رواية عشقت طيفك الفصل الثاني 2 - بقلم الحساب مغلق

هواي يله قبلت المشكله جنت عايشه وياه بكل لحضه افكر بيه ومرتاحه بهالشي دائما صافنه وافكر بي شي اشبه للواقع كمت كل يوم تقريبا احلم بي وارسم اللي حلمت بي وره تقريبا شهرين من روحتنه للنجف جتي امي من السوك
هاله هاله
يا امي
يمه سوو زياره للامام الهادي والعسكري بسامره تجين
اي يمه طلعا اجي ماعدي شي كاعده
الله يوفقج ويدزلج ابن الحلال يطلعج من الملل الكاعده بي
شكرا يوم ادعيلي بلكن اتوضف  ولو بروضه
انشاء الله يمه 
منو حيروح
الطرف كله كالعاده
خوش
لعد منروح نزور النجف
لا يمه ذيج المره رحنا
ماشي يمه اني فايته اصلي
جنت كل يومين اهديله جزء من القران الكريم حبيته بداخلي صار صديقي الوهمي وحبيبي هم
انجمعنا ثاني يوم وصعدنا الكوستر وكعدت وجتي ام ماجد فدوه شكد حبيتها الطريق كله مشلت عيني من عليها تخيلته شون جان يكعد ويحجي وياها وتخيلته شون جان يحبها امي كعدت يمها واني كعدت ليوره يم الشباك اسبح واقره قران وصلنا وجتي امي يمي زرنا وكملنا ورجعنا بدون متعرف طكيتلها صوره لام ماجد وصلنا للبيت وكعدت ارسمها ويا رسمته حاضنها
وديبوسها من راسها جنت مااخلي اي احد يشوف رسماتي
مهنا- هاله حبيبي اكويلي قميصي
هاله- اي بعيني هسه
امي- يمه حجيتلج وي ام ماجد تحاجي ابنها يوضفج بالشركه مالته بلكن يدبرلج شغله
هاله- ششتغل يوم اني كلشي مااعرف
ابويه- ميخالف يابه حتى لو تسجلين اسماء احسنلج من كعده البيت الممله
رولا- الله عليج هاله اول راتب عزميني بالمطعم
هاله- لج دخل اتوضف والله ربع الراتب الج
رولا- يا الله
مهنا- واخوج ماله شي
مثنى- السلام عليكم
امي- هله يمه خله بوليدي
مثنى- هله بيج يوم هاله صبيلي ميت جوع
هاله- اي هسه بعيني هاك مهنا قمصيك
مهنا- شكرا يوم اني طالع ولتقفلون الباب بليل خاف اتاخر
مثنى- مهنا الوضع زفت هسه نطونه اخباريه سياره مفخخه بحي العامل لحد هسه ملاكيها
مهنا- اني هنا كاعد وي الولد بالفرع بالحديقه مال بيت ام جمال
مثنى- خوش روح الله وياك شايل فلوس
مهنا- اي طاني ابويه متقصر ابتسمت طلعت يم الولد
هاله- صبيت الاكل لمثنى تعال صبيتلك
مثنى- تسلمين البارحه طبيت عليكم للغرفه شفتج ترسمين هواي هالايام اشوفج ترسمين ولا مره شوفتيلي رسماتج
هاله- صفنت فتحت عيني كولها لالا ماريد
مثنى- ليش اني كلش احب الرسم خلي اتفرج
هاله- لالا عفيه ماريد
مثنى- شدترسمين خنزرت عليها
هاله- اشخاص عاديين بس ماريد اي احد يتدخل برسماتي ولحد يسالني عنها
مثنى- ووجع شكو تصيحين امشي ولي يطبج طوب فوك ماشجعج صدك البنيه متنطي عين امشي فوتي جوه
هاله- هسه هم شالهم دخل ذيج كتلت روحها تريد تتفرج وهذا اللخ شكد يتدخلون
طبيت للغرفه كملت رسم اليوم شفته بالحلم يبوسني من راسي بلبس عسكري كعدت حيل مرتاحه ورسمت هالشي صارت الرسمه تجنن وره اسبوع من هالشي واني مستمره كل يىومين اقراله جزء من القران الكريم  واشوفه يكطع وردة وينطياني ويكولي احبج بحلمي كعدت طايره جانت مواصفاته هاديء ويسامحني من اغلط واذا صيحت عليه يبتسم ويغفرلي ميشيل بكلبه
وابد موعصبي بس يتبسم اني كلش احب الحديه بوجهه بس هو بخيالي وحلمي مو جدي يسولف ويضحك قطع تفكيري وهيامي صوت امي
لج هاله هاله
نعم امي
لج يمه تعاي ابشرج
شكو
يمه ابن ام ماجد قبل تشتغلين كال تتفضل للشركه نشوفلها شغله
صفنت فتحت عيني صدك يمه
