رواية عذاب رعد الفصل الرابع وخمسون 54 - بقلم دي دي فتحي

😘الجزء الأول 1 😘 من الخاتمه لروايتكم عذاب رعد ج2 😘

كل الشكر والتقدير والعرفان لادمن💗 رانيا العطار 💗 اللي استحملتني في تعبي وكمان دعواتها المستمره ليه بالشفاء العاجل عشان خاطر بيتي واولادي وكمان عشان اقدر اكمل واتواصل معاكم... فعلا هي انسانه جميله وخلوقه وربنا يجازيها كل خير علي تعبها ووقفتها معايه وربنا يخليلها جوزها واولادها وبابابها ومامتها يارب وميحرمهاش منهم ابدا ويطولها في عمرهم يارب

وكل الشكر والاحترام لروجي❤️ انا رجاء ام خالد❤️حبيبتي وامي التانيه اللي الفانز تعبها جدا من كتر السؤال عن الخاتمه... وهي ردت عليهم بصدر رحم وقلب كبير بيسعي دايم الكل... ربنا يشفيكي ويعافيكي يارب ويبارك في عمرك وتفرحي بخالد يارب وتشيلي اولاده هو واخته يارب

وكمان بشكر❤️ زيزي عمرو❤️ صحبتي واختي وحبيبتي علي وقفتها معايه وانها اتحملت كتير علي نفسها عشان خاطر تكتب كل اللي انا ببعتهولها فون وده مش بس في الحلقات الاخيره والخاتمه... لا ده من اول ج٢ وهي بتكتب معايه... ربنا يخليهالي يارب هي وكل اصحابي اللي هما بمثابه اخواتي

و كل الشكر والتقدير لي ❤️اصحابي ❤️اللي وقفوا جنبي في محنتي وتعبي عيزه اقولهم اني بحبهم جدا.. وبشكر كل  اللي سال عليه وبعتلي علي الخاص ونزلي بوستات سال عليه فيها... وبعتذر منكم معرفتش ارد علي الرسايل علي الخاص ولا علي البوستات لاني والله العظيم كنت تعبانه جدا والحمدلله بفضل دعائكم وحبكم ليه بقيت احسن... فاانا عيزه اقولكم اني بحبكم جدا جدا وربنا يخليكم ليه وميحرمنيش منكم ابدا... ربنا يديمكم عليه نعمه في حياتي يااحلي واجمل فانز... وانا كتبت الخاتمه علي ٤ أجزاء نظر لطول احداثها وكمان عيزاكم تستمتعوا بالاحداث علي اد ماتقدروا لاني خالفت كل توقعاتكم فيها... ان شاء الله تعجبكم وتنال رضاكم... واتمني تقولولي رايكم في الاخداث بعد نهايه كل جزء... معلش طولت عليكم... بس صدقوني انا وزيزي تعبنا في كتابتها جدا جدا... فكل اللي انا عيزاه منكم تعوضني تعبنا... وتتفاعلوا مع الاحداث وتقولولي رايكم بكل مصداقيه... وصدمتكم في تعريف الحقايق خصوصا لما انزل الفلاش بااااك... ان شاء الله الاحداث و معرفه الحقائق ان شاء الله تعجبكم وتعلم في قلوبكم قبل عقولكم وتشهدوا انها فعلا روايه عذاب رعد مميزه ومختلفه عن غيرها... اسيبكم مع الجزء الأول 💐💐💐

                    🌹🌹   قراءة ممتعه🌹🌹

🙏🙏الحمد لله الّذي لا إله إلّا هو، وهو للحمد أهل وهو على كلّ شيءٍ قدير، وسبحان الله ولا إله إلّا الله والله أكبر، ولا حول ولا قوّة إلّا بالله. اللهم اشف مرضانا ومرضى المسلمين شفاءً لا يغادر سقماً، 🙏🙏اللهم يا من تعيد المريض لصحته، وتستجيب دُعاء البائس، اشف كل مريض. اللهم أذهب البأس ربّ النّاس، واشفِ وأنت الشّافي، لا شفاء إلّا شفاؤك، شفاءً لا يغادر سقماً. أذهب البأس ربّ النّاس، بيدك الشّفاء، ولا كاشف له إلّا أنت يا ربّ العالمين، 🙏🙏🙏 اللهمّ إنّي أسألك من عظيم لطفك، وكرمك، وسترك الجميل، أن تشفي كل مريض وتمدّه بالصّحة والعافية. اللهمّ لا ملجأ ولا منجا منك إلّا إليك، إنّك على كلّ شيء قدير 🙏🙏🙏

