تحميل رواية عشق تحت ظل اسود بقلم جيجي pdf

بهيه.... المره حدانا في الصعيد لما جوزها يموت ما تلبسش دهب ولا تطلع ولا تدخل ولا تتمرقع كيف مرقعتك اللي انتى بتتمرقعيها دي

بهيه ست كبيره فى الخمسين قالت كلامها لبنت في العشرين لابسه اسود وبتبكى وبهيه كانت ماسكه اديها بتضربها على التربيزه وبتكسرلها الدهب والحلق اللي لبساه في ودنها

ندى ببكى..... بالله عليكى يا حماتي هملينى وجعتينى هتقطعي ودني معاكي انا هقلعو لوحدي طيب هتبوظيلى ودنى استنى....

بهيه.... ما تبوظ ودنك عشان ما تعرفيش تلبسي حاجه تانيه وراه من يوم ما ولدى مات وانا بقولك اقلعيه قلعتى الغوايش والخاتم وسبتى الحلق وشعرك ده كمان شعرك ده كمان لازم يتقص.... مدام ماعيزاش تتجوزي ولدي التاني يبقى تعملى كده عشان ما تنجوزيش حد تانى بعد ولدى المراه هنا لما تكون ناويه تقعد على جوزها وما تتجوزش حد تاني بعديه بتعمل كده زعل على راجلها اللى راح

ندى.... احب على يدك يا حماتي هملينى جواز ايه بس دلوك سيبينى في حالي انا ما عوزاش اتجوز والله بس انا مش عاوزه اقص شعري والنبي سيبيني والله العظيم ما هطلع تاني برا الباب ولا هبص حتى قدام العتبه بس همليني انا ما مجملاش حد فى الزعل على جوزى

بهيه.... اهملك كيف كده لما اقصلك شعرك ده تعالي معايا

وسحبتها على المطبخ ومسكت المقص

وقالت... كل الشعر ده لازم يوقع عشان جوزك مات المفروض تدبلى من بعده مش تحلى كده يا قليلة الاصل

في مكان تاني كان قاعد شاب على الكنبه بطله جميله جدا وغمازه بتقسم خده لمجرد الكلام رغم ان ملامحه كان باين عليها الحزن بس كان ماسك المصحف وبيقرا جات امو قعدت جمبو

وقالت.. صدق الله العظيم...... خلص الايه اللي كان بيقراها وصدق

وقال... خير يا ست الكل في حاجه

ريه... طليقتك هتتجوز الخميس الجاى يا يونس سمعت

يونس بلامبلاه .... ربنا يتمم لها على خير ويسعدها سمعت اه ايه عايزاني اروح الفرح ولا ايه

ريه..... عايزاك تكيدها وتتجوز قبلها

يونس..... لا ما هي فرحها بعد اربع ايام كيف اتجوز قبلها

ريه.. انت اشر بس وانا جوزك بكره

يونس... انتى رابطالى عروسه في الحوش هروح اجيبها واجي يا حجه ولا اى .

ريه..... ما تتريقش انا عايزه اغيظها واكيدها وتتجوز واحده لسه ما اتجوزتش قبل كده وتكون احلى منها واطول منها وابيض منها تكون بت كده ومن عيله

يونس... ولد عمى ميت من خمس شهور ماكملهمش حتى جواز ايه بس اللى بتتحدتى فيه دلوك

ريه..... مالك انت ومال ولد عمك ليه تخليها تكيدك وتتجوز قبلك هي اللي مره وبتستنى العريس لما يروح يدق على بابها وانت اللي الراجل اللي المفروض تروح وتتقدم تتجوز بعدها بمراحل ليه

يونس.... طب اقولك على حاجه سيبينى اخلص الجزء ده وحصلي استخاره ولو كان في الخير ان انا اتجوز تاني هتجوز على طول

ريه.. بقولك ايه انت كل مره بتقول كده وبيطلعلك في الاستخاره ما تتجوزش انى عارفه

يونس.... شفتي ربنا ما عايزنيش اتجوز دلوك اعملك انا ايه

ريه... انت ما بتصليش اصلا انا عارفاك

يونس.... استغفر الله الباب بيخبط هروح اشوف مين

ريه... هروح انا عشان لو حد من اصحابك هقولو انك مش هنه وارجع اكمل حديتى وياك

وراحت فتحت الباب وكانت بنت ٥ سنين

ريه... خير ياساره في ايه

ساره... عمي يونس جوه ناديه بسرعه

ريه... تعالى يا يونس

يونس..... حبيبه قلب عمها تعالي يا بنت

ساره... جدتي يا عمي ماسكه امي ونازله فيها ضرب وكسرت لها الحلق اللي ف ودنها وجابت مقص السمك وعايزه تقصلها بيه شعرها

يونس..... لا حول ولا قوه الا بالله الوليه عقلها راح ورا ولدها بصي خليكي مع امي هنه ماشي ما تجيش ورايا انا هروحلها

ريه.... خد تعالى تروح فين ملناش صالح دى وليه لسانها سليط لا تقولك كلمه

يونس..... ما لناش صالح كيف ياما البنت جايه تستنجد بيا

ساره... امى ما بعتتنيش انا جيت لوحدي

ريه..... ملناش دعوه انت مين انت عشان تخش تحجز منها انت عاوزلك كلام دي وليه لسانها مترين ما تروحش هناك لجل خاطرى يا ولدى

٢... ريه..... ملناش دعوه انت مين انت عشان تخش تحجز منها انت عاوزلك كلام دي وليه لسانها مترين ما تروحش هناك لجل خاطرى يا ولدى

يونس.... لا حول ولا قوه الا بالله هروح لو حد استجار بيا هجيره بعدى

وراح على البيت وبقى ينادي بس ما كانش فيه رد سمع صوت بكا وزعيق من المطبخ دخل بسرعه لقى بهيه ماسكه ندى من شعرها ومصممه تقصهولها بالمقص وندى منعها بس بتبكى اتقدم عليهم وحط لندى العبايه بتاعته على شعرها ووشها وخباها ورا ضهره

وقال.... فى ايه يا مرت عمي صلي على النبي كده هتموتيها

بهيه.... انت مال امك انت بتعمل ايه هنه انت مالك انت ايه اللي جابك اصلا

يونس.... استهدي بالله يا مرت عمي ايه اللي هيجبني هسيب الناس الغريبه تاجي تحجزكم ولا ايه

ندى كانت متخبيه بخوف ورا ضهر يونس وماسكه فيه جامد بس سحبت ايدها بسرعه وجريت على اوضتها لبست النقاب والطرحه وجات وقفت من بعيد وبقت تسمعهم

بهيه.... دى قليله الحيا المره عندينا في الصعيد لما جوزها يموت لا تلبس دهب ولا تسيب شعرها طويل مطلوق كده وراها لازم تقصه ولازم ما تلبسش دهب وما تطلعش بره طلعت قال ايه تكب الميه بس عارف طلعت ليه عشان جارنا اللي في الدكان قاعد على قبلينا يبصلها وتبصله

ندى...... خافي ربنا حرام عليكى اللي بتقوليه ده عيبه في حقي وحقك وحق ولدك اللى لساه ميت انا ما بصيتش على حد

بهيه... يعني انتى ما كنتيش بتبصيله يا بت

ندى... لا ما كنتش ببصلو كبيت الميه قال صباح خير يا ام ساره قلتله اهلا

بهيه... وانتى تقولي اهلا ليه ... ليه تطلعي من الاساس ليه

ندى... انا لقيت حد كب الميه بدالى وطلعت بتك قاعده نايمه في اوضتها لما بقولها تنزل تعمل معايا حاجه ما بترضاش اسيب الميه قاعده في الجردل يعني

بهيه.... واه واه واه كمان لسانها طول وبتتكلم

ولسه هتضربها بس يونس وقف قدامها وقال... صلى على النبي يا مرات عمي هتضربيها وانا واقف

بهيه... اه ما اضربها وانت واقف انت عايز ايه... ايه موقفك هنه اصلا

يونس... يا مرت عمى هتلمى الناس كده ما ينفعش اللي انتى بتعمليه ده انتى مش هتجوزيها ولدك التاني تقصيلها شعرها كيف هيتجوزها قرعه يعنى يا مرات عمي هى ناقصه رعب استهدي بالله

بهيه... ما راضياش تتجوز ولدى الجاحده عايزه تعشق وتتمعشق وتحب على........ ولدي ما عايزاش تتجوز اخوه وتربي بتها وخلاص

