رواية عشق وإبتلاء الفصل الثلاثون 30 - بقلم الكاتبة شمس السعدي

البارت الثلاثون
#عشق_وإبتلاء💔
#بقلمي_شمس

الدكتور گال بابا جسمج كله اثار ضرب وحتى جبت دكتوره وشافت جسمج كله جروح وكدمات ..

اذا احد معتدي عليج بالضرب . زوجج او اي احد .
احجي ولتخافين .
اني بلغت الشرطه . لان هاي نسؤوليه .
لتخافين احجي كلشي ..

كنت بحاله مزريه . ومالي خلگ ادخل بسين وجيم .
خوالي يحاولون يبررون للدكتور .
ويگلوله هي وگعت من الدرج .
وواحد يگول اندعمت .بقلمي شمس
حجيهم متناقض .
وانكشف كذبهم .

حتى الشرطي عاط بيهم وطلعهم من الغرفه .
وگلهم لتحاولون تأثرون عليها اطلعوا .

بعد ماطلعوا .
گتله . دكتور . مااشتكي ع اي احد .
مااگلك وگعت من الدرج او اندعمت .
بس الله موجود ياخذ حقي .
لهذا مااقدم اي دعوه .

- بابا هذي الدعوه حفاطا ع حياتج وحتى محد يتعرضلج .

-لتخاف دكتور اني اعرف احافظ ع حياتي ومااكرر الغلط مرتين .

بعد مايئس الدكتور حتى اقدم دعوه .
طلعوا واجو خوالي .
يتحققون .
گالتلهم ماما . مااشتكت عليه . ولو المفروض تشتكي حتى يتأدب .بقلمي شمس

خالو ماهر . نيران هاي بمكان ماتهدين النفوس .

ماما .. نفوس شنو. دست ع بنتي ذيج المره وعديتها .
بس هالمره زودها .
ومستحيل اقبل ترجعله الا يتأدب ..

خالو معتز .. خلي يولي . كلش طغى احمد .
الله انطاه نعمه بس هو ماقدرها . بنيه تربات ادينا ولا من طلعه ولادخله .
بطلها من المدرسه . وحجينا وماسمع كلامنا وعاند وهي گالت قابله وسايرته .
كل يوم ضاربها وهي متحمله .
شنو فصليه ماخذها .
اذا ابوها بعيد ومايوگفلها .
والله اني موجود واكسر راسه .

الصراحة عجبني خالوا معتز وارتاحيت من دافعلي ولو بعد فوات الاوان . لو واگف هاي الوگفه وياي من البدايه مصار الي صار .

گلتلها يووم خلينا نطلع مااريد ابقى بالمستشفى

لا ماما الدكتور يكول خلوها اليوم هنا .

ماما اختنگت مااريد ابقى .

سوه الخروج خالو وطلعنا .
ماأگدر امشي رجليه يوجعني ..
وكل جسمي يون من الالم ..

رحت البيت جدوا .
گلتلها يوم تروحين تلمين ملابسي كلها ماابقى دقيقه وياه بعد .

يمه استهدي لاتتهورين .

ههههه تحجين صدگ . عبالي كلامج الي بالمستشفى تنفذيه .

اي ماما اني وياج ورهح انطيه درس .

يادرس ماما . تعرفين ليش تعاركنا .
لان ديخوني ويمارس وي وحده بالتلفون .
عنده محمول مشتريه ومخبيه عني .

معقوله 😲😲

اي معقوله يووم . انتي تطلگلتي من بابا .
لان تزوج عليج بالحلال .

فكيف الحال بيه . من اشوف زوجي يخوني بالحرام وبصوره مشمئزة .بقلمي شمس

كافي ولج كافي .. عقلي مدا يستوعب .
احمد هيج يطلع من عنده .
شوكت نزلت المحمولات شوكت لحگ يشتريه .

مااعرف بس اكيد من زمان لان صار فتره مو ع بعضه ويتختل .كان يتصل عليها من وراي ..

