رواية عشقي حورية الفصل الأول 1 - بقلم إيمان ابراهيم

فى الشركة عند باباها وصلت وطلعت بسرعة على مكتبها والمساعدة بتاعتها وصاحبتها فى نفس الوقت هايدى ايه هانم نموسيتك كحلى ايه كل ده حوريه قالتلها بس خالص مسمعش صوتك كفايه اليوم المكعبل اللى باين من اوله ده هايدى قالتلها ليه بس حوريه ردت هبقى اقلك بعدين المهم البوص سال عليا هايدى قالتلها اه طبعا وانا غطيبت غيابك 😄 غطيتى ايه يا هبلة انتى ناسيه انه اللى مخلفنى 😅😅 هايدى ضربت ايدها على راسها اخ يخربيت غباوتى انا ليه انسى دايما انه ابوكى 😅😅 لا وهو عداها عادى حوريه قالتلها ماهو عارف انك هبلة لازم يعديها 😅😅😅 اما اروح اشوفه بقى وراحت وطبعا رسمت وش الجد عشان الموظفين وخبطت ودخلت عليه صباح الخير بصلها من تحت النضارة وقالها مابدرى يا هانم بدلع البنوته على باباها والله يا بوص غصب عنى مش زمبى خالص قالها ايوة خشى عليا بطقم الدلع والحنيه عارفه انى هضعف صح 😄😄 ضحكت وقالتله هو انا مفضوحة كده قالها اوى يا حبيبة بابا اوى 😅 قالتله انت حبيبى يا فوفو 😉😉 قالها نتكلم جد بقى قالتله جد الجد هااا خير قالها انتى عارفه اننا داخلين على شغل جديد مع شركة مقاولات تقيله فى السوق المفروض اللى هيديرها يوصل النهاردة يعنى فى خلال يومين بالكتيير هنتقابل عشان نبدا الشغل مع بعض قالتله طيب وايه الجديد انا عارفه قالها الجديد انه صعيدى بس وارد الخارج يعنى ميكس جديد علينا عايزك تشوف الملف بتاعه عشان انتى هتباشرى شغل كتيير معاه قالتله واه صعيدى ضحك 😄 عليها قالها اوعى تتجننى قدامه قالتله لا متقلقش انا هبهرك 😄😄 ربنا يستر قالتله طيب انا هروح بقى ادرس الملف وان شاء الله كله هيبقى تحت السيطرة اسيبك دلوقتى وراحت عشان تشوف الملف ودخلت على النت وشافته حست انها اتخطفت اول ما شافته قالت ياخرابى هو فى كده ده هايدى قالتلها انتى بتكلمى نفسك قالتلها بس سيبينى خالص دلوقتى ورجعت تبص على الكومبيوتر تانى وده هتعامل مع بانهى دماغ المستورد ولا المحلى يا واجعه مربربه 😅 يا حوريه .
عند عدى كان خلاص بيستعد عشان هيروح المطار وباباه بيكلمه ايوة يا ولدى ايوة يابوى خلاص انا معادى جرب وهروح على المطار توصل على خير يا ولدى والله اتوحشتك جوى جوى يا ولدى وامك هتتجن عايزة تسمع صوتك وخيتك برضه قاله وانا كمان اتوحشتكوا جوى جوى وراح مدى التليفون لصفيه الو يا ولدى يا جلب امك اماى اتوحشتك يا غاليه حبيب جلبى انت تاجى على خير يا حبيبى جول دعاء الركوب جبل ما تطلع الطيارة اوعاك تنسا حاضر ياما مهنساش ادينى دليلة عشان يدوبك اكده حاضر اهى معاك الو خوى حبيبى تاجى بالسلامة قلها الله يسلمك يا حبييتى قالتله مش جايب معاك خواجايه حلوة اكده معاك قالها اتحشمى يابت 😄😄 انا جاى لحالى قالتله انى جولت هتجيب العروسه فى يدك وانت جاى قالها لاه انا الخواجات دول ميهزوش شعره فيا وانتى خابرة انا تخش جلبى لسه ملجتهاش قالتله ربنا يسعدك يا جلب اختك وتلاقى اللى تسعدك قالها طيب سلام بجى عشان الحق معاد الطيارة لا اله الا الله ردت عليه محمد رسول الله وقفل معاها .
مرات عم عدى طبعا كانت شايفه اللى بيحصل عشان رجوعه راحت قايله لبنتها طبعا انتى واعيه للى احنا فيه عايزاك تتنصحى اكده ومضيعيش ابن عمك من ايدك اول ما يوصل تبجى فى اتجباله وتبقى على سنجه عشرة وانتى اصلا كيف الجمر قالتلها ياما احب على يدك انتى خابرة ان عد ديه كيف اخوى قالتلها جاك خوت فى دماغك اخو مين يا مخبله انتى انتى عايزاه يدخل علينا واحده غريبه تتهنى بالخير ديه كله والله اخنجك بيدى دى ياما حرام عليكى عمى ومرت عمى بيحبونى متخليهمش يكرهونى قالتلها اكتمى واللى اجول عليه يتنفذ وبس امشى دلوك من جدامى جلع ماسخ مريم مشيت ودموعها على خدها ورحيم اخوها شافها مالك يا مريم خبر ايه بتبكى ليه راحت حكتله اللى حصل طبطب عليها وقالها متزعليش يا خيتى انا معاكى ومتخافيش محدش هيغصبك على حاجه انتى مش رايداها وامى سيبهالى انا هتحدت معاها وجت اللزوم بس انتى اوعاكى تعمل حاجه تجل منيكى انتى غاليه جوى يا خيتى وتجلك دهب قالتله ربنا ميحرمنيش منك ولا من حنيتك عليا يا بختها اللى هتبجى من نصيبها حنيتك دى مفيش منيها قالها بس هى تحس بيا الاول قالتله انت لساك برضك عتحب دليله يا خوى بعد السنين دى واه ياولد ابوى ربنا ينولهالك بس هى مخبراش لازمن تخليها تاخد بالها احسن حد تانى يشغلها قالها واه اجفلى خشمك عاد بعد كلامك الزين هترخربطى ولا ايه قالتله لاه يا خوى انا جلبى عليك البنته منينا هتعرف منين ان فلان عيحبها الا اذا لفت نظرها او بجى اطلب يدها من عمى طوالى قالها والله كلامك صوح طيب هفكر فيها بس لما عدى ياجى الاول روحى انتى دلوك حاضر يا خوى ربنا يسعدك ويفرح جلبك ومشيت .
