رواية عشق وندم الفصل الثالث عشر 13 - بقلم ذكرى المندﻻوي

السﻻم عليكم

تكمله
علي جن جنونه وبعد متحمل
تعالي انتي وين رايحه
جاسم
ها بويه شرايد
علي بعد ما شال شيله امه الي جانت قريبه منه وغطه شعرهة وهو يخزر بيه بس ميكدر يحجي وكال تعالي مريم ارد احاجيج
جاسم 
روحي بويه مريم انتي ورائد للحديقه اتفاهموا والتفت العلي
ليش بويه بيش رايد تحاجيه هي بعد متحلك بعد انت اختاريت غيرهة وخليه تشوف حياته هوايه تعذبت وهي هم امانه ويتيمه اخاف الله بيه ارد اشوفه اب بيت رجله حته ارتاح وانا بكبري عوفه اوليدي عﻻوي واني مثل ما كالت امك باجر انروح انشوفلك بت خالتك عروس الك وانشاء الله اتم وهم ارتاح وبهاي انه سويت العلي زوجت مريم الرائد وانت الحنان بت خالتك
علي وهو عينه على مريم ورائد بلحديقه يسولفون وهو النار شابه بي وده لو يروح يكسر رائد تكسير لو مو ابو
علي
بويه انت ملكيت غير هذا ابو البنات الملعب يصير زوجه
جاسم
ﻻ اوليدي تره هو اتغير موش مثل كبل وبعدين عنده وظيفه ويكدر يتحمل مسؤليته ويعيشه احسن عيشه وفوك هذا كله يحبه كلش
علي لو مو ابوه كايله الحجايه جان سوه سوايه متنحجي
لكن عينه ظلت غلى مريم ورائد الحد ما لمح رائد وهو لزم ايد مريم وكته فقد مابيه مجال بعد ﻻزم يدخل شنو ماعنده غيره على زوحته وهو هذا الي راده جاسم ورادته مريم
علي ركض على مريم وصاح مريمممممم
مريم
ها علي رايد شي
اي صعدي الغرفتج كافي لعب جهال
مريم وكفت كباله مثل الصنم
علي بصراخ
اصعديييييي اعصابه حمت بعد مابيه مجال
جاسم ظل يضحك ابكلبه وهو فرحان اب نجاح الخطه
رائد التفت ال جاسم وهو مصدوم
جاسم اشر اب ايده الرائد يعني روح هسه مو وكته بعدين افهمك
ودعه وراح
علي صعد الغرفه مريم بسرعه وهو متحمل هوايه منه
مريممممممم
مريم كاعده ابغرفته وتاكل اب اصابعه من خوفه وهي ادكول الخاله الله يسلمك خالوا ابيش ورطتني اب ابنك الخبل الي ميعرف شرايد مره يحبني ومره يكرهني يارب عيني على هاي المصيبه
علي
فتحي الباب
مريم
انت شرايد
علي
اكولج فتحي الباب
مريم
اخاف ما افتح
علي
راح اكسر الباب
جاسم
علي انزل ابيش طالب البنيه طﻻبه بويه عوفه
علي
ما اعوفه اليوم اﻻ تفتح الباب
سعاد وهي خايفه على بتهة رغم جاسم مه طمئنهة عليه
فدوه عليوي عوفه
علي
خلي بس تفتح الباب واني اعوفه
مريم
روح المخبل ما افتح شتريد كولي وره الباب
علي
كسر الباب ودخل والكل جوه يصيح عوفه
لكن علي دخل عليه وعيونه تجدح نار
مريم اتصيح خالو الحكلي
جاسم
ولك بس تمد ايدك عليه اتبره منك للتالي
مريم العلي
اني مو بت خالك مريومه زوجتك اهون عليك بدلع ورجفه وخوف ومتظرهة ميسر العدو
علي
جا خوش من عرفتي انتي زوجتي وفوك هذا كامش ايدج كدامي وانتي خدرانه ومكيفه
انت مو راح تزوج وادكول اني محرمه عليك جا ليش ضايج
علي بصراخ وضرب الميز ال يمه بقوه
اني اكول الي اكوله اما انتي تبقين مرتي الحد ما اني اطلكج ابكيفي واب مزاجي
مريم بصراخ
مو بكيفك اني ما اريد زوج ناكرني كزوجه وفوك هذا يريد يحيب عليه ضره والله اذا اتزوجت اقتل روحي انتحر واخلص من العذاب الي اني عايشته
علي
لتكولين انتي حبيتيني الي درجه تنتحرين علمودي
مريم انتبهت الروحه ورادت اترد اعتبارهة
دائما تفهم غلط شنوووو احببببك اني هم اريد اشوف حياتي ما اريد ابقى هيج ﻻ اني متزوجه وﻻ اني مطلكه
علي
هااااا هيج الحجي خوش مراح اطلكج وراح اروح اخطب والا ابقيج معلكه اشوف شلون تنتحرين
مريم
لدكولي واجذب  انت تحبني وباقي عليه
علي
هههههه ضحك وظهرت اسنانه البيضه وكال ضحكتيني من كلتي
تكذب بحبك ولج اني مو بس احبج و بس &&& اني اعشقج اعشق كل شي بيج عشقتج بكل لحظه من لحظات حياتج وحياتي
عشقي عشق اب البنته وهو يشوفه وينتظر يوم على يوم تكبر
عشقتج عشق شاب مراهق فتحت عينه على الدنيا والحب ومعناه
ومن كبرتي صرتي كلشي بحياتي مستحيل اعيش بدون حبج انام واصحى على هذا الحب حبج حياني ورجعني الج
بس رغم كل هذا اني ندمان على هذا العشق ﻻن شفتج متستاهلين كل هذا الحب انتي انسانه انانيه متحبين بس روحج
مريم
علييييي انيييييي احبكككككك ومنسيتك وﻻ لحظه بس من رفضتني اني كرهت روحي وكرهت حياتي حاولت وياك ردت افهمك انو اني هم ابادلك نفس الشعور لكن محاوﻻتي كله تفشل ويصير مصيرهة الصد والبعد عنك اتمنى تسمع وتشوف هذا الحب الي يوم على يوم يكبر بكلبي حته اصبح عشق ابدي
علي
ورائد وين راح
هاي لعبه من خالي حته ترجع عن قرار زواجك
علي
بس اني ناوي ازوج

يتبع