رواية عشك شيخ احمد الفصل الاول 1 - بقلم كاتبه ريام 💓

ورود:سلام عليكم اسمي ورود عمري حاليا 18 سنه مواصفاتي شكلي بشرتي بيضه عيوني بني فاتح شكلي كلش عادي كشكل اي بنيه عاديه حبدي قصتي من جان عمري 10 سنوات 🙁💔 عائلتي امي وابويه وبس اني عدهم ابويه ميت مات بحادث وهوه رايح للعماره وعشنه يم خوالي وماما اجرت بيتنه ونصرف من الاايجار وهم اتلم ولضم تكول كلشي يصير بدنيا الحمد الله محتازيت شي وكل واشرب واللبس ودراستي جانت كولشي بحياتي جنت ابقه كاعده ب2 بليل بس حته احفض الماده واخذ درجه كامله كل همي كانت دراستي ماما اسمها وداد وابويه الله يرحمه قاسم اخويه ماعرف عن اهله اي شي جان يتواصل وياهم وكل نهاية اسبوع يروح بس مياخذنه وياه وحته ماما كانت متطلع ابد من البيت حته ملابس ابويه يجيبلها وهيه تعرف تخيط
من مات ابويه مجنت مفتهمه اي شي بعدني زغيره وجان اكو جهال وكعدت العب واشوف ماما تيجي فاحضنها وابجي لا ان هيه تبجي خلصت الفاتحه و كل من طش البيته اخوان امي مقبلو نبقه ابحدنه والي عرفته عمامي رايديني وامي مقبلت تروح وياهم وبقو يصيحون اخر شي كايليلهم الوصيه بابا البنيه الي هيه اني تبقه يم امها جدي ابو ابويه كاللهم الاام وبتها يجن يمنه خوالي مقابلين فاخر شي كالو انو نبقه يم خوالي ولمت ماما ملابسنه واخذنه غراضنه ورحنه جان عدهم مشتمل زغير يم بيتهم كولش حايط علا حايط كعدنه بي ورتبت الغراض ماما وذاك البيت مالتنه جنت كولش احبه كانت بي حديقه كولش كبيره واكعود العب بيها فنقهرت حيل هم جان البيت حوالي حديقه ففرحت من شفتها وبقيت اعدل ويه ماما وهيه تعدل وتبجي شويه ودخل خالي الجبير اسمه عصام خالو عصام ممزوج جان يحب وحده بس مطوهيا وازوجت فهوه
مازوج يشتغل بجيش جندي وكل 15 يوم بجيش و10 ايام بلبيت

عصام:وداد خويه كولي يالله هاذه دار حقه وهاذه يومه كولي يالله خيتي عندج بنيه تعبي عليها عسه ولعل تسندج بكبرتج يلا بعد اخوج هاذه مسواك وابدال متبجين اقريله قران ترحميله يلا اني باجر رايح الدوام وهاذه مسواك كلشي تحتاجو موجود وطلع 25 من جيبه اطاهم لاامي خويه هاذه خاف تحتازين فد شي لو البت تشتري بس خويه لاتكربين يم نسوان اخوانج تراهن ينكطن سم ةنتي تعرفيهن بعد

وداد:يي خويه هاهيه الله كريم عندي خويه فلوس ممحتاجه والله المرحوم عنده خير من الله

عصام: ميخالف خويه كضي

ورود:اطاهم الماما وطلع اني طلعت وياه صحت خالووووو

عصام:ول هلا شنو هل جمال

ورود:خالو خلي العب بلحديقه

عصام:ول خالو لاتكربين يمهم ولاتوصلين للحديقه ابقي هنا يم امج ولااطلعين خوش واني من اجي اجيبلج مرجوحه يلا روحي جوه

ورود :دخلت بس حيل نقهرت ليش ميقبلون اروح حطيت الكتاب وبقيت اكتب جنت بصف الرابع ابتدائي وكولش احب اكتب اجت ماما مسويه غده اتغديت هيه مااكلت مديتلها خاشوكه باوعتلي كلت وبقيت تسولف وياي واني هم اسولف واضحك كملنه ورحت نمت كعدت علا صوت قوي فزيت شفت ماما نايمه طلعت بره واشوف الجهال بلحديقه يتعاركون واجت بنت خالو جعفر ايه وكفت يمي كالت تعالي ورود هذولي يضربون الولد خطيه جرتني وركضنه وخرناهم هاذه حسين ابن خالي علي دفعني اوكعت علا وجهي
جان كمت ودفعته ويه مادفعته طلعت مرت خالو علي تعيط كضتني من اذني