ندى... انا لو كنت عايزه اعشق واتمعشق كنت اتجوزت اخو جوزي لكن انا ما عدتش عاوزه اتجوز حد بعديه لا اخوه ولا غيره كيف اتجوزيني اخوه انا ما نقصاش وجع الله يسترها معاكى يا حماتي مش انتى لما قولتى ما ترجعيش بيتك انا قعدت ومستحمله كل اللي انتى بتعمليه

بهيه.. لا انتى ما قعداش عشانى انتى ما سبتيش الدار عشان اهلك ما رضيوش يرجعوكى وقالو المره لما بتتجوز ما بتطلعش من دار جوزها غير وهي على حسنيه الموت ولا انتى فكرانى عبيطه وما عارفاش اياك

قامت من النوم على شد شعرها فتحت عنيها لقت بهيه بتشدها من شعرها ندى قعدت

وقالت.. في ايه يا مرت عمى بسم الله الرحمن الرحيم

بهيه... فى زفت على راسك يا هانم صحى النوم الساعه داخله على 7:00 الصبح وانتى لساتك نايمه

ندى... اه معلش راحت عليا نومه ما جاليش نوم عيني غفلت ونومت قدام الفجر مجاليش نوم واصل امبارح اهه قايمه طوالى

بهيه.... وايه اللي قالق نومك وشاغل فكرك ليكون عشق يا بنت عدويه

ندى..... انتى ليه محسساني ان انا كنت عاشقه واحد من قبل ما ولدك يموت واول ما مات دلوك هروحلو او فاكره ان انا جوزي لما مات خلاص كده هروح اعشق دلوك واحد غيره انا من قعدتي معاكي السنين دى كلها انتى سمعتي عني حاجه زي كده جوزي في يوم اشتكالك. انا ليا رب وعمرى ما اعمل حاجه تغضبو لو متجوزه او لا مش خايفه منكم يعنى انا اصون نفسى عشان ربنا مش عشانكم بعدين ليه انا لازم اتجوز اخو جوزى الله يرحمو عشان اقعد ها ليه... ليه ما ينفعش اقعد معاكي انا والبنت نربي البنت انا وانت من غير ما اتجوز تاني من غير ما اتجوز اخو صالح ليه لازم ابقى متجوزه يعنى انا لو ما اتجوزتش هنحرف ما ينفعش اقعد عادي عاقله كده من غير جواز في بيتي

بهيه.... انتى بتقولى كده بس عشان الموضوع فى اولو وحموتو بعد مده هتاجي تقوليلي انا عايزه اتجوز انا عارفه انا بقولك ايه عايزه الحقلك من دلوك قبل ما تجيلى بجوز ام لبت ولدى

ندى.... طيب يا ستي لما ابقى اتجوز او اجى اتجوز جوزينى ولدك ها

بهيه.... ساعتها تقولي ما اتجوزش على ضرو وتعملى نفسك مره

ندى.... ودلوك عامله نفسي مره وما هتجوزش على ضره لان اصلا ولدك متجوز

بهيه... انتى ارمله فاكره نفسك هتتجوزي واحد ماوسابقلوش جواز قبلك ولا فاكره تخبطي في واحد ويخبط فيكى وتنزلو تلمو الحاجات من على الارض وتتجوزيه وانتى ارمله وهو لسه ما سابقلوش سابق معرفه بحريم ده في الحكايات والتلفزيون ما ماشيش هنا على ارضنا وخصوصي في الصعيد ماشي تنزلي باحلامك دي على الارض سامعه على الارض بدل ما انا اعرف انفضها لك زين

ندى... انتو بتقفلوها فى وشنا عشان نرضى نتجوز اخو الجوز بس لا انا لا

ببهيه... هنشوف يا مرت ولدى يلا اعملى الوكل وفطرينا وبعد كده انزلي عشان الزريبه عايزاكى تخلصيها وتخلصى الغسيل والحاجات اللي انا قلتلك امبارح عليها يلا عشان بنتي رايحه السوق وانا رايحه معاها وعلى الله اجي الاقيكي فتحتى باب ولا شباك ولا اقولك انا هقفل عليكى من بره

ندى... طب دلوك انتى بتطلعي وتقفلى الباب من بره افرض مسكت نار في البيت اطلع كيف انا يعنى

بهيه... ان شاء الله عنك ما طلعتى خليها تاكلك تريح وانا اربى بت ولدي ونرتاح منك

ندى.... ربنا ما حطش الاعمار في يد الخلق عشان يرتاحوا خلاها في يدو هو لحكمته بس

وسابتها ومشيت بعد شويه بهيه اخدت بنتها وراحوا على السوق وندى كانت قاعده بتنضف سمعت صوت يونس بيخبط على الباب

بيقول.... يا مرت عمي.... ام عزيز

ندى وقفت ورى الباب وقالت.... السلام عليكم مرت عمي مش هنا راحت السوق يا يونس

يونس.... وعليكم السلام طب انا معايا حاجه جبتها لساره انا هحطها على العتبه وامشى وخليها تطلع تاخدها

ندى... لا ما هي ساره راحت معاهم والصراحه كده مرت عمى قفلت عليا الباب من بره واخدت المفتاح معاها خليها انت عندك وانا لما تاجي ساره هخليها تاجي تاخدها من عنديك

يونس بضيق... تمام يلا مع السلامه..... ولسه هيمشى بس وقف لما

ندى قالت... اه صح يا يونس شكرا

يونس... لاه العفو على ايه يعني ما عملتش حاجه هى بس ساره اللى جاتلي البيت وكانت خايفه انا عشان كده اتدخلت بس اسف لو...... ندى قالت بمقاطعه

ندى.... لاه مش على كده شكرا مش علشان جيت امبارح يعني هو شكرا عشان انت جيت امبارح بس انا كنت اقصد انه يعني علشان انت قلت لساره ان انت مطرح ابوها وانها لو عايزه حاجه تقولك هى فرحت قوى بيها

يونس.... العفو انى ما عملتش حاجه ده واجبي انا هخلي الحاجه عندي في البيت لما تاجي ساره ابقى ابعتيها تاخدها

ندى.... حاضر......... يونس مشى على بيتو وندى دخلت وبقت تكمل بعد وقت جات بهيه

وقالت.... يلا يا بنات خدو حاجتكم يلا

ساره.... عارفه ياما لقيت حته عبايه في السوق كنت هموت واجيبها لك بس جدتي ما رضيتش تجيبها قالت المره لما جوزها يموت مش بتلبس جديد

ندى... لا حبيبتي انا اصلا عندي عبايات كتيره ومش عايزه حاجه اه يونس قال انه جابلك حاجه روحي خديها من عنده

ساره.... جرى اشوف جابلي ايه....... وطلعت

بهيه.... وانتى شوفتى يونس فين قابلتيه ازاى

ندى... هو جيه خبط على الباب كلمتو من ورا الباب لما لقيكى قافله الباب خد الحاجه تانى ومشى

بهيه... وهو يخبط على الباب ليه اصلا

ندى....... عادي هو ما كنش يعرف ان انتو مش هنا وانا اصلا ما فتحتش الباب ولا الشباك كلمته من ورا الباب يمين بالله

بهيه.... نص ساعه ويوصل عريسك ويلمك هانت

ندى..... انتى ليه مش عايزه تسمعيني ليه انا بقولك ده ما هيحصلش ما هتجوزش عزيز افهمى عاد قرفتينى

بهيه... نستنى لحد بكره بس يمكن تغيري رايك الدنيا دي ما بتفضلش على حالها كل ساعه في حال وسبحانه مغير الاحوال

ندى... ناويه على ايه يا مرت... عمى

رواية عشق تحت ظل اسود الفصل الخامس بقلم جيجي

٥... فراج كان قاعد على السرير... وبيودى رقبته يمين وشمال بطريقه مش مفهومه...

فيروزه... بتبص كده ليه فى ايه !!

فراج... بشوف بنات عايلتكم كام مره بيحبوا يجيبوا العار .. واقفه جار جوزك وتروحي تحمى التاني... شكلو العار الاولاني ما كانش كفايه.. فقولتى تجيبي عار اكبر..

بس ضربتو كف على وشو وقالت..

اخرس...

هو كان بيبصلها بصدمه... كان قلم ضعيف بس عواقبه وخيمه.. فيروز جريت بسرعه على باب الاوضه عشان تطلع... بس مسكها من رقبتها وميلها من البلكونه وفضل ماسكها من رقبتها وبيقول..

