عشك شيخ احمد الفصل الخامس وثلاثون 35 - بقلم ريام

يا هلا 👋🏻❤

ايه: مرت الايام بهدوئ وغيرتي من قيس علا كاضم وكويضم يضحك ومكيف جان وكت عصر الساعه ب4 والدنيه شته اصبر العصر حلوه كاعدين والصوبه بنص مال جدتي وكلنه ملتمين جسام وقاسم ابن عنهم يلعبون دومنه واحمد وكاضم يسولفون احمد يريد يشوفله بيت ابغداد لا ان حيحول شغل العقارات هناك فياخذ ورود هنا وهوه يجي هنا علمود امور العشيره

احمد: بيتك اثثته محتاج فلوس

كاضم: لاخويه متقصر عندي خير من الله

ام كاضم: شنهي كاضم انه اروحن وياك لبغداد وياكم اعيشن جا ابحيدكم وانته بدوام ومرتك ابحدها

ايه: تضايقت حيل هوه اني اريد اخلص منها اريد احجي كاضم كض ايدي حيل بمعنه اسكتي

كاضم: هلا بيج يمه البيت بيتج

الجده: شنهي شعدها. رايحه اشو ماتروحين رجال ومرته يردون يرتاحون مره تريد تلبس تكعد نتي شكووو حاشره روحج هاذه بيتك اكعدي واسكتي

ام كاضم: بكيفج عمه

ايه: مي بارد نزل علا كلبي من فشلتها همزين خلصت محتجي وياي بقت تخزرني وتذب بسامير يي جناين يصير عدها بيوت وهنه زعاطيط وتذب بهاذه حجيها واني اضحك عليها بداخلي عبالها انقهر والله لو ما عيب من عمي جان انطيتها بوسه بلهوه قيس بحضن كاضم وكاضم يشم بركبته ويبوس بي تمدد وحط راسه علا فخذي ويشم ويبوس بركبة قيس همس

كاضم: ويلاه ريحته مثل ريحة ناس اعشكهم

ايه: كرصته بزنده جان يكرصني بخصري وهوه كرصته تموت بقت تاذيني خزرته وغمزلي قيس بقه يتململ واني اريد اكوم اسوي عشه جده شنو مشتهين عل عشه

الجده: بكفج يمه شسوين سوي

احمد: يبه لاتسوون عشه اني اجيب من بره ورود جيبي محفضتي من فوك والسويج

ايه: راح احمد واني اخذت قيس وصعدت بدلتله جان ياكل فدمر نفسه كلساع يمدر نفسه وهي توه يزحف وكلساع ايريد يصعد الدرج وتجيني بت شهزنان تركض اسمها فاطمه عمرها 3 سنوات حلوه اجنن عيونها شهل تكول شهزنان مثل عيون اخوها عذيب الله يرحمه

فاطمه: وجج آنتي اوبنج صعد بدلج
( ولك عمتي ابنج صعد بدرج )

ايه: هيه متكدر تكول عمتي فتكول آنتي رحت ركض شلته وارزل بي وهوه يضحك اجه كاضم برمودته سوده فوك الركبه والبدي نص ردت هم اسود البيت داقي فماخذ راحته اخذ قيس من ايدي وكرصني من خصري كضيت وعضيته من زنده