اي والله يمه هسه لاكيتها وكلتلي كتله وكالت يكول خلي تتفضل يمنا باجر
يمه كلشي ماعدي  هدوم
يمه هسه يجي مثنى وياخذج يشتريلج
ماريد ماحاجي اني
اهووووو شكد نحسه
اي يوووم
تعاي بابا تعاي بدلي واخذج واشتريلج
الله يخليك النا يارب بسته من رسه وركضت ابدل وطلعت اشتريت سترتين وبنطرون وتنوره وبديات 2 وشالات جنت طايره
ثاني يوم بدلت
مثنى- يله هاله امشي ولو ماحاجيج
هاله- ماريد احد يشوفها وماريد تزعل مني
مثنى- براحتج بس طريقتج ابد موحلوه تره
هاله- اعتذر
مثنى- ماشي سامحتج يله تاخرت عالدوام طيني الورقه داانطيها لبو التكسي يدلينا عالعنوان
استاذي يم التفاح الاخضر كبل شركه الرافد الازرق
اي هنا رحمله والديك
نزلنا اني ومثنى جنت متحمسه وروح ماجد ويايه دخلت الشركه احاجي بكلبي جيت بشركه اخوك حبيبي مااعرف ليش ربي ديقربني من عائلتك
مثنى- السلام عليكم بس كولي للمدير هاله كاضم محمد جوارينكم
الرسيبشن- اي نعم مبلغيني تفضلي ويايه اشوفج شغلج
مثنى- هاله اني رايح والضهر يجي عليج الخط بعد شوفي الشغل اذا معجبج الاختلاط بالشباب هوايه وبنفس مكانج الغي كلشي وكعدي احنا مميتين جوع اني علمود تضييع وكت بس حتى متملين
هاله- شكرا مثنى الله ليحرمنا منك دخلت وي البنيه  ودتني لمكان العمل ترتيب مكتبي عملي يعني ترتيب اضبارات حسب تاريخ صدورها هي شركه نفط وابار النفط دلتني علو مكتبي اكعد بي
هاي مكتبج تكونين قريبه على ابو البريد والمدير حتى من يريد المدير منج شي راسن ترحين وتوديها لابو البريد
هاله- حاضر فهمت
يله شوفي شغلج هاي الاصلارات متكدسه صارلها شهر ممرتبه رتبيها عالتاريخ
هاله- اول شي اخذت وصله ومسحت التراب لان عدي حساسيه اكوم اعطس غرفه المدير كدامي اني غرفتي صغيره كلش السكرتير بصف غرفه المدير واني بصف السكرتير يعني المدير يطلع من غرفته لغرفه السكرتير لغرفتي يله يطلع عالممر المودي الى بره الشركه
كعدت ارتب وامسح مبتسمه واحس روحي فرحانه كلش السلام عليكم
صوت اجش ورايه فزيت
عليكم السلام انداريت وكعت الاضبارات كلها ماجد همست بداخلي ماجد بس جان لابس قاط مو عسكري احاجي بداخلي ماجد هاي انت جاوبني
هاي شبيج هاي من اولها استغفر الله يمعوده هاي بيها بلاوي
البريد- عفوا استاذ اني المها عوفها البنيه جديده هالعمل
هاله- جنت واكفه بس صافنه عليها وكف عقلي واحس الدم اللي بحسمي نشف
المدير-تفضلي ويايه للغرفه مال الاداره خزرني
هاله-بقيت صافنه وصار عدي دوخه تطابق هيال وواقع فززني صوت ابو البريد
بنتي روحي تره هسه تنطردين روحي اعتذري روحي الواحد كوه يلكاله شغله
هاله- اي هسه عدلت هدومي وفتت للاداره جان كاعد يوقع دكيت الباب
المدير- تفضل
هاله- فتت احاول ماباوع عليه
المدير- تفضلي كعدي
هاله- كعدت وجنت منصيه هيج نسخه منك اخوك خلاني ارتبك هيج تسوي بيه
المدير- اسمج هاله كاضم محمد جواد
هاله- اححم اي نعم همست
المدير- اني مديرج بالعمل شكد عمرج
هاله- ماباوع من احاجيه ولا يباوع هو  اااني عشرين سنه
المدير- باعي تره اني لخاطر امي لحت عليه توضفج واله جان موضفت وحده خريجه سادس
هاله- همست شكرا
المدير- مرايد شكرج رايدج تنتبهين على شغلج اىل شهر ماكو واتب تجريبي واي شي تره اطلعج
هاله- اي همست
المدير- تفضلي روحي على شغلج وكولي لياسمين تجيب الكهوه
هاله- همست اي قريت اسمه رافد مجيد وطلعت
السلام عليكم الكاتبه رادت تسوي تغيير مو اله الولد يبدي اولا هالمره النساء اولا تحيه لمريم السعدي
