رواية عشقت طيفك الفصل الحادي عشر 11 - بقلم الحساب مغلق

- الشغل وطلعنا استاذ ممكن اطلع من وكت اليوم

- اساسا اني هم حروح للحلاق واودي بدلتي المكوي مو بس انتو عدكم تحضيرات غمزتلها

- ههههه اي والله اريد اتحضر

- رافد-تجين ويايه اوديج لبيتكم هسه ازدحام عالمايجيج الخط

- ها اي والله بس هالمره باوعته بطرف عيني

- عض شفته ابتسم اوكي

- رجعت وياه وعيونه مشالها عني

- شراح تلبسين

- خزرته ودرت وجهي

- اعتذر ههه دااشاقه

- بعد مجاوبت وصلت البيت لفيت شعري وحضرت فستان قصير ذهبي وحذاء كعب وشوي فتحه الصدر واسعه تبين جسمي كلش حلو

- كملنا اني ورولا وماما وطلعنا وصلنا مهنا وجان لابس قاط هناوي يخبل عليه

- فتنا بالعبي للبيت ابتسم وافد من شافني جان بعده منبدل ديرتبون الديجي والبارد يخلو يمهم بس الاكل بالمطبخ لان يبرد سلمنا وفتنا دخلت وي خاله ام ماجد ساعدناها بالشغل  صاح رافد تعالو بنات اخذو الباقي مال بارد كمزت جنت بعدني بالعباءه الخليجي ساعدته اني ورولا اخذنا الغراض بدو الناس يجون

- رافد- هلو ام مصطفى باوعتلها مرتبك خاف تشوفها

- هاله- شكو استاذ ليش هيج تباوع

- رافد- همست هاي مرت ماجد الله يرحمه هسه تزوجت

- هاله- كلبي راد يوكف باوعتها اتخيلتها ويا بحضنه ارتاحيت لهالتخيل ابتسمت

- رافد- هاله خو مبيج شي

- هاله- حركت حاجبي ابتسم لا الحمد لله كلللش زينه حروح اتحضر تريد شي

- رافد- يمه مو حاجب سيوف بداخلي اخذي راحتج كتلها وفاتت

- هاله- كملنا تحضيرات كلشي فتت وي بناتهم للغرفه الفوك ديمكيجون صارت هوسه عالمرايه وكفت على صفحه خجلانه عيب هو قابل بيتي وبعدين همه كرايبهم

- ام محمد- هاله روحي بالغرفه الثانيه تره منا لساعه ميخلصون واحتاجج ويايه

- هاله- خوش فتت امكيج خفيف كحله وشوي بياض وحمره خفيف توني داانزع الصايه سمعت ياالله بس بعيد وفات ولد للغرفه

- رافد- اي شسوي غير جنت ملتهي اي يوم انتي كلشي ميعجبج اي زين هسه البس وانزل انجب جوه

هاله- همزين منزعت خليت الحجاب دااطلع منتبهت عالغرفه مالمن عرفت مالته من دخل يتعارك طاعت امه وسد الباب رفع حاجبه شعدج هنااا

- هاله- اختك دزتني دااتمكيج ومكلتلي غرفتك

- رافد- حلو مكياجج هادي ابتسمت

- هاله- العفو مو قصدي افوت اترخص

طلعت وكلبي راد يوكف بله لو شايفني بدون صايه همزين

رافد- فدوه تخبل الله يحرسها بلكن تحبني عمي شبيه اخبل

لبست وطلعت هم صحت ياالله

وركضت كومه سبتني امي بقيت بالطرمه وجوي الناس وركص وهلاهل يبووووو

هاله- نزلت وعيون الناس عليه اني ورولا

ام محمد/ عيني بنات لحد تجي للمطبخ دنوزع فدوه الجهال لاجوه رجلينا ينصمطون  تره

تعاي هاله فدوه

هاله- اي خالتي جيت دخلت للمطبخ مبي احد بس اني وخاله وام ماجد ورولا انطي لرولا وتوزع وياها بنيه بت خالتهم يمكن هاي الكال عليها رافد هاجر اسمها مادري شون تباوعلي وام ماجد بس تبوس بيها وهي جنها جني بالمكياج

مدرت بال كمنا نوزع جيت يم ام محمد اخذ البارد صفطته بالصينيه

رافد- بس اني ادخل للمطبخ وكت العشا ماكو اي احد يدخل ميصير يشوف اختي المهم دخلت لكيت بنيه ناطيه ضهرها رجليها تخبل مبرومه ثوب قصير وشعر ملفلف مرتب دترتب بالببسي بالصينيه غلست مكلت ياالله ضليت اباوع عليها من ضهرها اندارت شافتني رادت توكع الصينيه هاي هاله حسيت والله ركضت

