رواية ابو عدوان الفصل الثالث عشر 13 - بقلم غير معروف

الثاني عشر

#ابو_عدوان

#مذاق _العشق

#بقلمي_نشوى_السلطان

ول يابه خمو بيدي شسويلج مطر خير هذا.. كون للصبح تبقى هيج __وين الله وللصبح اليوووم

- لااااا عليك الله اخاف والله اموووت..

\ هههههه الحل يولي تره نعسان واريد اناااام

_ تنااااام واني شلووووون لا حباااااااب

_ هااااا هسة صرت حباب ول يابه انتن النسوان بلووووة
راح انام جوه تريدين تجين تعالي.. ماتريدين شسويلج عاد

_ لاااااا بعد وكت واالله لا تنام.. اني شلون وين انطي وجهي

_ اكلج مطر قوي وغيم يعني الشغله مطوله شنو تريدين
ابقى للصبح كاعد اصد هجمات لو شسوي عليش خايفهً

_ لاااا الصوووت ياخذ العقل... دحگ دحگ ... صارت الدنيا نهارر
غمضت عيوني وكضبته ..لا تروح بداعة شمه اخااااف والله

_ ههههههه يولي شجاالج ترجفين بس اكفي خل ادور جداحة
اكعدي هين ابوي انتي بس انطيني مجال

_ لااا وياك والله وياك ماكدر وحدي اخاف ،، جرني من ايدي كعدتي عالطخم وكعد قريب مني.. كال هساع تجي الكهرباء
انتي ماتكليلي شنو فلمج جاهل خمو جاهل تره ماكو شي يخوف

_ لااااا مره يمنه وكعدت الصاعقة على بيت ...

_ اي يعني هسه شنو تخافين تكع عليج

_ اسسسسسسسم الله لا تفاوووول.. ماتكع ان شاءالله زين هاي شوكت ينكطع... اووويلي تلفوني فوك جان خابرت امي

_ هههههههههههه يول يابه انتي ااتحجين صدك لو اتشاقين
وين تخابرين امج الوكت تأخررر شتريد تسويلج يعني

اكعدي ابوي ماكو شي هنة جم صاجعة يكعن وهاي هي
كمزت عليه اييييي يعني راح يكعن النوووب موو

_ هههههه كولي ياالله بلجي فد خمسة النووب

\ انت ليشششش هيج تسوي بيه مو حررررام عليك تره والقران ميته خوف وروح ابويه اهجس كلبي راح يطلع من مكانوو

_ ول ياب كلبج شجابو ياالله شبيييي!

_ انت بس ابقى قلد عليه واني الخوف موتني

_ اكول يالعنود يعني متعجب هم ااكو شي يخوفج..،

_ لااااا تحجي اسكت راح تكع النوب دحك الدنيا صارت نهار دنجت راسي خليته على رجلية وبأدية الاثنين سادة اذاني اني

ارجف وهو يظحك وكو كاظب روحو.الدنيا انكلبت هوى عاااالي
وصوت الاشجار يخيييف.. سديت اذاني وكمت اقرأ ايات
ماخليت اية ماقريتها..كام الحيلو كال خل اتمدد بفراشي

_ ووووووين بروح كل غالي عليك لا تعوفني اموت من الخوف والله .. عندك رقم امي خابرلياهه .. حبااااب

_ ول يااااب اخابر على الحجيه هسة ادري شتكول علينا
بطلي هالخوف ماكو شي شبيج ماتكليلي تره ماجنت ادريً

بيج هالكد جبااااانه ذاك اللسان وين راح ول يابه .. عجل
طلع كلو بس حجي هااا... كومي اني اريد اتمدد تره مونايم
الي ليلتين والسبب ااااخ اللسبب.. كومي

كام الحيلو ولزمتو كتلو وين نروووح ها ضحك كال يولي اديج اتراجف هههههههههه دمشي اكعدي بالربعه ومن تخف ارجعي الغرفتج...

_ كمت وياه مشينه وكفت كتلوو خمو تنااااام وتعوفني..
لااا بس امشي .. ديربالج هاي جدامج الباب.. اكضبيني وامشي

مشينة الدحك فوووك عالجام تصيرر الدنيا نهار وارد ادنج راسي
كعدني بالكاع وكعد غادي مني.. كتلو تتوقع تخف اليوم..

