رواية عشق وإبتلاء الفصل الأول 1 - بقلم الكاتبة شمس السعدي

البارت الأول ..
عشق وإبتلاء 💔
#بقلمي_شمس ..

‏أسوء أبتلاء أبتلاء التفكير، إن تكون شخص مدمن التخيل والتحليل ، تحاول التذكر ولكن عبثا ، تسأل نفسك ف كل موقف ألف سؤال، عقلك مرهق، وأنت تزيد بالتفكير !
(بقلم الكاتبة شمس )

بيت بيوت لعبة قديمه ..
كانت تعبر عن الطفولة وجمالها .. ولاأعتقد ان هناك طفلا لم يكن مولعا بهذه اللعبه .. وخاصه الفتيات ..
وانا منهم .. شمس

كنا دايما نلعبها اني وولد خالي وبنات خوالي ..
لان كنت اني وماما ساكنين ببيت جدو ابو ماما .
وخوالي اثنين متزوجين وعايشين هم ببيت جدوا ..

حياتي عند بيت جدو حلوه ومليانه لعب وونسه ..
وحتى نسيت بابا ..
ﻻن خوالي ماقصروا وياي ويعاملوني مثل ميعاملون بناتهم .
بس مرات زوجاتهم يغارن ويضربني ..

ويهددني اذا گلت الماما يطردونا من البيت ونبقى بالشارع ..
فآني كنت اخاف واسكت .

صار الظهر والجو حار .. وكان الكل ينام ع المبرده ..
بفتره التسعينات ..
كنا احنا ماننام وناخذ العابنا ونطلع اما بالحديقة نلعب او فوگ بالطابق الثاني ..
لان كانو خوالي ينزلون ينامون الظهر ع المبرده بالاستقبال ..
والنسوان بالصاله ..
بس مبردتين بالبيت والكل يتجمع بمكان واحد ..
اما بالليل ..
نفرش كلنا بالسطح وننام .. بقلمي شمس

حمودي .. مااااسة ماااسة بصوت خافت ..
تعالي نلعب ..

اشرتله ماأگدر .. ماما گالت نامي ..

حمودي .. لج امج نامت گومي نلعب ..

باوعت الامي نايمه وبييي وزوجات خوالي . گمت ع كيفي .
صعدنا فوگ نلعب ..
اني وحمودي ورنا اختة وساره ومرتضى اولاد خالو عامر .. بقلمي شمس

حمودي .. اني زوجتي ماسة وهاي غرفتنا ويأشر ع غرفه اهله ..
مرتضى .. اني زوجتي رنا ..
ساره .. واني امكم مثل بيبي هديه ( ام ماما )

اني كنت اضوج من حمودي من يسويني زوجته يبقى يبوس بيه ..
وبيومها دخلنا للغرفه ..
گال تعالي نسوي مثل بابا وماما ..

مااسه .. شيسون

تعاي نامي ع السرير واني اعلمج ..

لا مااريد خلينا نطلع ..

لا لج تعاي وسحبني حيل من ايدي ونيمني ع السرير
نزعني البجامه ..
ويسوي اشيااء محلوه .. أتأذيت حيل وگمت ابجي ..
من شافني ابجي ..
گام يمسح دموعي .. ويگلي لاتبجين بعد مااسويلج شي
ويبوس بيه ..

هو كان اكبر مني بخمس سنوات بس شقي ..
وكان يشوف اهله شنو يسوون يجي يسوي وياي ..

بس بوقتها كنت طفله وماافهم ..
ومااعرف شنو يصير ..
وهو يگلي هذا لعب لاتخافين ..

لبسني بجماتي .. واخذني غسلنا وكملنا لعبنا بالحديقه
وبالمرجوحه .. بقلمي شمس
بس بيومها مااگدر امشي وجعني حيل ..

وزاعلته وبعد ماالعب وياه ..

كان خالي يشجعه ويگله ماسه خطيبتك وهو فرحان ..

كنا صغار واني تقريبا عمري ثمان سنوات ..
ماافهم شي بذاك الوكت ..

اووووه نسيت اعرفكم عن نفسي… بقلمي شمس

انا ماسة .. هذا الاسم الوحيد الي تركه الي بابا قبل ميتركني ويروح ..
اسم بيبي ام بابا .. حتى اشبهها هي حلوه وشگره ..
وحبا بيها بابا سماني بهذا الاسم ..
وكان يگول انتي الماسه الي حصلتها من زواجي بأمج ..

احنه من محافظه بابل ..
بابا معلم وماما خريجه متوسطه وماكملت دراسه بعد زواجها تركت وتفرغت الزوجها وبيتها ..

عبالكم بابا مات .. لا بابا عايش .. بس بنفس الوقت ماحسيت بوجوده في فترة طفولتي .

