رواية عذاب بت الشيخ ..ج1 الفصل التاسع عشر 19 - بقلم Heba_ Jafar .

يآلگيت ويآك كُلشـي
يآلتمشيت آعلـى رمشـي
آلدنيـا تَنـزف مـن عَثگها
و مـآمـش رويَحـةة رطب
هــــﭑ يـ خيـر
ويـن غـآفـي بيـآ شـليل
وويـن صـرت
بيـآ بخـت عنبـر سَبيـل..

رفل: جنت اغسل شلت راسي ما اشوف اله علي يناضرني بنضرات غريبه ارتعبت اجيت انهزم ركضلي

علي: كضيتهه من ايدهه وعيوني صارن بعيونهه وهيه مغمضه .....
علي: شسويننن طاللعه منوو كلججججج اطلعينننن

رفل: والله عمه كلتلي اغسل الطرمه
علي : لا خاف ادورين منا منا واحد
رفل: نصدمت باوعتله بصدمه شنوووو !!
علي: ومرضض سحبتهه من ايدهه ودخلتهه للبيت
اذا طلعتي مره لاخ بره اله اكسر رجليج واعلكهه بركبتج فهمتيي

رفل: بقيت مدنكه وهزيت راسي ايي اتخيلوو بس لاول مره ما بجيت نشفت دموعي بس من البجي

علي: يممممه !!! يمممه

ام علي: هااا يمه شبيكك صوتك عبر الحيطان

علي: يمه اذا طلعت هاي بره مره ثانيه تعرفين شسوي ما أمن بيهه مو راحه

رفل: شنووو شنو قصدكككك

علي: هاي شنو طلعلج للسان تراددين
رفل: شنو مو راحه ما اسمحلككك تجاوز هيجج عليه

عض للسانه يمه طبعا هاي حركته من يسويهه دمي يجمد من الخوف ..

اجاني لزمني من شعري وكومني بقوه اكلي *** انتي هيج ** فعلج وهيج تركج بقه يجاوز عليه واني مدنكه واحاول اوخر ايده من شعري

علي: للسانج اذا اطاول هيج وحجيتي وراددتي اكصه صوتج ما ينسمع بلبيت فهمتييييي
رفل: صمت
علي: فهمتييي اكلجججج
رفل: هم صمت عاندت وما رديت طبعا هنا صرت صلفه مدري ليش

شمرني بلكاع واني بقيت مدنكه

علي: كومييي يله بسرعه اريد غده جاهزز وراي دوام يللله
ام علي: ييي ولججج يلله

ونضفي عدل اريد المطبخ مابيه ولا كشايه واذا لكيت زهراء ماده ايدهه على شغله اله اعلكج بلبنكه

يله تحركيييي علاوي جوعاننن يللله

رفل: جريت حسره وطلعت للمطبخ
علي: وسمممم

رفل: بصوت ناصي لسمك انشاء الله وخلصني منك

ياربي تجي زهراء يمي يارب ....

●●●●●●●●●♡♡●●♡♡●●♡♡●●●●●●●●

زين : اجيت الليلة اودعكـم ماظن للصبـح باقي
هذا المنحني عـودي وهـاي الذابلة اوراقي

بعد ما تراجعت ونتهت الخطوبه وانتهى كلشي

ضليت حابس روحي بلغرفه بس مهموم وافكر وكاره حياتي حته الحب كرهته الاكل ما اشتهي اكله ...

اشوفلي حل لهاذ كله حتلو تزوج وتخلف عشيره هم اريدهه هوه الكلب شكم مره يحب ويهوه هيه مره ما تنعاد بعد انتي وحده ما تتكررين وهاي الوحده الي لزين وعد وقطعته لروحي نكبر سوه وما اتراجع اضل وراج يله زين لا تضعف ارجع زين الاولي لا تنهز اصبر بس وي الصبر اجهد وفكر ....

