عشك شيخ احمد الفصل السابع وثلاثون 37 - بقلم ريام

👋🏻❤

ورود:نزلت وراه وام نوال تبجي وتلطم. جدتي وام كاضم يكضن بديها شويه شويه واشوف الناس تدخل هاي التصرخ وهاي التلطم يا هاي شكو اجت ماما مخترعه هيه وزمن

زمن: شكو

ورود: لج مادري والله توني نزلت

شهزنان: هاي شكو

ورود: والله مادري هي توني نزلت سترك ربي زمن دموعها نزلت وراحت لازم نوال كضت لديها وصاحت بوجها شكووو

ام نوال: لج مات زمينه مات اخوج مات رجلي يبووووو

ورود: زمن بصت تبجي. وتصرخ بقيت جامده ابمكاني شنو مات شوكت وليش قبل كم يوم يرزلني يااا بقيت صافنه متوقعت ابد وهوه مو كلش جبير عزااا الله يرحمه انا لله وانا اليه راجعون هوه كل من ويومه الله يرحمه ويخفف عليه عذاب القبر يارب

شهزنان: ورود خل نبدل عيب

ورود: يي خيه صعدنه رفعت الجربايه طلعت الجنطه جنت مصفطه بيها ملابسي السود عاد والله لبست دشداشه سوده وشال اسود والائ كعدو مخترعه من صوت للصريخ لا ان نايمه بغرفتي ويمي بلكاع اما الجهال صوت ميوصل الحايط عازل للصوت هديت الائ ورجعتها النومتها وحطيتها يم اخوانها وطلعت قفلت الغرفه كلشي يصير علكت المفتاح بسنسله مال كلادته وضميتها بصدري ونزلت الكو بارد الساعه ب5 الصبح وحيل بارد دخل احمد العيون حمر صعد فوك رحت ركض وراه شاف الغرفه مقفوله دار وجهه راستن طلعت المفتاح وفتحتها ودخل

احمد: زين سويتي قفليها ولاتخلين احد يدخل هنا وشهزنان راح تجيبلج افلوس وذهب ضميهن بلقاصه وقفليها والغرفه هم من تطلعين قفليها

ورود: تمام يحجي وينزع دخل سبح بسرعه ولبس دشداشه سوده واخذ جفيت لفها واخذ فلوس مادري شكد بس هواي حطهم بجيبه واخذ محفضته وموبايله وسويجه حطهم بجييه ونزل وره ما نزل شفت الجهال نايمين قفلو الغرفه وصعدت الشهزنان جان يطلع جسام وشهزنان بيدها ذهب وجسام بيده فلوس

