رواية عذاب بت الشيخ ..ج1 الفصل الثالث عشر 13 - بقلم Heba_ Jafar .

خذني بعيونك سوالف🦋🌱
خذني بگليبك حچي
ولو ثگل ضيم الليالي
اوگع بخدك بچي☔

علي الشباني .

زين : واني ادعي ميخلص ليل حته لا يجي باجر ويصير الي ما اريده يالله عليك بعد

رفل : واني مثل السمجه اتكلب بفراشي والخوف كاتلني يارب بس زين نصيبي يارب لو زين لو لموت ما اريد غيره وفوكاهه فصليه مستحيللل
كعدت اتخيل نفسي مثل الخدامه
لااا ياربيي لا فدوه ...

......................**♡♡♡♡♡♡♡**...................

علي : واني بس ادخن وافكر شسوي بله البيت عامر حته اذيهم اغتال جاسم لاا ميصير وتخلص ومنطين عطوة ... باكيت كامل شربت جكاير وما ارتاح بعد حطيت راسي نمت ما ادري
كعدت ع صوت صياح وصريخ طفرت ركض

شفت بت عمي فاطمه اصرخ ..

■■■■■■■■■■■■■■

فاطمه عمري 17 سنه تاركه الدراسه اول متوسط شعري كاصته قصير لان احبه قصير ومواصفاتي طبيعي

.......................**♡♡♡♡♡♡**......................

علي : شكوو شنهاي سلامات
فاطمه بصريخ ولك عباسسس ولك عباسس مكلولي متت وعفتني عباسسس ضحكو عليه ولكك عفتنيي ورحت ويننك كلوليي وينه عباسس ؟؟!!

علي : فاطمه .!! شنهايي
ام علي : ولج كافي فطومتي كافيي موتيني
فاطمه : ولكم اريد عباس كلي ما اعوفجج كلي اخذج من اهلج وين راح وعافني ٠

■■■■■■■■■■■■

علي : احترك دميي وزاد كرهي على بيت عامر طلعت بره من الخنكه اخذ شهيق وزفير ما ارتاح اكو شي بكلبي موتنيي ما يطلع بيه خنكة روحي ما احس بيهه لو كدامي جاسم والله اموته بساعته وامثل بجثته بهذيج الحضه

اخخ اللله تعبتتت بس من التفكيرر والقهرر ....

........................**♡♡♡♡♡♡**.....................

رفل : كعدت اصبح وجسمي متكسر روحي ما اشيلهه احس حراره تطلع من عيني

ماما : رفلل ماماا شنهي اليوم اكعديي

رفل : ماما تعاليلي

ماما : هاا شبيج كومي
رفل : يوم ما اكدر اكوم متكسره
ماما : ها شبيج ..... يااا عزا مصخنه نار شبيجج
رفل : لعبانه حته نفسي يوم
ماما :هسه راح اكل لكريم يجيبلج علاج
رفل : راحت دزت كريم على علاج يجيبلي من صيدليه

نمت اني بعد ما ادري بلدنيا شصار ما صار

....................**♡♡♡♡♡♡♡**.....................

زين : ما نمت ليل كله بس افكر عفتي شغلي عفت اهلي كلشي التهيت بس بحبي هيج الحب يسوي بلانسان
شسويتي بيه رفل شصار بيه تغيرت 180 درجه مو اني هاذ

عگب ذاك الترف ياحيف ذلّت كل أمانينه 🦋🕊

شاكر السماوي

زين : رحت لكيتهم يتريكون

ام زين : ها يمه تعال تريك
زين :ما اشتهي يوم الف عافيه الكم
اكلك حجي
الشيخ اسماعيل : هاا
زين : هسه شراح يصير شسون بله
الشيخ اسماعيل : العصر اروح ونفكهه بفلوس
زين : واذا ما صارت
الشيخ : شني ما اصير ماكو هيج حجي ياخذونه معقود قرأنهه
ام زين : شنهي هده هيه لعبه ياخذونهه مرتنه هاي عيب عليهم

الشيخ : تنحل انشاء الله لا تفكر ولا تهم المره مرتك
زين : فدوه اروح لهاذ الحلك بستهم ثنينهم من راسهم ورحت .
صاير هواي ما شايف شغلي رحت اشتغل
واجو جماعتي كعدنه بس كلش تعبان اني
...
تغدينه وخلصنه ورجعنه للشغل صارت ب1 ونص تقريبا كفينه رجعت للبيت كلت بس اتمدد ارتاح جان ما ادري واخذتني النومه ......

