رواية عشقي وادماني 🔞 الفصل الثامن 8 - بقلم Sosa.K. Ali

احضني حضن مشتاك 🔥😍
وخلي الهدم يتشكك🔥🙈

عشق : كعدت اباوع النفسي اني بالمكان كلشي بي ابيض بعدين باوعت على ايدي شفت الكانونه ووو يعني اني بالمستشفى حاولت اكوم اكثر من مره بس جسمي جان مكسر وتعبان حيل صحصحت واني كعدت انتظر احد يفوت يطمئن عني ماكو بس سمعت صياح عمر وازاد وكيان واحد يصيح ع الثاني ويردون يعرفون سبب جيتنا لهنا اني اسمع ودموعي تصب مااكدر اكوم لان الكانونه والمغذي بيدي بس بعدين صوتهم بدع يعلى اكثر واكثر ومحد يكدر يوكفهم غيري كمت وجريت الكانونه حيل بحيث انشلعت وكامت تصب دم وكفت يم الباب وكمشت الحايط وصحت بصوت هز المستشفى هز كااااااااااااااااافي اصرخ واني ساده اذني بيدي اجو يركضون يردون يحضنونب واني ابعد بيهم اخر شي الشيخ لي اجه ويانه كللهم عوف البت ترتاح شوي شوفوها ضليت صافنه عليه واباوع عليه شلون هادئ وحلوه شخصيته باوع عليهم يصيحون بس ماافهم شي اشوف بس شفايفهم تتحرك شوي ومكمت احس بشي بعد

ادم ضلت تعيط عليهم ومحاسه بالدم لي يجري من ايديها اخوانها حاولو يحجون وياها بس هيج مقبلت وضلت تصرخ وتبعدهم بعدين ضلت تباوع عليه ثوني وكعت بالكاع وراحو اخوانها شالوها واني رحت صحت الدكتور
الدكتور : اني كتلكم وراح اكلكم النوب البنيه عدها صدمه لاتخلها تشوف اشياء تخاف منها لحد يعلي صوته ترى تتاذى واحتمال تنهار وتبقه بغيبوبه
ادم : الدكتور يحجون وهذوله موتو روحهم من البجي طلع الدكتور واجيت عليهم وكتلهم على كيفكم اني راح اروح احجي ويه الدكتور واشوف شوكت نكدر نخرجها هزو روسهم بدون ميحجون واني طلعت رحت الغرفة الدكتور دكيت الباب
الدكتور : تفضل
ادم : شلونك دكتور ممكن احجي وياك بخصوص عشق محمود
الدكتور : تفضل
ادم : اريد اعرف كلشي عن حالتها
الدكتور : صار شيخ اسمع البنيه بسبب ضرف صاير وياها اني ماادري شنو بس صاير عدها انهيار عصبي حاد وهذا الشي يدمر نفسيتها وثاني شي عادها فوبيها من الاصوات العاليه او الاشخاص العصبيين اي شي ممكن يخوفها تسوء حالتها لهذا ديرو بالكم عليها لان مو كل مره تسلم الجرهزهاي المره عدت سلامات المره الجايه مااضمن الك بالاخص هو هيه مرتين وكعت عليكم وهذا الشي يسوء الامر ومو الصالحها
ادم: الدكتور يحجي واني مصدوم يعني معقوله لهاي الدرجه متاذيه معقوله هلكد تكره البصره معقوله ومعقوله ميت فكره بالي بس صحامي صوت الدكتور
الدكتور : شيخ شيخ خو مابيك شي
ادم : سلامتك دكتور بس شوكت اكدر اخرجها من المستشفى لان هستوها وصلت من السويد وتعب الطريق اخذها ترتاح بالبيت
الدكتور : اذا تديرون بالكم عليها من اي ضغط وتمنعون عنها الصدمات والخوف خلي تطلع هسه
ادم : صار دكتور واذا صار شي اتصل بيك شكراً الك مره ثانيه طلعت وسديت الباب ورحت الغرفة عشق لكيت خوانها كاعدين وحجيت وياهم وكتلهم نكدر نطلع بس راح تبتعد عن كلشي يضوجها وعن اي صوت عالي وانتو تعرفون الباقي
عمر وكيان وازاد : ماشي يله نشيلها ونطلع
ادم : اني راح اشيلها خاف تكعد وتشوف واحد منكم وتعصب
عمر وازاد وكيان : بس شيخ شلون
ادم : اني ابن عمها عادي يعني
عمر ازاد كيان : ماشي شيخ
ادم : قربت منها وشلتها وخليها بحضني هيه مثل الطفل جلبت بركبتي وراسها وانفاسها بركبتي خرذلت حالي اني الشيخ ادم طفله تلعب بحالي لعب وصلنا للسياره ونطيت السويج العمر كتله انته سوق راح اخليها بحظني خاف تفز من نومها وترجع تنهار ضليت الطريق كله اني اراقب حركتها بدت تصحه وتحجي كلامات ممفهومه

عشق كعدت بس احس تعبانه كلش واباوع ايدي ملفوفه بالشاش بس الصوره مو واضحه معرف وين اني بس شميتزعطر طيب اول موه اشمه يعني اني بحظن شخص غريب بس حاولت احجي ويا واسال بس هو مفهمني كلت واني اباوع بوجه لي مواضح اني وين ومنو انته وين اهلي وين ماخذيني

