وتدري من تكبر على شفافك ضِحكتك
يكبر بگلبي الهوى
ومجبور اعاتـب
عريان السيد خلف
رفل: اصلن اريد نخطب بسرعه وخلص من هل مشاكل
ابتسام: هم حقج بعد بس ننتضر يرجعولنه خبر
رفل: لتخافين يرجع الخبر
زين : رجعت واخواني بس يتصايحون وراي
طه : ما تكفنننه من مشاكلكك رحمه لدينك بطلههنن
زين: طه مالك علاقه فهمت لو لا
ام زين: يمه شصاير بيكك كون شللل بيده هاذذ ابن الحرام سوده عليه
زين: يمه وخرو مني خلي ارتاح هاا وع فكره حضري نفسج عدج روحه باجر
ام زين : يا ستار وينن
زين: بعدين
طه: يمه رحمه لأهلج كفينه حاجي ابوي اذا مو انتي انه صاير ما يمل من هلمشاكل
ام زين: يمه وليدي واعرفه ما يسوي شي هيج بدون سبب
طه : اهووووووو
زين: دخلت سبحت وطلعت من الحمام بس ادخل لغرفتي انعس كلش واطفي اصير عبالك سكران
بعدني ما لابس فالنتي دخلت خوله
اهوووو هم اجتت ادري اشيلل لو اهج مناا انتي اهلج شني ما يسئلون عليج يكواون وين تطلع وين تروح
خوله: شبيك مدكليي بس تصيححح على كيفكك تعال اخذ راشدي هممم
زين: خوله تره روحي بكصتي واصله اطلعي بره احسلج مالي خلكج ولا خلك فضايحج
خوله: بكلبي شنو هاذ ميأثر عليه شي ابدد قافلل
زين: اذا ما طالعين تفضلي الغرفه غرفتجج وانه طالع
خوله: دوكففف خلي احاجيج موضوع مهم
زين: مالي خلكج ولا خلك مواضيعج التافهه
خوله: بس كلي ليش متريد ترجعلي واني احبك يعني معقوله ولا شوي بكلبك عليه
زين: استغفر الله ربي الصبر يالله شوفي روحي ارجعي لبيتج وكعدي ونتضري قسمتج لو اذا تردين ارجعج لزوجج عوفيني بحالي
واصلن راح اخطب انه
خوله: شنووووو!!
زين: يي والله مثل ما سمعتي مع الاسف
خوله: لا مستحيل متسويهه انت
زين: يي ما اسويهه ديله خوش بره يله اريد انام وجايتنييي بليللل شيكوللل ليشوفنه هسه
خوله : زين متسويهه موو ما اخليكك تاخذ اي وحده رحته وحضنته
زين : وخرييي منييي وخرييي خولللهه
خوله : لتعوفنييي زينن فدوووه والله احبكك حس بيه لخاطر حس بيه ولكك والله احبكك واموت بيكك لتعوفنيي
زين: وخريي ولجج لزكت كلش اريدهه توخر ماكو
الشيخ اسماعيل : زينننن وينككك
زين: بوييه ولججج اطلعيي وخرييي منييي احتركك اب****
خوله : ما اوخررر واللله احبككك ليش متفتهمممم
زين: هستوني كضيتهه سحبتهه بكل قوتي جان يجفت ابوي ويدخل وهيه حاضنتي وانه مجلب بيهه
صدمه ابوي بهذيج اللحضه ما تنوصف وجه كام يطي اللوان
زين: بويه بس خلي افهمكك والله لا تفتهم غير شي
خوله: عمو ابو زين عزا اسفه
الشيخ : صمتت لتفتت وراي محد سديت الباب ع سريع
شجايييي اسوووون ص***** ما تستحوووون شنهايي ولككك زينننن تريد تبلينيييي لك انت صدك واحد ***** وما استحييييي
زين: اصبررررر افهمكككككك لا تاكلني وتشربنييييي اطي مجال
الشيخ: وانتييي شجابججج هنااا ما تستحينننن ولج مو عيب عليججج ولج وبنص لياليي هيج وينننن تردون تفضحونيييي
خوله: عموو مو انيي هاي زين
زين: لاااا هسه خوششش ابلينيييي انه ولج شكم مره كتلج امشي هاي سوالف مو الج اطلعيي لا تجين كافي هاي تاليتججج شفتي جا انه شكتلججج
خوله: شوكتتتت كتليي لتجذببب انت اصلنن تجيبنيي هنااا
زين: شنيي بعصبيه كمت امسح بوجهي
الشيخ : ولك تلعب ع بنات العالم خب زويننننن وبت صاحبي همممم
زين: كافيييييي لعبتوو روحيييي لا ميت عليهه ولا لاعب عليههه واخذهه وروح هيه اجت برجليهه يطب طوب
شوفي باوعيلي بهدوء خوله اذا جيتي مره لاخ وصلتي عتبه الباب رجلج اكسرهه الج ولا تراويني وجهج بعد ويله الله وياج
الشيخ: انت تلعب ع بنات العالم تجيبهه هنا وتطردهه
زين: احتركووو بنات العالم وياهم انه دكافييييي
رفست لباب وطلعت
خوله: زيننننننن
زين: خ**** ع زينننن
خوله : عمو فدوه لتحاجيه هيج اسفه هوه يحبني واني هم بس كلي محد يقبل يخطبنه
الشيخ: امشي اهلج لا والله اجيبهم هنا واخليهم يدفنونج وانتي عدله عيب عليججج ولجج مو عيبب ما ستحيتي ولججج
زين: نومه السوده عليه طلعت رحت للمضيف كعدت
انتضرته يجي
الشيخ: زين شتريدد المن جاي هنا
زين : عدي حجي وياك
الشيخ : شتريد احجيي بسرعه
زين: اول شي انه لا ميت ع خوله ولا جبتهه وثاني شي الشيخ عامر يسلم عليك
الشيخ: الله يسلمه وين لكيته
زين: هسه اجيبك بلحجي تره الشيخ اطانه بته
الشيخ: عامرر!!