جسام: خويه هاي ضميهم يمج كلج احمد موو

ورود: يي دلل خويه نزل وهم دشداشه سوده وجفيه شهزنان جيبي الجهال نوميهم يم جهالي حته ميكعدون عاد مكالت لا واله نومناهم وقفلت الغرفه ونزلت جوه وتعلكنه بلمطبخ جاي وريوكات والنسوان مادري امين تجي وكلها تصرخ وتبجي وزمن كطعت نفسها حقها اخوها وجدتي تخربطت واخذوها للمستشفئ وام نوال انقهرت عليها اشون تيجي بحركه دانطي الريوك للنسوان شلت الصينيه وجان تدخل نوال لابسه الون بقيت صافنه عليها يا شبيها هاي هيه تزوجت من فتره طلعت ماتدري ابوها ميت كلها شافتها وبقت تعيط هيه درت ابوها مات خطيه بقت صافنه شويه وبقت تعيط وتبجي وتصبح بحركه بجيت وياها خطيه رغم ماعرف شنو حنان الااب ومعايشه ويه ابويه وماتذكر حته شكله بس نقهرت عليها بقيت ابجي سمعت صوت حيدر يصرخ صعدت ركض واني امسح بدموعي فتحت الباب لكيته هوت وحسين ابن شهزنان كاعدي وحيدر يبجي اوجهه اصفر سوده عليه ماما شلتهم غسلتلهم ثنينهم وبدلت الحسوني من ملابس الجهال وشلت الكانونه من حيدر بقه يبجي يخاف منها بوسته ونزلتهم همه صافنين بلوجوه اجت شهزنان اخذت ابنها واني كعدو حيدر عل ميز وهوه ساكت ويباوع بلوجوه اول مره يشوفها وهم مابي حيل سويتله بيض وكعدت اوكله بدون خبز انطيته علاجه وبقه كاعد عل ميز شويه واجن نسوان عمامي البقيه وتحزمن ويانه عل غده عاط ثرمت البصل وكعدنه اني وزمن انضف الخضره وجبت حيدر يمي شغلتله الايباد ونصيته وكعد بس كون ميكعدون التؤم يربي مالي خلكهم والله وبهل هوسه وهمه فلاونزه اموتتهم كملنه بعد مانكسر ضهري وحيدر يتنحس ماله خلك كعدته عل كاونتر وذني عود غاسلات الماعين كلهن زفر مال بيض وهسه يردون الستكاين شغلت مي الحار ونكعتهن لبست جف وجلفتهم بلمي الحار عاد والله راحت اجت جسام شماهم وصبيتلهم الجاي وبقيت متعلكه بلمطبخ الجهال كعدو واني حرت يابلمطبخ ياويه الجهال عاد خطيه امي خلت التؤم يمها بغرفة جدتي والائ هادئه بقه بس حيدر يتنحس وشايلته واشتغل احمد ماشفته نهد من طلعو شويه وكالو جابو اني هنا الله ذب عليه بجي كعدت وياهن وشفت دخلو التابوت وبناته نامن فوك التابوت ويصرخن بويه يابويه ويبجن بجيت وياهن خطيه الله يساعد كلبهن شويه واخذو ونوال كاضه التابوت ما تقبل حيل جان مدللها هيه وخواتها وبصت تيجي وتعيط بلكوه وخروها وهيه تصرخ وتضرب بنفسها والنسوان كاضاتها بقت تعيط شويه وكمت المطبخ حيدر انطيته خبز كعد ياكل جان تدخل ايه خطيه وجهه اصفر وشايله قيس شافتها زمن وراحت ايه حضنتها وبقت زمن تبجي بحضن ايه و ايه وياها رحت حضنتهن وبقينه نصرخ ونبجي شويه وهديتهن وكامت ايه سلمت علا جدتي والبقسه وقيس يصرخ عاد شالته شويه ودخل كاضم كامت جدتي حضنته وتبجي وهوه يصبر بيها وسلم علا عماته والبقيه شاف قيس يبجي عاد صاح عليه

ورود: كول

كاضم: عينج عليها خويه تره حبله وماتكدر وهاذه قيس ايتعبها

ورود: صدك بعيوني يمعود لاتاكل هم راح ورحت اللي كالت يي حامل سوده عليه حته ماتهنت بحملها تشكلت بلمطبخ غسلت الخضره والتمن وطبخت الامن ويه عماتي وحيدر مجلب بدشداشتي يستحي ناس غربه وهم تعبان ويبجي راسه يااذي كملت وشلته ورحت كعدت يم امي حط راسه بحضن امي وهيه تلوليله اجت ايه يمنه وشهزنان هم خطيه امها باربيل وماعدها احد بقت كاعده يمنه وترضع بنتها شلت مشتبئ كمت ارضعه ونسولف ويه ايه نامو التؤم وصعدتهم فوك ورجعت كعدت و ايه اجت بحضني حته ماريكتها عاد كمت ريكتها وصعدت غشلتلها وبدلتلها ونزلت ملابس الحيدر بدلتله وهوه فد مره ماله خلك حان تدخل مره وكعادت جدتي مريضه ومتجيه راسها ومغمضه عيونها خطيه هم ابنها جان تكول المره

،،،يا خيه هاذه ابنكم شتوكلونه اشسمنه

وداد: الله مصلي علا محمد اذكري الله هيه

ورود : المره تحجي علا حيدر شبيها هاي بقيت اقره المعوذات حاجتها امي بقت تمتمت شلت حيدر وصعدته فوك ادور هاي عليه هم حضي هاذه والله احمد ماشفته ابد بقيت يم حيدر كنت سبحت وبدلت كلني ريحه طبخ نزلت جوه نوال متخربطه وزمن هم خطيه دخل خال عصام علا جدتي. عينه علا زمن هيه شافته وذبت نفسها بحضنه وتبجي وهوه يهدي بيها ويبوس براسها طلع وصاح زمن وراه شويه ودخلت ودانيال يبجي يريد امه عاد كعدت يمنه وشالته بقت تهدي بي هوه شاف امه وسكت بقينه كاعدين صبو الغده كنت وياهم اني وشهزنان ايه رادت اتكوم امي مقبلت واني هم مخليتها هيه تعبانه من الطريق عاد تمددت وخلت راسها علا رجل امي ونامت مقبلت تاكل كمنه نرتب هاي تصيخ خاشوكه وهاي تصيح تخبزه وهاي التريد خضره جنت داوزع الخضره علا السفره وحان اسمع نسوان كاعدات