لا ماتخف كالو سبوع تبقى دك مطر وكراكيع

_ لااا بدعة شمه صددددك شمدريك

_ ول ابوووويه شبيج اشاقيج هههههه هساع اني شمدريني
شوكت تخف .. الله اعلم .. خل اكوم اجيبلج عطى تدثري ونامي
تعال وين رايح ماكدر اناااام شنومني.. صاح ول ياب هساع اجي

صكع شبيج تصيحين اصبري جاااي .. طلع راح جاب بطانيه وياهه مخده..

كطهم عليه كال ماشوف كوه طلعت هذني يله شو جدامي
تغطي ونامي...

_ والله ماكدر شنومني وهيج الدنيا معتلكةةةةة

_ بلجي علك اردي شبيج جاهل انتي ول يابه هي تخف بس اهجعي ونامي .. يعني اني شذنبي لا البارحة نمت ولا اليوم .. والسبب

انتي البارحة لسانج جان يكط علينا صواجع واليوم الدنيا تذب صواجع راح اتمدد وانام مو تكعديني تعوذي الشيطان ونامي

_ هااااي شنو شو تمددت ونمت زين اذا وكعت النوب صاجعة شسووي...!! رفع راسو كال كال يعني اذا وكعت اني شسوي مثلا اكضبها لو اصدها .. ولج دنامي عاد لا تخبليني

شفتو ضاج.. فتحت البطانيه وخليت المخده من غادي خفت
يصير البرق واشوفه،، تمددت بالفراش وتلفلت بالبطانيه غطيت

حتى راسي...  كتلووو عادي مو مهم اصلا بعد مااخاف راح ابقى بمكاني وانت نام الله لا يحوجناااا على احد 😒

_ ههههههه خل نشوف تاليها .. واذا جطيتي يمي شلون

_ لاااااا عيني لو الدنيا تنكلب مااجي يمك نام ماعليك بيه

_ ول يابه ام اللسان عجل ياهو الجان مجلب ولازك بيه ويتراجف
اني راح انام ونشوف التالي شلون 

يحاجيني وميت ضحك يكهكه واني بداخلي نار وخوف  وكوه امثل دور القويه كمت اردد  واقرأ ايات... يمكن شوي النوب اختم

القران من خوفي .. مر ربع ساعه .. وهو على نومتو .. ولا حجة ولا كال بس خله راسو نام.. لكن صوت الهواء

جان مرعب.. .. واني صافنه.. وجان اسمع صوووت بالسطح
فد شي طار وانرجد بالكاع.. جمددددت بمكاني،. رفعت الغطى عن

راسي.، دحكت الهوى يربي شنو هذا اعصار،، واني ارجف
وجان يصير برررق الدنيه صارت حمرة.. وياهه وكعت الصاجعة

كمت الحيلي.. ركضت وجطيت يم روكان بدون شعور ماحسيت على نفسي الا واني شايلة البطانيه واندحست جوه،. هو صاد منطيني ظهرو.. من كظبته وصار حس بالسطح مدري شنهو انكلب
صد عليه .. وكام كعد الحيلوو ... كال شبيج شسالفه!

_ مدري شنو فوووووك .. هوى عالييييي شو الدنيا نكلبت
خاف هذا اعصااااار...

\ عصاريش يرحم والديج جطيتي عليه شبيج اخذتي عقلي
ماكو شي هذا الصحن طااار شبيج جاهل اول مره تشوفين هوى عالي .. والله مادريت بيج جبانه الا هسه 

_ ترره اني ميته خوووف انت شبيك راح اموت والله شلووون فهمني زين خاف اعصار لان ماصاير هيج هوى كبل

\ ول يابه بلجي اعصار يعقلج ،. وتسكتين هههههه صكع لا صكع
كتلج ماااكو شي هسه انتي جابج هين يمي..! وين جيتي

_ صفنت عليه واني مستحيه من عنده كتلو بس هالليله والله
بعد مااجي حباب.. ضحك كال بصوت ناصي ياريت كل يوم هيج
كتلو شتكووول!

_ اكولج نامي نامي ماكو شي .. كبل شوي جنتي تكولين الله لا يحوجنا هسه كبل جطيتي يمي

_  خفت والله موبيدي

_ ول ابويه انتي .. تعاي نامي عين غطى وعين فراش بس اللسانج اكضبي ولا تسولفين سوالف كبار ..

_ والله ماحجي شي وياااك والله  اني وين وانت وين

_ ديله نامي هسه لو تريدين اني انومج

_ تنومني شنووو ليش اني جاهل

_ هههههه والله عقل جاهل عجل شنو دنامي ياريت كل الجهال هيج

_ يعني شنوو..؟

_ يعني اسكتي يولي انتي بالعه مسجل لو شنو هاي خايفه وهيج عجل لو موخايفه شلون عفااااه كلبگ يروكان

اكول جودليه وحده ماتكفينا موو

_ اي كومي اسحلي ذيج وتعاي..

