رواية عشك شيخ احمد الفصل الثالث والعشرون 23 - بقلم كاتبه ريام 💓

يا هلا شونكم جده شخباركم ❤👋🏻

اسراء: ( نسيتوها مووو 🤓) رجعنه للبيت وايام مرت كباقي الايام روتين ممل بس الي الي حبيته انو اكو روح ابأحشائي مرت الاشهر ومرتضئ  يطلع الصبح يرجع العصر يكعد سوالف عاديه وديكبر بلمحل سواه سوبر ماركت كام كل جمعه ياخذني اسوك الي يعجبني وارجع حملي صعب النساوه مادري حيل اذتني واراجع دكتوره ومستمره عل علاجات بشهر السابع كاعده وبطني عاليه كمت رحت داسبح غسلت شعري واني الوجع عندي خفيف من البارحه ماعرف بس كملت بعدين ممبدله لميت شعري بلخاولي واجاني وجع حقييررر حيللللل مرتضئ بلصاله بس عطت اجاني يركض واني كلشي ملابسه وحته الخاولي الي علا راسي وكع حسيت بمي وكع مني وكنت اعيط من الوجع وهوه تخبل جابلي دشداشه لبسني ولبسني حجاب وشالني. ونزل بيه للسياره حطني وره واني احس شي يريد يطلع مني بس مقلصه نفسي وميته وجع جنت بس اريد تخلص من الوجع بقيت اصيح ومدري شحجي هوه متوتر وخابر امي وصلنه وخلصت المستشفئ بلعياط وهوه يهدي بيه عطتت كلللللللله من وراكككككك حقيرررررر اخخخخخخ لجججج مامااااااا دخلني للصاله الولاده ولاده طبيعيه عطت حيل  وجان اسمع صوت الطفل وغمضت عيوني اختفه الوجع  احسن عليهن ينضفلي بس ما بيه احجي وحته احرك نفسي شويه وفقدت ماحسيت بشي كعدت علا وجع خفيف ابطني وماما بصفي ومرتضئ ماكو اجت امي بوستني وتحمدلتي بسلامه وكالت جدتي بنيه تجنن اني من حللت كالو ولد وجهزت علا حسب حجيهم وحته الاسم ختاريته كالت بنيه نصدمت وهم فرحت الحمد الله وشكر شويه ودخل مرتضئ بيده الطفله وفرحان لعيون تلمع تقرب كعد بصفي وحطها بحضني ماما طلعت جانو ممكمطينها بس ملبسيها ملابس بيضه وحفاضه ولافينها عن البرد بوستها وشميتها وهيه عصبيه كامت تبجي واني اخاف اول مره اشيل طفل بهل عمر تحمدلي بسلامه مرتضئ وبتسمتله بعدني تعبانه ومابيه حيل

مرتضئ: رضعيها حبيبي

اسراء: اول مره يكول حبيبي  صفنت شويه واخذتها منه صدري مالي حليب فراح صاح امي سوتلها ممه وهيه ما تعرف شون تشرب امي كالت حطي صدرج بحلكها وهوه ينزل مرتضئ واكف ستحيت وغلست حظيت صدري بحلكها وبقت ترضع بصوره سريعه بس اني قشعر بدني وصحت يمممه

ام اسراء: هههههه خرب يومج لج يوم هسه تتعلمين
مرتضئ شوكت اطلعون

مرتضئ: شويه ونطلع حالتهم زينه لان ولاده طبيعيه

ام اسراء: بس جابت بسابع

مرتضئ: يي والله الفضل لله الطفله حالتها تمام و اسراء هم

ام اسراء: خاله جدتك مريضه ونته تعرف ماكدر اتركها فاذا هاي جيبها يمنه اسراء

مرتضئ: لا خاله متقصرين اني موجود

ام اسراء: يا يمه وشغلك

مرتضئ: عندي عامل بالاسواق كاعد انشالله ماقصر وياها انطيها عيوني ام تبارك هاي الغاليه