فراج... والله تستاهلي تترمي من هنه.. كمان بتمدي يدك...

فراج بصلها وكانت بتتخنق شدها لعندو بغضب وسابها... قعدت على الارض وبقت تنهج وقالت...

انت مجنون.. انت مش لاقي حد يحبك... انا بحب مجاهد وعايزاه.. انا مش شايفاك اصلا... خلي عندك دم وحل عني..

فراج... مش هحل عنك واصل.... وهدفعك ثمن القلم اللي ضربتيهولي ده غالي قوي.. اهلك كمان هيدفعو معاكى...

فيروزه... اهلى دخلهم ايه...

فراج... انا هنزل وهقولهم انك مش بنت وانك خاطيه وفاجره...

فيروز.... ومين هيصدقك انا اشرف منك واقدر اثبت ده..

فراج... انتى مش كيف ما كنتى... انتى بقيتي مرتي امبارح قولا وفعلا... يعنى لو طلقتك دلوك هخلي فضيحتك بجلاجل انتى واهلك اللي جايين يباركوا دول عشان تعرفي.. بتمدى يدك على مين...

فيروزه.. انت انت مش طبيعي... انت اكيد مجنون..

فراج. لا انا بحبك.. بموت فيكى.. اتمنالك الرضى ترضى.. بس انتى مش وش دلع انتى فقريه...

فيروزه... عايز ايه وتسكت وتبطل اللي انت بتعمله ده !!

فراط... عايزك انتى... عايزك معايا الليله بكيفك وبمزاجك..

فيروزه.. وانا مش كنت معاك امبارح...

فراج... ما اتبسطتش.. كنتى كيف الاموات وما بسطتنيش.

فيروزه... بس انا مش عايزاك...

فراج... مش مهم انا عايزك..

فيروزه بصتله بدموع... انت ما قربتش منى صح... انا لسه كيف ما انا.. انا مش قادره اصدق انك عملتها...

فراج.. بليل تتأكدى..

وسابها ونزل...

فيروزه... ايه اللي بيحصل ده.. ليه كده.. ليه... الله يلعنك يا مجاهد..

ونزلت سلمت على اهلها... وباليل كانت بتحضر العشا وطلعت تنادى فراج للعشا.. بس كان واقف مع مجاهد اللى بيقول..

كيف كرامتك سامحالك تكون مع واحده قلبها لحد تاني..

فراج بغضب.. عادي كيف ما سمحتلك تخبي عليها وتكون مع واحده انت عارف زين لو عرفت حقيقتك مش هتكمل معاك ثانيه واحده.. وكرامتك سمحتلك كمان تخطبها ليك وانت عارف بحبى ليها وهوسى بيها... ودوست على قلبى واستغفلتنا عشان نفسك.... نفس الكرامه اللي سمحتلك سمحتلى...

مجاهد.. انت ليه بتعمل كده مش انا اخوك سيبهالى.. هتخسرنى عشان بت..

فراج بدموع.. دى مش بت.. دى روحى.. انا كنت بحبها قوى وانت خطبتها ليك كانك مش شايفنى... انت اللي بدات انت عارف كويس قوي اني بحبها ... ومع ذلك رحت خطبتها ليك... لا وعايز تتجوزها بكل بساطه وتجيبها وتقعدها معايا في نفس البيت وتحرق قلبي... واشوفها كل دقيقه معاك... انت اللي ودعت اخوتنا... مش انا... انت اللي جيت على قلبي يا مجاهد.. وانت عارف اني عاشقها .. دوست على قلبي وانت عارف ان ما فيش غيرها فيه... انا.. انا لا كنت بقلب معاك في فلوس ولا كنت بقلب معاك في اراضي.. ولا كنت بقلب معاك في اي حاجه... كنت سايبك اخويا الكبير اللي متقدملي في كل حاجه... وانت جيت عليا واديتلها جوباتى اللى انا كتبتهالها على انها منك انت... وخليتها تحبك وما اهتمتش ليا ولا لاحساسى...

مجاهد... وانت لما تقولها هتزعل منك انت كمان... لان انت كنت عارف وسكت الموضوع ده هي مش هتقبل فيه اي تهاون...

فراج.. بس في الاخر ما سبتهاش تتجوزك.. ولما تعرف ليه هتديني جايزه عليه مش بس هتسامحني دي هتشكرني..

مجاهد بتوتر.. هي.. هي هتعرف ليه انا بعدت من الفرح وسبتك تجوزها... انت مش قولت لو انا بعدت مش هتقولها..

فراج.. ده لو بعدت ولميت بعضك وقعدت محترم في حالك اكيد مش هقولها ....بس لما الاقيك كل دقيقه ناطط لمرتي من ورايا وتدخلها اوضت نومى.. وتقولها انى خطفتك يا نوغه... مضمنش...

مجاهد خاف لما عرف انو شافو قال..

انا... انا كنت جايلك انت... بس هى فتحت الباب فكرتها يعني فكرت... ان انت هنا.. انا كنت جايلك انت..

فراج... هعمل انى مصدق انك ما شوفتنيش قاعد مع امك فى الصاله تحت وجيت ونزلت قبل انا ما اطلع واقفشكم.. بجد فاكرني فاكرني نايم على ودني على فكره انا عارف كل حاجه بتحصل هنا وساكت بمزاجي فما تخلينيش اقلب عليك عشان انا قلبتي وحشه وانت اكتر واحد عارف قلبتى... يلا غور من قدامى

فيروز اتخبت.. ومجاهد طلع من الاوضه في وشو دخلت فيروز وقالت....

الحاجه حفيظه حضرت العشا هتنزل تتعشى..

فراج بخبث... لازم اتقوت بلقمه ارم بيها عضمى... ده احنا ورانا سهره الليله....

ونزلوا بقى ويتعشوا وكان كل شويه بيبصلها بخبث وبصلها وابتسم غمز لها وقال...

ما تيلا بقى خلصى اكل يا حبيبتي.. انتى بتتاخري في الاكل كده في بيتكم.. ولا ده عشان ما اكلتيش زين امبارح....

حفيظه.. حد يعد على مرته اللقمه...

فراج.. لابس اصل هي وراها حاجه ما كملتهاش فوق ابقى خلي سنيه تطلعلنا صنيه اكل فوق...

حفيظه.. قليل الادب م تربيتش...

فيروزه طلعت لفوق بسرعه...

حفيظه... عيب يا ولدي ايه اللي بتعمله ده عيب تكسف مرتك قدامنا كده...

فراج... لا انا مرتي بتحب كدا.. احنا مبسوطين ماشي...

حفيظه... ماشي يا فراج ربنا يهديك... اقول ايه تاني..

فراج.. طلع على الاوضه بسرعه.... وقفل الباب وقال..

يلا بقى انا متحمس حماس ما اتحمستهوش من زمان..

بس قطع كلامه.. لما لقاها في الارض بتصلي... قعد على السرير وقال...

اللهم صلي عليك يا نبي.... صلى ايه دلوك العشاء يدن من ٣ ساعات وهى طولت فى الصلاه وكل ما تخلص ركعه تقف وتجيب ركعه تانيه... وكل ما تخلص تقف تصلي تاني..

فراج بغيظ.. والله ما تقعدي تصلي للفجر انا قاعد لك..

فيروز بقت تصلي لحد ما شفته نام... خلصت صلاه.. وشاله المصلايه حطيتها على الترابيزه.. بس حست بحد شالها من وسطها وراح بيها على السرير.. قال بضحك...

انتى بتستهبلى يا بنت... بتعملي ايه...

فيروز وهى بتحول تهرب منه... بصلى لحد ما تنام انا فكرتك نمت.. انت بتغش على فكره..

فراج.. هو انا بلعب معاكى يا بنت...

فيروزه.. سايقه عليك النبي... انا مش عايزه يافراج...

