رواية عذاب رعد الفصل السادس وخمسون 56 - بقلم دي دي فتحي

😘الجزء الثالث٣ 😘من خاتمه روايتكم...عذاب رعد ج2😘

🙏🙏(اللهمَّ إني عبدُك وابنُ عبدِك وابنُ أَمَتِك ناصيتي بيدِك ماضٍ فيَّ حكمُك عَدْلٌ فيَّ قضاؤُك أسألُك بكلِّ اسمٍ هو لك سميتَ به نفسَك أو أنزلتَه في كتابِك أو علَّمتَه أحدًا مِنْ خلقِك أو استأثرتَ به في علمِ الغيبِ عندَك أنْ تجعلَ القرآنَ ربيعَ قلبي ونورَ صدري وجلاءَ حُزْني وذَهابَ هَمِّي)🙏🙏(لا إلَهَ إلَّا اللَّهُ العَظِيمُ الحَلِيمُ، لا إلَهَ إلَّا اللَّهُ رَبُّ السَّمَوَاتِ والأرْضِ، ورَبُّ العَرْشِ العَظِيمِ).🙏🙏(اللَّهمَّ ربَّ السَّمواتِ السَّبعِ، وربَّ العرشِ العظيمِ، ربَّنا وربَّ كلِّ شيءٍ، أنتَ الظَّاهرُ فليس فوقَكَ شيءٌ، وأنتَ الباطنُ فليس دونَكَ شيءٌ، مُنزِلَ التَّوراةِ، والإنجيلِ، والفُرقانِ، فالقَ الحَبِّ والنَّوى، أعوذُ بكَ مِن شرِّ كلِّ شيءٍ أنتَ آخِذٌ بناصيتِه، أنتَ الأوَّلُ فليس قبْلَكَ شيءٌ، وأنتَ الآخِرُ فليس بعدَكَ شيءٌ، اقضِ عنَّا الدَّينَ وأَغْنِنا مِن الفقرِ)🙏🙏

👈👈لينك الراويه الجزئين 🤳علي الواتباد... اتمني متابعتكم ليه👉👉

               💚🧡💛 قراءه ممتعه 💛🧡💚

رعد فتحت عيونها بحزن ووجع ودموعها مغرقه وشها... لما افتكرت اصعب احداث مرت عليها وبعد وقت ليس بكثير كانت الساعه قربت علي 3 صباحا قامت جهزت نفسها واستعدت عشان تروح تنقذ اخوها ولسه هتخرج امال جت وبحب وحزن...ربنا يحميكي يا حبيبتي ويخليكي لحبايبك يارب  

رعد بحزن ووجع... خلاص معدتش ليه احباب

امال بحب وثقه... الدنيا كلها بتحبك يا حبيبتي ربنا يبارك فيكي ويطول في عمرك يارب

رعد باست دماغها وسابتها ومشيت وامال راحت عشان تصلي و تدعي ربنا انه يحفظ رعد من اي شر وضرر

وهي خرجت واتقابلت مع القوه وكمان رئيس الجهاز اللي صمم يطلع معاهم وكمان اللواء صبري واصحابها كلهم و مؤمن اللي فرح جدا ان رعد عايشه بعد ما عدي بلغه مكنش عارف يفرح ان رعد عايشه ولا يفرح عشان مراته برجوع رعد هتخف وهترجعله مفكرش كتير في سبب معين لفرحته المهم انه فرحان ومراته وحبيبته وام ابنه هترجعله تاني

***************************

الكل اجتمع وراحوا المكان اللي المافيا قاعدين فيه مؤقتا لغايه لما يخلصوا العمليه بتاعتهم ويرجعوا بلادهم تاني وده اللي رعد قدرت توصله من بحثها عن معلومات تفيدها في انها تلاقي سلطان وبعد وقت ليس بقليل وصلوا لمكان المافيا اللي طبعا مأمنين نفسهم ومستعدين لاي هجوم

وصلوا وقبل ما يدخلوا

يامن قرب من رعد وبحب وعشق..... ارجوكي تحافظي على نفسك ارجوكي بلاش تضحي بنفسك تاني كفايه كدا

رعد بصتله بحزن ووجع وتجاهلت كلامه ولسه هتمشي
يامن شدها من دراعها وبحب وعشق اكتر..... لو مش هتخلي بالك من نفسك عشاني يبقي عشان خاطر ولادنا دي دي و فهد

رعد بحزن ووجع... و هما فين ولادنا ما خلاص ماتوا وبحزن ووجع اكتر... ياريت اموت انا كمان علي الاقل ارتاح من اللي انا فيه

يامن بحب وعشق......لا هما مامتوش هما مع اللواء صبري ارجوكي حافظي على نفسك عشانهم هما مش عشاني ارجوكي

