رواية عشقني فعشقت اخاه الفصل الثاني عشر 12 - بقلم غير معروف

رافد: والله تدرين مرات جنت اكول معقولة زوجت وراهة اكول والله لو تزوج عشرة وترجعلي هم اقبل اشارة منج اتنازل عن كلشي لج اني مدا اعرف شنو ديصير بيه
ارجوان: تدري اني جنت اريد ابجي على فراكك بس استحي ابجي كبال اهلي شلون ابجي على واحد ذلني جنت دائما مبتسمة وبس الله اليدري شبيه
رافد: لو ميت ولا ماذيج هلكد
ارجوان: اسم الله عليك اششش يلا نام هسة
رافد: اخاف انام ومن اكعد ما الكاج
ارجوان: لا تخاف ما اروح الا وانت كاعد هسة نام ضليت حاطة ايدي بشعره وافرك راسة لحد ما غفه يا ربي انت المعين البي خير قدمة
سامر: وره ما بجيت ونمت حلمت اني واكف بنص ضلمه واجاني طيف مثل الضوه اني ابجي سالني شبيك كتله محد يسمعني تعبت كلي لا اني اسمعك اني من تبجي اتاذه ومن تحجي اسمعك تعال يمي بغداد وراح الطيف
من كعدت سولفت حلمي لرجال ويانه كلي انت سيد مو كتله اي سيد موسوي كلي روح لجدك هو يحلها وصدك من اول نزلة نزلت رحت كبل ازور حتى لو اهلي شافوني شسوي
طبيت للضريح زرت الزيارة جانت خفيفة اني واصدقائي 2 نمت ساعتين وطلعنه من طلعنه شفت بنيه شايلة طفل بس شلون طفل تكول ملاك يكمز يريد اشيلة رف كلبي عليه رحت شلته بوسته يمه شلون حلو البنيه كالت هو شبيه الشي منجذب اليه وضلت تضحك صدوك ينطي شبه الي انطيت الموبايل لصديقي اخذلي صوره وياه حطيتهة وجهة موبايل كلسا اطلع الصورة اباوع واضحك
ارجوان: لازم ايدي ونام اجر ايدي ميهدهة
😒😒 ضليت اجر اخر شي ايست هذا متاثر بالمسلسلات ضليت حاطة ايدي على خدي من رخت ايده حطيت راسة ع المخدة وفلتت
رافد: من كعدت الصبح حسيت براحة مفتقدهة طول الايام الفاتت رحت للحمام غسلت من طلعت سمعت صوت نور يبجي رحت لغرفة ود دكيت الباب هذا شبي يبجي
ود: يريد واحد يشيله انت علمته ع الحضن اني عندي شغل وارجوان نايمه
رافد: روحي اني يمه ( صدوك جذب اذا اني ما اشيله منو يشيله 😂) حطيته بحضني وعيني عليهة بنت محمد خبلتني حطيت نور على صدري ونمت بصفهة وكعدنه على صياح علي اخوهة
ارجوان: فزيت ع صوت صياح لكيت رافد نايم يمي وابن اخو غافي على صدره
علي: لك يابه انت شنو من بشر شلون تاخذهة وتجيبهة لهنا
امير: لك خاف شايف نفسك لان ضابط مدري شنو تره ادوسك برجلي
رافد: تره تحملت هواي هذيج المره غلطتوا لان جنت فاصل من الدنيا محجيت شي بس كافي عاد جبتهة هنا لحد متستقر الاوضاع ومكدرت اجاوب لان جنت اسوق
ارجوان: ضجت من سمعت حجية ليش ميكلهم احبهة واريدهة بس البارحة كعدت دك اليتيمه هسة صار منتضر الاوضاع تهداء 😡
علي: جان انطيت خبر حجيت مو هيج لا هي زوجتك ولا تقربلك شي
امير: اضحك عليهم بهذا الحجي تره انت خوفك عليهة مو اكبر من خوفنه ولاتنسه يمنه مصار بيهة شي بس يمك راح اسكت لان اكيد تعرف قصدي
رافد: حجي امير يستفز تحملت هواي اخر شي جفت علية طلعت قهر الفات كله
ارجوان: من هجم رافد على امير ايست رافد طول وجسم واموري ناعم علي وابو يجرون بي هو كامش امير موته وامير هم يضرب بس ضربته مو مثل رافد رحت ادفع رافد حصلت ضربة  من امير وهذا رافد تخبل وابن سامر بس يصرخ من الصوت صرخت بعلو صوتي
ارجوان: ولكم كااااافي لا تحترمون ام لا اب عاد لخاطر هذا الطفل خبلتوا
رافد: كولي لاخوج تره هو داخل بيتي خل يحترم شويه
ارجوان: هو راح نطلع من بيتك طلعت بشارع بس كالعاده لا بجيت ولا حجيت صعدت بالسيارة طلعوا اخوتي رجعنه للبيت كلمن راح لغرفته امي كالت خل نبقه كم يوم هنا بقينه وره يومين اجت خالة ام رافد وود ما طلعت جانت نفسيتي تعبانه من طلعوا اجت امي و ورده مرت علاوي كالوا جاين يريد يرجعوج