_ ماااااا اخاااف والله

_ عجل ابقى هيج هاي نومتج...

_ هيج يعني انام سووه ووو بصفك

_ عجل هسة انتي وين مو لاطشه لطش بأهلي  يرحم والديج ماتسكتين ههههه

_ حباب كوم جيبهااا زين اني وياك نكوم نجيبهاا

_ هي منووو ياالله..!

_ الجودليه شبيييييك

_ دنامي لا اذبحج خلاص شووو ناااامي يله ماسمع حسج بعد

_ شفتو عاط بيه وادري بي ضايج مني تحملت وتمددت بصفوو
بقيت لازكة بي كل ما يصير صوت احظنة .. واغمض عيني

منين اتلكاهه من الجوو من روكااان.. حسيت بي انكلب رفعت راسي .. صد عليه وماحجة شي.. مدلي ايدو.. خليت راسي عليه
كال اشوف لو تجيبين الجودليه وتنامين غادي مني مو احسن

_ هاااا هيج يعني.. شكد قاسي عجل انته

_ يولي موووقاسي  بس دكومي نامي غادي خفت ماكو شي

\ منين خفت دشوف شلوون المطر ززززاد اسمع اسمع زخت
يمكن حالوب موو

_ لا حصو هذا .. ولج هي حالوب دكومي جيبي الجودليه وتعاي

_ ززززين ليشششش مو اخاف .. جرر نفس عالي .. وكال ول يابه انتي حركتي اب ابويه تدرين لو لا

_ والله مااتحرك شبيك راح اسكت وكلشي ماحجي

_ شراح يفهمها هاي... ول يابه حرمة ونايمه بسدي..
ادري جماااد اني حجاره دكومي يرحم اهلج تره وريتني ور

_ دنجت راسي ماعرف بعد شنو احجي خجلت من نفسي ومن عنده ونفس الوقت انقهرت عليه رغم كل الي سويته بي لكن جان
ويايه حنون ونومني على ايده.. وماعافني وحدي كتله تريد اكوم انام فوك

_ منهو الي اينام  فوك انتي ..

_  اني غيرر اصعد شسوي

_ مو تخافين شلون تصعدين

_ لا خل اصعد لان اذا ابقى هين...

_ ايييي كملي شنو

_ اهووو انت بس تريد تحجيني كوه

_ ولج هي ام اللسان اني شنووو غير انتي تكولين اصعد فوك
كتلج ليش كطمتي السالفه.. ملعوووونه اخ منج

_ لا والله اني تعبتك ويايه عبالك خفت راح اتهمس الحيطان واصعد... جرني عليه كال اششش محد يصعد تكعين من فوك اسكتي ونامي

_ اليسمعك يكول تخاف عليه...

_ اكوول اهجس انتي كوه تيدين اتحارشين...

_ هاااااا

_ وصكع شعلو حسج اذاني راحوو

_ ضحكت كتلو شسوي وجهي قريب منك غير

_ اييي يابه اييي خلف الله عالهوى.. رحمتك ربي كوووون سبوع هيج عجل البارحة مامطرت هيج

_ هااااا هههههههه بسيطه
_

_ اضحكي شكو على كلبج .. بس روكان الواكع بيهاااا

_ والله من خوفي اضحك... اكول سيدي .. صد عليه كال حلوه هاي مال سيدي.. كوولي ول يابة

_ ماكوو شي بس ردت اشكرك..

_ على شنو تشكريني...

_ ممممم يعني اقصد هذاااا شسمه

_ دكمليها شبيج.. كولي اشكرك لان جطيت عليك الا شوي جان كسرت ضلوعك.. هههههه موو

_ شسوي والله العظيم اخاف... موبيدي

_ ول تره خفت عاد لا تخبلينا مابقى شي

_ اي صحيح هسه شوي احسن الحمدلله

_ عجل باجر اني اروح يم زينه انتي شلون تبقين وحدج

_شنووو يعني باجر تنام هناك

_ اي يابه مايصير لازم اروح يمها .. بعدين اشتاكيت الها

_ اي واني شعليه ليش دتكلي واذا شتاكيت الها غير مرتك اني راح اصعد فوووك انام..

