ركض سويت الصينيه وديتها الها تفضل استاذ
رافد- شكرا دنتعبج والله
هاله- تعبك راحه
رافد/ هه صدوك باوعت بعينها
هاله- اا يعني قصدي هذا شغلي من وخصتك
طلعت خرب خرب اني من بابا يكولي تعبتج اكوله تعبك راحه مو لهذا استغفر الله هسه عباله داازحفله رجعت طلعت الرسم دققت اكثر رسم مثنى صار يخبل عبالك صورته
باوعت الساعه ب1اخيرا حطلع تعبت اريد اناام
كلهم ديطلعون لا خل انتضر للوحده ونص
رافد- طلعت باوعتلها ها هاله متطلعين
هاله- اايداستاذ مو كلت خاف تحتاج شي
رافد- يمعوده هي السكرتيره طفرت يله حنطلع
طلعت صعدت السياره فتت من يمها اوصلج
هاله- لا العفو هياته الخط اجه
رجعت للبيت وصلت نزلت هو فات من يمي دك هورن مبتسم اشرت سلمت عليه وفتت
يووم يووم
هاها يمه شبيج فززتيني
شكو رحتي لبيت ام ماجد البارحه
مو ضل بالي تاخرتي كومه
بعد لو تشوفيني لليل مجيت متروحين اضووج
ميخالف صار ماحرجج وي مديرج شونج بالشغل
زينه اني جعت كلش مثنى شوكت يجي اشتاقيتله
باجر يجي
صدوك ايدالحمد لله
طبيت للغرفه رولا كاعد تدرس ها رولا شونج
رولا- هلو هاله عفيه داانتضرج تعاي شرحيلي هذا الموضوع فيزيا دمرني
هاله- جيبي تعاي كعدنا نقره بالساعتين بس الحمد لله انضبط رولا صف ثالث وشطوره بلكن تطله معدل حكومي وتداوم وين الله مو مثلي هسه الله كريم بعد وكت لهالحجي وراها تمددت انام احس روحي تعبانه كلش
بس وذن صليت ونمت
رولا- محمد حباب كلش استغفر الله اني بياحال عدي امتحان فيزياء باجر
مهنا- رولا رولاا
رولا- ها مهنا جيت ها شون صرت
مهنا- الحمد لله احسن اكولج تكوين قميصي خطيه هاله نايمه
رولا- اي عادي جيبه
مهنا- صدك لالا ممعقوله منين جايبه هالطيبه حضي خاف تحركي
رولا- خليها ببالك اولا مقهوره عليك لانك مالك خلك ثانيا لان مقهوره على اختك نايمه افتهمت
مهنا- هاااا يله ميهم دهاج
رولا- ماريد وخر عني
مهنا- لا والله باعي شنو
رولا- الله نستله بداعت امي خو مبيها سم لو جريدي لوًمردانه يعني مهنا هاي راح اكلها يعني احتمال اموت مو شقه
مهنا- لج مطيييي مغلفه باعيها باعيهاااا
رولا- كمت اخاف منك والنبي
شكرا عاشت ايدك والله اني احبك بس انت مخبلتي بخبالاتك
مهنا- يعني عليمن اضحك لعد اشاقه وياج
رولا- هههه يله ميخالف
بلبا- هاله وين
رولا- نامت بابا تعبانه تريد شي اسوي
بابا- لا بس داشوف شونه شغلها شدسوي مدسوي
رولا- باجر من تجي استلمها
ثاني يوم الصبح
هاله- كعدت الصبح مشطت وبدلت وخليت كحل بطن عيني وطلعت الحمد الله لاول مره مااحلم بماجد الحمد لله فارقت احلامي انشاء الله تفارق اخر جزء من خيالي وكلبي يارب
رولا- باي هاله
هاله- بيباي وشفت فات من يمي المدير مدرت بال وهو مدك هورن
وصلت للشركه بعد عناء ساعه ازدحام
دخلت وكعدت اخذ نفس
رافد- دخلت للمكتب صباح الخير هاله
هاله- كمت صباح النور استاذ دقيقه وكهوتك تكون جاهزه
رافد-اا والله بعدني منتريك هسه تجي ريم ووصي على ريوك
تريكتي انتي
هاله- اني اااأأهسه دااتريك بلفه الخميره وجاي ملحكت
رافد- اي الجو اضلم واحد يبقى نايم عباله بعد مطالع الشمس باوعتلها اذا تردين تعاي ويانا اني وابو حمزه وطارق وانتي وريم
هاله- لا شكرا استاذ بالعافيه
رافد- براحتج اذا شفتي ابو حمزه دزيالي
هاله- صار استاذ
كعدت توني داامد ايدي اكل
ريم- هاله هاله كومي لتاكلين تعاي ويانا
هاله- لا هاي دااتريك
ريم- كومي اني حاخذ ماعونج وافوت كوميي
هاله- لج ماريد اهوو ماريد والله
ريم- بس هالمره لخاطري مو عاجبني لفه خميرتج كالو طيبه
هاله- هاج كدامج بس اني مااجي
ريم- اني هم ماريد
هاله- يله اجيت اووف شكد تلحين
اجه ابو حمزه ودخل ويانا لغرفه المدير
رافد- ها يابه وين المخلمه باوعت لهاله هاي هاله هم جابت ماعونها وجتي شعجب قنعتي
ريم- شتعرفني من الح
رافد- انتي حتكليلي اعرفج يله يابه تره موتتونا جوع
طارق- بس لا بديتو من غيري هلو هاي هاله هنااا
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!