رواية عشك شيخ احمد الفصل الخامس 5 - بقلم كاتبه ريام 💓

زمن: امداني هم اعشك مثل النسوان عود 🤦🏻

ورور، ايه: هههههه

ورود:يمعوده ما بينهم شي

ايه: يي ولج اصلن عمو بس يسلم وهاهيه ولا مره شفته حجه وياها

زمن: بس هيه حلوه يختي عاد رجلها اشونه

ورود: هيه تزوجت ابن عمها غصب فيعني ماكلج مو حلو زوجها زين

زمن:اهااا

ورود: حاولت بكل جهدئ اخفي الشعور يلي بداخلي حتكولون جاي تبالغين بس ونبي حسيت بنكسار مو طبيعي صعبه يعني بذره زغيره تكعدون تزرعوها وتكبروها وهيه بعدها تكبر وتكبر وتكبر ونتو كلش تحبوها وتنتضرون تطلع ثمارها فجئه يجي شخص ويكطع الشجره هيج صار بيه تشوف احلامي تكبير بيدي وحاولت اتصل واوخرج وابني احلامي بس القدر اله رئي اخر ضميت حزني بكلبي واصرفت وياهن طبيعي اااا زمن

زمن: ها عيني

ورود: اااا ابن احمد شنو اسمه

زمن: ذو الفقار سوده عليه هاي نوال فد وحده زماله اوصخه والقران ولج كدام احمد والعالم تعامل ذو الفقار مثل الناس بصينيه ومن يدخل الغرفه ومحد يمها بس يحجي الطفل اضربه وهوه بعده طفل كل عمره 7 سنوات  بس والله لو حابله بي هيه وتعبانه جان معاملته هيج بس حوبت اليتيم مضيع

ايه:خطيه

ورود: اشون يعني اقصد يعني هيه مو امه دوختيني

زمن: لا ولج احمد جان قبل مزوج بت عمي مسعد الله يرحمها والله جانت دره مال الله  الحايط يحجي وهيه متحجي حبلت بذوالفقار من ولدته ماتت وره ماماتت من طلع الااربعين وكم يوم وازوج احمد بت عمي محمود للي هيه نوال امي خطبتها اله وهوه ميدري بس ماحجه لاان ميرفض طلب لمي مع انو ام احمد جانت مقابله عبد بنوال جانت رايده بت اختها لا احمد

ورود: اهااا

ايه: ولاعبالك احمد عبالك مهند وكاتلات روحهن عليه 🤦🏻

زمن: هيه احمد خوش رجال وعلي مو عين ابن اخويه لا والله بس هوه حنين واخو خيته صح عصبي من ضغط العشيره ومنا هاي تنك براسه نوال ولك ونبي مره دخلت عليها الحمام هسه ان الله يحب الساترين بس خيه وعلي اني لعبت نفسي كله شعر

ايه: هوووع لعد غير مزوجه تنضف نفسها

زمن:  ولج اني ممزوجه واشير واحف والكط الحاجب والقران حته اميش وهيه بيني شعفاتها الصفر وحواجبها راحت عود اسوي تاتو كب عليها للتنور وحتركن حواجبها سوتهن تاتو يختي هيه سمره وسوتهن تاتو اسود صارت تلعب النفس وهاي غير اللااكل اول مازوجو ثاني يوم نزلت تاكل تتغده وبيدها تاكل والعباس اني بقيت فاتحه عيوني وذيج اختها شيماء تجي وتتلوك الكاضم حته يزوجها عود جنها تعالي حشاج حته تعالي احله

ايه:ههههههههههه خرب يومج

ورود: زين جوز متعرف اشير

زمن: خيه شنو. ما تعرف مو هيه تشير للهدئ هيه وصخه بعد الوصخ ماعليه عتب خوب بشته تبقه 3 ايام يلا تسبح وهاي هدئ  ماكلج مو نضيفه لا والله تصبغ وتنضف جسمها وتعدل واخر موديلات تسوي بس بيها طبع مو حلو نضيفه النفسها بس مو نضيفه البيتها عزلو هيه وسماعيل تقريبا 5 اشهر ورجعو اسماعيل يكول ماكدر اعيش البيت كله وصخ يختي يجي يلكاها عل تلفون والماعين تارسه السنك كم يكتلها ويعيط بيها يلا تكون تنضف عاد تركها وهجرها من هجرها هيه هم عملت نفسها لاحفافه لاصخام كلشي ماكو راح هوه تزوج وحده من بغداد وحاطلها شقه ابغداد كل جمعه وسبت يجي هنا ويرجع لبغداد.

