيه بس احلام وعلي والدوريات اللي معاهم دخله اقتحموا المكان واشتبكو ومع رجاله محمود وبعد وقت من الاشتباك كانو الدوريات اللي مع علي قدروا يطلعوا الاولاد من جوه وقبضو على محمود ورجالته بس احلام كانت اتصابت وفي المستشفى وعلى واقف قدام باب الاوضه

وطلع الدكتور وقال... زمره الدم مش موجزده فى المستشفى اصلها نادره

على قال... ايه يا دكتور انت هتقلبهالنا فيلم هندي وتقولنا هاته متبرعه اجيبلك متبرع من فين انا دلوقتي

نشات قال... مدام فيلم هندي وعايزين البطل يبقى انت اللي هتتبرع أب بدراعك يا اسطى

على قال.... ماشي طب ايه يا زمره الدم هتمشى معايا

الدكتور قال.... هنشوف اتفضل معانا شويه علي طلع من عندها

وقال... اتبرعت بالدم الحمد لله طلعت زيها خلي بقى الزفت ده يعترف على مكان البنات ونجيبوهم احسن اللى جوه دى لو صحيت ولقيت ان احنا ما جبناش البنات هتخرب بيتنا

نشأت قال..... طيب وراحوا عند محمود بس ما كانش راضي يعترف

على قال.... بقولك ايه ما انت هتقول يعني هتقول احنا هننزلو فيك ضرب ولو ما جيتش بالضرب

نشات قال.... ايه هنعمل ايه

على قال.... هنرجع نضرب فيه تاني

نشات قال.. لا خلاص يا علي انت اقعد بره شويه وانا هتكلم معاه وان شاء الله هيعترف على طلع وبعد شويه طلع نشأت

وقال... اعترف قر بالمكان

على قال... بجد

نشأت قال.... اه هو كده كده شايل الليله وشايلها لحاله وضحك وقال.. بهزر معاك مش هو اللي قال احنا لقينا العنوان على الفون اللى هكرناه لقينا اخر واحد مكلمه من الرجاله اللي حاططهم حرس على البنات وعرفنا المكالمه جايه من فين بالظبط

على قال بفرحه.... ايوه كده والله وعملوها الرجاله وراحو سوا في صباح يوم جديد كان علي قاعد جنب احلام في المستشفى احلام فتحت عيونها بتعب

وقالت...اخ

على قال..... سلامتك من الاخ مالك يا بطله لسه موجوعه

احلام قالت... الاولاد يا على ايه حصل

على قال.. طلعناهم ما تخافيش وطلعنا البنات كمان

احلام قالت.... انا بقالى قد ايه هنا

على قال... امبارح كله بس وانتى تعبانه قبضنا على محمود واخدنا الولاد ونزلنا فيه ضرب والشباب هكروا التليفون بتاعه لقوا اخر مكالمه ليه من الراجل اللي موقفهم مع البنات عرفوا المكان روحنا على هناك كان موقفله زي خمسه سته مش كتير جبناهم وجبنا البنات وجينا الحمد لله ويلا عاد قومى عشان هنسلم العيال لاهاليهم بس انا رفضت التسليم قبل ما انتى تقومي

احلام قالت... اشمعنا

على قال.... يعني عشان تبقي معانا في اللحظه دى بس دخل نشأت

وقال... خبر حلو يا جماعه

احلام قالت... خير يا اونكل نشات دايما بتفائل بيك

نشات قال... محمود لما لقي نفسه شال الشالتين اعترف على كل الناس اللي معاه واللي بياخده الاولاد منه ورحنا على كل المكانات اللي كانت مكتوبه في الورقه والماكانات اللي هو اعترف عليهم وخدناهم عندنا بعد ما عملنا عليهم كبسه

على قال... انتوا الحقته تعملوا كل ده امتى

نشأت قال... يا ابني هو انتم لوحدكم اللي شغالين في الداخليه الداخليه دي كذا دوريه بعتنا كل دوريه في مكان ولميناهم كلهم. وبص لاحلام وقال... يلا بقى علشان النهارده بالليل ما عاد تسليم العيال لاهاليهم عشان الولد ده مش راضي يروح ولا يعمل اي حاجه من غيرك

على قال... معلش انا جاني تليفون بس هرد عليه واجيكم

نشات قال... ماشي وهمس لاحلام وقال... على فكره الواد علي ده هو اللي كان طالبك انتى بالذات في الماموريه دي

احلام قالت.... ازاي يعني هو كان طالبني

نشات قال... ما اعرفش ليه شكل السناره غامزه

احلام قالت بحرج... قصد حضرتك ايه

نشأت قال.... لا ولا حاجه بالليل كان واقفين علي واحلام سلموا الاولاد لاهاليهم

احلام قالت بفرحه... قد ايه بتبسط لما بلاقي نفسي ناجحه كده في الشغل وبلاقي فرحه الناس اللي بنقدر نساعدهم

