رواية عشقت طيفك الفصل الرابع 4 - بقلم الحساب مغلق

بارت 4

هم راح ارجع  رجعت ضميت دفتر الرسم

كمت رتبت الاضبارات

رافد- طلعت من الغرفه

اا هاله ممكن فنجان كهوه

هاله- صار استاذ بجمود

سويتله الكهوه ووديتها دكيت الباب

ودخلت استاذ كهوتك

رافد- ممنون باوعت عليها مبتسم ماكو هيج بومه ولا تضحك

هاله- تريد مني شي بعد

رافد- والله البارحه تكومت اضبارات البصره ياريت لو ترتبيها بسري للغايه

هاله- يعني بالمكتبه

رافد- لا هنا مو داكولج سري للغايه

هاله- صار استاذ

رافد- كامت ترتب واني اباوع عليها صدك جسمها مرتب مثل مكال طارق

ترتب بهدوء ونضافه ممنتبه عليها اني اي اضباره تلزمها تمسحها يله ترجعها ومعافت الاضبارات صار ساعتين ترتب

ريم- صباحو رافد

رافد- هلو ريم

ريم - صباح القرنفل هاله شنو هالاحمر اليخبل هاي الشال اكيد من الحب

هاله- هلو ريم صباح النور لا والله من اخويه باوعتها بجمود مو مال شقه كدام المدير اخجل والنوبه رجال كلتها بداخلي

رافد- منو مهنا باوعتها ابتسم

هاله- انداريت ااي استاذ ورجعت كملت شغلي همه ضلو يسولفون ويشتغلون وتواقيع وناس طابه وناس طالعه واني دايره وجهي عالمكتبه لحد ماكملتها طولت ساعتين

هاله- كملت استاذ محتاج شي بعد

رافد- اا لا تسلمين تعبتج

هاله- هذا شغلي اترخص

رافد- بس هاله

هاله- نعم استاذ

رافد- اذا ممكن اريد نومي بصره انسطرت

هاله- اي استاذ صار رحت سويتله ووديته جانت ريم وطارق ومهندس الحفر  يمه

قدمته للمدير

طارق- يابه واحنا مالنا جاي نومي بصره

هاله- لا العفو دقيقه ويكون جاهز انت هم تريد استاذ

المهندس- اا اي والله  من طلعت كتلهم تخبل هاي منين ولكم

طارق- هاي ترتيب المكتب عيني توصيه من الوالده مال مدير

المهندس-ولكم خل ترتب حياتي هاي

طارق- التش حاجه انا باوعت لرافد نفس الحجايه حجيتها اني

ريم- اني من اول مره شفتها حبيتها

هاله- طلعت سويت بسرعه ورجعت للغرفه مال مدير قدمتها

طارق-اي والله ممنون

المهندس-تسلمين ياورده

ريم-شكرا هاله فدوه لكلبج

هاله- هذا شغلي استاذ محتاج شي بعد

رافد - لا شكرا وعيني عالا وراق الكدامي

هاله- كعدت بعد ساعتين ونص معاناه وتعب اااخ حلو التعب احسن من ما كاعده بالبيت طلعت رسماتي وكعدت ارسم بالدفتر اباوع عالساعه ساعه 11

شو جعت طلعت لفه خميره مسويتها واخذها ويايه للشغل من اجوع اكل

ضميت الرسم وكعدت اكل خليت قطعتين كدامي عالكنينسه

رافد- كملنا شغل وراحو الشباب كملت شغلي طلعت اخذ فره عالموضفين مينعافون

شفت هاله دتاكل مااعرف شنو بس شكله يشهي

ها دتاكلين لااراديا باوعت عاللي بيدها وعالكنينس ابتسم ودرت وجهي

هاله- وكفت العفو استاذ ااي تفضل

رافد- االا شكرا هو شنو هذا موالج

هاله- ااا هيج شي لفه خميره بالجبن وخضره وزيتون عدي بعد بالحافضه اذا تريد اخليلك وي الجاي

رافد- لا تسلمين ماريد اكلفج

هاله- راح بس خجلت لان باوع وماانطي رحت صبيت حاي وخليله وحده بماعون صغير وخليتها بصينيه من رجع فوتتها اله تفضل استاذ

رافد- ابتسمت باوعتلها لا يابه ليش هالتكلفه ممنون هاي شغل ايدج

هاله- سكتت مجاوبته محتاج شي استاذ

رافد- لا والله تسلمين

هاله- هذا شغلي اترخض

رافد- غير فدشي الطعم همزين جنت دااجوع

هاله/ كمت افتريت بالحديقه ورجعت ضليت اكلب بالتلفون طلعت صورته ماجد اطلع من كلبي تره دااحس روحي مخبله مخبله اطلع روح للجنه حباب فدوه لطولك

طلعت الدفتر رجعت ارسم رسمت نفسي داارتب ولابسه الاحمر ورسمت الهوسه الجانت ومن رتبتها شون صارت رفعت واسي صارت ب-12ونص طلع الاستاذ من الغرفه وكفت دااسد الدفتر ارتبكت وكع يمه

