رواية #عيناك_واللحن_القديم الفصل الخامس 5 - بقلم Frdos El Sined

#عيناك_واللحن_القديم
بقلمي :فردوس عبد اللطيف
( خامس  )
أحبك لأن فيك كل ما يثير نفسي ويأخذ من رأسي عقلي ويضاف النبض في قلبي ويرسم الحب علي خدي
وحتي المشيب لا اريد حبيب غيرك
شجاع : ولج احجي ياجلب متحرش بيج ؟ لاتسكتين كولي
صفاء الحقير مو احجي ؟
الماس : تقربت علي وخلت ايديها على وجهي
روح الله يخليك اني ما افيدك اطلع من حياتي واطلع من الغرفة هسه فدوه اروحلك شجاع
شجاع : انت حبيبتي وحبيبة عمري اشلون اعوفج واتخلى عنج تدرين شكد احبج ومستحيل اكو بنيه بالدنيا تملي عيني
الماس : بعد لاتدخل لغرفتي ولاتتقرب يمي
شجاع : ماتحملت كلامها وطلعت من الغرفه رحت للمقر واني اعرف هذا صفاء هو الي متحرش بيها بس متحجي حتى لاتصير مشاكل
لازم اخطبها من عمي مادام هو موجود يمنا ولو تداوم كليه ميخالف نتزوج وتكمل بس المهم تصير بذمتي وبحمايتي بعد ما اتحمل اعوفها هيج خايفة
شكيب : اشبيك شجاع اشو صافن ؟
شجاع : مخنوك خويه الدنيا ظلمه بعيني
شكيب : دمشي خلي اوديك اليوم على بيت دعاره تعرفت على وحده تخبل وبعدهه صغيره وعدهه اختها بعد احلى منها  دمشي نروح نغير جو ترى ضغوطات هوايه علينا ذولي المجرمين كرهونا بالدنيا كلوبنا قست صرت اشوف الناس كولهم عدهم استعداد للجريمه فقدت الثقة بكل شخص
شجاع : وين تودينا اليوم خلي ناخذهن للفندق نكمل دوامنا ونبات بالفندق ويه البنات بس فراس خطيه
شكيب : هذا مرته مخبلته يوميه عركه ودكوله روح تزوج اني انظلمت اهلك زوجونا علمود ابن اخوك الشهيد
شجاع : كل واحد همه شكل تدري جم بنيه عندي صديقات بالموبايل يمكن عشرين وحده بس ولا وحده تملي عيني اذا الكلب مشغول بحب وحده وقفل بعد يم العيون الزرك
شكيب : من يكمل الدوام نطلع ... رايح لغرفتي خلي افرغ قهري بواحد البارحه جابوه سارق فلوس من بيت عديله جاي عدهم خطار كاعد بيتهم شهرين هو وزوجته واطفاله اثنين ماكل شارب نايم وبيوم الفلته بايك من الكنتور ٦ ملايين وفالت للناصريه خلي اتسلى بي
_____
بعد الدوام اخذنا البنات وكظينا سهره بالفندق نسيت همومي وارتاحيت اني وشكيب
شجاع : ها شكيب امشي خلي نرجع لبيوتنا ماشبعت
شكيب : شعندك كاعد من وكت ؟
شجاع : دوامي الصبح العصر اريد اروح للبيت لان امي خبصتني دكول وينك وعدتهه اتغدى يمهم
شكيب : روح وره ساعه اجي للمقر
********
شجاع : اليوم لازم اخطب الماس من عمي فراكها يعذبني وخايف على وردتي لان دا تذبل يوم وره يوم يمكن بغيابي يضايقوهه بس من تصير زوجتي محد يتجرأ يمسها بكلمه
رجعت للبيت ها عمي اشلونك ؟
مهند : هلا بالغالي بنتي الماس صبو غده اليوم حضره الضابط امه طابختله مركه باميه وبرياني ومتفننه بالاكل
شجاع : عاشت ايدكم صدك اشتاقيت لطبخ امي
مريم : يمه كلما اطبخ اكله تحبها اذكرك واكول بطنك نشفت من اللفات واكل المطاعم

بعد الغده جابت الشاي ومن تدنك يمي اشتم ريحته طيبه مثل ريحه الجكليت ريحه براءه نفس ريحتها من جانت طفله
شجاع : عمي اريد اتزوج
مهند : كول ابن اخوي واني اخطبلك عندك وحده بنت منو لو تريد احنا نختارلك ؟
