تحميل رواية «ابن العشاير والبريئة» PDF

بقلم روان ✏

كعدت من نوم بحماس باجر زواج وحدة من اعز صديقاتي ولو ماجنت مقتنعه بزواجهه بهذا العمر وتترك دراستهه بس هوة يحبهه وهية تحبة الله يهنيهم

هسة اكو مشكلة لازم اقنع اهلي اروح للعرس لان هوة بالقرنة واحنة بالزبير واخوي العقدة اكيددد راح يرفض (طبعا حمودي اخوي كلللش عقدة هوة مو عقدة بس يغار بطريقة كارثية يعني اذا واحد من جماعتة لمحني يتخبل علي بس ميضرب ابد مايضربنة اما في البيت لا كيوت شحلاتة فديتة)

نزلت لكيتهم يتغدون لان انه نازلة ب1:30 توني كاعدة من النوم عايفيني لان العطلة صارهه اسيوع بدت كعدت

-الله يساعدك بابا

-هلا بوية

-بابا حبيبي حباب حباب لاتكول لا

-كولي شعندج

-اريد اروح لعرس زوبة بالقرنة

-لا ممنوع شكو رايحة بحدج للعرس ولا بالكرنة بعد

-بابا فدوة يعني صديقتي الروح بالروح مااروح لعرسهه وصديقاتي كلهن يرحن بت حجي كاظم همين (حجي كاظم صديق ابوي من المتوسطة ولهسة علاقتهم قوية وحتى بالشغل شركاء بكللش)

-حتى لو ماترحين

...طفر استاذ محمد من يمة خير شكوة رايحة للكرنة بحدج هو انتي نطلع للحديقة نلكلج روحي شترة جبس بعد مترين عنة ظلين ترجفين اخاف اضيع وين الگاكم ويضحك علي

-انة شعليك انة وبابا والله مو لوحدي كتلك البنات وياي وحتى خالة اميرة تروح اميرة خالت امي مرة جبيرة

-امي كالت اذا خالتي اميرة تروح خلي تروح وياهه

...تنهد ابوي محمد كال لعد اذا هيج خليهه تروح خطيية صديقتهه انصدمت خاف مصخن اخوي

-خوش روحي

... ضليت اطفر وكمت شبكتة وبست محمد فديتك اخوية

- دروحي لوگية

... صعدت حتى بدون غدة خابرت البنات اتصال جماعي

-صخوووول انة اروح

... فرحن وكعدنة نخطط شنلبس وشنسوي وكذا بعدهةة سديتة منهن وكمت احضر غراضي لان اليوم بليل نروح علمود الحنة اخذت فساتين ثلاثة قصيرات واحد طويل للعرس وبنطرون وبدي طويل وية الركبة البسهن بالعرس قبل الغذة والهوسة ودشادشة انام بيهه وشالات ومكياج والعطر وشال بلون الفستان مال العرس لان اعرف بالاعراس الولد طابة طالعه شايفة باعراس خوالي هيج

لبست تنورة ام الشيالات وردية وقميص ابيض وشال وردي وجنطة وردية وحذاء رياضي لان انة اصلا طويلة ورحت لمحمد وصلني لبيت زوبة واجن صديقاتي وبنات عمهه ورحنة خالة اميرة كعدتنة يمهه انه وصديقاتي امي مخابرتهه وموصيتهه علينة وصلنة لبيت خالهه لان زوجهه يصير ابن خالتهه سلمنة ودخلونة لغرفة نحضر رواحنة

سويت شعري كيرلي وحطيت مكياج بناتي ولبست فستان قصيرة ونزلت انة والبنات سلمت ع زوبة وركصنة وتونسنة وكلساع نبدل فستان لحد ما هلكنة

وخلصت الحفلة ودخلت سبحت ولبست الدشاشة لي جبتهه وياي ونمت بس واللة حبابين اهل العريس وبيت خالهه انطونة غرفة بس انه والبنات هية وحمامهة كاملة تخبل كعدت ثاني يوم رحت وية زوبة للصالون سوتلي تنظيف بشر حطيت مكياج خفيف لان بعدني صغيرة وانة مااحب المكياج الاوفر واصلا انة حلوة اخبل اجنن اموت (تبا للتواضع) كملت ولبست الفستان طويل مخصر ع جسم احمر نازك كلش حلو وشال احمر الساعه بالوحدة خلصت طبعا انة حاجزة وية زوبة فكلت لام الصالون راح اروح اذا سئلت علية زوبة كليهه طلعت كالت خوش الصالون قريب طلعت مشي ويارت ماطلعت

بقلم روان ✏

بقلم روان ✏

صگر

جمعت عمامي ولد عمي كلهم انة اعلمة هالنذل يتحرش بعرضي والله لادفنة بأرضة كلهه اجت يابة شصاير شكو شبيك

- الله بالخير

- الله بالخير

- يابة انة جنت هستوني راجع من المعمل شفت عرضي تمشي بالبستان وهذا النذل ابن رضوي وراهه ويسحب بايدهة وهية صرخ وتبجي

- طفر ابن عمي كرار انتة شتحجي وينة هالنذل والله لاشرب من دمة

- ماقصرت وياة كسرتة الك بس شرد النذل اتعدة ع كاعي ويتحرش بعرضي واللة يخسة

... وكبت الصيحة وصارت هوسة احنة عدنه مشكلة قديمة وية عشرتة وهسة رجع اتعدة ع كاعنة وعرضة سكتنة هواي بس من توصل للعرض لا الموت اهون من السكوت المهم اخذنة سلاحنة وطلعنة ولد عمي كلهه وياي طوقنة الكاع لان هسة راح يهجمون واحنة منتظرينهم اجة رجال جوارينهم وكال عمي بيت رضيوي مسلحين وجاين يهجمون عليكم كتله هلا بيهم انه شريد وزعت الشباب والزلم لكبار بالمضيف وفتريت ورا بنهاية الكاع انه وكرار ابن عمي وروحي والولد لي كدام كلت الكرار روح جيب بيت اهلك هنا احسن كلشي يصير راح وحسيت حركة بنص الشجر عرفتهم اجو سحبت سلاحي ورحت

روان

طلعت اتمشة والمبايل بيدي راسلتني امي وضليت احجي وياهه واسولفلهه ع الحنة وشسويت وكذا مدنگة اكتب ومندمجة لحد ماكالت يلة

-انة رايحة اجة ابوج ديري بالج ع روحج

-بيباي رفعت راسي وانصدمت انة وين شجابني هنا شلون وصلت ابوع المكان يخبللللل ويخوف بنفس الوقت كلة زرع وورد اشجار يخبل بس متت من الخوف لان ماعرف وين انة صرت امشي بين الشجر اريد اوصل لشارع اي شي واسئل بلكي يوصلوني اشو ماحسيت الا صوت خشن رجولي وبي بحة

- شسوين هنا ومنو انتي

...التفتت شفلت ولد طويل لابس زي عربي وعندة لحية وحواجبة مطبوكة وعيونة حادة ويخزر بية جسمي كلة ضل يرجف من الخوف هم ضايعة ببستان وهم واكفو وية ولد بحدنة بمكن فراغ كلشي يكدر يسوي بية نوب كامش سلاح ويخزر واحجي بكلبي ربي ليش شمسية واللة التوبة بعد مابوگ من جزدان امي وهوة كل يوم ربع شكد بايكة ليش هيج تعاقبني

... التفت علية خرب عشيرتهه تخبل جمالهه بسيط عيون سود كبار والحلگ مصقولة يخبل مال گرط والطول والرشاقة سالفه وحد اشتعلو اهلج وتباوعلي بخوف

- شسوين هنا ومنو انتي شدخلج كاعنة

سئلني وضلت ارجف واحجي

-انة روان

- اي وشسوي باسمج

-انتة كلت منو انتي

- لاثولينهه علي شسوين هنا

-والله ماادري ضعت جنت امشي وصلت هنا ماعرف وين انة فدوة لاتأذيني والله مو قصدي ادخل لگاعكم هسة اروح حجيت وبجيت مو مرة شفت بالفيس مالت ابوي عركة عشاير بسبب ناس متعدية ع كاعهم وانه من ثولة عباله هسة انة متعدين ع كاعهم

... تبجي وتتوسل ليكول راح اذبحة عرفتهه مو منا لان وخايف نوب رادت تروح صحت عليهه

- وين وين رايحة انتي مو ضايعة وين طالعه هسة تعاي وين تردين ترحين وضعتي اوصلج

مسحت دموعي خاف هذا يشوفني ابجي وخايفة ويستغلني خلي اصير قوية

- انت شكو ليش حتى توصلني تعرفني اعرفك شوف تروح منة لا والله هسة اخابر محمد اخوي يجي يدفنك هنا لا عبالك خايفة منك

