رواية ابن عمي و الحب الفصل السادس 6 - بقلم flawers

.
.

مرت الايام وليث مازال يزعجني الح علي رقية ونور وتقى الى ان اخبرتهم ما يقلقني
.

في يوم من الايام الساعة 10:00 في المدرسة

.
طرق الباب
.

المدرسة:- نعم منو حضرتك
احمد:- اني ابن عم رسل واخو نور
.

تقى و رقية:- احممد 😃
رسل:- احمد 😐
نور:- شجابه
رسل:- اخاف اكو شي
.

احمد:- ممكن اخذ نور و رسل
المدرسة:- تگدر تاخذ نور بس رسل لا
احمد:- ليش
المدرسة:- ابن عمهه احنه منتحمل مسؤلية
احمد:- ست بس احچي وياچ
.

خرجت المدرسة مع احمد ما ان اخرجت قدمها حتى التفتت جميع الفتيات تتهافت على النافذة لترى احمد فكالعادة مراهقات والفضول
.
.
.

تقى:- شبيچ
رسل:- گلبي ممتطمن
نور:- اي والله اخاف صاير شي
رقية:- ان شاء الله مصاير شي لتخافون
رسل:- ان شاء الله
.

المدرسة:- رسل نور لبسو جنطكم ويلا روحو ويه احمد
.

رسل بسرها:- گلبي گام يوجعني مدري شكو
.

خرجنا من الصف وكان احمد واقفا وظهره مواجها لنا واضعا اليد اليمنى في جيب البنطال واليسرى على وجهه كان التوتر واضحا على وجهه
.

رسل:- احمد
احمد:- ها (قالها وهو يلتفت)
رسل:- صاير شي
احمد:- لا يلا تعالو للسيارة
.

في السيارة
.
رسل:- احمد عليك الله صاير شي
احمد وهو يفك زر قميصه:- لا والله بس ابوچ تخربط شوية وودينا للمستشفى
رسل:- شنووو انت شتحچيي
احمد:- اهدي مابي شي اهدي
رسل:- احمدد حباااب بسرعةةة الله يخليك
نور:- رسل حياتي هسه مابي شي ادعيله (قالت وهي تضع يدها على كتف رسل)

رسل...
لم اشعر سوى بالدموع تتساقط منهمرة من عيناي انه ابي انه اقرب شخص لي و صديقي المقرب اقرب لي اكثر من امي حتى شعرت بأن قلبي سيتوقف من الخوف
.

وصلنا لمنزلني رأيت الناس تتجمع امامه اتمنى بأن ما افكر به غير صحيح
.

رسل...
كلهه اول مشافوني ضلو يباوعولي ويتهامسون مشيت بينهم بثقل احس رجليه بالگوة تتحرك لا يربي مو ابوية لا يربي مو هو فتت بينهم اول ما سمعت خالاتي وعماتي يصيحون امي امي وين امي بالمستشفى صياحهم صار بأذني صعقة محسيت اله انو رجليه بعد متحملني وگعت وصارت الدنية سودة
.

اني امشي بغابة
رسل:- بابااااااااا ههههههههه باباااا ترة شفتك هسه والله لتغش
ابو رسل:- 😂 حبيبتي رسسسل رسل
.

سمعت بابا يناديني صوته كان ينخفض بكل مرة يناديني فيها
.

رسسسسسسل
رسسسل
رسسل
رسل
رس..
ر
.
.......

لم يعد سوى فراغ لم اعد اسمعه ابيييي
رسل:- بابا .... (تغيرت ملامح وجهي) باباااا باااباا وينك بابااا بابااااا بابا لترووووح لتعوفني عليك الله بابا تقبل تشوفني مكسور ظهرري بابا بابااااا
.

رجعت لوعيي فتحت عيوني وغمضتهه بسبب الضوة فتحت عيوني كلهه لگيت نفسي بغرفة بيضة اسمع صوت اجهزة راسي يأذيني وايدي باوعت علة ايدي بيهه اسلاك مال اجهزة
.

رسل:- باباا بابا
.

نزعت الاجهزة وگمت اول موگفت انفتح الباب دخلو كلهم ولبست حجابي كلهم لابسين اسود شكو
.

رسل:- ماما ماما ليش لابسين هيچ بابا بابا اخذيني الله يخليچ اريد اشوفه راح يطگ گلبي واشوفة
.

امي نزلت راسهه وصارت تبچي

ام احمد:- بنتي ادعيله بالرحمة ميصير هيچ
رسل:- هههههه عمه ليش تگوليهه بهاي الطريقة بعده عايش شبيكم واالله
.

حرت شسوي اريد اقنعهم مميت محد يحچي ويريح گلبي
.

رسل:- احمد .. احمد (تقدمت له بلهفة وامسكت بقميصه اردت ان يعطيني ذرة امل فقط)
.

رسل:- احمد باوعلي (نظرت اليه بعيون احتبست الدموع بها بصعوبة) احمممد ولك باوعلي ليش متباوع بوجهي مو گلت مابي شييي مو گلللت احمدددددد
.

احمد
نظرت لعيناها الصغيرتان

لم اتحمل رؤيتها هكذا عند صمتي فهمت بأن ما يقولوه صحيح اغمضت عيناها ونزلت دموع التي تغرس في قلبي كالخناجر
.