.......................**♡♡♡♡♡♡**......................

رفل : نايمه كلش منتهيه ما احس اله ماما

ماما : رفل ماما حبيبتي اكعدي اكلي حته اشربين علاج سويتلج شوربه

رفل : صمت ما اكدر احجي من صخونه

ماما : رفل ماماتي يله شو كعدي بس شوي

رفل : ما اريد ماما
ماما :جا شلون بله فكرج اضلين هيج غير اطيبين يله لخاطري

رفل : اففف وكلتني شكم لكمه غصبن عليه شربت علاج ونمت هم ما اكدر كلش بس نوم وبس

........................**♡♡♡♡♡**.....................

علي : كوه سكتت فاطمه سكتتهه اختي زهراء عندي 2 اخوات وحده مزوجه اسمهه حوراء عمرهه 18سنه . تركت بالخامس ابتدائي

والاخ الصغيره زهراء عمرهه 15 سنه.. تدرس صف رابع اعدادي

امي اسمهه علياء.. وابوي ابراهيم

واخوي الي توفه نغدر عباس عمره 23 سنه.. ما مزوج جان اباله بت عمي فاطمه ..

و لاخ اسمه حسين عمره 26 صار زعل بيناتنه على زوجته واخذهه وطلع عزل وحده

علي : هاا زهراء سكتت فاطمه

زهراء : يي خويه سكتت كوه متت ياخويه تعبنه البيت وحشه

علي : الله كريم خويه الله كريم شوفي الله ياخذ حقنه

زهراء :امينن
علي : يله راح يجون يحولون فد شوي روحي انتي بغرفتج
زهراء : تمام

علي : اجو الشيوخ وبيت عامر وبيت الشيخ اسماعيل والساده باوعت وينه نسيب بيت عامر ماكو ما جاي ههههااييي طلع جبان .

كعدوو نفس كلشي شدو رايه وفكو الرايه

الشيخ عامر : خويه شكد الفصل حاضرين

الشيخ اسماعيل :اطلبو وئمرونه بلخدمه شكد الفصل ولعيون سيد محمد لخاطره

الشيخ ناصر يابه والله دم بدم الكلناه يصير ما يصير حضرو رواحكم يصير الدم للركب

السيد : خويه ستهذي برحمان صدك جذب
الشيخ اسماعيل وبقيه الشيوخ : صدك جذببب خويه يادم ماخليت قيمه النه يمك
الشيخ ناصر : لا انتو لخليتو قيمه النه
ابراهيم : والله اذا كلنه هاي هيه حضرو رواحكم كلكم من جبيركم لزغيركم اصفيكم وماعدي كلب بعد ولا رحمه كلبي مات وي موتت عباس

السيد محمد : كلشي واله حل بس ليش مصرين ع المره هاذ فصل شكد تامرون بلخدمه

الشيخ ناصر : هيه شنهييي ولدنه روحه مو بفلوس ناخذ روح بروح ونريد ولد بمكان ابنه

الشيخ عامر : بلخدمه بس بتي عاقد عليهه الولد ما اكدر

ابراهيم : افصخ العقد

الشيخ ناصر : اشد على بت خوي

ابرهيم : لااا لااا
الشيخ ناصر : لاااااا
الشيخ اسماعيل : خويه كووه جنتي هاي مو لخاطر عامر لخاطريي انه تاخذ جنتي مني ولكم وين صايرة هايي

■■■■■■■■■■■■■■■

الشيخ ناصر :مع كل احترامي الك والله وخوش واحد انت انسان خير بس هاذ عقد وهم مو كامل مو عرس وانتو تحملو افعال ابنكم اخر كلام عدنه واذا ماعدكم نيه بلبنيه حضرو رواحكم

علي: يي وعلي ولخلق علي احصدكم من جبيركم لصغيركم لا اكول طفل ولا اكول مره ولا اكول شايب كلكم ...

