تحميل رواية ابتعد عني 🔞🔞 بقلم زينب علي pdf

ولجن خايفه من الامتحان اليوم ...

ليش ...

خاف ما اجاوب ...

يابه اذا مجاوبنه نغش ...

هههه ...

طبينه اني والبنات للقاعه جان عدنه امتحان فرنسي . كعدت بلستيج . كعد كدامي طالب اسمه سيف جان شاطر كلش وحته الطلاب جانو يحبو ويحترمو ...

الاستاذ واكف على روسنه . كلش متشدد اني كوه اباوع لسيف وانقش منه . شافني الاستاذ

انطاني اشاره انو انتبه لامتحاني حته ميطلعني من القاعه بسبب الغش .

مره مرتين نبهني مره ثالثه سحب الورقه مني وشمعها بلون الاحمر ❎ وصاح الامن وكتب بيه تقرير . اني غشيت ورسبني سنه كامله

من هذا اليوم يبدي الفلك يندار عليه . وبديت اعيش اتعس ايااام حياتي سنه ٢٠٠٤ هاي اول سنه بعد سقوط الصنم ..

جانت الاوضاع ابغداد صعبه حييييل وحته الي يطلع بعد ميدرون بي يرجع لو لا . واني كوووه خلوني اروح للكليه وهذا الموقف شلون راح اعالجه

.

.

*زينب علي *

مو هنا المشكله المصيبه الفضيحه كدام الطلاب والطالبات وشكول لاهلي غشيت ورسبت . كارثه ...

جان عدنه امتحانات الفاينل  . طلعت من القاعه واني ادور بعيوني معقوله هذا استاذ حسين فشلني وراح اعيد سنه بسبب الغش صدك جذب . ما اصدك . رحت للحمامات بجيت بجي يمكن عمري مباجيته .

حته بيومها استحيت شلون اطلع من الكليه ودموعي على خدي . وبعد الطامه الاكبر اهلي .

.

شسوي وشلون افاتح اهلي واكوولهم هلسنه هيج راح تروح مني ..

رجعت للبيت نمت من الخوف ما اريد اباوع بوجوه اهلي ...

وقررت انو اني اضل اداوم لحد ما اكل لامي اكو استاذ شد وياي ورسبني ...

.

لليل كرار اجه كال ها غاشه حظرتج اني نخبطت مصاريني .. عرف عن طريق واحد من اصدقائه وياي بلجامعه سمع بابا هلخبر . تخبل وكلي بعد تنسين شي اسمه كليه ...

.

كرار كل لابويه .. يابه من الحب هاي غركانه بلحب ...

يااا حرام عليك يا حب هذا ....

اكلي خره احنه وصل النا الخبر وكالو صفاء عدها علاقه وي سيف ...

لزمني حسن كطعني تكطيع وضربني وكسر راسي وبوكسيات ودك

ماما كامت تصيح عليهم . وتغلط عليهم اجه ابويه شافني كام يحجي عليهم . كالوله راسبه بسبب الغش من وره حبيب الكلب تغش منه لمن  لكفها الاستاذ ...

.

بابا والله جذابين والله جذب كله جذب ....

.

بابا كلب وجهه بس ما ضربني كلي خلاص كليه ماكو . اصلا عمج كلي عليج يريدج لابنه ....

.

شنوووووو . ما اخذ واحد منهم لو اموت ....

.

منو ماخذ رأيج اصلا ...

😢😢😢 بابا مروتك ما اريدهم ....

امي كامت تحجي مترجع لهناك بتي ابد نسيت شسوو بيه ...

انتي جنتي موافقه على كل شي من اول ما شفتج بلكليه وكلتي مستعده اعيش وياك ....

اني مستعده بس بتي ما مستعده ليش تعيش هناك والف واحد يتمناها هنا .....

ذوله الالف ميجون لاضفر ولد عمها شريفين وحبابين ويصينون المره . ...

.

*زينب علي *

بلا محمد رجاءا صفاء ما اطيها الهم لو اموت .....

هو منو ماخذ رأيج ....

.

والله يا محمد اخذ بتي واشرد . وما اخليك تعرف طريقنه ...

.

والله ثم والله ثم والله انتي مره وطالعه من ضهر رجال وعندج عمر وعايشه بيج خير وسوي الي براسج وشوفي شسوي بيج .. انتي اكتلج بيدي وبتج ازوجها غصبا عنج ....

يا ابن الناس . بتك هيه مو بس بتي ....

مدام بتي ما عليج بيها . اني جاي اكلج ولد عمها احسن الها ... لو احسن تضل تتمعشك حظرتها بلكليات ... تربيتج هاي الطايح حظها  ....

.

هسه صارت تربيتي .. مو صارلك عمر تقره براسها ...

.

جيناتج الخره مأثره بيها . ...

.

.

.

راح احجيلكم بأختصار عن عائلتي وحياتي ابويه وامي كلمن طائفه امي منفتحه كلششش عايشه بغداد وعائلتها غنايه كلششش وجانت كلش حلوه يعني جميله بشكل . ابويه من الجنوب ناس اهل عشاير ومعرفين شاف امي بلكليه وامي كتلت روحها على ابويه ولزكتله لزك ماتت عليه . بابا مو كلش يعني . هو يحبها بس مو كلش . اصلا هو ميعرف يعبر عن مشاعره عنده صعوبه وعصبي كلش وهووواي جان ينتقد امي ويذم تصرفاتها وخطيه ماما جانت كاتله روحها عليه وتتمنه تكسبه بجانبها . جانت بلليل تفوز عليه بحكم جمالها وبلنهار تخسر بحكم عصبيه ابويه وتشدده . كلشي سوت حته حولت لطائفه ابويه وهووواي تنازلت عله حسابه ...  يضل بابا عصبي وكلمته زمخ . طبعا ابويه عاش ابغداد وتزوج ابغداد وتوضف ابغداد . والي سمعته انو بيت جدي مقابلين على زواج ابويه من امي ...

وكاعده اني وابويه بدايه زواجهم وي بيت جدي شهرين وصايره مشاكل وماما جانت حامل بحسن اخويه فاخذها ابويه ورجع لبغداد لان وضيفته طلعت ابغداد هو مدرس ماده انكليزي متقاعد ...

.

.

وجانت ماما تكول ع كد ما احبه جنت هووواي اروح للكشافات علحساب تجيب ابويه للطريق . هههه ماما صاحبه افكار وبدع ههههه بس مره من المرات بابا لاكفه ومرزلها وضال شهرين ميحاجيها يعني عالس ماما خوش علسه لمن ماما حالفتله متروح بعد ابد لهيج مكانات

.

.

اني صفاء . شكلي بلضبط امي طويله وحلوه

وشعري كيرلي ودائما معتنيه بروحي لان جانت امي تحب هلشي واني عليها طلعت ...

جسمي حلو متاسق جان كلشي بجسمي حلو واحلى شي بيه جان عندي غمازات  .

.

اني ادرس اداب لغات مرحله ٣ ...

.

عندي ٣ اخوه اني الوسطانيه حسن اكبر مني واني وكرار وليوثي ....

.

حسن وكرار بعمر زواج وامي ادور الهم على مره ثنينهم يشتغلون حسن خباز هو صاحب الفرن ومخلص تربيه رياضه وكرار كهربائي وطالب هندسه كهرباء . طبعا المحلين طالعات من البيت مالتنا وابويه يكعد وي كرار اذا طلع كرار يأسس كهرباء لان بابا من تقاعد تعب خطيه حيل والي يشوفه يكول اكبر من عمره ضغط وسكر وذبحه فجان يكدر عليه يلتهي وي كرار بلشغل من يطلع يأسس كرار بابا يضل واكف بلمحل بمكانه .

وليوثي يوكف وي حسن اخويه يساعده بلخبز

.

طبعا علاقتي بأخوتي زينه بس همه صعبين كلش

بس ليوثي بعده صغير خطيه حباب بس هم من يكبر يسودن .. اخوتي ورثو تصرفات بابا كلش . بس اني اخذت طبع امي ...

.

فرق بيني ما بين امي . امي حبت واني رافضه فكره الحب اسااااساااا والزواج ومسسستحيل هلشي يصير ابد بحياتي ...

.

.

.

.*زينب علي *

.

.

.

( عائله اهل ابو حسن عايشين بلجنوب )

.

سلام عليكم

اني محسن ابن ادم  طولي ١٨٦ حواجبي طوال ومعروف عليه الي يميزني عيوني خضر فاااتح كلش اله الي يركز بيهن يلا يشوف لونهن رموشي طول حنطاوي . ...

عمري ٣٨ سنه

جدي عنده ١٢ ولد وجان مفتخر بيهم كولهم ولد عشاير وخوش زلم ترباااة مضيف كل ولد جدي اسمائهم على اسماء الانبياء مدري شنو قصته هههههه

وبلفعل بادي بأبويه ادم ومنتهي بعمي محمد ابو حسن ..

.

ولد عمامي ولد حموله واحنه ناس نزع ونحصد يعني فلاليح .... عمامي كلمن كبر مزرعته وخلاها بيد فلاح والوارد يوصله لدون تعب ... اله ابويه ادم . ما قبل نجيب فلاح ابد وجنه من دون الناس نفلح ونزع ونحصد وما طببنه اي فلاح غريب ولان هاي كاعنه فاحنه احرص عليها من الغريب وبلاخص بستاني جان كلش ضخم واشكااال زارع بي وجان الوحيد بستاني بسمي والبقيه كلها بسم جدي حته بساتين عمامي وكيعانهم . وسبب تحويل البستان بسمي جان جدي يشوفني اني انشط واحد بين ولد عمومتي واني اكبر احفاده ويعتمد عليه بلصغيره والجبيره هو مربيني  ويعتمد عليه حته اكثر من ابويه . واني دائما ويا بلمضيف   . جدي جان كلش ضالم ومعروف بضلمه وبلاخص لبناته يعني عنده البنيه حالها حال الحيوان .

اني متزوج عن حب شفتها طالبه مدرسه صغيره بعدها واخذتها وتزوجتها وراحت ايام وما صار عد فاطمه بس ايه شكد داوت شكد عالجت ما صار عدها بعد . وجان هذا الشي الي كاسر كلبي عليها .. احبها وهي تحبني وماكو واحد راح يسكت عليها لان بس بنيه وكعدت وسكتت ...

.

بعد مرور ١٦ سنه على زواجي وايه صار عمرها ١٤ سنه اهلي كولهم قاطعوني وجدي هدد ابويه اذا حاجاني او وصلي راح يسحب المزرعه من جوه ايده ...

.

فاطمه حبابه وفقيره ومؤمنه وحلوه ومطيعه وتموت عليه .. واني هم احبها وما اريد فراكها . عشت وياها ايام احسد روحي عليهن ما يوم من الايام طلعت عن طوري وشوري ابد وكفت وياي بلحلوه وبلمره وحته جانت تحصد وياي تربات عشاير بعد وانتو قيسو ...

.

بعد مرور فتره فاطمه توفت وجان عدها سرطان الثدي جان من اصعب ايام عمري جنت اكضيها دماااار متت بفراكها . جان صوتها مينسمع شريفه الى درجه مستحيل الكه مره مثلها وره وفاه فاطمه . امي ضلت تلح على زواجي صح جنت محتاج مره بس اني تعبان مو خلك هيج قصه وجدي ضل يلح كلي انو لازم اتزوج وابويه خطبلي وحده من السلف وصار عندي منها ٣ بنات كأنو الله ما قاسملي الولد ...

حته الي تزوجتها هم فقيره وحبابه بس مو مثل فاطمه عدها فهاوه شويه بس مع هذا يعني نكول كايمه بلواجب  ..

كبرت ايه بتي وتزوجت واحد من ولد عمي لان اني اكبر الاحفاد واخذ الدهر عليه هوووواي . امي وابويه كاتلين رواحهم ويردون وريث اليه ولازم ولد يشيل اسمي من بعد موتي .

.

.

.

.

.

* انتظرني قليلا سوف اعيد ترتيب حياتي وعندها لن يكون لك وجود *

.

شجابج يبت بغداد على ابن الجنوب ...

حياتج تختلف وراح يبيعوج بمكان كاع ...

احداث البارت القادم ...

تحياتي للجميع ...

زينب علي

* هلقصه اكملها حسب تعليقكم انتو اذا تحبون تكمل اريد تصويت وتعليقات

محسن :

.

وحده من سفرات جدي لبغداد ورايح لبيت عمي محمد شايف ولده شواغيل وسائل عنهم بلمنطقه وحمدو بيهم وكايليله يردون يزوجون فضلت فكرت انو ولد محمد مياخذون غربه وبنات عمامهم اوله بيهم .

وبعدين هو عارف عنده بنيه اسمها صفاء  . وخاله اباله انو يزوجنياها . هههههه ...

.

الي سمعته من جدي كايل لابويه عن صفاء بت عمي محمد وكايله خل نخطبها بلكي بعد هلسنين يجي محمد ويشوف كاعه صايره البوررر .

.

هلكاع تختلف عن كاعي يعني هلكاع مو اليه بس جدي منطينياها اني اديرها  اني استصلحتها طبعا عن امر جدي والوارد اني وعمي محمد بلنص  في حال اذا رجع واذا ما رجع راح يوهبها اليه وكلي انو اني اتزوج بت عمي واني رفضت رفض قاطع وخلاص كلت لجدي انو ينسد الموضوع وجدي جان يحبني ويسمعلي كلمه فما حجه بعد بلموضوع .

.

.

اني ما قبلت زواجي من بت عمي لان اني اعرف عمي محمد ليش طلع . من وره مرته تالي عمري اجيبلي وحده عايشه بنص بغداد وتارسه وجها مكياج ودارسه ومتعلمه واكيد ماكو واحد ما ماشيه ويا ...

اني جنت صغير جان عمري ١٣ سنه من تزوج عمي محمد وجان زواجه اجباري غصبا عن الكل لان هو جان يحبها هووواي كعد ابويه ويا وسولف وكله مترهم تجيبها لهنا وعمي عيسى هم كعد ويا وسولف وراد وعالج بس عمي جان مصر يتزوج وحده من بغداد والي عرفنا انو هيه حته مو من طائفتنه . بيبيتي ام ادم كتلت نفسها وجانت ضامه لعمي محمد بت اختها اسمها سميه لان حلوه ومدللة وعمي محمد اخر ولدها ومتعلم فتريدله وحده مرتبه وحلوه تلوك بي بس هو ما قابل بيها  وضل يدك رجل اله يتزوج البغداديه ...

.