ام اسراء: سميتها تبارك

مرتضئ: يي

اسراء ؛ يا شبي هاذه ترخصت امي وراحت تقريبا 4 ساعات وطلعنه الساعه ب7 الصبح اجينه ب11 بليل الحمد الله وشكر صعدت بسياره وكان يسوق علا كيفه تمنيت امي وياي بس خطيه بيبي عاد هوه هم ماقصر بس كومتي اول ايام حيل صعبه وتبارك تبجي وتريد حليب واخابر ماما تكلي اكلي تمر حته يصبر حليب عاد كمت تكل تمر مرت 10 ايام كمت علا حيلي وتبارك تعودت عليها صار عندي ارق من وراها ماكدر انام ومرتضئ متخبل عليها ماما تحول ميصير وهوه تعبان يدخل عليها يصير التعب بيها فهوه هم ياكل ويسبح ويروحلها يبوس بيها ولحيته تضوجها تبقه تبجي  شلتها اريدها تسكت ماكو فرفحت ضوجها حيل وهوه يضحك شالها حضنها ويلوليها سكتت ياحقيره لعد اني ليش بحضني تبجين

مرتضئ:يولي لاتغارين غير بنيتي

اسراء: كلت بغباء يمته بنتك بنتي هاي

مرتضئ: والله مستعد احلفلج لو مو اني جان مصارت بحشائج

اسراء: حجه هيج وغمزلي خليت وطفرت للمطبخ احس وجهي شتعل نار حيل متغير شويه وصاحني اخذته وغيرت ملابسها واحجي وياها يمه فدوه البناتي بوياي شنو هل ريحه الطيبه وبوس بيها  من شفايفها وهيه فاتحه حلكها جوعانه كنلتها حضنتها وكعدت ارضعها ارد اكوم اسبح نضفت الشقه وسويت الغده كملت رضاعتها وهيه غفت وهيه نايمه تضحك واني من تضحك اخرب ضحك ومرتضئ يضحك عليه مناخذه شي مني بس لون العيون الباقي كله ابوها كمت رتبت الغرفه واخذت ملابسها غسلتهن بصابون ركي وشريتهن بشمس ورحت طلعت ملابس وسبحت شويه رتاحيت  طلعت نشفت شعري وكعدت اكلب بالانستا ومرتضئ يحسب سمعتها كعدت كمتلها وكعدت تلعب حاللتها وجبتها يمي حطيتها بلكاع وكعدت بصفها مرتضئ عل تخم كمل وجفه فوكاها يبوس بيها ويدغدغها وهيه تضوج وتبجي مر الاربعين مالتها وماما سبحتها بمسج تكول يعطر ايامها مادري بسوالفهن هاي شيحسن واني اسكت ماحجي والمسج لزك بجسمها وصارت سبحان الله نفس ريحت جسمي بضبط حته مرتضئ من يبوسها يكول عطرها مو غريب عليه ويباوعلي اني اسوي نفسي ماسمعته جنت داكصص لحم وتبارك نايمه حسيت بي دخل المطبخ اني من جبت تبارك جسمي طك وسمنت كامت الملابس تلزك علا جسمي جنت لابسه شلحه قصيره فوك الركبه ولردان مالته ربع ردن ودلعه من الصدر بقيت وداثرم اريد اسوي مخلمه ماحس غير  محاوط خصري بدي وراسه بركبتي وهمس

مرتضئ: مو اكلج شام ريحتها نفس ريحتج بضبط

اسراء: دارني عليه من خصري دنك وباسني من خدي بس طول بيها بدون وعي غمضت عيوني وخر وحطيت ايدي علا صدره شداني اله اكثر واخذ شفايفي هنا حسيت نفسي حاوكع دفن راسه بركبتي واخذ لحم ركبتي بين شفايفه بدون وعي حطيت اصابعي بشعره  وهوه كام يعض بربكتي وهمس يم اذني

