رواية ابن عمي و الحب الفصل العاشر 10 - بقلم flawers

.
.
مو انــانـــي كلبـــــي حـبــــــك
رادك تصير انـتـة الاول مو الثــانــي
واحتــــــرك كـلـه عـلـه مودك
نــــار بــــضـــلوعـي وجـوانـــــــــي
وذاك خلكي البيه اضحك الناس كلهه
راح منــــي ومآ اجــآنــــــي
انـتـة لـو جـربـت مرة الصآر بـيـه
جآ شــــــــفـتـنــي اشــــــلون اعانـي
.
.
.
.
.
في البارت السابق

.
رسل..
اني ولازمه ايد محمد فجأة حسيت بحركة خفيفة باصابعه حسيت انه  ديتحرك محمد رجع محمد فتح عيونه شوي ورجع غمضهه ورجع فتحهه بس مبين شكله تعبان هواي
.
رسل:- دكتوور دكتوور
.

تقى..
شفته وگلبي حسيته راح يطلع من مكانه محمد محمد صحه راحت رسل تركض تصيح الدكتور
.
.

تقى ..
صحة صحة فتح عيونه رجع محمد رجع يعني محسيت بنفسي اله واني گاعده يمه ولزمت ايده وبستهه (قبلتهه) واحمد مفتح عيونة بتعب حظنته وگلت
.

تقى:- اشتاقيتلك 😢
.

فجأة انفتح الباب وگفت وسويت نفسي اعدل بشعري
.

(تنويه رسل محجبه بس اني لا )
.

رسل..
دخلت ويه الممرضة لغرفة محمد لكن اتفاجئت معقولة تقى تحبه صدگ معقولة تقى مچانت تتشاقة فضلت السكوت وما اطلب منهه تفسير هسه
.
.

رسل..
اجه الدكتور واحمد وطلب من عدنه الدكتور نطلع حتى يفحصه
.

احمد:- شكو شصاير
رسل:- سلامتك بعد وگت
احمد:- اسف چان عندي اتصال مهم
رسل:- (سردت له ما حدث)
.

خرج الطبيب ونظر الي عيونهم المتلهفة فابتسم
.

الدكتور:- محمد صحة تفاجئت هذي معجزة المفروض تحمدون ربكم انو استفاق بهاي الاشهر القليله لاني اعرف عن هاي الحالات تطول سنين
.

.
احمد:- شكرا بس دكتور سؤال شوكت نگدر ناخذ محمد
رسل:- حباب دكتور ناخذه اليوم 😢
.
استدار احمد وباوعلي (نظر لي) بنظرة مع ابتسامة مخادعة حسيت راح يحرگني يعني شسويله ابتليت وگلت حباب 😏
.

الدكتور:- ههههه مستعجلين اخلص اوراقه وبعدين تگدرون تاخذوه
.
.

راح الدكتور وباوعت لاحمد نظرة براءة مو من حقة يغار على شي تافه 😂
.
.

ذهبنا لغرفة محمد

احمد:- حمد لله على السلامة حمود ابو الشباب
.

امسك محمد بيد احمد
.

محمد:- شكرا
احمد:- على شنو 😃
محمد:- على الي سويته
.

اقترب احمد من محمد
.

احمد بهمس:- بيني وبينك اجتني هدية من الله
محمد بهمس:- لك لو گايلي مو احسن بله 😏
احمد بهمس:- 😂 بعد هاهية صارت الي
محمد بصوت عالي :- ولي من وجهي 😂
.

رسل..
شوووف شلون يهمس لاخوية اموت واعرف شگالوا
.

تقدمت ومررت امام احمد وجلست بجانب محمد ثم استلقيت على صدره
.

رسل:- اشتاقيتلك
.

محمد اغمض عيناه ثم فتحها ونظر الى تقى
.

محمد:- اني هم مشتاقلچ
.

نظرت اليه تقى فاخفضت نظرها بسرعة وخجلت وعرفت بانه رآها
.

احمد:- احم احم .. كح كح
محمد:- شبيك تحمحم وتگح
احمد:- اگح هم ممنوع يمك
.

رسل...
شوف الغيره حتى من اخوية 😂 استاذ احمد اذا ما احرگ گلبك بس مو هسة ابتسمت وحاولت ابتعد عن محمد
.

محمد:- اذا من هسة تسمعين كلامه باچر من تتزوجون يضطهد
احمد:- شووف عينك عينك يزن بمرتي عليه هم مريض وهم بيه الحيل
محمد:-مرتي ؟؟
احمد:- اي عندك مانع 😂
محمد:- اضن اسمهه خطيبتي
احمد:- شنو قابل مراح نتزوج 😐
.