اني رافد خريج كليه النفط درست بالسويد استخراج النفط وحفر الابار بعد السقوط كم سنه رجعت وفتحت هاي الشركه خصوصا بعد استشهاد اخويه مبقه لامي غيري واخويه صف سادس علمي اني صاحب علاقات من جنت بالخارج مااامن بالحب ابد عمري 27سنه هذا
اولوياتي صراحه طبيعتي قاسي جدا عاللي شفته من الناس والدي توفى عمري 15سنه ومخليت شغله مشتغلتها حتى علاليك بعت لحدما طلع ورث امي واستقريت ببيت واشتريت ثاني اجرنا ىمحلات 2اجرناهم نعيش منها وكدرت اطلع اسافربعد السقوط وهسه رجعت
البارحه امي كابلتني وتتوسل اكولي وضف بيت جيراننا واني ماوضف ياهو الجان الا عده شهاده جامعه نفط بس لخاطر امي ومن كد ملحت خليتها عالترتيب الاضبارات ميرادله معلوميه بس البنيه مبينه غبيه بشكل واذا بقت هيج اطردها هي مال حق جيره اريد اشتغل ماريد احد يشوشني وهي مبينه عليها اطرم بس صافنه عدي خوات 3ومتزوجات ووحده منهم بالسويد يمي جانت نداوم اني وزوجها جنا نفس الجامعه
هاله - عفيه وينها ياسمين المدير يريد كهووه
ابو حمزه ابو البريد
اووو هاي اليوم ممداومه عدها وفاة انتي دسوين
هاله- داارتب الاضبارات
ابوحمزه- بنتي سويله كهوه اني ماسويها طيبه بس هالمره الفراشه ممداومه 3ايام اجازه
هاله- اي عمو بعيني
وين اسويها
هذا هذا المطبخ
رحت سويت الكهوه وكلاص مي من البراد وخليتها بالصينيه
رحت اوديها اله
دكيت الباب
تفضل
دخلت خليت الكهوه علكيفي احاول ماباوع عليه
رافد- اني كتلج كولي لياسمين شكو جبتيها انتي باعي تنهدت وماباوع عليها اني متعلم ترتيب وكلمن يلزم عمله رجاءا لتدخلين بعمل غيرج تنهدت روحي
هاله- طلعت مجاوبته ورجعت لشغلي منطاني مجال احاجي واكوله ليش جايبه اني الكهوه التهيت بشغلي ونسيت كلشي حتى ماجد رتبت الاضبارات اخذت مني 3ساعات هلكت بالنسبه لشكلي اني شكلي مقبول وجهي مدور وبشرتي برونزيه عيوني كبار ورموشي كثيفه حييل وحاجبي عريض مرفوع خشمي وحلكي صغار اني اشوف نفسي حلوه مو غرور بس احب النعمه النطانياها ربي شعري اداري اربع وعشرين ساعه دهونات حتى يطول لان احب الشعر مال هنود هو هسه طوله زين بس دااداري بعد حتى يطول طولي حلو مناسب وجسمي كلش حلو كملت شغلي كعدت انفرج عالاضبارات دخلت السكرتيره للغرفه
هلاوو
اهلا وكفت اهلا بيج كلش حلوه لبسها فري سبورت وشعر وهاي كلك حركات
انتي ياسمين
لالا عزه اني السكرتيره ريم انتي منو
اااني هاله ترتيب المكتب
اهلا بيج يله اترخص عدي شغل
هاا ريم جيتي وين صرتي متاخره ساعه ساعه ريم ميصير هيج
اسفه استاذ رافد والله ازدحام
مومشكتي اني  طالع من ال7من حيدالعامل وصلت قبل ساعه
باوعت لهاله اللي نصت من دخلت يمكن معقده
رافد- ياسمين وين
ابوحمزه- العفو استاذ ياسمين مجازه 3ايام عدها حاله وفاه
رافد- باوعت لهاله قطبت حاجبي رزلتها ومكالتلي غايبه وطلعت
هاله من يدخل ابد ماباوعله لان صرت بصراع بين الواقع والخيال
رافد- لعد هالفتره هاله تسوي الكهوه اذا ممكن
هاله- من غير ماباوعله اي استاذ همست
رافد-دخلت للغرفه وريم ويايه وبدينا نشتغل جان متكدس العمل
ريم- متت جوع ساعه 1شوكت ناوي تطلع
رافد- امشي روحي بعدين اروح اني الله وياج
ريم _باي لعد
هاله- بقيت انتضر تصير ب2 لان كلي ابو حمزه ب2يكمل دوامي بس الموضفين طلعو كلهم طلعت الرسم وكعدت ارسم
رافد- طلعت ولكيت هاله بعدها كاعده تكتب
ها بعدج مطالعه باوعت للساعه وحده ونصد