مرتضئ. :سرو

اسراء: ممم

مرتضئ: احبج

اسراء : مانطيت ردة فعل وخر وباوعلي ومايفصلنه شي حط كصته علا كصتي يولي خلي نبدي صفحه جديده واذا جنتي موافقه فاريد اليله اتباتين بحضني طالع اني من ارجع اريد الجواب حجه هيج وبوسني بشفايفي ابوسه سريعه واحسه يلهث وطلع بسرعه عفت الحم ضميته وغسلت رحت التبارك تبجي اخذتها ورضعتها وافكر معقوله يريد يبدي صفحه جديده حبني لو شنو بقيت بين تفكر عقلي يكلي لا وكلبي يكلي يي نامت تبارك تعشق النوم هل بنت حطيتها بلكاروك ورحت بدلت وليست سيت نوم اسود كدرتها ضيك حيل بلكوه لبسته عزه شكد سمنانه لعد بس جسمي صاير حلو غيرته وعندي ثاني هم اسود لبسته باوعت النفسي ركبتي بيها اثار حفيفه وصايره حمره من شواربه ولحيته باوعت النفسي جسمي ابيض حيل والسيت اسود حطيت حمره ماروني رسمت شفايفي طعمها جكليت وريحتها تجنن وحطيت كحل وشويه مورد لخدودي تعطرت  وتبارك نايمه الساعه ب9 طلعت اكلت مدبسه تمر سوتها امي ودزتها واخذت نستله وكعدت اكل كملت حسيت باب الشقه نفتح كنت ركض تشوف نفسي عدلت شعري واباوع الشكلي حلوه سويت نفسي اسحب بشعري بلساحبه  ما عرفت شنو اسوي عاد لكيتها حجه  دخل للغرفه بيها كلوب خفيف علمود  تبارك نايمه باوعلي وبقه صافن سد الباب سويت نفسي ماشوفه بس احس جسمي يرجف حضني من وره وهمس

مرتضئ: ليش الرجف بردانه

اسراء: ااا،، يي بس اشوف تبارك وخرت ورجع سحبني  صار راسي بصدره همس

مرتضي: نايمه تبارك اليوم اني الي اريد مداره مو تبارك

اسراء: ردت احجي سكتني وعشت وياه ليله جنت خايفه يكول اسمها يي خفت حيل وبساعتها تندمت ماريد اتأذئ بس هوه حس بيه وكان يهمس بسمي وغزله الي ذوبني بي عشت وياه الله ليله كان ما ليلة عرسنه وهوه حار شسوه وخر مني ردت اكوم سحبني وحضني ويبوس بكصتي ويعتذرلي علا الايام  زواجنه وكلساع يعتذر حبيت انطي فرصه وصدك كام يطب ويطلع. يبوسني ويتغزل بيه. ويصيح اعشكج بس لحضاة الفراش اكون خايفه يلفض اسمها بس هوه يحس بيه ويبقه يهمس باسمي  واطمئن مرت 6 اشهر تبارك عمري اتجنن شعرها الكيرلي القصير ماما تحير شتجيبلها من زيوت واكلها بعدها زغيره ومتقبل وابقه اضحك وغير الملابس الي ترست الكنتور مالتي حاجيت مرتضئ متخبل عليها كتله علا كنتور فرغ الغرفه الي جانت البيبي وسواها التبارك حته اسمها كتبه بلحايط وصارت تجنن وجابلها كنتور طلاكتين وجربايه ازغيره وهيه تضحك وهوه بس يدخل يروحلها هيه هستوها تزحف واخاف عليها وهيه تموت عليه يضوجها بلحيته ويجيني بليل يكل النهار البنتي واليل كله الج وكل ليله يجيني ملهوف احسه يريد يعوض الايام الي راحت الساعه ب11 وهاي تبارك ماقبل اتنام كاعده وتلعب وادردم  وخدودها حمر مرتضه حاطني بحضنه ويشم بركبتي واني ابعد بي مرتضئ تبارك كاعده حبيبي شجاك