عشت هذي الفتره بعيده عنه ..
بعد ماخان ماما وتزوج معلمه وياه بالمدرسه بالسر ..
وماكو احد عرف بزواجه .
الا بعد ان ولدت زوجته وانكشف الموضوع عن طريق احد اقاربنا شافه بالصدفه بالمستشفى..
وخبر اهل ماما ..
وماما عرفت وقررت الانفصال ..

بابا وماما تزوجوا زواج تقليدي .. لأن هم اقرباء من بعيد بيبي ماسة شافت ماما وانعجبت بيها وقررت تخطبها البابا ..

واكيد بابا وافق بدون اعتراض ..
كانت ماما الزوجه المطيعه البابا واهله .. وتحبه وتغار عليه من الهوا ..
نطته كولشي من حب واهتمام وهي جميله وتحب تلبس وترتب نفسها ..
لكن كل هذا مصار بعينه البابا .. وخانها بأقرب فرصه وماقدر النعمه الي عنده ..

طبعا هذا كلام الكل .. وخاصه بيبي ماسه كانت تحبها الامي واكثر وحده وكفت وياها وساندتها ..

بس ماما كرامتها مسمحتلها تستمر وياه بعد معرفت انه متزوج وقررت الانفصال .. وهي الوحده عند اهلها ع اربع اخوان ..  بقلمي شمس

فأخوانها واهلها ساندوها وجبروا بابا انه يطلق ماما ..
كان عمري بوقتها اربع سنوات ..
يعني حتى مااتذكر شي من حنان بابا وحبه ..

بابا ماحاول يرجعها  .. لأن كان يخاف يزعل زوجته وخاصه بعد ماولدت الولد .. بقلمي شمس

بعد انفصاله من ماما .. اخذ زوجته وابنها الي هو اخويه واجو كعدوا ببيت جدوا وبغرفتنا ..
بيبي كانت رافضه بس اضطرت توافق بعد ما. جدو هندي سمح البابا يعيشون وياه ..
ولأن جدوا يحب الاحفاد اولاد ..
فرح لأن اجاه حفيد ولد ..
لأن جدو عنده بس اثنين ولد ع ثلاث بنات اكبر من بابا اسمة عادل وعمو علي ...

عماتي .. الكبيره افراح .. والوسط انتصار .. والصغيره احلام .
كولهم متزوجات . بقلمي شمس
بس عمتي افراح متزوجه ابن عمها بالناصريه ابوه شيخ عشيره ..

طبعا اني علاقتي بطفولتي قليله مع اهل بابا ..
لما كبرت يله عرفتهم ..

طفولتي مقتصره باهل ماما لان عشنا وياهم ..

استمرينا بلعبنا .. وتمثيلنا ادوار الزوج والزوجه ..
وماما كانت ماتخليني العب وياهم ..
تگلي عيب تلعبين وي الولد انتي كبرتي ..

العبي وي رنا وساره بس ..
بس كنت مااسمع كلامها .. واروح العب وياهم ..

ماما بدات تدرس خارجي ..
وماتلحگ بين البيت وتدرسني وتدرس هي ..

فكنت استغل الفرصه واروح العب وياهم ..

نطلع بالشارع نلعب .. وحمودي يدافعلي اذا احد ضربني
ويگولهم هذي خطيبتي ..
من احنا صغار زرعوا فكره خطيبته براسه ..

بالشارع يصيحولي الشهبه .. لان شگرة ع بيبيتي ام ابويه .. بقلمي شمس

واجي ابجي .. عبالي هذي غلطه ..
واگول الماما الولد بالشارع ييغلطون عليه يگلولي الشهبه ..

وكولها تضحك ..#شمس

عندي ثلاث خوالي متزوجين ..
وخالو معتز الصغير يريد يخطب .
والي يريدها تصير بنت عم بابا ..

وبيوم العقد .. ماما لبست وكشخت وطلعت تخبل ..
ولبستني بدله بيضه حلوه ..
ورحنا بسياره ريم كبيره .. نگطع مهر ..

هم ساكنين بالناصريه يم عمه افراح ..
اخذنا الطريق كله نرگص وفرحانين ..

وصلنا وشفت بابا فرحت ورحت اركض وحضنته ..
وماما نزلت وكانت لابسه عبايه بلا حجاب وهي حلوه
گال بابا  ماااسه حبيبتي طالعه حلوه ..
بس ماما سحبتني من ايدي ودخلنا البيت العروس ..

#بقلمي_شمس
يتبع…

………………
احبتي ورجعنالكم بقصه جديده وحقيقيه . 
اتمنى تنال اعجابكم .
ارآكم عن البارت الاول ..