رواية أبي يعرف كل شي الفصل الثاني عشر 12 - بقلم الحساب مغلق

مشت الايام بتعب تعبت ببعدها تصورو سمعت برنا تزوجت فرحتلها وخابرتها باركتلها مهتميت خابرني عمي بيوم من الايام كلي تعال للبيت رحتله جان واكف براس فرعهم اشرلي تمشيتله
محمد- اسامه هذا المشتمل ديبيعو
اسامه- اي عمي واني شنو ضحكت
محمد- ولك ب٥٦
اسامه- المن خرب اني حديقه
محمد- عمي عدك يمي ٢٢صار واداينك توفيليها على كيفك
- لا عمي صدك جذب ٣٠شيوفيهن
محمد- دتعال شون البيت سيراميك من فوك ليجوه باوه خلرطته الا تخبل
اسامه- صدك يصفن افتر راسي باوعتله يضحكلي اي عمي مافوته بكل ركن اتخيل بس اريج عروس بقيت افتر بي وراها طلعنا ضلينا نسولف نطينا عربون وثاني يوم سدد عمي ورحنا للسجل العقاري سجلنا باسمي بس الموضوع ابد محد يدري بي بس اني وعمو محمد
ثاني يوم جهزته اثاث مستعمل البيت جان توه العماله طالعه منه اشتريت اثاث من الانترنت مستعمل وفرشته بقت بس غرفه النوم والثلاجه  اجرته وره يومين ب٣٠٠ بالشهر تقرب عرس نهى وحتروح من بيتنا وتبدي حياتها يارب اكون ممقصر وياها لا بتربيه ولا دلال ولا تعلوم ديانه امين ربي حضرتلها احلى حنه جهزتها احسن تجهيز باسم حاير ويايه بعد اسبوع نتيجته خايف والله شاهد خايف اكثر منه بس مابينله داءما اكوله انت سويت عليك بعد على رب العباد صارت حنه نهى والصبح جوي بنات عمي وياها شفت اريج مثبوره وياها بالغرفه وضحكها صاعد لفوك يرفرف كلبي من اسمعها لل٣الضهر بدلو اني تعبت من شيله الغراض وهاجت كلاتي والجرح مع العلم باسم ورافد مخلوني اشيل شي بس تصدف  لفات عصير وكذا كعدت على صوت الهلاهل لبست ونزلت توسل رافد اروح ويا للحنه مسويها بقاعه كلي ما عدي اخوه اريدكم ويايه وطلب من عمي محمد يحني لبست القاط الرصاصي الجابه عمي الي ولباسم نيلي وتعطرت وزينت مثل مجانت تزينلي صفنت على خلقتي بالمرايه  ابتسمت نزلت من الدرج وكومه بنات عاطن اووي عيني نصيت راسي
اريج- طالع هيبه ابن عمي والبنات تخبلن عليه كلها تسال منو هذا ابو العيون الرصاصيه منو هذا ابو القاط امه هلهلت باوعتلي نصيت نضري وفتت لغرفه نهى وره شوي طلعت شفت نهى يم المغسله تعدل بمكياجها-- شبيج نهاوي
اوووي لج لتبجين سوده عليه حضنتها -- نهى لزميها لروحج خطيه باجي باعي حبيبتي اهم شي يحبج مراح يقصر وياج رافد واعرفه من يحب احد شون ينطي روحه اهم شي يحبج وانتي اول اهتماماته
اسامه- باوعت لنهى ابتسمت دمعت عيني هي نصت اني رحت للحمام شوي وسمعت صوت  اريج تحاجيها تكولها اهم شي يحبج اه يمه هاهي  بعد انتهت عشرتي وياها مجانت تريد مني غير الحب واني المقصر انجب واسكت بس مراح اايس منها طلعت صارت بوجهي لابسه فستان زيتوني قصير وصلبغه شعرها بقيت صافن عليها نصيت وطلعت ادري هالنضره حرام ادري بيها متريدني اباوعها بس نفسي مااكدر امنعها
اريج- نسيت نفسي صفنت بعيونه  شويه وطلع بسرعه جريت نفس دااتعب هواي  مااعرف شون حتكضى باجر زفه نهى مجيت لان كلها شباب
اسامه- مجتي للزفه رغم هي سبورت بس تضوج من الاختلاط بالشباب انتبهت عليها كم موقف راحت نهى لحياتها الجديده اخذت كلبي وياها وبين كلبي المعصور من فراكها وفراك اريج اتصل باسم يبشرني بنجاحه طلع معدل الميكانيك مثل مراد الحمد لله اماسي نجحت لمعدل يقبلها تربيه. اني تعافيت الحمد لله بس بقيت عالبهريز
