الفصل الثالث عشر

رواية عشقي حورية الجزء الثالث عشر 13 بقلم إيمان ابراهيم عشقي حوريةرواية عشقي حورية الحلقة الثالثة عشر عدى كان مصمم انه يكتب كتابه على حوريه رغم انه متجبس وباباه حاول معاه كتيير جدا وهو ابدا راسه ناشفه ومحكم رايه . محمود : يعنى يا ولدى مفيش فايده انى تعبت وياك انت دماغك كييف الحجر هتكتب كتابك وتدخل كييف وانت اكده عاد بلاش الجنان اللى انت فيه ديه !!

عدى : يابوى ريح جلبى الله يخليك انا مش ههدا الا لما حوريه تبجى مرتى رسمى ان شاء الله ابجى مكسح بس اكتب كتابى عليها . محمود : وهى طبعا موافجه ما انتوا مجانين زى بعضيكوا انى خابر 😄😄 . عدى : اديك جلت اهااا يبجى تجول لعمى منصور النهاردة جبل بكرة يعنى عمى هيتجوز وانا اللى استنى 😄😄 . محمود : والله انت وعمك وحوريه اجن من بعضيكوا وهطيروا البرج اللى فاضل فى نفوخى الامر لله انى هكلم منصور دلوك واللى فيه الخير يجدمه ربنا !!

محمود : الو يا منصور كيف الاحوال وازى الجماعة بخير !! منصور : اهلا اهلا يا حج محمود والله لسه كنت على بالى واهكلمك اهو !! محمود : الجلوب عندى بعضيها يا منصور يا خوى والله انت فى غلاوة اخوى تمام . منصور : كتر خيرك والله وانتوا كمان زى الاهل واكتر عدى عامل ايه اكيد احسن .

محمود : اه والله زين جوى نحمد ربنا وانى مكلمك عشان اكده شوف يا سيدى عدى حابب يكتب كتابه واكيد حوريه جالتلك اييه رايك احسن عدى مش هيسكت وانى عندى حوار خاص باخوى كمان اييه جولك عاد !! منصور : والله يا محمود انا موافق ليه بقى عشان جوز المجانين دول مش هيسيبونا فى حالنا فالاحسن نحطهم فى مكان واحد مع بعض 😄😄😄 بس ممكن يكتب كتابه عليها واول ما يفك الجبس يدخلوا بقى ونخلص 😄😄 .

محمود : صوح اكده والله اهو يهدا عليا شويا خلاص على بركة الله مبروك وربنا يتمم على خير . هايدى مامه حوريه : اييه يا منصور الجنان ده بجد !! منصور : اييه يا حبيببتى بس فى ايييه خلى الولاد يتبسطوا وبرضه لما حوريه تبقى مكتوب كتابها احسن !! هايدى : ايوة بس كان نفسي يبقى كتب الكتاب والفرح فى يوم واحد يا حبيبى عشان الفرحة تكمل !

منصور : عدى ده بيفكرنى بنفسي اوى اوى كنت عايزك باسرع وقت عشان كده انا عاذر عدى عشان بيحب حوريه خليهم يفرحوا ببعض يا قلبى وانا بقى هدلعك وافوقلك يا قمرى ❤️❤️❤️ . هاديدى : انت بتعرف تقنعنى طول عمرك يا قلبى انا بحبك اوى ربنا يخليك ليا طيب خلاص هروح للمجنونه بتاعتنا اقولها طبعا هتفرح ماهى مجنونه زيه 😍😍 .

عدى اتصل بحوريه : الو يا حوريه قلبى وحشتينى اوى اوى خلاص هكتب كتابى عليكى ابويا زمانه كلم باباكى وقاله هانت اوى اوى يا حبيبتى . حوريه : ايوة يا حبيبى ماما لسه قايلالى حالا انا مش مصدقه بجد بس خلى بالك ده كتب كتاب بس يا فالح !! ولما تفك الجبس تبقى الدخله 😉😉 عدى : المهم انى هكتب عليكى الباقى سيبيه عليا بقى 😉 . حوريه : اسيب اييه سابت مفاصلك اتلم احسن انت عارف !!