               💛💚🧡  قراءه ممتعه 💛💚🧡

لينك الجزئين علي الواتباد

👈👈👈💞💞  وقفنا في اخر حلقه علي الاشتباكات بين رعد واصحابها ويامن وسلطان والبهنساوي ورجالته

ورعد لما ضربت البهنساوي بكل عنف وغضب عشان كان بيهدد سلطان انه يموته فهي اللي موتته ويامن قرب منها عشان ياخدها معاه وهي صرخت فيه وفي الكل بعنف وغضب ورفضت انها تروح معاه ورمت نفسها في حضن سلطان وعيطت بكل الوجع والحزن اللي جواها وسلطان شدد علي ضمتها ليه 💞💞👉👉👉

وبعد وقت ليس بكثير سلطان اخد رعد ومشي وسط زهول اصحابها ورئيس الجهاز واللواء صبري

ويامن اللي قلبه اتكسر من الحزن بسبب اللي حصل وان رعد قلبه معقوله هي هتسيبه معقوله هيسيبها بالسهوله دي تروح من ايده لغيره معقوله ولنفسه اكيد مش معقول تروح منه وتبقي لغيره لو هيضحي بآخر نفس في عمره المهم يرجع رعد قلبه لحضنه حتي لو ساعه واحده وبعدين مستعد انه يموت بس يموت وهي مراته ارحم بكتير من انه يموت وهي مش مراته (حديث حدثه لنفسه)

رئيس الجهاز بجديه للكل.... واضح ان العقيد رعد فاقده الذاكره وعقلها الباطن رافض يرجع للواقع بتاعها اكيد بتهرب من حاجه ومش عايزة تواجهها عشان متخسرهاش بس هتجنن واعرف ازاي ماتت وازاي دلوقتي عايشه في شخصيه شمس المنشاوي ومين إللي وصلها لكدا مين

يامن من كتر اللي هو فيه وقع في الارض بتعب وخوف ظاهر من خساره رعد

وكرم قرب منه هو وياسين وبجديه وصدق.... صدقني انت الوحيد اللي هتقدر ترجع رعد تاني وترجعلنا رعد صديقه عمرنا ارجوك مش وقت استسلام ابدا لازم تقف علي رجليك من تاني ومتخليش سلطان الحسيني ياخدها منك لازم تفضل قوي للاخر لان الوقت ده مش وقت ضعف ابدا

يامن بصلهم بتوهان وهما اكدوا علي كلامهم تاني وهو قام وقرب من اللواء صبري وبرجاء و دموع...... ارجوك يا سياده اللواء رجع دي دي و فهد ولاد رعد هي اول ما هتشوفهم هترجعلها الذاكرة وترجعلنا تاني

رئيس الجهاز بجديه وبانتباه... الفكره دي كانت تايهه عني فين هو ده اللي هيرجع العقيد رعد هي لازم تشوف ولادها وتحضنهم وتحس بيهم

وبجديه اكتر.... انا ممكن اقبض علي سلطان الحسيني التهم اللي عليه توديه في داهيه بس انا خايف من تمسك رعد بيه يحصلها انتكاسه فلازم نبعد عن الحل ده مؤقتا لغيت لما ترجع لنا

اللواء صبري بحزن وجديه..... لو ده اللي هيرجعلي بنتي انا موافق المهم انها ترجع لحضني تاني استحاله اسيبها لاي حد ياخدها مني تاني مهما كان التمن

وبيبص ليامن المسكين التايه مش كفايه عليه اللي هو فيه لا وكمان هو بيزيد عليه يعني هيلاقيها منين ولا منين وبينادي ربه في سره... يارب ارحمني  يارب اغفرلي واعفو عني انا تعبت في حياتي كتير واتعذبت اكتر في بعد رعد عني يارب معدتش قادر أتحمل والله معدتش قادر أتحمل دموعه نزلت في صمت