رعد بصدمه و بدهشه..... انت بتقول ايه رفاعي والمنوفي قالولي انهم رموا ولادي في البحر

يامن بجديه وصدق... صدقيني فهد و دي دي عند اللواء صبري ولو احنا مش في الظروف دي كنت اخدتك وروحنا شفناهم

رعد اترسم أمل جواها معقولة ولادها اللي ياما بكيت عشانهم معقوله هما عايشين معقول هتشوفهم تاني معقول

رعد فاقت من شرودها وسرحانها علي ضرب النار والاشتباكات ولسه هتجري يامن شدها وحضنها بقوه وخوف و بعشق...  لو حصلي حاجه ارجوكي ابقي سامحيني

رعد سحبت نفسها من حضنه وبجديه..... طول ما انا عايشه مفيش حاجه هتحصلك لا انت ولا اي حد يخصني حتي لو كان التمن حياتي وسابته وجريت علي جوه

ويامن كمان جري علي جوه في قلب الاشتباكات وبدأت الاشتباكات بصوره همجيه وشديدة من رجاله المافيا اللي مبترحمش ورعد بتحاول علي قد ما تقدر ان مفيش حاجه تحصل لاصحابها وعايزه توصل لسلطان باي شكل وباي وسيله... عذاب رعد ج2... بقلمي دي دي فتحي... صفحتي الشخصية... باسم... اللهم أسألك الفردوس لوالدى

ياسين وماندوا مبيحولوش يشتبكوا هما بيصوبوا بس وكمان هدفهم الاساسي هو حمايه رعد من العصابه

رجاله المافيا ورئيسهم كانوا بيضربوا بكل عنف ورعد واصحابها والقوه ورئيس الجهاز واللواء صبري كمان بيضربوا بشكل اعنف لانهم هدفهم تدميرهم وبس

ياسين واحد قرب عليه واشتبك معاه وطبعا ياسين ملهوش في الاشتباكات فالي قدامه ضربه بقوه وغضب ورعد شافته بس كانت بتشتبك مع واحد تاني وبصوتها كله ليامن لانه هو اللي كان قريب منها... الحق ياسين يا يامن الحقه

يامن جري عليه من غير كلام وضربه بعنف وشراسه وانقذ ياسين والاشتباكات استمرت حوالي ساعه ورعد واصحابها قدروا يصفوا عدد كبير من رجاله المافيا بس مش كلهم

وبعد لحظات رعد كانت هاجمه علي رئيس المافيا وخنقته بدراعها بعنف وغضب وشراسه.....فين سلطان انطق فين سلطان

رئيس المافيا بصوت مكتوم وبجديه.... سلطان انا موته بايدي و دفنته

رعد زادت من مسكتها لرقبته وبعنف وغضب اكتر... فين سلطان انا عارفه انه لسه عايش هتقول هو فين ولا اقطعك وارميك للكلاب انطق

رئيس المافيا خلاص مبقاش قادر يتنفس من مسكه رعد و بصوت مكتوم اكتر وجديه.... دفنته حي

رعد بجديه وخوف وصريخ... انطق دفنته فين انطق

رئيس المافيا شاور لها علي المكان وللاسف سابته ومخلصتش عليه وجريت علي مكان سلطان والباقي اشتبك مع رجاله المافيا الباقين

ورعد راحت لمكان سلطان وحفرت بايدها لانها مكنش ينفع تستخدم حاجه عشان متأذهوش... حفرت بسرعه ووصلتله وللأسف لقيته شبه ميت شددته بسرعه وعملتله تنفس صناعي وسلطان بدأ يتنفس ببطئ وصعوبه

ولسه هتقومه لاقت رئيس المافيا علي راسها بالمسدس وشدها وقفها وبجديه وشر وانتقام....والله يا حلوه آنتى صعبانه عليا انك فكرتي انك تموتي رئيس المافيا ولا رجالته بسهوله دي... وبستهتار وتريقه...... قولتيلي يا حلوه انتي اسمك ايه اااه اااه رعد بس للاسف عندي انا مفيش حاجه اسمها رعد ولا حتي عواصف لانك هتموتي حالا

اصحابها والكل في نفس واحد...... اياك تقرب منها اياك

سلطان قام بتعب ظاهر وبجديه...... انت حسابك معايا انا مش معاها اعمل اللي انت عايزه فيه بس بلاش هي هي ملهاش ذنب ابدا

رئيس المافيا بجديه اكتر.... انا عايزها هي... عايز يبقي ليا الشرف اني اقتل الوحش المقنع اللي حير العالم كله وفي الاخر طلعت واحده ست... عذاب رعد ج2... بقلمي دي دي فتحي... صفحتي الشخصية... باسم... اللهم اسألك الفردوس لوالدى

