رواية #عيناك_واللحن_القديم الفصل الثالث 3 - بقلم Frdos El Sined

#عيناك_واللحن_القديم
بقلمي: فردوس عبد اللطيف
الثالث
. يا أمي ذات ليلة أشتقت لكِ حمٌلني الخوف ما لا تطيق روحي رغبة في البُكاء إجتاحت عواطفي غٌربة مكان وزمان وروح وذاتٌ استوحشتني.
الماس : صفاء ولد مدلل ويحب ياخذ كولشي اله وجودي في بيتهم واني كائن ظعيف بدون سند .....
كل يوم يتحرش بي وبالليل اقفل غرفتي علي ومرات احتاج اروح للحمام اخاف اطلع لا يستغل الفرصة ومن يطلع عمي
اكون فريسه سهله بس خوفه من شجاع هو الي يخلي متردد
من سافر عمي للعمره وصى عمه فريال واكد عليها لكن فريال تحب ابنها وتنطي الحق بكل تصرف حتى لو كان غلطان
بيومها خالتي فريال كانت نايمه واني كنت بالمطبخ اشتغل واجه صفاء شكله مو بوعيه
اجاني من الخلف ولزمني وحضني وميريد يتركني
دفعته وصرخت (خالتي خالتي )
وركضت عليها لغرفتها خالتي لحكيني ابنج يتحرش بي
فريال : هو اني ابتليت بيج بلوه امج ذبتج علينا حقيره كعدتيني من نومتي
من سمع كلامها التشجيعي ضربني راشدي
صفاء : ولج انت سرقتي( ١٠) الاف من جزداني
الماس : كذاب والله مماخذه
مد ايده على صدري (وينهم طلعي فلوسي الي سرقتيهم )
وبقى لازم صدري وامه تتفرج
انهزمت منه لزمني من شعري ويضرب بي وامه تشجعه عالباطل ...
ودخل شجاع وسمعني اصيح وشافه لازمني وبقى يضربه
بعدهه اخذني لبيتهم وخالتي مريم اهتمت بي وسبحتني وقدمتلي اكل ونيمتني بغرفتهه
عاملتني بحنيه لان شجاع وصاها علي نمت بوقتها ماحسيت بالدنيا الا ثاني يوم
شجاع : الماس ماشبعتي نوم كومي كعدي تريكي جبتلج كيمر وكاهي واريد جاي من ايدج الحلوه
الماس : صباح الخير كل هالوقت عفتوني نايمه ؟ تدلل شجاع لو ما حنيتك انت وخالتي وعمو محمود يمكن جان متت من القهر
شجاع : تعالي عالريوك عندي كلام وياج
الماس : سويت الشاي وطلعت من الثلاجه جبن وعسل وزيتون وحميت الخبز وصيحتهم يتريكون
شجاع : الماس راح اروح لبيت جدج اهل امج واسأل عليها ....
لحد يمته تبقى ما تسأل عليج ؟ شنو السبب الي مخليهه ماتجي تشوفج شي مومعقول
الماس : ياريت اشوفها باقيه حسره بكلبي بس اخاف بابا وعمو محمود يزعلون
شجاع : هو وينه بابا ؟ اشو عبالك اختفى مدري عايش مدري ميت حتى رساله ما يدز
وعمو محمود من سافر بقيت بأيد فريال وصفاء
الماس : كمل الشاي واني راح اكتبلك عنوان بيت جدي
شجاع : شنو حافظته ؟
الماس : اي حافظته هو عندي امل اكو احد يحبني ويسال علي امي ابوي
شجاع : اششش لاتحجين هيج كلنا نحبج انت شمعه وضويتي بيتنا صدكيني لو يقبل عمو محمود اجيبج عدنا وما اسمح لاحد يأذيج
لؤي : صباح العسل والكيمر والكاهي لو هذا بس للحلوين
الماس : تعال لؤي تحب الشاي بالكوب لو استكان ؟
لؤي : استكان مثل اخوي شجاع
شجاع : ربي يحفظك اخوي العزيز بس انت ورده لو الله يهدي وليد ويصير مثلك حباب وهادئ
وليد : اشبي وليد جايبين اسمه من الصبح تدرون اليوم بيتنا يضوي ضوي
شجاع : بدينا عاد وليد وكلامه السخيف اكعد تريك بدون حجي زايد امكم تروح للسوك من الصبح وحدهه وانتو نايمين