اريج هم كمت كل فتره احاول اتصل بيها مترد اتصل من رقم غريب بس اسمع صوتها واسده رجعت داومت بمحل عمي جذددته وطورته عمي بس صافن عليه وفرحان خلاني براحتي اتصرف من هلكد مكعدت شهرين بالبيت كومه مشاريع صارت ببالي اشتريت تورنه وكامو يجون يكبسون بيها واشتريت جلايه للكاشي يطلبوها وينطون عليها فلوس ويرجعوها بعد الاستعمال ارباح المحل تضاعفت عمي يزيدلي نسبه اني مالي دخل بالسالفه بقه للعطله اسبوعين اريج من عرس نهى بعد مشفتها ابد بالصدفه فتحت كنتورها لكيت دخل صغير فتحته كومه فلوس بي اخذته ورحت بيت عمي جنت مشتاقلها خوش حجه دكيت الباب طلعت خاله فاطمه بستها من راسها رفعت نضري شفتها تباوع من شباك الهول سدت البرده
--- خاله فدوه صيحي اريج اريد احاجيها
اريج- دخلت بحجابي هالشهر ضبطته كلش وصلاتي وديانتي حسيت روحي طلعت من الموت --- تفضل اسامه رايد شي
اسامه- ابتسمت يكولون شونك ابن عمي تنهدت هاي مالتج
اريج- اي مالتي نصيت
اسامه- بوكتها موكتلج متاخذين فلوس من ابوج خزرتها
- لتكلب بدفاتر قديمه همست باوعته بعتب اني جنت ماديه دور الزوجه باتم صوره ومغلطت غلطه وحده تنهدت درت الدخل عليه مكتوب الفقراء
بابا لح عليه اخذ خفت ليزعل اخذته المصروف ونطيته للفقره خليت الدخل عالطبله
اسامه- نصيت راسي جريت حسره ردت اشوفج وطلعت حجه بي
اريج- انت ابن عمي وبس كل الهله بيك تنهدت شوكت تتزوج
اسامه- رفعت راسي مستغرب ههه شتزوج يله اريج مع السلامه عمي ينتضر
اريج- اي روح هاف يزعل
- هه باوعتلها فريت بايدي وطلعت من البيت لو مجاي هم احسن صايره هواي تسمم بيه اني هم صوجي
اريج- شكد اكرررهه شكدددد بكد مااحبه اكرهه خابرت
اسامه- رجعت للمحل وراها بليل رجعت للبيت خابرتني نهى
حبيبي اسامه حنروح للشمال سبوع شركات تجون ويانا انت وباسم رافد كال نغير جو مدام امي ماشيه للحله
اسامه- قبلت راسن جنت محتاج لهيج سفره كلت لباسم هم قبل ثاني يوم الصبح رحت لعمي
-
عمي هالاسبوع ماشي لاربيل وي رافد ونهى واخذ باسم هم اذا تقبل داروح احجز
محمد- شون ترحون شركات لو بسياره خاصه
- لا شركه
- لعد احجزلنا وياك اني واماسي  وام اماسي واريج
- اي عمي صار فرحت كلش اسبوع بايامه ولياليه راح اشبع شوف اموت عليها حتى من اتذاهر وياها وحتى من اضوجها وتصير عصبيه ضحكت وي روحي
اريج- كيفت للسفره نفس الوكت شلت هم لان هو ويانه --- بابا اني اروح يم بيبي
محمد- بيبيتج تروح بيت خالج لكربلا
اريج- اهوو هسه هذا اسامه شكو جاي
- بابا شعليج منه كلشي انتهى بيناتكم باوعتلها بمكر يله كومو تحضروباجر طالعين ب٥احنا بالسياره مو تضلون تجرون وتعرون
اريج- حضرنا كلشي النمنمات والملابس ثاني يوم الفجر صعدنا المنشات كعدت شوي واجوي اسامه وباسم ونهى ورافد ومحمود ورند جننا مكيفين كل زوج كاعد سوه
باسم- امااسي وينج
- ها عيني
- تعاي يمي همست ها عمي الله يساعدك ضحكت خجلان
محمد- لك انت بقيت بيها عمي والله انعل ابوك يابو الخلفك
- شنو عمي خطيبتي ههه
-ها دكعد لعد خل تكعد يمك باوعت لفاطمه ابتسمت بحنان ولج هاي بتج تموت عليه اني معليه هسه
- اي محمد تحبه وهو هم يموت عليها مو مثل ذوله البوم
رند ومحمود سوه يبارعلها محمود ممصدك احسه كلسا يباوعلها ويبتسم
