عــز الــدليم و(بنت الشيوخ) الفصل الخامس والعشرون 25 - بقلم ﮼ميم﮼الُِ﮼فُرج

بِسْمِ اللَّـهِ الرَّ‌حْمَـٰنِ الرَّ‌حِيم

عــزالدلـيم

الكاتبه ميم آل فرج

M_matemahmed

ياما تضاهرنا بالعمى وحنا نشوف
وياما محينا الردى ومشينا
لاتحسب تجاهلنا ضعوف
حنا على رد الردى ماتربينا

قمراء: شهكت بصوت عالي واني اشوف سلوان ابن عمي

واكف كبالي شجابه هنا شلون اندلاني

حجيت بخوف بلسان ثكيل

انـ.....تتت اشـشـلون .....

قطع كلامي صوت حيدر القريب من عدنه

سلوان حط ايده على حكلي يكتم انفاسي وجرني اكثر لزرع حتى مايلاحظنه حيدر

حيدر ...... منهو انت گمره انتي هين وينج يگمره .

قمراء ... حاولت اطلع صوت لكن سلوان قربني عليه اكثر يعيق حركتي ..........

فتحت عيوني بصدمه واني احس بحدت السجينه على بطني

نضرات سلوان وابتسامته الحقيره الي ملت محياه

قوس شافيفه بشكل مستفز وكالي

" اششششششش

اختفه صوت حيدر وراح بتجاه البيت

ابتعد عني سلوان وشايل السجينه بوجهي

سلوان .... وينج بت عمي مشتاقين ماصدكت طلعتي من البيت صار شهور مكابل الباب

قمراء بصوت يرتجف ...... ششتريد

سلوان ... اريدد اممممم شتريد يسلوان شتريد

قمراء ... اباوعله حاط السجينه ويلعب بيها بطراف اصابعه ضوه خفيف يعكس عليه منضر مخيف احس رجليه ماعاد يحملني

سلوان ....... باوعتلها خايفه طلعت الأرواق من سترتي ضلت صافنه عليهم اشرتلها تلزمهن

بس مدت اصابعها صحت ..... ببببببووووووو

قمراء... فزيت خايفه حسيت كلبي وكف وهو ضحكاته الحقيره تعالت

سلوان.... ههههههههاي شبيج قنبله طكت عليج

قمرا بحده ... سلوان احجي هاي الاوراق شنو وشتريد بيها وليش اجيت وشتريد مني

سلون .... على هونج وحده وحده

قمراء .... احجي

سلوان...... والله يابت عمي جيت اشوفج واطمن عليج ياريحانه جدها

اما الاوراق شغلتهن بسيطه تاخذيهن لزوجج المحترم بصمي عليهن

قمرا.... اوراق شنووو

سلوان.... مالج دخل

قمراء.... اني تراجعت عن كلامي بتليفون

سلوان ... موبكيفج نشتغل تنفذين وخلص

قمرا..... واذا مانفذت

سلوان .... هههههههههاي عادي ريحانه ندفنها بالارض حتى تخضر وتصير جبيره ....... قدمت السجينه على صدرها ... تجربيهن

قمراء... ارتديت بخوف.. انطيني الاوراق

سلوان .... عفيه يلا منتضرج اني بنص الزرع يحلو

قمراء ...... اخذتهن ورحت اهرول للبيت

دخلت بهدوء حيدر ماكو بعدني مامخذنه نفس طلع حيدر من المطبخ بايده سجينه جبيره وبين عليها حاده بسرعه خليت. الاوراق وره ضهري

قمراء... حيدر اانت هنا

ماسمعت شنوو جاوبني جان تركيزي كله على ايده البيها السجينه ..... يمه السجينه وين ماروح وراي يردون يسوني كباب اليوم

حيدر .... كشفتج يگمره

قمراء....... انصرعت وحسيت نار تطلع من اذاني شنو شكشف ....

حجيت بتردد شكشفت حيدر

حيدر.... عرفتج انتي جنت واكفه تتسمعين عليه واني اغني ونخشيتي مني حتى ماشوفك ...........