وليد : هي تنكي المسواك قطعه قطعه وتبقى ساعه تنكي الباميه الا ناعمه وحده وحده والطماطه تكلبها وتشوفها وجه وكفا ولما تكمل تفتني فت
شجاع : همزين السوك يمنه خطيه جان وين تكدر تروح بعيد
مريم : ها يمه كعدتو صباح الخير اشلونج يمه الماس
تدرين بنيتي اليوم لميتي الولد شكد حلوه لمتهم يوميه كل واحد ياكل وحده عبالك متزاعلين
الماس : ربي يجمعكم بالخير والمحبه ولا يحرمج من لمتهم خالتي انطيني المسواك ارتبه بالثلاجه
*********
شجاع : مرحبا اشلونك اخوي اني ابن اخو مهند زوج امل اختكم
اخو امل : اهلا بيك اخي تفضل اشلونكم شخبار الماس ؟
شجاع : الحمد لله بخير اكدر احجي ويه ام الماس
اخو امل : خوي بصراحه هي من تزوجت ومهند كالهه انسي بنتج بحيث من خطبوهه ماكنالهم عدهه بنت وزوجها فد واحد نحس وشكوكي وحاليا عايشه بالعماره مو هنا وحتى من يجيبها عدنا يجي وياها يوم واحد ويرجعون
شجاع : زين تلفون مانكدر نتواصل وياها بالتلفون ؟
منين عدهه تلفون واذا نريد نحجي وياها لازم من يرجع للبيت نخابر على تلفونه هو ويكعد كبالهه حتى ماتكدر تحجي شي
غير عمك طلكها ومافكر ببنته تحتاج امها
شجاع : اني اشكرك وهذا تلفوني اذا اجتي يمكم خلي تتصل بي واخليها تحجي ويه بنتها
رجعت مقهور حزين والماس تنتظرني بشوق شراح اكولهه
امها طلعت من تسلط الاهل الى تسلط الزوج
********
الماس : ها شجاع طمني جبت عنوان امي انت توديني عليها عفيه
شجاع : اسف ماكدرت احصل رقمها لان امج ما عدهه تلفون وانطيتهم رقمي وكتلهم خلي تتصل بي نبقى ننتظر
الماس : تتوقع امي نستني ؟ لعد ليش خلفتني اذا هي مو كد المسوؤليه شكو تخلف
شجاع : نزلت دموعها فطرت كلبي
لاتبجين دموعج غاليه علي بس يجي عمو محمود اسأله على عمو مهند بلكي احد جايبله خبر عن ابوج
الماس : لاتعب نفسك هما عاشو حياتهم ونسوني اواجه مصيري بهالدنيا وحيده
شجاع : واني وين رحت (مسحت دموعها وخرت شعرها )
كومي غسلي وجهج وربج يفرجها
********
رجع عمي من العمره وطبعا خالتي فريال وصفاء مألفين بكيفهم لكن الحقيقية هو يعرفهم بس ميكدر ينطي بيهم هم زوجته وابنه
شجاع : عمي اريد اطلب منك طلب
محمود : تفضل ابني لا تنحرج اني بمقام ابوك
شجاع : ربي يحفظك النه ويخليك خيمه على راسنا
عمو اريد ابقي الماس عدنا هالسنه هي ثالث متوسط وتحتاج جو دراسي واني اساعدهه واشرحلها المواد
محمود : اعرف بيك شهم وكد المسؤليه ومتأكد انت راح تحافظ عليها مثل ما اني محافظ عليها بس يا ابني انتو ٣ اولاد وهي بنيه شابه وحلوه بنصكم ما تشوفها واكفه ؟ واذا صار شي تالي الناس تلومنا
شجاع : اتعهد احافظ عليها مثل عيوني واني اجيبها الكم كل خميس وجمعه لان اعرف خالتي فريال معتمده عليها بشغل البيت ...تجي تنظفلكم وترجع باقي الايام يمنا
محمود : تدري ابني اني انحرمت من البنات بس يشهد الله الماس بنتي وروحي من الدنيا واحبها بكثر حبي لصفاء
شجاع : اعرف عمي بس لمصلحتها ادرسها ولحد ماتخلص السنه الله كريم
محمود :الله يوفقكم وافرح بنجاحكم
********
شجاع : يمه هالسنه سادس وبكلوريا صح ادبي وما احتاج مدرسين بس لازم ارتب نفسي وادرس واحقق حلم ابوي واصير ضابط
مريم : يمه انت سوي الي عليك والباقي على الله
