رواية ابن الحشد و المجنونة الفصل السادس 6 - بقلم star star

اسماء :انتبهي لنفسج حبيبتي
زينب :اكيد حبيبتي
أسماء :بأي
زينب :وهيه ترجع لغرفتها لئن أخو أسماء بره وتستحي تطلع ) الله وياج
وفي الشارع )
علي :أجت أسماء
محمد :ياله أسماء امشي
أسماء :لحظة شبيك مستعجل أوف خلي أودع خالتي واروح
محمد :الي يسمع يكول تجين بالشهر مره هوه انتي أربع وعشرين ساعة اهنا بالسنة مره مرتين تجين لبيت أهلج هم كولي جذاب
أسماء :لا مو جذاب بس اني أحب خالتي كلش كلش الأم :يا عمري ( وهيه تشبك أسماء ) شوكت تجين حبيبتي
أسماء :خالتي شوكت ما تردين اجي
الأم :تعالي الجمعة حتى هم تشبعين من شوفت أهلج
أسماء :أي خالتي اوكي اجي الجمعة
محمد :لج ياله غير لزكه
أسماء :لا تدخل فهمت علاوي سلملي على زيزو
علي :ههههه يوصل
محمد :منو هاي زيزو
علي :هاي زينب تصيحلها زيزو هههههه
محمد :أيا خبله ياله ولج ورأي شغل
أسماء :ياله امشي
محمد :نشوفكم بخير بأي
أسماء :بأي
علي :الله وياكم
الأم :الله وياكم
وفي البيت )
زينب :خالتي هذا الشاي جاهز تعالو
علي :ممم شوفي ريحتة روووعه ياله تعالي يمه
الأم :أي يمه جايه انته روح
وعندما دخل علي )
زينب :شنو رأيك
علي :الله طيب عاشت الايادي زنوبة
زينب :شكرا ياله
علي :وين
زينب :علي خلي نطلع ضايجة أو هسه أكلها لي امي حتى نطلع
علي :لا زينب ما اكدر
أجت الأم )
الأم :شيصير يعني طلعها لمدينة الألعاب شكو بيها
علي :والشغل يمه ما اكدر
الأم :لخاطري يمه
علي :اوكي ياله زينب امشي بدلي ملابسج
زينب :شكرا شكرا خالتي لو ما انتي ياله اروح أبدل واجي اوكي
علي :اوكي استعجلي
زينب :ثواني بس
علي :اوكي
وبعد أن رحلت زينب )
الآم :يمه دير بالك عليها خوش
علي :يمه لا تخافين هيه ويايه لا تخافين عليها
الأم :ماشي يمه هيه بحمايتك
أجت زينب )
زينب :جاهزه ياله امشي
علي :ياله تعالي
الأم :الله وياكم
وفي الشارع )
زينب :وين سيارتك
علي :هذيج تعالي
زينب :اوكي جايه
وبعد أن صعدو السيارة )
علي :أي انتي شلونج
زينب :تمام (وهيه حزينة )
علي :زينب هذا وجهج ما يكول انتي تمام اكو شي انتي حزينة عليه
زينب :بغضب ) يعني أهلي عافوني شنو تريد اطلع أهلهل هاا
علي :لا حقج تكونين حزينة بس وعد الكه أهلج
زينب :هههههههه ضحكتني لو يحبوني من صدك جان أجو عليه
علي :لئن عبالهم انتي هسه ويه داعش فهمتي
زينب :بس هذا ما يكفي علمود اصدك هسه الكاهم فرحانين وما مهتمين ابدا
علي :زينب لا تضلميهم هيج كل شخص عنده أسباب زينب :يعني لو أهلك هيج يعيفوك شنو اتسوي هااا علي :ما ادري بس اضل ادور عليهم ما أفقد الأمل ابدا
زينب :يا أمل هذا يعني بعد الي صار وتريد يبقى أمل والله حتى أمل ماكو
علي :شوفي كلنه تجي هيج ايام صعبه بس بعدين كلها تروح ليش هيج متكائبة
زينب :يا الله أوف أوف هسه ماما يمكن نستني
علي :ماكو أم تنسى بتها
زينب :علي انته انسان رائع وكلبك طيب طبيعي هيج تحجي
علي :بس وعد يجي يوم تلتقين بيهم
زينب :يا الله أن شاء الله )
وفي بيت أهل زينب )
الأم :لحظة هسه جايه
الأب :ياله العرس رح يبدي وينج
الأم :اجيت ياله امشي
الأب :امشي
الأم :وأخيرا صار عرس جولان صديقة زينب يا الله
الآب :يا مره انسي وحده بهذا الاسم
الأم :هاي بنتي مو لعبة أشمرها وانساها
الأب :انتي تفهمين هسه البنية ماتت
الأم :شنو يبووو
الأب :لعد شنو عبالج بعدها عايشة هاا
الأم :لا تحجي هيج الله يخليك ما أتحمل
الأب :بس لازم تنسين بنية بهذا الاسم فهمتي
الأم :يا الله يا الله ما اكدر هاي بنتي ما اكدر أنساها شبيك بس افهمني
الأب :البنية هاي لازم تنسيها
الأم :صدكني ما اكدر يا الله ساعدني
الأب :اعتبريها ماتت
الأم :شنو يبووو بنتي يبووو
الأب :كافي اسكتي
الأم :يا الله يمه كلبي شلونج هسه
وفي السيارة التي فيها علي و زينب )
علي :زينب شبيج
زينب :روحي طالعة ما اعرف شنو اسوي
علي :لا تبجين وتحزنين خلي أمل
زينب :ههههه هم كال أمل ماكو أمل ماكو ماكو ( وهيه تبجي )
علي :كافي اهدي رجاااء زينب لا تبجين
زينب :علي ما اكدر مشتاقة لي أهلي موت والله
علي :ادري بس انتي ما تخلين أحد يحس أنج تعبانة نفسيآ
زينب :أوف بس لو اكدر ارجع الوكت يا الله
علي :حتى لو رجعتي الوكت ما تكدرين تسوين شي فهمتي يعني هذا قدر وصار
زينب :بس ليش هيج حضي اني دائما حضي هيج أوف أوف
علي :كافي لا تبجين وصلنا
زينب :أي والله (وهيه تطلع من السيارة )
علي :وصلنا
زينب :علاوي أريد شعر بنات حباب حباب أو موطه هم ياله علاوي
علي :هههههه حاظر حاظر خبله

********************
انتهى البارت 6 أن شاء الله عجبكم