عدى : والله لسانك ده هتشوفى هعمل فيه ايييه هجطعهولك يا جلبى بس بطريجتى !! حوريه : اتكسفت وقالت تخلص المكالمة احسن ططيب يا قلبى انا هقفل دلوقتى وهكلمك كمان شويه سلام يا حبيبى . عدى : ماشي يا جلب عدى انتى انا هكلمك بالليل ورد احسن بدل ما تلاجينى جيتك 😄 . حوريه : مجنون وتعملها حاضر يا حبيبى مع السلامة . كرم راح لوصيفه : كيفك يا وصيفه انا عايز اجولك حاجه حبيت تعرفى منى !! وصيفه : خير يا ابو رحيم !!

كرم : انا نويت والنيه لله انى اتجوز وانتى كييف ما انتى كل طلباتك مجابه وانى جولت للاولاد ! وصيفه : واه هتتحوز عليا يا كرم انت عايز تتجهرنى !! كرم : انتى عتجولى اييه انى اذا كنت عايز اجهرك كنت طلجتك بعد عملتك السودة لكن انا خليتك جاعدة معززة مكرمه عشان العشرة اللى انتى مصونتهاش ولا عملتلها حساب . المهم : انى مش جاى اخد رايك انا جاى اعرفك وبس خلص الكلام وخلى بالك اى غلطة تانى هتبجى طالج بالتلاته .

وصيفه : خلاص يا كرم اللى تشوفه وسكتت وهو سابها ومشى . كرم : محمود انى اخدت معاد مع الناس وهنروح النهاردة عاد جهز حالك يا خوى . محمود : جاهز يا خوى جاهز يا عريس ربنا يعديها على خير . عند اهل العروسه هى اسمها دلال وهى اسم على مسمى وش ابيض زى البدر والعين العسلى الواسعه والشعر البنى الغامق وعندها بنوته صغيرة اسمها اميرة . واخو العروسه اسمه عبدالله وطبعه صعب ووافق بالعافيه على المقابلة دى عشان

مامته شدت معاه وقالتله : جرى اييه يا عبدالله عاد انت جوزتها الجوازة السودة اللى اطلجت منها بطلوع الروح وعايز توجف حالها فى شرع مين دييه يا ولدى حرام عليك اسمع المرة دى مش هسمحلك تضايج خيتك مرة تانيه وانى وخالك مرحبين بالموضوع العريس اللى متجدم زين وادينا هنشوفه ونحكم عاد . عبدالله : خلاص حاضر ياما ربنا يكرم عاد . كرم ومحمود وصلوا واستقبلوهم ودخلوا اوضه الضيوف وخال دلال واخوها جم . خال

دلال اسمه الحج عبد الرحيم: يا اهلا وسهلا شرفتونا ونورتونا خطوة عزيزة . عبدالله اخو دلال : نورتوا اتفضلوا استريحوا !! محمود : الله يشرف مجداركوا الشرف لينا عاد . كرم : اتشرفت بيكوا ان شاء الله ربنا يكرم . بعد ما اخدوا

واجبهم محمود بدا الكلام : بجى يا جماعة احنا جايين النهاردة عشان نطلب يد بنتكم المصونه لاخوى كرم وفى حاجه لازم تعرفوها جبل اى حديت اخوى لسه مرته على زمته واذا حصل نصيب هيبجى للعروسه مكان ليها وحديها وبنتها بنتنا طبعا وكل طلباتكوا اوامر .

كرم : انا يشرفنى انى اطلب ايد خيتك يا عبدالله وربنا يعلم انى هحافظ عليها وبنتها هتبجى كييف ولادى تمام احنا هنبيت فى البلد يومين واذا حصل نصيب انى عايز اكتب كتاب علطول واذا العروسه وانتوا حابين فرح واكده مفيش مانع بس يبجى فى خلال يومين او تلاته بالكتيير واحنا مستعدين لكل طلباتكوا . عبدالله : واه واه هى الحكايه سلج بيض عاد ده مش اجل من شهر عشان خيتى تجهز حالها ولا اييه يا خال !!

