رواية أباطرة الغرور الفصل الأول 1 - بقلم مهرائيل أشرف

تعريف الشخصيات
عائلة ريم 🩵
1 ريم
بنت ب 100 راجل وشها ملاك وصوتها واطي بس اللي جواها بركان اتظلمت كتير وسكتت لحد ما في يوم قررت السكوت ده سلاح مش ضعف عنيدة كرامتها فوق اي حد وقلبها لو حب بيحب بجنون بس لو اتخانت بتتحول لوحش محدش يعرف يوقفه
2 شهد
اخت ريم الكبيرة شكلها بنت ناس رقيقة بس دماغها شيطان بتحب ريم بجنون بس غيرتها منها بتاكل فيها لسانها سكر وكلامها سم بتعمل الصح قدام الناس والغلط في الضلمة سرها لو اتكشف هيهد البيت كله
3 منة
الصغيرة المدلعة عبيطة وشقية ومبتفهمش في اللف والدوران بتحب ريم لدرجة العبادة وبتكره شهد من غير سبب بس الغباء بتاعها ده هو اللي هيكشف اكبر مصيبة في الرواية من غير ما تقصد
4 علي
الاخ الوحيد شكله بلطجي بس قلبه ابيض زي اللبن بيخاف على اخواته البنات بجنون ومحدش يقدر يبصلهم بس عنده نقطة ضعف واحدة ابوه فارس لو عرف سر ابوه هيتجنن وهيولع في الدنيا
5 ملك ام ريم
الست الجدعة بنت الاصول ضهرها محني من الهم بس عمرها ما اشتكت بتحب عيالها اكتر من نفسها بس مخبية سر بقالها 20 سنة سر لو ريم عرفته هتكره اليوم اللي اتولدت فيه
6 فارس ابو ريم
راجل شكله محترم وملتزم الكل بيحلف باخلاقه بس في اوضة مقفولة في بيته فارس تاني خالص طماع قاسي وبيته بيته من بره بس هو سبب كل البلاوي اللي هتحصل ومحدش عارف
عيلة زياد بيت الدهب اللي من بره
7 زياد
الواد التقيل غني وسيم ولسانه سكاكين بيكره الضعف وبيكره البنات اللي بتمثل اول ما شاف ريم قال عليها بنت غلبانة بتمثل الشرف بس هي الوحيدة اللي هتكسر غروره وتخليه يركع تحت رجلها من غير ما يحس
8 دنيا
اخت زياد الكبيرة ست اعمال ودماغها بيزنس بتكره ريم من قبل ما تشوفها عشان مش من مستوانا لسانها طويل وقلبها اسود هتعمل اي حاجة عشان تفرق بين زياد وريم حتى لو هتدمر اخوها نفسه
9 منال
الاخت النص طيبة وعبيطة وبتحب كل الناس هي الوحيدة في عيلة زياد اللي هتحب ريم من قلبها وهتقف في صفها بس طيبتها دي هتخليها الضحية رقم واحد في خطة دنيا
10 عادل
اخو زياد الصايع بتاع بنات وسهر ولف شايف نفسه دنجوان بس في الحقيقة جبان هيقع في حب شهد وهنا هتبدا الكارثة عشان شهد بتلعب بيه لعبة اكبر منه
11 خالد ابو زياد
المليونير اللي بنى نفسه من الصفر راجل بكلمة بس كلمته سيف بيحب عياله بمرض ومستعد يضحي بالدنيا عشانهم بس هو نفسه عنده ماضي اسود مع فارس ابو ريم ماضي محدش يعرف عنه حاجة
12 ايمان ام زياد
الست الشيك الهادية باين عليها الطيبة بس عينها بتجيب اخر الشارع شاكة في جوزها خالد بقالها سنين وشاكة في دنيا بنتها اكتر هي اول واحدة هتشك في ريم بس هي برضو اول واحدة هتصدقها
♥♥♥♥
شخصيات إضافية
13 المعلم سلطان
صاحب القهوة اللي تحت بيت ريم راجل كبير في السن بس عينه بتجيب اللي ميتجابش عارف سر فارس وعارف سر خالد وساكت لحد ما ريم هتروحله في يوم وتعترفله وهو هيقرر يتكلم
14 سيلا
صاحبة ريم المقربة بنت لازقة زي الضل بس ضل خاين بتحسد ريم على كل حاجة وفي الضلمة بتروح تحكي لدنيا اخت زياد كل اسرار ريم مقابل فلوس بس هي نفسها ضحية
15 الدكتور مراد
دكتور نفسي غامض الكل بيروحه عشان يفض بس محدش يعرف هو نفسه مخبي ايه هيقابل ريم صدفة وهي في اسوأ حالاتها وهيبقى هو المنقذ والجلاد في نفس الوقت
الشمس كانت ضاربة في وش ريم وهي ماشية خطوتها سريعة وعينيها في الأرض عشان محدش يجرحها بكلمة في شوارع الحارة كانت شايلة كيس الدوا لأمها اللي ضهرها انحنى من الهموم وكاتمة في قلبها سر بقاله عشرين سنة. فجأة وهي بتعدي الشارع الرئيسي، فرامل عربية سودا فخمة فرملت والدنيا اسودت في عين ريم ووقعت على الإسفلت، الكيس اتبعتر والبرشام جرى قدام عيون الناس اللي اتلمت.