-ها خوش خابري اخوج وكليلهه خوية تعال انة دخلت لگاع العالم ومن سئلوني شسوي بگاعهم ضليت اصيح عليهم يلة اتصلي واجتف

... خرب حظي اجيت اكحلهه عميتهه ثول هسة رجال كلي اوصلج ليش اكللبهه علي غبية فديتني ردت احجي اشو ماحسيت الا هذا تقرب مني حيلل انة رجعت بسررعه وصرخت لااتتقرب حيوان والله اصرخ يا شبي هذا اشو شمر السلاح وكال

- عوفهه سالفتك وياي عوفهه واخذني حتى السلاح شمرت ورفسة برجلة

- خبل انتة شبيك سالفتيش التفتت وتمنيت الكاع تنشگ وتبلعني ع لي شفتة شفت رجال كامش سلاح وموجهه ع راسي ويباوع بنظرت حقيرة حسيته اكل جسمي اكل عض شفتة وكال

-لهل درجة ال------- اسم العشيرة حلوات

-لا والله انة مو من --------- عشيرتي ------- من فخذ ------- احجي وارجف وابجي حيللل

-هلا هلا يعني مو اختك خابص الامة يتحارش بعرضي ويتحارش بعرضي وهسة واكف ورا الشجر وية هالحورية ابو الشرف ويغمز

بقلم روان ✏

بقلم روان ✏

-خابص الامة يتحارش بعرضي ويتحارش بعرضي هسة واكفلي ورا الشجرة وية هالحورية ويغمز

تقرب كلش وسلاحة موجهه علي لف ايدة ع خصري من ورا وحط الاسلاح ع راسي ضليت اصرخ وابعد بأيدة

-عوفني الله يخليك عوفني وابعد بايدة

... اجو ولد كومة عشيرة مسلحين ضلو صافنين وهذا الولد ضل يصيح ع لي كامشني(تقصد صگر يصيح ع ابن رضوان)

-عوفهه لاتلمسهه لك عار عوفهه. قسمان بالله اذا أذيتهه ادفنك بكاعك حسيتة حيموت ع كد ما يصيح خفت منة اكثر من الحيوان الكامشني وحاط الاسلاح براسي

... حجوا الولد شسالفه صگر منو هالبنية وشجابهه هنا طفر من يمة هذا لوراي

-صگركم ابو الشرف جان مگعد هالبنية بحظنة ورا الشجر

-لك لاجذب قذرررر بيك خير عوفهه وتعال واجهني بس انه وياك

... تقرب يم ركبتي انة ماجنت لافة الشال بس لابسة القبعة وحاطتة يعني مطالع شعري بس بدون دمبوس وكال بصوت لعبت نفسي منة يخاف عليج حورية انة ضليت اصرخ وابعد بايدة عووفني وخرر ابعد بايدة بس مايتحرك حجة بهدوء حسيته هدوء ماقبل العاصفة

-عوفهه واطلع مااسويلك شي بس اذا لمست شعرة منهه ماراح ارحمك راح اعذبك قبل مااقتلك

-دطير شمدرين ماجاي جذب

-وعد راح اعوفك تطلع منا ماوعدت وخلفت بوعدي تعرفني

-خوش كل لولد عمك خلي يفتحولي المجال يوخرون من وراي

... صار ابتعدو شباب ولحد يلمسة عوفوا حسابة بعدين وخرو جمعو كلهم والاسلاح علي

-وهسة تعوفهه وتروح ماترمي ولا سوي اي شي اذا سويت اي شي طلقة وحدة براسك مااتعب روحي وياك اكثر هوة دفعني وركض اجة يركض علي انة وكعت بعد ماحسيت بشي

... الثولة كالت اسم عشيرتهه والفخذ هسة راح يطعن بشرفهه بس حتى يوگعني شلون لف ايدة على خصرهه القذر تخبلت ويهمس يم ركبتهه هية رادت تموت بايدة بعدهه عرفتة تورط وجاي قبل عشيرتة لان بس هوة موجودة كتلة اتركك بس عوفهه والله صدك دفعهه وركض رحتلهه ركض هية رائستان وكعت بأدي اغمو عليهه ضربتهه ع خذهه خفيف ماكو ماتكعد نوب ماكو ماي يمنة احنة بعيدسن شوي ع البيت بعدهه كامت تفر براسهه تتحرك ع عطري بس مارجعت لوعيهه ضلت تحجي وتبجي وهية مغمضة مو بوعيهه

-بابا حمودي تعالوا انة انة خايفة تعالو

... صدك كسرت خاطري حطيت ايدي ع خصررهه والثانية جوة رجليهه وشلتهه هية حطت راسهه ع جتفي وترجف وتبجي اخذتهه للبيت تحت صدمات عمامي وولدهم دخلت لبيتنه الامة العربية كلهه عدنة كرار جايب بيت عمامي كلهم خاف كلشي يصير همة كدام عيونة دخلت وكلهه اجت علية مصدومة سئلتني امي

-منو هاي يمة وتقرب حط ايدهه ع وجهه اوي يمة شبيه ليش ترجف وتبجي سودة علية طفلة بعدهي

... تنهدت راح اصعدهه لغرفتي لحد يدخللهه مفهوم هزن روسهن وصعدتهه خليتهه على الجرباية وغطيتهه وهية ترجف اذكررت من شفتهه جان بيدهه تلفون لازم اوصل لاهله قبل مايروحن لعشيرته يطعنون بشرفهه لازم ابوهه يعرف نزلت سئلت الولد انطونية بي رمز وبصمة صعدت ركض دخلت للغرفة فتحتة بصمتهه فتحتة لكيت اخر مكالمة وية امهه كلت اخابر المرة وتنجلط علي نوب لازم اخابر اخوهه رقم كاتبة علي بابي واحد كاتبة حمودي عرفته اخوهه مساع تهدد بي حمودي اتصلت علي

-الو هلاو صخلة ها بشري ضعتي يلة انه اصلا محظر روحي ادري بيج ثولة الوو الووو

-احم انتة اخوهه

... حسيتة طفر شون واحد جان نايم وكعد انت منو وين روان شيسوي تلفونهه عندك بعصبية وصياح

-اهدى اختك بأمان بس اكو مشكلة

-شنو اختك بأمان مشكتليش شكعاد تحجي انطينيهه

-هية حاليا نايمة

- لك شمسوي بييه وينهه يصيح وسمعت صوت تكسير يمة

-كتلك مو بوعيهه

... انة منا اعصابي نار نوب هذا جاي يصيح طگت عندي كلش بس تحملت لان شفتهه من تحارش هذا القذر بنور شون تخبلت مو نوب يخابرة ولد من تلفون اختة حقة

-شوف انتة لازم تجي للكرنة جيب عمامك وتعال هذا العنوان ----------

- جايك بس قسمان بالله اذا تأذت شعرة منهه ماراح ارحمك وسدة بوجهي

شفتهه بعدهي ترجف سجلت رقم اخوهه بنقالي وشغلت قرآن بموبايله حطيتة يم راسهه وقفلت الباب وطلعت نزلت سولفة العمامي السالفه كلهه طبعا صدكوا لان يعرفوني شنو شوية والله واجت سبعة سيارات نزلو زلم كبار وشباب اثنين من الشباب حسيت دمهم محروك عرفتهم خوانهه سلمنة وستقبلناهه بحرارة ودخلناهه للمضيف واحد كال وين اختي جيبوهه اهدى شوي خلي نتفاهم صرخ شنتفاهم اختي شسوي يمك وليش خابرتني من تلفونهه منو انتة ودفعني من صدرة كضة واحد جبير بس موكلش بالخمسينات نفسة لي مخليتة خلفة لتلفونهه ابوهه اهدى بوية هسة نفهم بعدنة نحجي ودكت تلفوناتهم كلهم خرررب حظي طعن بشرفهه النذل قبل مااحجي السالفه ردو ووجوهم صارت حمر دم اخوهه شمر التلفون وهجم يريد يضرب جان ضخم وطويل بس مو اضخم ولا اطول مني كضيتة وكتلة اهدى وصارت هوسة وصياح خبص الاممة هوة وبعد واحد طلعوا اختي واطلعوا اختي