وافد- خرب ههههه انتي مصيبه مال توكع

شفت رسمها يجنن هاي شنو رسمج ح---

هاله- لالالا استاذ لتشوف العفو بس انطيني

رافد- هاي شبيج بس داا--

هاله- لالا مااقبل اخذته من ايده ورجعته ودرت وجهي جسمي كله ضل يرجف

رافد- كبر شكد حقنه بداخلي باوعتلها صفح عفتها ورحت ليش متقبل احد يتفرج يجوز راسنه روحها بطريقه اباحيه صار عدي فضول اشوفه اووي شعدي سوالف عايف شغل الشركه وافكر شدترسم طبها طوب رحت للارشيف

هاله- يابه رجفت رجفه اخت الجدب جان رحت بالزلك بعد مااطلع الرسم الا اتاكد هو موموجود يله ارسم يمه كلبي

صارت ب1ونص الموضفين كلهم طلعوا انصلت بالخط اني ابد مطالعه ببحدي لو اخوتي لو ماما لو بابا اخاف وكلشي مااندل

ابو الخط كلي هسه جاي

رافد- هاله همزين مطلعتي تره الارشيف مكلوب محتاجج هناك خابري اهلج كوليلهم شوي حتاخر

هاله- ااا اي استاذ هسه اتصل بالخط مغلق

خابرت ماما كتلها تره حتاخر والخط مدام مغلق معناها يتاخر

رحت للارشيف وكعدنا نرتب جان موجود عمو ابو حمزه والمدير ينطوني الاضبارات وارتب حسب التاريخ رتبتهمن ومسحتهن ولملمت الاوراق وذبيتهن بجيس الازبال وكتبت عليه نفايات جان نازع سترته باقي بالقميص والرباط وجهه كله تراب ووجهي هم كملنا واني انخرطت من الجوع

باوعت عالساعه ب3وربع

رافد- ها تاخرتي مو شسوي هذا شغلنا متعب

هاله- لا استاذ عادي انصلت بابو الخط مغلق

رافد- ها يجون عليج لو اوصلج بداخلي سوت الحركات اللي تريد واحد يوصلها بس خاف تتعلم كل يوم تعال ودي ورجع اني اضوج

ها حيجون

هاله- اا هسه دااخاير ابو الخط

رافد- اذا تردين اوصلج  بس بس هالمره ها ابتسمت

هاله- ضجت مسمحتلي كرامتي

لا استاذ ممنونه اني هسه يجي ابو الخط وارجع

رافد- ها براحتج

هاله- طلع كدامي وبقيت الوب بلاب الشركه اخابره مغلق انصلت بمثنى بالواجب ميرد وكفت تكسي خطيه بابا يجي شسوي لازم اعتمد على روحي صارت ب4واني صعدت السياره مال تكسي

دليته كوه اندل والمشكله مشايله فلوس كلت يوصلني للباب 

وانطي

مهنا- يمه وينها هاله ساعه 4ونص وتوني شفت المدير ديتكشى وي جهال اخو المرحوم

ام مثنى- يا صدك تحجي هل اروح اسال ادك عليها مغلق والنوبه مشايله فلوس

دكيت بابهم

رافد- اهلا خاله تفضلي

ام مثنى- يمه اني ام هاله انت رافد

رافد- اي خاله تفضلي

ام مثنى- يمه شو هاله مجتي بعدها

رافد- اني قبل ساعه رجعت وهي كالت الخط بجيني

ام مثنى- ها المشكله  مطالعه ولا تعرف ومشايله حتى فلوس تكسي تكول مااحتاج

رافد- لاخاله كولي غيرها طلعت للسارع ابوها واخوها كلمن بيده موبايل ويخابرون من منضرهم مبين بتهم مطالعه وطابه بس وياهم

ضل بالي عليها هسه لو جايبها ويايه

وكفت تكسي بالباب راحت امها ركض نزلت هاله من السياره ابوها مبين ديرزلها نطه فلوس التكسي واخوها يحجي وفات شكله زعل ضليت اباوع عليهم نصت البنيه وفاتت

هاله- بابا هذا الحقير غلقه

ابويه- باباتي اتصلت بي يكول ساعه واكف انتضر جوه وخلص شحني وطفه تلفون

هاله- هسه يله تصير هيج شغلات الحمد لاه عدت سليمه ماما ميته جوع فدوه

اي يله تعاي اكلي

مهنا-وين رولا

هاله- مهنا خلينا كاعدين لتضل تتداهر وياها

مهنا- جبتلها هديه شبيج

هاله- فدوه لحنانك

رولا رولا

تعاي مهنا جايبلج هديه

رولا- صدك شنو طيني

مهنا- اول بوسيني من ايدي

رولا- شهالمذله

مهنا- ماكو هديه لعد

رولا- تعال عمي بسته من ايده وخله يم وجهي مردانه كذابيه كمت اصيح واكمز من خوفي والبيت كام يضحك عليه

مهنالا انت اخويه ولا اعرفك بعد

هاله- كملنا غده ىرجعت لغرفتي احس نفسي شلته من بالي لماجد ملتهيه حيل بشغلي مرتاحه حيل