باب العربية اتفتح ونزل منه زياد، طول بعرض ونظارة سودا وبدلة وغرور الدنيا كأن الأرض دي بتاعته لوحده. قرب منها وبص عليها من فوق لتحت وقال بصوت يبرد الدم:
قومي يا آنسة.. انتي فاكرة الشارع ده بتاعك ولا جاية تصطادي عريس ؟
ريم وقفت على رجلها بتترعش من الخضة بس وشها تحول لحجر بلعت الإهانة وزي ما بلعت ظلم كتير في حياتها وسكتت بس المرة دي السكوت كان سلاح مش ضعف. رفعت عينيها اللي كان طالع منها شرار التحدي وبصت في عينيه وقالت بصوت واطي وثابت
“آسفة مخدتش بالي.. وأنا مش بتمثل ولا بستعطف حد، أنا بنت ناس وغلطت وهدفع تمن غلطتي.. اديني رقمك وهبعتلك تمن تصليح عربيتك أول ما أقبض.
زياد اتجمد مكانه، أول مرة بنت تقف قدامه بالثبات ده وتبص له بنظرة تحدي بدل الدموع والخوف. ضحك ضحكة باردة بس قلبه دق دقة غريبة وقال:
* “وانتي فاكرة إني هديكي رقمي يا شاطرة؟”
ريم ابتسمت ابتسامة صغيرة كلها كبرياء يكسر وقالت:
* “وأنا فاكرة إنك مش قد كلمتك.. لو راجل بجد هتديهولي.”
سابته واقف مصدوم وسط الشارع ودارت ضهرها ومشيت مفرودة الطول وكأنها ماشية على سجاد أحمر مش إسفلت مكسر. زياد فضل يبص على ضهرها لحد ما اختفت، وهمس لنفسه: “بنت بمية راجل ولسانها سكاكين.. شكلك هتكسريني يا ريم قبل ما أكسرك.
في نفس اللحظة دي على أول الحارة، كان المعلم سلطان قاعد على القهوة بتاعته، عينه جايبة الرايحة والجاية وشايف ريم وهي راجعة ووشها مقلوب. المعلم سلطان تنهد بأسى وهو بيهز راسه وعارف البلاوي اللي مستخبية ورا الوش المحترم بتاع فارس أبو ريم، والسر اللي هيهد البيت ده كله لو اتكشف.
فوق في الشقة، ريم دخلت لقت شهد أختها الكبيرة واقفة قدام المراية كالعادة، وشها رقيق وبنت ناس بس من جواها الغيرة بتاكل فيها من ريم. شهد بصت لريم وقالت بنعومة صفرا:
أهلاً يا ريم.. كل ده تأخير؟ أمك كانت هتموت من القلق.. ولا يكون عجبك المشي في الشوارع؟
ريم مردتش عليها ودخلت المطبخ، لقت منة أختها الصغيرة قاعدة بتلعب، أول ما شافت ريم جريت عليها وحضنتها وقالت بغباء وعفوية:
“ريم كويس إنك جيتي.. فكك من شهد دي كانت عمالة تتكلم في التليفون بالراحة مع واحد اسمه عادل وبتقوله كلام غريب
شهد وشها جاب ألوان وزعقت في منة: “بت يا غبية أنتي اطلعي برة إيه العبط اللي بتقوليه ده
في الأوضة التانية، كان علي الأخ الوحيد قاعد ومهموم، شكله بلطجي وهيبته

تلم الحارة بس قلبه أبيض زي اللبن وبيخاف على أخواته البنات بجنون. كان بيبص لأبوه فارس اللي قاعد برة وشكله ملتزم والناس كلها بتحلف بأخلاقه، بس علي مكنش مرتاح وحاسس إن في حاجة غلط هتحصل
على الناحية التانية من المدينة، في قصر خالد الدهبي، زياد رجع ودمه بيغلي ودخل غرفة السفرة الفخمة. أبوه خالد المليونير اللي بنى نفسه من الصفر وقاعد بكلمته اللي زي السيف كان بيناقش بنته دنيا اللي دماغها كله بيزنس وفلوس. دنيا بصت لزياد وقالت بتكبر
مالك يا زياد؟ شكلك مش مظبوط.. لا تكون البنت الجعانة البيئة اللي خبطت عربيتك لسة شاغلة دماغك؟ الأشكال دي مابتجيش غير بالوجع والدماغ الناشفة
الأم إيمان كانت قاعدة هادية والشياكة باينة عليها،، شكت في كلام دنيا وفي ملامح زياد اللي باين عليها التوتر لأول مرة في حياته. وفي نفس الوقت عادل الأخ الصايع كان قاعد في زاواية الأوضة ماسك تليفونه وبيبتسم بخبث وهو بيبعت رسالة لشهد، ومش فاهم إنه داخل على مصيبة ولعبة أكبر منه بكتير.
الماضي الأسود بين خالد الدهبي وفارس أبو ريم بدأ يتحرك في الظل، والخيوط كلها بتتشد ناحية ريم وزياد.. فهل الغرور والفلوس هيكسبوا، ولا كبرياء بنت الحارة هو اللي هيعلمهم الأدب؟