انهارت بين ذراعي وهي تمسك بقميصي امسكتها من ذراعها بقوة ثم جاءت والدتها بسرعة وامسكتها من الخلف

احمد:- رسل عود هاي انتي القوية
رسل:- منو گااال قووويةةةة منو گاااااال بابااااااااااا 😭😭😭😭😭 بابااااا عليكم الله گولو چذب ما ماات ما مااات
.

مرت يومان ودموعي لم تجف اختي ريام في غرفتها وريم بطفي حظن امي
.

جائت عمتي  وجلست بجانبي وانا صامتة ما ان احتظنتني حتى تذكرت رائحت ابي بدأت اون و الدموع تنهمر فراق الاب مؤلم 💔
.

محمد:- رسل ... رسل تعالي
.

رحت لمحمد بالخطوات متثاقلة

رسل:- امممم 😢

كنت احبس دموعي امام اخي لكني لم اشعر سوى به يسحبني من رأس من الخلف ووضعه على صدره لم احتمل بكيت بسرعة آااه كم مؤلم فراق الاب الحنون الساند الموجه

.

مسح محمد عيناه من الدمع
.

محمد:- صديقاتچ اجوي خطية روحيلهم
.

صديقااتي الحظن الدافئ احتاج حقا لهم لكي اعبر عن حزني ومعاناتي من سيفهمني غيرهم
.

محمد:- لتطلعين هواي رياجيل اروح اجيبهم واجي
.

ذهب محمد واحضرهم دخلت تقى 
.

امسكتني تقى بقوة واحتضنتني بدأت بالبكاء معي بحرقة وكأن اباها هو من فارق الحياة ( ربما لأن تقى فارقت اباها ايضا قبل سنة ونصف من الان لذا ستشعر بمعاناتي )

ابتعدت عني تقى بلطف وتراجعت خطوات للخلف ثن تقدمت رقية واحتضنتني (رقية الاقوى بيننا التي لا تظهر ابدا ضعفها او حزنها امام احد)
احتض
.
رقية:- مراح اگولچ لتبچين بس راح اگولچ ادعيلة والله هسه هو مرتاح لتسوين بنفسچ هيچ
.

تقى:- البقية بحياتك محمد 😢
محمد:- حياتچ الباقيه
رقية:- البقية بحياتك
محمد:- الله يخليج حياتچ الباقية
.

اخذتهم وسرت بهم للداخل
.

جلست في الوسط رقية على يساري وتقى على يميني وضعت رأسي في حظن تقى وامسكت بيد تقى

.
بدت القارئة (الملاية) تقرأ
.

چنة زغار نكعد وكت الغروب

باب الدار ننتظر جية ابونة

يرجع مبتسم بس وجهة متعوب

من يشوفنة يضحكن عيونة

.
اختنقت اشعر بأن احدا ممسك بعنقي ويضغط عليه جفت دموعي لم استطع البكاء لكي ارتاح شعرت بدموع تقى تتساقط على رأسي
.

يجي محمل ابونة اشكال والوان

وتضل تلوم بيه امنة الحنونة

تعبك هذا تعبك لا يا ابو فلان

تتعب والجهال ايضيعونة
.
.

بكيت ابييي ابييي ابي ما عاد بيتنا حلوا كسائر البيوت ابي القاك في المنام وكلما اصحو تموت
.
.

لكن يبتسم ودموعة بالعين

ويكول لامي التعب يستاهلونة

هذولة حزام ظهري بساعة الضيج

والج بالشدة يا ام فلان عونة

ابوية على جتافة زغار وكبار

لعبنة سنين ماتعبن متونة

يلبسنة حرير وهوة محروم

وقميصة من التعب مكلوب لونة

واذكر لو لعبنة الوالدة تصيح

ابوكم نايم لتفززونة

.

الساعة 8:10
.

تقى:- حبيبتي رسولة راح نروح ديري بالچ على روحچ
رقية:- يلا باي
رسل:- ويين انتظروا اروح ويه محمد اخلي يوصلكم
تقى:- لا حياتي من دون شي انتي تعبانه واحنه نگدر نروح
رسل :- لا هسة اصيح محمد
.

طلبت من محمد ان يوصل صديقاتي ووافق من دون تردد
.

في سيارة محمد

محمد:- بنات اطلب منكم طلب
تقى:- تفضل
محمد:- عادي باچر تجون هم لان رسل كولش محتاجه الكم
رقية:- اسفة ماگدر اني اهلي ميقبلون
تقى:- يمكن اجي
محمد:- اي حبابه حتى لو اني اجي اخذچ
تقى:- لا ماكو داعي رسل اكثر من اختي اني اجي عادي
.

.
.

ام رسل:- رسل ماما لبسي عبايتچ عمامچ و وولدهم يريدون يشوفوچ انتي وخواتچ
.

لم انطق بحرف فأنا حقا متعبة من البكاء والتفكير ارتديت العباءة و الحجاب وذهبت اليهم 
.

سلمت على عمي الصغير ابا حسن ثم عمي ابا احمد احتضنني وبكى فعدت مرة اخرى للبكاء آاااه يا رائحة ابي
.

سلمت على احمد ثم حسن ثم ذهبن اخواتي ليسلموا عليهم
.
.
.

احمد :-
عمت عين آلحزن
شيريد من عينج ،
رسل:- ها

احمد:- لا هيچ
.
.
.
صوتو + اي مشكله اي اضافه اي تعليق اكتبو بالكومنت