رواية عشق تحت ظل اسود الفصل السادس بقلم جيجي

٦.. بهيه.... وانتى شوفتى يونس فين قابلتيه ازاى

ندى... هو جيه خبط على الباب كلمتو من ورا الباب لما لقيكى قافله الباب خد الحاجه تانى ومشى

بهيه... وهو يخبط على الباب ليه اصلا

ندى....... عادي هو ما كنش يعرف ان انتو مش هنا وانا اصلا ما فتحتش الباب ولا الشباك كلمته من ورا الباب يمين بالله

بهيه.... نص ساعه ويوصل عريسك ويلمك هانت

ندى..... انتى ليه مش عايزه تسمعيني ليه انا بقولك ده ما هيحصلش ما هتجوزش عزيز افهمى عاد قرفتينى

بهيه... نستنى لحد بكره بس يمكن تغيري رايك الدنيا دي ما بتفضلش على حالها كل ساعه في حال وسبحانه مغير الاحوال

ندى... ناويه على ايه يا مرت... عمى

بس دخل شاب ومعاه ست فى العشرين

قال.... السلام عليكم يا اهل الدار

بهيه... وعليكم السلام ورحمه الله يا ولدي كيفك

ندى... على فكره انتو لو جبتوا الماذون وسالني موافقه على الجواز ده انا هقول لاه

بهيه.... انا قلتلك لو قدرتى قولتى للماذون لا قولي مين هيمسك لسانك انا متاكده لما ياجى المأذون هتقولي ايوه تعال يا ولدي عوزاك فوق

عزيز.... جاي ... وطلع ورا امو

ندى... على فكره ما تخافيش انا ما هوافقش على جوزك

سلمى... كلنا في الهوا سوا يا حبيبتي كلنا مجبورين على العيشه دي يعني انتى لما اتجوزتى الاولاني كنتى عشقاه في الضلمه ما هو خبط على الباب جوزوهولك عشان ولد عمك وعشان الفلوس انا كمان نفس الحاله قال ايه مفيش طلاق في الصعيد على اساس الصعيد على الدين تاني استغفر الله العظيم بس حماتك مش مريحاني هتوافقي يعنى هتوافقي دى ايه وراها

ندى.... انا كمان قلبي مش مرتاح

ساره... اما يونس جابلى الفستان ده ورايحين المولد عديله

ندى... طب ما تتاخريش يا ساره

ساره...... هتاخر هتاخر انا مع عمي يونس

ندى.... شوفي البت جريت ولا كانى بكلمها

سلمى... لو ربنا رايدلك تتجوزيه هتتجوزيه

ندى.... ان شاء الله ما رايدليش كده انا هقول لاه لو حتى يحصل ايه يحصل ربنا ستر فى الاولانى وكان كويس وزين معايا وجبت بنتي وكان ابتدينا نتعود على بعض ولما ابتدينا نتعود خلاص اتخطف منى انا ما هرجعش اعيد الحوار ده من الاول وارجع اتجوز تاني واطبع تاني واتطبع تاني ما عايزاش انا اتجوز انا مستحيل اوافق

بعد شويه كانوا بيتعشوا سوا

عزيز... ما تقلعى نقابك ده بدال ما انتى قاعده بيه في البيت كده كلها كم ساعه خلاص وهبقى جوزك يعني

ندى... مش لما تبقى

يونس قال من بره... مرت عمي

عزيز... اهه ده يونس

يونس... انت جيت ميتى

عزيز..... جيت الصبح عامل ايه كيفك يا ساره فين كنتو

ساره.... كنت مع عمى يونس جابلى عروسه شوفي ياما عروستي انا هاكل واحده وانتى هتاكلي واحده عملنا حسابك كمان

بهيه.... ما ينفعش يجيبولها حلاوه المولد مين اللي جابها يونس اصلا يجيبها لها بتاع ايه

يونس... ما جبتش لحد بعينه انا جبت عروستين لساره وهى هتدى واحده لامها منهم انا مليش دعوه انا اصلا مروح داري....... ومشى

ندى.... ليه كده ليه كسفتيه

بهيه.... وانتى مالك انتى يجيبلك عروسه المولد ليه صحيح اللى اختشوا ماتو

عزيز... خلاص ياما بكره هنجيب الماذون وما هيكلمهاش حتى

ندى... طب يعلم لكم هكسفكم قدام الكل وهقول لاه تمام عشان ما تقولوش صغرتنا

واخدت بنتها وطلعت على اوضتها وتانى يوم بالليل كان الماذون جيه تحت وقاعد في المندره عايز يكتب الكتاب وندى كانت قاعده فوق بضيق

بهيه.... ما تنزلى يا بت تكتبى الكتاب

ندى... قلتلك لاه وهقول لاه لاخر نفس فيا انتى مش ناويه تفهمى يعني لاه ما هتبقاش ايوه

بهيه... يعني انتى دلوك ما هتنزليش تكتبى الكتاب وانتى عاقله وهتنشفى راسك كده

ندى.... اه يا مرت عمي ما هروحش

بهيه.... والله يا بت انا عاوزاكي تقعدي معايا مش عاوزاكي تتشحططي انتى لساتك صغيره وحلوه والعمر لساه قدامك

ندى... برضك لاه يا مرت عمى

بهيه... على كيفك صح فين بتك ساره من العصر ما شفتهاش

ندى... هي مش راحت مع نورهان بتك عند الخياطه هتظبط الخلق اللي جبتيه من السوق امبارح ....

بهيه.... صح نسيت بس نورهان جات من بدرى وبتك لاه

ندى برعب... انتى قصدك ايه يعنى

بهيه.... شوفي دي بت ولدى وانا عمري ما هئذيها ولا اعمل لها حاجه ولا حتى اخوفها هي دلوك قاعده في مكان زين بتاكل وتشرب وتلعب وفاكره نفسها بتتفسح بره هتنزلى تكتبى الكتاب كيفك كيف الجزمه اللي في رجلك دى وما يطلعش منك صوت هجيبهالك تانى ويا دار ما دخلك شر لا هوستى وعملتى هيصه هناخد للصبح ندورو على البت انا مش هاذي بت ولدي بس هخليها في حضني لان انا كده كده لو رجعتها لك وما اتجوزتيش ولدي عزيز انا عارفه ان هيجي يوم وتاخدي البت وتمشي ف هخليها معايا وندور بقى انا وانتى لسنه قدام على البت ويا نلاقيها وتاخديها في حضنك يا منلاقيهاش

ندى بخوف... بلاش هبل ما تخوفيش البت لسه صغيره ما فهماش حاجه

بهيه.. قلتلك دي بت ولدى قبل ما تكون بتك انى كمان هخاف عليها وما اخوفهاش واصل بس المكان اللي هي قاعده فيه دلوك مش هترجع منو لو انتى ما نزلتيش كتبتي الكتاب انا لا بقولك هضربها ولا بقولك هموتها انا بقولك بس مش هخليكى تشوفيها تانى وانا هشوفها عادي اما اعوز عزيز وصلها ولسه جاى فى السكه هيكتب الكتاب ويرجع يجيبها ها

ندى.... حرام عليكى انتى بتعملى كدا ليه فاكره نفسك لما جوزتينى لولدك اشتريتيني

بهيه.... حاجه زي كده عندك حل من الاتنين يا تنزلى كيف الجزمه وتكتبى الكتاب تحت يا اما مش هتشوفي بتك تاني واصل وده اخر كلام حدايا عشان ما نلتش ونعجن في الكلام كتير انا خيرتك وزعلتك وحايلتك عشان توافقي وانتى كيف الجزمه انتى اللي اضطرتينى اعمل كده ودخلتى بتك في الموضوع هتنزلي تكتبى الكتاب عزيز هيروح يجيب البت ما عوزاش تتجوزى براحتك كده كده البت معاى قعدتى معانا وما هتجوزتيش اهلا وسهلا يا مراحب اديكى قاعده وشايله البيت خدمه وان اتجوزتى في داهيه طالما بت ولدي على حجري

ندى قعدت على الارض وبقيت تبكي بقهر

وتقول...... يا رب يا رب انت عالم بحالي وغني عن سؤالي انا ما ليش غيرك يا رب...........

بس كان فى قلب تانى بيشاركها الوجع وهو بيشوف حبيبتو بتتجوز قدامو لتانى مره............