بقلم روان ✏

بقلم روان ✏

صگر

شفت الهوسة هسة اذا اجو عشيرتة رضوان وشافوا الهوسة راح صير عدهم نقطة رابحة بس اذا اتحدت العشيرتين ضدهم راح نكسرهم شفت اخوهه صدك رجال ومحروگ دمة وهية قبل شوي تهدد بي سحبتة من الهوسة وكتلة بس افهمك ماقتنعت اذبحني وبسلاحي وحطيت سلاحي بيدة رحت ورا البيت هوة نار تطلع من عيونة حجيتلة كللش تخبللل لان كتله رفع سلاح عليهه وهية مو بوعيهه بسببة لازم نهدي الوضع ونغهم ابوك وعمامك السالفه كال انة احلهه راح حجة وية اابوة وعمامة هدو شوية وكعدوا بالمضيف حجينة الصار بس المشكلة ماكو كامرات بالمكان ورا البيت وبنص الشجر عفتهم وصعدت دخلت لكيتهه لامة رجليهه وتبجي طفرت علي

روان

كعدت من النوم لكيت روحي بغرفة تخبللللل ويمي قرآن طفرت افتح الباب مقفول دكيتة محد اجة لميت نفسي وضليت ابجي شوي ودخل الولد نفسة طفرت اتوقعت كل لي صار لان دخلت كاعهم وراح يأذوني طفرت علي

-فدوة اسفة والله مو قصدي ادخل گاعكم والله اذا اخوي عرف يموتك عوفني فدوة ليش خاطفني واتوسل بي وابجي واشهك

- انتي شكد ثولة هسة انة خاطفج لو جاي احميج

- من شنو تحميني ماريد حمايتك عدندي اهل يحموني ماريد منك شي

...جريت حسرة وكعدت حطيت راسي بين ايدي شكلهه طعنو بشرفج شحجي وياهه دخلت امي راحت تتوسل بيهه وكاضة اديهه وتبجي وتشهك تكسر الخاطر

- خالة فدوة كليلة يعوفي والله اول مرة ادخل القرنة ومادري شون وصلت كاعكم فدوة عوفوني خالة انتي عندج بنات

- اي يمة عندج

- خالة ترضين احد يسوي هيج ببناتج يخطفهه لان سوت شي من غير قصد

- صگر يمة شسالفه ليش جايب لبنية شكو فهموني شنو السالفه

- روان سمعيني وفهميني كبري عقلج واستوعبي الموضوع خوش

- ايي اي والله افهمك كول كلشي اسوي بس عوفني

- هاج شربي مي شوفي انتي من جنتي واگفة وياي اجة واحد عندة عدواة ويانة يكرهني انة بالذات لان كتلت اخو انة كلت هيج وهية صرخت

- يمةةة انتة قاتل عوفني والله يموتونك محمد وامير

- لج مو موت تحارش بختي وضربتة انة كتلج كبري عقلج وفتهمت بعصبية

- اسفة تمام كمل

- شافج وياي توقعج اختي وكال اسم عشيرتنة انتي من ثولج الزايد كلتي اسم عشيرتج والفخذ صح لولا

- اي غير حتى يعوفني

- بس انتي بدال ماتخلي يعوفج طعن بشرفج

- صرخت شكو شنو يعني طعن بشرفي هوة ماسوة شي بس كمشني علامد يحط الاسلاح براسج

- ليش انة كتلج نهبج

... ياا شون يحجي شبي هذا شارب شي طعن بشرفج خاب دكممم (احجي بكلبي نظراتة متسمح لصوتي يطلع)

- فهمني شون

- رايح لعشيرتج وكال لاكيج ورا الشجر بحظني

صرخت يمة عزة بعيني لييش شسويتلة وكعدت بالكاع ابجي رفعني من الكاع كلي لاتبجين راح احلهه هسة عدلي حجابج اخوانج يردونج جوة

- اجو

-اي اجو يلة بسرعه

... لفيت حجابي ونزلت ورا ارجف وابجي واشهگ مادري شون گدرت امشي ما وگعت مشينة مسافة هواي وكفت من شفت ابوي وعمامي ولد عم ولدهم بابا لان ماعندي ولد هم بس امير التفت علية كلي امشي شبيج مشيت اجة محمد اخوي يركض علي حظني حيلل حطيت ادي ع صدرة هنا الأمان ورخيت نفسي وبجيت بصوت عالي طلعت كل لي بكلبي هوة حاضني ويكلي كسرتي ضهري روان كسرتيني

... صعدت فهمتهه السالفه بجت بجي اخذتهه لاهلهه شافتهه وكفت اجاهه اخوهه ع عصبيته توقع يضربهه او يسمع منهه يلة يصدك بس انصدمت من حضنهه وهية شون تبجي والله حالهم يكسر القلب مااتمنى لعدو اخوهه الثاني كعد بالكاع اتجة ع الحايط وحط راسة بين رجلي ونزلن دموعه هية تبجي وتشهك دمعت عيوني عليهم ابوهه وعمامة واگفين يباوعون ابوهه واحد ساندة مايكدر يوكف اخر شي اخوهه ماتحمل مسح دموعهه وكلهه لاتبجين والله لاندمة ع الساعة لأجة بيهه وسحب سلاحي همة جاين بلا اسلحة مو عشاير وركض هية ضلت بس ترجف طفر عمامة وعمامي يردون يكضونة ماصيطروا لحد ما هية راحت حظنتة تكلة لاتعوفني وحدي فدوة خليك يمي اووووف محد يكسر الرجال غير شرفة هدى شوية دخلوهم للمضيف ضل بس اخوانهه وهية بحضن محمد الثاني اعتقد امير لان مساع كالت محمد وامير توقعتة اخوهه كتلة لازم نحجي ونتصرف قبل يصير وقت الكعدة بعد جم ساعه تجي عشيرتك لازم نتصرف امير كام كال راح ادخل اشوف شيسون محمد واكف وهية لافة اديه ع خصرة ودافنة وجهه بصدرة كتلة تعال للبيت بس انة وياك هسة هوسة جوة تعال لغرفتي نتفق ادري شنو لي بالك ضربتة ع جتفة وكتلة وياك ع الموت مادام الي ايد بهاي السالفه تعال

غلسوا ع الاخطاء مااراجع البارت ماعندي وقت

بقلم روان ✏

بقلم روان ✏

حط ايذة ع خصرهه والثانية جوة رجليهه وشالهه ماتكدر تمشي كتلة بس اخذ طريق واجي رحت كتلهن دخلن لغرفة الحجية ديرو بالكم اسم صوت وحدة منجن لو تطلع راح يصعد الولد بغرفتي نفس ماريد مفهوم كالن اي ودخلن رحت صحتلة وصعدنة فوك كعد وهية بحظنة انطيتة حبوب منوم قوي جبتة من جدتي كتلة هاي منوم خلي تنام ونتفاهم اخذه شون يحجي وياهه يعاملهه مثل الطفل

- رونة حبيبي اخذي اشرب هذا حتى ترتاحين

- ما مااشرب حتى انام وتروح تكتله

- لا مااكتلة بس لخلي يحجي الصدك يلة حباب هاج

... اخذتة شربت وهية بحظنة حطت راسهه ع صدرة وغمضت كتلة راح افوت اسبح اخذو راحتكم اخذت هدومي وطلعت مع العلم عندي حمام بالغرفة بس حتى ياخذ راحتة سبحت لفيت الشماخ ورحت دگيت الباب كال تفضل لكيتهه نايمة خليهه يمك ع جرباية وتعال التمفت اروح للبلكونة سمعتهه تبجي التفت شفتهه ترجف وتبجي وهية نايمة تتحلم تكول

-لاتتقربلي وخررر عوفنتي محمد حظنهه حيل يكلهه

-اششش روان اهدي انة يمج تمام تمام اهدي هية بعدهي ترجف لاتخافين مااعوفج اهدي وكمش ايدهه ماعوفج والله اششش وحظنهه حيل هدت شوي ونتظم نفسهه شوية وكام حطاهه ع جرباية والله انقرهت عليهه ورحنة للبلكونة عندي بغرفتة طل ع الحديقة الخلفية هاي محد يدخلهه لان ورا البيت كتله شتريد سوي

- هوة مبين مخنث لو بي خير جان ما طعن بشرف مرة اروح أدبة بكتلة معدلة مافاد ادبر اختة مرتة اي وحدة اهددة بيهه هوة راح يجبرني ع هذا الشي

- اخذتهه من لساني بس هذا يتسغرق وقت اقل شي اقل شي اسبوع عشيرتك بعد ساعين تجي واول حجايه يكولهه. شيخكم لبوك بت عار جيبهه نظف عارنة