و ياسين قرب عليه تاني وبتاكيد وثقه صدقني الحب اللي بينكم هو اللي هيرجعهالك صدقني رعد قلبك هترجعلك ومحدش هياخدها منك هي بتهرب من واقعها بس

************************

وبعد وقت من كلامهم مع بعض رجعوا كلهم وكل واحد في دوامه وازاي هيرجعوا رعج صحبتهم وحبيبتهم هما استحاله يخسروها للابد استحاله... عذاب رعد ج٢ بقلمي دي دي فتحي... صفحتي الشخصية باسم اللهم أسألك الفردوس لوالدى

ياسين وادهم دخلوا واعتماد لما لقيتهم كدا وبتوهان والحزن ده... مرضيتش تسالهم وعرفت ان اللواء صبري رفض يديلهم دي دي وفهد وكنزي لانها متعرفش موضوع رعد اللي رجعت من الموت تاني بصتلهم بحزن ووجع وسكتت

وياسين قرب منها وبحب اطمني يا ست الكل والله كل حاجه هترجع زي الاول واحسن استني انتي بس وهتشوفي وادعي ربنا كتير لان الدعوات دي هي اللي هتفك الكرب والهم اللي احنا فيه... اعتماد بدموع وحزن..... يارب يا ابني يارب

و بعد شويه ياسين سابها وطلع لفوق وكمان ادهم طلع هو كمان

ووفاء طلعت وراه لما لقيته حزين ومهموم... خبطت ودخلت ولقيته قاعد حزين وشارد الفكر والذهن قربت منه وبجراءه للاول مره مسكت وشه بحب وعشق... ممكن يا حبيبي تهون علي نفسك ممكن تسيبها علي الله وان شاء الله كل حاجه هتبقي تمام وبتاكيد اكتر وحب والله كل حاجه هتبقي تمام بس انت سيبها علي الله

ادهم بحزن ووجع..... اختي كانت واقفه قدامي وشافتني ومقالتليش حاجه ابدا

وفاء استغربت من كلامه وفكرت في نفسها ان أكيد من تعبه وحزنه علي رعد بيقول كدا

وهو فهم وبحزن حكالها اللي حصل علي كل اللي حصل...

وفاء بصدمه ودهشه... ايه يعني رعد عايشه طب إزاي امال مين اللي انتوا دفنتوها دي و إزاي وصلت لسلطان ده وفقدت الذاكره كمان

ادهم بحزن ودموع.... مش عارف مش عارف كل اللي اعرفه ان رعد إختى كانت قدامي انهارده ومعرفتنيش ولا حتي كلمتني والله صعب عليا اني اكون في الموقف ده بعد ما لقيتها بعد سنين طويلة وفي الاخر تضيع مني والله صعب عليه اوي وحاجه قلبي ميقدرش يتحملها ابدا.

وفاء بحب وعشق...صدقني يا حبيبي صدقني كل حاجه هترجع زي الأول واحسن وان شاء الله ربنا يلم شملكم من تاني

ادهم بحزن وصدق... يارب يسمع منك يارب 🤲 🤲

ياسين طلع لبوسي وقعد في صمت ومسك دماغه وهي قربت منه وشدته لحضنها وضمته جامد وبحب وعشق... مش عيب ابدا ان الانسان يعيط علي حد غالي وعزيز عليه وخصوصا لما يكون حد زي رعد صديقتك صدقني مش عيب ابدا

ياسين زي مايكون بوسي اديته التصريح للعياط... عيط بكل الوجع والحزن اللي جواه وبدموع.... يارتني كنت موت قبل ما اشوف صحبتي كدا يارتني كنت موت

بوسي بحب وعشق.... بعد الشر عليك يا حبيبي ادعي لها انت بس وحاول تاني وتالت وعاشر لغايه لما صديقتك ترجع من اول و جديد..