كاضم: هاي سوالفج طلعيها بعدشوي مو هسه اخخ بويه شيخلصج مني 😉

ايه؛ دفعته ورحت ركض للمطبخ اورود شايله حسن مريض فلاونزه وحته مشتبئ وملتهيه بيهم بليل اسمعهم يبجون خطيه اجه احمد واخذت منه العشه جان مشاوي رتبتهم وكعدنه نتعشه اورود مشتبئ كام يبجي متعشت شالت حسن ومشتبئ وصعدت والائ كانت وراها متاكل اذا امها مموجوده تعشينه وكملنه وزاد هواي حطيته بلفرن خاف ياكلون يعرفون همه موجود بلفرن نضفت لبيت مسحته كله والمطبخ هوه نضيف بس اني انضف حته متحجي عمتي وتكول متنضف كملت وطلعت للطارمه شغلت الماطور كانت ماطره الضهر الكاع صايره طين غسلتها واخذت البصطال مال كاضم ناسي جوه لاينتلف من المطر وطفيت للماطور وصعدت كاضم كاعد يخابر وقيس حاط الريموت بحلكه اخذت منه الريمود ونطيته العضاضه اخذت ملابس ودخلت سبحت وشففت كرصه كاضم صايره زركه خرب حضي سبحت وطلعت مكمل مخابره ويكلب بلفيس تعطرت ونشفت شعري طفيت التدفئه مال سبلت وشغلت الصوبه الكهربائيه وحطيت قيس يمي عل جربايه وحبت حب وشغلت التفزيون حسيت راسي علا جتف كاضم وقيس بين رجليه ياكل جبس ومشت الايام بخير بعد 3 ايام كاضم كال تروح للبيت اني لميت الملابس وغراضي كوليتها فرغت الغرفه بقت بس الاخشاب حياخذونها خوات كاضم لا ان احمد ويريد ايجيب غرفه لذو الفقار فبدلت وبدلت القيس ولبسته قمصلته وسلمنه عليهم اورود تبجي ورحت سلمت علا عمتي وزمن نفس الحاله ورحنه البغداد اول مره اشوف البيت ،،،،

ورود: جان اسمع صوت الائ تبجي وصوت قوي ركضت عليها شلتها وهيه تبجي واكعه يمكن متحلمه اخذها احمد ويهدي بيها سكتت شربتها مي واجت بحضني نامت شالتها احمد ورفع الحديده مال جربايه حته متوكع نمت وبالي يمها خاف توكع كعدت الصبح ب8 علا صوت حيدر يدردم وعصبي من الصبح استغفر الله مزاجه برتقالي باوعتله يفتر بلغرفه رايح جاي وعصبي

حيدر: غير تدعد (تكعد) نوم عدها نوم هم شي (النوم عدها النوم اهم شي)نجوان (نسوان)نطيها بس نوم

ورود: خير ياطير شكو من الصبح

حيدر: انتي ليش ماتدعدين اني دوعان احواني دوعانين ادوعدي سوي اكل

(انتي ليش ماتكعدين اني جوعان وخواني جوعانين اكوعدي سوي اكل)

ورود: هاي شبيك ياماما كعدت شو تعال ابوسك شنو هل اعصاب من الصبح كمت شلته علا خصري ثكلان جاي يكبر غسلت وجها وبوسته ونزل الائ اجت والتؤم نايمن بدلتلهم ونزلتهم جوه شهزنان اتسوي الريوك واني صعدت رتبت الغرفه حته بعد ماصعد كملت ونزلت كعدنه نتريك والجهال وصوتهم العالي وهوستهم كمنه عل بيت اني وشهزنان و ايه هم ويانه غسلناه من فوك ليجوه ومسحناه غده سويت نواشف احمد ميجي اليم معزومين عدهم فصل هوه وجدي وكاضم طالع وجسام بلشغل ويتاخرون فبس احنه تغدينه وغسلت الماعين واخذت الجهال وصعدت لكيت التؤم فاحطين من البجي سكتتهم سوده عليه نسيت اصعدلهم بدلتلهم وسويتلهم بشكت ومي وكعدت اوكلهم بقو يلعبون وحيدر ملتهي يباوع يوتيوب بالايباد مشت الايام عاديه راحو ايه وكاضم لبغداد انقهرت حيل متعلمه عليها وعلا سوالفها مر سبوع وتعودت دائمن اخابرها ونكعد نسولف لو احط الموبايل عل جربايه واشتغل ونسولف بيوم الدنيا عصر اجه احمد ومتغدي بره كال بيت عمي ميثاق الله يرحمه حيجون همه مو بلعراق بالمانيا ساكنين فحينتقلون للعراق يكولون تعبنه من الغربه فحيجون يمنه ماعرفهم ولاشايفتهم نضفت الغرفه وسبحت لبشت دشداشه مرتبه بيجي وبيها من الصدر ورد ناعم ابيض ولفيت حجابي ونزلت احمد دخل صعد بدل ونزل شويه وسمعت هوسه يعني اجو عندي فضول اشوفهم دخلت مره لابسه صايه مو كلش جبيره اوراها بنات ثنين مبينات زغار اوحده جبيره امبينه بلعشرين هيج سمره بس سمارها حلو عيونها شهل لابسه كوستم زيتوني والحجاب وكعب هيه طويله ولابسه كعب اني وصلت يمكن الصدرها مادري اني كصيره حيل مدري هيه طويله سلمنه وكعدنه واجو بيت عمهم جان تجي دلال بت خالة نوال وكعدت يم البنيه ام الكوستم اسمها حنين وبين يهمسن شويه وباوعتلي وبقت تباوعلي ورافعه حاجب يااا شبيها هاي هم حضي هاذه جان حيدر يريد مي وهيه يمها اكلاص راح ياخذه هيه سحبته

