ابن العشاير والبريئة الفصل الثاني والعشرون 22 - بقلم روان

بقلم روان ✏

-يامرض

-ليش انتي ماتدرين صگر شون مات

-لا شمدريني

-فرك وجهه وكال صگر جان عندة فتحة بالقلب

-شهكة شنوو

-ومن سافر حاولنة نمنعة بس مارضة وكان رايح يسوي عملية العملة كانت جداا خطرة ونسبتهه ضعيفة بحيث سواهه ع مسؤليتة وتوفة اثناء العملية مو هذا موضوعنة صگر كتب وصيتة ووصدقهه بالمحكة وشهود وكاتب نص املاكة باسمج

-فهد ع كيفك وحدة وحدة شنو شنو عملية وصيتيش يااملاك بسمي

-شغلي عقلج وركزي وياي

-تمام كول

-كتلج جان يعرف العملية خطرة فكتب وصيتة وصدقهه بالمحكمة

-ليش الوصية تصدق بالمحكمة

-ااي تصدق بالمحكمة حتى محد يكدر يقسم الورث بكيفة فيكتب وصية ويصدقهه بالمحكمة وبعدهه يتكلف محامي هوة يقسم ويشتغل حسب الوصية غير هذا الشي كلة مو قانوني وحرام فهمتي

-اي فهمت

-ياالله الوصية مكتوب بيهه انو نص الاملاك بأسمج

-لييش يعني بصدمة

-هو هذا لي كاتبة ونص الثاني لامة واختة

-مااريدهن شسوي بيهن

-مو بكيفج هاي وصيتة ووهوة لي وصاني بيج

-شنو مو بكيفج هوة أزوجني بسب لي صار وكان بس عقد سيد لااكثر ولا اقل باي حق اجي اقسم الورث وية اختة وامة مااريد شي حاطهن باسمي انة متنازلة عليهن مااريد شي

ابو احمد (هوة نفسة ابو سارة) بابا هاي وصية ووصية الميت لازم تتنفذ هوة ماكتب كلشي باسمج لا نصة الج ونص الثاني الامة واختة

-بس عمو انة ماالي حق بالنص

ابو احمد: -مادام كتب نصة باسمج معناهه الج حق هوة ووصة عليج وكال ترة بريئة ولحد ياذيهه ووصة فهد وكال لاتقصرة وياهه اذا صار شي انتة اوكفلهه ووكف وياج وعقد عليج بس حتى صيرين بحمايتة

-عمو بس والله مااريد

-ميخالف بابا نفذي ووصية المرحوم

-هزيت راسي

فهد: -الورث حاليا راح يبقى لحد ماتبلغين السن القانوني هوة عندة 4 سيارات مأجريهن ناس واصلة ضباط ونواب كون ابو شيخ عشيرة ومحد
يكدر يعتدي ع سيارة لانهه باسمة دفع شهري مبالغ جبيرة وبيت بزيونة بغداد مأجرة هوة مشترك وية صديقة بعمارة بيهه شقق ومحلات مأجرهن وعندة اسهم بمول بدبي ومبلغ محترم تطلع حصتج بس من الفلوس 13 دفتر وباقي املاكة توصل المبالغ شهريا

...ضليت صافنة معقلة لهل درجة زناگيل صدك بيتهم قصر يجنن وحديقة وكذا بس ماتوقعة لهل درجة

-زين شسوي بيهن وانة عمري مجاوز ل15 سنة

-يبقن سند الج الدنيا كلشي عليهه هسة انة راح اصرف بكلشي هوة كاتب هيج بالوصية لحد ماتبلغين وتوكلين الي تردينة يدير شغلج ووتصرفين بكيفج

-بس انة شسوي بيهن يعني كل هذا شسوي بي

-انتي شلزكتي شسوي بي وشسوي بي بابا سند الج لا تأمنين باحد محد دايملج تكولين مااحتاجهن هسة انة موجود بس ترة يجي يوم واموت وين ترحين عندج كل هذا تكدرين تصرفين بي بكيفج محد يحكمج

-شتردون سوون سوة مايهمني خسرت ربحت بكل الاحول مااريدهن

-ديلة بالله هسة هاي شتحجي وياهه

-لا تحجي شي سوي لي عجبك انة مااريدهن

-دكومي مني صارلي ساعه احجي وهية بعدهه تكلي مااريدهن

-اي مااريدهن اخذهن الك

-ميت ع فلوسلج انة عاد عفت الدنيا كلهه اجيت ع فلوسج

-اكلك اكلك

-شنو

-اريد فلوسي ليش اعوفهن

-ياالله استوعبتي

-اي والله اسويلي عصابة بيهن وابيع مخدرات

-لج ثولة مو صوجج صوج المطي لي اجة وحجالج تهي بهي سويلهه عصابة هية بخزرة تبجي

-اغلط اغلط خلي اسوي عصابتي واطلع حيفي بيك

-بااع هاي نوب تهدد

همة ميتين ضحك نوب رحت صفنت هسة انة شسوي بالفلوس اوو خلي يولن كنهن ماموجودات شعليه بيهن رحت للمطبخ جوعانة بلا غدة شفت سارة كاعدة وصافنة

-هاا شبيج صافنة

-اكلج عمو شنو كال علي

-ماكال شي

-خرررب هسة اذا اشوفة شلوون

-عادي غلسي

-والله فشلة

-اكلج جوعانة

-حتى انة نمت وياج وماتغدينة

-تعالي ندز واحد يشتريلنة

-بس شنشتري

-شمدريني

-دكومي كومي بعدين نتعشة

-وين نروح

-شمدريني كعدي

-ثول

-كعدنة نحجي ع الدراسة وهية هم ثالث هاي السنة يعني نداوم سوية ونقرر وكعدت تحجي ع بنات صفهم والبنات سمعتهن الي زفت بالمدرسة وسوالفهن ومندمجين اجة فهد من باب المطبخ حط علاگة عالميز لي
كاعدين علي سارة مارفعت راسهه مستحية منة كللش خطية

-اكلن مادامني كريم

-اييي فديتك ميتين جوع ابتسم وطلع فتحناهه جايب بيتزا وكولا كعدنة ناكل الطعم يخبل دخلت مريم تشرب مي

-منو جابلجن

سارة: -عموو فهد شافنة ماتغدينة وجابلنة

-ليش ماتغديتن شهالعياارة انجرحت الرقيقية

-ضربت الميز وكمت شوفي اذا ماسكتين مني قسم بالله اروح هسة اكول لفهد لي حجيتي اكلة تكلي بلا شرف وتغلط ع اهلي هية واختهه شوفي ساعتهه شيسوي بيج وجهه صوفر بس عود متبين دفعتني ووخرت شون عالم

-تعاي اكلي معليج بيهه

...اكلنة نوب همة راد يرحون سلموا وطلعوا قبل لا يرحون فهد جر سارة لحضنة وهمس باذنهه

-معليج بهيج سوالف انتبهي لدراستج وبس

...هية وجهه احمر وتباوعلة هزت راسهه باي وطلعوا همة طلعوا اجة فهد صاح لمريم وابنة محمد الجبير كلههم مجمعين امير والولد وام صگر وام زينب ونور يعني لي عايشين بالبيت كلهم بالصالة

-مريم انتي لي غالطة ع روان وكايلتلهه مو شريفة

-ااا لا انة ماحجيت ولا شفتهه اصلا

-خووش لعد جر ايدهه خلاهه ع راس محمد وكلهه كولي وداعت ابني مو انة وكون الله ياخذه اذا جاي اجذب

بقلم روان ✏