تزوج عمي محمد من خالتي فاتن ام حسن وجانت صدك حلوه من تزوج جنت بعمر المراهقه جانت خالتي تتغزل بعيوني تكولي عيونك تخبل طالع على عمك محمد وجانت متلبس مني حجاب مع العلم اني جنت جبير . حته استحي منها .. وجان ولد عمامي كلها فاااكه حلوكها عليها هاي تصرفاتها جانت ما وارده عدنه بس هيه متعرف هلشي جانت تصرف بفطاريه بس احنه وبلاخص وي جدي متفيد وخلو عليها علامه اكس فشدو وياها اله يطلكها وهيه ضلت تبجي   .  عمي اخذها وراح سافر بيها رغم جانت الدنيا كلها مقابله بطلعته  وكلها قاطعته وبلاخص جدي حته جدي من راد يطلع كله اذا طلعت تنسانه كله الله وياك بويه مرتي حامل ما امدر اتخله عنها  وراح ...

.

فأني مستحيل ارتبط بوحده مثل بت عمي محمد اكيد تطلع على امها هيه ما بيها شي بس اني مترهم رجال جبير تجي وحده من بغداد عاداتها غير عاداتنه وبيئتها غير بيئه اجيبها يم مرتي وبناتي صغار مستحيل مترهم ....

.

.

.

صفاء ...

سمعت جدي وعمامي كايلين لابويه انو واحد من ولد عمامي لازم كاع ابويه ومسجلها جدي بسمه واذا ما تزوجت اني منه انتهت بعد هيه اساسا بسم محسن بس ابويه اله حصه فخيرو بيني وبين الكاع وابويه مختار الكاع بمكاني ...

.

.

.

شافني بابا ...

شلونج صفاوي ...

زينه 😢😢😢 ...

لبش بابا تبجين ...

بابا انت بعتني ...

منو باعج ...

انت ...

ماكو هيج حجي ...

علحساب الكاع بعتني ...

بابا محد يدوملج واني مريض واهم شي عندي انتي لازم أمن على حياتج ومستقبلج والكاع واردها الج بس ليش حرامات هذا حقي وابويه ما يبقل ينطيها اليه الا تزوجين .. وصدكيني يا بويه ما يخلوج خلافي . عندج ولد عمام كومه محد يقبل وجدج عايش شمالج انتي ...

بابا اكو محاكم اكو قانون ...

انتي بنيتي صيري حبابه وسباعيه ...

خلي ثقتك بيه والله مسويت شي بلكليه ...

ادري مو اني الغشيم .. اني مربيج .....

.

حظري روحج زين ولتنزلين راسي يكولون كعد ابغداد وما عرف محمد يربيها بزرته ما بيها خير .. اريد اراويهم بنتي شنو . من جنتي صغيره جنتي تلعبين بلطين حته رجليج ابوسهن هسه من كبرتي راح تنزلين راسي ...

لا بابا ليش هيج تحجي لو اموت ما اسوي هيج شي ...

معناتها تسمعين كلامي وتسوين الي اكووولج عليه ..

.

شلت هم بكدددد الجبل ابويه ومتحامي عليه وصارت مسأله اثبات ذات وابويه رايد مني اشيل راسه وما ترهم ادنك راسه ....

فشله اصغره بين اخوته ١١ اخو عند ابويه واني اصلا حاطين عليه علامه حمره من وره امي اريد ارويهم بت بغداد شنو ....

.

.

.

بعد مرور فتره اجو ثنين من عمامي وفاتحو ابويه  كالوله عن محسن سمعت بي ارمل ومتزوج وحده وعنده جهال .. يمكن هاي جانت اسوء خبر سمعته بعمري كله ...

.

ابويه جان مصدوم بس بعد ميكدر يحجي . اني كولت لبابا ما اقبل اخذه شنو ذنبي اني اخذ واحد متزوج ليش اني الي اضحي ليش اني ليششش وحد عن الدنيا كولها  . بابا ما قبل كال لتناقشين ابد

.

بديت امل من حياتي  ويوميه احس روحي تريد تطلع واجو هلمره ٣ من عمامي والي سمعته اسمائهم عيسى ويونس وابراهيم وكالو انو اروح وياهم حته هناك يعقد عليه . بابا ما قبل كال اني اطيتكم بتي واعز من روحي الي يريدها يجي ياخذها من بيت ابوها شكد حاااولو ويا ما قبل كال الي يريدها يجي ياخذها معززه مكرمه ...

راحو عمامي وره فتره اجه ابويه كال خابرني ابو محسن اخوي وكال راح نجي وكل لامي انو تطبخ خطيه ماما تعبت بلطبخ وسوت تاجينه وسمج واشكال . حته تراويهم عود اني زينه كامت تسوي وطلع وتحط . شكد تكسر خاطري . اثبات الذات شي صعب . ...

المهم وره ساعتين اجه جدي وعمي ابو محسن  ابويه خطيه التبك وجان مظهر الفرح بادي عليه لان ابوه وهو يحبه ومن زماااان فضل خطيه عبالك واكعين عليه من السمه بعد هلكطعه الطويله

.

فجان يبدي جدي يكله محسن احسن ولد ولدي  ولسه الله مرازقه ولد وعندي امل الله يرزقه ولد من بتك لان اني اساسا حلمت بيها . وشي ثاني ولد ياخذون بنات عمهم احسن الهم من غيرهم احسن ما يتغربون وينسون اهلهم وناسهم مثل ما غيرهم سوو ابويه نزل راسه عرف الحجي عليه وامي ماتت من القهر . ابويه كله هلا بيكم شوكت متجون تعالو اعقدو واخذوها . كله ما نجي بعد صفا ناخذها ويانه . تفاجأء ابويه منين يعرف اسمي . جنه احنه نشوفه  من باب الصاله .

كله ليش تاخذوها معدها بيت . بيت ابوها مفتوح الي يريد بتي يجي ياخذها من بيت ابوها . عاط بي جدي كله كاعدلك ب ٢٠٠ متر وتكول بيت اني فاتح بيتي الف متر الها واخلي محسن غصبا ما عليه يجي لبيتي ياخذها مره ...

ابويه سكت جنه اقتنع بلقضيه . اني بعد ما اتحمل . طبيت سلمت . ردو السلام بس مكامو اني هم ملحيت وياهم كوتله ليش جدو غصبا عنه يجي ياخذني ليكون انوب محسن مقابل بيه ....

.

باوع لابويه ورفع حاجبه عود قصده هاي تربيتك ..

التفت اليه كلي شحده ميقبل غير اكسر راسه ...

شنو تكسر راسه قابل لو لا ....

بابا : صفاوي اطلعي ...

بابا تقبل اتزوج واحد مقابل بيه ....

قابل بابا قابل ....

شنو قابل يا بابا ....

اطلعييييييي جاي اكلج .....

.

عمي ادم ... لا ليش اطلعها تعاي عمي كعدي شوفي تره الرجال المره هيه الي تكسبه لصالحها وبلكي الله يصير عندج ولد ...

ههههه والله يا ربي ...

بابا انت قابل لهل حجي ....

طبت امي سلمت سلمو عليها وسحلتني وطلعتني ..  

.

.

.

* ان كنت ضالم فأنا غيرهم *

.

يا ترى شلون حيقبل محسن بصفاء وكل هاي المأمره ميدري بيها ...

توقعاتكم للقادم

#زينب_علي

.

هذا البارت حسب تصويتكم هم اذا تجاوزت ٣٠٠ تعليق انزل بارت ثاني اريد تعليقات مو سمايلات اريد اعرف رأيكم بلقصه وتوقعاتكم بلقصه

.

.

.

ابويه مقبل كله صفاوي تاخذوها من بيت ابوها هناك منوصل ...

بسرعه كام جدي كله محمد هذا اخر حجيك . تردني واني جايك بعد عشرين سنه ...

ابويه ضل مستحي كله ما ترهم بويه بتي هم خطيه ...

يعني اذا تلكه واحد يستر عليها وابن عمها احسن من الغريب يصيحولها خطيه لك وين عايش بيا قرن بيا زمن ....

بويه يصير خير اني اجيبها ...

لا هسه تجي وياي ....

بويه لا مشتريلها ولا جايبين الها حاجه . ثاني شي ما  ترهم تروح وحدها ....

وليش وحدها تعالو كلكم لمن تشوفها راحت لبيت رجلها وتأمنون عليها عود ذاك الوقت روحو ....

انطينه مهله عاد نحظر هدومنه حاجاتنه ...

اني كاعد شورايه سياراتنه وحاظره لمو غراضكم وتعالو . وبيها جيبو الولد وياكم يشوفون ياهي الي تعجبهم ...

.

شعوري بهذا اليوم مينوصف لاول مره احس اني مكسوره وحته دموعي متنزل كضيتها كلها صفنات معقوله ابويه هيج يسوي لو ها هيه قسمتي هاي . واكثر شي استحيت من صديقاتي اذا درن بيه متزوجه بلعرب وارمل  هسه شيكولن عليه . للعصر كملنه لم غراضنه وصعدنه بلسياره فجان عمي ادم يسوق وجدي بلصدر ابويه  بلوره وحسن وكرار بصفه واني وامي وليوثي بلاخير . جانت مثل الكيه هسه بس لا مو كيه ما اعرف شنو اسمها حديثه مرتبه ..

اول نا صعدت بلسياره حسيت كأنو اني جاي ياخذوني للاعدام حصرتني البجيه . ضليت ابلعم كل ساع امسح بدموعي . وامي تصبر بيه يمه والله تحبي ولج والله من جان صغير حلو وينحب  دصبري وخل نشوف شيصير ..

عمي ادم كام يباوعلي ضل يباوعلي من المرايه وابويه كل ساع يلتفت يريد يشوفني ويدور وجهه يكول تردون ماي بس يباوعلي . اني ما اخلي عيني تصد بعينه ابد لان بس اشوفه ابجي مستحيل اكدر اكمل عبالك هاي فلم ومتانيه شوكت هلمشهد ينتهي .

.

وصلنه للبيت حسيت انفاااسي بدت تنتهي كمت اجر الهوه جر مع العلم جان الهوه يخبل بس ما كدرت احس بي .

.

طبيت للبيت حسيت ابويه انسااان ثاني . بدت الضحكه بحلكه تعجبت عليه شلون اله كلب يضحك واني مهضومه هو هذا الاب الي يكولون يحس بوجع الابن قبل ما يحس بي الابن لعد وينه اشو ما شفته بأبويه ...

اول ما داست رجلينه عتبه باب بيت جدي اجتي مره عجوزززز تركض محمددددد يمه وليددددي يا بعد عمري وشبكت ابويه وابويه ركض الها شبكها وثنينهم يبجون ...

امي كالت هاي بيبيتج ام ابوج .  عرفتها بيبي ام ادم ...

سلمت عليها لزمتني كالت يمه غاليه من ريحه الغالي وبوستني وكالتلي احطج بعيوني . باوعت لامي صفح كالت اهلا ام حسن شرفتونا ...

.

امي سلمت عليها خطيه سلام زين بس بيبيتي مو كلش مثكله بس من ادور وجهها على ابويه اخسها فاكده عزيز وهسه شافته خطيه كلش متلهفه عليه ...

بوست اخوتي هم .

صار بوجهنه ديواااان شكبررره ابويه كال لطبون بلديوان هذا مال زلم روحو جوه .

رحنه جوه . طبينه بعدها جنطنه محطوطه واني واكفه اجن عماتي وبنات عماتي ونسوان عمومي وبنات عمومي كلها تباوعلي  عبالك جايه من امريكا مو بغداد ...

جنت لابسه ثوب ابيض كصير حلو كلش وشايله شعري بقراصه

اول ما كعدنه جابو جاي . امي كرصتني كالت اشربي كوتلها ما اريد هيه كوه .

ما اشرب جاي تسلمين ...

ياااا جا جبيو بارد ....

ههههه بارد والله يا ربي حجيتها بكلبي عود تقصد ببسي . 

جابولي بارد شربته . شويه وسمعنه هوسه بلديوان ...

.

وصار الحجي بصوت عالي . اني لبست حجابي وعباتي وطلعت .

شكو رحت على الديوان سحلتني وحده اسمها زينب الي فهمته هيه عمتي .

كالت مالج شغله . همه يتصافون بينهم عليج بلصافي ....

شو هذا مو صوت ابويه واخوتي جريت ايدي حيل منها ورحت وامي ورايه طبينه للديوان واسمهم يصيحون ابويه يكله احترم نفسك .

وجدي يكله سوي الي اكلك عليه ..

و ولد شاب يكلهم طلعو هلشغله من دماغكم . زواجي مستحيل ....

.

اني طخت عندي فهمت انو هو اصلا مقابل وعرفت ليش جابونه لهنا لان هو اصلا ميدري  .  والا ليش ما قبلو ابيت ابويه العقد يصير ....

اني بعد ما تحملت طفرت من مكاني ...

هو منو الراضي بيك اصلااا ... كلها التفتت الي وصفت عليه وعم السكوت .

جدي كلي اطلعي بره ....

وليش اطلع ....

التفتت لابويه .. بابا قابل تهين كرامتي ...

جدي صاح امشي ولي منا ادور كرامه ....

ابويه صاح حجايه وحده اخذهم واروح الي يجاوز على صفاء متجاوز عليه ...

كال محسن . عمي انت هنا ابيت ابوك محد يمنعك عنه بس اني تعذرني زواج ما اتزوج ...

كله بابا براحتك ما اجبرك عليها الف واحد يتمناها ...

كوتله هو اني اصلا مقابله بس علحساب بابا لا اكسر كلمته ...

كلي اي ولد بغداد احسنلج  ....

اني انقهرت من هيج حجه كتله شمدريني شافو الامل بيه لان خلفتك كلها بنات ...

التفت اليه حيييل وخزرني بعيونه وقرب عليه . وكف بصدره حسن اخويه كله هددددي ابن عمي وين تريد توصل ....

باوع لحسن مقهور حسيت الشراؤ جاي يطلع من عيونه . شوف حجي اختك ياااا ابن عمي  ....

صاح حسن يلا بويه مو كافي هلمسرحيه ...

ابويه كله يلا ...

صاح جدي ويييين بعدكم هاي اولها اكعدو ونتفاهم ...

كال كرار جدي الي شفنا كافي ...

كله جدي من شوكت تحجي الصغار ...

رد عليه كرار بصوت عالي اني مو صغير وبعد حظرتك شايفني هيج هاي مشكلة عيونك مو مشكلتي ...

جدي باوع لابويه كله عاجبك هلحجي ....