حنين: روح ماما تنطيك مي ميصير تشرب من كلاص غيرك عيب

حيدر: نتي بيجججج هوووووه مايييي
(نتي شبيج هوه ماي )

ورود: شلت حيدر ورحت المطبخ شربته مي مقبل اله يكض الكلاص جانو كلها كاعده حته احمد وجسام وعمامي كلهم حيدر اخذ الكلاص عبالي حيحطه عل ميز جان يكض الكلاص ويصعد عل طبله ردت اصيح عليه ستحيت كلها كاعده جان يوكف عل طبله الزغيره صايره وره التخم. كض الكلاص وذب المي كله علا حنين هيه شهكت واني هم وركضت علا حيدر جريته وشلته وارزل بي

حنين: شنووو هاي صدوك جذب دكوذي للطفل شنو هل تربيه

ورود: متحملت كلشي ولاجهال علا كيفج عينييي هوه طفل قابل شسوالفج هوه مييي رادت تحجي جان يحجي ابو نوال

ابو نوال: ام حيدر ابنج وكح ادبي بوييه

ورود: هوه كال هيججج جان حيدر ايركعه بلكلاص اجه ابطنه وكع وتكسر

احمد: حيدررررر

ورود: نزل من حضني حيدر واجه احمد ضربه راشدي من قوة الراجدي وكل بلكاع حيدر وبقه يبجي تاذه حيل شلته بسرعه هاي شبيك ليش وياه

احمد: اخذييي فوووك بسرررعه

ورود: انهضمت حيل من عنده ضربه هيج واذاه هذه هوه طفل صعدت والائ بقت تبجي وكاضه بملابسي كضيتها من ايدها وصعدت فوك وحيدر يصرخ خده صار احمررر حيل غسلت وجهه وهوه يشهك اني اخاف عليه يفحط اعرف غلط بس مو هيج هوه طفل وحيدر بي طبع الشيخ اليريده ياخذه واذا مياخذه يضرب لو يصيح عاد ذب عليها مي شدعوه عليها اني ماقبل علا جهالي واحمد هم ضربه حيل وايده ثكيله بقيت ابوس بي من البجي نام وهوه يشهك نزلت دموعي وياه بوسته وغطيته والائ فرفحت بس تشوفه يبجي تيجي وياه شلتها واهدي بيها دخل احمد وهيه شافته تخبلت ضمت راسها بحضني متريد تشوفه لا ان ضرب حيدر وبقت تبجي باوعلها وتنهد اجه يمها بقت ترفس متريده شلتها ورحت للغرفه مال جهال وسديت الباب سمعت صوت الدوش ادري بي مقهور لا ان ضربه واني هضمني ضربه هيج واذاه جان يكدر يعتذر من عمه ويرزل حيدر بس مو هيج يضربه بقيت يمهم والتؤم جوه نزلت واشوفها مبدله لابسه تراك طويل كلش جنه دشداشه وبي فتحات من يم الرجلين لونه ازبري والشال لافته لونه اسود وكاعده وخاطه عيونها بكحل والعطر يشمه سابع جار والضحك والسوالف شكد كرهتها وهاذه ابو نوال ابو كرش هم واكف بلمطبخ يشوف شسوو عشه وياكل خضره اكرها من زمان وهوه هم يكرهني شافني وجان يكول