شجاع : ونعم بالله يمه اريدج تديرين بالج على الماس وعمي وافق تبقى عدنا اريد ادرسها حتى تنجح
مريم : انت شلون راح تنجح اذا تكعد تدرسها ؟
شجاع : هي شاطره مراح تعبني بس تحتاج توضيحات
يمه اني ممرتاح لنظرات وليد لالماس نظراته مو مريحه لازم تبقى عينج عليها الشيطان شاطر
مريم : يمه وجودهه مسؤليه شورطتنا مو جنا وحدنا راح ابقى افكر وانحبس علمودهه
شجاع : هي سباعيه بس ميخلو الامر والاحتياط واجب
*********
كملت السنه ونجحت من السادس
وانقبلت كليه الحقوق وباشرت بالدوام والماس نجحت من الثالث
*********
اعز اصدقائي اثنين من ايام الدراسه فراس وشكيب
شكيب : ضابط بالداخليه عازمنا على سفره لاربيل سياحه
اهله عدهم بيت باربيل مخلي من يرحون يكعدون بي
شجاع : يمه اريد اسافر ويه اصدقائي فراس وشكيب
اريدج تديرين بالج على الماس لحد ما ارجع هي امانه عندج
مريم : ميخالف مثل ماتريد روح تونس هلكت من الدراسه وتعبت من المسؤليه الي تحملتها وانت صغير
شجاع : الماس ما اوصيج على نفسج اكيد راح اشتاقلج
وجهه صار احمر بلون التفاح خجلت ودنكت
الماس : لا تتأخر علينا ننتظرك
شجاع : توصيني شي ؟
الماس : سلامتك ترجعلنا بالسلامه
شجاع : دنكت بستها من خدهه خجلت وركضت للغرفه ...
طلعنا بسيارة شكيب طول الطريق نغني ونضحك ونحجي نكات ما حسينا بالوقت وصلنا لبيتهم وطلعنا نفتر بالمدينه
فراس :شجاع اشبيك صافن ؟
شجاع : شحجيلك بنت عمي الماس احبها وخايف عليها كل العيون عليها واني مثل ماتشوفني لا حول ولا قوه عود اكمل حقوق وراها لو اتعين لو ابقى واكف بباب المحكمه انتظر يجون اثنين يردون يطلكون لو يردون يتزوجون لو متخاصمين اتحايل عليهم حتى ينطوني قضيتهم
شكيب : شباب ليش ما ارتبلكم تطوعون عالداخليه وتخلصون من هاللغوه
شجاع : الله وايدك
شكيب : بس نرجع ارتبها الكم واثنينكم راح تتعينون
فراس : معناها خدمتنا خدمه العمر
شكيب : كمل سالفتك شجاع
شجاع : شسولف اخوي وليد وابن عمي صفاء مثل الذيابه يحومون عالبنيه واني خايف عليها وذولي لاذمه ولا غيره
شكيب : ولك لعد فراس شيكول اهله ورطو بمرت اخوه الشهيد علمود الولد حتى لا يروح منهم وزوجوهم
فراس : اخخخخخ لا تذكرني اتفقت وياها يبقى زواجنا عالورق بس وماكو اي تفاهم بينا اصلا احنا مختلفين انحسبت على زواجه واني كولشي ممحصل ودايما نتعارك
شكيب : تعالو نروح لمكان نكعد عالشط ونشكي همومنا لبعض وجايبلكم بطل ويسكي ينسيكم همومكم
شجاع : كعدنا عالشط ونشرب وهذه اول مره اشرب بيها خمر
اكولكم احنا اذا نتطوع للداخليه لازم ندافع عن الوطن ونقضي عالمجرمين ونحمي النساء من المجرمين
فراس :اهووووو حمى عمي خلي تصير شغلتنا وعود نحقق كل اهدافنا
شكيب : اكولكم احنا زلم ونحتاج للمتعه وكولشي سوينا بقى شي واحد امشو وياي
فراس : وين
شكيب : تعالو نروح للديسكو
شجاع : لا لا اني مشتاق لحبيبتي دا احسب الايام حتى ارجع اشوفها وخايف عليها
*********
الماس : نايمه بغرفة مريم
دخل وليد للغرفة وكف يباوع على الماس وهي نايمه
الغرفة ظلمه بس من فتح الباب دخل ضوه من خارج الغرفه
الماس : حسيت حركه يمي كان احد تلمس رجلي فزيت وصحت يمه ولميت رجلي