وبيقرب منها بس بصراحه مش اي ست لانها صاروخ مقدرش عليه حد... وفي لحظه سهو منه يامن ضربه علي دماغه وبدأت الاشتباكات تاني ورعد اشتبكت مع رئيس المافيا بقوه و شراسه واستعملت قوه الشبح اللي عندها ولسه هتكسرله رقبته وتخلص منه

واحد صوب عليها النار... ويامن وسلطان اللي كانوا قريبين منها شافوه وبصريخ حاسبى يا راااعد حاسبي

ولان سلطان كان تعبان ويامن كان استرد صحته شويه كان اسرع من سلطان و جري علي رعد وللأسف اخد طلقتين وحده في رجله بالتحديد في ركبته والتانيه في صدره

رعد بصريخ.......يامن يامن وفي لحظه كانت ضاربه رئيس المافيا بعنف وغضب وكسرتله رقبته ووقع جثه هامده وجريت علي يامن وقعدت جنبه وبدموع وصريخ.... ليه عملت كدا ليه

يامن بحب وعشق... وهو بيمسحلها دموعها... حياتي دي ولا حاجه بالنسبه لحياتك انتي... ياريت تسمحيني علي اللي انا عملته فيكي وبتعب ظاهر بس والله انا عمري ما لمست واحده غيرك من اول ما عرفتك لان عمري ما اتمنيت حد غيرك انتي وغمض عيونه

رعد صرخت بصوتها كله وكانوا اصحابها قضوا علي رجاله المافيا وجريوا عليهم كرم شال يامن بسرعه وواده علي العربيه والباقي جريوا وراه

ولسه رعد هتروح وراهم لقيت سلطان هيهرب ورئيس الجهاز بقوه وجديه للقوه..... امسكوه ولو حاول الهرب اقتلوه فاهمين

رعد بصريخ وجديه ودموع.... ارجوك سياتك اديله فرصه يسلم نفسه ارجوك

رئيس الجهاز بجديه اكتر.... انتي عارفه العواطف ملهاش مكان عندنا فياريت تسبينا نكمل شغلنا والا هتكوني بتتستري علي مجرم

رعد بدموع وصريخ...... هو مش مجرم مش مجرم هو اخويه اخويه... الصدمه لجمت سلطان ووقف مكانه بعد ما كان لسه هيجري

رعد جريت عليه وقربت منه ومسكت وشه بحب وحزن و بدموع...... ايوه انت اخويه وانا اختك ارجوك سلم نفسك ارجوك بلاش تضيع عمرك هدر

سلطان بعنف وغضب.....إذا كانت دي خطه او تمثليه منك يا سياده العقيد عشان اسلم نفسي فريحي نفسك عشان انا مش هسلم نفسي وبعدين روحي لحبيبك وسبيني في حالي اكمل حياتي لوحدي واعيش مع المجرمين والسلاح والمخدرات و بعدين انا مفتكرش اني اذيتك في يوم ولا حتي لمستك فابعدي عني بدل ما اذيكي انتي دلوقتي ابعدي عني وزقها وقعها علي الارض ولسه هيمشي

  رعد مسكت مسدسها وصوبته علي صدرها... وبعنف وصريخ ودموع..... يبقا انت اللي اخترت... سلطان بص وراه وباستهزاء... ايه هتكملي خطتك ولا ايه

رعد بدموع وحزن..... لا دي مش خطه دي حقيقة انك اخويه... و حكتله علي اللي حصل بينها وبين امال امه و... ده الاثبات الوحيد ليك انك اخويا ومش تمثيله انا عملاه عليك عشان تسلم نفسك... وفي لحظه كانت ضاربه نفسها بالرصاص في صدرها

سلطان بخوف وصريخ.... عملتي ايه في نفسك يا مجنونه عملتي ايه

رعد بحزن وتعب ...وصوبت المسدس علي دماغها..... يا إما تسلم نفسك او هضرب الطلقه الجايه في دماغي

وبدموع وحزن... علي الاقل هرتاح من اللي انا فيه

سلطان واقف مصدوم... و رعد سحبت طلقه وغمضت عيونها و استسلمت للي هي فيه ولسه هتضرب نفسها

سلطان جري عليها وشد منها المسدس وشدها لحضنه بخوف وحزن... وبدموع ليه عملتي كدا ليه

رعد بحب وتعب... لو ده الاثبات اللي هيخليك تصدق انك أخوية وان اللي بعمله ده مش خطه ولا تمثليه عشان اخليك تسلم نفسك انا مستعده اعمل اكتر من كدا بس انت متهربش وتكمل في اللي انت فيه وبتعب اكتر.... ارجوك يا
سلطان متهربش ارجوك خليك معايا وغمضت عيونها

وسلطان صرخ بصوته كله.... راااعد فوقي يا رعد فوقي انا هفضل معاكي ومش ههرب تاني ولا هكمل في اللي انا فيه ده بس فوقي و خليكي معايا حتي لو مش هتبقي مراتي كفايه انك تكوني اختي ارجوكي فوقي