ياسين بصلها بحزن ووجع...... تفتكري هترجع تاني تفتكري ؟؟؟

بوسي بجديه وصدق..... ان شاء الله هترجع تاني وترجع لنا الضحكه إللي غابت مننا من ساعه لما سبتنا
ياسين ضمها جامد وبحب وعشق...... ربنا يخليكي ليا يا حبيبتي وتفضلي جنبي وتهوني عليا اللي انا فيه

بوسي بحب اكتر منه.... ويخليك ليا يا حبيبي و ميحرمنيش منك ابدا

***********************
&& عند كرم &&

كرم روح بيته حاله لا يختلف عن حالهم بل اكثر منهم حاسس باحباط رهيب وحاسس بضياع معقول رعد صديقته اللي معتبرها أمة واخته وأبوه وأخوه وكل حاجه في حياته معقول تبعد عنه كدا وحتي متعرفهوش يعني مكنش مصدق إنها عايشه... واما يلاقيها تكون  مش فكراه ولا عرفاه طب يفرح إنها عايشة ولا يحزن إنها عايشه ومش عارفاه مجرد ان هو مش عارف يعمل ايه ولا احساسه ايه

ملك قربت منه وبحب..متزعلش يا حبيبي انت كنت رايح ومش عارف هي عايشه ولا ميته ارجوك هون علي نفسك ارجوك كفايه حزن لغيت كدا وان شاء الله النونو اللي في بطني نسميه علي اسم رعد زي ما انت عايز بس هون علي نفسك يا حبيبي ارجوك

كرم بصلها بعيون حزينه وبتوهان... لانها فكره ان رعد ميته مش عايشه... وسابها ودخل ينام وبيفتكر لما العصابه فجرت العربيه بامه وأبوة واخته

&&فلاش باااااااااااك & &

كرم كان في الجهاز لما حصلت الحادثه دي اللي كانت بفعل فاعل وده كان باين جدا ولسه هيطلع من الجهاز وهو بيجري

رعد مسكته وبسؤال وجديه... ايه اللي حصل بتجري كدا ليه

كرم بدموع وحزن...امي وابويا واختي عملوا حادثه ومش عارف ايه اللي حصلهم

رعد بجديه... استني انا جايه معاك

كرم بدموع.... انا متشكر جدا يا فندم بس انا مش عايز اتعب حضرتك معايا

رعد بجديه اكتر.... متقولش كدا ويلا بينا

وفعلا راحوا المستشفي وللاسف امه وأبوه واخته كانوا ماتوا حتي قبل ما يوصلوا لان العصابه كانت حاطه متفجرات تفجر عماره بحالها مش عربيه بس وصلوا المستشفي... عذاب رعد الجزء الثاني... بقلمي دي دي فتحي... صفحتي الشخصية... باسم... اللهم أسألك الفردوس لوالداى

وكرم بسؤال وتوجس للدكتور.... هما فين ارجوك طمني عليهم

الدكتور بجديه وحزن.... البقاء لله شد حيلك يا إبني

كرم بخوف ودموع... البقاء لله في مين فيهم ارجوك قولي إنهم كلهم كويسين ارجوك طمني

الدكتور بجديه وحزن اكتر.... للأسف يا إبني التلاته ماتوا لان التفجير كان كبير ومحدش قدر يلحقهم شد حيلك يا إبني

كرم بصوته كله وبصريخ مسك في خناق الدكتور... وبصريخ انت كداب كداب هما استحاله يسيبوني كلهم ويروحوا انت كداب

رعد قربت منه وبدموع وحزن..... سيبه يا كرم سيبه هو ملهوش ذنب وبعد محاولات منها قدرت تخلص الدكتور منه

وكرم انهار علي الأرض ورعد قعدت جنبه وبدموع وحزن... ارجوك كفايه بقا ارجوك انا هفضل طول عمري جنبك ومش هسيبك ابدا كرم بصلها بتوهان ودموع ورعد شدته لحضنها

&& وبحب وجديه....وعد مني عمري ما هسيبك ولا اتخلي عنك حتي لو اخر يوم في عمري وعد مني طول ما انا عايشه هكون ليك الام والاب والاخت والاخ والصديقه وكل شئ في الدنيا&&

كرم فاق من ذكرياته علي خبط ملك وقام مره وحده وكسر كل حاجه تقبله وبصريخ......خنتي وعدك ليا ليه يا رعد خنتي وعدك ليا ليه

ملك بتحاول تقرب منه...وهو بصريخ... ابعدي عني انتي كمان زي ما هي بعدت عني وزي ما امي وابويا واختي ما اختاروا البعد وبعدوا عني ابعدي عني انتي كمان وسبينى اعيش لوحدي أنا مش عايز حد في حياتي تاني مش هحب حد تاني وبصريخ اكتر وانهيار... ابعدوا عني كلكم ابعدوا عني انا مش عايز حد تاني في حياتي لاني قلبي خلاص كل اللي انا بحبهم بيكسروه وانهار علي الارض