ابويه كله لتحجي كرار اسكت روحي صفاء هذا ديوان زلم على ساعه واحد يطب . كلي لامج باجر نطلع من الصبح ...

صار بابا ... طلعت التفت شفت محسن رفعلي حاجبه اني هزيت بدي هو خزرني . اني ضحكت وطلعت .

.

.

.

صبو العشه وكملو تعشينه وكملنه   . اني حجيت وي  بنيه انتي شسمج هنه لتمن وحده وره الثانيه عبالك جانن يستحن وكلهن كامن يعرفن على ارواحهن وحده وره الثانيه . وحده اسمها ساره كلش حلوه تخبل عيونها مجرورات وصاحبه حواجب حلوه .

كلت لامي يوم شنو رأيج ناخذها لحسن تلوكله كالت هاي بت منو ؟

والله ما ادري ؟

سالتها انتي بت منو يا عمامي كالت بت ادم . كتلها هاااا اخوج الشفيه محسن مو ؟

كالت اي بس عكدت حاجبها ضاجت من حجايتي . ..

عفتها ورحت بس هيه هااادئه وحلوه وحسن عصبي تفيده هيج وحده هادئه . ...

.

كرار كل لامي لتشوفيلي مره منا اني احب وحده وياي واخذها لتعبين نفسج ....

ضل بس حسن ....

لليل اجو اخوتي ورادو ينامون كتله حسن شفتلك وحده تملخ .....

لابشرفج اكو وحده بهلجيشه هاي تملخ ....

ولك عليها عيووووون ادوخ .....

شوفي اذا طلعت وحده  من بنات عمي ادم اكوملج  اشبعج دك ...

شمدريك ...

عرفتج سكط الكبر الفج عندج ١١ عم مالكيتي غير بت عمج البعير ...

وانت شعليك بأبنه اصلا احسن اليه رفض اني اخذ واحد ارمل ومتزوج شكو ...

اكلي خره شايفه شكد كسره هاي بيج ....

دولي انت الثاني ...

منو لج دولي ...

كاااافي . متشبعون نكره انت وختك شنو قصتكم . صاحت ماما . ..

.

ثاني يوم اجه جدي كال لحسن كل لامك خل تختار وحده من البنات . كله كدام الدنيا كلها كلهن اقبل بيهن بس ولا وحده من بنات عمي ادم ....

.

.

.

.

* العين بلعين والسن بلسن والبادي اضلم *

ابن عرب وخله هلمصيبه براسه .... هههه

توقعاتكم للقادم ..  زينب علي  .. 

..

..

مثل مجاي اقدركم وانزل واشتغل ع حسابكم يا ريت لو تقدرون تعبي هم

طفرو ولد عمي ادم رادو يملخون حسن تمليخ هم ٦ وابوهم بس ميكدرون يسون شي بحظور جدي  كله عمي ادم وشبيهن بناتي ...

كله حسن شريفات قانتات عابدات صائمات مصليات مؤمنات خيرات بس ما اريدهن ....

*حسن جان كلش محركاني وينطي الصاع صاعين *

عمي ادم كام يفرفح كله ميصير تكسر بيهن وانت ابن عمهن هسه شتكول عليهن الناس ....

.

محسن كاعد بعييد ويفر بلسبحه كله بويه لتهتم هذا رد فعل . والا هو يطول ياخذله وحده منه . هذا ابن بغداد متشفي كلبه بناتنه ....

.

كله حسن . وانته شكو تدخل ...

.

كام محسن كله  ... هاي حكم ربك خلاك ابن عمي غصبا عليه اتحملك  ....

وعافه وراح ...

.

جدي كل لحسن اي وحده تختارها ويطلبها لسانك هاي صارت الك ....

.

حسن كله واذا ما اطيتوني الي اريدها ...

جدي كله تخسسسسي اني اكلك كبع وخذ اكو واحد يعترض جلمتي ...

لا مو شفت موقف محسن اثر بيه كلت مالك حجايه ...

.

جدي ضل صافن ويباوع لابويه عود عاشت ايدك خوش عرفت تربي ...

.

ابويه رزل حسن كله اعتذر لجدك . حسن هم اعتذله وباس ايده ...

.

كاله راح اختار وحده اسمها ساره من بنات عمي ادم ...

.

ضحك عمي ادم رتااااح كأنما ماي بارد ونزل على كلبه . ..

كله جدي ها ابو محسن شنو شورك كله بويه الشور شورك ....

كله ها هيه مثل ما كتلك كبع وخذ ....

.

.

.

وره شويه اجه محسن وسولفو بلموضوع مر حسن من يم محسن صاح محسن  ايهااااب درب الجلب ع الكصاب .

.

حسن كل لكرار . كررررار ما باركتلي راح اخذ وحده تطلع بنات بغداد بلحسن ...

.

محسن صعدت عنده اجه يمه كله شوف لك سكتت الك هووووواي من اجيت لسه تكمز لتخليني اكسرك هنا تكسير احترم نفسك واسكت ....

.

وانت شدخلك مرتي واحجي بيها ....

لك عرض السكط انت شنو من مله ملتك .. .

. واحد لزم ياخت الثاني وبده يردون يتعاركون . اجه جدي صاح محسننن حسننن ...

ثنينهم التفتو اله كله حسن اعتذرله اخوك الجبير هذا وابن عمك ...

😑😑😏😏 ....

يلا حسننن بسرعه اعتذر منه ...

عذرني خويه .....

عافه محسن وراح ....

.

وراها بيوم عقدو وخلصو وراح حسن يطب يشوفها  مقبلو كالو بليله العرس يلا يشوفها   . 

.

امي كامت تحجي هاي شنو ليش هيج هم خطيه حسوني ...

اني خليت الها مكياج شويه امها كامت تحجي ما يصير ما ترهم عدنه خاف اخوتها يكتلوها ...

شنو يكتلوها صارت على ذمه رجال مالهم دخل بيها ...

طب محسن وجدي وعمي ادم وابويه اني جنت لابس ثوب اسود صلوخ حيل وهاده شعري واصل لخصري

شافوني محسن طلع وجدي كام يحجي عليه شلابسه متستحين . طبعا اني مهتميت لحجيه ابد . لان ادري راح ارجع ...

لليل رادو يرحون كلت لام محسن خلي ساره تبات هنا كال محسن لا ممنوع ...

اجه حسن كلي شلونها ساره كتله حلوه تخبل . ..

اريد اشوفها شلون ...

شمدريني شسويلك اني هسه ...

كال باجر لااازم اشوفها ....

كتله خل اشوف بلكي اكدر ادبرها ....

ثاني يوم كوتلها تعاي عندي شغله وياج . طببتها للغرفه وشويه وصحت لحسن هيه طفرت كال لا يموتوني ....

ضحك حسن كال منو الي يموتونج هههه ...

كلها تعاي اريد اشوفج ...

كامت ترجف . صفاوي خيه لا تعمين عليه يرحون يكتلوني ...

هههه منو الي يكتلج واني موجود . انتي مو مرتي صرتي ....

شويه واندكت الباب حيل ... سااااااره صوت محسن ...

فتحت الباب اني وضلو ساره وحسن جوه .

ها ...

ساره وين ...

شمدريني  ...

راحو يدورون  . كتلها اطلعي طلعت تركض شافها محسن لزمها بأيدها وين جنتي ....

ها هاااااا كامت تمتمت جنت بلمطبخ ....

ليش هو المطبخ منا ....

اجه حسن وكف بصفها . شتريد منها انت ...

لزمه محسن دفعه من صدره وكعه بلكاع .

كله خايب دول منا ....

جر ساره كامله حسن تعال وين ماخذها . وتصايحو واله شويه يتضاربون . اجه جدي كال شكو انتم شنو قصتكم ما تصفه بيناتكم ....

كله محسن كل ساع ولابد وي ساره ....

طفر حسن . لابد وي مرتك مرتي هااااي حلالي شيخصك انته والله همجيه هلوادم هاي ...

رجعله محسن ياهو الهمجي لك وضربه بوكس بوجهه ...

وردو واحد يتعارك وي الثاني . تالي جدي كام يحجي على محسن كله بويه هاي مرته وحلاله ...

كله ياخذهة لبيته يلا مو هنا  ....

اخذ ساره وراح . كلها متوصلين عتبه بيت جدج ....

جرها حسن . كله متروح ....

رجعله محسن كله انت زعطوط اذا خليت راسي براسك اسودنك بس انه لسا متحملك فصير ادمي احسنلك ....

اجاهم عمي ادم شكو يابه شبيكم ٢٤ ساعه تتناكرون متستحون المفروض انتم اقرب ولد صترو نسايب شمالكم ....

عمي تقبل يسحل ساره سحل كدامي ويريد يضربها ...

اجه محسن كله اني مو مره واضرب حرمه احترم نفسك ولتضل تمضرط ....

كله عمي ادم . بويه حسوني محسن ما يضرب خواته ماعدنه مره تنضرب احنه ....

سكت حسن ما حجه شي . ومحسن اخذ ساره وراح  ...

.

انوب لتفت لكرار كله انته ما شفت وحده عجبتك ....

كله كرار مروتك جدو لتلتفتلي ....

جان لازم عوجيه . ضربه على كيف كله جدو شنهي اصلب طولك شويه . واختارلك مره ...

كله اني مثل ابويه عاشق وحده من اهل بغداد ....

عوج حلكه جدي كله الخلف ما مات . وعافه وراح ....

شاف ليث كله انت منين تاخذ ...

ليث كله خو شي اكيد ما اخذ منا ....

كم منعول الاهل وبيت الاهل ما ياخذ منا . ما اعرف بزرت محمد كلهم رخيخين ما يعجبوني ....

ليث كله جدو تدري كم شناو اسوي هسه احفادك يسون شناوو ...

هز ايده جدي وطلع ....

.

طبعا اني اباوع لاخوتي واضحك صدك عايشين احنه بعالم يختلف عن عالمهم . ههعععع ....

لليل صارت مشيه وطلابه بين الجوارين . ولتمو ولد عمامي كووووولهم ...

وصبو العشه ونخبصت النسوان والزلم .

اني كمت اساعدهم لبست مانتو طويل حلو وشالي ولفيته عدل وخليت قراصه من هاي العاليه شويه يكعد الشال عدل ...

اول ما طبيت للمطبخ كالن راح يجون الولد يشيلون السفره ...

واذا يعني شنو قابل راح ياكلوني ....

ضلت وحده تباوع للثانيه ...

طب محسن يضحك هو وابن عمي يونس اسمه رضوان ....

شافني كلي شعندج هنا ....

التفتت عليه وانت شدخلك جاي اساعدهم بلصب ....

امشي اطلللللللعي .....

ذبيت الجفجير من ايدي . ليش تصيح هااا  ما اطلع شتريد تسوي بلا ....

التفت محسن لرضوان كله اطلع روح صيح جدي ولا تجي هنا بعد ...

صاح محسن لعماتي ما كلتن لهل مخلوقه زلم عدنه وميصير تضل مبنطره شتكول علينه العالم ...

.

اتكول الي يعجبها طبها طوب اني هذا لبسي العجبه والما عجبه يسطفل ....

يسطفل مو . اني اعلمج .....

اجه جدي ها خير شكو ....

محسن كله لو اني اطلع لو تكل لهاي ما تطلع من غرفتها لمن تخلص المشيه ....

وشعدها طالعه . روحي جدي ما ترهم هنا توكفين ....

اني جاي اساعد عماتي بلصب ....

روحي جدي روحي اول مره قابل هنه يصبن لو صبكم ابغداد يختلف ههه ...

محسن هم ضحك . وطلع  ....

.

طلعت من المطبخ واني شابه نار وادردم وكلبي محموس

طبكم مرض اني صوجي كاعده واساعد اني لو مخليتكم مثل الخدم تجيبون وتحطون الاكل كدامي انعل ابهاتكم لابو ساعه السوده الي الله راوني خلقكم

.

.

.

* ستصغي اليه يوماااا ما **

توقعاتكم للقادم 

lo__94__94

زينب علي ...

صار بعد يومين كون لازم نرجع حته انوب نبدي بتحظير غرفه لحسن حته يتزوج واتفقنه انو باجر عكب باجر كون لازم نرجع لان الولد هم عدهم شغل وعلى باب الله ومحلاتهم مسدوده ...

.

.

.

ثاني يوم كعدت الفجر عطشانه اريد اشرب ماي نزلت شفت الجو حلو اللله يخبل كون هسه واحد ياخذله فره مدام كلها نايمه  كلت حته محد يلزمني ولا يكشفني طلعت بلمزرعه تخبل وهوه يجنننن لكيت كصب شطول الوحده طبيت ما بينهن مشيت وفتريت جاي امشي طمست بطين يبووووو طحت بجيحه كلها طين كمت اطبب رجل واطلع رجل وكلما امشي انزل بلطين زايد اني كلت راح اغرك . يربي وين اروح شفت ثنين زلم لابسين دشاديش بيض يربي سترك راح يجوني يا اللهي راح انفضح كوه رجعت سحلت روحي سحل . ركضت حسو عليه اجه واحد كلي منو هنا . اني كتله اني انيييي ...

ياهو انتي منين ديرتج  ...

داير وجهه هو ميباوعلي ...

اني صفاء  ...

اووووووف نفخ بصوت عالي ... يا صبر الله شجابج لهنااااا ...

طلعت اتونس ....

تتونسين الساعه ب ٥ الغجر . مخبله انتي شي ....

.

رجعني ...

مخلفج وناسيج امشي ولي يلا وين الله كون جدي يشوفج حته كتلج حلال ....

هو عدكم اليطمس بلطين كتله حلال هو هذا المبادئ الي تمشون بيها ...

دشوفي روحج تنصبرين كل حجايه اكبر من جثتج شطلعج بس اريد اعرف شطلعج . متستحين متخجلين محد مربيج ...

ما اسمحلك هيج تحجي متربايه احسن منك ....

شوفي لج . تمشين منا وبسرررعه لا اصيح صوت هسه الم عليج السلف كله هسه ...

لمه متلمه رجفتني ...

شو تعاااااااااااااااي ...

سحلني سحل ويا . وداني للبيت ودفعني حيل وكلي منا لمن تولون ما اريد اشوف خلقتج اندفشي بلبيت ونجبي . وطبك الباب حيل . على طبكه الباب كعدت بيبتي وعمتي ...

وين جنتي ...

هااااا 😱 جنت بره اشم هوه وكعت بلطين ....

عمتي دكت على صدرها كعدي لا يكتلوج ولج خو ما احد شافج ....

لا محد شافني . وطبيت للحمام غسلت ورجعت للفراش والنومه طايره من عيني شلون راح يجيني النوم وهذا ابو عيون كل ساع يطلعلي بمكان ....