محمود- هسه هذا يسمو زواج مو ذاك
-رند- هسه انت اله تغثني
-من حبيتج عرفت روحي مجنت حاب كبل كمت احب روحي من وراح رند بستها من ايدها
رافد- هااا ولك محمود اختي لا يامتستحي بسيطه تبوس ايدها مو
محمود- يالله يالله ذبانه لزكه لك شةو كاعد ورايه انت ولك دافع بيها مهر يسوه راسك اكعد لا اسويلك عمليه جايب المشرط ويايه
رافد- لازعمي كعدنا بعدني عريس اسم الله  عليه باوعت لنهى لزمت ايدها قوي شبكت اصابعها بين اصابعي  --- لعد بس همه احنا هم احبج نهى والله احبج نهى - اموت عليك ابتسمت
اسامه- سمعته من كاللها احبج فرحان بيهم كلش  بس اني كعدت وحدي وكعد بصفي ولد واريج هم وحدها كعد ت بصفها بنيه هي صايره ورايه وكدامي باسم واماسي احركت السياره وشغلو اغاني بدت النمنمات
اريج- ماما جيس الحب من يمج
فاطمه- اريج موزين الله يخليج
- اخو شراح اكل لعد
- هاج تفاحه
- جيبي امري لاالله
اسامه- اسمعها تدردم ورايه ابتسمت وكفت وديت فلاش الاغاني للسايق وعليته ورجعت جنت مخلي اغنيه عادل عكله هي روحي وشضل عدج ولف جان وصار ضدج هالاغنيه هواي اسمعها احسها عليه ردت تسمعها جيت دااكعد باوعتلها باوعتلي ودارت وجهه انداريت على باسم جان ديضرب ببسي نقطه ضعفي جريت القوطيه منه
باسم- لالا باسم ولك موزين لتطلع السفره من عيننا
اسامه- كمع واحد بس حباب جتفني واخذ القوطيه
باسم- لهاطر محمد هاك سفن موزين شنو صفير لتسوي هيج
اسامه- جب لك جيب السفن انتبهت اريج تباوعلي مستغربه
اًريج- ليش موزين عليه بس السفن شعجب هو قبل جان يشربه عادي  اوي شسويله بقيت اسمع الاغنيه انقهرت عليه يمكن رنا عافته تذكرت من لبسني الحلقه يجوز عايفته
اسامه- كمت اتلفت كلسا عساس على موت رافد ونهى لوً على باسم حتى احصل نضره المره الكاعده بصفها متزوجه وعدها ابنها شاب عشريني كلسا جاي على امه عبالك منفطوم واني الوب هو هذا اخر شي ينغسل اني ادري جلده ديحكه وصلنا بعد عناء الطريق صاحب الحمله الشركه نطانا بيت بي اربع غرف من عرف بينا عاءله وحده هيج احسن اكلنا وشوبنا سوه وكعدتنا  وبو شوي استغربت من محمود بس الولد رزن متعده حدوده بنضره عمي محمد تونس ويا كلشوالطاولي والورق كمنا نلعب للصبح والبنات وي خاله سوالف وقشب للصبح يعني اذا متنا راسن لجهنم بلمتنا ههه طلعنا لبيخال كل اثنين سوه بقوارب بقينا وحدنا باوعتلي ودارت وجهه تمشيت شويه بعيد اباوع عالعرسان بقوارب كل اثنين سوه يتسابقون تسلقنا الشلال الشباب كلنا تزحلكت شوي وكعت كلها كمزت فد صوت اسامه رافد وباسم ومحمود
-- شبييكم مابي شي عهه
محمود- ادري طالع اتونس ماريد اشغل ايدي
باسم- اسامه اكعد الله يخليك يروح ينفتح الجرح
اسامه- ياب دروح عوفني روحي كامزه باوعتلها تباوعلي بقلق صعدت المدرجات كعدت يم عمي رجلي تخطت ضلت كلسا تباوع عليها جنت لابس شورت
اريج- شكد غبي رجلي تخطت بالحجر انت مو كدها شكو تفيك درت وجهي عالشلال وراها اخذونا غابات كدامنا اناسي وباسم خو هاي ولا عبالك ابوي وراها وهو ابويه فاصل فيشه كايدها باسم ويتمشون سوه ورافد ونهى ورند ومحمود وماما وبابا واني امشي وحدي وراهم اسامه ورايه
اسامه- كلسا اباوعلها ردت اصير قريب عليها اذا بين عليها قابله امشي كلش قريب بلكن الله ترجع العلاقه