ابو نوال: لاهله بهل جهره (خلقه)

ورود: عفته محاجيته اخذت التؤم وجاي اصعد جان تكول ام نوال

ام نوال: وين حبيبه مدي ايدج ويه البنيات عاونيهن هم جنه انتي

احمد:عمه جهالها مرضه صعدي بويه نسوان تارسه البيت باقيه عليها

ورود: مهتميت وصعدت فوك بغرفه الجهال جبت نساتل وكعدت اكل واباوع الحيدر سوده عليه فحط ب7 اذن كنت صليت وكعد حيدر ضايج ويريد بس يصيح مقبل يبقه بلغرفه يريد ينزل والجهال نايمه عاد شلته ونزلت جانن يصبن عشه جان تجي حنين تمرك من يمي وشافت خد حيدر

حنين: شكد وكيح يمه منك

حيدر: بفففف عليج
(تف عليج )

ورود: حطيت ايدي علا حلكه وخزرته ومشيت من يمها احمد شاف حيدر اجه ياخذه حيدر مقبل

احمد: ول ابويه انته تعال اشوف خدك اشووو

ورود:اخذت ويبوس بخده شمه حيل

احمد: بعد روحي ول بويه نكسرت ايدي

ورود: عفته ضايجه منه جان يكض ايدي

احمد: وين

ورود: انطيني حيدر وروح يمهم

احمد: لا عوفي يمي قابل وين رايح اني هوه هنا بصاله

ورود: تمام اترك ايدي خل اصعد اشوف الجهال

احمد: لاتزعلين بويه لو ماضاربه جان صارت سالفه واني مالي خلكهم وداعت اعيونج

ورود: مجاولته تنهد وعرف ايدي وراح شفت حنين تباوعلي وتخزرني كبر شبيها هاي هيه كبيره مو زغيره الي عرفته عمرها 27 سنه بس مامزوجه ومحاميه عشتو الهمجيه ويه طفل نعرفت تصرف ادور محاميه هزيت ايدي وصعدت الجهال نايمين بس الائ بدلتلها وعطرتها واني هم غيرت ملابسي ونزلت ويه نزلتي نزلت وياي شهزنان وادردم ننزل عل درج ونسولف شبيج

شهزنان: هاي دلال شكد متستحي

ورود: شبيها ولج

شهزنان: يمعوده عيونها زايغه ماتستحي اكلت جسام بعيونها كبر طمها شكد مكروها بس مغثه لانفعم ولاعمنه

ورود: هههههه والله عليج سوالف نزلنه وهاي وفارشين السفره وحنين كاعده يم احمد هاي شكو كاعده هنا متروح يم امها دلال مفاركتها طلعن صديقات يي ليش لا زوج جواريب ولكه فردته عشتو رحت يمها وكتلها حبيبتي مكاني هاذه شويه بلا زحمه عليج

دلال: شنو حاطه بي طابو عيوني

ورود: ردت احجي جان تكول حنين

حنين: اتركيها دلو هسه اكوم ولو رجليه اياذوني من الكعب

ورود: حجت هيج جان يجي صوت زمن عزه امين اجت هاي 😂

زمن: خيه جنج زرافه شلج بلكعب بعد كلبي شونكم شني بويه ناسيني والله عيب عليكم

الجد : هلا بسورها ونورها

الجده: هلا بشمة بيتي

زمن: بلعباس خجلتوني شمالكم

ورود: ضحكت عليها رحت بوستها صار هو اي مجايتنه وهيه قريبه شمرة عصا سلمت عل كل واجت كومت دلال وكعدت بمكانها وهنه راحة بغير مكان كعدت شهزنان يم زمن وجسام بصفها واني من الجهه الثانينه بين شهزنان وزمن جان ابن زمن يبوس الائ من خدهااا وعاط حيدر