.

صارت يوم الجمعه والتمت النسوووان الضهر لم  وشويه شويه بدو بيت عمامي يجون واحد وره الثاني .

واني ما طلعت من الغرفه ابد .

مدو السفره شكبرها وهاي من ضمن عاداتهم يوم الجمعه كلها تنجمع العوائل وتاكل عاى سفره وحده . كعدو الزلم والنسوان سوه بس بنات عمامي وعماتي الشابات يعني بغرفه على كتر .

صاحتلي امي يلا صفاوي كوي . كمت كعدت بصف امي . كامو ولد عمي كلها صفنت عليه

اشرلي محسن روحي يم البنات بلغرفه . اني رفعت حاجبي اله عود مااااا . اكعد هنا غصبا عنك ...

هو كال عمي محمد دير بالك خاف واحد منكم يطلع يوكع بلطين ...

اني فهمت هو يهددني عود راح اكول ...

كله ابويه لا محد تطلع شعدهن طالعاات ....

اني كلت خل اكوم قبل لا انفضح كدام الزلم رحت للغرفه كوتلهم ما اشتهي انسدت نفسي . رجعت لغرفتنه اصلا ما رحت يمهن . حته ما ابين اله اني سمعت حجايته . ولو هو الي راده صار كومني من السفره بس احسن ...

.

هليوم كضه كله مشاحنات كل ساع اريد اتعارك كمت اتناكر وي ذبان وجهي . وعرك بلعيون هو يخزرني واني ارفع حاجبي عود اكله ممهتمه ...

.

ثاني يوم رجعنه لبغدادددد الللللله يا ديرت هلي ما اجه محسن علساس عنده حصاد . اني جنت اتمنه اشوفه واقره عيونه شيكولن . هههههه

.

وصلنه للبيت لكينه البيت خايس والمسواك طالعه ريحته والكهرباء مكطوعه والمسواك مكطن . بدينه شغل طلعت الكعده مال ٩ ايام هناك متتتنه تعب اني هلكت نجلف ماكو ...

وراه اسبوع جابو اخشاب لغرفه حسن واشترو الفرشه واشترولها ذهب ونيشان حلو جان بوكتها ب ٣ ملايين جان كبل بدايه السقوط المهر قليل مو مثل هسه نخلي ال١٠ ملايين يطيرن  ...

.

خلصنه الغرفه وراها انطيناهم خبر احنه راح نجيكم ...

اني هلفتره كووولها محسن ما اجه ابالي بس جنت افكر بعيونه وحواجبه . بس مو كلش .

.

.

.

.

روه فتره هم رحنالهم وهلمره بدلت ولبست تشيرت اسود جانت ستوها نازله اغنيه البرتقاله  اني لبست وتمكيجت  هناك وركصت هناك ذبيت لحم اني وامي وهنه ما قصرن هم كفلات ويركصن يعني زين اعراسهم مو مثل مجنت متوقعه وجابو مغنيه وكامت تغني بعدين جدي كام يحجي كال جيبو مله ما ترهم هاي كاوليه معروفه فشله من الناس هم اصلا عدهم عادي هناك يجيبون مغنيات هنه مو مغنيات بس هيج هنه يدورن اعراس وفرقه عدها . زواج حسن جان كلش حلو وتونسنه بي لوما الحر الي متنه بي بس مع هذا حلو . وكلها كامت تصيح بسمارك منك يا لوحه .

.

.

.

وتزوج حسن بغرفه جدي لان ما قبل كله ابد هاي بنيه وعرضها عرضنه اخذتوها وتهمتوها  تزوجها هنا وباجر الصبح نريد بياضها وحلال عليك بعد ما النا شغله بيك روح اخذها وروحو ...

حسن ضاج مات قهر بلاول لان محظر الغرفه خطيه ويجيب وينكل علخساب اول ليله عرس بس خابت . ههههه

فضطر يزوج بغرفه جدي فرغوله الغرفه وبيبتي نامت بغرفه عمتي ختام و جدي نام بلديوان . والله وره ساعه طلع حسون من الغرفه وجهه يضحك خطيه حبيبي وفرخان بيها وهيه جانت ايه من الجمال ...

.

وبده الطلق والرمي وصل للسماوات كل ساع عبالي مدفع راح ينضرب . وطلع هلمري كله من عمي ابو ادم ومحسن طبعا هلشي علخساب سمعتهم يعني بتنه بت بنوت وهاي كدام الكل حته خاف واحد يحجي باجر عكبه وهيه رايحه لبغداد ...

.

.

.

طبينه لكينه ساره خطيه مستحيه وتلملم بروحها وامها كاعده تشاورها اني لازمتني الضحكه . رزلتني بيبتي وخالتي كالت عيب انتي بنيه تسمعين هلحجي ...

هههه اي عمه طالعه ههههه ....

.

ثاني يوم حسن كعد ب ٤ الصبح وكعد اني وابويه وكلها سولاها انذار يلا خل نرجع يمعود يبو المروه كعدو على صوته كلهم هسه نرجع .

كله جدي خل تطلع الشمس عاد وروحو وراكم طريق ...

حسن صار اعصاب كله اذا ميطلعون اخذ ساره واولي يلاااا كووومو ...

كله جدي ولك اكعد شبيك مستعجل ما شبعت من امس لليوم ...

شعليكم والله حلوه هاي شبعت لا مرتي واريدها وبيتي واريد ارجعله ....

كله جدي خل يصير الصبح نذبح ذبايح ويجن عماتها يباركولها ...

شكرا جزيلا اني هناك اذبح ذبايح واذا جان على المبروك كولو للكل ساره تكول الله يبارك بيكم  بس خل نروح ....

ابويه كام يصيح عليه كله انجب واسكت اكعد شويه خل تصير ال١٠ واروح ...

صدك تحجي انت يا عشره والله عبالي نص ساعه ساعه يردني اضل ٦ ساعات . شو ساااره يلا لمي هدومج وخل نطلع ....

رحت ورا . حسوني خيي شبيك . انطي مجال ....

دولي كتلني الحر والبك ما اعرف هنا حته البوسه تطلع معيديه خل نولي احسن النا ....

والله صدك اجو اهلها جايبين اكل كومه . شافونه مبدلين ....

كالو وين رايحن بعد عدنه طقوس ...

حسن راد يتخبل كووووه صبرو لثمانيه الصبح .

وراها رحنه حسن وساره بسيارته ردت اصعد وياهم كال وين نحطج امشي روحي وي اهلج   . رحنه بسياره كرار ومشينه . الطريق كله حسن يسولف وي ساره ويضحك نباوعله من بعيد كأنما انفتخت قريحته وهيه لابسه عبايه ومقرفصه روحها بلصدر تقرفص عبالك راح تنخطف ... ههه فديتهم يخبلون .

.

.

.

* بسمارك منك يا لوحه *

منو يعرف شنو معنه هلكفله هاي . وشنو بلا اكثر كفله تحجوها بلاعراس ...

.

.

.

سوو تاك لصديقاتج خل يقرن القصه وياجن . وعلقو حته يصير عندي واهس اكمل ...

# زينب علي

وصلنه للبيت جماعه حسن كلها درت وكووولها اجت وجوارينه وخالاتي وخوالي ونسوان خوالي وذبح حسن ٤ طليان وجابو طباخين طبخوهن وطبخو تمن وطرشاله وروبه  وكلبو الامه . والله وره ٤ ساعات اجن سيارات طبكن ترسن الامه ترس اصلا احنه بيتنه مياخذ هلكد من الناس وكعدو اندحسو دحس محسن كل لابويه رميتو لو لا ...

كله ابويه مترهم هنا ترمي بغداد اوضاعها تعبانه مو مال رمي ...

كله جا اذا اوضاعها مترهم ترمي بعرس ابنك شعندك ضال هناك وخرط سلاحه ورمه اول طلقه ثارت من سلاح جدي وراها لزمها ولد عمامي واحد وره الثاني وابويه كلهم اسكتو فضونه هنا البيوت صغار لتروح توكع تايهه مالنا خلك الحجي ...

عاد همه وكفو رمي . بس جدي كبش يتأفأف وكل ساع وكل لبابا شعندك ضال مترجع لشوكت هيج تضل مخربط .

.

طبت ام محسن جايبه الها ضبه فلوس هاي واجبات بنات عماتج ما كدرن يجن ولبستها محبس . وكعدت وابوها لبسها كلاده ومحسن جايب الها ملاوي ...

همه طبيعتهم هداياهم ذهب . وكله من هذا الثكيل المربوش ربش نقوش مال عرب ....

احنه حته التخم جبنا نااازك حلو

عمامي ضلو يدبجون لحسوني وكل ساع يكفلوله كفله . وره شويه دكو جوبي والتمت الزلم الكبار عمامي و ولد عمي ما عدا جدي ما وكف وياهم كاعد على الكرسي . اني اباوع من البرده الفوك . الي قاد الركصه محسن وخل السبحه وبده يدبجون وجانت الدبجه تخبل بعدين التمت الشباب والي قاد الدبجه ايهاب ابن عمي يونس بس جانت الدبجه مال الكبار حلوه احسها ثكيله و وقره  ....

احلى شي اخوتي صافنين كلشي ميعرفون يسووون ...

.

اني اباوعل من البرده الفوك امممم يخبلون 😍😍

.

صفاااء يلا تعاي ...

ها ماما اي جايه ...

وره شويه نزلت للمطبخ ساعدتهم اجه ابن خالي احمد شلونج صفاوي ...

هلو حمودي شلونك ...

انشاء الله يوم الج ...

هههه بعد وكت اريد اخلص جامعه بلكي يقنع بابا ...

انشاء الله هههه ...

جاي اسولف ويا واجه محسن كله شعندك هنا ...

وانت شيخصك ...

واكف وي بت عمي وتسولف وتضحك ولازملك ركن وتكلي شيخصني ...

بت عمك هاي بت عمتي تصير مو غريب اني ....

انت مو غريب . تقبل اوكف وي بت عمك هسه ...

شو دروح ...

جره محسن لزمه من ياخته كله تعال لك . انعل والديك اذا وصلت يمها بعد ....

لك تغلط عليه ناقص ...

منو لك هااااا منو لك . يحجي ويخزر بي ويجر بياخته منو هو الناقص وضربه وصارت عركه شكبرها . اجو عمامي يركضون ها ها ها ها شكو .خير وفاككوهم ...

.

احمد كله ربو ابنكم يلا تجون تحجون ...

كامله محسن هد عليه مره ثانيه ضربه بوجهه طاح احمد وخشمه كام يصب دم ودشداشه محسن وايده بيها دم ...

اخر شي اجه جدي كله محسن بويه شكو ...

كاعد يدك فج  وي صفا ويشاقه وياها ....

ابويه كله محسن عمي هذا ابن خالها ورابين سوه ....

.

التفت عليه جدي كله انت ركصت الجوبي نسيتها عاداتك وتقاليدك ما تنساها . حاله حال الغريب واذا ابن خالها لو هاي بغداد اثرت بيك . صدك اذا كالو من عاشر القوم ٤٠ يوما صار مثلهم . انته صارلها عمر تغسل بمخك ضل عندك عقل ....

.

بووووويه جاي اكلك رابين سوه . والولد حباب ما عنده شي ...

.

عجييييييب لك شنو انت من مله ملتك ...

راح جدي وطلع وراحو وراه عمامي كعدو بلحديقه . وره شويه اجه محسن صاح لساره باسها بلمطبخ بس هو حسيت بي طب يريد يشوفني ...

.

جانت عيونه تطاااير شرار عبالك يريد ياكلني . صرفن ردانه ونزع عكاله وغسل الدم الي بأيده والي بدشداشته  . سلمو وطلعو . محسن كل لابويه عمييي بتك ناهي عليها محد ياخذها ....

.

ابويه كله جب ادب سزز . اكسر راسك ...

صاح محسن بصوت عالي . ولد عميييي صفاء بت عمي محمد ناهي عليها والي يكرب الها هاي كدامكم يصير الدم للركاب ...

.

صارت عركه بين ابوين ومحسن وكل ساع ابويه يهد عليه . كله جبناها الك ما ردتها اريد اشوف من ينطيكياها ...

كله عجل خليها يمك وخل اشوف واحد ماخذها والله والله لايصير الكتل اول ماله تالي ....

.

.

.

وكله جدي ها هيه الرجال يريدها بعد شلك شغله انت . بت عمه ورايدها على سنه الله ورسوله ...

.

بنتي وما انطيها اله لو يطك راسه بالف حايط ...

.

محمد ضارب شي بدماغك انت صاير بيك شي .....

.

ما بيه شي بويه بس صفاء ما يلوحها ونجوم السما اكربله ...

محسن خله وطلع بس كل لابويه بصوت عالي صفاء الي وما تصير لغيري وبيوم الي تطلع زفتها لغيري جنازتها تطلع كبلها ...

.

امشي ابن الكلب انعل ابو تربيتك . ينهي عليها والله اله ازوجها لرجال يسوه راسك طايح الحظ ...

.

محسن ضحك ضحكه بستهزاء . وطلع ..

جدي كل لابويه . ابو حسن عندك هلبنيه اذا صارت لغير محسن تتمنه تشوف اضفرها بعد ....

.

ابويه ضل صافن لا ياخذ ولا يطي تفاجأ من حجي جدي ليش هيج صاف وي محسن . شنو السبب . .

.

وره شويه راحو كووولهم . وضلن خالاتي يصيحن ويحجن وامي تحجي واني هم ما قبلت خل يولي . شيريد يسوي يسوي . حسن موقفه مو مثل الاول وكل ساع وكال محسن رجال كدها احسن الها اذا خذته ...

حسن خير انشاء الله بعدك مصارلك يومين من تزوجت شبسرعه فتر الديلكو عندك ...

مو افتر بس ابن عمج حباب ومعايز شي وشي ثاني هو نهه عليج ...

ومن شوكت تعترف بلنهوه انت ....

من اليوم هههه ...

فرحان كلش بلعافيه عليه حته اخوي ضدي ....

منو ضدج ليش مكبرين المسأله انتي مو رختو علحساب يعقد عليج هناك . وجان هلحجي ابويه قابل بي . هسه شعده ما بده رافضته ...

انت مو سمعت حجيه شلون ...

امداج وحده غيرج تكتل نفسها عليه يغار عليج وحاسبج عرضه ...

شو دروح انت ...

.

اني كمت حته ساره اضوج منها كلش كرهتها . بس هيه خطيه هادئه وما الها دخل كلش مسالمه  وتساعدنه كلشي تشتغل عبالك مكينه ولا تتعب خطيه وهاي ما صار الها بس سبوع ...