زين: جا ياهوو بعد كال الك بس نجي نخطب ف باجر اخذك انت وامي ونتوكل
الشيخ : هيهه لعببه بكيفكك انه رايح واجي اطلع بره
زين : ههه شوف بويه بحلمك اخذ غيرهه لو هيه لو اكطع تمشي باجر وياي خوش لو لا وانه كايم انت ضل فكر بابنك لصبح بلكي تسوي شي خير لبنك
كول عدي ابن مو بس ابنك طه
الشيخ : زينننننن
زين: وانه تمشي عيون زين وطلعت
رجعت للغرفه بليل صلرت ب11 تقريبا رحت نمت هوه اصلن ما حاجه من ادخل انعس واروح بعد
كعدت اصبح بدلت رحت لدوام بس فرحتي ما تنوصف ما فكرت بابوي ابدا كلت اكو شيوخ وساده يرحون عذري ابوي مو هنا
اليوم ردته يخلص ما يخلص بعد عناء طويل ب12 ونص تقريبا رجعت للبيت
ام زين: هلا وكل لهلا بيك يوم
زين: فدوه لهل وجه بستهه من راسهه
ام زين: شني فرحان اليوم شكو
زين: حضرتي نفسج
ام زين: وين
زين: اه خيب مريه اسماعيللل ولج مو كتلج جهزي نفسج العصر ترحين تتخطبين لبنج
ام زين: ياا صلوات ياهييي
زين: ياهي اكو غيرهه الروح والريه
ام زين: يمه هلاه رفللل فلك فلك يومك ولا كضيناك يمه ابوك رضه
زين: معليج بيه انتي جهزي نفسج ومعليج انه تعبان اليوم دوريات وسيطرات تعبت راح اناملي شوي وكعديني
ام زين: جا ما تتغده
زين: لا من اكعد انطينيي بوسه بلله من هلوجه العافيه
ام زين: امشيي منا امشي لا هسه بلطابوكه جذاب نغل ومصلحجي
زين: حته لو نغل راضيييي عميي بس زوجيني لا احرك روحي
ام زين: ههه امشي ولكك اخخخ لو كل يوم هيج وليدي يضحك بلوجه وين الله وتصير قسمته ويرضه الحجي
رفل : صار ليل وكله تفكير بتهديد علي يعني معقوله ياذي زين بسببي لا مستحيل ما اسمح ابد ولا يكدر هوه اني اعرف زين ما اخاف عليه واني احاجيه هففف ياربي عديهه الي على خير والله ولا جني عمري 17 سنه وهاذ الضيم كله فوك راسي
نمت كعدت اصبح ع هوسه ماما
شكو خيرر ما يصيرر واحد يناممم يعنييي
ام رفل: وسممم دكومييي العصر يجوونه خطار
رفل: واني شعلييي اريد اناممم
ام رفل: ولجج غير يخطبونج
رفل : منووو شنوو يااا
ام رفل: والله خابرو ابوج هسه
رفل: منو خابر
ام رفل: الشيخ ابوه كال جاين العصر
رفل: يا شبسرعه
ام رفل: اندري شو ما صدكوو وخطبو دكوميي جنج شعفه مسودنه كومي رتبي عدليي ويننه الله وكون تجي هسه وتدخل وشوفج هيج والله يهجوون ما يضلون
رفل: شنيييه مامااا اصلنن بعدد وكتت اريد انام ومعليج يشعفتي عاجبتي
ام رفل: والله ما ادري اشافوو منجج وعجبتيه هلولد هاذ
رفل: يمممه افتهميي الحب مو بلشكلل بلقلببب متشوفيني طيبه القلب
ام رفل: دكوميي لا هسه اسويج قلب كومييييي لا بلنعال
رفل: والله ولا اكوم اريد انام وخروو منييي
ام رفل: دكومييي ولجججج خب ويننن النعال دتعايييي
رفل: لفيت نفسي بلبطانيه وهيه تطك بيه واللله ما اكوم لو تكطعينه ع راسييي
الشيخ : هاا شكو شكوو
ام رفل: ولكك موتتني بتكك اكلهه الناس راح تجي العصر وهيه تريد تنام شوف وجهه والله ليشوفهه يخترع مدري شلون خلفتهه وجبتهه
رفل: شعلييي انتي جبتينييي