وملك قربت منه وبحزن ودموع.... كفايه يا حبيبي متعملش في نفسك كدا وصدقني هي هترجع لو كانت رعد والله هترجع

كرم بدموع وحزن..... هي رعد والله هي رعد كانت واقفة قدامي وعملت نفسها مش عرفاني هي عايزه تبعد عني بمزاجها هي مش عيزاني اكون في حياتها تاني مش عيزاني

ملك بحزن ودموع...... لا يا حبيبي هي بس تعبانه شويه واول ما ترجع لطبيعتها صدقني هتجيلك لوحدها وبعدين اللي بينكم كبير واستحاله هي تنساه بسهوله دي

كرم خرج نفسه من حضنها وبصلها بعيون حزينه باكيه وهي حضنته تاني جامد وبتاكيد وحب..... صدقني يا حبيبي هترجع تاني صدقني

وبعد وقت قليل كرم استكان في حضن ملك ونام وهي سابته زي ما هو في حضنها و فضلت قاعده زي ما هي عشان تسيبه ينام ويرتاح شويه من إللي هو فيه

***************************

&&  عند عدي  &&

عدي مروحش علي بيته وحس ان هو مخنوق اوي و الوحيده اللي خطرت علي باله انها هتخفف عنه هي زوزته المجنونه

راح و خبط علي بيتها و طلعله ابوها وبجديه... مالك يا ابني شكلك حزين كدا ليه

عدي بحزن وبهروب.... لا ابدا ولا حاجه انا كنت معدي من قدام بيتكم وقولت اطلع اطمن عليكم

ابوها.... والله فيك الخير يا ابني أتفضل اقعد شويه اتفضل

عدي دخل وام زوزو قدمت له عصير بس هو قاعد عيونه مشتته نفسه يشوفها نفسه يسمع صوتها وتطمنه انها معاه و مش هتسيبه مهما حصل

وبعد وقت ليس بقليل عدي أتجرأ وسال علي عن زوزو و امها قالتله انها موجوده وطلب منها تناديها بحجه انه يطمن عليها وهي طبيعي وافقت وقامت جابت زوزو وقعدت بتوتر عدي اول ما شافها روحه الضايعه ردت فيه

و بحب ظاهر وبسؤال.. ازيك يا زوزو عامله ايه
زوزو بتوتر.... الحمد لله انا كويسه
عدي كان نفسه أمها وابوها يسيبوهم لوحدهم كان نفسه يقولها انك وحشتيني اوي ومش قادر تبعدي عندي اكتر من كدا بس ازاي وابوها وامها قاعدين... واتكلم بجديه لابوها.... عمي انا كنت طلبت منك أيد زوزو قبل كدا وانا جاي النهارده عشان اخد الرد واتمني تكون زوزو من نصيبي

ابوها بجديه وحزن.... للأسف يا ابني زوزو كان متقدملها عريس قبل ما انت تتقدم وللاسف رفضتك انت ووافقت علي العريس اللي اتقدملها وخطوبتها كانت امبارح وباسف وحزن..... انا اسف يا ابني والله كان نفسي بنتي تكون ليك انا عمري ما هتمني لها عريس احسن منك بس للأسف هي صممت علي رفضها مع اني حاولت انا وامها نعرف سبب رفضها بس هي رفضت واصرت علي موقفها

عدي اتصدم اول ما سمع الكلام وقلبه اتكسر من الحزن وحس ان حد طعنه بخنجر في قلبه.... يعني معنى كدا ان زوزو بقت لحد تاني غيره يعني هو كل ما يحب واحده حد ياخدها منه طب رعد كانت معتبراه زي اخوها طب و زوزو اللي كانت بتحبه و بتعشقه خانته ليه و بعدت عنه ولا هي مكنتش أصلا بتحبه وكانت بتلعب بيه طب ليه دايما الدنيا بتحرمه من اللي بيحبها ليه كدا