رفل: كمت اخور بلمطبخ ما اندل اصلن وما اعرف شسوي حرتت ضليت صافنه واباوع شسوييي هففف

انتجيت وغمضت وشفت بعيني زين وابتسامته وينك زين اخذني فدوه لا تكول نسيتني اني بعدني رفل

اكيد منسيتني تعبت وينك زين شوعدت انت نزلت دمعتي وي عتابي احس روحي مرتبطه بيه شحجي يسمعني زين فدوه تعال وما حسيت بس ايد لزمتني فزيت لتفت

زهراء: اسم الله شبيجج رفوله
رفل: واني امسح بدموعي هاا جيتي زهراء
زهراء: شبيجج لتكولين علي سوالج شي
رفل: لا ماكو شي بس ما اعرف شسوي غده وعنده دوام اخوج

زهراء: ليش مو ماما
رفل: هيه دزتني وما اعرف شسوي ولا اندل
كليلهه وتعالي
زهراء: اوك رايحه

رفل: اوففف حسره وره حسره تجي

زهراء:جيت تكول سوي برياني لحم وسمج اطلعهه اني من المجمد وتكول ما ملحه اساعدج اني

رفل: لاااا حبيبتي بس دليني انتي وابقي يمي لتخليني وحدي
زهراء: اوك براحتج

رفل: تمام كمت احضر بلتمن وكملت طبخته كمل خليته يتهدر ع النار وكمت احضر بلحشوه ولحم

طبعا وبس تسولفلي زهراء عن اقاربهه وشنو هم

زهراء: خلي اكلج شي بس مو تكولين
رفل: ههه عليمن اكول
زهراء : مو عمتي بتهه اسمهه اديان تحب علي تموت عليه

رفل: وشعلي جا ما اخذته وخلصتني

زهراء: دخلي اكملللل
رفل: كملي
زهراء: هيه حلوه يس مغروره ومو راحه ابددد والله عليهه سوالف هذن كلهن تسويهن حته تغر علي بلكي يغار عليهه وماكوو ولا يكلبهه ابدد وهيه كاتله روحهه كتل

رفل: على شنو كاتله روحهه على حوره ياا من صدك عود زين متكله

زهراء: شبيجج ولج كلتله حته كلتله ازوجني وما قبلل يكلهه ما اريد ازوج

رفل: مايريد يزوج !!
زهراء: يي من وره مرته هذيج كام يكره النسوان
رفل: جان مزوج يعني
زهراء: يي متدرين
رفل: بصوت ناصي ويطبه طوب شعلي بيه

زهراء: متدرين تعرفين ليش نفصلو

رفل: لاا حب شعلي بيه اني شلي علاقه اصلنن المات ولعاش هم مالي علاقه اعرفه يعرفني

زهراء : اني ساكته ومتحمله يربييي شهل ريحه تجننن متت جوووععع

رفل: هسه اخليلج

زهراء: ماااا اني وياج اكللل

رفل: اني ما اريد حبيبتي

زهراء: اوككم بعد ما اكلل

ام اعلي : شنهاييييي ملتهيه تسولفيننن جايبتج تسولفينن اشتغليييي لا اكص للسانج يللله وليدي جوعان يلللله

زهراء: شنيي مامااا غير جاي تطبخخخخ اطيرر دشمي الريحه

ام علي: انتي اطلعيييي منااا اني شكتلججج مو كتلجج ما اريد زهراء تسوي شي

رفل: والله ما خليتهه تشتغل
ام علي: وسممممم
زهراء: منوو كلجججج اشتغلتت اصلن هيه شني ماماااا

علي: شني شبيجننن صوتجن عبر السلف شكوو

ام علي: والله مرتك ملتهيه تسولف ما تطبخ وتراددني هيه هاييي تاليتييي

رفل: بصدمه يااا

زهراء: شوكت والله ما مسويه شي البنيه وهاذ الغده جهز بس تشوي السمجه

ام علي :انتي اسكتيي زهراءءء يلله لغرفتججج صعديي يلله

زهراء: شننييه اووووو

ام علي: يمه مرتك يرادلهه شوي تأديبب مستهترره
ترادد وللسانهه شطووله

رفل: والله ما مسوويه شي والله

ام علي: ونوب جذبنننيي

علي: تجذبين امي ولججج ترحيلهه انتي وعشيرتج نذرر سبع فدوات لضفرهه

رفل: اجاني بعصبيه لزمني من زندي من ثنين اديه وتقربلي

علي: غمضت عيونهه بخوف مثل الطفله ضليت بس صافن عليهه ماكدرت اسويلهه شي ما ادري حسيتهه بريئه اجاني شعور خلاني ما عرفت اسوي شي بس اباوع بتفاصيلهه

ام علي: يله يوم يله ختولي لا تخرب مزاجك من وراهه وتنسد نفسيتك تولي تولي

علي: واني اباوع وايدي ما اكدر اشيلهه منهه تقربت اكثر

ام علي: يمممه يممممه علي !!