- شتحجي انتة شنو عار واذا عار علينة هوة شعلي

- شوف انتو ناس مو يم العشاير ماتعرفون هاي العادات لو السالفة بمنطقتك الشيخكم مايدخل بس هسة هوة راح لبابة وبنص ديوانة كايلة بت عشيرتك لگيتهه بحظن رجال غريب

- والحل شنسوي

- الحل عندي بس اضبط اعصابك واسمعني

- شنوة كول

- اعقد عليهه

- شنو مستحل شتعقد عليهه وليش

- حتى هسة من تجي عشرتك تگلهم يابة خطيبهه راح يكلك وضعهم مو مال مخطوبين جان لان هوة مصخ بالحجي النذل واحنة نكلة كدام شرعة الله عادي ونكلبهه بدين نسكتة منا للكعد الجاية وية عشيرتة احنة مضبطينة وراح يعترف ويكول الصدك

- مااكدر مستحل ادمر مستقبلهه

- اول شي اذا سكتت ماعتقد راح يكون تضمن مستقبلهه راح يلزكولهه عار وعار وثاني شي الزواج راح يكون حتى نظمن حياتهه منا للسبوع الجاي وكلهه جم شهر واطلگة حتى لايكولون ليش رأستان طلگهة ورا العرس كم شهر وكلشي ينتهي

- ليش اثق بيك

- لان ماعندك حل ثاني ماجاي استغلك جاي اساعد

- ليش ساعد رجال شايل عيبك هاي الحجاية سكت الكل

- لان انة مو نذل وكلشي صار كدام عيني وانة سبب ماكدر اعوفهه منكسرة وانة شفت كلشي واعرف الحقيقة

...ضرب ع جتفي مشكور نروح نخبر ابوي وعمامي نزلنة كلنالهم رفضوا رفض قاطع قنعناهم ومحمد جان وياي بالف ياعلي قبلوا طاحت وذرة من ليان وانة احجي يلة قبلوا هسة المصيبة شون نگلهه شون نقنعهه محمد كال انة احجي وياهه كتلة يلة رحنة صعد فوك بعدهي نايمة انة طلعت كتلة راح اضبط الامور واجيب سيد اخذ راحتك وطلعت

روان

بعد ما نمت حسيت باحد يحجي وياي كعدت بس نعسنانة حيلل من الحبوب كمت كلي روان لازم احجي وياج بموضوع مهم سمعين للأخر بعدهه احجي تمام كول

- شوفي روان الموضوع لي صار لا عبالج شوية ادري مالج ذنب بي ومتأكد بعد بس الناس شلون روان تدرين شيخ عشرتنة جاي يكول اريد انظف عاري يعني يقتلج واذا رفضنة ننطرد من العشبرة نتفرق عن اهلنا وهذا كلة مايهمني بس ابوي عمامي شون مايصير نفكر بس بنفسنا عمي مرتضى مو اربع وعشرين ساعة كاعد عند ولد عمة وعمامة وهمة شيوخ بالفخذ مال العشيرة اذا انطردنة تنگطع كل العلاقات وغير هذا راح يبقى اسم عار يلاحگج كل العمر لا عبالج سهل الحجي والله ماتتحملين ولا انة اتحمل باجر عكبة يجي واحد يكلي اخو العار اختك عار والله اذبحة فالحال لي لگينة انو تتزوجين صگر

- شنوو شوون مستحيل

بقلم روان ✏

بقلم روان ✏

-شنو مستحيل

-روان الموضوع مو بيدنا تنقتلين لو نطلع من العشيرة نظل بلا اهل بلا سند

-ما ماازوج مااعرفة وعيونة تخوف مااريد ظليت ابجي حضني

-اشش لاتبجين خلص مو لازم انة وابوي لي نرفض وخلي ننطرد مو مشكلة بس لاتبجين اتصل ع صگر اجة دگ الباب ودخل باوع لمحمد كلة

-الحل ميفيد صغيرة ومتريد مانجبرهه

-تنطردون يعني؟؟

-مو مشكلة ولا ندمرهه

-محمد ترة تنطردون تدمرون دمك مهدور يمكن حتى تنطرد من المحافظة انت وابوك

-افففف هسة خلي نرفض يمكن من نخلي هالصگط يحجي ينتهي الموضوع

-هسة بهاي الكعدة راح تفشلونة وترفضون قرارة ماراح يمررهه مرور الكرام ترة وخصوصا هوة كلللش معقد مو شون ماجان

-لعد اعوفهه هيج تبجي حتى حضرته مايتفشل بصياح

-كيفكم

...فكرت وحسيت نفسي انانية من كال خلي ننطرد ولا تبجين

-محمد انة موافقة بس بشرط

-لي هوة

-بس احجي وية شوية

محمد گلة خلي اطلع واحجوا راحوا شوية ورجع صگر كال كولي شنو الشرط

-اريد اكمل دراستي ماابطل منهه انة هسة ثاني متوسط

-شنووو انتي ثاني

-اي ليش

-لامااتوقعتج

-المهم اكمل دراستي بدون ضغط يعني مو كلساع ترة ابطلج وعوفج من الدراسة اكمل هاي الكم شهر لان (هية جانت عطلة نصف السنة)

-مو مشكلة عادي

-وو اكو شي ثاني دنگت استحيت

-فهمت قصدج لاتخافين مااتقربلج ولااغصبج ع شي انتي ماتردينة اصلا اكو وحدة انة احبهه

-اتنهدت بصوت عالي ابتسم وكال يلة اكل لاخوج

-تمام

صگر

كالت موافقة بس بشروطهه وانصدمت من عرفتهه ثاني جسمهه مو مال ثاني ابددد طولهه ورشاقتهه انوثتهه البارزة انصدمت ومن رادت تكول شرطهه الثاني وستحت فهمت قصدهه اصلا اني اريد ازوجهه بس حتى استرهه وماتنقتل بسببي واحب وحدة (بس هية تحبة علمود فلوسة ماميتة علي وميت مرة عمة فهد كلة متحبك تريد فلوسك لي بعدين تعرفونة الة دور مهم بالقصة) رحت كلت لمحمد كال شون وافقت

-تريد تكمل دراستهه انة ماعندي مشكلة حالهه حال بناتنة

رحنة كلنة لاهلهه وجبنة سيد وعقدنة اجت عشيرتهم وعشيرة هذا الساقط وكلنة انو هية مرتة ومجان بوضع مثل ماگال واسبوع ونثبت هدت شوي واخذنة عطوة على عشيرتهم لان طعن بشرف البنية اسبوع كملت رجعت للبيت كلت لاهلي النسوان تخبلان منين تعرفهه وحجي هواي ماهتمت صعدت فوك مالگيتهه دكيت الباب بالحمام ماكو نزلت سئلت عليهه كالو بالغرفة حتى ماشايفنهه ولد عمي كلهه بعدهه دورنه البيت كلة ماكو عمي فهد تخبلل صرنة نار طلنة للحديقة ماكو شوي وسمعت صوت كرار كال تعال هاااي

روان

عقدنة واخذتني مرة وابنية شابة حلوة نمت انة جنت بفستاني ضيق وطويل كلش اضتيقت منة حسيت علية البنية وكالت

-انطيج ملابس مني استحيت ناس مااعرفهم كالت راح اجيبلج تراك مادامج بغرفج تترتايحين بي

-اووك شكرا راحت جابت واجت وطلعت اخذتة حلوة لبستة خفيف البدي ردن قصير وية البجامة تقريبا باوعت ع الساعه بال10 ذكرت طفولتي وية عمي النجوم سوالفة لبست حجاب شون ماجان نزلت ع كيف جانو يسولفون مامنتبهين طلعت للحديقة نمت ضليت ابوع ع النجوم واذكر شوية واجو جنهو فزاعة تقرب صگر كلي شسوين هنا سولفت وبجيت طلعت ولي شي بسيط من لي بگلبي