،،،،يا خيه هم حضنه هاذه شوفي لحمتنه ولحمت ام حسام هيه حضوض

،،،، يي خيه احنه حته بلحمه ماراهمه شمالهم احط اكبر

ورود: تعجبت عليهن عزا بعينهن هاي شنو من بشر يتعاركن عل لحمات لعبت نفسي منهن خليت وعفتهن ورحت للمطبخ اغسل بلستكاين جان يدخل احمد

احمد: يبه هيرو جايكم بسرعه

ورود: نشالله صبيت الجاي ونطيته وراح سوده عليه اشون تعبان سمعت صياح حيدر هاذه جزعني الطفل صعدتله جان يكعدون التؤم لا هيه كملت اجت زمن تنوم دانيال حطته وشالت وياي حيدر واني شلت التؤم ونزلنه كعدو بغرفه جدتي يم امي جابن يمنه صينيه ابد ولاشتهيت امي سوت لفه الا ايه وهيه دايخه ونفسها لعبانه بلكوه اكلت عاد اني ماشتهيت بس وكلت الجهال وحيدر مقبل ياكل متجي راسه علا جتفي ويباوع بلوجوه خدوده ذابلات بوسته ونومته بحضني بقه يغفه ويفز من الهوسه عاد شويه وكلها طلعت بره اجت المله تقره ويصرخن ويبجن وزمن وجدتي تكابلن بلغرفه يصرخن ويبجن واني دموعي تنزل وياهن عاد هدتهن امي وشويه كعدو وزمن نايمه بحضن جدتي وتبجي حيل تحب خوانها وهمه هم يحبوها بزر لكعده ومدلليها دخل قاسم اخو نوال لابس دشداشه سوده اوجه اسود من القهر حضن جدته وبقو ثنينهم يبوجون حته ماحضن امه راح لجدتي كبل قهرني خطيه الله يصبرهم عاد هم تشكلنه بلمطبخ واني بدون ريوك ولاغده وغسلنه الماعين بترك وبقينه ياجاي ياماي وفراشات للعالم تنام وبطاطين ما نزلت من فوك جدتي عدها هو اي ناضدتهم كلها نزلناها ونامت العالم واحذو للمضيف وللجادر والعالم راس بصف راس صعدت امي وزمن و ايه فوك بغرفة ذو الفقار ونامن ايه صارت صفره من تعب الطريق وتعب الفاتحه نامت كبل وزمن هم بقيت يم امي نسولف شويه وسمعت صوت احمد جوه بقت الائ يم امي والتؤم نايمين بس حيدر شلته وهوه حط راسخ علا متني احمد هس توه يصعد مانتبهلي راح بتجاه الغرفه راد يصيح شافني وراه فتحت الغرفه ودخل تعبان حيدر شافه بقه يبجي يريد يشيله عاد شاله

احمد: انطيتي علاجه

ورود: يي انطيته انته اكلت

احمد:لا بويه مالي نفس وداعتج

ورود: الله يصبركم حبيبي رحت حضرتله الحمام دخل وراي ردت اطلع سحبني وحضني واحس بدموعه تنزل واجتافه تهتز همست احمد

احمد: خليني بحضنج تعبان حيل

ورود: حضنته ونزلت دموعي معبالي هيج حيصير بي شويه ورفعت وجهه وامسح بدموعه كافي حبيبي ترحمله هيج يتعذب هز راسه فتحتله الدوش مي دافي حط راسه جوه الدوش وايده عل حايط طلعت وعفته يسبح وحيدر نايم شلته بغرفته ورديت الباب شغلت التدفئه وفتحت الثلاجه جوعانه اخذت موزه واكلتها وتمددت طلع احمد بدل واجه يمي رئستن نام من التعب ماحس فزيت علا احمد يجر ايده من جوه راسي باوعت الساعه ب4 الصبح وصوت جوه مال نسوان غسلت وشفت حيدر نايم نزلت الجو بارده احمد طلع بره للجادر واني وكفت اسوي ريوك واجت شهزنان خطيه عيونها امرمه مشبعانه نوم طكينه البيض و ايه شمت ريحته ولعبت نفسها وسكنت الحمام راحت روحها خطيه اخر شي صعدت جبتلها اقراص نعناع شويه يروح لعبان النفس انطيتها وعاد بقت كل ماتلعب نفسها تاخذ هدئت شويه كملت الريوك داغسل الماعين المي حار ولابسه الكف لا ان زفر البيض دخل ذو الفقار جان يم بيبيته ام امه الله يرحمها بناصريه وليوم اجه غسلت ايدي وبوسته هنا عمره 14 سنه وهوه هم فرحان لا ان اجه وسال علا حيدر واخوانه البقيه كتله فوك كعد ماقبل يصعد خاف يكعد حيدر بقيت اسولف وياه وهوه علا كد السؤل يجاوب سويتله ريوك وكعد يتريك وجان كلها تكعد وانطيت المفتاح الذي الفقار وصيته من ينزل يقفلها وراح صعد بقينا نصفط الفراشات مال نسوان قسم هنه صفطن وقسم لا والله بقن كاعدات بفراشاتهن غسلن ورجعن لا ان صدك بارده عاد طلعت بره البيت ترست 3 صوبات نفط وشغلتهن راح الدخان ودخلتهم جوه وشغلت الكهربائيات حطيت وحده بغرفة جدتي يم زمن وامي والجهال وجدتي و ايه وهم نسوان 2 كبار ماعرفهن بس اقارب جدتي ب8 ونص الصبح جان تجي ام شهزنان وبس دخلت عيطت خطيه كابلت الحجيه بلصاله وثنينهن يذب هوسات