وليد شتسوي هنا ؟
وليد : اششششش شفتج مكشفة ردت اغطيج
الماس :اعرف شتريد اطلع من الغرفه لا اكعد خالتي لو تريد اخابر شجاع اطلع بسرعه قبل ما اتصرف
طلع من الغرفه لكن بوقتها حسيت كلبي يريد يطلع من صدري ورجلي ترجف حسيت برجفه وبرد متت خوف شكله ووظعه مو مريح بس طلع قفلت الغرفه ومن يومها صرت اقفل الغرفه علينا من ننام ومن تسألني خالتي اكولهه اخاف ما اكدر انام بس من اقفل الباب اطمن
واليوم الثاني وليد طبيعي الصبح ولا كأنه مسوي شي
***********
شجاع : رجعنا من السفر وتلكتني الماس بابتسامتها الحلوه وعيونها الي تقتلني بنظراتها جبتلهه هديه قلاده وبيها حرف A وفرحت بيها
وشكيب وفه بوعده وفعلا رتبلنه التطوع وكملنا اجراءات التطوع كضباط بالداخليه
شكيب : اليوم بمناسبه قبولكم عازمكم على شي حلو
شجاع : اكيد شرب
شكيب : اليوم اخذكم لبيت دعاره
فراس :اي والله طاكه روحنا
شجاع :هاي اشبيكم جنيتوا ؟
شكيب وفراس : ههههههههههه ضحكنا
شجاع : رحنا وهذه اول مره اروح لهيج مكان واول مره اختلي بامرأة
البنيه الي جتي علي حملتها ودفعت باب الغرفه برجلي واني اتخيلهه الماس بس هذه ريحتها كولهه خمره
دخلت الغرفه وماعرف شسوي
نزعتني الحزام وانطتني اياه
عسل : هاك الحزام اضربني وبرد كلبك وارتاح
شجاع : اني هم اخذت الحزام وكمت اضربها بكل قوتي وهي دكولي بعد وبعد
ايدي تعبت وهي كامت ولا كانه انضربت بالحزام وارتمت بحضني
عسل : انت من صدك شجاع
شجاع : بوقتها صدك ريحتني وكانت هذه اول مره اجرب
بعد ما كملنا خلت راسها على صدري
عسل :شجاعه انت حنون لا تروح
بالله اني شبعتها ضرب وحنون انت مو نجس ذوله الزلم يسوون شغلات مو حلوه تعدلت ودفعتها كمت البس وانتي منو جابرج على هشي وليش تحجيلي استعدلت وحضنتني
عسل : لا تروح حياتي دفعتها اني مو حياتج شوفي نفسج زين واذا ندمانه اطلعي من هل المستنقع
عسل : والمثللك وين يروحون ؟
شجاع : النا الله ضحكت
عسل : ﻻ تعرف الله ضربتها راشدي وكعت بلكاع
ضلت ساكته عدلتها
شجاع : كومي اني مو هيجي
عسل : مو كتلك انت مو مثلهم مشيت وعفتها وطلعت من الغرفه نزلت ركض واحس روحي طاكه رجعت للبيت فتت الساعه ب4 ونص صوت قران جاني فتت سمعت صوت الماس تقرى قران سورة ياسين كعدت ورها واذكر شسويت الماس تقرى وصلت الى ( وضرب لنا مثلا ونسي خلقه قال من يحي العضام وهي رميم ) دموعي نزلت وطلع صوتي ندارت عليه دموعها على خدها شجاع شبيك

كامت من مكانها واجت يمي كمت ابجي وهيه تواسيني وجه منور ولابسه الحجاب وعيونه والله مجملها بقيت ابجي حضنتها وهيه حضنتني نسيت نفسي ماحسيت الا صوتها تقرى علي
الماس : بسم لله شبيك شجاعي شصارللك غفيت وففزني ايدها شجاع كوم خنكتني هدني دفعتني بقوه كوم شبيك ريحتك مو طيبه
شجاع : الماس ردت اكولج
اني احبج سكتت
انتي حلوه
الماس عوفني والدمع بعيونه كامت عني كوم
كوم صلي يالله سكتت
شجاع :مو نظيف مسكت ايديه وكمت سبحت وصليت واستغفرت ربي
وراها اتصل بي شكيب فصلته ونمت
مريم : شجاع كوم وليدي عمك محمود داز عليك يريدك ضروري ....
للحكايه بقيه
*******بقلمي فردوس عبد اللطيف******