ليله : انا هوافق علي الجواز من يونس …
ـ نظرت لها وجدان ولا لا تستوعب ما تقوله ….
ـ وجدان : اي انتي قولتي اي ؟
ـ ليله : زي ما سمعتي يا وجدان …
ـ وجدان : لا انتي اكيد اتجنني عايزه تاخدي يونس ؟
ـ ليله : علي الاقل بيحبني بصدق …
ـ وجدان : بصدق ؟ انتي اكيد بتهزري فوقي يا ليله ده حاول يقتلك قبل كده وجوازه منك هيبقي عشان يبين لريان أنه عايز ياخد إلي عايزه وخلاص …
ـ ليله : لا يونس مش كده …
ـ وجدان : لا كده ريان إلي مش كده …
ـ ليله : لا ريان كده …
ـ وجدان: انتي عايزه تسيبيه بس عشان نطق اسمك غلط لا واي فاقد الذاكره هو مش ذنبه …
ـ ليله : عمرك ما هتفهميني …
ـ وجدان : انا اكتر واحده ممكن تكون فهاكي انتي بس الي محتاجه تفهمي نفسك وتعرفي مين بيحبك ومين لا لكن نسيتي كل إلي عمله عشانك قبل كده ؟ عشان قطف ورده واحده نسيتي أن هو إلي زرع الورد من الأساس ؟ …
ـ ليله : انتي عايزه مني اي عشان بس زين قالك كلميها لو بتحبيه راضيه علي حساب نفسك مش علي حسابي …
ـ نظرت لها وجدان وهي لا تعي هل هذا جزاءها ؟
ـ وجدان : تمام يا ليله شكراً …
ـ بعدها توجهت وجدان إلي خارج الغرفه …
ـ استوعبت ليله ما قالته وهي تقول …
ـ ليله : وجدان استني يا وجدان …
@@@@@@@@@@@@@@@@@@@@@@
عند ريان …
ـ كان يجلس علي السرير بعد أن غير ملابسه لأن موعد خروجه اليوم من المشفي …
ـ دخل زين …
ـ زين : يلا يا ريان …
ـ ريان : هي فين رُسل ؟
ـ زين : رُسل مش موجوده مشغوله شويه مش هتعرف تيجي …
ـ ريان : طيب هتيجي امتي …
ـ زين : بعد يومين …
ـ ريان : تمام …
ـ زين : انت محتاج راحه هخلي السواق يوصلك البيت عشان انا رايح الشركه …
ـ ريان : شركة مين ؟
ـ زين : شركتك …
ـ ريان : انا مين وابن مين اصلا واي الشركه دي …
ـ زين : بص يا سيدي انت ريان الراجحي صاحب اكبر شركة تصاميم وعندك شركه للتصدير والتجاره وانت من أكبر رجال الأعمال ….
ريان : طب واهلي ؟
ـ زين : والدك خالد الراجحي مسافر بره بقاله فتره عشان عندي عقود عمل كتير … ومعندكش اخوات ووالدتك متوفيه من وانت صغير ….
ـ ريان : تمام يلا نمشي ….
وقف ريان وجلس علي الكرسي المتحرك وتوجه به زين إلي السياره ….
@@@@@@@@@@@@@@@@@@@@@@
في الشركه …
ـ نزل زين من سيارته ودخل ….
ـ ذهب زين إلي مكتب وجدان …
ـ دق الباب …
ـ وجدان : اتفضل …
ـ دخل زين …
ـ زين : ازيك يا وجدان …
ـ وجدان : تمام الحمدلله …
ـ زين : مالك ؟
ـ وجدان : انا اسفه مقدرتش اقنع ليله ب اي حاجه …
ـ زين : لي ؟
ـ وجدان : هي مصره أنه من الاول كان شايفها من الاول رُسل …
ـ زين : مش مشكله إن شاءالله تقتنع …
ـ وجدان : لا ماهو …
ـ زين : اي ؟
ـ وجدان : ليله هتوافق علي عرض الجواز من يونس ….