دار ضهره ودخل المطبخ يحجي

اعرف عمايلج كلها تجسس ومراقبه يبت مناهل

دخلت ركض للغرفه ضميت الاوراق .... يمه وكف كلبي صار عندي سكر من الهبطات

صوت حيدر يصيح

تعالي يكمره نحضر اكل تناكل

قمراء .... نفضت نفسي واخذت شهيق زفير ورحت يم حيدر

جان مطبخ بسيط مامكمل اثاث بي سنك زغير وطاوله ومغلفه سيراميك لونه ابيض بي خط جوزي وبيجي كلش حلو وارضيت البيت كلها ابيض على بيجي

جان فارش حصيره بالكاع ومكصكص خيار وطماطه

كعدت على حصيره وجاب الماعون حطه كدامي وراح لدولاب زغير فتحه طلعت ثلاجه .

قمرا .... ههههههههههههاي هاي شنو ثلاجه

حيدر .... اي ثلاجه

قمراء.... شعدوه هل كد جبيره ههههههه

حيدر .... تتهزين

قمراء.... ياتهزه هاي حتى ايدك ماتدخل بيها هههههههه

حيدر .... طلعت جبن وخبز وربعت يمها ضحكتها ترد العافيه عيونها يدمعن من الفرح احسها مستانسه بهذا البيت

قمراء....... شبيك صافن عليه ........ ركز بعيوني حسيتي يريد يقراهن نزلتت عيني اتهرب منه اخذت خياره اكلها

عضيت شويه وبقه بيدي قسم تقرب اكله من ايدي ويباوع بعيوني ........

وخرت عيني عنه حيدر يقراني

لزم وجهي يثبته شفيج يكمره عيونك تجول بكل مكان الا وجهي تهربين منه

نزلت راسي رفعه بطرف اصبعه

حيدر. ... شفيها عيونج شتبي تحجي وتمنعينها عني

قمراء... ابتعدت اغير الموضوع

ماكو شي ماتحجي بس لان مانايمه يلا خلي ناكل ونام

حيدر .... مانايمه لو زعلانه

قمراء ... بتذمر ... يوووو حيدر شبيك

حيدر ....نترت بيها كصري حسج لاتتمادين يلا ابلعي

تحمدت وكمت لطرمه كعدت على بلوكه صافن بالدنيا

عيوني تحوم حول المكان حسيت بثكل على صدري وانه اذكر الي صار ماعرف اوصف شعووري تانيب ضمير وله ندم وله وش بس الب اعرف انو شي يذبح ...... عيشني بخوف من العاقبه

""" الــمـاضي """

الحگ يجلال ولدك غرگ

بادات رجلين جلال الي يهرولن بخوف بعد المنضر الي شافه

حيدر طلع من الطبر مملي دم ......

حجه بأسه ...... ماكدرت اطلعه جرته الگرطه

جلال انربط السانه ....

وعيونه نفجرت بدمع وهو ينضر بين حيدر والماي الي اتلون بلون االدم

الحاضر ....

حيدر ....

تنفست بضيق جاثم على صدري ربي وش الدبره

قمراء ......

طلعت اشوف حيدر كاعد بره وصافن اموت واعرف شنو الي اباله بشنو يفكر

تقربت منه

حيدر تشرب جااي

فز من مكانه رمقني بنضره تنشف العروگ

انه من متى اشرب شاي ابغى انام

انطااني ضهره ودخل

فتحت عيني بصدمه واني اشوف سلوان واكف وره الباب وياشرلي .......

هرولت الداخل البيت خايفه ......... كابلت حيدر وانتضره ينام حتى ابصمه واخلص من هل خوف

ساعه ٢ونص الدنيا شتا وصوت زخ المطر ورعده داوي المكان

تقربت بحذر من حيدر سحلت ابهامه بصمته على اوراق حتى ماشففت شبيهن ومااعرف حجم الضرر الي راح يسببنه الحيدر

اخذت وصله مبلله ومسحت طرف اصبعه تحسس من الرطوبه وصار يتحركه سرعه حركتي تاكدت ماكو اي اثر للحبر ....