_ هاااا بلشناا بس تره مو شوي وتنزلين عليه عايطة

_لااا ان شاءالله ماتنعاد

_ هاااا هيج..!

_ اقصد الهووى والكراكيع ...

_ اي ول يابه ادري .. ديربالج لا تكعين وانتي صاعده

_ وكفت الحيلي.. البييت اظلم .. الهوى خف لكن بعدها مطر..
وكفت صديت عليه كتلو يعني اصعد..

_ الخطية بركبتج تيدين تصعدين تبقين بكيفج

_ هااا وعادي يعني عندك ابقى فوك وحدي

_ هههههه ول ابوي اشلون وياج.. هسة اني كتلج اصعدي

_ مووو انت ماتريد ابقى يمك فهمتك من كلامك واني مستحيل ابقى يم احد مايريدني

_ ول مو انتي تفتهمين.. اصعدي يابه اصعدي.. تره اني بشررر
تعرفين شنو.. مره وزلمة وعرسان وبمكان واحد وفوك الضيم
لاطشه لطش بيه.. يرحم ابوج اصعددددي

اي اييي راح اصعد والله.. بس طلب اخيرر تربع وكعد الحيلو ..
اي ياالله كوولي اسمعج..

\ توصلني الغرفتي وانزل...

_ هاا اوصلج وانزل يعني تاخفين من الدرب مثلا

_ اي واللع اخاف حباب وصلني للباب وانزل اني اخلي يمي التلفون واضوي بي

_ امشي وامري لله تا نشوف تاليتج اليوم .. شوكت راح انام
مشى هو واني وامشي وراه .. لازمني من ايدي لحد ماوصلت اول درجة بعدني مو صاعده كال ها شكوو ماكو شي من شنو تخافين

_اني من الضلمة  اخاف اهجس احد يمشي ورايه والله النوب وياهه مطررر

_ اي هاي جنووون وراج يمشوون ... قابل شنو يعني

_جريت ايده حيييل لااااا صدك عليك الله لا هيج تسوي بيه

_ اصعدي شبيج كلشي احجي تصدكين...

_ صعد هو واني وراهه ،، وصلت الباب الغرفه.. فتح الباب وفات جدامي... طبيت وراهه.. كال وينو تلفونج ،.،

_ مادري خليتو عالجربايه ونزلت..

_ انطيناهه خل اضوي اشوف الايت وين،..

_ دقيقه.. مشيت اتهمس عالجربايه اني وياه ندور اتهمس
وصار بصفي..اني وياه بمكان واحد عالجربايه.. كعد واني صرت

ادور.. هو قريب مني.. مديت ايدي.. وجان تجي الكهرباء
كال ايي الحمدلله وهاي نورت الدنيا...

_ اييي الحمدلله ويا ما جت اني لكيت التلفون..

_ خمو بعدج خايفه..!

ادحك عليه كاعد عالجربايه بالفانيه .. والسروال.. اتذكرت قبل شوي جنت اني نايمه على ايده عزززه عليه شنومني يمه
كال هااا وين صافنه.. كتلو شكلت

_ لاااا صدك مأثر عليج الجوو.. اكولج راح انزل خمو خايفه

_ لا موخايفه بس اذا تريد تنام بمكانك ناااام

_ اي هو نازل اقفلي الباب ورايه ونامي ماكو شي بعد صفت الحمدلله

_ دقيقه.. روكااان

_ صد عليه كال.. اول مره تنطقين روكاااان ..

_ ابتسمت كتلو سيدي تنام بغرفتك

_ دحك عليه بطارف عينه كال لا اخذي راحتج

_ لا تخاف تره افرش بالكاع ماراح انام يمك ..

_ هههههه دنامي يحلوه ماعليج مني ..جرها ضحكة وفتح الباب
وطلع... ولا اهتم ولا كال خل ابقى يمها.. اوووف هالعزور الي

براسو من اكول خشم عالي محد يصدك...
طفيت الانارة.. وتمددت بفراشي.. وبديت اتذكر شلون جنت نايمه

بحظنه شلون جانت ايدو على راسي.. عطرو بملابسي.. صارت
بس مغرور .. اي مغرور.. والنوب يريد ينام يم مرتو.. وعليش

ديكلي اني شنو مثلا مينام.. باجر اروح الاهلي والي يصير خل يصير.. كطيت التلفون غادي مني ونمت... كعدت حسيت اكو

صوت بالغرفة.. رفعت راسي صديت عليه.. لكيتو واكف مدري شيطلع من الكنتور.. كمت كعدت الحيلي لميت شعري ونزلت ملابسي.. وهو صاد غادي.. كتلو ساعه شكد.. صد عليه كال بالثمانية

_ هاا بالثمانيه زين شددوو..

