رواية عشقي وادماني 🔞 الفصل السادس والثلاثون 36 - بقلم Sosa.K. Ali

گالتلي
هنيال التحب مثلك ولف.. 🖤,
  گلتلها   
يعني بمختصر هنيالچ.. ♥،
گالتلي       
ترضى أتغزلك؟🖤،
گلتلها  
غير أنتي الغزل يحلالچ♥،
گالتلي    
بس عندي طلب🖤!
گلتلها  
گولي وكلشي بي يبرالچ♥،
گالتلي       
تنطيني وعد؟!🖤
گلتلها  
أوقع ؏ البياض أگبالچ♥،
گالتلي        
سري بذمتك! 🖤،
گلتلها 
مو زلمة اليخون أسرارچ♥،

عشق : جنت كاعده بيت صديقتي نور واحسب يوم يوم حتى يجون يمي اخواني اشتاقيت الهم وشتاقيت الادم اكثر مره جنت احجي ويه عمر وسمعت كال اليوم راح يعقد ع الهديه وهنا اني فضلت انسى شي اسمه ادم نهاريت وضليت ابجي واصرخ ليش حبيبته ليششششششششش ربي ليششش هو بذات اني شوداني للبصره اني اكره البصره واهل البصره الله ياخذني وارتاح منهم كلهم كاااافي عاد تعبت كلها تريد تأذيني الى متى اضل هيج اني مراح ابقه هنا لو دقيقه بعد خلص اني لازم احجي ويه واكللها اني مراح ابقه دا افكر واجت نور تريد تحجي وياي

نور : عشوقه عدي موضوع مهم وياج ممكن تسمعيني وتفهميني ارجوج

عشق : واني هم اريد احجي وياج بموضوع مهم بس احجي انتي اول

نور : عشق شرايج ترحين ويانا احنه راح نروح التركيا بما انو كملنا امتحانات ندرس هناك وعمر نكله من نوصل واني متاكده مراح يكول شي وبهل الفتره ترتاحين وتريحين تفكيرج من ادم شتكلين

عشق : نور اني جنت جايه احجي وياج بنفس الموضوع جنت رايده اطلع منا ماريد اضل هنا بعد تعبت نور اليوم يعقد عليها نور كلبي دا يتكطع تخيلي اليوم تصير مرته بدالي اليوم راح تاخذ مكاني لي حلمت بي اني اليوم اسافر مراح اضل هنا بعد لو دقيقه وعمر هم ماريده يدري بيه وهم اريد اخذ جلسات علاج نفسي

نور : عشق علاج نفسي شبيج شسالفه بس لاتخبلتي

عشق : نور اني اريد احجي الشخص كل لي بكلبي بلكي ارتاح حموت راح اطك اريد افرغ للمشاعر التارسه كلبي

نور : عشق شرايج احجزلج يم علي روحي اليوم وهو مراح يكول شي لاتعتبري دكتورج اعتبري صديقج ها شتكلين

عشق : اكيد موافقه وهيه اتصلي بي وحجزيلي يمه وشوفي شوكت يكلج اروحله

نور : ماشي هسه راح اتصل بي

المكالمه 📲
نور : هلاو علوش
علي : هلاو نونه شلونج
نور : زينه وانته شلونك اريدك بموضوع
علي : زين كولي اذا اكدر اني بالخدمه
نور : علوش صديقتي تعبانه وتريد دكتور نفسي واني كتلها عليك وها اريدك تساعدها هل الكم يوم لبين منطلع التركيا راح اخذها وياها

علي : منو من صديقاتج اول مره اسمع عدج صديقه مريضه نفسياً وثاني شي منو هاي لي راح تعوف اهلها وتروح وياج التركيا

نور : علي شبيك هاي عشق صديقتي شفتها وياي ذاك اليوم وها هيه تريد موعد اليوم شوكت تكدر تجيك

علي : بعد ساعه خلي تجي واذا تردين تعالي وياها

نور : ماشي شكراً علوشي باي يا احلى صديق بالدنيا

علي : ههههه مصلحجيه باي حبيبتي

نور : عشق حبيبتي خابرت وكال بعد ساعه خلي تجي واذا تردين اروح وياج

عشق : ماله داعي روحتج اني مو جاهله وثاني شي اريد اروح وارجع اخذج اروح البيتنا اجيب ملابس وغراض الي حتى نطلع التركيا صدك بعد شكد وتطلع النتائج

نور : مادري يكول بعد سوع هيج وهسه كومي بدلي وروحي للدكتور ‏

‏عشق : كمت بدلت ولبست هيج

ورحت للعياده اول مطبيت استقبلني احسن استقبال وكعت احجي ويا مرت ساعه واني محسيت بالوقت وكال اي يوم تردين حددي وتعالي بدون موعد ونطانر قم فونه واني هم هم نطيته رقم فوني رجعت للبيت واني احس نفسي احسن صدك ارتاحيت بعد هل الجلسه طبيت استقبلتني خاله ام نور و نور كلت النور انروح انجيب غراض من بيتنا واخذتها ورحت جبت جنطة سفر جبيره بيها كلشي احتاجه وطبعاً كامرتي اول شغله وياي مااكدر بلاها ابداً ورجعنا للبيت وحجت ام نور : حبيباتي حضرو روحكم باجر العصر طيارتنه