شجاع : عمي اريد الماس بنتك
خجلت الماس وطلعت من الغرفه الكاعدين بيها
مهند : كبع واخذ هي بنت عمك رضيها واخذهه واني موافق بقت انتو اتفقوا بيناتكم
مهند : كمت بوسته من راسه وشكرته
طلعت من الصاله وصلت يم باب الحوش شفتها وصاحتني الماس : شجاع
درت وجهي
الماس : حبيبي كبرت بعيني تقربت يمها
شجاع : وانتي دمرتيني و بيج شي ؟صفاء مأذيج ؟ عدلت النجمات وابتسمت اروح فدوه للنجمه
سديت حلكها
شجاع : النجمات وصاحبهم يصيرون فدوه لحلكج ابتسمت
الماس : الله وياك شجاع
شجاع : كولي حبيبي كلبي
الماس : الله وياك يابعد روحي
شجاع : ضحكت
طبي جوه وامي شوفيها جانت دورعليج
الماس : امرك ابن عمي
شجاع : دروحي يالله وكفت اباوعلها لما فاتت
طلعت من الباب طاير راح صير ملكي لمحت 

اخوي وليد واكف والدمعه بعينه خليت ايدي على جتافه
وليد يداوم كليه هندسه طالب حاليا
شجاع : وليد شبيك ؟ محتاج فلوس ؟
وليد  : بصوت مخنوك مابيه
شجاع : شو روحك لخشمك وضايج احد مضوجك اني اخوك
وليد :  بصوت عالي ونرفزه شجاع روح يااخويه كتلك مابي شي
استلمت الدوام بمركز وكنت الامر بي  يوميه يجيبولنه مساجين اشكال كل واحد اله قصة حتى دعاره  يجيبون واحنا نطلع قهر الدنيا بيهم بس من نعرف المضلوم نحسه منه وبينه ونعامله مثل اخونه
جنت من اجي افتح التلفون انسى همومي وانشغل ويه البنات سوالف فاضيه مابيها معنى بس مجرد تسليه مو اكثر
واعاملهن معامله قاسيه واكثر الاوقات نكظيها ثلاثتنا شكيب وفراس واني نكظي وقتنا مع فتيات بعض الاحيان بالفنادق ومرات لبيت شكيب لان فارغ اهله على طول مسافرين ومابي بس شكيب ونتناوب عالبنات والشرب صار عاده ولكل سهره الهه متعتها والي هي الشرب وفتيات الليل
من اليوم الي خطبت بي الماس قررت اتوب واترك هذا الطريق والتفت لتكوين اسره مع حبيبتي وتحقيق احلامنا سويه
كل يوم اشتاق لالماس واروح اشوفها حتى لو اسرق من وقتي نصف ساعه ابتسامتها من تشوفني تفرح كلبي وتنسيني همومي والمشاكل الي اواجهه مع المجرمين والنصابين
اوووف الي يدخل لهذا العالم بعد يكره الحياة (  ام تتخلى عن طفلها اب يترك عائلته ويتزوج ويرميهم بالشارع امرأة تقتل زوجها من اجل عشيقها لو فلوس ووووووو
********
شجاع : حبيبتي شوكت نلبس الحلقات حددي موعد
الماس : الخميس القادم حضر نفسك اريد حلقة الماس مثل اسمي واريد كلاده بيها اسمك
شجاع : يدلل الحلو جم الماس عندي ولج لو تطلبين ذهب من الصين اروح اجيبه
الماس : حياتي انت وجودك يمي هو فرحتي بس شجاع قبل كولشي اكولك خليني اكمل دراسه مو وره مانتزوج دكول كعدي بالبيت عفيه حباب
شجاع : هو اني اكدر ارفضلج طلب ياعمري انت بايدي اوديج وارجعج
خلي اروح الليله عندي خفاره ومن هسه تعبان
الماس : احضرلك العشا تاخذه بالفلينه
شجاع : سويهن سندويجات سوي اربعه احتمال يجي شكيب هذا ميشبع بلفه
الماس : اوك
**********
الوقت : قبل الخطوبه باسبوع (الفصل : شتاء وبرد )
شجاع  : دخلت للمركز تعشيت نعست مجان اكو قضيه
عندي غرفه خاصه بيها سرير تمددت ونمت