رئيس الجهاز اللي كان واقف من الاول هو والقوه محاولش يتدخل لانه متاكد لو اتدخل رعد هتمنعه قرب منهم وبجديه يلا ننقلها المستشفي وياريت تسمع كلامها مش عايز اقولك لو عملت اللي في دماغك انا هعمل فيك ايه واكيد انت الخسران... فياريت تسمع كلامها ومتضيعش كل اللي هي عملته عشانك وترميه في الارض وتهرب رومتسلمش نفسك

سلطان بحزن ودموع وهو حاضن رعد.....ارجوك سبني اطمن عليها وانا هكون تحت امرك

رئيس الجهاز شاور لواحد من القوه عشان يشيل رعد بس سلطان رفض

ورئيس الجهاز بجديه... بس انت تعبان ومش هتقدر تشيلها.. سلطان بحزن ودموع... اللي تعمل كل ده عشان تحمي اخوها وترجعه يبقي اقل حاجه اخوها يشيلها في تعبها ووجعها وبعزيمه واسرار منه شالها ووداها العربيه

*************************
&& في المستشفي &&

راحوا المستشفي اللي كان فيها اصحابها واللواء صبري اللي راح معاهم بعد ما رعد طلبت منه انه ميكونش واقف لحظه مواجهتها لسلطان وهو وافق طبعا عشان الامور متتازمش وعشان يفهم منها ايه اللي حصل

وبعد وقت ليس بقليل

رعد طلعت من اوضه العمليات وكمان يامن اللي للاسف حالته خطيره بسبب اصابته

رعد رفضت تقعد في اوضتها بعد ما فاقت وصممت تروحله واخدت سلطان معاها خوفا من انه يهرب و ميسلمش نفسه

دخلوا وسلطان بحب وعشق... انا اسف اسف انا السبب في اللي حصل يارتني كنت موت قبل ما يحصله كدا يارتني كنت موت

رعد بدموع وحب بعد الشر عليك يا حبيبي ان شاء الله هيبقي كويس ويرجع زي الاول واحسن بس ارجوك تدعيله وكمان تسلم نفسك... عذاب رعد... بقلمي دي دي فتحي... صفحتي الشخصية... باسم اللهم أسألك الفردوس لوالدى

سلطان مسك وشها بحب وعشق.... انا وعدت رئيس الجهاز اني هطمن عليكي وبعدين اسلم نفسي وانتي خليكي جنبه وابقي طمنيني عليه وبحزن ووجع.... ارجوكي خلي بالك من وئام صحيح هي مش اختي بس انا اللي ربيتها وكبرتها ارجوكي خلي بالك منها وخليها معاكي وفي حمايتك

رعد مسكت وشه بحب وصدق.... انا عمري ما هسيبها ولا اسيبك طول ما انا عايشه فطمن قلبك مهما حصل هفضل واقفه جنبك وهفضل معاك

سلطان باس راسها بحب... وسلم نفسه لرئيس الجهاز اللي كان بره مستنيه واخده ومشي

و رعد فضلت جنب يامن وبعد وقت ليس بقليل نامت علي الكرسي جنبه و حاطه دماغها علي السرير بتاعه والكل فضل بره مستنين ان يامن يفوق لانهم مستحيل يسيبوه او يسيبوا رعد في محنتهم دي والكل من التعب نام علي الكراسي بره

الصبح الدكتور خبط علي اوضه يامن ودخل بعد ما رعد سمحت له بالدخول.. الدكتور اتكلم معاها بصوت واطي نسبيا وبجديه اطمني سيادتك هو هيفوق بعد شويه بس للاسف مش هيقدر يمشي زي الاول لان الطلقه اصابت منطقه حساسه في الركبه فصعب انه يمشي تاني

رعد بصدمه وجديه.... يعني ايه اللي انت بتقوله ده

الدكتور بجديه اكتر... انا اسف بس هي دي الحقيقه احنا حاولنا علي قد ما نقدر بس للاسف هو صعب يمشي زي الاول تاني

رعد.. يعني ايه مش هيمشي زي الاول تاني

الدكتور بجديه.... يعني هيمشي بس علي جهاز او آله متحركه

رعد بصدمه اكتر... ازاي بتقول كدا ازاي

الدكتور باسف وجديه....انا اسف يا فندم ادعيله انه يتخطي المرحلة دي لانها هتأثر علي نفسيته جدا ادعيله واستحمليه وسابها وخرج

ورعد قعدت علي الكرسي بصدمه وذهول معقول دي تكون نهايه حبيبها معقول بس هي اكيد مش هتسيبه ولازم تساعده يتخطي محنته زي ما بتساعد الكل وده مش اي حد ده حبيبها وعشيقها وابو ولادها قربت منه و للأسف يامن كان فاق من اول ما الدكتور دخل