صگر

رحت شفتهه نايمة بالكاع وصافنة ع السما البيت كلة وراي انة كعدت بالكاع اسمعهه

-من جان عمري 4 سنوات جنت متعلقةبعمي اكبر من بابا حيلل احبة اصعد يمة فوگ نلعب نسولف وارسم باورق هوة يضمهن لهسة عندة يشيلني ع ضهرة ونلعب وبصيف جان يفرش فراش برة وينام اروح انام بحضنة ونباوع ع النجوم هوة يكلي هاي النجمة الجبيرة طلعيلي اكبر منهه احجي ودموعي صب ابقة يمة ادور لحد ماالگاهه وافوز علي يلة انزل انام يم امي جنت اسئلة ليش انتة مامزوج انتظرج من تكبرين ازوجج يشاقة وياي لاهسة ازوج حتى يصير عندك جهال العب وياهم يكول انتي بنتي انة شتريت من ابوج ب5 اوراق من تكبرين اخدج ومن اسئل بابا يكل لا انتي بنتي مابايعج ولا انطيج هسة وينهم ليش مااخذوني مو كال عمو اخذج مو كال بابا ماانطيج ليش انة هنا ليش عافوني ونامت صفح ولمت نفسهه وتبجي بصوت عالي وتناشغ حالهه يموت قهرر اجة عمي كلي لاتخليهه هيج شسوي طفلة وتريد اهلهه شحجي وياهه جريت حسرة كمت روان كومي لاتبقين هنا كومي رفعتهه من ايدهه خررب هاي شلابسة نوب ضيق ضربتني ع صدري كلة منك كلة منك ماخليتني اروح لان دخلت گاعكم طعنتو بشرفي الله ياخذك اكرهك وتضرب وتبجي منهارة كمشت اديهه روان روان اصحي شبيج هزيتهه من جتفهه باوعتلي كمشت راسهه

-اسفة اسفة ماادري شداكول وابجي رحت صعدت نمت ع الجرباية غفيت بسرعه من التعب وجان اتعس يوم بحياتي

بقلم روان ✏

بقلم روان ✏

كعدت من النوم (خلولي غرفة الوحدي هوة مادري وين راح فديتني هجولت الرجال لان الكل يعرف هوة يريد البنية لي يحبهه والزواج اجباروي نوعا ما) اسمع صوت هوسة وزلم صياح عالي قلقت شصاير اوو وشسويلهم شعليه رجعت لفيت راسي اريد انام اصواتهم عالية حطيت مخدة فوك راسي ونمت انة غفيت ورفس باب الغرفة دخل صگر يدفع بي رجال اكبر من صگر بس حيل يشبهه ثنينهم عيونهم تخوف بس الثاني اكثرررر واطول واضخم بعد انة هذا مصدومة من طولة وضخامتة بس همة طولهم بترتيب يعني مو طويل ضعيف مسحول لا جتافات عريضة وعلاضات نازكة وطول ها الحجي همة يتعاركون وانة مصدومة وفاتحة شعري حتى المكياج من امس بس شفت الحجابيمي حطيتة ع راسي مامسحتة وابوع دفع صگر ع الحايط كلة

-لك اهدى غبي ليش ماكتلي شناوين انت ومحمد هالطفر القذر وانتو ضلو فرو بذاناتكم اغبياء

-ماتوقعتة يشرد شون نصرف من وكت ماجان اكو حل الكعدة بعد ساعيتن

-اي موراح طيح العگل اذا ماحضرتو الكعد كلولي ارجع باقرب طيارة روح تتاخر بس تحلهه ترجع تعتذر منهم ع التاخير وتكلهم السالفه هسة هالربطة البنية طول عمرهه شحصلت صياحهم واصل لسابع جار

-الحل شلون اهلهه قبلوا لان بس جم شهر الثاني توتر ضل يفتر ويمسح ع شعرة وجهه ويروح ويجي هذا كله همة ماشافوني اصلا صرخ

-ليييش ماكلتلللي لييييش وضرب الميز لي يم الجرباية برجله انة صرخت صرخة كمزني ثنينهم باوعولي صاح انتي منوو بعد

-هية هاي روان خزرني متت بدمي طلع كال جيبهه انة احاجيهه

-انة باوعت الصگر كعد بالگاع حط ايدة ع راسة يكول

-شگل للولد انة نطيته حجاية ضرب الكاع بوكسي وكام صررخ نوووور اجت هاي لبنية لنطتني تراك كلهه انطيهه هدوم وجيبهه لغرفة عمي راحت جابت ملابس دشاشة واجت هية بطولي بس انة تارسة اكثر بس مو سمينة متناسق جسمي طولي 167 وزني 60 المهم اخذتهه منهه

-كتلهه شصاير

-من الخوف من عمو محد جرائ يسئل شكو

... كمت فتت للحمام غسلت وجهي وبدلت اخذت الفرشة وفرشت اسناني جانت بجنطة مالتي مدري منو جابهه للغرفة لان من دفعني الحيوان وشرد وكعت طلعت لكيتهه منتضراتني اخذت كلينس مبلل من الجنطة مسحت وجهي ماوكع بالمي المثبت مال مكياح كلللش قوي حطتلي ومسحت ضلت بس الحكلة ماتتوخر عفتهه كالت يلة تعالي

رحت وياهه دخلتني بغرفة نوم تركية كلش حلوة شفت الرجال نفسة لي جان يصيح مساع كاعد وصگر همين كال كعدي اشر بصفة صگر واكف ع الحايط كعدت مقابيلة كال سمعيني يباوعلي عيونة حمررررر دم وطابگ حواجبة ويخزر

-انة جنت مسافر ماادري بالصار وماجنت اعرف تصرفة همة كلولج جم شهر وكلشي ينهي بس هسة كللشي تغير

-شنووو ليش شتغير

-سمعيني ولاتقاطعيني من احجي وخزرني حيلل سكتت متت خوف جانو ناوين يروحون للعار صگر واخوج يربونو بكم بوكسي ويجي يحجي الصار وفترة وتنفصلون عشيرتكم تسكت لان ضهرت برائتج بس هسة هذا مسافر رايح لامريكة وماخذ اقامة ومحد يوصلة لو مدري شيصير واخو رايح للسيد لعاقدلكم وسئل ع توقيت العقد وعرفوا انو هوة بعد ماشافج بحضنة

-والله جذاب انة خربطت وهوة سئلني حتى جان مبتعد شوي والنبي

-ادري اردي يعني هسة عشيرتكم شراح تكول عقدوا حتى يرگعون السالفه والبنية عار واذا طلگتي ينهدر دمج ويكتلوج حتى لو اهلج وياج يعني راح تبقين زوجتة وانسي الطلاگ تكملين دراستج مثل مامتفقين انتو بس ماكو طلاگ

-ما ما ضحكون علي كل يوم سالفه ماريد ما

جر نفس مال واحد كوة متحمل اول شي هوة مو لعب جهال وما وماريد عشاير هاي وشرف مو بكيفج يعني وهسة انتي كبرتي عوفي الدلع ومن تحجين احجي برزانة لاتنعوصين كللش تنرفزت لان جاي احجي عدل وبجدية اصلا

-ماجاي اتنعوص جاي احجي عدل

-لاتراددين ويخزر ضليت ابجي يعني هسة راح اربط طول عمري بواحد مااحبة مااعرفة وعندة حبيبة وهذا باول دقيقة يصيح ويخزر لا والله طاح حظي

-ليش كلتو فترة وكلشي ينتهي ليش جذبتوا

-ماجذبنة ماحاسبين حسابة يسافر

طلعت رحت لغرفتي نمت واستمر الحال اسبوع امة جابتلي ملابس بيت جم حاجة وملابس داخلية والله ستحيت بساعتهه اسبوع گاطعة الاكل صگر كل لمحمد وتخبل بس شيسوي سافر بعد الحقير ملو مني بس مااكلت حتى انقهرت ع صگر شون متحملي اذا انة ماطايقة روحي لحد ماكلي بدة الدوم وماراح داومين بهاي الحالة تاكلين وترجعين لقوتج يلة داومني عاد اكلت بس كللش قليل لا مااشتهي وفات اسبوع ثاني وسافر صگر عندة شغل بالخارج وهم لان حبيبتة زوجت واحد طاگ تكلة انة ردتك علمود فلوسك نوب زوجت شاركني بالورث من تموت ولا ستحت طگتهه بوجه اهلي دزو غراضي 6 جنط كبار وحدة ملابس بيت وحدة ملابس طلعة وحدة نوم تراكات برمودات ودشيش قصير حتى سيتات نوم وحدة داخليات وشالات وجبب ملونة 4 مالبس اسود الجبب والاخيرة العشق عطورات ومكياج واهم شي الشامبور مالتو وجهاز شمع هم كلللشي احتاجة فديتهم اهلي وكلة جديد مجهزيني مثل العروسات وذهب احنة عدنة عادة من تزوج البنية هديته حاجة ذهب وكل واحب يجيب هوة هدية ومرتة هدية كومة ذهب وكلة ناعم بناتي يخبل وكتبي هم دزوهه وملابس المدرس وحدة للجنط والاحذية ورتبت الغراض دخلت سبحت ولبست تراك ونمت كعدت كلت كافي خلي انزل عيب صارلي اسبوعين مانازلة واليوم جمعة يجمعون العمام وكلهه بهذا الببت هذا البيت هوة الورث من ابو عمام صگر يعني جدة فمن وزعوا الورث عمة الصغير اشترة حصصهم واخذ البيت وهسة البيت باسمة وكاعد هوة ولدة ومرتة واخو الجبير لي هوة ابو صگر مامخليهم يطلعون لان يحب اخو الجبير كلش ومتعلق بي وامة هم وياهم وهمة مو هواي والبيت جبير كلللللش همة 4 هوة ابو صگر وامة ونور نور تجي يمي كلش حبابة تحب ابن العم كروري هاي المعلموات عرفتهه منهه سبحت ولبست فستان ملابس البيت امي جايبة كلة فساتين احنة بالبيت تراكات مانشتري دشاديش واذا نشرتي نشتري فساتين مرتبة لبست القبعة وحطية الشال رتبتة بس ماحطيت دمبوس وشمرتة منا ومنا بس بترتيب. ومكياج خفيف فاونديشن وكحلة بيضة تكبر العين ومسكرة ومرطب طلعت اخبل فديتني انة عندي خدود خلي اوصفلكم شكلي (انة حنطية على بيضة عيوني سود كبار رموشي ثخان بس مو طوال عاديات حلگي صغيرة كلش ومنا ومنا خدود صاير يخبل (تبآ للتواضع) وشعري اسود طويل جوة الخصر بس مو كلش ثخين ولا خفيف طبيعي) نزلت لگيتهم يتريگون صبحت ردو بس وحدة تباوع من ورا خشمهه كاعدة يم هذا العقدة نوب صگر موصي علي (عمة لي تعارك وية اسمة فهد) هسة ماكو غيرة شفت نور كامت رحت وراهه صاحت علي الحجية بيبتهم وام العقدة