علي: فزيت هاا !!

ام علي: علمودي عوفهه تولي خلي تصب غده سامحتهه اني هلمره يله

علي: هاا يي يي يله شوفي هاي اخر مره الج المره ثانيه بس تتطاولين على امي اعلكج هنا فهمتييي

رفل: هزيت راسي ب ييي

علي: يلله حطيلي غده بسرعه ييللله

رفل: بخوف يي هسه

علي: طلعت صحت زهراء

زهراء : هاا

علي: كليلهه لهاي تخليلي وحدي وفوك خوش اني صاعد

زهراء: اوك

علي : طلعت للغرفه تمددت ع جربايتي انتضر الغده

رفل: حضرته كله جهزته خليت الهم السفره كملت بس حضي طاح خليت الغده الهم

رفل: زهراء روحي صيحي اخوج يتغده

زهراء: ياا نسيت كلي اكلج تخليله الغده فوك وحده بس شون نسيتتت .

رفل: ليش غير وي اهله

زهراء: لا ميريد يريد وحده اليوم المهم هوه كلي اكلج ونسيت

رفل: اوك خلي اعزله وحده واجي تاخذينه اله

زهراء: اوك

رفل: خليتله وحده اخذت الصينيه لزهراء هاج زهراء

زهراء: انطيني
ام علي: شنو هاييي !!

زهراء: غده لعلاوي

ام علي: ليشش مو ويانه

زهراء: لا ميريد يريد فوك ياكل

ام علي : وانتي شنو تشتغلين عدهه وتودين الصينيه
شووو انطيهه الهه

زهراء: هوه شني خدامه لخوي غده

ام علي: نجبييي شني تشتغلين عدهه هاج اخذي الصينيه انطيهه الهه هيه توديهه لا اجي وافلشه بروسجن

زهراء: على كيفج على كيفج
ام علي:انتي تعصبيني ولو من اشوف هاي الاشكال اتعصب وحدي حته مزاجي ويومي يصير تعيس

رفل: بصوت ناصي جا شون هسه من يصعدهه اني ما اروح

ام علي: يلللله ولججججج اخذيهه من ايدههه

رفل: اخذتهه من ايد زهراء بسرعه
زهراء: شسوي شبيدي اسفه رفل

رفل: حبيبتي لا

رفل: ما ضل غيري يصعدهه اخذتهه وصعدت واني خايفه الصينيه ترجف فتحت الباب

دخلت لكيته نايم متمدد ومخلي ايده على عينه خليت الصينيه بلكاع
هسه شسوي شون اكعده يربييي والله حيره ونوب اكعده من نومته واني بلذات اله يسحلني سحل
اوففف شسوي ..........!

□□□◇◇□□◇◇□□◇◇□□◇◇□□◇◇□□□

هلو اني اديان عمري ٢٢ سنه اصير بت عمه علي ما مزوجه تاركه الدراسه كلهه تتمناني وتريدني بس اني اريد واحد بين هذولي كلهم الي هوه علي وبس احبه لااا مو بس احبه اعشقهه لاا مخبله بيه اريده بس الي

وره مرور شهر وشكم اسبوع جنه مكسورين بعد وفاه عباس كاعدين دخلت جوارينه ام علاء سلمنه عليهه اطمنت علينه وفجأ

ام علاء :شعجب اخذو فصليه بيت ابو علي

ام اديان : هااا !! فصليهه ما ادري والله خيه منج سمعت

اديان : المن اخذوهه وشوكت

ام علاء : ياا متدرون شسالفه ناس تدري وانتو لا

ام اديان : ولا كلش احنه طامسين دحجي عاد

ام علاء : اخذو هاي الخطبت هسه فصخوهه واخذوهه

ام ديان : ياا صدكك ولا ادري عمي ذبو فلك

اديان : وشنو يعني هسه

ام اديان : المن اخذوهه

ام علاء: سمعت اخذاهه علي

اديان: شنوووو ..!!!!

هاذي شبيهه الاديان مغروره تشوف نفسهه هيه وبس وثقتهه بنفسه كلش عاليه متتصورون شكد

انتضرونيي حبايبب

بس مدرسه تدروت بيه بس انشاء الله احاول ما اتأخر