..... الماس كاعده وتبجي بصوت مخنوك وماكوشي يسترها اصرخ بيها وامسكها من شعرها واكلها ليش الماس ليش نزلتي راسي ؟
ذاك الوجه انقلب  وحش عيونها تخوف شكل الماس تحول وحش وجهه مرعب ما اكدر اباوعلها
اندار للجهة الثانيه بغرفتي واسولف
الماس متمدده وتبجي تكول مسويت شي والوحش هذا شنو لزمني عنها اصيحها الماس    الماس
وتختفي الماس من كدامي
صوتها يروح والدنيا ظلمه
ختنكت واشوفها بتعدت وابتعدت عني لحد ما اختفت
كعدت مرعوب فتحت عيوني وطفرت من الفراش وجسمي ناكع ماي عركان من الفزع والحلم المخيف
الوقت ٣ ونص فجرا
رجعت للبيت  دخلت  الكل مانايم وهوسه فتت وكلبي يدك بقوه الماس ...الماس  وينج صرخت طلع عمي وللك شجاع اللحك اللحك الماس
راحت راحت وكع عمي بين  ايديه وهو يرجف دنكت راسي صابني برود ثكل كلشي بيه هدوه بداخلي غريب الماس راحت وين   ؟
رحت لغرفتها لان ماصدكت الي سمعته واشوف مكانها فارغ فتتحت كنتورها دورت بلكي الكي دليل شي شفت صندوق فتحته ورق كومه مجموعة رسائل كل يوم والتاريخ حبييبي شجاعو احبك موت وقلوبه وسهوم  نزلت دمعتي بالورقة الماس ..... الماس وينج ياربي االماس كعدت عالارض ودموعي تجري   ....
دخل اخوي وليد ... ها شجاع شكو شبيك ؟
صفنت سكتت بعدين
كتله وليد  ولك كسرتني
وليد : شنو كسرتك مكرود الماس مخطوفه  وللك لو مهزومه من ايش تنهزم شبيك  ؟
صفنت ادور صفاء وين صفاء الحقير ماكو غيره  وين رحت نايم ماكاعد من نومه فتت عليه وكعدته بالضرب بوكسات  دك مخليت مكان مضربته وينها ياخره نذل ناقص حقير مابقت كلمه  غلط ماحجيتها ضربته  لما تعبت جان سكران الافندي
شجاع : الماس وين  ؟
صفاء : بحهنم اني معليه
وين راحت دمرني

بقيت افكر شسوي وين ادور
ذيج الليله عدنا عزا بلا ميت واشوف امي وفريال يتشاورن بينهم وليد ممهتم صفاء مو بوعيه وعمي تخربط
خالتي علياء واخوتها ايمن وزيدون يبجون عليها
انتظرت يصبح الصبح ورجعت للمركز
وين ادور عليها كلفت مفوض حازم وملازم احمد يتصلون بكل مراكز الشرطه والمستشفيات وحتى بالطب العدلي
انطيتهم مواصفاتها وطلعتهم من الصبح يبحثون عليها
صرخت  الماس الماس
شكيب :  كافي كافي شبيك انت فاقد مو هيج امسك اعصابك
صفنت احبها شكيب احبها
شكيب : وللك اليوم  عندي اللك شي تنسيك ابو الماس امشي اخذك واني وياه نزلنه واجرنا الغرف ودخلنا بالفندق دخلت البنيه  تدفع بروحها رفعت راسها ضربتها وكعت بلكاع ومرتين وثلاثه وتقربتلها كملت غسلت وطلعت بره صعدت بسيارتي اسوق بدون عقل بس عيوني تشوف الاماكن لكن عقلي مو عندي يم ام عيون الزرك
ريحتها  ابد متروح من خشمي ياربي اني شنو شنو اني تعبتتت ولكم ياربي احبها روحي بيها  طلعت تجمرت روحي ختنكت نفسي ضاك ولكم  وينها اني شسويت مو كلبي خلص
عممت اسمها مواصفاتها على كل المستشفيات ومراكز الشرطه والمنافذ الحدوديه والمطار ماخليت مكان مادورت
رحت على بيوت صديقاتها بالكليه والي متعرف شي اكولها يم بيت خالها وينج حبيبتي وين عفتي شجاع حبيبج اشلون هنت عليج رجعي يابعد روحي
للحكايه بقيه
******بقلمي فردوس عبد اللطيف******