مرتضئ: نوميها الدنيه ليل

اسراء: يحجي هيج وجان تجي البزونه الي تلعب بيها جانت ثكيله جان تشمرها علا مرتضئ وتضحك هوه تأذه وعاط بيها هيه بسرعه برطمت وكامت تبجي هوه شافها هيج تخبل كام يسب بنفسه ويبوس بيها هيه جرته من شعره حيل وتكله انه انه اريد اعرف شنو الانه مادري 😂 ويبوس بيها ويراضيها عاد سكتت وبقت تلعب وياه وهوه يبوسها غفت وهوه مكابلها ويسب بنفسه لا ان عاط بيها اليل كله لل2 يلا  باوعلي واني كلش نعست عاد عفته بغرفة تبارك ورحت للصاله تمددت عل تخم ماحسه غير شايلني

مرتضئ: يول التوبه ثكيله وعلي

اسراء: دفنت راسي بركبتها اتنفس بيها وعضيته يتخبل مايقبل كلشي ولاركبته شمرني عل جربايه وهجم عليه نعسانه ومابيه اقاوم عاد عفته شيسوي يسوي ونمت بين النايمه والكاعده اسمعه. يحجي وياي بعدين بقه يضحك عليه حضني ونام وعايشين الحمد الله تبارك ما ليه حياتنا ومونستنه وهوه يتخبل عليها واذا تمرضت حته مينام يبوسها كلساع  وياخذها مرات وياها الاسواق مالته ويونسها وترجع محمله حلويات تحبهم حيل مع انو اني ماقبل اخاف عليها بعدهي زغيره مرت حياتنه بحب وسعاده و اكيد ماتخله من. المشاكل البصيطه ومرتضئ مستمر يروح للدكتور النفسي واحسه نفسيته متعدله وحته وجه ورد واحس عيونه يفسرلي حبه الي ويكللي بس انتي بكلبي الحمد الله حبيته حب نضيف جان ميرغبلي ويحسني مو خوش وبعدين اجيت لشقته وهوه عايش بوهم اسمه ايه مع انو البنيه كولش حبابه شفتها بلعرس الحمد الله كدر يختار حياته صحيح وعوضني عن الايام الي اذاني بيها وحاليا دانحضر سفره لااربيل وفرحانه حيل انطلقنه الاربيل وحيل تونست وكومه جبت غراض شتره شقه اكبر من الي كاعدين بيها مرتضئ ونتقلنه ذيجه بعناها هيه واثاثها واثثنه شقتنه احله الاثاث  وعشنه بقفصنه الي مملي حب وسعاده ويارب يديمها علينه لحد هاي اللحضه اذكر الايام الي ابدايت زواجي واحمد ربي واشكره صبرت ونلت مرات الانسان مو عله متعلم او دارس الشهاده مو كلشي للحياة احس الحياة الصحيحه بتكوين عائله صحيحه  ويكون بيت. بطريقه صحيحه ويتجه الربه هاي تفكيري اني اميه اسمي ماعرف اكتبه بقه  بس بلموبايل اتعلمت اكتب اما اذا اجي بلورقه والقلم ابد ماعرف اكتب اما بلموبايل لا والله اكتب بطلاقه راد مرتضئ يريدني ادرس خارجي اني رفضت احس نفسي ممستعده وفرحانه بحياتي ابنتي وزوجي الحمد الله ممحتاجه الشهاده ابد  وبقيت وتعلم الحياكه اكثر واكثر وبقيت اسوي سلال اكبار واشكال اجنن حته ماما تطلب اسويلها ومفكره افتح مشروع بسيط عبر الانترنت ولهنا تنتيهي قصتي وياكم وشكرا للي حبوني وراعو ضروفي وشكرا ايضا للي كرهوني وشكرا جزيلا للجميع تحياتي الكم 💙

(ولهنا وتنتهي قصه اسراء البنيه الي تحملت زوجها وصبرت وياه وماعتقد حاليها اكو انثئ تكدر تتحمل هل شي كلش قليلات الي يتحملن هلشي احسها امرئه مجاهده رغم هيه ممطلعه عل مجتمع بصوره اكبر بنت بيت اسمها متعرف تكتبه اميه لاكن كدرت تواجه الحياة وصعوبتها تمسكت بعائلتها  وبقيت ويه زوجها وتحملته وصنعت عائله جميله وممليه بلحب انتهت قصتها وعشنه وياها احله ايام حياتها واقساها وامرها واسئل ربي يوفقها بحياتها ويوفقكم ايضا ويوفقني يارب انسدت باب حياة اسراء احده ابطال قصت -عشك الشيخ احمد - لاكن هناك 3. ابطال من اباطل قصتنه لليوم ننطلع عليها )