الله الله يمعوده شبيج تنهدت شطالعه وعيوني اكلتها فتحت صدرها شوي مبينه فدوه شكد وقيقه كمزت فاتت وعافت الصينيه بيدي دخلت وراها هاجر هيه غير تهاجر

تعاي هاله هاج الصينيه زين ملازم رحملله والديج مبي حيل ارتب البباسي بالصينيه خاخذها للولد ضحكت

هاجر- شونك رافد

رافد- هلو هاجر شونج وافلت للطرمه

هاله- والله بعد مااطلع هسه باجر شون حخلي عيني بعينه اخ يمه صخنت

كمل العرس وطلعنا بليل ومشفته همزين

بليل داانام تذكرت من كلي شطالعه وكلبي راد يطلع من مكانه ليش هيج دااحس هو هذا الحب

ثاني يوم رحت داومت للشركه والتقينا بالباب نصيت اخجل اخلي عيني بعينه

رافد- بليل مكدرت انام النوبه ناسيه مثل التاج بغرفتي وقلم مكياج كلسا اتذكر شكلها وصدرها ووجهها وحاجبها ورجلها كلشي بيها حلو كعدت متاخر ورحت لكيتها كاعده وي ريم وسوالف وضحك

رافد- صباح الخير

ريم- هلو استاذ

وافد- هلاو عالخير يابه رجع المال الى اصحابه اباوع لهاله منصيه

يله عيني تعاي عدي شغل نكمله

هاله كهوتي

هاله- بقيت منصيه صار همست

دخلت الكهوه وخليتها عالميز

رافد- ابتسم من اشوفها اتذكر شكلها البارحه

متباوعلي خجلانه

هاله-طلعت كعدت بمكتبي ابوًحمزه فات ومهندس الحفر وطارق كلهم واني كاعده اخر شي ضجت طلعت الرسم كعدت ارسم ماشوف روحي الا رسمته بالقاط جان طالع حلو كملت الرسمه باوعت عالساعه ب11

طلعت اكل كعدت اكل وكملت وره شوي طلعو تعبانين هلكانين سمعت صوت الاستاذ هاله تعاي

هاله- نعم استاذ احاول ماباوع بعينه

رافد- تعاي عفيه باعي الهوسه تعاي نرتبهن

هاله- اي جيت رافد اباوعلها وانطيها الاوراق

لشوكت حتضلين متباوعين بوجهي

هاله- نصيت خجلانه وجهي صخن

رافد- تنهدت تقربت منها طالعه تخبلين جنتي

هاله- بقيت منصيه واحس روحي حتطلع مني تقربلي اكثر واني منصيه  صار قريب مني

رافد-باوعيني اريد اشوف عيونج لزمت حنكها ورفعته على كيفي صارت عيني بعينها تنهدت وكلبي صار اسيرها

هاله- ردت ارجع ليوره ارتطمت بالميز تقرب مني

رافد- ليش تنهزمين مني

هاله- استاذ عفيه همست واني ذايبه مااعرف ليش هيج ديصير بيه احساس حلو خوف وكلبي يدك سريع على فرحه

وافد- انني عفيه انطيني مجال اتقرب منج همست معجب بيج كلش وجهي صار قريب عنها

هاله- استاذ فدوه خل اروح همست وبديت ارجف لزم ايدي

رافد- انتي خليتي بيها استاذ اني متت البارحه

هاله- نصيت دفعته الحمد لله قويت روحي وطلعت كعدت بمكتبي ايدي على كلبي شديصير بيه اني شديصير بيه ليش هيج داارجف

رافد- ليش هيج متحملت لو لازم روحي  اوف حركت مشاعري واحاسيسي

وره شوي طلعت

باوعتلها اذا تردين فوتي كملي اني حروح يم طارق

هاله- هزيت واسي منصيه ىبعده جسمي يرجف

رحت كملت كلشي وطلعت كعدت عالميز

رافد- طارق يسوولف واني بالي بغير مكان اريد اتقرب منها ليش مااطلبها لا اتاكد من حبها يله خاف بعدها تحب ماجد لا يابه الله يرحمك خويه ممكن اخذها اريدها حبيتها انعجنت بكلبي بس غير تقبل