رواية عشق تحت ظل اسود الفصل السابع بقلم جيجي

ندى..... حاضر يا مرات عمي هتجوزو بس ما مسمحاكمش واصل على اللي انتوا عملتوه فيه حتى اللي كنت بعديهولك وبقول علشان محروقه على ولدها مش مسامحاكي فيه

بس ابتسمت وسط دموعها لما شافت راجل فى الستين شايل ساره جريت عليهم ده عمها حمدان ابو يونس

وقالت.... عمي لقيت البت فين

حمدان.... لقيناها مطرح ما لقيناها

ندى حضنتها وبقت تبوس فيها

وقالت... انا بجد مش عارفه اقولك ايه

حمدان... خد البنت يا مهران وديها عندي

وبص لبهيه وقال....... البنت دي ما هتتجوزش ولدك اللي لان متجوزها ولدك عزيز بت عمها ما تخليش عيال العم اللي متربيين طول عمرهم كيف الاخوات يبقوا ضراير

بهيه..... دي مرت ولدي وانا ما هخليش حد غريب يتجوزها

حمدان.... ما هنخليش الغريب ياخد بناتنا هياخدها يونس

بهيه... ايه اللي انت بتقوله ده

حمدان..... هنجوزها ليونس ولو على بت ولدك ومرت ولدك فهم قاعدين فى البيت ما هوش في قاره تانيه يعني العتبه قصاد العتبه متى ما عاوزه تشوفيها تاجي تشوفيها عايزه البت تبيت جارك ليله تبيت لو ندهتيها على الغدا هتجيكي على الغدا مش هتتاخر يعني الباب قصاد الباب ما هينفعش تجوزيها ولدك المتجوز وسلمى اخوى جوزها لولدك علشان ما بنديش بناتنا للغريب لو اتجوز عليها اهلها ما هيرضوش انا لما سبت ندى بت اخوى هنه قلت محروقه على ولدك يومين وتعقلى دي بت اخويا ودي بنت اخويا وانا ما هرضاش انهم يبقوا ضراير ويشدو شعور بعض ولا هخلى عيل يخانق مع التاني طول ما انا عايش كلمتي هتمشي كيف ما بتمشي كل مره ولا ما عاوزهاش تمشي يا عزيز

عزيز.... كلمتك على راسنا يا عمى

حمدان... اعتبرى يونس كمان ولدك واحد متجوز والتاني مش متجوز اكيد يونس اولى انا بعتبر يونس ولدي وولدك وعزيز ولدي وبعتبر ندى بنتي وسلمى بنتي عشان كده ده لمصلحه الكل.. مهران واقف ليه ما تاخد البنت توديها عندي وانتم يلا ادخلوا على المندره اكتبوا الكتاب

ندى... بس يا عمي اني مش جاهزه اتجوز دلوك لا يونس ولا غيره

حمدان مشى بيها شويه وقال... شوفي يا بتي طالما بقت تدخل بتك في اللعبه يبقى ما ينفعش تقعدي انا سايبك لما كانت بتعمل العمايل اللي بتعملها كنت اقول محروقه على ولادها بكره تعقل انما ما توصلش لانها تاخد بنتك وتهددك النهارده قاعدلك وقادر اوقف المهزله دي بكره الله اعلم انا قاعد ولا مش قاعد

ندى...... ربنا يديك طوله العمر يا عمى

حمدان.... لما خوالك قعدوكى هنه عشان الفلوس زي ما هي بتقول انا قعدتك عشان بتك وقولت بيتي من بيتها ما فرقش كنت فاكرها هتعاملك زين لحد ما ولدى يونس حكالي على اللي حصل اول امبارح وكنت حاجز القطر وجاي بعد بكره النهارده مهران بيكلمني بيقولي هيجوزها يا ابويا النهارده قادر اوقف بكره يا عالم هكون قاعد ولا لا يونس ولدى بيخاف ربنا لو حسيتي انه انتى مش قادره تعيشي معاه هيمسك بمعروف وهيسرح باحسان على الاقل ما هتبقيش مغصوبه على حاجه انتى لو اتغصبتي على جوازك ما هتبقاش زي هنه اكيد ولا هتخسري بنت عمك اللي كيف اختك نصيبك يا بتي

ندى... جميلك على راسي والله يا عمي

حمدان.. ما تقوليش كده احنا كلنا شيالين كلنا في مركب واحده الهم هم الكل يلا يا يونس يا ولدى اسبقني على المندره

وراحو كتبوا الكتاب ورجعو البيت

عزيز... اخدها يا اما

بهيه... دلوك اخدها في شهر واحد هيطلقها والا شعرى ده ما هيبقاش على حرمه

ندى ويونس رجعوا البيت

يونس... اطلعى انتى على اوضتك وانا دقيقه وجاى

ندى... ماشى

مهران.... ابويا بيتكلم في المحموا وجاي عيش يا باشا

يونس... اتلم ياض انت مش شايف شكلها شكلها زعلانه وما بلعناش اصلا بعدين هي مغصوبه على الجوازه دى

مهران... اه وانت ما هتقربش منها طالما مغصوبه على الجوازه بقولك ايه انت ما عرفتش انى عملت ايه وقلت لابوك ايه في التليفون عشان يرضى ينزل النهارده بالسرعه دي ويوقف المهزله اللي حصلت ما تقرفنيش

يونس.... انت جاتلك من فين الفكره دي وازاي رنيت على ابويا اصلا ده مسافر ليه سنتين ما رجعش

مهران... ابونا كبير العيله وهو اللي ماسك الشيله كلها والكلمه اللي بيقولها ما حدش فيهم بيقوله عليها تلت التلاته كام ما فيش غيره يخربها على راسهم

حمدان... معطل العريس ليه ما تسيبه يطلع يلا على اوضتك

يونس.... هتوحشني قوي يا ابوي امي هتقتلك يا بوى والله يا مين هتقتلك ما هي مش بلعاهم اصلا ومرت عمى زعلت اكمنك اخدت ندى من عينيهم وهما مش هيسكتو

حمدان... مش هتقدر تعمل حاجاه هتلعب من تحت لتحت ما حدش فيهم يقدر يقف فى وشي ويقولي لا انا كبير العيله دي ومن ساعه ما جوزها مات وانا قلت ما هتطلعش منك لانى عارف انك عاشقها بس قلت لو انا جوزتهالك قبل ما يتجوزها كنت هتبقى انت وياه اخصام وانا معايزش عيال العم يتعاركوا بس ما هسيبهاش تتجوز واحد وهي مجبوره عليه

يونس بحزن... انت بتطيب خاطري ما هي كمان مجبور عليا

حمدان... هناك في حجات زي الزفت هتقابلها هنه ما فيش حاجه خالص غير امك ودى سيبهالى انا كمان لما اتجوزت امك ما كانتش طايقاني والله العظيم خبطت اخوها بالعصايه فى نفوخو وقع يوم الفرح راح المستشفى اخد ٥ غرز والله العظيم خدت ٣ شهور انام على الكنب حبتني دى كاريزما فينا يا ولدي

مهران... ايوه الكاريزما فينا بس ربنا هادينا

يونس... والله يا ابوي انت على راسي على راسي من فوق وانا مش هنسى جميلك طول العمر هات حضن عشان لو امي قتلتك

حمدان... اخدت مصلحتك مالك ب ابوك اخوك اللي جابني على فكره

مهران... ما هو كان لسه بيشكرني قبل ما انت تاجى

يونس بفرحه... انا هفضل اشكر فيك لغايه ما اموت مهران يا حبيبي ربنا ربنا ياخد حماتك يا رب ويرجعلك مرتك قريب ان شاء الله

مهران.. يا رب انني مسكين منكسر........ خذ حماتي اخذ عزيز مقتدر

يونس طلع لفوق بفرحه ودخل الاوضه

رواية عشق تحت ظل اسود بقلم جيجي

يونس طلع لفوق بفرحه ودخل الاوضه

وقال.... السلام عليكم

ندى... وعليكم السلام

يونس... هو انا كنت عايز اقولك على حاجه كده يعني هو

ندى.... معلش اقولك انا حاجه الاول

يونس... قولي

ندى... اني مش جاهزه دلوك انا عارفه انه حقك انت راجل يعني والمفروض ان انا ما امنعش نفسي عنك وانك جوزي والملايكه هتلعنى ولو منعتك بس انا مش قادره دلوك انت فاهمني صح

يونس.... الملايكه هتلعنك لو انا فهمتكش وبت زعلان منك بس انا مش زعلان منك اصلا مش عايز يعني دلوك يعني مش مستعجل براحتك

ندى... بجد اني مش عارفه اقولك ايه انى عمرى ما شوفت زيك والله انت اجدع واحد قابلتو بعد ابوك

يونس... ولا انا شفت زيك بس يعني خدي راحتك يعني اقلعى الطرحه والنقاب عشان تعرفي تنامي انا هنام على الارض دي اصلا

ندى..... لا لا مش للدرجه دي السرير واسع يعني عادي بس انا هبقى في حالى وانت هتبقى في حالك

يونس... لا انا بحب انام على الارض اصلا

ندى راحت على الحمام ولبست عبايه سوده بيتي وحطت الطرحه على شعرها يونس كمان اخد شاور وجيه حط فرشه فى الارض ونام قصادها بس فضل يبصلها شويه