-تعالي يمة تريگي

-لا شكرا مااريد

-يا ولج تعاي معصعصة تعصعص تعالي اكلي باوعت ع جسمي صدك ضعفانة بس احللى اصلا انة جنت مربرة يعني مو كلش ضعيفة

ولد شاب كال وينهه معصعصة باعي الخدود حطيت ادي ع خدودي اتلمسهن همة ضلوا يضحكون

-اي بس خدود باوع جسمهه تعاي يمة اكلي معليج بي تعاي يمي حبيبة ماحبيت افشلهه وهية سوتلي مكان يمهة كعدت انطتني صمون وتكلي اكلي يمة شربت شوي جاي وحسيت الم بمعدتي يموت خرررب حظي رجعلي المرض

بقلم روان ✏

بقلم روان ✏

حسيت بالم فضيع حطيت ادي ع معدتي ودنكت الحجية كالت شبيج يمة شجاج كلهه انتبهت

-وين الحمام اشرولي رحت تقيئت ونور دگ بالباب بس جسمي كلة هلك انة منت كاطعه الاكل اسبوع وبالاسبوع الثاني اكل قليللل وهسة تقيئت كلهه تكومت علي خسلت وجهي والمسكرة وكعت وصار لون بعيوني شون الكحلة خسل وجهي عدل وطلعت كوة اجر النفس

-يا اسم الله شبيج

-معدتي تاذيني رتحت جابت ماي شربت لعبت نفسي صعدت وهية وياي فرشت اسناني لان لعبانة نفسي واخذت نعنان انة عندي رفيق دربي هذا كالت تعالي نزلي غير جو الغرفة حتى لا زيد عليج نزلنة الولد 6 شباب كالو سلامات كعدت بالكاع واتجيت ع القنف وادية ع معدتي العقدة عمو فهد كال اخذج للمستشفى مدري شعجب طلعت منة هزيت راسي لا الحجة كالت

-اي طبعا هيج يصير اذا ماكو اكل كومي طومي للمطبخ اكلي تردين تموتين روحج رحت وية نور للمطبخ جانت ام صگر وهاي لتابعو من ورا خشمهه وياهن مرة جبيرة ماعرفهه بالمطبخ كال شنو تاكلين كتلهه مااريد مااشتهي اخذتني للحديقة حديقتهم تخبل وبيهه مرجوحات كعدنة ع وحدة هية نفرين

-اي اليوم يجي كروري ضحكت

-خلي يولي بعد مااحبة

-امم خلي اسوي روحي مصدگتج لييش

-مااذاني ذتك اليوم بيوم الجيتي هوة مو هذا الحيون تحارش بية وكسرة صگر واجو هادين علينة نوب فوگهه صارت سالفت ونسوي سالفتي بس كرار مانسة طيح حظ حظي

-تستاهلين مو كلج انتظريني اوصلج ليش طلعتي

-اجن خوات مريم وشردت

-يامريم

-مرت عمو فهد

-هاي لي مساع كاعدة يمةر

-اي

-الله يساعدهه علي

-كولي الله يساعدة هوة عليهه

-ليش

-يعني فوك ما هية مرت اخو واكبر منة نسرة وحقيرة وجلبة نوب البنات ماكلاتة اكل بعيونهن ولساتهن وكل ما يجي خطار عركة وهوسة

-هوب هوب وحدة وحدة شنو مرت اخو شنو اكبر منو كلشي مافهمت

-بعدين اسولفلج يرادلهه كعدة وحب

-لاوالله تنطيني راس السالفه وسكتين كملي

-بالمختصر انو هية مرت عمو الجبير واتوفه هوة زوجهه لان عدهه 6 ولد

-اووووف خطيية بس هية هم خطية شنو ذنبهه

-خايبة ياخطيية شالة گلبة اول يوم عقد ماتقربلهه نفسيتة ماجانت متقبلتهه لبت الدنيا وبالغرفة ثاني يوم متعاركين وتكلة مو رجال مامتقربلي اخذهه خلاهة 10 ايام تنزف

-يمةةةة

-هوة جان عمرة 18سنة وانجبر بيهه ولدهه توم 3 جانو 10 و3توم 9

-بس ترة حيل قاسي تنزف 10 ايام يمةة اسم الله

-هوة بظاهر قاسي بس حنية كلبة تسوة دنيا كلهه

-ياحنية جان موت المرة

-تعاي ندخل يمكن اجو هسة

-اكلج انة استحي ماعرفهم

-معليج تعاي وراي

-دخلنة وصدك جاين البيت متروووس زلم ونسوان وجهال رحنة لغرفة كالت نور غرفة الحجية بيبيتهه كومة نسون هية سلمت عليهن وحدة وحدة بس كلت السلام عليكم ردن بس مو الكل قليل

-منو هاي

جاوبتهه مريم هاي مرت صگر يباوعلي من ورا خشمهن كعدت يم الحجة ومدنگة واسمعهن يبسبن يكلن لمريم درير بالج ع رجليج خاف نوب تستغل غياب صگر وتگلب علي تطبمع بفلوسة باعي لبسهه ضيق ومتكشخة ومكحلة المن ورجلهه مو هنا ديربي بالج وكلشي سوي هية تكلهن لا ختولي شحدهه متت قهر ودموع جمعة بعيوني رحت للمطبخ گعدت هاي اكو مرة موجودة

-خالة انتي منو

-يمة انة هنا اشتغل عدهم صاراي 30سنة من جان عمري 15 سنة ومات رجل وتهجولت اجيت هنا عدهم

-همة خوش ناس

-اي يمة ناس اجاويد ماتطلع منهم العيبة ولدهم ربوا ع ايدي فهد يصيحلي يمة

-زين خالة

-ها حبيبتي

-لبسي ضيق مامستور

-لايمة مستور مابي شي

-خاله فدوة لاجامليني كليلي

-يمة عليمن اجاملج لبسج مستور ويخبل

-زين انة من تشوفيني هيج شتكولين علي اول ماشفتيني شنو كلتي علي

-يمة البنادم بالعشرة مو نظرة

-لاعوفج من العشرة هيج انة شنو

-بنية عادية ومشيتج رزنة ومااعتقد بيج أذية يعني لي يشوفج بدون عشرة مايحجي عليج بس بالعشرة اذا ماكنتي زينة ينحجي عليج بس يايمة بهل الزمن محد يسلم الزين والموزين جريت حسرة بس مابجيت بس واحد يطخني ابجي

-منو سمعج كلام التفتت لكيت عمو فهد متجي ع الباب ومجنف

-محد

-لعد ليش سئلتي كل هالأسئلة

-فضول اريد اعرف شنو مبينة من برة

-الفضول هم خلة دموعج بطرف عيونج لي صايرات حمر لو عاضة شفتج حيل حتى لا تبين ترجف ردت اطلع كمشني من ذراعي وكفت باوعت ع ايدة وباعتلة