مرت علي:ولجججج الجايفه تضربين لبني فوك مالملفينج انتي وامج ليش تضربي ولج

ورود : هوه دفعني وجان يضرب بمقداوي (مقتدئ)

ايه :يي خاله صدك. هوه دفعها ماضربته هيه من دفعها دفعته هوه بده

مرت علي : ولج انتي ام عطوب هم طالعلج السان اسكتي ولا نفس

ورود : جان تندار عليه وضربتني راجدي بقيت ابجي وطلعت ماما وبقيت تصبح عليها

وداد : ليش هيج تضربين الطفله جهال وتعاركو وبعدشوي يصالحون ويلعبون

مرت علي : عشتو و منو كلج اخلي جهالي يلعبون ويه بتج امشو ماما امشو تالي وكت تجي الارامل توكف بوجهي

ورود: باوعت الماما ماحجت شي ندارت عليه وعاطت

وداد: ليش دفعتي ولج

ايه: عمه والله ما هيه هوه عاد

وداد : ورود خالج كالج لاطلعين المن طلعتييي ولك اليوم اول يوم وهيج شسويلج اني اذا طلعتي بعد قسمن بالله اكسر العوده عليج ادخلييي جوووه

ورود : ركضت للبيت خايفه وابجي واجت وراي ايه كعدت يمي

ايه : ورود اني اسفه والله معبالي هيجي يصير هيه هاي مرته لعمو علي ماخوش مريه اشو اشوف اذانج
هسه تطيب هسه انتي ياصف

ورود : اني برابع وانتي

ايه اني بثالث رسبت المفروض اني برابع هسه بس رسبت هههههه هايه مرت خالو علي من رسبت بقت تضحك وحواجبها يكمزون هههههه

ورود:هههههه انتي وين اهلج

ايه : تكول مرت خالو علي بابا ذبحو وماما عافتني وراحت ازوجت

ورود: بقيت صافنه بوجها اني هم بابا مات بس امي موجوده

ايه : يي خاله وداد اعرفها بيبي دائمن تسولف عليها

ورود: اكولج هايه بيبي اني ماحبها جنها عنكبوت

ايه : لابيبي حبابه بس مرات تضربني بلعوده لا ان اضرب حسين بس والله هوه يضربني اول شوفي

ورود : مدت رجلها وشالت البجامه مال تراك وراوتني رجلها صاريه حمره وزركه مثل المجويه

ايه: هايه جوتني مرت خالو علي لا ان ضربت حسين هوه حسين بالااول شك الكتاب مالتي واني جريته من شعره وهيه جوتني

ورود : كولي لخالو عليها

ايه : خالو علي يبقه يعيط عليه

ورود : وخالو عصام

ايه: لاخالو عصام كولش احبه يجيبلي حلويات ويطلعني وذاكليوم من عرف جوتني مرت خالو علي بقه يعيط عليها وتعارك هوه وخالو تطلع من البيت وبيبي حبستني بلغرفه تكول كوله من وراج عوفيهم يولون ماحبهم اني من اكبر واصير ضابط احبسهم كلهم

ورود :ايو روحي جيبي ملابسج ونامي دوم يمي

ايه: خاف من بيبي متقبل من يجي عمو عصام اكوله تعالي نلعب بلمرجوحه مالتي

ورود: لا ماما متقبل اروح

ايه : وف

ورود: مشت الاايام وبعد مرحت لاللحديقه ولاالبيت عمو علي و ايه دوميه من تجي من المدرسه تجي يمي ونتغده سوه ونلعب سجلني خالو عصام بنفس مدرست ايه ونروح سوه ونرجع سوه بيومها جان خميس رجعت جوعانه دخلت وصحت ماماااااا

وداد : صوتج ولج شبيج

ورود: انزع بجواريبي واكولها ماما جوعانه

وداد : غسلي اديج اوجهج اوجواربيج وياج غسليهم بين ماحمي الغده

ورود: مشيت وادردم هم اغسل جواريب غسليهم انتي وف حضي خايس

وداد:ولج ام لسان غسلي واسكتي

ورود :ماما كم اذن عندج انتي

وداد: ولج ادبسزز

ورود: ان نسمع صوت بجي كولش عالي من بيت عمو علي وصوت ايه تصرخ ركضت ماما واني وراها،،،،،

وللحكايه بقيه اشونها حلوه مووو يبعد حيلي 😂💓القصه حقيقيه وبنيه صديقتي طرحتها عليه قصه عراقيه حقيقيه وضفتلها من الخيال 🤞🏻🤞🏻
لازم احط لمساتي اشون لعد يكيفي 😂💓❤