ـ وقف زين بصدمه …
ـ زين : اي ؟
ـ صمتت وجدان …
ـ زين : بس ازاي ؟ ده كده بتتصرف غلط يونس مش زي ما هي فاكره خالص …
ـ وجدان : حاولت أقنعها والله بس هي مش راضيه تقتنع خالص وهي شايفه أنه بيحبها بصدق …
ـ زين : دي مشكله كبيره …
ـ وجدان : هو استاذ ريان عامل اي ؟
ـ زين : كل شويه يسأل عليها …
@@@@@@@@@@@@@@@@@@@@@
عند ليله … انتهت من دوامها وخرجت من الجامعه ….
ب وكالعادة وجدت يونس أمامها …
ـ اقترب يونس ووقف أمامها …
ـ يونس : ليله …
ـ ليله : نعم ؟
ـ يونس : اي قرارك يا ليله كنت مستني منك امبارح تلفون بس مكلمتنيش …
ـ ليله : انا موافقه يا يونس ….
ـ يونس : انتي بتتكلمي بجد ؟
ـ اومأت له ليله …
ـ يونس : انتي مش متخيله انا مبسوط ازاي …
ـ ليله : انا لازم امشي عشان مش فاضيه …
ـ يونس : تمام هبقي اكلمك …
@@@@@@@@@@@@@@@@@@@@@@@
في شركة مالك ….
ـ كان مالك يجلس في مكتبه يرتدي نظاراته الشفافه ويمسك بقلم …
ـ دق باب مكتبه …
ـ مالك : اتفضل …
ـ دخل السكرتير …
ـ مالك : ازيك عامل اي ؟
ـ الحمد لله تمام يا استاذ مالك ….
ـ مالك : كنت محتاج حاجه ؟
ـ لا يا فندم خيرك سابق بس في بنت بره مصره أنها تقابلك بتقول اسمها لورا آدم …
ـ مالك : تمام دخلها …
ـ تمام يا فندم …
ـ خرج السكرتير …
ـ دق الباب ودخلت لورا …
ـ دخلت وجلست …
ـ لورا : هاي …
ـ نظر لها مالك بضيق
ـ مالك : انا قولت اقعدي ؟
ـ لورا : لا …
ـ مالك : طيب اتفضلي اقفي …
ـ لورا : بس انا مش طفله …
ـ مالك : وانا بقول اقفي واستئذني الاول ده من باب الذوق لو متعرفيش …
ـ ضغطت لورا علي يدها ووقفت …
ـ لورا : تسمحلي اقعد ؟
ـ مالك : اتفضلي …
ـ جلست لورا وهي غاضبه …
ـ مالك : هو انا كل شويه هلاقيكي هنا ؟
ـ لورا : بس انا جايه هنا في شغل …
ـ مالك : اتفضلي عايزه اي ؟
ـ لورا : انا كنت عايزه ازود التجاره الخاصه ب شركتي و هو انا عندي سؤال ممكن اسئله ؟
ـ مالك : لا …
ـ لورا : تمام ممكن اتكلم إنجلش عشان مش عارفه اتكلم كده …
ـ مالك : حضرتك منين ؟
ـ لورا : مصريه …
ـ مالك : طيب اتكلمي مصري …
ـ تأففت لورا وهي تقول في داخلها …
ـ لورا : ماشي يا مالك بمجرد ما يخلص الشغل ده هوريك مين انا
@@@@@@@@@@@@@@@@@@@@@@
عند ريان …
ـ كان ريان يجلس ورن علي زين …
ـ زين : اي يا ريان ؟
ـ ريان : تعالي يا زين محتاج أناقش معاك حاجه …
ـ زين : تمام نص ساعه واكون عندك …
ـ اغلق ريان الهاتف وجلس ينتظر زين …
بعد 20 دقيقه …
وصل زين ودخل …
ـ رأي ريان يجلس …
ـ اقترب زين وجلس أمامه …
ـ زين : اي يا ريان في حاجه …
ـ ريان : تعالي وديني عند رُسل …
ـ زين : بس يا ريان هي مش موجوده …
ـ ريان : مش مشكله شوفها فين ووديني عندها …
ـ زين : مينفعش يا ريان …
ـ ريان : اعمل زي ما بقولك …
ـ زين : مش هينفع …
ـ ريان : تمام انا هروح لوحدي حتي لو كانت فين …
ـ اتجه ريان لجة الباب
ـ زين : استني يا ريان …
ـ لم يجبه ريان وفتح الباب …
ـ صُدم عندما رأي ليله تقف أمامه …
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!