رساله لا اسراء من متابعيني  😚❤💬

حائ    بائ
نسجت لتكون بين ادم وحواء
حائ حنيني اليك
وبائ بدونك لاحياة ❤

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

(نرجع الايه 💔)

ايه: حطيت ايدي علا وجهي خايفه يضربني جان يجرني ويحضني حيل بقيت اشهك واشكيله منه اله واشهك واحجي وهوه يمسح علا وجهي ويبوسني وعيونه تلمع واني احس نفسي مابيه روح وجهي شاحب من ازوجت لحد الان اخذني لحضنه ويبوس بخدودي وصالحني مكدرت ازعل منه ماعرف اذا ماانام بحضنه وبيوم الي يروح الدوام ابقه كاعده واخابره ويفتح خط بدون ميحجي ويشتغل والهتفون بذانه ويرجع الصبح انام شويه للعصر نكعد وعمتي ام كاضم تصيح ومتقبل تكول الشغل منو. يخلصه رغم اني عليه العشه فاسوي العشه وانضف المطبخ واصعد ومن اكعد العصر او الضهر وياي كاضم تضل تحجي وهوه ماعليه تبقه تحجي وبيبي ترزلها تكلها شغلها وقايمه بي شعليج بيها احسها حيل تحبني مشت الايام بيومها مماكله نهد الريوك وكاضم يبقه يصيح حته اكل رجع من الدوام ميحجي وياي ومتجاهلني واني اتخبل رحت اريد اصالحه خله وطلعه رجع بليل عرفت عنده واجب بتكريت شهكت وخايفه عليه تكريت خطره وبيها داعش عزه بعينج ايه هوه شافني خايفه هدئني بس بعده زعلان الفجر حسيت علا شفايفه بركبتي فزيت صاير فوكي ويبوس بيه اخذني الحضنه هلكني اوخر مني راح يسبح وبدل ملابس الدوام يااا شو بعده زعلان لعد والسواه هسه شنو حاولت احاجي نتر بيه

