الفصل الحادي عشر

رواية عشقي حورية الجزء الحادي عشر 11 بقلم إيمان ابراهيم عشقي حوريةرواية عشقي حورية الحلقة الحادية عشر

منصور جاب بيانات العامل اللى كان باين فى الكاميرات وهو اتعين فى الشركة فى نفس الوقت اللى منصور وعدى بقوا شركاء تقريبا والظابط بعت يجيبه وشكر منصور على تعاونه معاهم وطمنه انه التحقيق هيتم بسريه عشان اللى حاول مرة هيحاول تانى وهما مش عايزينه ياخد احتياطاته كل اللى قالوه انه عدى حالته خطر عشان يدوا نفسهم وقت يعرفوا الحقيقة . الظابط لما جاب العامل ده راح قاعد

قدامه ومشمر كمامه وقاله : عايز افرجك على حاجه وراح موريه انه متصور الراجل راح متنح لانه مكنش يعرف هو اتصور ازاى وهو كان فاكر نفسه حريص اوى ومدارى وشه بس المكان اللى كانت الكاميرا فيه مكنتش باينه وهو عشان كده مكنش واخد خوانه . الظابط قاله : بص بقى هات من الاخر عشان انت فى الاخر لللى هتلبسها ومحدش هيسمى عليك ده مش بعيد كمان يبعتوا حد يخلص عليك احسنلك تقول عشان اقدر اساعدك واحميك لان انت ملكش اى سوابق

قبل كده الراجل انهار وقال: والله العظيم ياباشا غصب عنى كانوا مهددنى باولادى واستغلوا احتياجى للفلوس حتى انا مرتضش ابوظ الفرامل اوى وحضرتك تقدر تتاكد انا عارف انى مجرم وده مش هيعفينى من اللى انا عملته وعيط جامد جدا الظابط تعاطف معاه وحس انه مغلوب على امره !!

الظابط قاله : بص انت هتتحاسب طبعا بس انا اقدر اخليك تبان شاهد ملك واوعدك انى هحميك بس القانون هياخد مجراه ده شروع فى قتل بس عايزك تحكيلى بقى من الاول مين اللى وزك وخلاك تعمل كده !! الراجل قال كل حاجه للظابط طلع اللى كان عايز يموت عدى ده منافس ليهم يعتبر رقم ٢ بس معروف بالطرق القذرة والملتويه واسمه عماد الجزار هو لقب عيلته الجزار ومكنش حد عارف يمسك عليه غلطة بس المرة دى بقى وقع فى المحظور

والظابط قال للراجل : شوف انا اذا حبستك ممكن يبعتوا حد عشان يحاولوا يخلصوا منك خليك هنا ٥ دقايق وارجعلك !! الظابط خرج وعمل شوية اتصالات منهم ابو عدى وقاله كل حاجه ابو عدى قاله : شوف ياحضرة الظابط انتوا تاخدوا حجكوا بالجانون كيييف ما بدك لكن حج ولدى هاخدوا بيدى اول هام الراجل اللى انتوا ماسكينه ديه هاتوا تحت حمايتى رغم انى عايز اولع فيه لكن انى عايز الراس الكبيرة وبعدين انتوا تاخدوا حجكوا كيف ما بدك .

الظابط قاله : انا هجيبه عندك على مسؤليتى بس هو طالب حمايته هو واسرته محمود قاله : انى متكفل بيه وعلى الله حد يهوب ناحيته والله اكله بسنانى . الظابط قال : انا هفرج عنه بحجة عدم كفايه الادلة واننا استجوبنا كل الناس اللى كانوا موجودين فى اليوم ده عشان يبان الافراج طبيعى وانه طبعا هيحاول يغير مكان اقامته وانا رتبت كل ده وهما اكيد هيحاولوا يخلصوا منه !

محمود قاله : انى فى الوجت ديه رجالتى هتبجى مراجباه واول ما ياجوا انى هكون فى شرف استجبالهم وهعمل الواجب وبعدين الحكومه تاخد حجها وانت كانك متعرفش والله انى موجفهم اهنى فى البلد بالعافيه ديه تار اكده عندينا عاد والموضوع واعر جوى جوى بس عشان احترامى لحضرتك وللجانون انى معاك للاخر.

الظابط محبش ان الراجل يغير مكانه هو بس هيخليه تحت عينه وطبعا رجاله محمود كمان مراقبينه وفعلا الناس اللى كانوا عايزين يموتوا عدى حاولوا يقتلوه هو كمان عشان ميكنش فى اى دليل عليهم بس طبعا رجالة محمود ظبطوهم على الاخر والظابط اخدهم وحقق معاهم وخلاهم يعترفوا بكل حاجه وكان فى الوقت ده ابو عدى سبقهم على عماد الجزار ودخل عليه فى قلب شركته

برجالته وقاله بصوت جحيمى : شوف يا جدع انت مع انك محسوب على الرجاله بالغلط طول عمرى عارف انك عوج وشغلك مش ناضيف وملكيكش غير فى الشمال جلت طالما انت بعيد عنى خلاص مليش صالح بيك لكن لحد ولدى لاه ده اجطع خبرك واولع فيك انت وعيلتك نفر نفر وراح هجم عليه ورنه علقة موت وكان بينهج من كتر الغيظ والغضب ومنصور كان معاه مرضاش

يسيبه ابدا ومنصور قاله : خلاص يا محمود الراجل هيموت فى ايدك متروحش فى داهية فى كلب وخسيس زى ده البوليس جاى خلاص والقانون هياخد مجراه . محمود قاله : انى الود ودى اطلع روحه بيدى دى كان هيحرمنى من ولدى ويحرج جلبى وجلب امه عليه ابن الرفضى الله يحرج ابو اللى جابوك ود حرام بصحيح .