ارجوان: اي وشنو يعني خلي ما ارجع صار شكد ناسيني توه تذكرني وبعدين شفتوا شلون ضرب امير لو يحبني جان سكت لخاطري
ام ارجوان: بكيفج بعد هم اجو لان يريد يتزوج يعني لو مو انتي البنات هواي
ارجوان: خلي يروح على الهواي لعد
ورده: عمه ليش هيج حجيتي انتي مو تريديها ترجعله
ام ارجوان بنتي واعرفهة تعاند لو احجي وياهة واتوسل هسة باجر هم اسالها تقبل بس لازم احجي ويه امير هذا لسانه مخبلني شلون هيج يكول للولد
امير: هااا هسة لساني طلع مخبلج
ام ارجوان: يمه هاي الي نايمه هي نفسهة ارجوان الجانت قبل كم سنه بس تضحك
امير: يي الصار وياهة مو قليل
ام ارجوان: يمه هي تحب رجلها خل ترجع
امير: رافد بس قهر خليها يمنهة اشرفلنه
علي: اني جنت اكول مثلك بس الواحد من يجرب الحب والغيرة يفهم على رافد اني من حبيت ورده لليوم ما اشوف بعيني
امير: بعد ما ادري اني معليه
ورده:😊😊
علي: شكو تتبسمين شنو توج تدرين احبج
ورده:😳😳
ام ارجوان: بس اني كتلهة هي مقبلت
علي: ورده روحي صبيلي جاي
ام ارجوان: شكد تشرب جاي
علي: ما اريد جاي بس ما اريد تسمع الحجي ذني اسرار دولة 😂😂 تقنيع ارجوان يمي بس انتي ساعديني
ام ارجوان: وشلون تقنعهة؟؟
علي: اضرب النساء بالنساء 😉
ارجوان: مرن يومين عادي مثل كل الايام العادية ثالث يوم
علي: حضروا روحكم يوم الخميس عقد رافد والولد عزمنه
ارجوان:😦😦😦 عقد رافد
علي: اي من رفضتي اني قنعته هو كبر شوكت يشوف جهالة اخذ بنيه زغيره مبطلة معدهة شي
ام ارجوان: يستاهل خطية هواي تعب بحياته
ورده: علي ملابسي كلهن بالبيت شلون
علي: اطلعج واشتري انتي وارجوان
ارجوان: علي انت تخبلت تريدني اروح لعقده
علي: شكو بيهة مو متردي لازم تبينيلة ميهمج حتى لو تزوج
ارجوان: ضليت ساكته مرت اربع ساعات بعد ما احس براسي وجع مو طبيعي اريد بس يشلوا من جسمي حتى لو اموت لان وجع فضيع موتني طلعت اخذ دوه من علي رحت لغرفته
علي: ها جوجو شبيج
ارجوان: علي حباب راسي مداشوف بعيني من وره الوجع
علي: ارجوان هاي شبي خشمج
ارجوان: حطيت ايدي على خشمي ايدي كلهة دم علي حباب لا تخلي يتزوج وكعت بعد محسيت
علي: لج شبيج يمه اخذت ارجوان للمستشفى وصدوك تندمت اني شسويت بيهة اذا هي تحبه ليش هلكد تكابر طلع الدكتور سالته شبيهة
الدكتور: ارتفاع بضغط الدم هسة نزل ضغطهة ساعتين وطلعوهة ولازم تبتعد عن الضغوط النفسية
علي: وره ساعتين طلعتهة بس ضلت نايمه
ارجوان: كعدت ثاني يوم احسن بس اكو وجع خفيف لبست اريد اروح يم رافد ما ادري شريد بس الاعرفة مستحيل يحضن ويغازل وينام غيري
رافد: نايم حسيت على واحد طاب بالفراش ويايه بسم الله هااا رافد تخبلت هاي العايزه شو انحضنت من ضهري يمكن ختمت القران بوقتهة درت وجهي ارجوااان
ارجوان: حباب لا تزوج جذب والله اريدك حتى مداليه الجنطة باسمك وصورك كلهن جوه المخدة وفانيلتك وجه المخده الي انام عليهة عطرك احط منه
رافد: حبيبي شبيج عيونج كلش حمر يا زواج منو كلج اريد اتزوج غيرج وبعدين اهلج ما ردولي خبر غير دزيت اهلي عليج
ارجوان: يعني انت ما خطبت ولا الخميس عقدك
رافد: يا خميس شبيج هو دزيت امي قبل يومين يعني منو راح ينطيني بنته بس اخطبهة غير يسالون عليه حتى لو خاطب بنت عمي هم يكلون خل نسال البنيه لو خل تفكر شبيج تخبلتي لو الغيره عمتج 😏😏
ارجوان: 😳😳😳 يلا راح اروح
رافد: وين موليه😡😡
ارجوان: مكلت لاهلي خاف يكعدون ميلكوني
رافد: تعاي بحضني خل انام نص ساعة كعديني اوصلج وعقدي الخميس تحضري
ارجوان: شنو 😡
رافد:اي غير نعقد لو ترجعين قبل العقد😉
ارجوان: ما ادري نام😳
رافد: عود خجلت هاي لو ما استغفرالله يا لساني كومي اوصلج لا ابتلي بيج