ام شهزنان: غم ذاك التراب الطمك يوليدي وغم ذاك التراب

الجده: الطمك يوليديييي ولككك يممممه

ام شهزنان: يملج الموت هود علينه عريس الولد لاتاخذه منه يملج الموت هود علينه يمه عذيب يممممه

ورود: نقهرت حيل عليها وبقيت تبجي وتنعه علا ابنها وجدتي وياها هم علا ابنها واني كعدت بدرج وابجي وياهن شهزنان كابلت امها وتبجي من كل كلبها امها حضنتها وبجن سويه شكد محمله هموم هل مره وشكد قويه كدرت تحرر بنتها من قيود عمامها وجحيمهم حيل تعجبني هيه مره كرديه من اربيل اصلها وفصلها كله هناك مع ذالك الي يشوفها ايكول عمارجيه طريقة الحجي والهوسات بذبه عمارجيه اتكولها والنعي مالتها يفطر الكلب وحده هدت الثانيه ورحت سويتلهم ريوك ماكلن بس شربن الجاي شلت الماعين كلها وتعلكت اغسل وخطيه شهزنان اجت بس كتلها روحي يم امج بقيت بلمطبخ اني وكم بنيه ماعرفهم بس واكفان لا شغل ولانفع ويكرطن سوالف صطرني مسحت الكاونتر وحطيت الستكاين بنعجانه وذبيت الجاي سويت جديد البيض 3 طبقات خلصت الجبن البقه الملعوب بي ذبيته والجديد ضميته بثلاجه اجو احمد وكاضم شايلين جدر جبير بطارمه وسدو الباب وصاحو

كاضم: يا به وحده من الحريم تجي ويانه

ورود: طلعت وياهم جدر كله لحم

احمد: سجينه باشطه بويه

ورود: جبت وبقه كاضم يكض واحمد يكص ويشمرلي بطشت اغسل واحط بجدر الثاني كملو ورجعت غسلته مره ثانيه وحطيته بلجدر وشلته من المي وهمه شالو وطلعو الطباخ يطبخ عاد جبت زاهي غسلت الماعين الدمروها وهم غسلت الطارمه ونشفتها طفيت الماطور ودخلت جوه روحي خلصت من التعب جاي اكعد وصاحو جاي عاد رحت هسه لو يصيحون للصبح محد تكوم كمت سويت الجاي واني من امس مماكله علا الموزه مال ليل اجه احمد واخذ الجاي

احمد: يبه وجهج اصفر اكلتي لو لا

ورود: مردت اشغل باله فكتله يي عيوني اكلت لاتهتم ونته اكلت

احمد: الحمد لله اكلت لاتبقين معلكه هنا شنو ماكو حريم هل بيت متروس

ورود: يحجي ويعيط طورمني حان يصيحح ام كاضم

احمد: حدري بناتج والحديثات يجن يتشكلن بلمطبخ عل جاي مو بس هل بت واكفه المساعده حلوه والفاتحه فاتحتنه يلا يبه هيري للبنات ونتي روحي يم فروخج يلاا كافي تعبتي

ورود: كال هيج وطلع جان تكول ام كاضم

ام كاضم: شدعواج شكيتيله هيه مسحه وكنسه عشتووو

ورود: مجاوبتها عفتها ورحت يم امي كانت شهزنان جايبه ماعون بي لحم ونص خياره وخبزه وحطته كبالي وكبال ايه