خجلت رسل ودفنت رأسها بصدر محمد
.

احمد:- گول لاختك خلي تگوم لا اجي اني اشيلهه
رسل:- لا بلة ليش
محمد:- لسانچ 🙂
احمد:- شوف ام لسان اشوف هسه گمتي تحچين
رسل:-اي غير رجع اخويه
احمد:- انتظري ونشوف لو اني لو اخوچ🙂
محمد:- ولك تهددهه واني موجود
احمد:- ليش حضرتك منو مثلا حتى ما اهددهه گدامك
محمد:- ايا حيوان اخوهه ولك
احمد:- زوجهه ( ثم اشار بابهامه الى نفسه)
رسل:- ترة افسخ
احمد:- متگدرين
رسل:- ليش بلة
احمد:- اخطفچ واملكچ واحطكم گدام الامر الواقع
رسل:- شلون يعني تملكني !!
احمد بمكر:- سألي اخوچ
محمد:- لك قليل الادب لتحچي وياها هيچ

رسل...
بالبداية مفهمت شنو قصده بعدين صفنت بالجملة فهمت صار وجهي ينطي الوان وبسرعة طلعت من الغرفة
.

احمد:- والله هي سألت 😂
.

.
تسريع احداث..
طلع محمد من المستشفى و فرحو اهله وذبحولة ذبايح وهلهلوا وتونسوا 😂 و رسل متباوع بوجه احمد الادبسزز
.

.
.
بعدهه فكرنة نسويلة حفلة صغيرة
.

رسل..
اني و گاعده على الكنبة اجة محمد شكيت بموضوعه 😂 اجه ولازم بطنة يمشي بالگوة عبالك شايب (شوف اتشمت باخوية) 😂
.

محمد:- هلو
رسل:- هاي 😶
محمد:- تقرين
رسل:- لا اكل الكتب هههاي

محسيت الا بكفخة (ضربة) على راسي
محمد:- مو صوچچ
رسل:- من النهاية شتريد
محمد:- لچ حيوانة اني اخوچ المريض التعبان
رسل:- اهووو راح يبدي
محمد:- حيوانة
رسل:- لا صدگ اخي المريض العزيز شيريد
محمد:- لا قابل شريد
رسل:- لعد شكو صارلك ساعة واخي المريض وما عرف شنو
محمد:- اقري اقري بلة
رسل:- ههههههههه
.

بعد مرور دقيقة
.

محمد:- اگول
رسل:- گول
محمد:- شسمة .. راح تعزمين صديقاتچ للحفلة
رسل:- هنااااااااااااااا الحچييي
محمد:- وجع مو صوچچ اقري يله
رسل:- اعزم رقية ما اعزم تقى ( نظرت له لكي تراقب ردة فعله)
.

تغيرت تعابير وجهه
.

محمد:- اممم ليش
رسل:- شنو ليش
محمد وهو يضع يده خلف شعره:- تقى ليش متعزميهه
رسل:- هاا اكو شغلة صاارت حضرتهه مكلفت نفسهه وگلتلي
محمد بسره:- بس لا عرفت
محمد:- لتظلميهه يجوز عدهه ظروف عزميهه وصالحيهه
رسل:- ههههههه اوك هو اني ما اگدر ازعل منهه
محمد:- يلا اقري ولتظلين تحچين ويه احمد
رسل:- امممم
.

استدار ثم عاد
.

محمد:- صدگ عود ليش متحچين ويه احمد
رسل:- منو گال 😕
محمد:- احمد
رسل:- اااا لا هيچ شغلة
محمد:- يمكن اعرفهه 😂
.

رسل امسكت بالمخدة ورمتها عليه
.

رسل:- ولي يلة ولي اني واخوية على ابن عمي وانت تسوي عكس الشي
محمد:- عصبت عيني عصبت .. بس لتظلون متعاركين صالحيه (قالها وغمز)
رسل:- اي ان شاء الله
.
.

تسريع احداث..
رسل..
رحت لبيت تقى وعزمتهه وسألتهه على هذا الموضوع واعترفتلي انو هي تحبه بس تخاف انه هو ميحبهه طمنتهه وگلتلهه اني حاسة انه بگلبة شي تجاهه و نتأكد من تجي للحفلة
.
.

صارت الحفلة و اجتي تقى طبعا
.

اجة احمد مبتسم وسلم على صديقتي اتجنبته ورحت وظل هو واگف يمهه
.