ياترى هيعمل بنصيحة اخته وعدى وحوريه اللقاء الاول ده هيبقى ازاى
تابعونى عشان نعرف ايه االى هيحصل فى البارت الجديد .
عشقى حوريه / ايمان ابرهيم
[[عشقى حورية]] الشخصيات عدى الانصارى صعيدى حتى النخاع طويل القامة رياضي خمرى عيون كالصقر الشعر اسود كالفحم درس فى الخارج ادارة اعمال ٣٧ ذكى جدا جدا قلبه من حديد رغم عيشته فى الخارج لم تحرك مشاعره اى انثى كان فى خياله وصف ومش هيتنازل عنه ولن يدخل فى اى علاقه لاشباع رغبه فقط هو عايز حب مجنون من نوع خاص ياخده الى ما وراء الخيال وقلبه مستنى اللى تخده للعالم ده .
دليله الاخت الصغرى لعدى ٢٣ سنه متخرجه من فنون جميلة بشرة بيضاء عيون عسليه شعر بنى غامق جسم ممشوق طيبه جدا .
الاب محمود الانصارى صاحب شركة من اكبر شركات المقاولات فى المنيا وهيفتح فرع فى القاهرة اللى هيمسكه بطلنا لما يرجع من برة بعد ما درس ادارة اعمال محمود الانصارى اب طيب جدا وقوى الشخصيه اوى اوى بيحب اولاده ومراته جدا ٦٠ سنه لكن اللى يشوفه يقول اخو عدى الكبير
صفيه الانصارى زوجه محمود وبنت عمه فى نفس الوقت وحبيبة قلبه منذ نعومة اظافرها ٥٠ سنه جميلة اوى ومحمود بيعتبرها بنته مش مراته بس ورغم شديد جدا الا انه معاها بيبقى شخص تانى خالص من كتر حنيته وحنانه معاها عاشق للنخاع لدرجه ان دليله بتغيير عليه اوقات 🤭🤭 .
كرم الانصارى اخو محمود الصغير ٥٥ سنه طيب وجدع وبيحب اخوه وهو اللى ماسك شؤن الارض .
وصيفه زوجه كرم وبنت عمته خبيثه وغيورة وعايزة تجوز بنتها باى طريقة لعدى شكلها عادى وكانت بتغير ومن حب محمود لمراته

مع ان كرم كان طيب وحنين برضه لكن للاسف النفس اللى مش بترضى دى ربنا يكفينا شرها .
مريم الانصارى بنت كرم طيبه وجميلة وللاسف شخصيتها ضعيفه شويه ٢٣ سنه متخرجه من كليه تجارة بس قعدت مشتغلتش مامتها كل همها تجوزها عدى مع ان مريم عايزة تشتغل بس مامتها بتضغط عليها هى بتحب عدى زى اخوها وبتحب عمها جدا وهو بيعتبرها بنته التانيه .
رحيم الانصارى اخو مريم وسيم جدا عيون بنى غامق جسم رياضى بيساعد ابوه فى الارض متخرج من كليه زراعة عاشق دليله لا ده مجنون بيها ٣٠ سنه لما بيشوفها كان العالم فاضى وهى بس اللى فيه بس دليله لسه مش واخده بالها خالص .
عادل صبرى الصديق الاقرب لعدى منذ الطفوله وكان على تواصل معاه من ساعة ما سافر لحد ما هيرجع كليه تجارة نفس السن ٣٥ وهيبقى الدراع اليمين لعدى لما يمسك فرع الشركة فى القاهرة .
حوريه الرفاعى بطلتنا المجنونه القمر بشرة بيضاء عيون واسعة شعر اسود لحد نص ضهرها عيون بندقى جسم مظبوط بالمسطرة سبحان الخالق اسم على مسمى 😉😉 بس لسان ياخرابى 😄 ليليته مهببه اللى يزعلها بس قلب مفيش اطيب ولا احن منه مجنونه رسمى بجد دى بقى هتبقى جارة بطلنا وربنا يستر دى هتوريه النجوم فى عز الضهر حاجه كده ميكس دلع وجنان وشقاوة وجدعنه هنشوف معاها حاجات كتييييير 😄😄😄 ٢٣ سنه ادارة اعمال برضه بتساعد باباها فى شركته لانه رجل اعمال وبيحبها اوى اوى خلاها معاه من كتر ما بيخاف عليها جدا جدا وهى بتحب باباها اوى .
منصور الرفاعى رجل اعمال طيب وحنين ٥٥ سنه .
هايدى منصور الرفاعى الزوجه جميلة ولذيذة وبتحبه اوى اوى وبتغير جدا ٤٥ سنه جميلة حوريه واخده جمالها بالظبط .