قربت منه ولقت دموعه نازلة بوجع وحزن واول ما شافها دير وشه وهي لفت وشه ليها تاني وبحب وعشق مش عطفه و لا شفقه..... تأكد مهما حصل هفضل واقفه جنبك وعمري ما هسيبك ابدا

يامن بدموع وعنف وغضب... عشان مين تعملي كدا هاااا عشان مين... انا بقيت عاجز عاجز فاهمه يعني ايه عاجز انا مين عشان العقيد رعد احمد الوديدي تفضل جنب واحد عاجز انا مين قوليلي

رعد بدموع وحب.....انت حبيبي وجوزي وابو ولادي وعمري ما هسيبك ولا هتخلي عنك لان انا السبب وحتي لو مكنتش السبب استحاله اسيبك فاهم استحاله اسيبك

يامن بصريخ وجنون...... انا مش عايزك جنبي ولا عايز منك شفقه ولا عطف وبيحاول يشد المحلول من أيده وبيقوم بعنف وللاسف جرحه اتفتح واصحابها واللواء صبري دخلوا علي الصريخ وبيحاولوا يهدوا يامن اللي وقع لانه مقدرش يقف علي رجليه شالوه وحطوه علي السرير وهو بيحاول يبعدهم عنه بس مش قادر

ادهم راح جاب الدكتور اللي جه وربطله جرحه واداله حقنه منومه وطلب منهم انهم يسيبوه يرتاح بس رعد رفضت وفضلت جنبه وهما خرجوا وقعدوا بره وبعد وقت ليس بقليل يامن فاق وبيحاول ينزل من علي السرير

رعد قامت من علي الكرسي وطلعت جنبه علي السرير وخدته في حضنها بحذر عشان جرحه وبدموع وحب و عشق.....ارجوك كفايه بقا ارجوك 

تعرف انا اتعذبت في بعدي عنك قد ايه وايه إللي حصلي... وبدأت تحكي ليامن كل اللي رفاعي والمنوفي عملوه فيها من عذاب وهي ازاي كانت في بعدها عنه وكمان حكايتها مع سلطان وهو كان بيسمعها بوجع ودموعه نازله ومش بتقف علي حبيبته اللي بسببه اتعذبت يامه

يامن ضمها هو كمان بحب وعشق وبخوف وبدموع.... بس انا بقيت عاجز ارجوكي سبيني وعيشي حياتك وربي ولادنا انتي اكبر من انك تفضلي جنب واحد عاجز

رعد بحب وعشق وهمس وهو في حضنها.... عارف انا بحبك قد ايه وعارف انا هموت وتقولي الكلمتين قد ايه وبهمس اكتر عارف انت بقالك قد ايه مقولتليش الكلمتين كتير اوي اوي وبهمس وبمكر... هاااا هتستسلم للتعب والرقده ولا هتحارب معايا وترجع مينو حبيبي العاشق المجنون من تاني وبعدين الدكتور قال صعب مش مستحيل وانا متعودتش اني استسلم ابدا مهما حصل هااا هتسلم ولا هتحارب عشان تقولي الكلمتين بالتفصيل الممل... دي دي فتحي... اسم صفحتي الشخصية... اللهم أسألك الفردوس لوالداى

يامن حضنها جامد وبدموع....انا بحبك اوي اوي يا رعد ارجوكي متبعديش عني ارجوكي

رعد بحب وعشق.... وانا بموت فيك يا قلب وعقل رعد ارجوك انت متبعدش عني

يامن خرج نفسه من حضنها وبحب وعشق واشتياق..... وحشتيني اوي اوي وقرب منها ورعد كمان قربت منه و أنفاسهم اختلطت ببعض وبهمس وانت كمان وحشتني ولسه مكملتش و يامن التهم شفايفها بحب وعشق جارف... وهي كمان بادلته بوسته بحب وعشق اكتر وبدأ يمشي أيده علي منحنيات جسمها وبهمس انتي وحشتيني اوي

رعد بعشق اكبر وانت كمان وحشتني اوي اوي

يامن بهمس انا مش قادر علي بعدك اكتر من كدا

رعد بهمس اكتر منه... انت اللي في ايدك تقرب بعدنا وتخف بسرعه

يامن رجع ورا وبحزن والدموع لمعت في عنيه.... ياريت كان بايدي مكنتش سبتك ولا ثانيه واحدة

رعد بحب وعشق.... انا عارفه انه مش بايدك يا حبيبي بس كل ما تخف بسرعه كل ما تثبتلي انت بتحبني قد ايه وعايز تقول الكلمتين