\ اريد ملابسي العسكريه وينهم شنو يم زينه بقن

_ مادري ماشفت ملابس هينه بس الي جدامك ماكو عسكريات
سد الكنتور وكاال رايح اني تريدين تنامين نامي..

_ دقيقه وين رايح...

شنو عندك دوام مو كالو عندك اجازه

_ اي بس صارتلي شغلة اكو جماعة معتقليهم ومن زمان ذول ادور عليهم لازم اروح بنفسي..

_ وهسه انت رايح يم زينه زين جيب من ملابسك هين عليش كلهن هناك.. صد عليه كال.. عليش اجيب هو كلشي هين مؤقت

_ يعني شنو قصدك...

_ يعني فتره وكلمن يروح الحاله.. يله اتوكل اني.. طلع وطبك الباب وراه...

كمت الحيلي .. فتحت الباب نزلت على كيفي امشي وراه..
دحكت عليه جان مستعجل.. فتح الباب وطلع...

نزلت للمطبخ .. فتحت الباب هو جدامي صاعد بالسياره.. نزل الدجة مال الباب الحوش.. مد راسه كال سدي الباب عليج

هزيت راسي اي.طبكت الباب وراح.. بقيت وحدي..
دحكت المطبخ العشى بعدو على حطته .. طبيت غسلت وجهي ..

تبرمت.. كمت لملمت ونضفت المطبخ كله.. كعدت سويت ريوك اليه تريكت وكملت.. وحدي يربي ضوجة.. صعدت الغرفتي..

طلعت هدوم روكان من الحمام.. غسلتهن.. وبقيت وحدي افتر
تغديت وحدي وصار المغرب وروكان مابين..  كمت كشخت وتعطرت وتمكيجت .. بقيت احوص وحدي

اطب واطلع وحدي  تربعت وكعدت عالدجة مال  المطبخ شويه وسمعت التلفون بالهوول يدك ركضت عليه.. دحكت رقم امي

اي هم زين والله مشتاكة عليهم. شلت التلفون كلت الووو
هلا يمه شلووونج

_ ضي.. ولج انيييي ضي .. عنود تسمعيني

_ دحكت هاي ضي وتصيح ومخوبصه.. كلتها شبيج تصيحين
شكوووو يولي شبيج..!

_ ولج امي طلعت لحكت جابر .. متجاتل هو وطلال شال المكيااار وطلع علية

_ عززززة عليح ولج ليش شصاررر امي عليش لحكتهم

_ ولج جة جابر.. اخذ المكيار وهد عليه ايكول اليوم اذبحو خلاص ماخذ ولج يكولون  فلوس من ابو عدواااان ...

_ شنووو فلوس مال شنو ماخذ يوليييي

_ ولج والله مادري بس هيج كال وطلع والعالم ملتمه وخابرت نجمة جاية بالطريق واني ارجف وحدي خايفه على امي لبست عباتها وراحت..

_ زيييين خابري ابو قصي خابري عمامي عزه علينا شلون مشاكل بهاللليل.. روحي هذا ابو عدوان دايتصل عليه..
كطعت الخط وجاوبت ابو عدوااان..  بصووت يرجف الووو

_ الوو الگووة شلونج يالعنوود

_ هلا بيك اشلوني انت وين

_ يواش يواش شبيج على كيفج  شو مدري شون تحجين

_ مادري خابروني اهلي طلال وجابر متجاتلين

_ اي لا تخافين على كيفج شبيج تبجين

_ اميييي اخاف عليها شلون هسه من الخوف تموووت

_ لا ياستار ماكو شي هسه اخابر ابو قصي بس لا تخافين

_ تعال عالبيت اني وحدي اريد اروح الاهلي

_ اششش محد يطلع الباب خابرت رواء راح تجي تنام يمج الليله

_ تنااام يمي شنو.. ورواء منوو

_ رواء بنت خالتي زلمتها مو هين هم بدوامو كتلها روحي يم العنود كالت اتعشى واطلع عليهاا

_ ليش وانت شنو بايت بالدوااام..!

_ لااا اني الليله يم زينه .. شنو نسيتي...!

يتبع... اكرر بدون تجاوز ربي يوفقكم القصه حقيقية وديتابعون

اكثر من الفين كلمه كتبت ادعولي اكمل الكم بالليل🤪

_