الصدمه لجمته ومقلش حاجه ابدا وقام وقف بقلب مكسور مفطور و بص لزوزو بوجع وألم و كمان بص للدبله اللي في ايديها وبحزن ووجع وجه لها كلامه... مبروك ربنا يسعدك ولسه هيمشي خطيب زوزو جه وخبط وابوها فتحله ودخله

عدي بصله بحزن وبتوهان... مبروك يا عريس وابقي خلي بالك من زوزو صدقني عمرك ما هتلاقي حد زيها ابدا واوعي تضيعها من ايدك زي ما غيرك ضيعها واكيد مش هيلاقي حد زيها وبص لزوزو نظره وداع بعيون حزينه... وبوجع ربنا يسعدك واتمني انك تفتكريني ومتنسيش حتي لو كنت بالنسبالك ذكري مش حلوه وسبهم ومشي

و زوزو دخلت اوضتها وعيطت بكل الوجع والحزن اللي جواها بس خلاص عياطها مبقاش ينفع عدي صحيح غلطان بس هي غلطها اكبر ان قلبها يكون مع واحد وتروح تسلم نفسها لواحد تاني كدا بتظلم نفسها وتظلم الشخص اللي وثق فيها وخطبها واديلها اسمه

خطيبها دخل وراها وبسؤال وجديه .... ممكن اعرف ليه الشخص اللي قابلته بره ده بيقول كدا وايه معنى كلامه ؟؟؟

****************************

&& عند شمس وسلطان &&

$$وان شاء الله نختم بيهم الجزء الأول من الخاتمه$$

شمس وسلطان روحوا.. وسلطان كان في قمه الحزن والزعل... ليه حاسس انه واخد حاجه مش ملكه ليه يحرمها من جوزها وولادها واصحابها واهلها ليه يعيشها دنيا غير دنيتها ليه بيفكر في سعادته هو ومبيفكرش في سعادتها هي من ساعه ما جت مشفهاش مبسوطه ولا فرحانه ولا مره ودايما حزينه وبتداري حزنها ورا اكاذيب ليه انت اناني وعايزها لنفسك وبس

عقله بيحدثه... انت كدا كدا مصيرك الموت كفايه عليك الجرايم اللي انت ارتكبتها....ولنفسه بس انا مليش ذنب فيها المجتمع والظروف هما اللي خلوني كدا...عقله ... مترميش اخطائك وفشلك واجرامك علي الظروف والمجتمع و بعدين سبحان من جعل من ظهر العالم فاسد ومن ظهر الفاسد عالم...... بس انا معرفش اذا كان منبعي عالم او فاسد....عقله... لا فاسد بدليل انت اهو بقيت اكبر واخطر راجل عصابات كفايه انك بقيت الاخطبوط في وقت قصير كفايه انك اتحرمت وهتتحرم من كل حاجه حلوه في حياتك كفايه

دموعه نزلت في صمت وشمس دخلت عليه وقربت منه ومسكت وشه بحب وبحنان... ممكن أعرف سووو حبيبي زعلان ليه ممكن سو الجميل يشاركني في اللي مزعله كدا ممكن

سلطان بصلها بعيون دامعه وحزينه ورمي نفسه في حضنها وبعياط وحزن...... ارجوكي يا شمس حياتي خليكي معايا ارجوكي انا عمري ما هقدر اعيش من غيرك انا عارف اني كدا كدا ميت بس خليكي الشويه اللي بقينلي في عمري خليني اعيش معاكي

شمس بحب واطمئنان.... ان شاء الله يا حبيبي هفضل جنبك ومش هسيبك ابدا بس انت سيب اللي انت فيه ده وسلم نفسك وانا هفضل واقفه جنبك حتي لو اخر يوم في عمري

سلطان بدموع وأمل... اوعديني إنك هتفضلي علي طول جمبي ومش هتسبيني.. شمس بحب وعشق... اوعدك يا حبيبي اني افضل علي طول جنبك ومش هسيبك حتي لو كان التمن حياتي

سلطان شدد من ضمته لها وهي كمان شددت من ضمتها ليه

&&وبعد وقت ليس بكثير & &

سلطان نام في حضن شمس وهي وبتلعبله في شعره وبعد حوالي ساعتين وسلطان نايم في حضن شمس وهي مازالت صاحيه سمعت دوشه كبيره وضرب رصاص بغزاره ولسه هتقوم تشوف في ايه دخل اربع رجاله من اكلي لحوم البشر وللاسف كانوا من المافيا اللي سلطان كان بيتعامل معاهم