-منو وياج طاحت دموعي

-كتلك محد هيج انة ضايجة عوفني

...عافني رحت للحمام بس دخلت نزلن دموعي اطلقت صراحهن بجيت طلعت كل لي بگلبي وغسلت وجهي ورتبت نفسي ما لازم اضعف لازم اخفي ضعفي طلعت رحت كعدت بالمرجوحة وصافنة بالكاع اشو ماحسيت الا 7 ولد فوگي واحد منهم مساع يعيب ع خدودي سئلو ولد منو هاي كلة

-مرت صگر دنفوشة

كعدوا بالكاع كلهم كبالي ردت اكوم صاح علي

-دگعدي ترى مانعض

-ماعرفكم

-احنة ولد عمة كاعدين بنفس البيت راح نلتقي هواي خلي نعرفج

-انة امير (لي يكلي ام خدود)

-انة محمد

-انة علي احنة الثلاثة التوم لكبار

-انة حسن

-انة حسين

-انة حسنين احنة التوم الاصغر

-انة ابن عمتهم منتظر

-انة تعرفوني رو

امير: - اي نعرفج دنفوشة

-روان مو دنفوشة بخزرة

-ما تخوفين دنفوشي

-اففف مليق تغار مني شسويلك حجيت بغرور همة ضحكو بصوت عالي اجة عمو فهد كال ها مجمعين

امير: - اي يابة جاي نتعرف ع دنفوشة

-كعد كال انت محد سالم منك ومن القابك

علي: - دگعد ملييق وينعوص وطگوا ضحك بصوت عالي

فهد: -يلة كوموا جوة يم عمامكم لاظلون هنا

-عمو

فهد:- هاا

-يمتة اداوم صار اسبوع بدة الدوام

-ماناسيج بيا مدرسة جنتي

-الرحمة

-متوسطة؟؟؟

-لا ثانوية

-وين بالضبط

-شمدريني

-شنو شمدريني غير جنتي داومين بيهه

-اي بس مااندلهه الطريق لي اروحلة مشي من بيتنة اذا اجي بغير طريق مااندل

-امير اخذ منهه الجنسية وضبط ودخلهه وية نور

-صار يابة شتنطيني

-ولا شي

-جااذا ماشليت كلبج منا بعد اسبوع يلة اروح

-ياحباب توفتني الدرس شتريد

-تعرفين طبخين

-يعني اكو اشياء ضابطتهه

-كيكة؟؟

-بس البالكاكاو

-اويلي يابة كومي سويلي

-ياا عزة استحي

فهد: - وليش تستحين

-مادري احسهه فشلة

-اي اذا اكلتي صير فشلة بس اذا كملتيهه وخليتهه بغرفة مو فشلة ضحكة

علي: - خير حبيبي شكو بغرفتك

-جا شتريد تاكل منهه والله لو تموت ويتعاركون انة ميتة ضحك

فهد: - شنو رأيكم الكيكة صير بغرفتي

امير: - اوو هوزلت ضربة ع رسة ليا ادبسز وضلوا يضحكون صدك يونسون

-يمتة تريدهه

-هسة بشرفج

-لا العصر تتاخر وهسة الغدة وهوسة

-شسالفه

-اي على مااكملهه للوحدة وانتظرهه تبرد واحط عليهه الكاكاو

-وايلي تحط عليهه كاكاو وتردين انطيك منهه لحلگك الجايف

...كمت حتى ابلش صاح علي امير

-دنفوشي شكد طولج

-ضحكت ليش

-اول مرة صير عدنة بالعائلة وحدة طويلة غير نور واگصر منج

-يعني جاي تعيب تمدح

غمزلي يخبلل يجيب التايه خررب متت خجل

-اويلي دنفوشي خجل الخدود طمامة اباوعلهم عمو فهد مدنك وبس چتافة تهتز والباقي يضحكون

-سخيف ضحك بصوت عالي رحت شفت المطبخ كلة نسوان استحيت احجي اكلهم اريد اسوي كيكة

اجوا كلهم دخلوا من باب المطبخ يسلمون اكلنهم اكل بالسلام كلهم الولد البنات الشابات وعمو فهد كلهن گصنة كص بعيونهن يا لعد حقهه المرة تغار حجة امير بصوت عالي دنفوشي موتنسن سويلي كيكة عرف استحيت نور كالت منو دنفوشي اشر علي هاي ماتعرفينهه مبينة من خدودهه دنفوشي كثري الكاكاو

-اووك راحوا مريم تخزربية وكلهن هيج يباوعن رحت وية نور جانت صفي بالطرشي بكاسات زغار ضليت اسوي وياهه وهنة يسولوفن مريم كالت

-شسوين ورا الشجر بس انتي وصگر بصوت عالي كلهه سكتت وانتبهت ساعتهه لو يذبحوني بساعتهه قطرت دم ميلگون بية

-ماجنت ويا عرس صديقتي ورحنة هنا لصالون ------- وجنت احجي وية ماما بالتلفون وخربطت وصلت هنا هوة جان هناك سئلني شسوين هنا وصارت السالفة

بقلم روان ✏

بقلم روان ✏

مريم: - اي صدگتج ضحكي ع اللمطاية لعندج مو علي

-عفوا تقصدين منو

-اهلج الزواجة

-احترمي نفس لاتغلطين انة ماحاجيتج ليش تجاوزين

-انجبي لج انة تالي عمري احترم گح-ب وبلا اخلاق

-انتبهي لحجيج وانتي راح تعرفين منو البلا اخلاق وذوق

-انة بلا اخلاق؟؟

-رحم الله أمرآ عرف قدر نفسه

...انة كلت هيج لو هاي جرتني من حجابي للگاع انجرحت ركبتي بهاي

اكو مثل الدواسة احنة نسميهه يم الباب اتجرحت رجلية باطرافهه تگص گص ونامت فوگي ومن شعري ملختني تملخ ومحد ادخل بس نور وام

احمد (المرة التشتغل بيتهم) يردن يوخرنهه مني ماگدران شون الهايشة وهاجت راشديات ع وجهي خشمي ضل ينزف مو كتلكم هايشة وع الصرخ اجت الزلم رفعهه عمو فهد من فوگي وصاح بيهه شسوين وكومني انة هنا بلا حجاب والكماشة انكسرت وشعري انفتح واتملخ حطيت ادي ع وجهي عبالي يريد يضربني

-والله ماسويت شي هية تغلط ع اهلي صاح ع نور انطيهه صخام خلي تستر نفسهه

مريم :- وعليمن تستر نفسهه هية گحبة

عمو فهد :- مااريد اسمع صوتج بصياح

حطيت الحجاب ع راسي واخذتني نور للحمام انترست دم اغسل والدم

يجري ماتوقف ونور يمي خايفة انطتني كلينس كالت رفع راسي رفعت ونفس الشي انترس الكلنس نور عززة بس لا كسر ورگضت شوي واجو عموفهد كال شو بابا خل اشوف انة مندگة اغسل انطاني كلينس رفعي

راسج حتى يتوقف حط ايدة ورا ضهري ورفعت راسي وكامشة لكلينس كلساع ابدلة لان ينترس دم

-نور جيبلهه حجاب وعباية بسررعه

ركضت بس حسيتة خف بين مااجت خاف الدم راد ياخذني هزيت راسي لا لان مرة هم جنة نشاقة انة ومحمد اخوي وضربني ونزف دم نفس الشي ومن رحنة ماكو مابي شي بقيت رافعة راسي انگطع غسلت وجهي ملابسي كلهه دم طلع هوة اجت خالة ام احمد جايبة ملابس بدلتلي نور لان رجلي مجروحة خرب يومهه مرة لو مصارع بدلت باوعت لرجلي دخت اخاف من الدم حتى نور خايفة كومتني رحت طلعت شفت امير واكف شافني دنگ راسة حسيتة مستحي مني

رحت لغرفة الحجة كوة امشي عمو فهد جان گاعد وراسة بين ادي من اجينة كام كعدت ع جرباية راحت جابت علبة انطتهه لعمو كلتلة عمو رجليهه مجروة ضمدهه انة اخاف اخذهه وكعد كتلة

-مابية شي عوفني

-بس خلي اضمدهن الج لا تتلهتب

-انة اضمد مايصير شكو انت سويهن

- موحرام علاج هذا

-بس عيب

رفع راسة خزرني كال منو تعرف ضمد

الحجية: - ولج يمة خلي يسويهن الج مو حرام بنيتي ولا عيب مابيهه شي

-لا مااريد

ام احمد :- انطيني يمة انة اسويهن انطاهه وطلع هوة جان معصب بس حسيتة هسة صار بركان ضمدتهن الي بس شنو شلعت كلبهه كلساع اوخر اديهه واصرخ كوة كملت حطيت راسي بحضن الحجية وابجي هية تمسح ع راسي شصار يمة ليش تعاركتن اندك الباب ودخل عمو فهد كعدت