عشق ونور : ماشي ورحنا حضرنا كلشي مصدكت يصير ثاني يوم واريد اطلع منا ماريد احد يعرف مكاني وصلنا التركيا وهمه عدهم كرايب هناك كعدنا بيتهم لبين ميشتري ابو نور بيت والناس جان طريقة تعاملهم ويانه كلش حلوه قررنا نبقه هنا لبين منكمل كلياتنه اني ونور

البصره

ادم : طلعت من المستشفى وره كم يوم خبطو كيان وفاطمه وراها جدي كال صار لازم اعقد ع الهديه وثاني يوم رحنا اني وجدي اخذنا السيد ويانا عقدلنا واجت ويانه اول موصلنه للبيت اخذتها اسيل الغرفتي صعدت وراها دكيت الباب وكتلها ممكن افوت

رحمه : تفضل شيخ طبعاً لابسه حجاب

ادم : احم رحمه اسمعي انتي ممجبوره تلبسين حجاب انه رجلج

رحمه : شيخ ممكن احجي وياك بموضوع مهم

ادم : اكيد تفضلي لي يعجبج

رحمه : شيخ انه من تزوجتك مجبوره عليك وانته هم مجبور على حسب لي شفته بالمستشفى انته هاوي بت عمك وانه مااقبل اخذ واحد كلبه مو الي فياريت ياشيخ تخلينا اصدقاء اخوه اي شي عدا زوجين لان كرامتي متسمح اقبل بيك زوج الي وكلبك يم غيري

ادم : انه جنت ناوي احجي وياج بنفس الموضوع بس ماريد احد يدري انو انه وانتي تفقنه على هل الشي وها شهرين باذن الله واردج الاهلج معززه مكرمه

رحمه : شيخ انه اريد ابقه بشغلي

ادم : براحتج انتي كلتي انه صديقج واكيد مراح اقبل اضيع تعب عمرج بس اهم شي ساعدي امي ولاسوين مشاكل واي شي تردي يجرالج

رحمه : مشكور شيخ ماكصرت وهسه ابدل وانزل جوه يم عمتي

ادم : ماشي بويه براحتج اذا متردين تنزلين انتي عروس

رحمه : ههههه ها شيخ شتفقنا

ادم : ماشي انه رايح للديوان عدي شغل

بعد مرور سنوات

ادم : انه طلكت الهديه بعد شهرين مثل نافقت وياها بس لي كسر ضهري انو رحنا للسويد انه و عمر و سعد و كيان و ازاد ملكينا لابيت نور ولا عشق دورنا هواي وملكيناها هذا الشي هد حيلي وتمرض جدي هواي وراها ضل نايم ويهذي باسم عشق وراها جنت نايم وسمعت صراخ امي كمت اشوف شكو شصاير لكيت الكل مجتمع فوك راس جدي ويصرخون وخرتهم عنه بس جان متوفى غطيت وجهه و وشلنا مرت ايام الفاتحه وانه صرت مثل الچبريت محد يدنالي تعبت وغياب عشق اثر بيه هواي هد حيلي والنوب چملها جدي جنت اتمنى الكاها وهاي مرت 6 سنوات وهيه مالها خبر طبعاً اخوانها مرضو يتزوجون ولا انه رضيت جنت كاعد على امل اسمع خبر منها وبيوم كاعد ع الموبايل وطلع............................

عشق بعد روحتي التركيا قررت اكطع علاقتي بالكل حتى عمر لان اعرف راح يكول الادم لهذا خلي ااسس حياتي احسن من ارجعلهم ارجع عشق القويه وطبعاً ماانسه دكتوري لي اربعه وعشرين ساعه متواصله ويا علوش هه صار شي منيز بحياتي ميمر يوم بدون مااحجي ويا واكله شسويت وها اني طلعت معدل 98.9 و نور طلعت 96.9 وانقبلنا كلية طب عام ثنينه وطبعاً اني قررت مارتبط بأحد ابداً كرست حياتي الدراستي بيوم جنت اخذ النتيجه لان خلصة الكليه وطلعت الاولى على قسمي وفرحانه كلش واجت القنوات تصور مع اني معجبني هل الشي بس كلت خلي همه وين راح يشوفوني كملت وطبعاً اني جنت خلال الدراسه اشتغل بمستشفى كتدريب الي علوش سوالي واسطه ويه صديقه وشغلني وها اني الي نص بهاي المستشفى ادري كلكم راح تستغربون من لي دا اسوي بس اني ردت ابني عشق جديده وانسه حب ادم بس بالعكس حبه زاد منقص جنت مقرره ارجع الهم بس لي صدمني انو اني شفت .....................

هيلاو شلونكم بارت قصير طبعاً خليت اختي تكتبلي واني احجي متت لان راسي كام يوجعني بس الخاطركم كلشي يهون احبكم موت سروش