ودخل رئيس المافيا بكلامه الايطالي وبعنف وغضب.....اخر شئ كنت اتوقعه انك تبعت رسالة زي اللي انت بعتها وتقول انك خلاص مبقتش معانا وانت عارف القوانين ياما تفضل معانا ياما تكون مع الاموات وانت اختارت تكون مع الاموات وانا هحقللك رغبتك

سلطان لسه بيحاول يبعد شمس عشان مفيش حاجه تحصلها... كان رئيس المافيا ماسكه وبأمر لرجالته انهم يقتلوه و شمس في لحظه جريت علي اللي عايز يضربه و ضربته بكل عنف وغضب ولسه هتضرب التاني... رئيس المافيا ضربها بالمسدس علي دماغها بعنف وقعت علي الارض و بتحاول تقوم بس مش قادره وسلطان صرخ بصوته كله.... شمس شمس... بس للاسف كانت اغمي عليها من الضربه ورئيس المافيا ورجالته اخدوا سلطان رغم مقاومته ليهم بس للاسف الكتره تغلب الشجاعه واخدوا سلطان وركبوه معاهم العربية لمكان محدش يعرفه... عذاب رعد ج٢... بقلمي دي دي فتحي... صفحتي الشخصية... باسم أللهم اسالم الفردوس لوالدى

وبعد وقت كبير شمس فاقت وكانت متعوره ودماغها بتنزف من اثر الضربه وقامت بتعب وألم بتدور علي سلطان ودورت عليه كتير في البيت كله واما ملقتهوش عيطت بتعب ووجع وقامت وعرفت ان الحل الوحيد اللي هيرجعلها سلطان انها تروح الجهاز وتستعدي القوه من هناك لانها استحاله تقدر علي المافيا ورجالتها لوحدها

**************************

&&علي الجانب الاخر&&

اللواء صبري وياسين وادهم وكرم ويامن اللي قرر انه يلاقي شمس** اللي هي رعد قلبه** بأي طريقه بس لازم يوصلها

وعدي اللي قلبه مكسور علي ضياع حبيبته كلهم راحوا الجهاز عشان يعرفوا ازاي يوصلوا لسلطان و شمس بأي طريقه ويعرفوا مكانهم

&& شمس&& راحت الجهاز و كل اللي شغالين فيه اول ما شفوها الصدمه لجمتهم معقول العقيد رعد عايشه معقوله و هي تجاهلت الكل وراحت لرئيس الجهاز اللي مجتمع باللواء صبري واخوها و اصحابها راحتله وخبطت وبعد السماح لها بالدخول .... دخلت واول ما دخلت الكل قام وقف و حاله من الصدمه والذهول والدهشة... سيطرت علي الجميع... معقول اللي مجتمعين عشانها وبيخططوا عشان يلاقوها تجيلهم برجليها

شمس دخلت وكانت دماغها لسه بتنزف بس بسيط والكل قرب منها وهي بنظره وقفتهم مكانهم وبجديه.... انا محتاجه قوه من الجهاز عشان تساعدني نرجع سلطان

رئيس العصابه... الكلام اصابه بالذهول اكتر😯😯

و بجديه.... انا عارف انك العقيد رعد احمد الوديدي ممكن تقوليلنا انتي عرفتي سلطان ازاي وايه حكايه موتك دي ومين اللي احنا دفناها لما انتي عايشه وليه سميتي نفسك شمس المنشاوي وايه اللي حصلك خلاكي تفقدي الذاكره ومتبقيش فاكره حد كدا... اكيد انتي في مهمه

شمس بجديه وثبات......👈👈 ومين قال اني فاقده الذاكره 👈👈ومين قال اني شمس المنشاوي👈👈 ومين قال اني انا في مهمه في مهمه

الكل اذبهل والصدمه لجمته وحاله صمت رهيبه سيطرت علي الكل هما كانوا بيعتبروا كل تصرفاتها دي علي إنها فاقده الذاكره ومش فكراهم بس هي دلوقتي بتعترف انها مش فاقده الذاكره