.

وره فتره اجو عمامي وجدي ومحسن كولهم . جايبين وياهم ذهب وجابو فلوس وشيخ .

.

احنه اصلا ما جنه ندري بجيتهم . طبو علينه .

كعد محسن على اعصابه طب ابويه . باوع لمحسن شعندك جاي ...

جدي كله هو هيجي الحجي . كوم محسن سلم على عمك ...

كام محسن سلم على ابويه . ابويه ثكل بلسلام ويا ...

كله شتردون اخذو بس صفاء شيلوها من بالكم . انخطبت وانطيتها ....

كام محسن من مكانه وهذا الي خطبها يدري بيها ابن عمها ناهي عليها ..

بلا نهي بلا بطيخ . هلحجي ميوكل خبز وياي ...

جدي كال الشغله مو هيج متنحل هيج وعلشي ما يصير عركه وعمام يصير الزعل من الطرفين تالي من وره صفاء ومحسن يتخابرون الكبار يصير هلحجي ...

كله بويه جاي ابيتي ويكلي انهي على بتك قبل كم يوم جانت يمه ويكلي اخذها وروح محد دز عليكم هسه صارت عزيزه ....

.

جدي كله هسه اني راح احلها النهي يوكع . ها محسن ؟؟؟

محسن اشر براسه يوكع ها هيه لخاطرك عمي ...

جدي كله واني خاطب بتك لمحسن ...

.

ابويه ضل صافن كله بتي هاي قطعي مني اعز من روحي الي يأذيها يأذيني والي يجرحها يجرحني والي يمسها بحجايه ماسني الي ...

عمي . صفاء بت عمي عرضها عرضي والي يأذيها يأذيني واذا عقدت عليها تصير مسؤله مني ومرتي وشرفي ...

.

ميخالف صفاء الك بس بشرط ...

جدي كله ابوحسن تتشرط على ابوك ...

كله بويه اعذرني محسن متزوح وعنده جهال . وبتي مدللة ما تكعد وياهم ومهرها غايبها ٣٠ مليون ...

.

كال جدي هاي وين صايره بويه شنو القصه حالها حال ساره مثل ما انطكايها وكلك كبع وخذ انت هم احسبها الك لان انت جاي تنطي لاخوك ...

بويه رجاءا بتي واريد أمن عليها باجر عكبه طلكها لان تجيب بنات ...

.

عمي اني متزوج ثنين لا الاولى طلكتها ولا الثانيه طلكتها هلشي ميجوز عدنه بس المعيوبه تطلك ....

.

تقبلون مهرها هيج لو لااااا . غير هيج ما انطيها ....

.

ضل صافن محسن اخر شي كال مشتريلي كاع بس اريد افتهم ...

كله عمي ادم يلا بويه رايدها اعقد وفضنه واذا ما تريدها انت حللتها بعد وفضنه وخلنه نرد بسرعه ...

.

محسن : يلا شيخنه اعقد ...

.

الشيخ شكد غايبها وحاظرها ...

محسن : هاي لخاطرك عمي حته تعرف شاريكم ٣٠ غايب و١٠  حاظر ...

.

لحظه بس خل اكل للبنيه حته تحظر روحها .

.

.

.

* صدمة كتلك قد تفقدني صوابي *

راح تعقد صفاء وراح يصير حلالها خل نشوف شلون ...

.

.

بروخ ابهاتكم علقو والله خبلتني حته معندي واهس اكتب

.

تحياتي لهديل ونزار احلى حبيبين ديتابعون القصه وياي فديتهم

#زينب_علي

شلووون شلووون . بابا صدك تحجي ...

اششش ولتحجين شسويلهم يعني ...

ها شسويلهم مو اني اطلع احجي وياهم ...

انجبي وحظري روحج يريد يعقد الشيخ ...

يا عقد بابا يا عقد هو منتظري مال وحده تريد تزوج ...

بابا لخاطري اذا عندج معزه الي طاوعيني ...

شطاوعك ليش هاي مسأله ينسكت عنها . بابا هاي مسأله حياه او موت ليش بابا ثكيله عليك لكمتي نومتي يمك لبستي ثكال ذني وتنطيني هلعطيه ....

.

ما نطيتج اجو خطبوج وحسب الاصول بس غايبج ٣٠ مليون ...

ما اريدهن . شسوي بلفلوس وراح تنطفي شمعه شبابي بين رجال ميقدرني وعنده المره حالها حال الحيوان ...

.

هسه شنو اطلع اكلها ما قابله ....

اي اطلع واذا ما كولت الهم اني اكول ...

.

التفت لامي .

شو كومي لبتج فهميها .

شفهما يا رجال . الرجال ينطي فرصه وحده وهلفرصه اخذها وخلاص ....

صفاء شوفي اذا طلعو هسه لا اني ابوج ولا اعرفج ولا تعرفيني وحته اذا متت متوصلين بجنازتي ...

.

ليش كله هذا ليشششش 😢😢 علحساب اخوك علحساب ابوك لو شنو . اني راح اقبل بابا . بس لتنسه هذا اليوم . اتتمنه متتندم عليه ...

.

عقدت وخلصت . اجه طب يريد يسلم عليه كلي مبارك عليج بت عمي ...

اني التفتت اله ضليت ساكته مجاوبته . نزلت راسي . شال ايده وخلاها على حنجي ورفع وجهي باوع لعيوني ورفع حاجبه كامت عيوني تغرغر بلدموع عافني وراح . . .

.

.

.

راحو عمامي وجدي ومحسن واني ضليت الكأبه الي شايلتها ما شايلها ابن بشر مقهوووره ومحروك كلبي وكل ساع دمعتي بعيني . وبابا هم مو كلش قابل بس ميبين هلشي ويكول ابن عمها احسن الها ...

.

.

مرت فتره خطوبتي حالنه حال الاغراب لا هو يجي ولا اني اروح وحته سؤال ما اسأل عليه ولا هو يسأل عليه . كرهته وكرهت كلشي بي . وجانت اكثر شي اضوج لمن اسمع صديقاتي متزوجات عن حب و اكو متزوجه على كتر واكو يسافرون بره واني عكسهن كلهن لا تزوجت بره ولا اخذت عن حب ولا حضيت بكُليتي بلعكس اخذت واحد اصلا ميعترف بهل شي وبلاخص من اجيب طاري الشريجه يبووووو قهر ضيم ....

.

.

.

كل مره والله اريد احرك روحي . ويسألني عنه اكلهن ما عندي صورته يتخبلن شعجب ليش شنو ميجي وهذا جان سؤال الكل . يا ربي ليش حته من هاي انحرمت حته ما عشت فتره خطوبه مثل الاوادم ...

.

.

.

وره مرور ٣ اشهر اجه محسن على ساس انو يشوف بت عمه واخته . سلم على ابويه وطب . اجته ساره شبكته خطيه صار الها ٣ اشهر مرايحه من عهد العزيمه لان بس حسن وساره راحو اني وامي والبيت كله ما راح لان جنه زعلانين عود من شغله النهوه الي كطعها عليه محسن ....

.

.

.

طبيت سلمت عليه كاملي جان لابس غتره والغتره بس علة متونه . كتله شلونك كوه اصلا طلغت علكلمه مني ...

تعاي ....

اجيت يمه خله ايده وره ضهري قريب على خصري وشدني اله حيل لزكني بي لزك . باسني وكلي روحي نزعي البنطرون ....

.

لبسته كلت اني اعلمك بسيطه . اريد اشوف من تغيره . التفتت شفت ساره لابسه دشداشه هيه قبل ثواني جانت لابس بنطرون بس اضاهر نازعته من جاي محسن تخاف منه . امي طبت سلمت عليه . شلونك حسوني ... امي خطيه تصرف بفطاريه متعرف هلشي

محسن ضل صافن امي ادلعه ....

سلم عليها بس كوه ....

.

من بعيد يباوعلي ويأشرلي عن البنطرون واني ما ابالي اله اخر طلعو وعافونه عود .. كلي صارلي ساعه اشرلج نزعي البنطرون ...

.

ما انزعه شتريد انت ...

هاي شنو لج انت وين عايشه ...

اني عايشه ابغداد وانت خطبتني تتحمل مثل ما غيرك تحمل ... قصدت على ابويه هو فهم اني شقصد ...

.

الاسبوع الجاي زواجنه حظري نفسج ...

بعد وكت ما مستعده هسه ....

معتازه شي اني اشتري الج . وحظري روحج ..

لا شكرا عساس اذا وصيتك شلون تجيب الملابس كلهن ورد ...

قلدي بت عمي على راحتج . بس شسوي مجبور اسكت مسوي احترام لعمي ...

.

اذا تريد تحجي على البنطرون هذاك ابويه وكله ...

سكت ما حجه بس كلي سويلي طريق اريد اطلع ...

كلت بكلبي درب يسد ما يرد ...

اجه بابا سلمو عليه هو واخوتي . اخر شي كل لابويه صفاء متلبس بنطرون بعد ...

.

امي كالتله ليش خاله شبي البنطرون هاي مو ساره تلبس بنطرون . وعادي عدنه . ساره صار وجهه كركم ....

كلها ساره صارت وره رجلها يقبل تلبس ؟؟؟

تلبس !!  ميقبل متلبس شعليه بيها بس صفاء مرتي . وحك الله مره ثانيه اذا اجيت شفتها لابسته اشكه عليها ....

.

.

اني سكتت مكدرت تحجي وابويه كله على كيفك عمي صفا بعدها صغيره تره ما يصير هيج تعاملها وكلمن بيئته تختلف ...

.

نزع نضارته باوعلي واشر على عيونه كال اخليهن جواهن ...

.

باوعلته نزلت راسي بس دمعتي بطرف عيني يربي ليش هيج ....

.

راد يطلع فتح الباب صارت بوجهه صديقتي ضلت تباوع لوجهه . هو لبسها وطلع .. وهيه ضلت صافنه ..

.

ولج صفاوي منو هذا ابو عيون مكحله ....

خطيبي الشفيه ...

صدك ...

اي ...

حلفي ...

والله ...

وين لكيتي ....

شبي ...

غير يموووت ...

يمعوده ما عايزتج اني ....

ولج والقران عبالي جعفر الطيار الي يطلع بفلم الرساله ....

هههههههههههههههههه صدك ولج يشبهه ههههههههههههه .....

هههه اي والله شلون شكل يملخ. داينينيا يوم واحد حبااابه ....

شو دسكتي فاطمه ....

شنو تغارين عليه ....

لا ما اغار بس الحجي ماصخ ...

اوووي ماصخ ، فديت الغيران ...

اجتمعنه اني وصديقتي سولفنه هواي وحجينه اخر شي راحت اني ضليت افكر بمحسن  صدك اني اغار عليه لو لا . ليش هيج ضجت من حجت عليه فاطمه .

معقوله حبيته .. ما ادري ... اوووف

.

.

.

كمت يوميه اطلع من الصبح ارجع العصر احظر حاجاتي وملابسي وحاجات مال زواجي طبعا اني جنت عندي ملابس كووومه بس ماما جانت ادور غير نوعيه ملابس 🔞 هههه تريد تخليني اخبل الرجال عبالها كلها نفس ابويه . متدري اكو اني وياي شريجه .

يا ربي عيني وصبرني على الضيم ...

.

.

اخر شي قرب يوم زواجي جدي خابر ابويه كله الجمعه تجيبها . ابويه ما قبل كله لا يجي يطلعها كدام جوارينه فشله منهم . جدي ما قبل وكام يحجي يكله تجيبنه مناك لهناك علحساب جوارين  .

ابويه ضاج خطيه احتصر راح يطك خابؤ محسن كله عمي بتي اذا متجي تاخذها متشوفها . محسن كله عمي اهدأ اجيك اني لتخاف مالك شغله بجدي . صفاء تطلع من بيتك بدي ...

.

ابويه شويه رتاح . حته اني نوعا ما فرحت كلت الحمد لله يا ربي ما كطعت بيه ...

.

.

.

يوم الخميس على اساس الحنه . فأني عزمت جوارينه يوم الاربعاء ورحت للصالووون ولبست بدلاتي وتونسه وصديقاتي وخالاتي وجوارينه كلها تباوعلي فاااكه حلكها  وركصنه وتونسنه اصلا جنت كلش متونسه نسيت كل الي صار وعشت هليوم وكأنو اني اميره وهليوم اليه وبس فجنت انشي ابدلتي البيضه واتحرك واركص وبنات خالاتي يركصني واني طااايره من الفرح

جان يوم الحنه مالتي يوووم من العمر وخلص وتعده ع خير وما صارت بي مشكله ولا زال هذا اليوم حديث الكل من اقربائنه ...

.

.

.

.

*** ما كنتِ تضنينهُ يومً سوء حظِ تجد انه في اخر الامر كان حصانتك من الوقوع في الكثير ، خيره الله مبهره ***

.

تحياتي للكل لاخلى متابعات لاحبى كروب لمتنه الحلوه . ولاحلى مقلب سوته بينه ست نبأ زعطوطه الكروب ....

.

.

بنات تعذروني بعد ما اضيف اييي وحده للكروب الكروب انغلق وتحياتي للجميع ...

@زينب_علي

.

.

*** بنات البارتات القادمه 🔞 الي عدها اعتراض خل تطلع ولتكمل القصه رجاء .

.

وشكرا للي كالتلي شبعنه توسل وانتي متكملين القصه وهيه تعرف نفسها . اني مو بشر خالي من حالكم عندي شغل والتزامات . اني ما اجبر احد يقرالي بس متابعات الي معاجبها تلغي متابعتي .

نمت واني فرحااانه الله ليله حنه بلاحلام كعدت من النوم واني مهمومه اليوم زواجي صدك وفرحه البارحه انلغت من عقلي وجهي صوفر وارتبكت هم رحت للصالون  بس هلمره تسريحه بسيطه مو مثل البارحه جان كلشي اوفر . كبل جانت التسريحات كووولها بف ومرفوعه وكوذله ومكياج . وجان بلشهر الثامن زواجي وصارت الدنيا ضهر ما عزمنه ولاااا واحد بس خالاتي اجن حته خالاتي معفوسات وامي انعفست كأنما مو نفسهن الي جانن يدكن ويركصن البارحه . ودمعتهن بعينهن . ضلينه كاعدين وهسه يجون وهسه يجون وهسه يجون ولا عدنه موبايلات ونتصل عليهم كبل جان ارضي عدنه .