ندى.... انت بتبصلى كده ليه

يونس... ملامحك قاعده كيف ما كانت من قبل ما تلبسى النقاب بس شكلك اتغير شويه عن زمان

ندى.. انت لسه فاكر شكلى قبل ما انتقب يعني انا كنت 14 سنه باين

يونس.... اه فاكرك قبل ما تلبسيه كان عندك 14 سنه لما انتقبتى وتخطبتى على ال 15 واتجوزتى على 16 واترملتي على 21 دلوك عندك 22

ندى... واه ده انت فاكر بالتواريخ عاد حافظهم اكتر منى يلا انت عارف ان مرت عمي مش هتسكت على جوازتنا صح

يونس.... ابويا قالي هيقعد معانا شويه ما تخافيش هو قاعدلهم

ندى... الحمد لله انا برتاح قوي لما عمي بيكون هنا يلا تصبح على خير

ندى... وانتى من اهله.......... في صباح يوم جديد كان الباب بيخبط وندى كانت واقفه قدام المرايه تسرح شعرها يونس كان نايم فى الارض وبيبصلها ب اعجاب بس ندى لبست طرحتها وراحت فتحت الباب

بس دخلت بهيه وقالت.... فين ولدي بعدى كده انت ايه اللي نومك على الارض كده

يونس... ما فيش حاجه يا اما انا كنت نايم على السرير

ريه.... لاه انت كنت نايم على الارض اهي الفرشه اهى انت بتستعمانى

يونس..... طب خلاص روحي انتى وانا جايكي ونتكلمو هناك

ريه... لاه هنتكلمو هنه ايه نومك على الارض قالتلك ما تجيش جاري قال على رائ المثل رضانا بالهم والهم بينا ما رضاش

يونس.... ياما اعقلي الكلام اللي بتقوليه واهدي روحى انتى دلوك وانا هاجي وراكى

ريه.... انى ما عرفاش انا عملت ايه في عيالي عشان طالعيني براوين بختي مايل فيهم واحد نايم على الارض ليلة جوازه والتاني جارى ورا بت سعيده بقالها تلات ايام وهو بدل ما يروح يجيبها من شعرها قاعد يتحايل عليها ويبعتلها جوابات حب وغرام يمكن تحن عليه وتتكرم وترجعلو انا ما عرفاش عملت ايه مع عيالى يا حمدان

ونزلت

يونس.. استغفر الله ولا اله الا الله

ندى.... انا اسفه قوي انا نسيت انك نايم على الارض والله

يونس.... طب خلاص انتى بتبكي ليه دلوك هى هزقتني اني مش انتى ولو على الهم يعني ما تزعليش هي بتقول كده على طول والله مش بس عليكى

ندى... انا مش عليا انا على منظرك قدامهم انا اسفه جدا والله العظيم نسيت انك نايم على الارض

يونس.. انا كنت قاعد بس لقيتك فتحتى معلش حقك عليا تعالي تعالي هننزل وراهم

وطلعو من الاوضه وبصو عليهم

حمدان... ايوه ما انا قولتلك ما تحبنيش يا ريه حبتينى جبتى العيال نسخه مني انا كمان في زماناتي رضيت بالهم والهم ما رضاش بيا ونمت على الكنبه

ريه... انت بتسويني اني ب دى

حمدان... انا قلتلك 100 مره دى بت اخوى ما تغلطيش فيها

يونس... شفتي اهم مسكوا فى خوانيق بعض

مهران.... صوت امك طالع ليه

يونس... جات الاوضه تصحيني لقيتنى نايم على الارض وقالت ليلة جوازى وما اعرفش ايه

مهران... عادي يعني بتحصل انا ساعات بنام على الارض بس ما تقولش لامك

ندى... جابت سيرتك وقالت بعت لمرتك جوابات صح جوبات ايه دي

مهران... اه كتبت لمرتى اسمعوا اسمع الجديد اللي كتبته

احم احم... عاشقك يا بنت قلبي وفي عشقك دايب دوب

عشقتك وعشقك على جبيني مكتوب

ما تزعليش مني علشان في الفالنتاين ما جبتش دبدوب

والله نسيتو اصلى عاشق بقالى لسه يا دوب

اوعى تسمعى كلام امك دى ناشفه وليها عرقوب

يونس... ايه ايه دى

مهران... قصيده شعر قلفتها لها وانا قاعد مع نفسي في الغرفه

يونس... الله يخرب بيتك انت وقصايدك

ند. بضحك... دبدوب ايه

مهران.... ما هي زعلانه مني عشان في الفالنتاين ما جبت لهاش دبدوب انا اصلا بقالى اسبوع بقولها ان ده مش الفالنتاين مش شهر الفالنتاين اصلا مش راضيه تصدقني

يونس... حسبيا الله فيك وفي مراتك وفي قصايدك

ندى... طيب انا هروح اشقر على بنتي

مهران... هي نايمه مع بنتى فى الاوضه

ندى... ماشي بقولك ايه ايه كملتك قصيدتك والله بص

امك ناشفه وليها عرقوب

وكلامها كيف الدبش والطوب

سيبيها وارجعي لحضن المحبوب

مهران... تصدقي صح هكتبهم هاتوا لي قلم

ندى بضحك .. لا خلى القلم عليها لما تلقيلها القصيده دى

مهران.. كده برده يا مرات اخويا مقبوله منك

يونس ضحك وقال... كل البلد هتضربك مش بس هى

ندى مشيت وهم دخلو الاوضه

مهران... ضيعت كل اللي عملته امبارح بكسوفك ده مش

اول ما تدخل تقولها انك بتحبها وانك عاشقها من قبل ما تتجوز ولد عمك اتقدملك ولما اتقدم سكت وما رضيتش تعك الدنيا لما هي وافقت عليه قلت انت يبقى عايزاه ومش عايزاني والله كانت ماتت فيك وحبتك

يونس... ما انا كنت ناوي اقولها كل حاجه جيت اتكلم قالتلى مش جاهزه دلوك وانها عارفه ان انا جوزها وانه حقي بس هي مش قادره دلوك انا ما حبيتش اضغطها يعني ولا يكون حاجه غصب عنيها يا مهران انا حلمت كتير ب اليوم اللى تكون فيه حلالى ومعاوزهاش تبقى مغصوبه عاوزه تريدنى اكتر ما انا رايدها نومت على الارض قلتلها يعني براحتك عادي انا اصلا مش عايز منها ولا حاجه كفايه انها تكون اخر واحده اشوفها قبل ما انام واول ما اقوم تكون اول واحده ابص فى وشها ما عاوزش ولا حاجه تانيه ده كتير قوى عليا

بس سمع حاجه خبطت عند الباب بص بصدمه لما كانت ندى وقعت طبق من يدها على الارض

مهران... احم انت كده قلتلها خلاص

رواية عشق تحت ظل اسود الفصل التاسع بقلم جيجي

سمع حاجه خبطت عند الباب بص بصدمه لما كانت ندى وقعت طبق من يدها على الارض

مهران... احم انت كده قلتلها خلاص

يونس... الله يخرب بيتك

مهران... يا عم هو ناقص خربه ما هو مخروب خلقه ازيك يا مرت اخويا

و مشي بسرعه

يونس.. انتى واقفه عندك كده ليه ومن ميتى

ندى.... روحت المطبخ لقيت الطبق ده في التلاجه كنت جايه اشاورك انه هاخده لبنتي

يونس... هتسأليني على الوكل

ندى... سمعت الكلام كله

يونس.. انا ما قصدتش يعني حاجه يمين بالله انا اصلا يعني والله بس كنت رايدك من الاول

ندى.... انت نسيتني لما اتجوزت مرتك الاولى ولما انت طلقت وانا اترملت رجعت تاني عاوزني ولا ايه

يونس.... ما نسيتكش عمري ما نسيتك لما اتجوزت فكرت ان انا كده وخلاص يعني انتى اتجوزتى وانا اتجوزت خلاص بس بقيت اشوفها انتى تكون نايمه جارى واحلم بيكي حسيت اني خاين قوي ما قدرتش اكمل صرحتها بكل حاجه قلتلها مش قادر اكمل وهي بارك الله فيها كتمت السر وطلعت جدعه ورحنا كل واحد لحالو هي دلوك هتتجوز تانى

ندى... ما رضيتش تتجوز تاني عشانى يعنى

يونس..... عشان ما اظلمش واحده تانيه معايا اصلا انا مطلق من قبل ما جوزك يموت لو تفتكري