وطلعت ارككض لسلوان ادور عليه تنكعت من المطر هم زين لفيت الورق بععلاكه سوده خفت ابو الاكبر يشوفها

اجه سلوان حاط مضله على راسه وايده بجيبه يمشي برهاوه

واني الخوف ماكل كلبي واتلفت لايكعد حيدر.... شمرت العلاكه عليه

قمراء... ماريد اشوف وجهك بعد

سلوووان .... ههههه مشكور بت العم

هسه انتي بتصرفج هذا ويه ابو الاكبر اثبتي انتي صدك بت مناهل ههههههههاي

قمراء.... شتقصد انت ها شنو قصدك

سلوان .... ياحيف خطي ابو الاكبر هههههههه

قمراء... سلوان شنو هاي الاوراق شبيها

سلوان .... ليش ماقريتي يلا مومهم يجي الوقت وتعرفين شنو هل ورق جاووو

قمراء ....

رجعت للبيت اجر رجليه جر بثكل ...... اني شسويت معقوله يضر ابوالاكبر اي شبيج قمراء اكيد يضره يعني سلوان يحبه قابل اكيد يريدد اذيته بس خطيه حيدر اخر فتره زين وياي مايستاهل مني هيج ........... بس اني روحي عزيزه يمه يكتلني سلوان

حيدر .... كنتي فين يكمره

قمراء. .... شهكت بخوف

اجاني حيدر بهمه

اسم الله شفيك يكمره يوجعج شي

قمرا .... غرغرت عيوني بدمع وبجيت

حضني الصدره ......

علامج غركانه مماي المطر وله دمع عينج

قمراء ... رفعت راسي عن صدره

حيدر انت تحبني

ابتسم وابتسامته تعالت لضحكات متتاليه حضني الصدر وسكت

حيدر ... يلا غيري هدومج لا تاخذين برد

قمراء .... دخلت للحمام ..... شعجب كامل من دون البيت جان بي بانيو مثل المسلسلات تلمسته بفرح يااااي راح اسبح بي

شغلت الماي والعب فرحانه ...... دك عليه الباب حيدر

كمره ملابسج

مديت ايدي من وره الباب اخذهن دفع الباب ودخل

قمرا.... شنو انت ماتستحي

حيدر ... لاماستحي .......

اخذ شفايفي بين شفايفه وعشنه احلا اجواء البانيو تحت الماي

كعدت الصبح فرحانه بكل نشاط ناسيه كل صار والي سويته

كمت افتر بالبيت حيدر نايم

دخلت المطبخ ماكو شي ينطبخ ..... دورت لكيت علبه طحين وبيض ... بس وين اسويهن ماكو مصدر نار باالبيت

طلعت بره لطرمه بيها ممر زغير لكيت بي شي مربع بي باب وشبجات من حديد زين هذا شنو لاهو ثلاجه ولاهو براد بعد التفكير والتدوير لكيت صوره نار .... عرفت هذا طباخ او فرن لكيته مشكل بقنينه بس ليش مشكل بره ومنو جان يطبخ بي
قمراء كافي خلي اطبخ اكل وافاجئ حيدر تذكرت من طبخت اله وكالي ماريد منج يبت مناهل اي لايريد اطبخ الي عشتو

خلص هذا هو اطبخ بي اول شي سويته جبت الطحين وخبطته بماي صار سائل حطيته بطاوه ودخلته للفرن صار خبز سويت كرصتين على كد الطاوه كافيات
........

فكرت بما انو ماكو زيت اسوي بيض استغل الموضوع واسوي كيكه ......ركضت فريره للمطبخ من زمان مامسويه كيكك مشتاقه ........ ضليت ادور على شكر وخمره لو بكم باودر ......

فتحت الثلاجه لكيت شكردانه شلتها وكمت اكمز بيها

بس ماكو صوده حتى تنفخ الكيكه اجتني فكره ذهبيه اسوي كيكه مربه شفت فراوله مزروعه بالحديقه مال حيدر رحت قطفت منها فراوله وكصكصته زغار نص خلطته ويه البيض والطحين ونص خلليته بفور ويه شكر وماي حتى يصير صوص فراوله ..... اخذت الخليط وطايره صارت فطيره فراوله شكلها يموت .................

طلعت للحديقه فرشت وصله وحطيت الاكل ماكو اماعين جوممتهن بالكاع .........

كعدتت حيدر .... اجه يمشي وراي والنوم بعيونه مستغرب

حيدر " وش هذا شمسويه شلون سويتي كل ذا

قمراء كتله بغرور .... اني ومن woman

حيدر ... اه اه يالومن كعدي خلي نأكل تره كصني الجوع على هل منضر

صدك جان منضر خلاب بين جمال الطبيعه وصوت العصافير الاشجار والورد الجوري الاحمر والياسمين الابيض والاورد الاصفر شجره البرتقال الي تاخذ الكلب من جمالها ......