صارت الساعه ٦ ونص وهمه ما جايين واني كاعده بلبدله سيم ومنفوشه والحر يدك عليه ما احس بلوجود المبرده حسيت روحي راح اموت حر صرت اعصاااااااااب كمت ياهو الي يحاجيني انفخ بوجهه غندبت وجهي كلش . احنه اتفقنه وياهم ب ٣ يجون لان ورانه طريق ٤ ساعات ونص . شيجيبهم بعد .

كوووه صبرت على روحي ما بجيت . صارت ب ٧ كالت امي كومي صلي يمه ذوله طريق وراهم طويل ...

يمه وين اصلي مكياجي امسحه وشعري كله جل ...

لعد شلون بيج انتي متي حر شنو قصتهم غير يجون ...

روحي كولي لرجلج الي كربسني بهلزواجه ...

اشششش عيب صار رجلج بعد ....

واللله لو ما ابويه جان من هاي اللحظه عفتهم وانعل والديهم ...

هسه غير تسكت ....

شو روحي يمه الله يوفقج ...

كمت نزعت البدله محنبطه بيها . خالتي كالت خاف يجون . كتلها ميجون طبهم طوب خل ارتاح . لبست دشداشه امي عريضه كودري وجه انكلب احس روحي صرت مثل التنين كمت انفخ ...

.

وره ما نزعت البدله خمس دقايق صاخو اجووووووو

.

اني كمت بدلت رجعت للبدله وصارت الخبصه وينج صفاء ... وين صفاء . كومي صفاء . يلا صفااء ... ولج فضيها ... يلا اجو الزلم ... بسرعه ...

.

.

لحظات وحسيت راح انفجر كلها تصيح خبصوني خبص . تالي صحت طلعووووووو خل ابدل ...

ولج بسرعه الرجال متاتيج ...

شو دوخرن صالي ٤ ساعات متانيه اني وحد . خل ينتضرون طبهم طوووب ....

.

شنو هاي صفاء شو خصميها ....

.

كمت ابدل ع كييفي بلعناد . اخر شي خلصت عدل شويه مكياجي لان ماع من وره الحر ...

طلعت ابويه طلعني . وخلاني يمه ع التخم كاعده هو اول ما شافني كاملي بس شنو جان لابس لبس يخبل دشداشه وعكال وشماغ وعبايه لونها جوزي فد شي طالع والسبحه الي بيده ومحابسه بهذا الوقت اني جنت اعصابي متوتره فمكدرت افرح بشي

.

طببني ابويه كعدني يمه هو بسرعه كال لبسوها عبايه يلا خل نطلع اصلا ما كعد وبس عمامي طبو ٣ وجدي وهو وسيارته .

طلعت باوعت لامي حسيت روحي جاي احترك مثل الورقه من الصبح لسه افرفح انوب اجتي فقره الفراك باوعت لمكاني ولاهلي ولابويه دمعته بعينه وامي بجت بنات خالاتي وخالاتي وبيبيتي ام امي وحسوني وكرار وليوثي وابويه باسني براسي كله دير بالك عليها هاي قطعه مني . كله اخليها بعيني .

.

ما كدرت اسلم على امي طبت رأستا متكدر تشوفني بس اني شبعت بجي لابسه العبايه والبركع ودموووعي يصبن ما نشفت عيوني ....

.

صعدت بلسياره خطيه ابويه واكف واحسه يريد يرجعني كل ساع وكل لمحسن دير بالك .

.

صعد بصفي محسن . وجدي بلصدر وايهاب ابن عمي يسوق

وعمامي بغير سياره يعني اصلا مجايه وياهم نسوان وسيارات زفه ...

.

مشت السياره واني كلبي معصور عصررر . اول مره اطلع بدون امي حسيت روحي مثل الجاهل الي متيه امه ...

.

تمشي السياره وماكو اريدها توصل متت حر وضوجه وقهر . وجدي ينفخ . كنالك خل نطلع من وكت هسه زين اذا وصلنه بلعشره ....

وشعدنه خل نوصل بلعشره ....

محسن مو وراك ناس متانيتك من الصبح لسه ...

جدي الناس شعدها قابل اول زواج اليه وتانيني خل يرحون حته يحسبون حساب النا وميضلون ....

ما ترهم هيج يا جدي .....

ابو ادم خلها وراي . ولزم ضهر جدي بلصدر ....

.

وصلنه للبيت تقريبا بلعشره ونص لمن هلكت اني حشيت روحي راح تطلع .. اول ما طبينه انخبصنه خبص . وبدت الزلم كلها كولات ودبجات اني طببوني  ابيت جدي كعدت ع الكرسي وعماتي وبنات عماتي يباوعن اليه اسمعهن يصيحن جا امها ليش ما اجتي وياها ...

والي تكول عوووع تلعب النفس ....

والي تكول هاي شنو هيه هاي الحلوه بت بغداد .....

والي تكول عود باجيه عشتووووو ....

والي تعوج حلكها وتكوم ....

.

واني مسلوكه حر كلت لعمتي ختام عمه اريد ابدل اريد اسبح ....

كالت لاااا خل يطب محسن كوتلها اريد اكوم متت حر ...

صبري عمه ما يصير ...

عمه وين ملابسي وين جنطي .....

بسياره محسن ....

عمه فدوه كومي كوليلهم خل ينزلوهن .....

صبري عمه ....

.

احجي بكلبي .. وينج ماما جنتي تفهميني من اول كلمه . شيجيبج هسه اوووف يا ربي .

.

اسمع الهوسات والكولات والطلق والرمس وكلها تصيح هاااوهااااوهااااوهاااا

.

.

صارت الساعه ١١ ونص واني كاعده بلبدله كمت من مكاني . وعمتي وبيبتي ورايه وين تردين البيت كله زلم ..

عمه بيبي راح تموتوني من اول يوم . شنو القصه قابل اطلع كدامهم هيج غير اني من الصبح لسه لابسه البدله اريد ابدل شغلتهم اطول ....

.

حبوبه اكعدي هسه راح يجي رجلج ما ترهم يلكاج ماكو ....

بيبي الله يخليج اريد ابدل  . ودوني على غرفتي . متت تعب ومسافه طريق طويله ....

.

طببني للغرفه

بوجهي طبيت للحمام اني والتسريحه والمكياج كعدت جوه الماي اااااه مووت

ينزل الجل بلماي واللماع ههههه

اخر شي كمت اطلع بهلماشات وماكو والبوستيجه الي حاطاتها .

ليفت جسمي وغسلت شعري ما لكيت شامبو غسلت بس بلماي وطلعت .

يمعودين وين الهدوم ماكو

وين الهدوين . ماكو

جيبوهن . ماكو .

نزلوهن . ماكو .

صيحولي محسن . ماكو

.

طلعت لفيت ااخاولي ومشطت شعري جان طويل حلو شويه ونشف . طبت بيبتي . لا حبوبه ما موالمه هيج تضلين ....

بيبي الله يخليج ليش ما دكيتي الباب . بيبي وين ملابسي فدوه ....

لبسي بدلتج . حبوبه وصيري مره معدله ....

.

لبست بدلتي ورحت لميت الماشات من الحمام وشكلت البركع وهديت شعري على طوله خليت نص وره ونص كدام صدري وثبتت شعري رتبت روحي حته مكياج ما خليت ...

عمه فدوره اريد بس قلم كحل عاد ....

اي هسه اشوفلج من البنات ....

هاي تاليتي يربي اشتريت اشكال تالي اخذ من البنات يلا عمه فدوه شوفيلي ....

اجتي وحده اسمها رمله . جايبتلي قلم هاج خيه هذا خوش كحل ...

خليته بعيني رادت عيني تنعمي وما طالع منه ولا شويه . اطيتهيا وكمت .

طلعت حسيت روحي خفيفه شويه كلها صفنت عليه شبيهم يا ربي دخيلك ....

وره شويه طب محسن وصارت الهلاهل والكفلات  هو يضحك ويبتسم ويكول كافي كافي وبيبيتي ذبت لحم . وهو يصيح كافي ....

اني ضجت شبي هذا . ميقبل واحد يهوسله . اخر شي راح من يمي باس راس مره كاعده بعيد وتبجي . واني بس اباوع

واخذني للغرفه . كلي اكعدي هنا هسه اجيج .

كعدت راح بره وره شويه طببو حاجاتي وجنطي اني بدلت .

اول ما طب . طبت مره ويا . كلي هاي نوراه وهذني بناتي سمر ورحمه وفاتن صغار . كومي سلمي عليها بس حجاها ...

وليش تصيح ....

ضل صافن هو كلي شنو شكلتي ....

كتلك ليش تصيح اني اكوم من ذاتي ميحتاج واحد يكلي ....

كالت ام سمر يلا لتتعاركون يلا بعدكم عرسان ....

هو خازرني يريد يتخبل  اني رافعته حاجبي درت وجهي عنه سلمت عليها كالت هلا خيه هلا . دير بالج على محسن وجيبيله وليد اني ماكدرت اجيبله وكامت تبجي . لزمها محسن باسها براسها كللها انتي الاصل لا تضوجين ....

.

طلعت ...

هو بسرعه كلي شنو هذا تصرف الي تصرفتي ستوج ...

يا تصرف ....

مو احسج تراددين لو انه مشتبه ....

لا مشتبه ....

ماشي . تعاي كعدي عوفي هدومج شويه خل احجي وياج ....

اي ....

رحت يمه . كلي شوفي اني لا انتي اول وحده بحياتي ولا اخر وحده تدرين اني مزوج ثنين واخذتج انتي هم

وحده الله يرحمها وتوفت وتزوجت ام سمر وانتي اخذتج . شوفي صفا انتي مره واني رجال هنا حياتنه تختلف ماكو مره تحط راسها براس رجال ....

هو شنو ماكو مره .....

انطيني مجال خل احجي الي عندي . لتحجين .

انتي ارتبطتي بيه واني عايش وفق عادات وتقاليد حته اذا ما جنت اقبل بيها لازم اطبقها لان وفق بيئتي الي اني منتمي الها وانتي صرتي مني لازم تحترمين الي انتي وياهم ومتضلين تصيحن وتنترين اني معندي مره تنضرب فلتخليني اوصل وياج لهاي المرحله .

ابدي وياج من الصفر واخذي الي اكولج عليه .

ماشي .....

اني ضليت صافنه يا ربي شهلورطه الي ورطت روحي بيها شهلدمار بس تذكرت ابويه خطيه .  كوتله ابويه مو وصاك عليه ....

احطج بعيوني ليش مقصر وياج بشي ....

يعني حلوه مثلا تعوفني ملطوشه هنا فوك الساعتين ومن تجي حته متقبل الناس تهوس الك واخر شي تعوفني وتبوس مرتك ....

تقبليها اروح اكسر كلبها واتزوج واشوقها تبجي وجاييه بزواجي واضل واكف ....

يعني تقبل تكسر بيه تعوفني وميصير تكسر بيها ....

.

لزم شعري كلي هسه خلي نسد هلموضوع . ونحجي بغير موضوع ...

.

يا موضوع .....

.

ههههه مثلا شنو رأيج بلعبايه مالتي ....

.

ههههه يا عبايه ...

شال العبايه وخلاها على متوني كلي شوفي ايدج تبين ثلج من العبايه ...

اني زلت راسي صرت طماطه ...

هههه تدرين شكلج احلى بدون مكياج . كلمره جنج مخبله ....

😡 شبيه عيني  ....

انتي شنو هلوكاحه الي عندج ....

هههههه اي اني من جنت صغيره وكحه هههه . حسيت روحي كمت امسلت بس مستمره بلحجي اريد اشرد منه ....

صدك من جنتي صغيره وكحه ....

ايييي هههههه ....

مخلي ايده عله خصري ويسالني . ويصعد وينزل بخصري ....

شجنتي تسوين من وكاحه ها ....

اي هههه جنت العب هواي ...

اييي ...

وجنت ااتعارك هواي ....

اييي ...

محسيت انفتحت السحابه ...

هاااا ...

كملي معليج انتي .....

اييي . مرتبكه ما عندي افكار براسي  ...

لزم خاصرتي حيل وكام يفتح بلحباسيات مال الداخليه ..

محسن عوفني ....

لتخلين بالج وياي كمليلي ....

عوفني الله يخليج ....

اعوفج ...

اي فدوه عوفني ....

طلع ايدي من الردان مال البدله وذبها وكعت . ضليت بس بلداخليه والعبايه مالته فوكاهن حسيت روحي راح اموت من المستحه . لفيت روحي بلعبايه . كلي على كيفج راح تمزكيها للعبا ....

😶😶😶 .....

هههههه وخري شعري ضل يلزم بي يباوعلي . كلي تعاي رجليه تكسرت من الوكفه والطريق واني احتاجهن ورايه شغل بيهن ....

.

اني كمت ابلع ريكي . مو اليوم والله تعبانه .....

ميصير تتأجل ...

تعبانه ....

ليش تردين تأجليها بيج شي ....

شنوووو ....

هههههه خافت .....

لا ما خفت شبيه واخاف ....

اي هسه يكولون عمي محمد ما عرف يربي ...

ليش يمه يكولون عمك محمد ما عرف يربي اكو احسن من ترباه عمك محمد ....

اي شمدريهم همه غير اكو دليل ....

لحم الخروف معروف عيني ....

انتي الي يشوف وكاحتج هاي يشك بيج .....

محسسن صدك تحجي انته ...

ههههههههههه ولج انتي مخبله بابا شبيج اصحي على روحج ....

وخر عني محسن ... عفته ورحت .....

جرني من ايدي كلي تعاي  واعقلي شويه لتضلين اطفرين . يلا الناس متانينه .....

.

وخر عني مو اليوم ....

شنو مو اليوم قابل هيه بكيفج ....

اي بكيفي وخررررر عني ....

شو دتعاااااي جرني اله صار وجهه بوجني باسني بشفتي ...

وخر عني وخررررر ....

نزل على ركبتي باسها حسيت نفسي مهضومه من حجيه قبل شويه كمت ابجي ....

نيمني على الجربايه اني كمت اشهك هو نزع دشداشته  واجه يمي شبيج بلا .....

الله يخليك عوفني ....

استغفر اللللله لج بابا اكثر وقت اخذته وياج هسه شيكولون بت بغداد صعبت عليه لو معيوبه كومي خلصينه ....

خل شيكولون يكولون المهم ماكو اليوم ....

تره اني لسه احجي وياج بس حجي بعد شويه راح انفجر عليج ....

ما اريددددددد جاي اكلك . كلهم محمد ما عرف يربي . وخر عني .....

كومي وصيري حبابه ...

وخر عني ...