يامن بحب وأمل.... ان شاء الله هخف بسرعه وهنقول قاموس كلمات مش بس كلمتين

رعد بحب وعشق.... يارب يا حبيبي يارب 🙏🙏

👈👈ولحظات واصحاب رعد وابوها خبطوا ورعد قامت فتحت وكان لقاء ولا في الاحلام كان لقاء بين اعظم واسئمي علاقات الصداقه والاخوه كان اجمل لقاء اااه لو اوصفه ليكوا مش هتصدقوا اللي انا حساه ولا شيفاه من مشهد في قمه الحب والصدق والوفاء مع ان اصحاب رعد شافوها قبل اللقاء ده بس محدش أتجرأ واتكلم معاها ولا قربلها بس دلوقتي هما اتأكدوا انها رعد صديقه عمرهم وحبيبتهم👉👉

رعد بصتلهم بحب ودموع...... انا اسفه علي اللي انا قولته بس كان غصب عني والله كان غصب عني كنت متدمره نفسيا بسبب اللي حصل معايا وبسبب اللي انا سمعته... وبدأت تحكي لهم اللي حصل معاها واللي احنا ذكرناه من لما رفاعي خطفها من المستشفي وحط بدالها شمس المنشاوي حبيبه سلطان لغايه لما شافتهم الكل كان بيسمعها وقلبه بيتقطع من الحزن والوجع علي صحبتهم

اللواء صبري قرب منها وشدها لحضنه بحب واسف.... انا أسف يا حبيبتي انا اسف الانتقام كان عامي عيني واتهمت جوزك بقتلك ووصلته لحبل المشنقه اسف انك اتحملتي مسئوليه انك ترجعيلي ابني... اسف اني حطيتك في الموقف ده اسف علي كل حاجه حصلتلك بسببي يارتني كنت موت قبل ما انا كمان سبب في عذابك ووجعك بس انا اوعدك اني همشي من هنا ومش هتشوفي وشي تاني ابدا اوعدك وخرج رعد من حضنه ولسه هيمشي رعد مسكته  بحب وعشق... اهون عليك يا بابا تسبني في الدنيا لوحدي اهون عليك

ياسين اتكلم بحب وضحك😂😂😂...... في ايه يا سياده اللواء يا شرير هو انت تعمل عملتك وعايز تهرب ولا ايه وربنا أنا كنت خايف منك لتروقني انا كمان بس الحمد لله فلت منك

اللواء صبري بحب ودموع.... هتسكت ولا اخد مراتك واحرمك من حل مشاكلك

ياسين بضحك😂😂😂 وبيحط ايده علي بقه وبيضحك..... وربنا هسكت هسكت اهوا وبعدين هي اصلا عندك في الفيلا

عدي قرب من رعد وباس دماغها وبحب.... حمد لله على سلامتك يا رعد والله خبر موتك حطمني وحطم كل سعاده فيا وضيعت كل حاجه من ايديه

رعد بحب وجديه... ان شاء الله كل حاجة هترجع زي الأول واحسن صدقني

ادهم قرب منها ورعد فتحتله حضنها ليه وضمته جامد وهو كمان بادلها حضنها وبدموع.... والله كنت أنا اللي ميت مش انتي انا مقدرش اعيش من غيرك بعد ما لقيتك والله ما اقدر

رعد حضنته وشددت من حضنها ليه وبحب..... بعد الشر عليك يا حبيبي ان شاء الله نعملك احلي واحسن فرح انت ووفاء

مؤمن سلم علي رعد بحزن ووجع وهي سالته عن دينا وهو هرب بالكلام وهي سابته براحته بس اكدت في نفسها انها لازم تعرف ايه اللي حصلها

كرم واقف دموعه مغرقه وشه مش عارف هي حلم ولا علم مش عارف يعمل ايه رعد قربت منه ومسكت وشه بحب وجديه صدقني كان غصب عني والله كان غصب عني

كرم بدموع ووجع...... تعرفي انا اتمنيت الموت قد ايه تعرفي ايه اللي حصلي لما سمعت الخبر ده

رعد بحزن ودموع..... انا اسفه اسفه حقك عليا بس والله ما ليا يد في اللي حصل انا اتعذبت اكتر منك

كرم بدموع وحزن يارتني اموت وارتاح يا رتني اموت

رعد شدته لحضنها جامد وبحب وصدق...... طول ما انا عايشه مش عايزه اسمع منك كدا تاني ارجوك يا كرم كفايه بقا ارجوك كفايه

ياسين قرب منهم وبضحك😂😂😂... والله فعلا كفايه عشان الواد اللي علي السرير ده وبيشاور علي يامن  هيموت من الغيظ يعني شويه وهيفرقع دلوقتي