حيدر: ولكككككك حكيررررر تبووججج اوحتييي
( ولك حقير تبوس اوختي)

ورود: يصيح اوجهه احمر سديت حلكه شششش اسكت معليك هوه خنزر علا دانيال خطيه الطفل خاف لبد بحضن امه وطنكر حيدر اله الائ ااحطها من الجهه الثانيه حطيتها بس يسكت كض ايدها ضحكت عليه ميقبل احد يكض الائ كعدنه ناكل. بهدوئ كملنه وكعدت علا صفحه يم زمن واجت شهزنان هم خوات كاضم وام سيف غسلن الماعين

حنين: يي زمن شونج كالو ازوجتي

زمن: يي حبيبيه الله يسلمج يي ازوجت وهاذه ابني هل ابحضني

حنين: اهااا اشو من خطبج اخويه عباس مقبلتي وتصيحين بعدني زغيره وعباس شو دكتور

زمن: دكتوريش خيه دكتور نص ردان شو هوه شتره شهاده واحد مكرود مادري امين وصار دكتور انوب لا منا ولا منا دكتور حيوانات شماله عصوم العافيه واهلها عسكري يمه اندراله فدوه الطوله يسوه عشر زلم

حنين: لازم تحبينه

زمن: شنو احبه هاي قديمه صارت اعشكه هيج اتنفسه

ام نوال: والله زمن النسوان تكول احبه يم اهلها لاخجل ولامستحه

جسام: قابل غريب غير زلمتها

احمد: وعصام متطلع منه العيبه زلمه اخو خيته

الجد: معاب حلكك بويه خوش زلمه عصام

ورود: زمن نفخت ريشاتها وتباوع لام نوال بفخر واني هم لا ان خالي 😁وهاي حنين كلساع تباوع لا احمد ندست زمن ولج زمينه

زمن: فلك طرني شمالج تحوسين

ورود: ذني خوش شكلن عصابه دلال وحنين عوزهن بس نوال وتكمل السبحه

زمن:يي والله انوب جنهن زوج اجريذيه عووع

(متتت 😂)

ورود: ضحكت وحيدر شافني ضحكت ضحك بصوت عالي

حنين: يااا هاذه مو بس وكيح خبل هم

زمن: عندج مثله

حنين: شنو

زمن: عندج مثل حيدر لا جا سكتي خيه ما طول ماعدج مثله

حنين: قابل مزوجه حته يصير مثله

زمن: جا ماتعرسين كاضتج شو عمرك 27 شنهي السالفه

دلال: شمالج زمينه شو حاده سنونج

زمن:خيه عليمن حاده اسناني وبعدين انه وبنات خواني انتي منو عود انتي بت خالة نوال يعني مرة غريبه علينه

ورود:دلال كام وجهه ينطي الوان اني كلت حتعلك وزمن متسكت فكتلها نصعد واخذتها وصعدنه فوك اني وياها وشهزنان وحنين اكلت احمد بعيونها شمالها هاي بقينه فوك لل9 بليل اجه خالو عصام اخذ زمن راحو واني نزلت محد جوه حنين دتفرش اسنانها ودلال كاضه الخاولي اواكفه يمها مشتغلتلها بنكالي هههه حمد الله وشكر اخذت صمونه حطيت بيها لحم واخذت مي داصعد جان تكول حنين

حنين:اخذتي موو

ورود:ويايه

حنين:يي وياج لاتفرحين عمري هوه من يوم الولد الي واني اله لو مارحت الالمانيا جان. الجهال العندج هسه حهالي