سرحانه بجمال هذه المزرعه وعيوني تتنقل بين اشجارها بفرح

حيدر .... وين رحتي كمره معاي انتي

قمرا ... هااا

حيدر. . عجبج المكان

قمراء..... يجنن روعه

حيدر ابتسم ودنك ياكل

قمراء ... حيدر

رد ولكمه بحلكه

هممم

قمراء.... خلي نعيش هنا حباب

حيدر ... حنعيش هين هو ذا المكان لي ولج

قمراء.... عيوني لمعت بفرح

صدك حيدر الله عليك

اومئ براسي

يعني الي والك يعني اسوي الي يعجبني بي يااااي حيدر راح طير من الفرح

شوف هاي هنا نعدلها ونسوي طريق اكبر ونخلي مرججوحه بنص الوردات تحت سوباط العنب وهنا نزرع خضروات

جنت احجي بهمه وحماس سكتت واني اشوف حيدر كاعد ومتجي اديه ثنينهن وره ضهره وراجع ليوره منتجي عليهن وينضرلي باابتسامه

دنكت راسي بخجل .........

حيدر ..... كمت ومديت ايدي .... كومي وياي

وين

تعالي معاي وماعليج مكان راح تحبي

اخذني مكان وره البيت فتح الباب ودخل ....

كمزت بفرح واني اشوف اسطبل مال خيل بي تلث احصنه يجنننن واحد اسود وثاني ابيض وثالث بني

ركضت للابيض اريد اكمش صاح الحصان صوت عالي

اجه حيدر يركض ...... على هونج يكمره تهدي شوي شوي

تراهن مستغرباتج ........

قمرا ببتسامه ..... شيخ خلي اركب عليه

حيدر .... ههههه خذتيها من سلطان ذي

قمراء ... اي شيخ شكلت

حيدر ... بس انتي مانج خياله

قمراء .... عادي علمني واصير خياله

حيدر ... ابتسم وطلع الحصان الابيض ... لبسه السرج وجره وراه واني امشي وراهم بهدوء خايفه يطكني برجله

وكف بنص الطريقه وكال تعالي يكمره اصعدي

تقرببت وبخوف ... بس اني ماعرف شلون اصعد

حيدر كعد تك رجل ورجله الثانيه رفعها تعالي حطي.رجلك على فخذي وارفعك واصعدي ....... تقدمت بتردد مستحيه ادوس عليه ....

غمضت عيني وحطيت رجلي ورفعني كعدني على حصان وسحله من السرج يفتر بيه المزرعه شفت زرع واخضار مرزعه موجديده صار سنين يزرع بيها بس ليش البيت ماكامل .....

قمرا .... حيدر مليت خلي يركض

حيدر .... ابتسم اي يركض ليش لا كعدي صفح حتى اركب جنبك واخلي يركض ....

قمرا عدلت رجلي وكعدت صفحه وحدي بس ليش هيج اكعد يلا تركب

حيدر .... لان الخيل مايتحمل خيالين ........

صعد حيدر وراي

تمسكي فيني ترانه بنطير ....

لفيت ايدي حوالين خصره حطيت راسي على صدره

حيدر ... مانج خايفه يكمره

قمرا .... دامني وياك ماخاف

حيدر ... عبر السرج

عبر السرج ضرب الخيل وهي بلشت تركض طارت حسيت نفسي بين السمه والكاع ماشوف شي من كد السرعه غمضت عيوني وشديت ايدي على خصره وراسي على صدره اسمع دكات كلبه الصاخبه

حيدر ... انطلقت اتكلم بصوت عالي متعود كل ماركب الخيل اصارخ وابوح عن كل شي بداخلي

صرخت بصوت

احبببببببببببببببببج اححححبببببج يكمره بس اكرهه امج وأكرهه شكلج لان يشابه شكلها

احببببج بس مابي الوثج بذنبوي وخطاياي ومابي الوثج بسواد كلبي

احبج بس أكرهه امج ررررررررررررببي

قمراء...... رفعت راسي من صدره اريد اتاكد اني مو بحلم والسمعته صدك حيدر يحبني اي كال احبج

اختطلطت ضحكتي ويه ادموعي فرحانه تلاشت ضحكتي واني اذكر شنو الي ارتكبته بحقه غدرته حتلو غصب عني

حيدر وكفت الخيل .....