ورود: ليش هيج هسه هيه شنو حتخسر اذا كنست اونضفت  شو اني احسها رياضه

ايه: قبل اني اورود من انضوج نذب حركتنه بتنضيف الله وكيلج

زمن: هنه بعد نفسياتهن هيج

وداد: يلا يوم كومن تغدن

ورود : كمنه تغدينه وضحك سوالف عمو عصام مقبل ياكل ويانه صبتله ماما بلستقبال

زمن: الحمد الله اكون اسوي جاي تشربن

الكل: يي

زمن: رحت حطيته القوري عل نار وضحرت الستكاين وكعدت يمهن باستقبال

عصام: تغديت شلت الصينيه حطيتها عل سنك شفت زمن مكمله يا به زمن بلا رحمه بس استكان جاي مدامج مخلصه

زمن: نشالله كنت صبيتله شو راح للاستقبال وديته وراه دكيت الباب

عصام: تفضل

زمن: دخلت هاذه الجاي كام اخذه مني درت ارد تروح جرني من ايدي عل حايط الصينيه وكعت شالها حطها عل طبله وتقرب من

عصام: بعد اذا تخزرين اعيونج افكسهن شبيج كالبه خلقتج

زمن: عصام مابيه شي خل اروح لزك نفسه كلش علا جسمي ودنك همس

عصام:  تره ماعدي شي وياها مجرد شي قديم ونتهئ

زمن: واني شعليه بيك دفعته اوطلعت ما حبيت هاذه الشي ابد شايف نفسه ويتقربلي هيج واني ضيفتهم لو لكل الاهلي والله ميسكتون بس تعوذت الشيطان صح احبه بس ماريد يتقربلي هيج ابدد احس نفسي مدري شني من يسوي هيج صبيتلهن جاي وشربنه وترخصت رجعت للبيت

عهود: ورود كومي جيبي خيط وملقط وتعالي احفلج باجر العيد شتلحكين

وداد: يي ماما هم صدك.كومي خل تحفلج خالتج

ورود: كمت جبت خيط حطتلي بوطره وكعدت تحف بس متت وجهي شعرايته خفيفه وشكره متبين بس لا ان عبد محافته كام ياأذي جنت احف بس شواربي حفتلي بعد مامتت مم الوجع وكعدت ترتب حواجبي بلملقط هنه اصلن ميبينن خفاف بس رتبتهن وجابت شيره هم شيرن جسمي كله بدينه من 3 رخلصنه ب5 كمت وحفت شوارب ايه وماما بقت تحط زيوت الشعري وحطتلي مي وشكر الوجهي حته ميطكك وبقيت شويه وكمت سبحت الافه الخاولي علا شعري وصاحتني خالتي عهود

عهود: ورود امي تعالي اخذ قياسج

ورود: رحت خذت قياسي جايباتي 4 قماشات 2 مال جبب هيك يسمو هاذه القماش يجي شويه غالي و2 مال دشداشات اوياهن تور كعدت خيطتلي فستان ايجنن لونه ابيض وطعمته ابذهبي كدرته كلش حلو عليه بس شويه طويل كفته وهم خيطت الاايه مثله وكعدنه م

وداد: ماما ورود التخيطهن خالتج اتضميهن ويه نيشانج تمام من تزوجين لبسيهن

ورود: بغبائ ليش وينه نيشاني

وداد: من يجيبون مهرج باجر نجهزج يوم

ورود: خوش مشه اليوم عادي نمت بليل ولدمعه بعيني باجر عقدي كعدت الصبح عيوني امرمه كعدت ايه وكمنه مسويات ريوك غسلت وفرشت اسناني واجيت اتريك بس احس نفسي مسدوده كعدت اكل 

عهود: ورود امي همي ايدج اخذج الصالون  اجت زمن وكالت ياخذنه ابن اخوها كاضك

ورود: هزيت راسي خاله ايه تروح ويانه مو.