شهزنان: اكلن يمعوده ورود جهالج ترضع اكلي

ورود: مكلت لا والله سويت لفه الا ايه ولفه الي وكعدت اكل نزل ذو الفقار لابس دشداشه سوده ومرتب شعره وكاض حيدر هم مبدله دشداشه سوده وحيدر بعده نحلان سلم علا جدتي وامي وانطاني حيدر وطلع فدوه اروحله صاير رجال وطولان اطول مني علا ابوه حيل طويل من هسه جريت حيدر بوسته اوكلته شويه لحم حته عطر حاطله بتسمت علا. هتمامه اكلت ورضعت التؤم وصعدت بدلتلهم ونضفتهم مشطت الائ ولبستها دشداشه سوده خيطتها الها امي صارت تجنن عليها نزلنه وحيدر عيونه ذبلانه حته ميصيح كعدو يم امي ورحت وياهن المطبخ البنات يغسلن اماعين السنك ميفرغ واذا مو وراه وراه يتكومن اخذت الشعريه من عمتي اخت زمن شذئ اسمها هاي بسماوه مزوجه سبحان الله تشبه زمن بس اليختلف هيه حنطيه بشرتها وزمن بيضه اخذت منها الشعري وسويت الحشوه وهيه خطيه حامل وبطنها عاليه سويتلها جاي وانطيتها تشرب تشكرتني وعفتها ورحت المطبخ هم سويت جاي للزلم وبقيت معلكه لل12 صبو الغده بقيت اوزع الخضره والروبه والخواشيك وشهزنان ويايه كملنه ورحت للغرفه كعدت اكل دخل ذو الفقار يمشي ومدنك ميباوع بلوجوه عكس حيدر صافن بوجوه النسوان يخزر بيهن خو بس يشوف حنين يبقه خازرها وهيه ميطلعلها صوت ايه متاكل متكدر معدتها عاد ذو الفقار جايبلها معلاك مسوي كاضم ودازه بيده كعدت تاكل وتوكل قيس وياها وتنطي الحيدر كملنه وغسلنه اماعين الغده اني وشهزنان هنا بعد ماكدرت اخذت الجهال وصعدت فتحت الغرفه ودخلت بغرفه الجهال نومتهم رحت سبحت ولبست دشداشه سوده خفيفه وتمددت عل جربايه وغفيت من التعب فزيت علا صوت الاذان المغرب هاي شكد نمت كنت غسلت وشفت الجهال نايمين بعدهم لا ان هدوئ مكعدو توضيت وكعدت اصلي ودعيت العمو برحمه بدلت ونزلت جاي يصبون عشه مابين حيل احسن جسمي مكسر كعدت يم امي و ايه تلوج بطنها تاذيها والوجه اصفر بقت تيجي من الوجع صاحو كاضم اخذها للمستشفئ الصبح يلا اجو طلعت الطفل واكع اجت تعبانه حيل فرشنالها بغرفة خوات كاضم ونامت بقيت كلساع تروح اشوفها والفاتحه مخلصت خلص ال3 العالم خفت بس بعدهم يجون منا لل7 يلا خلصنه و كلمن طش لهله احمد وجسام نامو فوك بلغرف وكاضم يم ايه الي تعبانه كلش كمنه عل بيت اني وشهزنان وبقينه نجلف بي شكد وصخات حته علج جوه المدات داسحات طلعنه المدات بره ورجعنه التخم مثل قبل وعلكت بخور وصحت خوات كاضم يغسلن المدات مكالن لا غسلنهن واني غسلت الطارمه ودخلت سويت عشه خفيف وغطيته الي يجوع ياكل صعدت فوك سبحت ونمت بحضن احمد بسرعه غفيت من التعب فزيت علا حيدر يضرب بوجهي حته اكعد باوعت السرعه 10 بليل احمد ماكو يمي الغرفه دافيه وبعدني نعسانه جريت حيدر شغلتله الايباد نام بحضني ويباوع واني غفيت فزيت علا احمد شال حيدر درت وجهي ونمت لل7 الصبح يله كعدت شابعه نوم وجوعانه باوعت الغرفه اجياس مال نستله وجبس بلكاع باقيات ومطفايه مال جكاير واحمد نايم بلكاع ونايمه علا صدره الائ وحيدر بلكاع علا بطنه والتؤم يمي عل جربايه وذو الفقار نايم بصف ابوه خرب هبل هاي شنو يعني بس نمت وكعدت هيج سويتو حصرتني البجيه مابيه حيل انضف كمت غسلت وشلت التؤم بفراشهم وشلت حيدر عمري ضعفان بعده مريض ولزمته افلاونزه صاير فد مره حطيته بجربايته كعد ذو الفقار اشرلي بيده هلو 👋🏻 اشرتله هم وضحكت كام طلع ينام بغرفته بعده نعسان الائ شلتها بهدوئ من احمد بس هدوئيش بس شلتها فز محجيت رحت وديتها بفراشها ورديت الباب عليهم ورحت لا احمد همست