مناقشات وحجي وصياح وكلشي مافاد

الشيخ اسماعيل : الله كريم عامر خويه شد عليهه احسن ما كلهه تروح

الشيخ عامر : لا خويه لااا
السيد محمد : خويه شد الشيخ اسماعيل ورضه يفصخون العقد خويه تصير بلدم كلهه تموت

الشيخ عامر : ما اكدرر ما اكدرر

الشيوخ البقيه قنعو الشيخ عامر انو يقبل لو تضحي بواحد لو بكل اهلك يرحون وما راح يسكت الثار ولا الدم لسنين عقد قرأن محكمة ما كامل كلشي ينحل فكوهه وفكو السالفه يا خوية اعتبرهه هاي قسمة لبتك واجت ......

الشيخ ناصر : جيبو الرايه

هاك شدهه

نشدت الرايه على فلانه بت فلان وانتهى كلشي

الشيخ عامر : شلون اباوع بوجه بتي
الشيخ اسماعيل : واني شيقنع زين ويسكته
السيد : الله كريم
الشيخ عامر : شوكت يجون ياخذوهه ونكمل الفصخ والعقد
السيد محمد : مو هسه لمن يشيلون يردون كال

الشيخ عامر : رجعت للبيت ورجلي ما تشيلني ما الي نفس مخنوك

ام رفل :هااا حجي شبيك اسم الله اسم الله تعال ادخل يمممه شبيكك تبجييي

الشيخ عامر : ماكدرت بعد يا ام احمد ولج كلشي ما بيدييي
ام رفل : موتتنيي احجيي هبطتنيي
الشيخ عامر : الله لا يوفقك يجاسم سويت بينه
ام رفل : يمه راح انجلط احجيييي شصايررر

الشيخ : راحت رفل بعد فصليه راح ياخذوهه

ام رفل :طاحت رجلي بعد ماتت بمكانهه .
عامررر احجيي الصدك جذبب ادري جذب متسويهه انت

الشيخ عامر: شبيديييي شبيديييي انه

ام رفل : ما انطي بتي لو امووت ما انطيهه

ما احس اله الباب ندك عامررر لا تكلي اجوو ما انطيهه ما انطي رفولتييي

الشيخ : لااا مو هم ما يجون اليوم يردون يشيلون يله

ام رفل : البابببب تفلشش هاي مداهمه

الشيخ : رايح كريم شنهايي ياهوو

زينب ساره : شكووو ماماااا
ااكل صار بقلق بعد المشكلة الصارت الكل يخاف من ابرز شي يصير

..............

علي : صار ليل بعد ما شدو الرايه ونجحت اول شغله الي بعد وراكم يبيت عامر
وره شوي اخذت قرار اجيبهه اليوم

ام علي : مو هسه يمه كلوبنه محروكه ومو بحالهه
علي : يمه اني ارايدهه هسه مالكم شغل
ابو علي ابراهيم : بويه مالنه خلك وبعدهي بذمه رجال
علي : حضرو هسه اجي حتلو بذمه رجال اجيبهه هنا وعدنه نفصخ العقد واذا اكو عدة هنا تلزمهه المهم ما تبقى يمهم ويتهنون ويتحاضنون بيناتهم العائلة السعيدة .

دكيت على ولد عمي و عمتي وياهم (اسماء ) اجت تاخذ البنيه ولد عمي هم اجو وياي تسلحنه ورحنه
على بيت عامر
اخخخخ من صرت يم الباب تمنيت اطب عليهم وكلهم اخلي الطلق يترس روسهم
فلشنه الباب عليهم تفلش

...........

ام رفل : فتحو الباب ما نحس اله طبو بلبيت وياهم مره مبوشه طبت ... وين مرتنه .؟!!

رفل :جنت نايمه فزيتت واني عيوني بعدهي مفتحه ومغمضه كوه اصوات صياح خفت وتوترت بس ما اكدر اكوم ادوخ كمت للباب مامااا وينج شكو

شفت زلم بره ومره مبوشه واكفه كبال ماما شنو شكو لتفت عليه المره واجت عليه باستعجال ...............