اريج- شفته يقترب مني كل شويه وضام الضحكه اني ابتعدت بس احنا كلمن بديره كلمن بيده حبيب
اسامه- واضح متريدني اقترب طلعنا من الغابه اكو مكان مسابقات قوارب صغيره بالمي كلهم صعدو عمي باوعلها ودار وجهه
-- تصعدين لو

- لا ماريد
- رند- لج اريج تفوتجهل نتسابق ياهو اليغلب تجذفين برجلج
اريج- ميصير وحدي
اسامه- لا جان صعدت اني احاجيها وماباوع عليها
اريج- يله اريد اصعد
اسامه - ابتسمت درت وجهي امشيجنت لابس فانيلاكات يسموها وشورت كابوي  وكاسكيته  كمنا نجذف سريع واني وياها
اريج- يله يله خل نغلبهم
- اي يله ضحكت جذفت كل عقلي وهي هم ويايه خربانه ضحك افرح من اشوف ضحكتها
اريج- غلبناهم كمت اصيح واكمز واضحك والناس تباوعلي عزه بعيني
اسامه- هههه كافي لج فضحتينا يله تعاي طيني ايدج ههههه
اريج- ماه اني انزل
- توكعين جيبي ايدج جريتها ولدمتها ونزلتها تقربت مني صارت قريبه تنهدت مبتسم ابتعدت عني
اريج- كعدنا على مكان اخضر وهمه كامو يلعبون  كليتي كامت تون عليه لان هواي تحركت كامو يلعبون طوبه كره سله واسامه وياهم النسوان كاعدين يسوون لفات  بقيت اباوعلهم الطوبه اجتي يمنا اجه اخذها من يمي يباوع بعيني  ورجع كلسا يتلفت عليه من يشمر الطوبه ترتفع هدومه تبين صرته نسيت نفسي كمت اباوع عليه
على غفله انتبهت اكو خياط يم صفحته نفس مكان عمليتي شنو السالفه عكدت حاجبي اجوي يمنا ياكلون جر الملح ماما سوتله اله لفه مثلي بله ملح
باسم- اسامههه هاها شكو عوفه
اسامه- ولك مينزل باوعت لاريج مركزه سكتت عفتها احس روحي ابد مو بطبيعتي اسولف واضحك تغيرت حيل
باسم- جريت ببسي  خايف اسامه ينتيه بس عليكن يشتمه ببعد كيلو متر باوعني رافع حاجبه اهذت القوطيه  وانهزمت ركض ورايه
اسامه- مجعه وحده بروح ابوك دباوعها بارده خرب
- لك بابا جايبلكم شفن درررروح
اريج- كلهم يضحكون عليهم الا اني انتبهت على سالفه انه مياكل ملح مثلي والببسي ممنوع وشك الصفحه صفنت صرت اعصاب عرفت منو المتبرع هسه كمت كلسا اتذكر سالفه تذكرت من بابا غمزله من طب يلبسني الحلقه
وتذكرت من ماما كالت تبوسين التراب اليمشي عليه اذا تدرين شكد يحبج تذكرت اسبوعين مجاي للمستشفى ميسويها على الاقل يخجل من بابا ويجي  تخبلت نار وشبت بيه رجعنا للبيت كل زوجين فاتوًنامو واماسي وماما طلعو للسوك وبابا هم نام وباسم طلع وي اماسي وامي ضليت الوب بالبيت هو بغرفته سمعته مشغل مانسيتك لعادل عكله انت روحي وياهو يكدر ينسى روحى انت سري شون للعالم ابوجه انت ورده ومن دمع عيني زكيتك يغني ويه الاغنيه بالغرفه احس نار تاكل بيه
دكيت الباب عليه
اسامه- منوو
- طبيت فتح عينه كلها بلع ريك ركض لبس تيشرته جان ملابس بس شورت اندار عليه
سديت الباب ورايه وجهي مزنبر من العصبيه تقربت منه بسرعه رجع عالحايط---
اسامه- شبيج شتردين انلزكت بالحايط تقربت مني  اريج-مديت ايدي رفعت فانيلته
اسامه-شدتسوين عكدت حاجبي مستغرب
- تلمست الجرح برقه غمض عينه ورجه راسه عالحايط
- انت المتبرع مو كلتها بنتره هو جان خدران بلمستي دست مكان العمليه اريد ااذي عبس وجهه
اسامه- آي همست
اريج- ليش محجيت لييييش
اسامه- مردت ترجعين علمود رد جميل ايدج اريج تره دااتاذه
- خزرته البيه كليتك يعني
-هزيت راسي جزء من جسدي بيج ولو جنتي محتاجه كلب هم انطيج