عبدالرحيم بهدوء وحكمة : يا ولدى احنا هناخد راى العروسه اذا وافجت وعرفت ترتب حالها يبجى على البركة حاجات الحريم دى هى اللى تجدر تجول فيها كلمتها وهنرد عليكوا بكرة بالكتيير وربنا يجدم اللى فيه الخير واحنا مش هنلاجى لدلال حد احسن منك يا كرم انت ولد اصول وسمعتكوا سبجاكوا هتاخد راى العروسه وامها ونرد عليكوا ! عبدالله

كان متعصب بس خاله قاله : عبدالله خيتك مش صغيرة والموضوع ديه جسمه ونصيب واذا هى راضيه يبجى خليها تعيش كفايه المر اللى شافته يمكن ديه عوض ربنا وبزيداك عاد انى هروح اجول لخيتى وخيتك على اللى حصل واللى ربنا رايده هيكون فاهم ولا لاه !! عبدالرحيم قال لاخته

ولدلال اللى حصل وسالها : هااا جولتى ايه يا بنتى الراجل مستنى الرد متتاخريش العريس مستعجل وراح غمزلها بعينه 😉 وهى حطت وشها فى الارض من كسوفها لانه لاحظ فرحة عينها لما قال اسمه وهو عارف اللى حصل زمان وسابها عشان تبقى على راحتها مع امها . امها اسمها هنيه قالتلها : هاا يا جلب امك ولو ان باين فى عنيكى الرد الفرحة هتنط من عنيكى لساك هتحبيه بعد كل الوجت ديه يا بنتى !!

دلال : انا عمرى ما نسيته ياما كنت فاكرة انى ممكن حياتى الجديدة تعوضنى لكن للاسف مشفتش غير الهم والغم من اللى الله يسامحه بجى مطرح ما هو وخلصت منه بالعافيه لولاكى انتى وخالى عشان طبعا اخوى عبدالله كان عنده اموت اهون من انى اطلج 😞 . هنيه : خلاص يابنتى بلاش تفكرى فى اللى فات انتى تستاهلى تفرحى يا حبيبتى واهو ربنا كريم وهيجمعك باللى يفرح جلبك يا حبيبتى انا هجول لخالك انك موافجة وطبعا العريس مش هيصدج حاله عاد 😄😄 .

هنيه : بس دييه مستعجل جوى هنلحجوا نحضر حالنا فى يومين عاد ياناس هخلى خالك يحاول معاه شويه اكده بس الف مبروك يا حبيبتى ربنا يتمم على خير يارب . عبد الرحيم هنيه قالتله : دلال موافجة ياخوى بس خليه يزود يومين صعب ياخوى !! عبد الرحيم : انى هكلمه واجوله على البركة ان شاء الله . كرم : الو يا حج عبدالرحيم هااا اجول مبروك !!

عبدالرحيم : ايوة مبروك يا عريس بس فى طلب صغير ممكن نزود المهلة عن يومين بس انت خابر عاد الحريم عشان يلحجوا بس يرتبوا حالهم ايه جولك !! كرم : طيب يا حج هو ممكن فى خلال اربع ايام بالكتيير ونكتبوا الكتاب واللى تعوزه بعد اكده انى تحت امرها وكل اللى تعوزه ياجى لحد عندها بس مش اكتر من اكده الله يخليك . عبدالرحيم : طيب يا كرم هجولهم واخوها برضه وااكد معاك تمام اكده !! كرم : تمام جوى جوى يا راجل يا طيب .

عبدالرحيم وهو بيقول لهنيه ودلال وعبدالله طبعا عبدالله مش طايق الموضوع على بعضه راح متعصب وقال : هو عايز يجلبنا وخلاص انى مش موافج على الاربع ايام دول !! دلال راحت قايمه ومتعصبه وقالتله : اسمع يا عبدالله الحديت اللى هجوله زين عشان مش هعيده تانى وحطه فى دماغك زين !!! ياترى دلال هتقول ايه لعبدالله وهتعمل ايه ومامتها وخالها هيكون موقفهم ايييه !! …..