ندى...... فاكره انا ما خدتش بالي لحبك ده

يونس.... ما انا ما بينتش حاجه عشان انا كنت بعتبر ولد عمي ده كيف اخويا هو اصلا كنت زعلان قوي ان انا بفكر في مره اخويا كده بس انا كنت بفكر فيكى من قبل ما تتجوزيه يعني تقدرى تقولي كله كان نصيب لعبه قدر اكبر مني ومنك اكبر مننا كلنا

ندى... بتحبني كل الحب ده وانا ما خدتش بالي معقول كنت عاشق من زمان يا ولد عمي وانا طب ازاي كنت بتحب ساره وهي بنتي من راجل تاني

يونس... عشان ساره بتك حته منك وانا حبيتك لدرجه اني حبيت اي حاجه منك اى حاجه من ريحتك خاصه انها شبهك قوي انا بحبك يا ندى فوق ما تتصورى

ندى... انا اسفه قوي بس انا مش هقدر اقولهالك دلوك بس هحاول هحاول عشان انت تستاهل المحاوله

يونس.... انا مش عايزك تحاولي عشان انا استاهل المحاوله انا عايزك تحاولي عشان نفسك عشان انتى تستاهلي تعيشي تاني ولو ما قدرتيش ما عاوزكش تكوني معايا غصب عنك عاوز انتى تعوزى تكوني معايا يعني مش عايزك غصب عنك وما فيش داعي تشاوريني عشان حاجه في البيت اي حاجه تعوزيها تاخديها على طول روحي شوفي بتك

ندى هزت دماغها بايوه ونزلت بعد شويه وكانو كلهم بيفطروا وجات بهيه

وقالت... صباح الخير يا عرسان

يونس... صباح الخير يا مرت عمي

بهيه.... كيفك يا حاج حمدان

حمدان... الحمد لله

بهيه.... كيفك يا ام يونس

ريه بهمس لجوزها.... عجبك كده قلتلك ما تجيبش دي قلتلي بت اخوى اهي دي ما كانتش بتخش داري من ساعه ما جات دي ودقيت صدرك وقلتلها متى ما تحبى تشوفى البت تعالي هتنط لي كل شويه زي ام قويق اهلا يا ام المرحوم

بهيه...... انا عايزه اخد ساره النهارده هنرجع اخر النهار

ساره... لا يا جده مش عاوزين نطلع انا هقعد مع يونس

بونس.... روحي مع جدتك ولما ما ترجعي نقعد لصبح

ساره... عايزه اقعد معاك انا

يونس... معلش ما انا قاعد معاكى على طول

ساره... خلاص يا جده يلا مشوار على السريع

بهيه.... اخدت البنت ومشيت

يونس...... مالك زعلتى ليه هتجيبها يعني هتوديها فين

ندى.... هي عايزه تاخد مني البت وتحرق قلبى مش اكتر عارفه ما حدش هيقدر يكلمها علشان عمي قالها ميتى ما حبت تشوف البت هتشوفها وهتبقى تقول ندى قالت هتجيبها اخر الليل على النومه وكل يوم كده

يونس... معلش يومين وهتتقبل الموضوع وهتتبط وتزهق

ندى.. لا العند يولد الكفر ما هتزهقش يلا ربنا يسامحها انا طالما بتي مبسوطه تروح معاها عادي اهى جدتها برضك

وعدت سنه كامله وكانت ندى بتقرب اكتر من يونس واتعودت عليه جدا وبقى سند حقيقى ليها ومانع امو منها وواقف معاها وندى كانت مبسوطه معاه بس كان في جزء ناقص لان بهيه كل يوم بتيجي تاخد البنت من اول النهار ترجعها اخر الليل وفي يوم من الايام

بهيه... اني ولدي سافر وخد مرته معاه والبت نورهان اتجوزت وانا قاعده لوحدي دلوك بصراحه كده عاوزه بت ولدى هاخدها تقعد وياى تونسنى

ندى... لا انا ما هسيبش بنتي ما تديهالهاش يا يونس

يونس... وبعدها لك يا مرت عمى انتى بتاخديها من اول النهارده بتجيبيها اخر الليل عايزه ايه تاني

بهيه... تبات جاري

يونس... طب بقولك يا مرت عمي البت ما هنهملوهاش ما فيش كلام تانى مش هنديها البنت يا ندى اهدى

ساره... .. انا كمان مش عايزه اروح جارك يا جده انا عايز اقعد جار عمي يونس وامي انت وعدتني هتركبني الحصان هتركبهولي ميتى

يونس... وعد هركبهولك بس اصبري

بهيه... طالما المره اتجوزت يبقى حقى اني اخد بنت ولدى

يونس..... ده في المحكمه هناك حابه ترفعي قضيه علينا ابوى لسه عايش ما ماتش تحبى ننزلهولك تانى من السفر

بهيه... لاه ما تقلقهوش انا بس بقولك على حقي بس

يونس... امم يعني عايزه ايه دلوك

لهيه... عايزه بت ولدى

ندى.... انا ما هسيبش بتي سمعتي ما هسيبهاش كفايه حتى ساعتين الليل استكترتيهم عليا

يونس..... ما فيش بت هنه ليكى هتروحي المحكمه

بهيه... هشوف عاد......... ومشيت

يونس... طب انتة بتبكي ليه دلوك اهدي اهدي بتقول كلام بس والله ما هسيبها

ندى... يونس طلقني

رواية عشق تحت ظل اسود الفصل العاشر10الاخير بقلم جيجي

وصل يا شعب.. ندى... يونس طلقني

يونس.. انتى بتقولي ده انتى قلتيلي انك هتحاولي عشاني وكنا سوا انتى بقيتى مرتى خلاص وانا ما هطلقش

ندى.. هتاخد بتى

يونس..... وانى مش هسيبها والله ما هسيبها

ندى قعدت تبكى بانهيار وقعدت على الارض ويونس قعد معاها وندى بقت تقول بقهر.......... يا رب يا رب انتى حسبى ووكيلى يا رب انت عالم بيا يا رب

وفضلت تبكى لحد ما نامت ويونس شالها حطها على السرير تاني يوم الصبح يونس قام على صوت رنه تليفونه

رد وقال.... ايه يا مهران عايز ايه من وش الصبح...... ايه بتقول ايه جايين على طول اها

ندى.... فى ايه على الصبح

يونس.... مرت عمي كانت على السطح بتنشر الغسيل وهي نازله وقعت على السلم وركبتها اتدشت

ندى بخضه...... طب هى كويسه

يونس... ما هم دلوك في المستشفى هنروح نشوفهم

ندى... يا ساتر يا رب الطف يا رب

وراحو سوا على المستشفى وكان مهران بس هناك

يونس... ايه اللي حصل

مهران..... وقعت من على السلم انى برن لعزيز هو في مصر اخد ساعتين حتى رد علينا

يونس.. طب جاي يعني

مهران... لسه جاي في السكه ربنا يسترها

ندى... طب الدكاتره قالوا ايه

مهران... ركبو لها شرايح ومسامير وحاجات كده المهم قالوا ما ينفعش تدوس علي رجلها واصل

ندى... لحد ميتى يعني

يونس... لاه الشرايح بتبقى على طول يعني خصوصا فى المناطق دى بقت برجل واحده دلوك

مهران... هيدوها عكاز

ندى... لا حول ولا قوه الا بالله.... ودخلت عند بهيه..