على قال.... انتى عارفه احنا عندنا هناك في الصعيد في ظباط حلوين وزي الفل زي حالاتك وفي ناس صورم امي كانت تقولي انت اللي هتغير مصير الداخليه يا على يا ولدي

احلام قالت... لا والله انت اللى هتغير مصير الداخليه

على قال... امال مين انتى انتى مكانك في المطبخ من ماموريه واحده اخدتى الرصاصه نومتى وما قمتيش

احلام قالت بغيظ.... لا والله انا اخدت رصاصه بدل واحد من الولاد اللي كانو هيتصابو انت ما شوفتش

على قال... لا شوفت امال قاعد اقولك يا بطله يا بطله ورافض التسليم قبل انتى ما تاجي ليه يلا تعالي هنروح البلد اعرفك على البلد وعلى امي

احلام قالت.... تعرفني على امك ليه بقى ان شاء الله بصفت ايه

على قال.... احنا هنغلب يعني الصفات كتيره نجهز حاجتنا ونشوف امى

احلام قالت... امتى هنروح

على قال.... بعد ما نخلص ورق الاجازه هننزل بعد ٣ اسابيع كان علي واحلام في البلد وعلي بيعرف احلام على امه

وقال... دي الحاجه امينه دى احلام يا امي اللى حكيتلك عنيها

امه قالت... ايوه وانت بتحكي غير عنيها مش دى البت

بس على قال... ايه يا اما ايه مش اسكتي خالص الله يسترك بصي سيبى احلام دي واعمليلنا شاي

امينه قالت... لا خش انت اعمل الشاي قليل الادب قال خشي ياما اعملى الشاي تعالي يا حبيبتي تعالي اتفضلي عارفه الود على ده كان يقول عليكى ايه

على قال.... يا وليه انا لسه ما قلتلهاش حاجه لا حول ولا قوه الا بالله

بس جات اخته وقالت.... انت خلاص كده يابا خطبتها اقولك انت دخلت خلاص ما تقلقش

على قال... يا سلام يا اختي

قالت... وحشتني

على قال... انتى كمان والله بس روحي الحقي امي قبل ما تعوك الدنيا انا ما قلتلهاش حاجه

قالت.... لا وهي حماره امال هي جايه ليه بس برده هروح عشان اتفرج على العروسه

على قال... انتو خلاص جوزتونا وعده اسبوع واحلام قاعده معاهم في البلد وجيه يوم الفرح احلام وقفت جمب علي

وقالت... على فكره اونكل نشأت قالى انت اخترتني انا بالاسم في الماموريه انا كنت بسال ليه لحد ما قبلت مامتك وعرفت ليه

على قال... قاتلك ايه

احلام قالت.... قالتلي ان انت كنت بتحبني ما كنتش عارف تقولي عشان انت بتتكسف

على قال... هي قالتلك ان انا بتكسف

احلام قال... ايوه قالت انك اخترت تروح المهمه معايا عشان احبك بس انت كنت بتتكسف ليه ما تقولي

على قال... انا ما كنتش بتكسف انا كنت بخاف انا اول مره في حياتي اخاف اخاف تبعدي عني وما اشوفكش تاني وانتى كمان ما كنتيش مدياني ريق حلو واصل مفيش مره اتكلمنا زي الناس من غير ما تهزئي ولا تزعقي

احلام قالت... عشان انت ما كنتش تتكلم معايا كويس

على قال... لا والله ده انا كنت بستنى منك كلمه زينه

احلام قالت... طب ايه دلوقتي مش عايز تقولي حاجه

على قال... حاجه اه عايزه اقول بصراحه انا بحبك وعايز اكمل معاكي تتجوزيني احلام هزت دماغها بأيوه

وعلى قال... هتسيبى البندر وهتعيشي معايا هنا

احلام قالت.. حب المكان بحب الناس اللي فيه طالما انت اللي في المكان يبقى اكيد هحبه

على قال... يعنى قابله تعيشي معايا هنا

احلام قالت... هنا وفي اي مكان انت فيه

على قال... طب الماذون جاي النهارده تاجى نكتب الكتاب ونعلي الجواب

احلام قالت... جواب ايه

على قال.. يعنى نتجوز النهارده

احلام قالت... انا ما قلتش لحد يعني ما قلتش لاختي ما قلتش لاصحابى

على قال.. زمايلنا هنا وانكل نشات قاعد واختك لما تبقى تفضي نفسها تبقى تاجى

احلام قالت... ايوه بس الناس هنا فاكره انه فرح اختك

على قال.. عادي الناس اهم بياكلوا اهم حاجه قلتى ايه

احلام قالت... قلت ماشي

على قال بفرحه... وانا ان شاء الله مش هزعلك واصل هجيبلك كل اللي انتى عايزاه هحافظ عليكى كيف ما الواحد بيحافظ على عينيه انا مش هحسسك بالغربه واصل هعمل قلبى وطن ليكى وهسكنك فيه

تمت