اني تحملت انواع العذاب منه . وانحرمت اكون ام
وانحرمت من السعاده والراحه .
في سبيل ارضاء الناس وارضائج .
حتى محد يگول ماسه قصرت .
ميگولون ماسه باعت زوجها ومتحملته .

-اگلج شنو تگولين انحرمت من الامومه .
شوكت رحتوا حللتوا وعرفتوا ميصير عنده اطفال .

اوووف ماما .هسا انتي تركتي الكلام كله ولزگتي بهاي
انسيها كأنه ماسمعتي .( ماگلت الماما احمد عاجز ماردت احسسه بالنقص بين اهله وناسه)

ليش ولج مو امه كل ساعه تعايرج وتگلج عاگر .

خليها تحجي . عود من تزوج ابنها الوحده ثانيه تعرف السبب مني لو منه .
لهنا وخلص ماما لاتفتحين هذا الموضوع اني وعدت احمد مااگول الاي احد .

اووووف يماسه ليش ماحجيتي كل هاي الفتره .

شأححي يووم هو انتي يمته سمعتيني . كل همج ابن اخوج . مو انتي الي جبرتيني عليه

شمدريني هيج يطلع . والله بالاول اجاني يتوسل بيه ويگلي قنعيها واخليها تاج على راسي وادللها .
وگلت ابن خالها ورابين سويه .
وگبال عيني .

والله لو ماخذه غريب احسن من ابن خالي .

شويه ودخلوا خوالي ومرتضى .
جان مموجود البارحه همزين مابيه حيل رنا والسانها .

گال سلامتج خويه . الله لينطي هالنذل شمسوي بيج

تسلم خويه . شأسوي هاي قسمتي .

خوالي گالوا . شتگولين انتي . راح نجيب احمد ونگعدكم

لا خالو . لاتجيبوه .لهنا وكافي . ماعندي اي حجي وياه
غير بس يجي يطلگني .

خالو ماهر . بس هو عنده حجي ثاني .

اي حجي عليه خلي يحجي . هو وربه .
بس وروح جدو ماقصرت وياه بگد الشعرايه .
بس هو الي ماعرف يصوني ويحافظ عليه .
ومامستعده حياتي كلها اعيش وي شخص معقد ومريض وصاحب نزوات .
الي يخوني مره يخوني الف مره .

خوالي . شوكت خانج .

-اسألوه واذا عنده جرأة يسولف كلشي .

اذا متطلگوني .بقلمي شمس
لليوم اني ساكته . بس تلفون واحد البابا . يجي ياخذني وتصير گعدات وتدخل شيوخ وتصير شطولها .

ماما . شوف ايو احمد ماسه سولفتلي كلشي .
بس وعدتها مااحجي .
احمد غلطان هواي بحق ماسه .
ومايتصلح اي شي بينهم .
مثل ماقبلتوا طلاگي من عادل وساندتوني .

ساندوا بنتي وصيروا ظهر الها
وخلي كلشي ينتهي بهدوء .

خالوا .
گال المرتضى صيحه الهذا الاثول .

اجه احمد .

گاله . ماگلتلنا تخون مرتك .ياعار ياماتستحي .
هو خزرني .

باوعتله وگتله طلگني احمد احنه بعد منفيد البعض .

تحلمين اطلگج

خالوا گال انطوهم فرصة كم يوم يهدأون ..
لايستعجلون .

گلتلهم لا . اني اريد احجي وي احمد الوحدنا .

گتله احمد . سرك يروح وياي للموت اذا طلگتني .
بس اذا مطلگت .
اگلهم كلشي واخليهم يطلگوني غصب عنك .
لو بالقانون .
#بقلمي_شمس
يتبع... .
..................... ..
حبايب اعرف القصه طولت هوايه .
بس لان احداثها هواي ومااگدر اختصرها .
لهذا تحملوني .
ونوروني بتعليقاتكم الحلوه .
لان هي سبب واهسي للكتابه .
وگاعده لسا عمودكم والله .
احبكم😘😘
وتصبحون ع خير
نلتقى غدا بأحداث اكثر واجمل واقوى .