باوعتلها ضمن الغراض وكامت وكفت هاي بس لا تريد اوصلها على ابو احنا نفس الفرع
هاله- اي استاذ هسه ابو حمزه كال ب2يكمل الدوام باوعتله بعينه قاطب حاجبه
رافد- لالا بالوحده ومن يصير لود انطيكم انذار اخذي راحتج مضل احد بالشركه
هاله- مع السلامه استاذ لزمت تليفوني انصلت بالخط
كلي شوي واجي طلعت انتضر بره احس روحي اليوم هواي عفت ماجد لان التهيت بشغلي واحس روحي ضايجه منه لان مكلي اخويه يشبهني اني هواي تعلقت بي اني شبيه عزه بعيني اني احب مييت هسه يله حسيت عاى روحي احب ميت هذا مراح يجي ميبت هاله اصحي وفريت على صوت الهورن
رافد- يابه اكص ايدي اذا مو بالعه شي هاي البنيه شبييييج متسمعين ابتعدي دافوت
هاله- اعتذر استاذ انداريت  العمال كلها تباوع عليه دنكت لحد مااجه المشعول الوالدين واخذني
ليش تاخرت نت ت بيه
عمي والله ازدحامات
وصلت للبيت وكبل للغرفه نمت بجيت كومه شون حبيته اني شون اكو وحده عاقله هيج تسوي خاف اني مريضه امو وحده تحجي وي مريض بخيالها خبال الخبلني  نمت ورجعت حلمت بي يكولي لتعوفيني
شون ماعوفك انت ميت يم ربك
لاتحسبن الذين قتلو في سبيل الله امواتا بل احياء عند ربهم
اي صح بس عند ربهم مو يمنا عوفني الله يخليك
كعدت من النوم ابجي كمت رسمت رسمه فراك انه اني تركت ايده هديتها ودايره وجهي ارسم وابجي
دخلت امي
ها ماما شونج
زينه ماما ضميت الغراض
زين شونه الدوام ابن ام ماجد شونه
زين ماما
يله تتغدين
لا مااشتهي
براحتج طلعت ورجعت نمت اريد اهرب من الواقع
بالنوم بقيت لثاني يوم الفجر نايمه كعدت كويت هدومي وبدلت واجه ابو الخط من وكت ب7من دااصعد للسياره شفت رافد فات من يمي بالسياره باوعلي ودار وجهه شكد مغرور وصلت للشركه من نزلت هو فات كدامي للشركه صباح الخير من دون ميباوعلي
رافد- جتي الطرشه البالعه والله يا الله
هاله-فتت للشركه تلكاني ابو حمزه
عمي رحمه الله والديج على هالترتيب والنظافه تسلم ايدج طلعيلي اضباره البصره عدنا كشف حددو موقع واخذنا موافقه حناخد المهندسين وريم ويانا
اي عمو هسه دااطلع الاضباره
هاله وين الكهوه صباح الهير ابو حمزه ها شو مطلعتوا
ابو حمزه- هسه طالعين هاله دتطلع الاضباره
رافد- فضوها عاد يابه العالم دتنتضررر صيحت  فزت هاله
هاله- فزيت من عاط ووكعت الاضباره لميتهن بسع ونطيتها لابو حمزه
رافد- ديربالج لتوكعين ورقه انتي كلسا مجوره  اضباره
هاله- منصيه صار استاذ همست
رافد /جيبيلي الكهوه راسي انسطر
هاله- صار استاذ
رافد- شفتهم طلعو من الشباك يله ارتاحيت محد عده مسووليه عمل
هاله- دكيت الباب وفتت خليت الكهوه عالميز
والمي دااطلع
رافد- هاله تعاي هاج
نعم استاذ باوعتله بعينه
هاي المي اريده مو بارد عدي تحسس باسناني
صار استاذ اخذته من ايده وجبتله مي متوسط البروده رجعت دكيت الباب وخليته عالميز جان يحجي بالتلفون
اي يوم اي هاي لجهال ماجد معليج منها اليوم عيد ميلادهم
هاله/ صفنت وكف كلبي ماجد متزوج دمعت عيني هم رجعت لعالم الخيال
رافد- كملت المكالمه هاي صافنه عالتلفون وعينها مغرغره
اكو شي شبيج
هاله- لا لا استاذ العفو طلعت
رافد- تنهدت والنبي سويج اووف يوم اووف وين ماكو حافي وخبل تجيبي على كلبي
هاله- كعدت مصدومه يعني عده جهال يعني جان متزوج صفنت اني ليش هيج صار بيه  طلعت الرسم وبديت ارسم روحي ابجي لان مدااكدر ابجي بالرسم اعبر
رافد- طلعت من المكتب اشوف المحاسب  هم شفتها ترسم
باوعت عليها بجمود