... قمراء ...

قمراء... صفنت عليه اول مره يكولي قمراء مو كمره

نزل ولف ايده على خصري وزلني ...... بس حطني على الارض صاححح اخخخ

حيدر شبيك

حيدر .... حطيت ايدي على جتفي نشلت

اخخخ يكمره ضنو الجرح نفتح ينزف

قمراء .... تسند عليه واخذته للبيت يمشي على كيف

حيدر ..... كمره راح تبقين تسنديني وماتهديني

قمراء ... رفعت راسي ركزت بعيونه .... شتشوف بيهن

حيدر .... اشوف حيره وخوف .... تدرين كمره نضراتج الكلها اسئله وفضول هي الشي الوحيد الي يفرقج عن مناهل جانت نضراتها كلها غرار وخطط وحقد

ابقي كذا نضراتج هيج ابغاها كلها فضول وعدم معرفه ..... واني ارضى فضولها واعرفها فيني شوي شوي

رفعت ايدي على خدها ابعد خصلات شعرها طبعت بوسه دافيه على جبينها وخدها

دفنت انفي بنحرها استنشق عطرها .... حطت ايدييها على صدري تبعدني بهدوء خايفه على جرحي

حيدر خلي اوصلك للفراش اشوف جرحك

حيدر .... مافي شي جرحي تشافه ..... قربتها الي اكثر وهمت فيها

قمراء ..... مرن١٥ يوم واحنه عايشين احلا ايام بحياتنه معاملت حيدر الي كااني اميرته. تحسيني بالذنب احس هو يتقصد يعاملي بهل حب حتى يعذبني اكثر واكثر الخوف والندم اخذ حيلي والتفكير ماخله الي نفسي بشي بس من اشوف ضحكته وحبه وجمال المكان الي بي احنه انسى كل شي واطير وياه

اليوم ال١٦ واحنه بهذا المكان كاعدين اني وحيدر بالحديقه ونسمع صوت عالي يصيح حيدر انت هين

فز حيدر وراح تجاهه الصوت

كمت وراه خايفه منو هذا

حيدر .... سلطان شجابك هين حصنته وطبطبت على ضهره

سلطان .... وينك يخوي هانت العشره ونسيت خويك ......

حيدر .... وش ذا الكلام بخوي مااني بناسيك

سلطان ... ها عجل مضايگ من خلود وكاف عنه كلنه

حيدر ... افاه افاه عليك انه خلود يضايكني مايضيگ خاطر العاقل تفاهه وانه اخوك ....لكن الرزين العطى للاذه ضهره

بعدين وينك انت حتى نسيتك لاهي مع البغداديه

سلطان ... اخخخ حطيت ايدك على جرحي يخوي

حيدر .... سلامتك من الاخخ وانه اخوك تكلم شفيك

سلطان ... اااااااه يشيخ ماعاد في الروح روحا تجبر ولاعاد بالخاطر كلام ينكال طابت النفس وخلصت حكاياها

حيدر .... الله يعوضك خير يخوي

قمراء. .....

دخلو سلطان وحيدر للبيت

سلطان ..... شعلومج يكمره حلالج الدار هين ونسيتنه

قمراء .... مااجااوبت واكتفيت باابتسامه

اخذه حيدر ودخل للغرفه وكال حضرو جاي بهذي الفتره حيدر طلع وجاب مسواك وغراض للبيت

كملت الجاي وديته ورجعت للمطبخ .... اني ابد ماعندي اختلاط وياهم ووكلام حيدر مايقبل واني هم اخجل منهم
مع انو سلطان يحاول يطيح ميانه

بيومها سلطان نام عدنه بالستقبال

حيدر ...... صحينه الصبح على رنه تليفون سلطان هذي المكالمه الي قلبت كل موازيني وتفكيري

كان الخبر فاجعه اليمه بنفس الوقت بنفس الوقت حطني على محك وغير كل موازين حياتي

خبر وفاه جدي الي رباتي وتعهدني وتكفل بي

هذا الخبر هدحيلي وكسر ضهري ابوي هذا ابوي وامي وهلي وكل عشيرتي

لفيت الجماغ على وجهي تعبير عن الحزن ركبت السياره حتى مااني عارف اذا كمره وياي لو لا