يامن بغيظ.... والله لو انا قادر لقوم اروقه واعلقه من افاه

كرم بضحك ودموع.... والله انتوا الاتنين غتتين

الكل ضحك ويامن فضل في المستشفي حوالي اسبوعين و طول الاسبوعين رعد مسبتهوش ولا لحظه واحده وكمان اعتماد امها جتله المستشفي واتصدمت لما شافتها بس فرحت بعدها وصدقت ان رعد بنتها وحبيبتها عايشه خصوصا لما رعد حكيت لها علي اللي حصل وكمان وفاء وناديه راحوا المستشفي واطمنوا علي يامن وفرحوا جدا ان رعد عايشه وكمان اللواء صبري اخد دي دي وفهد المستشفي

ورعد اول ما شافتهم كان قلبها هيقف من الفرحه وشالتهم و وريتهم ليامن اللي الفرحه ملت قلبه لانه كان اول مره يشوفهم والعزيمه والاراده بقت عنده اقوي عشان يخف ويقدر يمشي علي رجله من تاني ويرجع زي الاول واحسن

*************************
&&   عند سلطان  &&

سلطان سلم نفسه وكمان عرف الجهاز اماكن لعصابات كتير... وقالهم علي مكان سهر عشان يقبضوا عليها لانها كانت دراع سلطان اليمن... واداهم فلاشات و اوراق صفقات تفيد البلد في القبض علي اخطر رجال العصابات ومنعوا بمعلوماته جرائم كتير انها تحصل فكان الحكم مخفف بالنسباله واتحكم عليه،،، بسنه سجن،،، وطبعا يوم الجلسه كانت رعد موجوده واصحابها واللواء صبري اللي اخد 6 شهور مع ايقاف التنفيذ... بتهمه تضليل السلطات

وكمان امال راحت وقفت جنب ابنها ومكلمتش اللواء صبري ولا حتى عاتبته مع انه السبب في اللي ابنها وهي فيه و ده حاسسه بالذنب  اكتر واكتر

وبعد انتهاء الجلسه رعد راحت لسلطان هي وأمال واول ما شاف رعد جري عليها وحضنها حضن اخوي وبحب ودموع.... انا مش عارف اقولك ايه لولاكي كان زماني دلوقتي ميت او محكوم عليا بالاعدام او المؤبد

رعد خرجته من حضنها... صدقني مش انا السبب مامتك دي هي السبب ارجوك سامحها لاننا كلنا بنغلط لان احنا بشر مش ملائكه... و هي اتعذبت كتير اوي ودفعت تمن غلطها عذابها سنين طويله فارجوك كفايه عليها كدا كفايه

سلطان واقف مش عارف يعمل ايه نفسه يحضن امه و خجلان من اللي كان بيعمله فيها... وامال اللي قربت منه وشدته لحضنها بقوه وحب وبعد وقت من اجتماعهم مع بعض رعد وعدته واكدت له انها هتفضل تجيله وتوصي عليه تكون المعامله ليه غير اي حد لانه قبل ما يكون اخوها فهو انسان اتعذب كتير واتحرم من الحب والحنان اكتر

وبعد اسبوعين من محاكمه سلطان... يامن الدكتور كتبله خروج من المستشفي لانه قعدته فيها ملهاش لازمه لان العلاج النفسي وجلسات العلاج الطبيعي اقوي من علاج المستشفي

الكل اجتمع في فيلا اللواء صبري اللي صمم انهم كلهم يكونوا موجودين خصوصا بعد ما صالح اعتماد وهي عذرته وقدرت ان اللي هو عمله كان بدافع الابوه والحرمان من بنته طول السنين اللي فاتوا

رعد شافت الكل مجتمع الا دينا ومؤمن اللي مش بيظهر غير قليل الاقليل وبسؤال للكل وبجديه.... انا عايزه اعرف دينا فين وايه إللي حصلها

الكل سكت ومعرفش يرد ومحدش رد وهي كررت السؤال تاني وبرضه محدش رد وهي اتكلمت بعنف طالما محدش بيرد عليا فانا هخرج ادور عليها بنفسي

اللواء صبري شدها من ايديها وبحزن... حكالها علي اللي حصل وهي اتصدمت وبدموع ووجع.... معقوله دينا اختي في مصحه نفسيه طب ليه عملتوا فيها كدا ليه وصلتوها لكدا ليه هي مذنبهاش حاجه انا اللي قررت اساعدها مش هي اللي اجبرتني ليه عملتوا فيها كدا ليه

وطلعت تجري بسرعه وراحت لدينا المصحة اللي لقيت حالها غير الحال ولقيتها لاحول ليها ولا قوه

دخلت وقربت منها ومسكت وشها بحب ودموع وحزن... دينا انا اختك رعد انا اختك انا عايشه والله عايشه انا مموتش يا حبيبتي مموتش

دينا بصتلها بتوهان... ورعد دموعها نزلت اكتر واكتر وشدتها لحضنها بعنف وخوف وبدموع وهستيريه..... والله انا أختك رعد والله انا أختك دينا فقدت الوعي وهي في حضن رعد و رعد صرخت بصوتها كله و مؤمن دخل علي صوتها اللي كان جاي كعادته عشان يطمن علي مراته وحبيبته