الشيخ : ههههه كافي كافي تخبل بتي اكو احلى منهه
رفل: طلعت راسب من البطانيه مححح فديتك فدي ورجعته ع سريع
الشيخ: يله بابا لخاطري كومي يله عدلي وحضري نفسج وشوفي امج شمحتاجه
رفل: اوككك كمت كمتتت اصلن طارت النووومه ما تخلون واحد يرتاح
ام رفل:اوييي زعجنه الاميررره بت ولي العهد
رفل: وكلش هم
ام رفل: ناويه تخليني اكطعه ع راسج مو
الشيخ : ولجن كافيي هههههه كافيي
رفل: رحت تريكت واني هيج حالتي وماما تباوعلي تريد تكتلني واني متعمده اتاخر صارت ساعه تقريبا ب3 ونص بعد مرور وقت اكيد
رفل: شلبسسس حرتتت شنييه
ابتسام : اوكفيي هسه اذكر عندج فستان احمر ع ماروني يجننن عليجج ماشاء الله
رفل: ايعععع
ابتسام: وسممم دصبرييي هاذذ لبسي يله
رفل: ما اريده ايععع ونوب ردانه مشخله ايدي تبينننن شكو شعندي عرس
ابتسام: البسيي وانجبيي يلله
رفل: دوري وجهججج الخايس
ابتسام: وسم درت
رفل: لبسته اني ما عجبني بس هيه عجبهه وماما هم
بس فهمنييي شلون وايدي تبين والله زحمه
ابتسام: خاب ما سكتيننن
ام رفل: اكلج يمه خاف صدك
ابتسام: عمممه لا تصيرين وياهه
ام رفل: خوش خوشش
رفل: زين شلون البس شال وهاذ هيجج
ابتسام: منو كال تلبسين شال
رفل: ياااا
ابتسام: وسممم خلي يشوفن جمال شعرج وينسحلن قابل يم زلم انتي
رفل: شنوو ما شايفات شعر شبيج انتيي
ابتسام: اسكتي ولا حرف
رفل: لت اكلكم ولا تكلولي لبست الفستان وسوت شغري بس سخبت خصلتين ليوره وطلعت كذله وخلته مفتوح وشعري اشكر وكلش طويل خلتلي شوي مسكاره وحمره والله زحفت ع نفسي طلعت كلش حلوه 😂😂
وجان يندك الباب عزااااا ابتساامم اجوو اجوو هففف شهيق زفيرر بدونن توتر يللله
ابتسام: وسممم ولي للمطبخ يللله بسرعه
رفل: اوك اوكك رحت رمض اجيت اندعم بلباب واسوي حادث بس الحمد الله عدت سلامات
السلام عليكم
ام رفل: هلااا وكلل الهلااا يممه هلااا ام زينن جايتني يا صلواتت شلوننج
ام زين: هل بيج شلونج شخبارج
ام رفل: الحمد الله هلاا بسميره شلوونج
سميره : الحمد الله
ام رفل: تفضلوو تفضلوو هلاا بيكم نورتونيي والله
ابتسام: وينج هاا انطيني المي وانتي كملي الجاي
رفل: اوكك اوكك هفف ايدي ترجفف
وره شوي وره الحجي وسوالفهن
ام زين: وين العروسه خلي تجي نشوفهه
ام رفل: هسه تجي هسه ابتسام صيحي رفل
ابتسام : صار رفل رفللل وينج
رفل: هاا هاااا
ابتسام: يلله صبي الجاييي
رفل: هاا اوكك اوككك هفففف ولجج ما اكدررر متوتره انتي صبي
ابتسام: يبووو دوخرييي صبيته هاج يله امشي باعي لتخافين ابد ولا تت ترين اول شي انطي لأمه ونوب اخته ونوب عمه
رفل: جا اني شمدرينيي منو منهم امه
ابتسام: غميت كصتي ولجج صخوونه ما تعرفين امه تره مبيننه جبيره
رفل: ابتسام ولج خاف ابديه والله شكول
ابتسام: حطي الجاي وسلمي وزعيلهن ياه
رفل: تمام تمام
ابتسام: يله اني وراج لتتوترين
رفل: طلعت وايدي ترجف والجاي يرجف وياي ماشاء الله عاش الدور هم
ام زين: صلوووات ع النبي صلوووات
سميره : الله يحفضج من العين يارب