رجعت لمكتبي جانت كاعده بالمكتب مالتها ترسم اجيت على كيفي ترسم مبتسمه شفت راسمتني طار كلبي جريت القلم من ايدها فزت كتبت رقمي واباوع بالدفتر مباوعتلها كتبته على رسمتي نصت خجلانه

رافد- اريد احاجيج همست بالتلفون مراح تخجلين تنهدت هاله

هاله- رفعت راسي باوعت بعينه

رافد- هاي اني مو

هاله- هزيت واسي اي ابتسم وفات للغرفه شمرت القلم وكرهت روحي شكد عيب ولطلطه

شون ضجت باوعت الساعه 1

كمت اتصلت بالخط ورجعت

رافد- طلعت ملكيتها انهزمت

هاله- وصلت للبيت جان كاعد مثنى وماما وبابا جان ديحاجيهم على ريم يريد يخطبها فرحت كلش ريم بكد ماهي سبورت بكدما على نيتها ووحيده خطيه اهلي وافقو بقه هي لازم تتحجب شرط مثنى

محمد- يوم يصير واحد هسه يتزوج

ام محمد/ جنك كمت تغار من اختك

محمد/ لا هيج اسال بس

ام محمد- كمل كليه وتتدلل

محمد- الله يسهل

مثنى صار يحجي وي ريم وقنعها تتحجب

بليل ردت انام اباوع على رقمه اخابره لا ماريد

رافد- التلفون بيدي وياهو الي يدك افز عبالي هي تالي متصلت نمت واني ضايج ثاني يوم من شفتها مباوعت عليها ولا سلمت

هاله- اهو زعل شسويله بس ماريد يزعل لا ماريد اخابر اعوفه هو وحده يفك

رافد- كلش ضايج منها ومعصب مسلمت عليها وفتت للغرفه وره شوي فاتت ريم بالحجاب

لالالا مدااصدك لج يول هيج احلى

ريم- حكم الاحبه اوف كلبي لو مبيوكه من زمان

هاله- مبروك حبيبتي والله احلى جنه باعي شون لبسج

ريم- سكتي مقبلت واجه عليه قبل ليطلع للواجب

وكلي انتي عاجبتني وماالكه مثل بياض نيتج وخله على راسي حجاب وكلي هيج هواي احله واشترالي هذا الكوت يمه فدوه لااللله بعد ماانزع الحجاب حتى من انام

هاله- هههههه شون اثنين تصنيف الله يهنيكم حتغيرون جو البيت كله

ريم/ انشاء الله الاسبوع اليجي من ينزل يطلبني

هاله- الله يتممها على خير جنت فرحانه كلش بيهم واباوع لرافد عصبي وخازرني واني مدايره بال اضحك راحت ريم

رافد-اريد كهوتي اذا مو ازعاج

هاله- صار استاذ

رافد- تعاي ليش تستفزيني خزرتها نترت بيها ليش

هاله- شون ليش شسويت  باوعتله متعجبه جان شكله يخوف

رافد- انتي وحده حتى احساس ماعدج

هاله- ليش همست باوعتله جان قاطب حاجبه

رافد- متعرفين ليش يعني

هاله- لان مخابرت

رافد - اييييي صيحت ليش هيج شنو معاجبج

وكفت تقربت منها شبيه مااعجب مابيه شبه من ماجد كلتها واندمت اني هيج من اعصب اكوم اجفص بالبطن

هاله- من كللي هيج عفته وطلعت

رافد- تعاي هاله هاله اهووو مو داصيحج جريتها قوي

هاله- اخ هاي شنو دوخرر صيحت

عوف ايدي جرني للمكتب وسد الباب

رافد- تنهدت اسف اسف بعصبيه كلتها

هاله- شتريد مني همست وعيني دمعت ضجت من تصرفاته وضغطه عليه

رافد- رايد تحبيني

هاله_ زين هي بالكوه خليني براحتي

رافد- شكلي ميعجبج تصرفاتي متعجبج ليش كارهتني قطبت حاجبي عصرت ايدها كلتها بعصبيه

هاله- منو كلك كارهتك همست

رافد- رخه جسمي وهدات من كالت هيج تنهدت معجب بيج كلش دااحبج اريد تحبيني

هاله- هزيت واسي ونصيت طيني مجال شوي

رافد- ميخالف انطيج مجال بس لتفكرين بغيري

هاله- هزيت راسي بقيت منصيه عاف ايدي متنهد

رافد- اذا تريدين روحي همست

هاله- اترخص همست طلعت دايخه من تصرفه المشكله اني هم صار عدي مشاعر بس هو اذا رادني يجي يخطبني