حضرت ثلث تيام العزه الذبايح واااناس رايحه راده

جدي شيخ جبير بگبيلته واله مكانه ماكطعت عنه رجل الناس اله في السابع تاعه

كفضت الناس عنه وغيم الحزن وجودر على كلوبنه

جدتي خاتون ونعااويها الي تفطر العضم وتفرفح الروح كل مغربيه راح عموت البيت وشياله

قمراء ..... طول ايام الفاتحه واحنه نركض ناس فوك ناس ماتعرف تمشي ادوس على ناس ......

انكسر ضهرنه اني والبناات من الركضه والجاي

والجده خاتون كل ساعه طايحه ويامااخذينها ياراادينها

وحيدر صار سبع ايام ماداخل للغرفه ولاشايفته

اشوفه يجي يسلم ويصبر جددته ويطلع اسمع من ولد خاله يكولون كل يوم يروح لكبر جده ويضل هناك

بيوم كاعده اباوع تلفزيون ودخل حيدر للغرفه فزيت مشتاقتله ركضت الحظنه

حيدر .... سحبتها الصدري حيل ..... ااااه يكمره ميت شوگ

قمراء .... يروح الكمره مشتاقتلك حيدر ليش هيج هنت عليك عايفني

حيدر ..... عصرتها اكثر بحضني .....

الفجع مانو عادي يكمره والراح مو ياهو الجان مالي عين ادش البيت وهو مانو هان

قمراء .... تذكرت اني مامعزيته بتعدت عنه وكتله

الله يرحمه البگه براسك

حيدر .... ههههه مشكورع والله زين من ذكرتي

قمراء .... حيدر انت ماهو سلمت على الكل بس انت ماشفت

حيدر .... اصيله يگمره اصليه

قمراء .... تعبان

حيدر .... اي والله تعبان حيل

قمراء ... شنو اسويلك وترتااح اسويلك اكل جوعانه ااو الحلاوه الي تحبها

حيدر .... لا يكمره مابغى شي من ذوله ابغى انام بفراشي وعلى مخدتي مرتاح

قمراء .... سحلته من جف ايدي ااي يلا تعال

حيدر ... لايكمره مو هذا مكاني

قمراء ... عجل

حيدر .... هاي مخدتي واشرت على صدرها هنا فراشي ولزمت خصرها ....

وهنا راحتي واشرت ومررت اصبعي على نحرها

ريحيني يكمره زيلي تعبي وجع روحي

قمراء ..... اخذته للسرير كعدت وخله راسه على رجلي ......

ضليت العب بشعره لمن غفه ..........

ارتجيت على تاج الجربايه وماعرف شلون غفيت

فزيت على صوت صراخ عالي وابو الاكبر ماموجود بالغرفه

نزلت اركض واشوف حيدر واكف وخالد ولد عمه مجموعين كدامه

خالد .... بنتر

الي جنه عازينك عشانه راح ومعاد الك شي عندنه ضفيناك وتحملناك وياريت ترفع الكلافه

حيدر .... ههههههههاي ضافيني

طلع ورقه من جيبه وشمرها على خالد

حيدر .... خلي نشوف مين الي ضاف مين

كعد على الكرسي وحط رجل على رجل ينضر الهم بشامته

خالد دنك شال الورقه

فاتح عيونه بصدمه وهو بتأمل المكتوب بيها

خالد ....... ايأنصاب

حيدر .... تخسسي اكون مثلك

خالد طلع سلاح وجهه لحيدر

تقدم عليه حيدر يلاوي .....

فجاه وصوت دوي الطلق الثار من المسدس كان كفيل

باانو الكل يوكف وينضر على اتجاهه الرصاصه

ماسلمنا من سكاكين الگرايب
ولاسلمنا من اقاويل الصداگه
ابشع صدات صدات الحبايب
واشنع طعنات طعنات الرفاقه

يتبــــــع

فضلاً

تصويت + متابعه+تعليق

هذا مارتبت اناملي اتمنى ان ينال اعجابكم
اعتذر على التاخير بسبب الامتحانات اتمنى دعائكم بالتوفيق

tr._nym

I hope you enjoy reading ♥️