وقالت... انتى كويسه يا مرت عمي

بهيه... كله بسببك بسببك انتى تلاقيكي حسبنتى فيا

ندى ببكى... والله ما كنت اقصد ان يجرالك كده

بهيه.... بعدي عني روحى من هنه غورى

يونس... طب لما انتى عارفه انها مظلومه ودعوتها هتستجاب تعملى ده كله ليه ما هانش عليكى تشوفينا فرحانين يعني عايشين حتى

بهيه.... روحو من هنه قلتلكم ما عايزاش اشوف حد واصل

ومرت الايام على بهيه وهي في الحاله دي وابنها اخد مراته وسافر لشغله تاني وبنتها رجعت لبيت جوزها بهيه فضلت لوحدها في البيت... عند ندى

يونس... انتى كل مره بتروحي بتزعقلك وتشرشحك وتهين كرامتك طيب بتروحي ليه دلوك عشان خاطري خليكى

ندى... لاه بس انت خلي بالك على البت لحد اما ارجع

يونس.... انا مخلي بالي على البت مخلي بالي عليها بس انتى ما تروحيش عشان خاطري هتقولك كلمه بايخه مالهاش اى لازمه وانا ما هسكتش

ندى... بقولك ايه ما لكيش دعوه خالص باللى بتقولهولي سمعت انت ما لكيش صالح فيه الوليه ما فيش حد معاها في البيت مين هيخدمها ويغسلها ويطبخ لها وينشر لها الغسيل انا عملت العيش عندك وهاخدهو لها سامح في حق الدقيق عاد

يونس.... انا مسامح في عمري اللي رايح قصادك هدر ما هسامحش في حق الدقيق

ندى... بقولك ايه اما نرجع هقولك على موضوع

يونس... روحي روحي هل انت فلقه لما نرجع اقولك موضوع لما اجي اقولك موضوع عشان انا اسكت

ندى.. قلتلك انا ما اقدرش اسيبها ما يخون العشره الا ولد الحرام

يونس... من حسن العشره اللي كانت معاكي يا بنت نسيتي شعرك اللي كانت هتقصهولك والسحل اللي سحلتهو لك بتها قاعده في بيت جوزها وما سالتش عليها انتى ايه اللي يوديكى

ندى بخبث.... نقولك ولا تغير ام المرحوم

يونس... امم ريحه الحبايب يعني

ندى... واه انت زعلت ولا ايه انا اقصد يعني ان جدت بتى

يونس... بتك اللى كانت عاوزه تاخدها منك

ندى..... قلبك اسود عاد عشان جوزى الله يرحمه كان لما يلقانا متخانقين مع اني ما كنتش اشكيله منها كان يقول عشان خاطري عامليها زي امك دلوك يعني تحتسب وصيه هفضل طول عمري ما عاملاها كيف امى بعدين انا لو لسه بحب الله يرحمه وما نسيتهوش ما كنتش قعدت معاك بس انا عشان اتخطيت الموضوع ده حبيتك

وكملت بخبث... ومين قال ان القلب يشيل واحد فيه بس عادي ممكن يشيل اربعه وهو مات خلاص

يونس... انا واحد والمرحوم واحد مين التنين التانيين

ساره التالته مين الرابع

ندى... لما ارجع هقولك

وراحت عند بهيه وقالت... صباح الخير يا مرت عمي جبتك عيش واكل اهه

بهيه.... ما طفشتيش ليه زي اللي طفشه

ندى.. تمرت فيا العشر الحلوه بتاعتك يا حماتي كل ما انام تفكرني بيكى

بهيه... ما كفاكيش اللي حصلى بسببك وبسبب دعاويكى اللي بتدعيها

ندى... اني ما دعيتش يا خاله انتى لما ضربتيني ما تكلمتش بس قلتلك انى مش مسامحاكي لما كنتى هتاخدي مني ضنايا انتى ام وعارفه يعني ايه تاخدي مني بنتي يعني افضل عايشه لوحدى كنت قاعده مستحملاكي ومستحمله ولدك ومستحمله الناس بس تاخدى بتى ده. ما يرضيش ربنا انتى اللي خليتيني ادعى ودعوه المظلوم واصله وربنا بيشهدها بعدين انا بس دعيت انك ما تاخديش بتي ما دعدتش ان انتى تتكسرى

بهيه... طب قاعده تاجى ليه

ندى... هتصدقيني لو قلتلك ما هونتيش عليا اخليكي تخدمى نفسك برجل واحده تعملى الاكل وتعملي ده وده قلت اقصر معاكي هخليكى على قد روحت الحمام

بهيه... عيالي طفشو منى

ندى.... الدنيا مشاغل يا خالتي سنتين كمان بس البنت ساره تشد تقدر تمشي نفسها على المدرسه وانا هجيبها تبيت معاك

بهيه.. صح والنبي يا ندى اشمع دلوك هتديهالي

ندى.. عشان ما تاخديهاش على طول عندك هتيجي عندي شويه وتيجي عندك شويه هتبقى عادي كيف اي واحده رايحه لجدتها تبقى كبرت تقدر تقعد من غيري عايزه اقولك على حاجه كمان اني حبله

بهيه... انتى يا بت جايه تقعدي معايا ولا جايه تفوري دمي

ندى... يونس من حقه يبقي معاه ولد يشيل اسمو انا كمان يعني خلاص قدر الله وما شاء فعل يمكن تشوفيني الواطيه اللي نسيت جوزها وعاشت عادي بس ربنا حللها يعني ما عملتش حاجه عيب ولا حرام بعدين ولدك ما عملش المجهود الكافي انه يكرهني في صنف الرجاله كله

بهيه.... ربنا يهنيكى يا ندى لاول مره بقولهالك من قلبي قالك في الشده عدى حبايبك وفي الفرح ما تزودش عليهم ولا واحد لقيتك في الوقت اللي الناس كلها طفشت مني فيه مرت ولدي مش راضيه تجيبه عشان كنت هجوزو عليها وبتى مع جوزها انتى بس اللي بتشقري عليا

ندى... يلا هروح انا لعيالي وهحضرلك العشا

بهيه... ما تتعبيش روحك انا هقدر اعمل لوحدي

ندى... لا هعملهولك ولو ما قدرتش هبعتلك ساره يلا فى حفظ الله

بهيه... سلام يا ندى

ندى رجعت لقت ريه فى وشها

ريه... مش قادره تنسي الحبايب ومصبحه ومسيه حداهم

ندى... هاقولك على موضوع يا حماتي هيبسطك قوى هجيبلك وريث العيله هجيب اول عيل ليونس

ريه.. هروح بقى اغيظ الناس بالواد اللي في بطني واقولهم ان ولدي حيجيب عيل قبل مرته الاولى

ندى... بلاش نبر يا حماتي خليها تسلك

ريه.. استكنى كده لحد ما تجيبيلي الولد واد ها لو بت خليها في بطنك مش عايزاها انا عايزه ولد

ندى.. حاضر يا حماتي لو بت هرجعها تاني

وطلعت اوضتها عند يونس كان قاعد قصاد التلفزيون

وبيقول..... خلاص بقى خلاص بقى حرام عليكم انا صدعت

ندى..... بتتشاكل مع مين يا ولا

يونس... الكوره ليهم ساعه ما جبوش جون ما اهى قدامك الشبكه يا عجل العلف بقى قدامك بعدى من قدام الشاشه

ندى... في حاجه احلى هنا المفروض تتفرجي عليها

يونس... لا لا مش فايقلك دلوك صحفي من قدام التلفزيون

ندى... يا واد ركز... وحطيت يدها على بطنها

وقالت.... هنا ما شايفش

يونس... لا ما شايفش

قالت.... طب محاسسش

يونس .. لا ما حاسسش

ندى.. والله انت ما هتحس ليوم طالون طب ما فاهمش

يونس.... لا في حاجه واحده راحلها نفوخي بس لو الحاجه دي صح انا هموت فيها

ندى... بعيد الشر عنيك

يونس..... هتجيبيلي عيل

ندى... ايوه مش انى امبارح رحت مع مرت مهران الدكتوره قمت حللت قالوالي انى انا حامل في شهرين

يونس... شهرين وما قلتليش اخص عليكى

ندى... عادي قلت استنى اما اتاكد يعني عشان افرحك بالمره قولت لامك وانا طالعه وقالت انها هتروح تغيظ طليقتك

يونس... استغفر الله ولا اله الا الله قلتلها 100 مره انه خلاص كل واحد راح لحاله مش راضيه تقريبا العالم كله اقتنع ان احنا خلاص هي اتجوزت وانا اتجوزت هي لا مش راضيه تعترف

ندى... سيبك من امك والناس لو ولد هتسميه ايه ولو بنت هتسميها ايه امك قالت لو بنت هنرجعوها تاني عشان تبقى عارف

يونس... لا ولد بنت انا راضي لو ولد هسميه والله انا نفسي اسمي مهران عشان احنا اتجوزنا بسببو بس الصراحه خايف يطلع مجنون زيو هسميه حمدان وخلاص اهو اتجوزنا بسببو بردك

ندى.. طب ولو بنت هتسميها ايه

يونس... لو بت ساميه عشان يبقوا ساره وساميه لو اني نفسي اسميها ندى انا عن نفسي ما هقولهاش غير يا ندى لأنو اجمل اسم عرفته في حياتي واجمل واحده واطيب واحده شفتها في حياتي ربناو يخليكي ليا وتعيشي دايما في قلبي يا بت قلبى

🌹🌹🌹🌹🌹🌹🌹🌹🌹🌹🌹🌹🌹🌹