والبوليس جه طبعا لقوه متظبط ومفهيوش نفس وشالوه على المستشفى وطبعا كل الكاميرات اطعطلت عشان ميبنش اى حاجه ابو عدى كان مظبط كل حاجه قبل ما يجى ومنصور معاه مش سهلين برضه وطبعا محدش كان موجود فى الوقت اللى جم فيه كانوا خلاص الموظفين مشيوا مش موجود غير حرس عماد الزفت ده واهو اخد جزاؤه وراح فى ستين داهية .

كل ده ومامت عدى متعرفش حاجه بس كرم ورحيم عارفين ومحمود كان موصيهم ميقولوش حاجه خالص لحد ما عدى حالته تستقر ويخلصوا كل حاجه طبعا الموضوع ده اخد منهم اسبوعين تقريبا عشان يقدروا يخلصوا كل حاجه قبل المناقصة ويكون عدى شد حيله ويحضرها هو اصر على كده .

صفيه كانت بتسال رحيم : هو ايه الحكايه يارحيم انا جلبى حاسس ان فى حاجه وانتوا مخبيين عليا وعمك اللى بيخرج كتيير واوجات يبيت برة مش عوايده هو فى اييه انا جلبى مش مطمن اوعى يكون فى حاجه عفشه ياولدى الله يخليك جولى 🥹🥹 !! انى هجولك : بس امانه عليكى متزعليش منى عمى اللى امر بكديه هو كان عدى عمل حادثه راحت صرخت : يا مرى ياولدى 😲😲 !!!

رحيم قالها : والله بجى بخير والله بس عمى مرضاش يجول عشان منجباش فى خطر لحد ما البوليس جبض على اللى عملها وعدى زين والله واهو جاى النهاردة خلاص عشان تصدجينى ! صفيه قالت : انى مش هتعاتب وياك انت مليكش زمب لكن انى ليا تصريف مع عمك بس اشوفه !! 🤨🤨🤨 ماشي يا محمود اكده برضك طيييب !!! رحيم راح لمامته برضه بيطمن عليها رغم انه زعلان منها اوى : كيفك ياما عاوزة اى حاجه وصيفة بترد بكسرة : لا تسلم ياولدى انت زين وخيتك زينه !!

رحيم قالها : ايوة الحمدلله وهى هتاجى تشوفك !! قالتله : انى خابرة انها ليها حج تزعل منى ربنا يسامحنى ويغفرلى اللى عملته يارب المهم انكو بخير . رحيم سلم عليها ومشى . صفيه اتصلت بمحمود وقالتله: الو يا محمود ولدى معاك وبخير اكده برضه تخبى عليا 😢😢😢 ديه ولدى زى ما هو ولدك !! محمود قالها : حجك عليا يا صفيه انى محجوجلك بس هفهمك كل حاجه لما اجى !! صفيه قالتله ماشي يا محمود تيجو بالسلامة

ادينى عدى اكلمه قالها : حاضر اهو معاكى ! صفيه قالتله : الو يا نن عينى يا ولدى يا جلب امك انت بخير يا حبيبى 🥹🥹🥹 !! عدى رد عليها : ايوة ياما انى بخير وزين جوى والله وجايلك يا غاليه والله انى بخير خلاص بلاش بكى عاد !! صفيه ردت : ماشي يا حبيبى تيجى على خير . اتقبض على عماد الجزار والنيابه حققت معاه واتواجه بكل حاجه عملها واتحدد معاد للمحاكمه وعدى لما رجع البيت صفيه حضنته وعيطت اوى اوى . محمود اخد صفيه عشان عارف

انها زعلانه منه قالها : انى خابر ان ليكى حج تزعلى يا صفيه بعد الشر اذا كان عدى فى خطر كنت هبعت اجيبك عشان تبجى وياه بس لما البوليس طلب ان الموضوع يبجى سري عشان حياته سكت وجلت المهم انه بخير واللى عملها اخد جزاته وانى اخدت حجى منه وشفيت غليلى منه وبعدين الحكومه دلوك هتاخد حجها واحنا ان شاء الله هنرحوا بعيالنا خلاص بجى سماح يا جلبى متزعليش !! صفيه لما سمعته

وفكرت فى كلامه قاالت : انى صحيح كنت واخده على خاطرى جوى بس لما سمعت كلامك هديت ولما جلت انك اخدت بتارك من اللى عمل اكده هديت اكتر وانت خابر انى مجدرش ازعل منيك محدش يزعل من حاله وانت حالى وحياتى كلها ❤️❤️ محمود قالها : واه ياولاد احنا ليلتنا فل باينها ولا اييه 😉😉😉. عدى كان بيكلم حوريه : اييه يا جلبى هنتجوز ميتا بجى انى خلاص مجدرش واصل !!

حوريه ردت : الله يابنى انت لحقت شم نفسك الاول لما الجبس يفك بزمتك فى عريس متجبس !! عدى رد عليها : انا بقى اول عريس هيتجوز بالجبس ايه رايك بقى وكتب كتابى عليكى ودخلتنا كمان يوم كتب كتاب اختى وابن عمى جلتى اييه عاد !! ياترى عدى المجنون ده هيعمل كده ويتجنن فى نفوخه ويتجوز وهو متجبس وحوريه هتوافق على الجنان ده !! …..