ورود: والله ما بيه حيل اضحك

حنين؛ههه اضحكج وابجيج دم همين

ورود:الله ويدج وبعدين شكو هذه جايه تره قبلي جان مزوج ثنين

حنين:يختلفن ذنيج. لو اني جنت موجوده جان ماخليته يزوج

ورود:والله حبيبتي شتسوين سوي متهميني تصبحين علا خير رادت تحجي عفتها وصعدت مانكر حركت كلبي بس مابينتلها خل تولي كعدت اكل وراسلت ايه سولفتلها كلشي كالت باجر نجي ودعتها وسديته كمت بدلت االائ جاي امشطلها جان يدخل احمد مانسيتله ضربته الحيدر اليوم بقيت امشط الائ وهيه بلكوه تقبل نزع الجفيه ودنك يبوس الائ هيه دارت وجهه ماتقبل واحد يضرب حيدر او احد من خوانها هوه رجع داره وجها بيده

احمد:ول بنيتي زعلانه

ورود:كلها هيج وبرطمت تريد تبجي قرب بوسها وشالها حضنها هيه كانت تبجي

احمد:ول ابويه انتي كافي اروحلج فدوه

ورود:بقه يبوسها هيه فكت وكامت تضحك وادردم جان يكعد حيدر ويباوع الابو ويخنزر عليه شافه احمد خو خد حيدر بعده لحد الان احمر اجه كبل كعد بحضني ودفن راسه بصدري احمد اخذ ايه وطلع جوعان ماما

حيدر:يي تلش دوعان
(يي كلش جوعان)

ورود:يخسه الجوع انطيك لحم لو نستله

حيدر:اليد موزه

ورود:تمام تعال انطيته وشغلت الايباد وكعد ياكل دخل احمد و ايه بيده علاليك حطهم عل جربايه وراح يسبح مفتحتهم عباله يراضينه بهلسوالف طلع من الحمام واني بعدني بلكاع كاعده وايه بصفي وحيدر بحضني ياكل ويباوع يوتيوب باوع للعلاليك علا حطتهم تنهد وراح يتعطر وتمدد عل جربايه كمت بدلت واخذت ايه للغرفه وحيدر هم داخ من الموبايل بقه يغفي نامو وسديت الباب داروح اجيب غطه الي وانام يم ايه بقه يباوعلي شسوي داطلع الغطه

احمد:شدسوين بويه

ورود:اريد انام اخذ غطه بارده طلعته وارد اروح جان يصير. مقابيلي درت من الجهه الثانيه هم صار مقابيلي جر الغطه وشمره حيل

احمد:فراشج ماتعزلي تمام

ورود:داحجي جان يشيلني اني ثكيله مو خفيفه حطني عل جربايه طفه الكلوب واجه حطني بحضنه نفجرت بوجه اضرب علا صدره وابجي ليش هيج ضربته ليشش

احمد:ولج بويه كافي شجاج والله لو ماضاربه جان سووها عليج كربلاء

ورود:حته لو مو هيج اضربه شوف خده اشون احمر اشون انطاك كلبك واضربه هيج احجي واشهك

احمد:كافي بويه كطعتي كلبي بدموعج وعيونج الاحبها شو حدري متنعاد وداعتج كافيي بعد احمد وطوايفه

ورود:دفنت راسي بصدره حتكولون تبالغين ابوه وضربه بس والله جهالي من ينضربون اني ابجي اب ابدالهم وبلخصوص حيدر اله معزه خاصه اخاف عليه عصبي حيل وبعد زغير حضنته ودفنت راسي بصدره كلبه يدك حيل رفع راسي بيده مسح دموعي ببهام اصبعه