رعد بصريخ.... هات الدكتور بسرعه ولحظات والدكتور جه وطمنهم عليها وقالهم هي كويسه بس من صدمتها حصلها كدا

وبعد وقت قليل دينا فاقت وعيطت ورعد شدتها لحضنها تاني وبحب وعشق..... ارجوكي سامحيني والله كان غصب عني مش بأيدي وحكت لدينا هي كمان علي اللي حصلها ودينا حضنتها جامد وبدأت تتكلم مع رعد وتتأسف لها ورعد هونت عليها وضحكتها عشان تخفف عنها

وبعد أسبوع دينا خرجت من المصحه بمساعدة رعد لها لان العلاج النفسي اقوي من اي علاج في الدنيا

***************************

الكل حياته رجعتله برجوع حبيبتهم وصديقتهم اللي مهما حصل لها هتفضل رعد... اللي اقوي من الرعد نفسه 💪💪

&&&& وبعد حوالي شهر من رجوع رعد ومساعدتها المستمره ليامن انه يقف علي رجله تاني وهو بيحاول علي قد ما يقدر يرجع زي الأول واحسن بس للأسف مش قادر بس بيحاول... ورعد قربت منه وبحب وعشق... انا عيزه اروح انا وانت مشوار بكره... يامن بحب وعشق اكتر منها... مشوار ايه ياحبيبتي قوليلي... رعد بحب وعشق... لا هنروح سوا بكره لاني انا عملهالك مفاجأه وان شاء الله تعجبك مفاجائتي... يامن قرب منها وباسها من شعرها... وبحب وثقه... اكيد ياحبيبتي هتعجبني انا واثق فيكي... رعد بحب وصدق... ان شاء الله ياحبيبي هتعجبك

&&& الكل طبعا عند اللواء صبري حتي يامن ورعد... رفض إنهم يروحوا بيتهم عشان يساعد رعد في علاج يامن وكمان ياسين ومراته و ولاده كانوا موجودين معاهم وناديه ووفاء وامال اللي اعتماد صممت انها تفضل معاهم خصوصا بعد ما عرفت حكايتها مع اللواء صبري ومزعلتش منه لانها كانت السبب في اللي حصل زمان و دينا ومؤمن واسر اللواء صبري صمم انهم يفضلوا هما كمان لغايه لما دينا تخف اكتر

ياسين اتكلم بمكر وضحك😂😂😂.... بقول ايه يا سياده اللواء صبري يا شرير

اللواء صبري بضحك... قول يا اخرت صبري قول

ياسين بضحك😂😂😂.... بصراحه ومن غير مقدمات زوزو فرحها النهارده !!! علي واحد تاني غير عدي... وبصراحه احنا عايزين نخرب الفرح ده ونجيب عاليها واطيها

صبري بمكر وخبث... هاتلي رعد... ومؤمن وكرم وماندوا وادهم... وبمكر وخبث اكتر... اجمعهوملي وانا اقولك هنعمل ايه عشان نخربه ونجيب عاليها واطيها ؟؟؟

@@@@@@@@@@@@@@@

👈👈 انتهي الجزء التالت... من خاتمه روايتكم عذاب رعد ج2 👉 ان شاء الله وكمل في الجزء الرابع والاخير من الخاتمه... اتمني يعجبكم لانه هيكون رومانسي علي كوميدي... وكمان هيكون فيه مفاجاه اخر الجزء ان شاء الله تعجبكم

👈👈يلا الكل يقولي ايه رائيه في الاحداث... وايه توقعاته عن الجزء ٤ والاخير من الخاتمه وايه الرومانسيه والكوميديه والمفاجاه اللي انا عملاه في اخره... والاحداث دي حد كان متوقعها ولا لا ؟؟؟

👈👈واللواء صبري الشرير... هيعمل ايه هو اللي معاه عشان يخرب الفرح؟؟؟

👈👈وسلطان هيفضل وحيد كدا ولا هيلاقي واحده تعوضه عن العذاب اللي هو شافه في دنيته؟؟؟

👈👈وكمان يامن هيكون موقفه ايه لما رعد توديه عند وئام اخته ويعرف ان دي اخته... لاني دي مفاجاه رعد ليه؟؟؟

كل ده واكتر هنعرفه في الجزء الأخير... لروايتكم عذاب رعد الجزء الثاني

⭐⭐⭐⭐⭐⭐⭐⭐⭐⭐⭐⭐

💗💗منتظره رائكم في الاحداث... وتوقعاتكم.. وردكم علي اسئلتي 💗💗

💞دومتم بخير يارب 💞

🌹🌹دى دى فتحى 🌹🌹