- انت واحد ماعرف شتريد
- جنت هسه اعرف هدفي كلش زين باوعتلها بحنان
اريج- علمود ابويه موو
اسامه- لا والله علمود تنهدت باوعت للسكف حبيتج اريج ليش ماصدكين ليش
-لاخر مره جنت بيها ببيتكم انت جنت تحب رنا شلي غيرررك رنا ويين ؟عافتك
- تزوجت جاوبت ببرود
-وليش مااخذتها انت
-اكتشفت نفسي ماحبهل
- ههههه ضحكتني وره سنتين
-لان عرفت من حبيتج ذاك مو حب
اريج- اكولك انت متعرف تحجي لو شنو
اسامه- تنهدت رجعيلي اريج باوعتها بتوسل
اريج- كطنه وطلعها من اذنج رجعه ماارجع لذاك البيت
اسامه- متردين ترجعين لبيت اهلي اشتريت بيت هزيت واسي
اريج- ممم اشتريت بيت البركه بوالدي
اسامه- جريت حسره صرت اعصاب تقربت منها بعصبيه شوفي لج طيتج مجال هواي اني دااشتغل بمحل عمي عمي مدينطينياها خاوه دينطيني حقي
اريج- والله رفعت حاجبي وهذا ياابوً محل العامل مالته بضرف ٣سنين يشتري بيت
اسامه- يعني شنو قصدج عمي يتصدق علينا موو
اريج- والله شون متحسبها احسبها
اسامه- يعني اني شكد شايف مذله هيج شي محاس بي من وفاة ابويه بس نرجع اعوف الشغل واريد اشوف ياناقص دون وناموس وناقص شرف يرجع لمحل ابوج صرت اعصاب
اريج- شوف رافد مقبل يشتغل وي ابويه لان عصامي وميقبلها على روحه باوعتله باستهزاء فريت بايدي
اسامه- لج بابا اني علمود عمي ماريد اعوفه مكدرت اعوفه جربت ومكدرت
اريج- دروح مشيها على غيري
اسامه- كما ارجف عصبيه  هزيت راسي والقران الكريم الا اعوف المحل. اني واخويه امشي اطلعي بره لزمت كليتي من صحت هاجت عليه عبست وجهي اطلعييييي آخ يابه
اريج- صفنت عليه بقلق ااشرب مي هاك اخذت بطل ونطيته
- اطلعي صيحت بعلو صوتي شمرت البطل
- فزيت من صاح طلعت بره راسن لكيت بابا بوجهي سامع كل كلمه
محمد- ليش هيج بابا ليش اسامه وباسم اذا طلعو من المحل اني اعزل احسن وحدي مااكدر الله منطاني ولد عوضني بيهم ليش تاذيني مو كلتي طلكوني طلكناج شتردين بعد
اريج- بابا اني----عافني وفات للغرفه رجعت لغرفتي ابجي من كل عقلي اذيته لبابا ودمرته لاسامه هلكد حاقده عليه بكلبي سميته سم يربي ليش هيج حجيت ليش نمت وكعدت العصريات سمعت بابا يكول لماما رجع اسامه وحده لبغداد
اسامه- بعد اللي صار مكدرت اكمل السفره اهذت تكسي ورجعت لبيتنا جنت محتاج اصفي ذهني تعب من مذلتها ابويه وابويه عبالك دااخذها بدون تعب والله حلكي دينشك بالتعب طلعت من البيت ادور شغل اول يومين اشتغلت عماله وراها لكيت شغله فيترجي هي دراستي عليهاينطيني باليوم ٢٠ ومشتري راحه بالي اتصل بيه باسم كتله مالك دخل ابقى تونس وره اسبوع رجعو خليت باسم يبطل من عمي ويشتغل فيتر ويايه ابدعت بعملي والعالم عرفوني يجوني بالاسم امي ضلت تقنعني ارجع لعمي واني ارفض بعد هاهي ربانا وتعب ويانا كافي صرنا زلم
اريج- من رجع بابا بعد مباوع بوجهي ولا تونست كملت السفره بابا بده يتمرض ومكدر يلزم المحل
فاطمه- محمد روح قنعهم يرجعون
محمد- اسامه يابه ارجع ومقامك محفوض معلينا شحجي النسوان
اسامه- نصيت راسي اسف عمي تعبت من الحجي
- هيج تعوفني
- لا عمي ماعوفك اي شي تريده اني حاضر اسوي بعيني بس فلس مااخذ
محمد- تنهدت باوعت لباسم مبين قافل نفسذالحاله طلعت مكسور منهم رجعت للبيت صعد الضغط عدي وتخربطت اسبوع مريض المحلات معزله