ادم فهمت انو تسال على اخوانها كتلها لاتخافين الكل موجود راح نوصل للبيت حتى ترتاحين
عشق : بتعب هزيت راسي وسكتت لان مابيه احجي اي شي
ادم : اباوع عليها ملاك ونايم لا يالله شهل الجمال والنزاكة  وبعدين وصلنا كتلهم اني راح انزل اخذ عشق اوديها لغرفتها خلي ترتاح وتهدء وشوكت متكعد عادي
كيان وعمر وازاد : ماشي احنه راح نزل الجنط ومن تجي نفوت
ادم : فوتو البيت بيتكم
عمر : تسلم شيخ بس الاصول هيح تكول يله لاتتاخر
ادم : فتت للبيت واني بحضني عشق اباوع الكل مصدم وكلمن بوجهه سوال اخصرت عليهم عليه لان مااحب احجي هواي كتلهم هاي عشق بت عمي محمود اليوم اجو من السفر والولد بره اطلعو استقبلوهم بعدين افهمكم الباقي عفت وصعدتها بغرفتي لان اني طابق كامل وحدي ومحد علمود تبقى بجو هادء خليتها على الجربايه ونزلت لكيت الكل جوه وعمر وازاد وكيان كاعدين يم جدي بالديوان والولد يمهم فتت للديوان وكتلهم الله بالخير
الجد والاب : الله بالخير والعافيه شيج
ادم : ها جدي شلونها المفاجئه
الجد : والله ياشيخ فضلك ماانسى اني رجال جبير وجانت امنيتي الكل ينجمع حدي وانته نفذتها ماكصرت يشيخ
ادم : باس ايد جده وكله جدي الله يطول بعمرك ويخليك النه وانشالله بيت عمي بعد مااخليهم يرحون اني اتقف وياهم ونقلون كلشي هنا وياخذون بيت يمنا ويستقرون بالبصره
عمر ازاد كيان : بس شيخ احنه خايفين على عشق وانته شفت الصار بيها من اجينه لحد الان
ادم : عشق لاتخافون عليها هنا البنات خواتي وبنات عمي راح يصرن صديقات وانقلها لهنا تكمل دراستها
عمر : بس عشق مااعتقد توافق خلي تكعد ويصير خير اني خايف عليها حيل
ادم : ماشي براحتكم بس هسه كومو نفوت جوه العشه جاهز وانتو هم تعبتو والصار مو شويه
عمر فتنا للبيت وسلمنه على ام ادم والبنات و كعدنه وهمه كامو يحضرت العشه

ازاد : بعد مطلب منا الشيخ ندخل فتنه وسلمنه وجانت اكو بنيه يمكن بكد عشق بس شنو من جمال فدوه الله بعدين نزلت راسي وكلت عيب افكر بالبنيه هيه بت عمي كعدنا اني وكيان وعمر ناكل وشويه وسمعنا صوت درنا وجهنا نشوف منو ........

ادم : فاتو الولد للبيت وكعدو يسلمون مشالله اخلاقهم حيل عاليه ولا كانما جانو عايشين بالخارج كعدو وبت امي واسيل يحطون السفره وكعدنا وياهم اني وشهم وحسن وجاسر وشويه وسمعنا صوت من فوك دركت وجهي وشفت بلوة كلبي دا تنزل من الدرج بخطوات مو ثابته كأنما دا تتمرجح اباوع اخوانها يباعون عليها بحزن ميكدرون يتقربون منها خايفين عليها لاتنهار مره ثانيه وتتعب اشرت الاسيل تروح عليها وتساعدها تنزل كل متقرب تقرب رنت حجلها اووف يبلوة كلبي شهل الجمال هذا وين راح اضمج من عيون الناس اااااخ ياشيخ ادم شجابك الهل الدرب

عشق كعدت واني اشوف روحي بمكان غريب بس ريحتة طيب اعتقد شامتها قبل كمت على كيف وشغلت الضوه شفت الغرفه عباره عن الوان رجوليه نازكة ومرتبه لونها اسود ورصاصي اخشابها تركي باوعت الصوره وعرفت اني بغرفت الشيخ من صوره لي بكل مكان فتحت الباب واباوع عبالك محد بالمكان شهل الهدوء نزلت من الدرج شفت كلهم كاعدين ياكلون معرفت بس الشيخ و عمر وازاد و كيان شوي وقربت مني بنيه بس معرفتها باوعت عليها بنضره وهيه حجة وياي

اسيل : هلاو شلون عشق اني بت عمج اسيل اخت الشيخ ادم عمري 18 سنه وداادرس وانتي

عشق : فهمت هيه بكدي وحلوه مبين عليها حبابه وكتلها هلا كلبي اني عشق محمود عمري 18 طالبة سادس اعدادي

اسيل : ماشي يعني اني وياج نفس العمر يله خلي ننزل ناكل اكيد جوعانه اني وامي سوينالكم الاكل امشي ضوكي طبخي

عشق : نزلت ابوع الكل صافن عليه والشيخ منزل راسه ابد فتت كتلهم السلام عليكم
اسيل بدت تعرفني كالت هذا جدي واهذا عمي وهذول ولد عمي سلمت على جدي الشيخ عشق شلونك جدو وبست راسه وايده ورحت على عمي سويت نفس الشي سلمن على ادم اول شي تصافتحت ويا وبعدين شهم وراه حسن وجاسر ومرت عمي عني هم خوش مره حبابه وكلبه طيب مبينه متحب تاذي احد كعدنا ناكل واني اشوف خواني عيونهم حمر والتعب واضح عليهم بديت اكل اكلهم طيب وبعدين حجه جدي الشيخ
الجد : اسمعو كلكم انتو لازم تبقون هنا ومترجعون بعد كافي غربه وبعد وفراك

عشق وعمر وازاد وكيان : .................

1208 كلمه