لزم ايدي وجرني كومي يلا كووووومي نتل ايدي نتل ... كمت  ويا طببني للحمام كلي يلا اسبحي شويه حته ترتاحين ...

طبيت للحمام سبحت وطلعت ...

اول ما شافني لزمني من وره وطخ جسمه كله عليه خله شفته على ركبتي حيل ويمص بسها وايده على صدري ..

شويه حسيت جسمي ارتخه بيده وهو استمر يعصر بجسمي ويبوس بيه حيل جرني من شعري جان مبلل نثره ع صدري .

نومني  على ضهري ونزعني الداخليه يوخرهن بيده ويبوس بيه .

هوه نايم فوكاي وصدره ع صدري وايده ع بطني عضني بأذاني اني حسيت روحي خلاص انتهيت بعد . لزمني فتح رجليه كلي بس لتتحركين حته متنجرحين . شويه وحسيت بده الالم يقوه صحتله ع كيفك ...

اششششش ....

اووووي يوجعني دفعته عني . هو لازمني  قوي ميهد ايدي وجسمي ابد حسيت شي طك بجسمي عبالك عضم والم صحت بصوت عالي اااااااه كااافي ....

.

باسني وكام كلي يلا كافي كومي . اني ضليت كاعده كووه رجليه يوجعني متغطيه بلفراش . طلع محسن وصار صوت الرمي وصل للستار .

.

اني حسيت عضامي تريد اطك كلش مأذيتني دخلت بيبتي وعماتي باسني وطلعن وانيي ع نفس كعدتي مصلخه بس جوه الفراش وكفشتي منثوره ....

.

.

* يتشابه الحب والحرب في شي واحد ، كلاهما يحتاجان رجالا ***

.

هاي اوووول ليله هيج مرت على صفاء . زين الايام القادمه شلوووون ؟

.

توقعاتكم للقادم #زينب_ علي

.

طبعا عذروني الكهرباء ضربت اني ابيت اهلي واجيت لبيتي ونشرتها وشي ثاني خو هلبارت طولته صار الفين كلمه . لذاك اني اطلبكم يوم واحد لان هلسبوع عندي لووود شغل والله

.

وره صوت الطلقات وعرفو انو اني بنيه رجع محسن نام بصفي ب اني احس روححي مثل المستحيه تقرب عليه كلي شبيج كوتله ما بيه شي

تعاي يمي ....

اي هسه ....

لزمني صعدني فوكاه كلي شبيج ....

محسن والله ما بيه شي ....

جا اشو وجهج مخطوف ....

كافي لتلح . مدري هيج احساس مو حلوو ....

ههههه شنو الي مو حلو ...

ما اعرف اشرحه والله ...

احجي حتذا حروف متقطعه . اريد افتهم ....

احس فد شي عزيز وانت اخذته ....

واذا اخذته . قابل ماخذه منج حرام .....

هيه مو حرام بس مدري ليش اني ضايجه .....

شوفي صفاوي انتي مرتي وتضلين الدلوعه . وحده غيرج هسه تلكيها نايمه بحظن زوجها ههه ....

.

اني استحيت كوتله انته ضليت تلح سولفتلك ...

واذا سولفتيلي شنو راح اكلج . شوفي خل اكلج شي لو شما يصر وياج وتمر عليج ضروف اريد اعرفها اوووول بأول . حتذا انتي مسويه خطأ هم اريدج تسولفيلي اذا صار شي وسمعت من غيرج اخرب وياج ....

ماشي ...

يلا هسه خل اكوم افوتج اسبحج وانام ....

لا اني افوت اسبح ....

لااااااا هاي ليلتي واني اريد اشوف

طببني للحمام اني اول مره انزع كدام رجال حسيت روحي راح اذوب من الفشله . بده الماي ينزل ع راسي هو يباوعلي من غمضت عيوني كلي افتحي عيونج اريد اشوفج وجهج . . اباوعله جان رافع حاجبه ويباوعلي . اخر شي ادنه اليه خله ايده جوه الماي الي ينزل من صدري . لزمني حيل .

اوووووي .....

هههه .....

رفع ايدي وبده يدور بجسمي . التفتي اريد اشوف .....

اني كمت التفتت اله ....

منين اكلج يبطه ههههههه ....

.

غسلت خلصت طلعت نشفت شعري حسيته واكف ورايه اجه ع ركبتي باسني شبكني خله ايده على صدري ودارني اله كام ينزل على متوني ويبوس بيه اخر شي وصلت لصدري وبين غضات وبوسات وصل لخصري حسيت جسمي كوووله انتل نتل . رجليه بعد مطاوعني . حسيت روحي ذبت ويا. اخذني لغير عالم جنت اباوعله من ينام عيووونه تملخ

.

ما ادري هم يحبني لو شنو هاي حركاته ...

جنت اسأل روحي اني احبه لو لا

هو يحبني لو لا ؟ مدري ليش حسيته يمثل عليه ما اعرف

كعدت الصبح لكيت امه الثقلين مكلوبه والوجوه هم مكلوبه . لبست ثوب ابيض طويل وردان هم مال محجبات وشال ابيض وحجاب ابيض كووولشي ابيض وخليت كحل وفوكاه نثر خفيف ابيض ....

فتحت الباب كووولها تباوعلي سلمت عليهم اشرلي محسن اني ما اطلع من الغرفه . رجعت كعدت بنفس غرفتي وكامن النسوان هنه يطب والجهال يلعبون كلب الدنيا الي يطفر ع المكياج والي ع الجربايه والي يبدي الجاي لو الببسي كمت احسهم براسي يطفرون جزعوني . ما صدكت يطلعون .

كلها وجبتي وطلعت واني طبعا ما اعرفهم . صارت الساعه ٨ اجو اهلي

ياااابه عبالك عمرررر مشايفتهم مو ليله شبكتهم بوستهم الللللله ريحه امي وابويه ردتلي روحي حسيت نفسي قويه مو مثل الاول خايفه وحدي وما عندي احد .....

والله شويه واجتي بيبيتي كالت لامي ليش صفاء تصيح البارحه على محسن . متستحي مو عيب عليها وهيه بعدها عروس ...

.

اني شلت روحي ولطشتها بلكاع كتلها يوم شوكت ١شمصيحه ...

تالي بيبتي كايله لابويه من طابه مره محسن وصار بيناتهم جدال هيه ناقله الحجي الها وكايلتلهم متحترمه وتصيح وتغلط

.

طبعا هاي صباحيه عرسي سمعت اول كاله بهذا البيط٩٠ت ... اول يوم نفرت منهم كرهتم كره العمه وتندمت لان سمعت كلام ابويه وحته بهذا اليوم ما تمنيته جاي كلش ضجت ....

للضهر اجه محسن .

طبعا محسن ما اعرف شلون احجي ويا وشلون اتعامل ويا هيج احسه مغاره ما اعرفله لا هو يحبني ولا هو ميحبني ما اعرف بيا طريقه اتعامل ويا ....

.

سلام عليكم ...

وعليكم .....

ها خير . اشو جنج مطنكره .....

لا ماكو ....

احجي صفاء بلا .....

شنو من هسه بدت الكالات . شوكت مصيحه عليك ....

شنو . شو احجي عدل ....

زوجتك المصون ....

احجي عدل وبلا مصاخه ...

رايحه كايله لبيبتي اصيح عليك وما احترمك .....

ليش جذب ....

محسن شنو تريد تخبلني ....

صيحتي لو مصيحتي البارحه ؟؟؟؟ احجي ......

صدك تحجي انت .....

اي اجذب قابل . وخل يكون بعلمج اي شي محسوب عليج هنا حساب . اشاره بدون قصد تعني غير شي .....

هاخوش ... بس اريد اسأل سؤال ....

اي ست صفاء ....

اني لشوكت اضل ابيت جدي .....

لمن يصير عندج طفل ....

ليش يعني ....

اكعدج وحدج مثلا .....

وشنو ااطفل يحميني .. ..

صفاء سدي الموضوع ...

ليش اسده ....

لج بابا شبيج اليوم اول يوم الج هنا صدك تحجين ليش متنحملين انتي ...

محسن الله يخليك ممتعوده اعيش بهاي الاجواء .....

لا بله وشبيها الاجواء ......

فدوه لعينك محسن طلعني ......

مو هسه ما يصيررررر ....

.

عفته وكمت حته هو تغده وحده واني اصلا مالي نفس اكل ويا . لعبت روحي ....

ضلت الناس تجي من الصبح لليل وما فاركونه اني ما عندي نشعه مال عروس لان اعصابي طاغيه عن جمالي صرت كووولش عصبيه تهسترت من الجهال ...

لليل بدلت ملابس ولبست ثوب اسود وبي سحابه من وره وبي فتحه للنص وبلصدر تور جان كلش حلو . شافه محسن كلي نزعي متلبسي .....

شلبس لعد ....

اي شي غير هلبس ....

رجعت لبست ثوب اصفر خردلي وردانه صلوخ هم كلي نزعي ....

رجعت لبست بنطرون هم كلي نزعي . وصلت عندي ذروتها كمت ابجي . راح اموت والله ارحمني الله يخليك ما اكدر والله .....

ذاااااك ابوج وكوليله اريد اطلك .....

اني بسرعه جفن دموعي معقوله هيج اني رخيصه عندك .....

لا مو رخيصه اني ماكو مره تزوجتها اذا  محبيتها وبلذات انتي . بس انتي متنطين من نفسج دائما انتي كون احسن من عدنه ......

محسن ليش هيج تحجي اني فقيره والله معندي هيج حجي .....

اطبعي على طبعي حته تكدرين تعيشين وياي ....

.

لبست ثوب مال محجبات وطلعت . طبعا اني جنت شلبس يضلن فاكات حلكهن عليه . بس مع هذا اني هدومي على شنو مشتريتهن غير حته البسهن يربي راح اختنك ....

لليل راحت الناس وضلينه بس اني ويا وبيبتي وجدي وعمتي .....

شبكني جدي كلي شلونج بنت الغالي . وجابلي كلاده شكبرهاااااا مربوشه ربش ....

اني اخذتها وسكتت ما حجيت . كلي شدي حيلج حته اجيبيلنه ولي العد . اي ان شاء الله . اني بكلبي اكول انعل ابهاتكم اني اتورط وياكم تردون بس ماكنه تفريخ ....

.

ثاني يوم هم نفس الشي هم هوسه وخطار وجدي يتوسل بأبويه ضل ما ضل تعال ما تعال . ابويه ما يقبل ابد ...

.

محسن يوميه يمي ومرته بعد كطعت رجلها الى ان صار اليوم السابع وصارت السبعه مالتي وهم صفكو وتونسو ...

لليل اجه كلي من هليوم انوب يوم الج ويوم لمرتي . يمكن لو اموتني ولا هيج كايلي . كتله شنووووو .

بعدني عروس حته شعر العسل مخلص ...

لا كافي حبابه صيري لان هذيج هم خطيه . يصير عايفها اسبوع ....

محسن اني شنو ذنبي ....

شنو ذنبج شبيج شنو اول مره تاخذ رجال مزوج لو اخر مره ....

مو اول مره بس اني غريبه وضايجه ....

وين غريبه ذوله اهلج ....

مو اهلي فدوه محسن اخاف والله .....

شلون جا وياج متفهميني . شوفي حظل وياج لحد عشره ايام هاااا ....

متكفي . والله ما ماخذه ع الاجواء ....

كاغي صفا وسدي الموضوع ....

الله يخلي.....

اشششششششششش. جاي اكلج . متكولين مشتاقتلك احبك اموت عليك ادري مو يكولون بت بغداد واني كتلت روحي تالي طلعت العندي احسن منج والله هسه اذا اروحلها تحير شسوي ...

ممكن متجيب طاريها ...

هههه صار . بعد شتردين ....

شوفلي حل ما اضل هنا ....

اكلج عندي الج احسن حل ....

شنو هوه ....

تشتغلين بفلوس .....

اي مثل شنو ....

مثلا ع كل بوسه وعضه فلوس . ع كل حظنه فلوس ....

شنو قصدك ....

قصدي تحلليلين لكمتج ....

واني كايلتلك لا مثلا .. ليش اني قابل كح.....ه واشتغل بفلوس .....

اهوووووو اني ما قصدت هيجي ليش بكلشي تخلين انه .....

لعد شنو قصدك .....

والله ما قصدت شي . بس ردت انسيج الحجي . ليش متفتهمين انتي .....

محسن ليش هيج تعاملني . شويه حسيت روحي انهضمت كمت ابجي ...

لج يا روح محسن يا عقل محسن يا كلب محسن شبيج ولج ليش تضوجيني والله عايف كلشي وره ضهري وجايج ....

باسني بعيوني . ههههه باع الكحله شلون تسيل ههههه ولج على شنو تبجين . باسني بخدي شبكني حيل تعااالي عيني . انتي خوش تركصين مو ...

اي ....

ها شفتي خو نسيتي البجي عرفتج والله جذابه  هههه . كومي .

نيمني ع الجربايه صار فوكاي وشالني فوكاه باسني من ركبتي وصدري دارني ع ضهري باسني من ضهري كام يمشي ع العمود الفقري يبوس بي ع كيييف اخر شي وصل للخلفيه عضني بيها اني كمت اصيح كلشي كافي تره اخليج تصيحين اكثر ..ههه

طابك رجليه ع رجليه وجسمي نايمه على بطني وهو لازمني بأحكام ويعصر بجسمي حيل لازم رجلي حيل يفرك بيها ..

حسيت جسمي بند كمت اون وهو يون وياي اخر شي خلص باسني بضهري ونام  .

هو شابكني واني اباوع لعيونه شنو من عيون لونهن خفييييف بس الي يركز بيهن يشوفهن بس عليه حاجب يخبل

* كن مضلوما ولا تكن ضالما **

شتتوقعون شلون راح تكون الاحداث ...

@زينب علي

.

تره والله ما الحك عذروني ادري بيكم تحمستو للقصه بس شسوي والله ما الحك .

.

بنات الكروب مشتاقتلجن كووولجن والله اعذرني مينفتح عندي بس الايمو والواتباد احبكم

خلصت العشره ايام وهو بده يقسم الايام بيني وبين مرته . من يروح لهناك يرجع فرحاااان يوصل يمي يضل يحاسبني ع الصغيره والجبيره .

كل جمعه من تجتمع العائله الناس كووولها تحبها وهيه هم صاحبه لسان متملق والناس كلها تتفداها تفدي . واني مع العلم بت عمهم بس كولهم يباوعولي اني كأنو راقصه بنص جامع ...