،،،حبيبي

احمد:مممممم

ورود:كوم عمري نام بمكانك ليش بلكاع
مكال لا كام نزع الكلبيه وتمدد عل جربايه داروح ابدل جرني الحضنه فتح ايدي ونام بحضني ويشم بصدري حضنت راسه والعب بشعره بهدوئ رفع راسه. بوسني وحضني ونام مجاني نوم وماكو صوت هدوئ كلها نايمه يمكن ناس تعبانه بقيت اباوع بوجه احمد رموشه طوال وثخان بارزات بعيونه ذو الفقار نفس الشي وحيدر حلكه لا صغير ولاجبير شفايفه الفوك ممبينات من شواربه مرتبهم ولحيته الخفيفه حيل شواربه بارزات اكثر من لحيته بوسته وبتعدت منه طفيت الكروب صارت ضلمه بس ضوه خفيف من البرده اخذت دشداشه سوده ورحت الحمام سبحت وبدلت لفيت شعري بلخاولي وطلعت مشطته ولميته كعدو اصلي وقريت قران لبست حجابي ونزلت ويه نزلتي نزلت شهزنان شايله فطومه نزلنه سويه جدتي كاعده وشاده راسها راحت يمها شهزنان ورحت المطبخ ذو الفقار صافن بثلاجه تقربت خربطت شعره شيدور الحلو

ذو الفقار:هلا يمه لا بس جوعان

ورود:طبعن ذو الفقار يسميني يمه بطلب من احمد وهوه ممانع واني اكثر الناس اتصيحلي ام فقار للسهوله ميصيحولي ام حيدر وايضا بطلب من احمد كتله روح كمل دروسك هسه اسوي لريوك بوسني براسي ستغربت تصرفه وراح بتسمت ورحت سويت الريوك واجت شهزنان وياي فطومه فلاونزه اموتتها ومتقبل تكعد بلكاع وبس تون شالها ذو الفقار حضنته ونامت واجت اختها بقت تضرب بذو الفقار اشون شايل فطومه باوعلها وبتسم عليها اشون عصبيه وعاكده حواجبها ومبوزه ضحكت عليها نزل المستواها غمزلها وهيه ضحكت عدها غمازه اجنن اجت تركض

زهراء:ماما حمله حطيلي
(حمره حطيلي )

ورود:ههههههه خرب يومج

ذو الفقار:ولججج شسوين بيها

ورود:خلت وشردت فوك ركض وهيه كصيره وخدودها يكمزن وياها تشبه امها كملت الريوك وكعدنه نتريك احمد بعد ب11 داسال بيبي ال غده كال اني تجيب عاد والله راح جابنه سمج شوي وطبكنه تمن وكعدنه نتغده مشه اليوم ويه الجهال وتنضيف الغرفه و ايه اليوم احسن وباجر يرجعون لبيتهم وزمن مارجعت ويه امي بقت يمنه مشن هل 3 ايام بهدوئ راحت ايه وزمن هم راحت جنت جوه واحمد اخذ حيدر يسجله بلمدرسه رجع وحيدر وياه كال قبلو فرحت جهزتله ملابس مدرسه واقلام وهل سوالف ورجعت شهر تقريبا ودامو وكلبي وياه تخاف يتعارك لو يصيح 3 ساعات ودخل احمد اوياه حيدر وجه احمر وكله تراب ياااا هاي شبيككك

احمد:ابنج هاذه راح يجلطنيي

ورود:عزا شكو شبي

جدتي:شكو شماله حويدر

احمد:المعلم مكومهم املائ عل صبوره والاستاد معارف يكتب المعلم عاط بي كوم حيدر انزل حذائك واضرب المعلم

ورود:يحححح عزاا بعينك ليش ولك مو عيببب ادبسزز

حيدر:هوه صاير براسي دكي (ذكي)هي تونه رحينه بلمدلسه(بلمدرسه )ويكلي اتب (اكتب)وين عرفن اني
مالوووح بعددددد

احمد:تروح غصبننن عليك ادبسززز

حيدر:مالوووووووووح

ورود:حطيت ايدي علا حلكه خاف يغلط ويضربه احمد شلته وامشي بي اسكتت كافي احمد جره من عندي وسحبه حطاه بلمخزن