عهود : يي ماما تروح  انتي و ايه وزمن واني وامج نبقه هنا نرحب بلعالم التجي

ورود: هزيت راسي اهم شي ايه تروح وياي كملنه كنت لبست ثوب طويل وبي حزام عل خصر وعلا طوله بي دكم  لون وردي فاتح واايه لبست مثل الثوب بس لون بيجي وشال اسود اني هم ليست شال اسود وعباتي واجت زمن تقابها رافعته سلمت علينا وكالت يلا صعدنه ويه كاضم اودانه الصالون بس هاذه كلساع وباوع الا ايه ويدور وجه حته محد ايشوفه وهاي منطلقه تسولف ويه زمن وصلنه نزلنه جانت عروس كدامنه فكعدت اتسويلي شعري تسحبه جان طويل كلش فتااخرت بي كملنه ورحت سوتلي مكايج واني بس صافنه

ام الصالون: مجبوره

ورود؛ هزيت راسي بأاي

ام الصالون: اكثر البنات يجني مخصوبات لو ابن عمهن ناهي عليهن وخصوصون هنا بلعماره حكم العشائر عدنه اكثر من حكم القانون ازوجت ابن عمي و عمري 13 سنه هم بنهوه وعقدنه تازوجنه حبلت وصارت عندي بنيه وخواته سولي سالفه وطلكت اهلي شمروني ومحد ستقبلني فرحت وشتغلت وكونت نفسي لبغداد ماعرف اشون وصلت وشون اجيت من مات ابوي رجعت عمامي مارضو عاد امي باعت البيت وكاع ابوي والبيت للمأجرينه وشردت وعشنه ابحدنه ومحد سال عليه وهسه عندي صالون هم لبغداد لازمته بنتي واني هنا

ورود: تحكي وتمكيجني شكد عمرها بنتج

ام الصالون: اسمها غدير عمرها 16 سنه بس شاغوله وتحب تشتغل

ورود:تدرس هيه ؟

ام الصالون: لا حبيبه متحب تدرس وهم كسوله تحب المكياج عاد لزمت صالون الثاني

ورود: الله يحفضها  كملتني لباوع النفسي صدك طلعت حلوه جانت راسمه عيوني بلكحل وساحبتهن وراسمه حواجيي والشفايف خلت لون خفيف كالت العيون مكياجهن قوي نكسره بلون الحمره خفيف شعري شالته من فوك وحطتلي تاج زغير و ايه بس سحبت شعرها محطت مكياج زمن حطت خفيف وسحبت شعرها جان طويل شعر زمن كلشش وثخين هم تعبت بي البنيه حيل اجيناها الساعه ب12 خلصنه بل4 كملنه. واجه كاضم لبستني البركع كتلها عباتي عليه حطتها فوك البدله ماعرف اطلع بدون عباتي احس نفسي ملابسه شي بدونها صعدنه وصلانه للبيت كانت هوسه وزلم دخلنه ونسوان كومه حاطاتلي كرسي كعدت وخرن العبايه والبركع جابتلي ايه عطر جان اسمه عطر الياسمين كلش احبه (هسه هاذه العطر ابد ممتواجد 🤦🏻) علكن ديجي ودك وركص طلعت زمن لابسه فستان احمر طويل وتعلاكه من الصدر ومن وره مشبج جان نازل مديله ايه لبشت فستان اسود نفس مديل فستان زمن هيه جابته الها شدت شال علا خصره زمن وعلكتها بلركص وتهز بخصرها فيفو عبدو متلحكها بلركص  و ايه هم وياها وعلكنها النسوان فاتحه حلوكها وهنه ثنينهن بيض ويبرجن والشعر الطويل والبس (الله يرحمجن جنتن خوش بنات 😂💃🏼💃🏼)
شويه ودخلت نوال لابسه فستان بنفسجي حيل ضيك هوه حلو الفستان بس هيه متروسه وعدها كرش فمبين كرشها وشعرها فاتحته لونه اصفر جان لحد متنها وكاعده وتعلك ومعاجبها الوضع هم حقها لو ابي بمكانها هم ماارضاها الله كريم صاحونه نعقد كلبي بقه يوجعني اجمعت لدموع  بعيني باوعت لماما تبجي وخالتي عهود هم سالني الشيخ نزلت دموعي وكلت،،،،،،

يتبع،،،،،

ياهلا وجثير الهلا بلغة اهل العماره شونكم عيني نزلتلكم هسه البارت علساس بليل انزله بس هيه كملته ونزلته فكلولي شنو توقعاتكم للقصه وشتكولن شراح يصير ومن من الاابطال حبيتو اكثر وبس لاتنسون التصويت بنات اكو بيجن يعلقن وميصوتن حبيبه صوتي والي متعرف اشون اصوت اكو نجمه بااخر الشاشه دوسيها وبس دمتم في حفض الرحمان