رفل : ابتسامه خفيفه سلمت وحطيت الجاي
ام زين: تعايي كعدي بصفي اشوفج اسلم عليج
رفل: واني ساكته كمت وكعدت يمه
طبعا بعد تحقيق
زين : كعدت تغديت وخلصت وفات الوقت بدلت امي وانه بدلت طلعت بلباب يله يمه
ام زين : وابوك
زين: مادري جبت وياي سيد محمد وطه كال هم اروح
الشيخ: يله تحركوو يله تاخرنه
زين: هنا لتفت وصدمه وفرحه بنفس الوقت ابتسمتله وبست ايده كصاني من اذاني
الشيخ: رايح نخطب خوش صير خيرر ولك اذا تزعل بت صاحبي ارميك فهمتت
زين: اهوو بويه كلساع عايدهه الي نفس السالفه
فهمت والله
الشيخ: ديله تحرك
زين : و جان نطلع وصلنه دخلنه سلمنه وكعدنه
طبعا جان موجود بس هوه وكريم واحمد شلون اقتنع احمد واجه ما ادري وعلي بس لا عده للعبه ويسويله سالفه عليه هم ماكو جاسم همزين الله خلصني
جا سواهه عليه فاتحه مو خطوبه
المهم بعد كعده وضحك وسوالف اجع زكت الخطوبه
وحددنه الغايب والحاضر واتفقنه ع الموعد
الشيخ عامر : بعد شوكت الخطوبه نشوف
زين: بلجمعععه عكبب باجرررر
الشيخ اسماعيل: هاهاا لا تنكز وينن ولك نلحك
السيد : هههه ولك شعدك مستعجل
زين: يمعوددين ديلله عكب باجر
الشيخ عامر: وين تلحك ما دكلي
زين: نموونه الحك
الشيخ اسماعيل: ديله بلجمعه بلجمعه نلحك انشاء الله
زين: يي
الشيخ عامر: يابه هلا بيكم هههه الف مبروك
قرينه الفاتحه وخلصنه
زين: احمم احمم سيد
السيد : ها شكو خير
زين: اكلك حاجيه اشوف العروس مو من حقي اشوفهه قبل الخطوبه حته اقبل لو لا يجوز ما تعجبني
السيد : ولكك انت صدك نغل جا انت ما شايفهه
زين: هسسه ميخالف ديلله مشيهه لخاطري
السيد : دسكتت دسكتت
اكلك ولو اقاطعك خويه
الشيخ عامر: لا تفضل
السيد: تدري عاي سنه الحياه بعد ورفيقه العمر لازم يختارهه ويشوفهه من حقه يعني كلشي يصير هاذ شرع الله لازم
الشيخ عامر : هم صدك كريم بويه روح شوفهن وخلي يجبنهه بلمدخل كللهن خلوهم يتشاوفون
كريم : يالله هسه ياالله ياللله يممه
ام رفل: ها يمه
كريم: يمه جيبو رفل خلي تلبس وتجي وينهه خلي تتشاوف وي العريس
رفل: بصدمه شنوو ياا
ام زين: هههه اسم الله شبيج يمه
ام رفل: هسه اوكف كومي ابتسام لبسيهه شال خليه ع راسهه وع ايدهه
ابتسام: صار يمه
رفل: كمت لبست شال حطيته ع راسي ونزلته ع اكتافي وكلبي يريد يطلع من مكانه ايدي ترجف
عزا ابتسام راح يوكف كلبي
ابتسام : سكتي
كريم : اوكفي هنا يله تفضل زين
زين: لا ما مصدك مستحيل ياللله احس رجلي وخطواته صارت ثكيله
فتت وشفتهه احس روحي طلعت من مكانهه احس جسمي مات ماكدرت احرك نفسي واني عيوني صدت بملامحهه وهيه مدنكه وعيوني صدت بكحل عينهه
ولج مكحله ومحمره اخخخ بويه متت وعلي روحي نسحنت بهل طول والهيئه بهل ملامح روحي ردتلي اريد اخذهه لحضني وما اعوفهه لمن ارتاح واغفه
سلام عليكم
رفل: بتوتر وهدوء وعليكم السلام
زين: رفعي راسج
كريم: دكافي جلبتو هههه
زين: ههههه يله يله هاي هيه ......
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!