عمو فهد: - ليش تعاركتن

-قصدك ليش ضربتج

-اي ليش

-هية كالت شسوين انة وصر ورا الشجر سولفت السالفه تكلي ضحكي ع الزواجة العنج مو علي ومن كتلهه احترمي مااجاوزت عليج تكول انة تالي عمري احترم ساقطات ومااتلفظ الفاظهه وسلفتله كلشي هز راسة وطلع هنة هم كلهم طلعوا انة نمت ونور تمددت يمي هية جربانة نفر ونامت يمي وكلساع تدفعني ونتعارك كتلهه اريد اشوف العشق كروري كالت بعدين اشوفجيا بقينة نسولف لحد مااذن صعدت صليت ونمت اجت نور كعدتي

كالت تعالي تغدي كلتله مااريد ورجعت نمت كعدت بال2 ونص لبست حجابي ونزلت لگيت الكل مجمع بغرفة الحجي والحجية تحجي علي لان مانزلت اتغديت اخذت نور ورحنة للمطبخ كتلهه اريد اسوي كيكة كالت يلة نبلش

-الولد مستحين منج خصوصا امير

-ليش

-على سوايت امهم امير راد يموت

-عرفتة من شافني دنگ وطلع نزلت اسويلة كيكة خطيية بدت اشتغل وهية يمي تباوع وكلساع تسئلني تريد تتعلملهه ودمرتني واحنة واگفين دخل ولد شاب يشرب ماي

-السلام عليكم

-وعليكم السلام رديت انة ونور اجت نور همسة باذني هذا كرار ابتسمت والتفت اباوعلة يباوع لنور وهية دايرة وجهه انتجة ع الكاونتر وكال

-انتي مرة صگر

-اي

-شنو اسمج

-روان

-امم حلوو شنو يعني

-يعني الزهرة البحرية واسم نهر بالجنة

-واوو حلو

-شكرا

ردت اسئلة ع امير هو راد يطلع صحت علي

-كرار

التفت عقج حواجبة منين تعرفين اسمي من ثولي كتلة

-مو انت حديث الساعة

-شنو مافهمت نور خرزتني انتبهت شجفصت

-مو من جان صگر هنا خو شفتة بس اسبوع دائما يحجي بيك وشفت صورتك بتلفونة وسئلتة كال كرار عرفتك

-اهاا شنو ردتي

-لاخلص ولا شي هز راسة وطلع واستلتني نور دگ رزايل انجبي كافي رگعتهه اقتنع

بقام روان ✏

https://youtu.be/PNDlJOxZvro

بقلم روان ✏

كملت الكيكة وبلشت بالكاكاو وخليتهه بالثلاحة ورحنة بالحديقة انة نايمة ع رجل نور وهية متمددة بالكاع سئلتهه ع مدرستهه والطالبات لان راح اداوم وياهه بقينة نسولف لحد مانعست ونمت هية هم غفت كعدت شفت عمو فهد يگعد بينة

-دكومون وين نايمات وخرت نور كامت حطيت راسي ع كاع ولميت نفسي ونمت هوة يحجي وياي

-كومي بابا وين نايمة هسة لا يطلع واحد من الولد وانت هنا نايمة كمت امط بجسمي رحت غسلت باوعت ساعة7 عزة شكد نمنة صليت ونزلت شفت مريم تخزر بية درت وجهي ورحت نزلت للصالة شفت زلم ونسوان كاعدة

كلت السلام عليكم الولد كلهه ردت النسوان نص ونص لا رحت وية نور جانو يسون بالعشة ساعدتهم كملنة صبينة انة ونور اكلنة بالمطبخ بس عود شنو ع الواهس اكلت اكل سوالف وضحك وية ام احمد كعدت ويانة سوالفهه تونس كملنة ومريم وخواتهه غسلن مواعين بعدين راحو شفت امير والولد كاعدين وعمو فهد وكرار حتى الجية وام صگر كلهم مجمعين برة رديت الطف الجو وياهم

-ياحباب يشتريلي

امير ابتسم كال شيريد دنفوشي

-يمة فديتك تشتريلي؟؟

-افف عليج كولي شتردين

-اوگف خلي اكتبلك لان هواي يرد نشوف فلم صعدت انة ونور ونكتب جباسة وعصاير وحب وكرزات كاكاو بالنوعيات لي ريدهه وكتلهه كتبي مصاص كتبنة بخمسة اهلي دازيلي فلوس 5 ورقات اخذت خمسة ولفيتهن بالورقة ورحت انطيتهن

فتحة شمر علي الفلوس وكال

-لاتعيدينهه

-مافهمت

-شافتني كدامج اخذ فلوس من مرة علمود چبس

-واذا يعني

-فتح الورقة وكعد يقرة بصوت عالي من كمل انتهبت ماگال مصاص

-لعد ماكو مصاص

-شنو

-كلت نور تكتب شنو ماكتبت

-المن

-الي ضلوا يضحكون علي مصاص بشرفج

...رحت خليت الكاكاو ع الكيك هية سويناهه دائرية كملتهه صار شكل يخبل ونور صور يمي وكلساع تاخذ كاكاو باصبعهه واضربهه جاب الحلويات وصعد كلهن فوك يلعبون بلي ماانتبه ع الكيكة صعدت لبست تراك البدي طويل نص الافخاذ وعريض يعني مستور ونزلت للكيكة كملتهه اخذت سجين وشوكة وحدة بس الة نور اختفت ضعدت اسمع بالصاله الفوگ دخلت

-الكيكة جاهزة طفر علي اويلي يابة كفختني الريحة يباوع الكاكو صاحو علي جيبهه خلي ناكل

-دنجبي سوتهه الي دنفوشي موو؟؟

-حتى جبت شوكة وحدة بس اللك

علي: -اخذهه واطفر

-لحضة اقطعهه واكلوا حطيته ع الطبلة جنت اقطع ودخل عمو فهد شافني عقج حواجبة ماعاجبة كعد وياهام كملت رحت جبت مواعين صغار وشوكات وزعتهن ع المواعين انطيتهم وامير كلساع يكل لواحد تاكل سم كون توكف بالبلعون ويتناگرون رحت كعدت بنصهم كتلهم اريد العب

محمد: - تعرفين

-اي شوي لاعبة من قبل

حسن: - تعالي خلي اكسر راسج

-ع كيفك يمعود ذكروني بالبداية علمني حسن همة صدگ توم بس ميشابهون كلش يعني مبنين خوان بس مو توم المايتفرق بينهن

بديت العب والتشجيع وهوسة ويلة روان ويلة اخذني الحماس وحسن لعبة قوي مدري شون جيت علي كول خرب كمت ضليت اطفر وهمة يرگصون وامير جير بفرگك علمتهه وگولت عليك هاي الحجي هوة 8 وانة 1 بس كل مايول يغلسون صدگ تونست امير كال الجنسية جيبيهه رحت جبتهه اتطيتهه شافهه وخرب ضحك انة جنت مسوية گصاب اثنين ومنزلة كذلة صورة قديمة وكعد يصنف ويشوفهم حسنين جيبهه بالله ماشفتهه كتلة انطينياهه واجر بيهه هوة رافع ادي وانة احاول اوصلة بس عمالقه اطفر عليهه ولازكة بي اخذهه حسنين ويضحكون

-مضغوطين مني شسويلكم وطلعت نمت والاحد اداوم كملهه امير بيوم بليل جهزت ملابس وكملت اندگ الباب جنت لابس دشداشة قصيرة لبست الروب وحطيت حجاب ع راسي شفت عمو فهد كال تعالي رحت ورا للصاله الفوگ

انطاني فلوس كتلة شنو هاي

-مصرف الج

-شكرا مااريد عندي

-ميخالف هذا مصرفج

-بس انة ماايريد كللش ضجت ماادري ليش

-روان انتي صرتي بتنه وهذا حقج مصرفج صگر وصاني عليج

-شكرا بس مااريد درت وجهي اريد اروح صاح علي لاتعوفيني وترحين من احجي وياج مو جاهل كدامج وكفت مجتفه واهز برجلي

-اوكفي عدل

-شنو رائيك اطگلك تحية بعد

غلسوا ع الاخطاء لان نعساننننة

بقلم روان ✏