حسيت بشعور امي شلون جانت عايش شكد جنت الومها بس والله لو اني بمكانها ما اضل خمس دقايق ذوله وحوووش مو بشر بس شكول بعد الفاس وكع بلراااس ....

صاحلي جدي كلي صفاوي تعاي كعدي بصفي . كوووووولها باوعتلي . رحت كعدت بصفه . باسني براسي كلي انتي املي انتي حلمي . اول ما كال هيج كمت ابجي وشبكته حسيت روحي طفله ومتيهه امها كتله جدو عفيه اوكف بصفي والله خايفه ...

.

ولك محسسسن مرتك خايفه منين ؟

محسن صار وجهه احمر . انطعن . كله شمدريني ....

لااااا مو هذا العشم بيك . اكو مره تخاف بزود رجالها ....

شمدريني جدي اسألها خاف احنه مقصرين وياها . جان يحجي بس هو منفوخ نفخ ...

كله جدي دير بالك عليها تره هاي بت الغالي ...

بعيوني مخليها لا توصي حريص ....

.

وره هلحركه الي سواها جدي تقريبا وجوه الناس تغيرت اليه وحته اني حسيت بروحي عندي ضهر ومسنوده مو مثل الاول وحته نضراتهم تغيرت كامو من يحاجوني ينزلون راسهم . ومرته صااارت حمره انطعنت عبالك قاذفه وطاحت عليها ...

باوعتلي هزت ايدها وراحت . اني تعجبت من حركتها .

.

خلصنه غده وجان اليوم يومي . طب للغرفه محسن . تعاي صفا ...

محتاجه شي ....

لا ....

تردين فلوس ....

لا ...

مقصر بشي ....

لا ...

شبيج جا كمتي تبجين وتصيحين خايفه خايفه . شنو اكو حرامي طافر عليج واني ما ادري ....

لا ....

جا شنوووووووو . خايفه من شنووووووو ....

خايفه وحدي محد اليه ...

شبيج انتي . مو هاي ساره راحت وياكم ومتعرفكم اصلا وراحت لبغداد شبيها ليش بس انتي عوجه ....

.

مو شغله عوجه بي اني ممتعلمه ....

وخري مصختيها عاد . عيب تحجين هيج كدام الناس جني اني مو بعينج شكد اكرهج هيج تصرفات ...

.

بس اني مقاصده ....

.

عافني وراح وي مرته وثاني يوم رجع يباوعلي صفح اصلا ميحجي وياي ....

محسن اريد اروح بلاهلي ....

باجر اخذج ...

.

ما صدحت ثاني يوم رحت اخذني والطريق كوووله ساكت واحسه يفور يحمس حمس ...

وصلني للبيت سلم على اهلي وساره خطيه جلبت بي وطبيت كلي شكد واجيك . كوتله لتجيني حسن يجيب ساره واجي ويا ...

اي شكد مثلا ...

يجوز سبوع ....

شنو ضاله مال سنه ما شايفتهم لسه بعدج شهرين ....

واذا اهلي مشتاقه الهم ....

هنه ٣ اياااام غيرهن ميصيرن بليوم الثالث اجيج ....

اريد فلوس ....

اي ....

شالي ٢٠٠ الف وانطانيها .

سمعي بنطرون ماكو طلعه ماكو متنزعين عباتج اذا اجو خطار مطلعين  سمعتي ؟ .. 

اييييييي ... فهمت ....

ومكياج هم لتخلين .....

اي ....

عافني وراح ...

واني رحت لجربايتي نمت واني والعصر الللللللللله شعور بلامان من زمان مفتقدته ....

.

كومي صفااااء جايه حته تنامين ...

اي يوم كايمه ...

كمت رحت لكيتها مسويه دولمه الللللله ماما راح امووووت ع اكلج الحلو ....

ليش اكلهم شبي ....

مابي بس طبخج يخبل نازك ما متروس لحم وليه ....

ولج ماما هذوله عيالج شكد متحسسين الرجال انتي تحبي بعد ميعوفج ليش نافره منه ....

ماما هممممممج بس يريدني للنومه ....

ماكو رجال يريد مرته بس للنومه الي ميحب مرته صدكيني ميكرب الها تعلمي وشوفي . شوفي ابوج هم عبالك عتريس ههههههه.....

ههههه ....

شلون تقارنين بابا بمحسن ....

نفسسس الشي وبلاخص اول ما اخذته ....

انتي متحبي لو تحبي جان عرفتي شلون تكسبي .....

ما ادري والله ماما كل الي اعرفه اريد اجيب الهم ولد وهاهيه ....

زين اذا جبتي بنيه ؟....

واذا جبت بنيه شنو اذبها بلشارع .....

انتي مو تكولين اجيبلهم ولد ....

اي وين المشكله ....

افرضي جبتي بنيه حيسكتون عنج .....

عنهم ما سكتو يطبهم طووووب ....

اذا متخلين الج سند يمهم لتصدكين ترتاحين ....

ماما ما اعرف شسوي ....

خلي يحبج ....

اي شلون ....

انتي حبي ومن تحبي راح تتغيرين انتي وراح يشوف تغيرج وراح يضحي ع حسابج ....

والله مو بيدي مو كلش راغبتله .....

اتعوذي من الشيطان ماما ...

ماما يحب مرته اكثر مني ....

ليش ؟ ما فكرتي شنو السبب ؟!!!!

هيه متملقه ....

ههههه ماما دير بالج ع روحج وع بيتج .....

ما ادري ماما الله كريم .....

.

ماما حبابه العصر اريد اطلع . ضاااايجه .....

ميخالف . اكلج صدك ابوج اشترالج موبايل يكول  هسه من يجي ينطيجيا ....

صدك والله اي خوش ......

اي اخوتج اشترو كل واحد موبايل . خو ليوثي اشترو موبايل يخلي بلكاع ويضل يركص بلكاااع يخبل ....

ههههه حمستيني اشوفه .....

.

.

.

.

صار الليل طلعنه وتونسنه وتعشينه بلمطعم وتونسنه .

كضت الايام تركض ركضضض وطلعنه وتونسنه طبعا نسيت اني اصلا متونسه متزوجه . اشتريت هووواي حاجات وابويه خابر بيت جدي كووولهم عزمهم ع غده .

اني نسيت احف كوتلها ماما حبابه خل اروح احف . كالت خل ياخذج ليوثي يذبج يمها . اخذني ليوثي وضليت لكيت الدنيا مكلويه عدها وكون لازم اتناني ...

من الوحده لحد ٣ يلا حفتلي ....

رجعت لكيت عيالي جايين ومتغدين . محسن يباوعلي عيونه تجدح ناااار . اني تذكرت هو كلي لطلعين . سلمت عليهم كلها ذبتلي بسامير بعد وكت لو مطالعه مسلمه عبالهم جنت هنا وما طلعت بس محسن داري بس اني شنو حسيت نفسي متت اجيت اموت من الخوف اباوعله عيونه يخوزرن بيه وميصدن بعيوني ابد ....

.

وصار وكت انو نرجع سلم ع ابويه واهلي وطلعنه الضهر وجدي صعد وي محسن بلصدر واني وياي ٤ جنط اخذتهن كل جنطه شكبرهاااااااا رجعتهن وياي .

.

محسن يسوق وما حاجني ابد ولا باوعلي بلمرايه . وصلنه للبيت تقريب الساعه ٨ ونص . اول ما وصلت طبيت للبيت ركض حته ما اشوفه ولا يشوفني ..

كلها نزلت ورايه طب محسن للغرفه . كعد ع الجربايه  يريد يحاجيني اني ركضت طبيت للحمام وضليت ساعه بلحمام طلعت لكيته ماكو الحمد لله واخيرا .

كعدت امشط شعري جنت صابغته عسلي وجنت مقرره شويه وانام حته ما يرزلني اليوم . جاي احجي بيني ما بين نفسي طب محسن باوعلي وانتجه ع الباب . بلعافيه .....

الله يعافيك ....

حلو لون شعرج ....

شكرا ....

لازم ام الصالون اجتكم للبيت ....

انس غلست سويت نفسي ما اسمع .....

مو احجي وياج .....

محسن ادري بيك تريد تتعارك اليوم فمالي خولك احجي ....

اجه لزمني من فجي حيل . اريدددد اتعااااارك !!!!!

اني شكتلج .....

اوووي هدني ....

احجي لج .. ليش تخليني اكسر راسج هسه ......

رحنه اني وامي شنو حرام ....

واني شكتلج .....

اني محتاجه حاجات شنو اضل بدونهن .....

كومي راويني ششتريتي ....

اي ...

كمت اركض طلعت

استون ....

اي ....

اقلام حمره ....

اي ....

دهن شعر .....

اي ....

تراكات .....

اي ....

مكينه حفافه .....

اييييي .....

باودر ....

ايييي ...

جنطه ...

اي ....

حذاء ....

اي ....

شال ...

وبعد .

ذني ملتبس داخليه ....

.

.

ماشي ... هسه اذا الزمهن واحركهن اكو واحد يكلي ليش ....

ليشششش . شنو هلاستبداديه بلرأي .....

شنو استبداديه لج اني مو كتلج لطلعين ...

اي محتاجه حاجات  ....

شنو من ذني هيج مهمات لدرجه تكسرين حجايه وطلعين .....

شنو سويت جريمه .....

مو جريمه بس انتي خوف الله ما عندج . حته طاعه زوجج تستنكفين منها . للعلم اني من كتلج لطلعين ردت اشوفج وبس . انطيها لام سمر جان طلعت لان ذيج مرررره من تصرف تصرف تخلي الله كدام عيونها اقبل لو لا .... بس ع العموم ها هيه وياج صفا . منا وجاي سوي الي تردي واني مالي شغل بيج ....

شمسويه قحط ع هيج شغلات راح تسويها عركه ....

مو قحط لا مو قحط . بس انتي متوالميني واني كلت لابوج مرتي ما اطلكها لو شمهما يصير ....

ما خايف من شي خايف من المهر الغالي ....

هههههههههههههههه والله يا ربي . ولج والله بحصاد واحد اطلع ٣ اضعافهن بس انتي ثوله ومتفتهمين اني اريدج مرتي دوم مو يوم بس انتي اضاهر معاجبج . وبعد ما اجبرج بكيفج . اني منطيج حريه التصرف منا وجاي ...

ما جاوبته ابد ولا حاجيته سديت الموضوع وغلست احسن اليه لان كلش ضايجه ....

.

كعدت الصبح لكيته مموجود لليل انتظرته ماكو . ثاني يوم اجه متأخر كلش . طب للغرفه

. جوعان....

لا متعشي ......

وين متعشي .....

ابيتي .......

حاسبين حسابك ع العشه ....

شكرا جزيلا بت عمي متقصرين ......

طب سبح وكبل نام ع الجربايه ....

اني هم نمت بصفه لا حركه ولا بركه ....

.

ضل ع هذا طبعه وياي وصدك كأنما صرت غريبه عنه . كام يجي بس بلليل كمت احسه كوووه عليه جايني وحته من يجي ينام ع الجهه اليسرى حته ميشوفني . اذا صادفت عدنه طلعه اسأله يكلي بكيفج . اني اصلا مو كلش احب اطلع لان ما احبهم مو كلش متأقلمه وياهم فقليل كلش طلعاتي ومن يجون خطار  يدز خبر بيد بيبتي لحد يخلي صفاء تطلع . فنتخليني بيبتي اطلع ابد ....

.

ضل ع هذا وضعه شهر واني كلش ضايجه . اني مو كلش هيج اريده قريب عليه يعني مو ذيج اللهفه عليه بس مع هذا اضوج من كالب خلقته مدري ليش . تذكرت هلشهر اني فايتتني هوواي . يداده بسلا حامل وانوب تطلع عندي بنيه دخيلك ربي  .

وين احلل شلون وادري بروحي قررت اسكت ومن اروح لاهلي اخذ تحليل وسونر حته اعرف جنس الطفل شنو . ضليت احسب لروحي . اني هسه بلثاني يمكن ستوني طابه بلثاني . يعني من ليله زواجي يمكن بس ما ادري ما متأكده .

.

رجع محسن وصار تقريبا شهر زعلان . نام ع الجربايه . كولت خل البس الاحمر . خل نسوي اغرائات

جان كصير فوك الركبه  ونثرت كفشتي .  كمت احوص هو داير وجهه . شسووووووي شسووووي يربي . يا الهي

اووووي رجلي اااخ رجلي .....

شبيج وجع نصي صوتج اريد انام ....

محسن رجلي توجعني .....

خله المخده ع راسه ونام حته ميسمعني .

رحت يمه ....

محسن فدوه وديني للمستشفى والله رجلي تأذيني ....

شال المخده من راسه وباوعلي رفعلي حاجبه

.

تردين تطلعين هيج وجهج كله مكياج ...

لا امسحه هسه ....

يلا حظري روحج  خل اخذج ....

شو انت شوفها هسه تصير زينه ......

هااااااا خوش . روحي صفاء اريد انام .....

حسوني . محسن .....

ههههه شنو هلواكه .....

غير عندي الك خبر .....

التفت اليه . حامل شنو ...

عااابت شبسرعه عرفت ....

اي بلخير ....

هيج بهلبساطه ....

اي بهلبساطه شنو اول مره تحبلين ....

زين اذا جبت بنيه ....

سهله البنيه نوؤدها وانتي تطلكين .....

شنوووو .....

هههههههه نامي بابا نامي ....

لا اريد اعرف صدك انت تحجي لو تشاقه .....

شوفي صفاء . انتي مرتي والي يجي اييي شي ابني او بتي ما افرط بيكم لو امووووت فلتخلين هاشي ابالج . ابد وشنو الي يجي الحمد لله . عندي امل برب العالمين يرزقني ولد منج من غيرج اي شي .....

شنو من غيري ....

اي غير اذا ما حصلتي ولد ازوج عليج ......

صدك تحجي .....

مثل ما جدي زوجج  اليه . هسه هم يزوجني ....ي

وانت تقبل ....

وانتي ليش مهتمه بهلموضوع يفرقلج تزوجت لو لا ....

طبعا يفرقلي .....

هههههه خليني ساكت احسن روحي صفاء اريد انام ....

.

.

.

* في قانون  المرأه ان وضعتك قلبها رفعتك للسماء وان وضعتك في قلبها لن يحل عليك مساء *

اذا دخل بعقل المره الشيطان  يخلي براسها الغيره

.

توقعاتكم للقادم .

زينب علي ...

اعذروني هوووواي سحكات بلبباؤت وما الحك ادقق والله بسسسرعه اكتب بس اريد انشر

تصبحون ع خير .... احبكم