احمد:اذا ماتتئدب هنا اليله تبات

حيدر'يي عادي

احمد:لجججج راحححح يخبلنييي هاذذذه اجرررممم بيككك ولكك

ورود:احمد عصبي والدنيا حاره ويكره واحد يعامله بهل اسلوب وهاذه حيدر ميسكت عفيه احمد عوفه اني احجي وياه عاد. راح واخذت حيدر وارزل بي وهوه مغنتب ويخزر حطيته بلمغرفه ورزلته رزاله غسل ولبس سكت وثاني يوم احمد اعتذر من المعلم وخله حيدر هم يعتذر واخذ هديه وبعد همزين محجه ويه المعلم بقه تقريبا شهر ونص بلمدرسه هي توه حل وكاعد يتغده دخل احمد عصبي ويعيططط

احمد:اككككك شسوييي بيككك كلييي دوميه مفشلني ويه الوادممم

الجد:بويه عوف الفرخ شنهي سالفتك شكوو

ورود:حطيت حيدر وراي خاف يضربه

احمد:فاشخ ابن الوادم براسه بلمدرسه واجاني ابوه يريد كوامه الفرخ مشكوك راسه شسويلككك هسسسه مره المعلم وهسه ابن الوادممم

حيدر:هوه عادددد

احمد:لككك ابن الكلب عاد بيك تفشخخخخه

حيدر :افجخه (افشخه)وانعل والدي هم

احمد:لكككك نجبببب زمالللل

ورود:شلت حيدر وطفرت فوك يمه ةلايتوالمون ضربته راجدي وجريته من اذنه

حيدر:عود انتي هم تضربين وخري وخري

ورود:شنو من صلافه لك هاي هااا ادبسز جان تدخل الائ شريطها واكع ودكم قميصها مشلعه عزااا ولج شبيج

الائ: ماما هاذه حسوني يحجي ويه ربابه وميحجي ويايه ويكولي مزاعلج

ورود: تحجي وتبجي بحركه وتبجي والوجه غادذ احمر وحيدر هم بجه وياها والتؤم شافوهم يبجون هم بجو عاد كعدت وكمت ابجي وياهم تعبت منهم دخل احمد شافنه وبقه صافن شال التؤم وصاح شخزنان اخذتهم جوه وعاط بحيدر ينزل نزل حيدر وشال الائ بوسها وكلها تروح جوه راحت واني ابجي واشهك تقرب لمني بحضنه حته هاي الفتره حيل ضعفت

احمد: ول وردتي ليش هل دموع لا ان رزلته بويه اعتذر بس كافي

ورود: تعبت احمد والله تعبوني شسويلهم حيدر مياخذ بلحجي ومشاكله وهوه تعبت منهم

احمد: اشش ابويه انتي او باعيلي ووف بويه شني هل خنين

ورود: هوه حجه هيج وبقيت ابجي ضحك علي واخذ كننس ومسح خشمي وبوسني حضنته ودفنت راسي بركبته

احمد: ول بويه فروخج حيل وكحين وبلخصوص هاذه حيدر راح يشيبني

ورود: شسويله ميفيد وياها الضربته هم ميفيد الرزلته مفاد الحجيت وياه مفاد شسويله بعد

احمد: الله كريم بويه كافي كطعتي كلبي وعلي شو بوياي موش شفايف حلغوم

ورود: ضحكت عليه وبوسني نزلت لكيتهم يتغدون شلت الائ بحضني وحجيت ويه حسوني لكك حسوني ليش تحاجي ربابه ومتحاحي الائ

الائ: يي ماما ويبوسه ويكوض ايدها واني يكلي لوحي

ورود: حجت هيج وبجت وراحت لاابوها حضنته

احمد؛ ول ول اسكتمن اني وحده اثنين ولك زمال حسيون شمالك ويه بنيتي

حسين: بلعباس هيه راحت ويه علي ابن المدير تشتري وعافتني الحكيره اضربج اذا ترحين ويااااه اضربجججج

حيدر: انجببببببببببب

ورود: هوه كال هيج وحيدر ضربه بلخاشوكه همزين مااجت بي والائ زادت بلبجي وذوله بقو يتعاركون ولاجنهم زعاطيط فطومه اجت يم حيدر جرته من شعره هوه ماحجه سكت ويباوعلها

(فاطمه زهراء حسين ذولي جهال شهزنان )

فاطمه: بفففف عليكك بففف

حيدر: انتيي بيجج بيجججج اوخذي بتج لااضربها

ورود: يحجي وياشر بايده علا شهزنان جدي وجدتي بقو يضحكون وهاي فطومه بقت تبجي وهوه راح يمسح بدموعها