احمد:ول يولي الوجه غده طماطه

ورود:كال هيج وبوسني بخدودي يبوسني ويشم بخدي

احمد:اعتذر والله ماتحملت هوه حيل وكح

ورود:بس مو هيج اضربه من قوة ضربتك وكل بلكاع ليش احمد هيج

احمد:اول مره واخر مره وداعتج متنعاد

ورود:حجه هيج ونومني فوكاه جسمي فوك بطنه وراسي علا صدره حضني ويشم بشعري غفيت كاعده من الصبح فزيت علا ضربات بوجهي كعدت شفته حيدر اخذته لحضني الجو بارد غطيته وهوه حط ايده بصدري بوسته ودرت وجهي احمد بعده نايم فتحت ايده ونمت عليها هوه جرني من خصري ودفن راسه بركبتي بقه يبوس بيها مانتبه علا حيدر جريت الايباد وشغلته الحيدر هوه انتبه عليه جان يسحبه ويحضنه ويبوس بخده

احمد:ليش تسوي هيج ابويه انته

حيدر:هايه ماهبها ( ماحبها)

احمد؛عيب بابا

حيدر:ما عيب

ورود:بقه يسولف وياه شويه وحيدر نزل جان يرجعلي ودفن راسه بركبتي يشم بيها

احمد: ريحتج تردلي عافيتي يولي

ورود:ههههه شوو كوم خنكتني كتله هيج وضب عليه اكثر اخخ احمد بربك ضلوعي تكسرت

احمد: اعشكج وربج

ورود: واني اتنفسك كام مني وراح الحمام سبح ودخلت وراه سبحت وتوضيت صليت ولفيت حجابي ونزلت الجهال نايمين بس حيدر كاعد نزلت حيدر بصاله يباوع بالايباد واحمد كاعد بلمطبخ يسولف ويه هاي الزركه حنين وهيه تسوي ريوك ومنطلقه وهوه بس يجاوب جان تكله

حنين:هاي الاكله اسمها كشكوشه اكرها حتعجبك

ورود:مسويه طماطه بس كلش ناعمه ثارمتها اوياها فلفل الوان وبيض عيون وراشه فوكه نعناع صدك الشكل حلو حطت للماعون كدام احمد رحت بساع لا عمري لاتعبين نفسح احمد مياكل هيج وبعدين هوه راد بيض وباكله كلي من كعد مو حبيبي يباوعلي وبيده الجكاره ومبتسم ومزغر اعيونه نفخ الدخان. بوجهي

احمد:يي بويه. صحيح سوينه ريوك اكعدي اكلي حنين لاتعبين نفسج مريتي تسويلي ريوك متعود اكل من اديها

حنين:شكرا بس ماشتهي

ورود:احس كامت ادخن من الغيره كبر حته كبر خلت وراحت شلت الا كل السوته وحطيته عل كاوتتر بسرعه سويت بيض وطلعت جبن وزيتون ومربه وعسل وكيمر ورتبتهم وسمعت صوت التؤم صعدت جبتهم حطيتهم بلكاع حبت يلي سوته حنين وحطيته يمهم وحيدر وذو الفقار هم كعدو ياكلون عجبتهم واني داكعد يم احمد عل ميز جان يجرني ويحطني علا رجله ويوكلني لكمه الي ولكمه اله شلت الاستكان شربته جاب وبوسته وراح ربي يحفضك يارب فدوه الله طول

شهزنان:اكلتي للرجال ولج هههههه صباح الخير

ورود:هههههه صباح النور حبي صدك اليوم حتجي ايه شكد مشتاقتلها

شهزنان:صدك والله اني هم شنسوي غده اليوم

ورود:نشوف جدتي شتكول شلت الماعين وغسلتهم كانت كلها متريكه كملتهم ورحت الجدتي كالت بكيفكم فعاد طلعت هل قاسمه الله وطبخته كملت ب12 ضبط غسلت ايدي ورحت يم جدتي كاعده هيه وام حنين واخت حنين هيفاء عمرها 15 سنه بس بيضه مو سمره وحنين كاعده ومدده رجليها وعليهن الحاسبه ومدري شتكتب رحت كعدت بلكاع بصف جدتي واخذت مشتبئ حطيته بحضني ارضعه جان تكول حنين

حنين:هاي شنو ،،،،،

يتبع ،،،،،،،

لاتنسون ⭐👋🏻❤