تقى:- شمسويلهه 😂
احمد:- اني اصلا اني ولد حباب وفقير
تقى:- اي مبين 😂
احمد:- عندچ شك 😏
.

تقى ...
اجه احمد سلم ورسل راحت طبعا سوة نفسه ممسوي شي بس الحچي صار گدامي
.

اجه محمد وسلموا عليه وباسو چنت خجلانة كولش من الموقف الي صار بالمستشفى فجأة دگ الموبايل وصعدت فوگ بالسطح حتى اتكلم ويه امي
.

كملت المكالمة التفتت ما احس اله انضربت بأحد وردت اوگع لزمت قميصه طبعا غمضت عيوني من لزمت القميص فتحت لگيت محمد (الحب 🙄) خجلت وابتعدت بسرعة ومباوعت بوجهه اصلا سحبت نفسي من اديه ومشيت ووگف گدامي
.

تقى:-........
محمد:- تقى
.

تقى..
نطق اسمي عبالك گال احبچ گلبي گام يدگ بسرعة ونفسي يتگطع
.

تقى:- ادري والله ادري راح تگول شفت الي صار بالمستشفى وانت تعتبرني مثل اختك ادري اعرف 😢 واني اسفة والله واعتذر هواي اني غلطت بس بس...
.

تقى...
مگدرت اكمل الجملة ومشيت سحبني من ايدي وما احس الا هو اخذ گلبي وروحي وعقلي و كل شي
.

محمد..
شفتهه تحچي وتعتذر وهي حتى متباوع بوجهي فجأة گامت تبچي مسحت دموعهه وراحت مستحيل اخليهه تروح ابد لا سحبتتهه من ايدهه وبستهه بوسه رقيقة (قبلة) وابتعدت بسرعة شنو الي صار اليه هالشي ميصير و حرام باوعت الهه لگيتهه انصدمت واحمرت باوعتلي ونزلت عيونهه بسرعه وركضت جوة
.

محمد بسره:- محمد لك شسويت راح تفهمك غلط هسه
.
.
.
.
.

نروح لابطال الرواية 😶
.

احمد..
شفت رسل تمشي وتتشاقى ويه حسن ولا عبالك اني موجود 😶 بسيطة اني اعلمهه شلون تتجاهل احمد ال .... ( مستخدمت اسم عشيرة حتى ميعترضون المتابعين)
.
.

راحت هي للحديقة واستفردت بيهه 😎
.

رسل...
وگفت بالحديقة فجأة حسيت احد سحبني من خصري و التصق ظهري بصدره ارتبكت وانتفض جسمي بسرعه قرب وجهه من خدي
.

احمد:- هاي اني
رسل:-احمد وخر
.

رسل..
حاولت افتح اديه وابعدهه عني بس كلما احاول افكهه چان يقوي قبضته
.

رسل:- احمد حباب وخر لك حرااام 😢
احمد:- هههههه لچ وجع اني خطيبچ
رسل:- خطيبي بس مو زوجي يلا وخر
احمد:- والله هيچ صارت
رسل:- اي هسه يلا (دفعته بسرعه)
.

رسل..
دفعته ورحت رجع سحبني من ايدي و ارتطمت بالحائط
.

احمد:- بعدچ زعلانة
رسل:- احمد وخر عيب والله وحرام 😢
احمد:- ليش تزعلين اول وتالي ملكي راح تصيرين
رسل:- لك عيب متستحي تحچي هيچ ويايه
احمد:- هههههههه 😂😂😂
رسل:- تضحك مو وخر يلا احممد 😢
احمد:- بعدچ زعلانة
رسل بغضب:- ايي ايي
احمد:- هااا
.

رسل...
بده يقترب شوي شوي خفت مدري ليش هالموضوع بالنسبة الي حرام .. اقترب مبقة غير انش واحد ملگيت حل غير استدرجه بالعواطف بچيت وانصدم
.

احمد:- ولچ من كل عقلچ تبچين
رسل:- احمد اهئ حرام😢😢😭😭
احمد:- اوي امدايه اي والله ... والله بعد ما اسويلچ شي چنت اتشاقة وياچ .. حبيبتي
.

رسل بسرها:- گال حبيبتي لو اتخيل
.

احمد:- لتبچين ماشي اسف والله اسف
.
رسل بسرها:- ان كيدهن عظيم 😏
.

رسل وهي تمسح دموعها:- بعد لتسوي هيچ
احمد:- اي وعد
.
.
.
.
.

نهاية البارت
صوتوووووو