حيدر: يلا يلا اسف ماضربج

ورود: هههههه خرب يومك

جسام: لكك حويدر شنهي كارص ابتي انعل عشيرتك

ورود: حيدر اجه يركض كعد بحضن احمد

احمد: يي بويه انته سوي المصيبه وتعال بحضني وتعال ياحمد وبتلي

ورود: كلها ضحكت وكضينه اليوم ويه الجهال حياتي الحمد الله مستقره ماتخله من مشاكل حيدر حنين بعد هي تحاول تغثني مره شافها احمد تهددني انو يزوجها ورزلها وبعد هيه ابتعدت ولتهت بلقضايه مالتها وشغلها وتريد تسكن باربيل محد ادخل هيه كبيره وتعرف تصرف فجاي ادور علا بيت باربيل ومشت حياتي طبيعيه بليل نومت الجهال ورحت بحضن احمد اجه فوكي ويشم بركبتي

احمد: اذا عندج حجي احجي لاضلين اتماطلين بويه

ورود: هههههه تقربت عضيت شحمه اذنه وهمست حمودييي

احمد:هوه حمودي شتعل شعل

ورود: هههه اني حامل هوه تخبل عبالك اول طفل اله كض وجهي ويبوس ويعض بخدودي ويضحك واني وياه تقربلي بكل لهفه ووخر وحضني وينصحني مشت حياتي ويه احمد واطفالي الحمد الله بتوفيق من ربي

الشيخ الي ماحبيته من شفته والي تزوجته غصب عني والي بسسببه خسرت مدرستي واحلامي صار هوه الكل بلكل عوضني عن مدرستي واحلامي ومقصر وياي بشي اكيد حياتي كحياة اي بيت عراقي متخلص من المشاكل بس الحمد الله عايشين بخير ونعمه دائمن احمد ربي واشكره علا هل نعمه الي نطاها الي عل صحه السلامه عل اطفال عل زوج عل بيت عل عيال تحبني علا اكله نضيفه ومكان نضيف غيرنه يتحسر علا يلي عدنه وهاذه الشي نعمه هو اي ناس ماعدها بيت يسكنون بي. هواي ناس يتحسرون عل اكله الزينه هواي ناس يتحسرون عل اطفال هواي ناس يتحسرون عل شي عدكم وهمه ماعدهم فدائمن احمدو ربكم واشكرو اكو ناس تتمنه عدها النضر او السمع فحمدو ربكم تحياتي لكم
وتحياتي لقلم الكاتبه -ام سلطان- (ريام)

(اهلا وسهلا حبايب واهلا بورود يارب الحياة السعيده وراحة البال وربي يهدي حيدر 😅اني اسمي حيدر الشرس 😂ربي يحفضكم يارب انتهت لهنا قصة ورود الحمد الله مرينه وياها بلحلوه والمره البنيه الي عدها ايمان بربنا سبحانه وتعالى بصوره مو طبيعيه مره راسلتها تبجي لا ان متاخره علا صلاتها كعدت بيني وبين نفسي واكول ليش اني هامله صلاتي بقيت اخذ نصائح منها واحله نصيحه كالتها الي -الدنيا مكان لعب ولهو لاكن مكانه الصحيح هوه يم ربنه خلينه ننجح بهاذه الامتحان ونحصل الجنه بصلاتنه وصومنه ومنعصي ربنا وعسه ربنا يرحمنا - بقيت صافنه وكلت اني شناقصني حته ماصلي جنت ماصلي يوم اصلي وعشره لا والله عاد حاليا الحمد الله وشكر ملتزمه بصلاتي وعسه ربي يرحمنه سديت باب ورود هيه اوروده الي همه

-ذو الفقار- وحيدر- والائ-وحسن -ومشتبئ- وعلي

(علي المولود الجديد )

ربي يحفضلكم الشيخ ويخلي خيمه عليكم )

خلصنا من ورود 😂❤

اما ايه حياتها ماشيه بصوره صحيحه سقطت الطفل لاكن حاليا حامل وقيس مالي عليها الدنيا هوه وكويضم 😂ماصار وياهم احداث فختمت قصتها وايضا متخلص من المشاكل ماكو بيت مابي مشاكل وشهزنان وزمن واسراء ايضا حياتهم ماشيه بخير

تحياتي لكم كانت معكم اختكم الكاتبه -ام سلطان-
(ريام)✍🏻💬

انتضروني بقصه جديده 👀❤

حائ بائ
نسجت لتكون بين ادم وحوائ
حائ حنيني اليك
وبائ بدونك لاحياة 👏🏼🥀

رساله الي ورود و ايه من متابعيني ✌🏻💞

الي اللقاء 👋🏻❤

لاتنسو⭐❤