كاضم:تعبتيني حيلللل يولي اكلي والله موزين عليج اذا تحبيني صدك نتبهي الاكلج

ايه:باس راسي تعلكت بركبته واقنعه ميروح بالي حيل يمه وكلبي ياذيني طلع واني كعدت ابجي كنت سبحت وكعدت اصلي الصبح ديأذن دعيتله واني ابجي يرجعلي سالم الوضع مو اسمان وخاصه تكريت  والموصل داعش منتشر بيهن بشكل مرعب اول ايام اخابر شويه ويسده بس شونكم شخباركم ميلحك مر اسبوع اخابر ماحصله يربي حموت مرن اسبوعين ونفس الحاله راحو الولد بقو 5 ايام ورجعو واحمد ماكو وياهم راجعين المكان الي حان يدور بس هم مالاكينه والتهينه بااحمد وكاضم واني ميته علا كاضم وكلساع واتخربط وابيبي اورود وشهزنان يعيطن بيه حته اكل عاد يجبرني اورود مو احسن من حالي اني المرض احسه ياكلني  بقيت هيج رحت يم عمتي بقيت يمها وقفلت غرفتي واخذت ملابسه اشم بيهم واذا كلش اروح للبيت اكعد ابصط ملابسه واحجي وياهم وابجي تمنيته وياي ماتركت دراستي نفسيتي صفر واقره متسواي قل كل مكان اروحله عندي ذكره وياه  مر شهر ورود جابت تؤم يجننون بلعمليه طلعوها وتحت تاذير البنج تبحي وتريد احمد نقهرت عليها وعلا نفسي مرت شهرين وكاضم واحمد مابينو واكفه كدام المرايه خدودي مو نفسها مثل قبل وجهي شاحب واصفر ضعفانه اليل مانامه ماتعودت ولا راح اتعود ماعرف انام اله بحضنه ابقه كاعده بلحديقه ابجي واشكي الربي مرات بحضن ورود صدك ترتاح واغفئ احسها اختي اوجعها مثل وجعي ملتهيه ويه  جهالها الي. ثنينهم يبجون سويه مرت 6 اشهر وحدو ابن ورود خابصنه بضحكه وسوالفه وصوته العالي اما الائ انطيها بس تاكل وتضحك وادردم شعرها سرح مي وطويل وتزحف وهيه سمينه وبيضه مدنفشه  وحته حدو(حيدر) سمين وابيض يشبهون امهم كلش ومن يلعبون حيدر يجر الائ من شعرها وتبقه تبجي هوه يشوفها تبجي يبوسها ويحضنها واضحك عليهم ومانعرف خبر عن  كاضم واحمد اورود بليل اسمعها تشهك وتبجي احضنها وابجي وياها جنت كاعده بلحديقه الدنيا ليل الساعه ب2 اباوع للسمه صافيه والنجوم تلمع نزلت دموعي واحجي ويه نفسي وينك حبيبي هم تشتاقلي نايم هسه كاعد مريض تتوجع مشتاقتلك حيل ارجعلي الله يخليك مراح اضوجك واكعد واكل وياك بس رجعلي احجي ويه نفسي مثل المخبله وابجي واذكر سوالفه وغزله وعياطه لاان  مااكل لو من افز بنص الليل الكاه فوكي ويبوس بيه لو انسه حنانه من اتمرض بجيت بالم بحركه باشتياق الحبيبي حالي حال هواي بنات وامهات الي راحو احبابهم بتكريت قسم انفقدو قسم انكتلو بسبايكر قسم فقد الذاكره قسم حته جثث ملكولهم وقسم شردو وخلصو بروحهم قسم نسجنو  مناطق الجنوب جانت امان الايام تمشي وتمر وماكو خبر عنهم الي ان يوم جان 7 محرم وجنت اني وعمتي انضف دجاج دنسوي لاامام العباس (ع) اورود اتسوي الحشو وتبجي وزمن بطنها وهيه كاعده ويمها الجهال مسويتلهم بسكت وماردته بمي وتوكلهم وتاكل وياهم
كملت تنضيف وغسلناه وكصصناه دخلت عمتي للمطبخ وكعدت اغسل الطارمه طلعت ورود جابت العين مثل الطباخ بس عين وحده شغلتها وكعدت اتسوي الدجاج  وجها احمر دم من الحر ومن البجي والقهر علا احمد

ورود: مرت الاشهر والايام والساعات والدقايق والثواني اشون جهالي يكبرون كدام عيني وهوه ماكو ويلاه  يشيخي وينك هسه جدي حالته فد مره وعمو سيف ميقبل يشيل المشيخه يكول ماريدها هيه كانت الاحمد وجسام هم ميقبل  مع انو جدو عايش بس مريض وهوه متوج الشيخه لا احمد بس احمد مختفي ومحد يعرف وينه بله كاضم يعرفو من دوامه ختفه بس احمد حايرين بسالفته وينه اوين راح او شصارله 6 اشهر مرت وجهالي كبرو وذو الفقار حاله حالهم الله شاهد احبه مثلهم ومهتمه بي وبدراسته وهوه بس يسال علا ابوه مرات يبجي بسكته اشوفه واحضنه واهدي  وحيدر خابصني بصوته العالي اوكاحته حرك حيل واخاف عليه من الدرج اما الائ حيل هادئه وتضحك للهوه  اليوم 7 محرم جاي نطبخ لاامام العباس الي اني من اذكره بدون وعي عيوني اصب وجسمي يكزبر حيل احبه واله معزه خاصه  اسمع الطميه مشغلتها زمن ودموعي اصب واحمس بشعريه ونذرت اذا اجت احمد وكاضم سالمين اخبز للعباس  طلعت بره احمس الدجاج مابقه شي للاذان جان تنفتح الباب الشارع  جانت مردوده ،،،،،،،،

يتبع،،،،،،،،،،،

لاتنسون ⭐👋🏻❤