يامن قرب منها وهو مصدوم ومذبهل وبسؤال وجديه.... اما انتي مش فاقده الذاكره مين سلطان ده وليه بيقول انه هو جوزك

رعد بعنف وغضب و بصوت عالي... انت اخر واحد ليك الحق انك تتكلم أو تسأل فاهم

يامن قرب منها اكتر ومسك دراعها بعنف وغضب.... امال مين اللي ليه حق يسألك لو انا مسالتكيش

رعد بعنف وغضب اكتر..... مفيش حد ليه الحق يسألني لا انت ولا غيرك... وبتبص لرئيس الجهاز انا عايزه قوة تيجي تساعدني نخلص سلطان من رئيس المافيا ورجالته هتديني القوه دي ولا اتصرف انا بمعرفتي

رئيس الجهاز بجديه.... طبعا هطلع معاكي قوه وكمان هنيجي معاكي

رعد بقوه وثبات..... لا انا عايزه قوه بس تيجي معايا ومش عايزكم تيجوا... الكل واقف يسمع مش مصدق ان اللي بتتكلم دي تبقي صديقتهم رعد إزاي بقت بالقسوه دي وازاي مش عيزاهم يكونوا جنبها ولسه هتمشي

اللواء صبري قرب منها وبجديه وحزن.... حتي لو انتي رفضتي ان احنا نكون جنبك ونيجي معاكي إحنا هنيجي برضه

رعد سكتت واتجاهلت كلامه.. و رئيس الجهاز قرب منها وبجديه وقوه.... القوه هتروح معاكي  مش عشان تحمي سلطان الحسيني لا عشان تقبض على سلطان الاخطبوط اخطر رئيس عصابه وانتي عارفه ان مفيش خواطر ولا عواطف في مجالنا ده ولا نسيتي ؟؟؟

رعد بجديه وقوه.... لا انا منستش حاجه وانا هخليه يسلم نفسه لان انا مش هسمح لاي حد ياذيه حتي لو كان التمن حياتي

يامن قرب منها بحزن ووجع..... للدرجه دي هو مهم عندك عشان تحميه وتضحي بحياتك عشانه

رعد بجديه وقوه وثبات..... ايوه مهم عندي... وجدا كمان لانه يبقا 👈👈  اخويا 👉👉 وبصت للواء صبري وبجديه اكتر... ولا ايه يا سياده اللواء ؟؟؟

@@@@@@@@@@@@@@@@

👈👈انتهي الجزء الأول من خاتمه عذاب رعد 👉👉

توقعتوا عن الجزء 2 من الخاتمه ايه✍️.... وايه رايكم في مفاجاه ان رعد طلعت عايشه✍️... وكمان الكل كان متوقع انها فاقده الذاكره.. او انها في مهمه... بس ان سلطان الحسيني الاخطبوط يبقا👈👈 اخوها 👉👉 دي بقي محدش اتوقعها ابدا 🤳

👈👈🤳طب السؤال بقا هو اخوها ازاي وعرفت منين وليه دور القسوه اللي بتتعامل بيها مع يامن واصحابها طب يامن وعرفين ليه طب الباقي بتعاملهم كدا ليه ؟؟؟؟

👈👈طب وصلت لسلطان الحسيني ازاي... وهيعملوا ايه و هينقذوا سلطان ولا هيحصل ايه ؟؟؟

👈👈و زوزو كدا راحت من عدي ولا ايه ؟

🌿🌿🌿🌿🌿🌿🌿🌿🌿🌿🌿🌿

✍️كل ده☝️☝️☝️واكتر هنعرفه  ان شاء الله🙏  في الجزء ٢ من الخاتمه🤳

💖💖دمتم بخير حبايبي 💖💖
😘😘حبيبتكم دي دي فتحي 😘😘

مستنيه ارائكم وتوقعاتكم اللي بتهمني وبتسعدني جدا وبتعوضلي تعبي في الكتابه... ياريت زي ماقدرتكم وكتبت الخاتمه بمساعده صحبتي وانا تعبانه... ياريت تقدروني وتتفاعلوا مع الحلقه... وتقولولي رائكم ايه في الاحداث... وتوقعاتكم ايه... وردكم علي اسئلتي ايه؟؟؟

💗 بحبكم جدا 💗